JKW-KABUM-08-NYA-008

Previous Section Back to Volume PageNext Section

ཚེམ་བུ་ལུགས་ཀྱི་ས་བཅད།

Wylie title	tshem bu lugs kyi sa bcad
Location	mkhyen brtse'i bka' 'bum Volume 8, sde tshan 8, Pages 137-151 (Folios 1a to 8a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ཚེམ་བུ་པ་ (Kantalipa)
Citation	'jam dbyangs mkhyen brtse'i dbang po. tshem bu lugs kyi sa bcad. In 'jam dbyangs mkhyen brtse'i dbang po'i bka' 'bum, Vol. 8: 137-151. Khams sde dge rdzong sar dgon: Rdzong sar blo gros phun tshogs, 2020.
Genre	Outlines - sa bcad
Cycle	ཐུགས་ཆེན་དམར་ཁྲིད་ཚེམ་བུ་ལུགས་ (thugs chen dmar khrid tshem bu lugs)
Deity	thugs rje chen po
Colophon	།ཞེས་པའང་དགེ་སློང་དྷརྨ་བྷ་དྲའི་ཆེད་དུ་མཉྫུ་གྷོ་ཥས་བྲིས་པའོ།། །།དགེ་ལེགས་འཕེལ་ལོ།།
	zhes pa'ang dge slong d+harma b+ha dra'i ched du many+dzu g+ho Shas bris pa'o//__//dge legs 'phel lo

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ཐུགས་རྗེ་ཆེན་པོའི་དམར་ཁྲིད་ཚེམ་བུ་ལུགས་ཀྱི་ས་བཅད་བཞུགས་སོ།།

།།ན་མོ་གུ་རུ་བྷྱཿ ཐུགས་རྗེ་ཆེན་པོའི་དམར་ཁྲིད་ཚེམ་བུ་ལུགས་ཀྱི་ས་བཅད་ལ། ཡིད་ཆེས་ཤིང་ཁུངས་བཙུན་པར་བྱེད་པའི་ལོ་རྒྱུས་དང་། །ལོ་རྒྱུས་དེ་ལྡན་གྱི་གདམས་པ་དངོས་གཉིས། དང་པོ་ལ། བཤད་བྱ་ཆོས་ཀྱི་ལོ་རྒྱུས་དང་། བླ་མ་བརྒྱུད་པའི་ལོ་རྒྱུས་གཉིས། གཉིས་པ་གདམས་པ་དངོས་ལ། གང་འཁྲིད་པར་བྱ་བའི་གཞི་ངོས་བཟུང་བ་སེམས་ཉིད་འོད་གསལ་བའི་ཡེ་ཤེས། གང་གིས་འཁྲིད་པར་བྱེད་པའི་ལམ་བསྐྱེད་རྫོགས་ཡན་ལག་དང་བཅས་པ་བསྟན་པ། ལམ་དེ་ཉམས་སུ་བླངས་པའི་གནས་སྐབས་དང་མཐར་ཐུག་འབྲས་བུ་དང་གསུམ་ལས། ས་བཅད་གཉིས་པ་གང་གིས་འཁྲིད་པར་བྱེད་པའི་ལམ་བསྟན་པ་ལའང་གསུམ་སྟེ། སྔོན་འགྲོ། དངོས་གཞི། རྗེས་དང་གསུམ། སྔོན་འགྲོ་ལ་ཐུན་མོང་གི་སྔོན་འགྲོ་དང་། ཐུན་མོང་མ་ཡིན་པའི་སྔོན་འགྲོ་གཉིས། ཐུན་མོང་གི་སྔོན་འགྲོ་ལ། དལ་འབྱོར་རྙེད་དཀའ། འཆི་བ་མི་རྟག་པ། ལས་རྒྱུ་འབྲས། འཁོར་བའི་ཉེས་དམིགས་བསམ་པ་སྟེ་བཞི་ལས། དང་པོ་དལ་འབྱོར་རྙེད་དཀའ་བསམ་པ་ལའང་། རྙེད་པར་དཀའ་བ་བསམ་པ་དང་། ཕན་འདོགས་ཆེ་བར་བསམ་པ་གཉིས། དང་པོ་ལའང་རྒྱུ་ཡི་སྒོ་ནས་རྙེད་པར་དཀའ་བ། གྲངས་ཀྱི་སྒོ་ནས་རྙེད་པར་དཀའ་བ། དཔེའི་སྒོ་ནས་རྙེད་པར་དཀའ་བ། ངོ་བོའི་སྒོ་ནས་རྙེད་པར་དཀའ་བ་བསམ་པའོ། །ངོ་བོའི་སྒོ་ནས་རྙེད་པར་དཀའ་བ་བསམ་པ་ལའང་། དལ་བ་བརྒྱད། འབྱོར་པ་བཅུ་སྟེ། དང་པོ་ནི། ཆོས་བྱེད་པ་ལ་མི་ཁོམ་པའི་གནས་བརྒྱད་དང་བྲལ་བ་སྟེ། མི་ཁོམ་པ་བརྒྱད་ནི། དམྱལ་བ་ཡི་དྭགས་བྱོལ་༣སོང་དང་། ཚེ་རིང་༤ལྷ་དང་ཀླ་ཀློ་༥དང་། ལོག་༦ལྟ་སངས་རྒྱས་ཀྱིས་༧སྟོངས་པ། ལྐུགས་༨པ་འདི་དག་མི་ཁོམས་བརྒྱད། །ཅེས་སོ། །འབྱོར་བ་བཅུ་ལས། རང་འབྱོར་ལྔ་ནི། མིར་༡སྐྱེས་ཡུལ་གྱི་དབུས་༢སུ་སྐྱེས། དབང་པོ་ཚང་༣ཞིང་གནས་ལ་༤དད། །དེ་བཞིན་ལས་མཐའ་༥མ་ལོག་པ། །ཞེས་དང་། གཞན་འབྱོར་ལྔ་ནི། སངས་རྒྱས་༡བྱོན་དང་དེས་ཆོས་༢གསུངས། །བསྟན་པ་གནས་༣དང་དེ་རྗེས་༤འབྲངས། །གཞན་ཕྱིར་སྙིང་ནི་བརྩེ་༥བའོ། །ཞེས་སོ། །གཉིས་པ་ཕན་འདོགས་ཆེ་བར་བསམ་པ་ལ། །གནས་སྐབས་འདི་ཕྱིའི་བདེ་བ་ཐོབ་པའི་ཕན་ཡོན། །ཐེག་པ་འོག་མའི་མྱང་འདས་ཐོབ་པའི་ཕན་ཡོན། །མཐར་ཐུག་བླ་ན་མེད་པའི་བྱང་ཆུབ་ཐོབ་པའི་ཕན་ཡོན་ནོ། །དོན་གཉིས་པ་འཆི་བ་མི་རྟག་པ་བསམ་པ་ལ། ངེས་པར་འཆི་བར་བསམ་པ། ནམ་འཆི་ཆ་མེད་བསམ་པ། འཆི་བའི་ཚེ་ཆོས་མ་གཏོག་པ་གང་གིས་ཀྱང་མི་ཕན་པར་བསམ་པའོ།། །། དང་པོ་ལའང་གསུམ་སྟེ། སྐྱེ་ནས་བསྡད་དབང་མེད་པས་ངེས་པར་འཆི་བ། །ལུས་ལ་སྙིང་པོ་མེད་པས་ངེས་པར་འཆི་བ། །ཚེ་ལ་རྟག་པ་མེད་པས་ངེས་པར་འཆི་བར་བསམ་པའོ།། །། གཉིས་པ་ལའང་གསུམ་སྟེ། ཚེ་ཚད་མེད་པས། འཆི་རྐྱེན་མང་བས། གསོན་རྐྱེན་ཉུང་བས་ནམ་འཆི་ངེས་མེད་བསམ་པའོ།། །། གསུམ་པ་ལའང་གསུམ་སྟེ། འཆི་བའི་ཚེ་ཟས་དང་ནོར་གྱིས་མི་ཕན་པ། གཉེན་དང་འཁོར་གྱིས་མི་ཕན་པ། ཁ་དྲག་སྟོབས་ཤུགས་ཀྱིས་མི་ཕན་པར་བསམ་པའོ།། །། དོན་གསུམ་པ་ལས་རྒྱུ་འབྲས་བསམ་པ་ལ། །མི་དགེ་བའི་ལས་བསམ་ལ་སྤོང་འདོད་བསྐྱེད་པ། །དགེ་བའི་ལས་བསམས་ལ་བསྒྲུབས་འདོད་བསྐྱེད་པ། ལུང་མ་བསྟན་གྱི་ལས་བསམ་ལ་དགེ་བར་བསྒྱུར་བའོ། །དང་པོ་ལ་གསུམ་སྟེ། མི་དགེ་བའི་ལས་བསམ། དེའི་འབྲས་བུ་བསམ། དེ་སྤོང་བར་བསམ་པའོ། །མི་དགེ་བའི་ལས་བསམ་པ་ལའང་བཅུ་སྟེ། ལུས་ཀྱི་ལས་གསུམ། ངག་གི་བཞི་ཡིད་ཀྱི་གསུམ་མོ། །གཉིས་པ་འབྲས་བུ་བསམ་པ་ལ་གསུམ་སྟེ། རྣམ་སྨིན་གྱི་འབྲས་བུ། རྒྱུ་མཐུན་གྱི་འབྲས་བུ། བདག་པོའི་འབྲས་བུའོ། །རྣམ་སྨིན་གྱི་འབྲས་བུ་ནི་ངན་སོང་གསུམ་མོ། །རྒྱུ་མཐུན་གྱི་འབྲས་བུ་ལའང་གཉིས་ཏེ། མྱོང་བ་རྒྱུ་མཐུན་དང་། བྱེད་པ་རྒྱུ་མཐུན་ནོ། །མྱོང་བ་རྒྱུ་མཐུན་ལ། ཚེ་ཐུང་༡ལོངས་སྤྱོད་ཕོངས་༢པ་དང་། །ཁྱིམ་ཐབས་༣དགྲར་བཅས་བསྐུར་༤པ་མང་། །བཤེས་༥དང་བྱེ་ཞིང་མི་སྙན་༦ཐོས། །ཚིག་མི་བཙུན་༧དང་རེ་བ་༨འཇོམས། །འཇིགས་༩དང་བཅས་ཤིང་ལྟ་ངན་༡༠སྐྱེ། །ཞེས་པ་སྟེ། སྲོག་གཅོད་པ་སོགས་ལ་རིམ་བཞིན་སྦྱར་རོ། །བདག་པོའི་འབྲས་བུ་ལ། ས་ཕྱོགས་གཟི་ཆུང་༡སེར་ཆར་༢མང་། །རྡུལ་འཁྲིག་༣དྲི་ང་༤མཐོ་དམན་༥ཅན། །ཆ་སྒོ་༦ཅན་སོགས་དུས་ལོག་༧དང་། །འབྲས་བུ་ཕྲ་ཁ༧ ༩ཆུང་༡༠ངུའང་མེད། །ཅེས་པ་སྟེ་རིམ་བཞིན་སྦྱར་རོ། །གཉིས་པ་དགེ་བའི་ལས་བསམ་པ་ལའང་གསུམ་སྟེ། དགེ་བའི་ལས་བསམ་པ། དེའི་འབྲས་བུ་བསམ་པ། དེ་བསྒྲུབ་པར་བསམ་པའོ། །དང་པོ་ལའང་། མི་དགེ་བའི་ལྡོག་ཕྱོགས་སུ་གྱུར་པའི་དགེ་བ་བཅུའོ། །གཉིས་པ་ལའང་། རྣམ་སྨིན་གྱི་འབྲས་བུ་སོགས་གསུམ་སྟེ། རྣམ་སྨིན་གྱི་འབྲས་བུ་ནི་མཐོ་རིས་གསུམ་དང་། མྱོང་བ་རྒྱུ་མཐུན་སོགས་མི་དགེ་བའི་འབྲས་བུ་ལས་ལྡོག་ནས་འབྱུང་བའོ། །གསུམ་པ་ལུང་མ་བསྟན་གྱི་ལས་བསམ་པ་ལའང་གསུམ་སྟེ། ལུང་མ་བསྟན་གྱི་ལས་བསམ་པ། དེའི་འབྲས་བུ་མེད་པར་བསམ་པ། དེ་དགེ་བར་བསྒྱུར་བར་བསམ་པའོ། །དོན་བཞི་པ་འཁོར་བའི་ཉེས་དམིགས་བསམ་པ་ལའང་གཉིས་སྟེ། འཁོར་བ་སྤྱིའི་ཉེས་དམིགས་བསམ་པ་དང་། བྱེ་བྲག་གི་ཉེས་དམིགས་བསམ་པའོ། །བྱེ་བྲག་གི་ཉེས་དམིགས་བསམ་པ་ལའང་གསུམ་སྟེ། སྡུག་བསྔལ་གྱི་སྡུག་བསྔལ། འགྱུར་བའི་སྡུག་བསྔལ། ཁྱབ་པ་འདུ་བྱེད་ཀྱི་སྡུག་བསྔལ་བསམ་པའོ། །དང་པོ་ལའང་གསུམ་སྟེ། དམྱལ་བའི། ཡི་དྭགས་ཀྱི། དུད་འགྲོའི་སྡུག་བསྔལ་བསམ་པའོ། །དམྱལ་བ་ལའང་ཆུ་༡བུར་ཆུ་བུར་བརྡོལ་༢བར་དང་། །ཨ་༣ཆུ་ཀྱི་ཧུད་༤སོ་ཐཾ་དང་༥། །ཨུཏྤལ་༦པདྨ་༧པད་ཆེར་གས་༨། །ཞེས་གྲང་དམྱལ་བརྒྱད་དང་། །ཡང་སོས་༡ཐིག་ནག་༢བསྡུས་འཇོམས་༣དང་། །ངུ་༤འབོད་ངུ་འབོད་༥ཆེན་པོ་དང་། །ཚ་༦བ་རབ་ཚ་༧མནར་༨མེད་བརྒྱད། །ཅེས་ཚ་དམྱལ་བརྒྱད་དང་། མེ་༡མུར་རོ་མྱག་༢སྤུ་གྲིའི་ལམ་༣། །རལ་གྲི་༤ཤ་མ་ལི་༥དང་༦ཆུ། །ཞེས་ཉེ་འཁོར་བ་དྲུག་དང་། །ཟངས་མོ་ཆེར་འཚོད་ཐོ་ལུམ་ཟ། །ཁྲོ་ཆུ་འཐུང་དང་ལྕེར་རྨོས་རྨོད། །ལྷེབ་མར་འདྲིལ་དང་འཁྱུར་མོས་བསྡོམས། །ལྕགས་བསྲེགས་བྱེ་མར་རྔོད་སོགས་སོ། །ཞེས་པས་མཚོན་ཉི་ཚེའི་དམྱལ་བ་རིགས་བསམ་གྱིས་མི་ཁྱབ་པའོ། །ཡི་དྭགས་ལའང་། བྱིངས་གནས་དང་། ཁ་འཐོར་བ་གཉིས། བྱིངས་གནས་ལའང་། ཕྱིའི་སྒྲིབ་པ་ཅན། ནང་གི་སྒྲིབ་པ་ཅན། སྒྲིབ་པ་ཅན་གྱི་སྒྲིབ་པ་ཅན་ནོ། །དུད་འགྲོ་ལའང་། བྱིང་གནས་དང་། ཁ་འཐོར་བ་གཉིས་སོ། །གཉིས་པ་འགྱུར་པའི་སྡུག་བསྔལ་བསམ་པ་ལ། མི་དང་། ལྷ་མ་ཡིན་དང་། ཁམས་འོག་མའི་ལྷ་རྣམས་ཀྱི་སྡུག་བསྔལ་བསམ་པའོ། །གསུམ་པ་ཁྱབ་པ་འདུ་བྱེད་ཀྱི་སྡུག་བསྔལ་བསམ་པ་ནི། ཁམས་གོང་མའི་ལྷ་རྣམས་ཀྱི་སྡུག་བསྔལ་བསམ་པའོ། །གཉིས་པ་ཐུན་མོང་མ་ཡིན་པའི་སྔོན་འགྲོ་ལ། །ལམ་ལོག་པ་མུ་སྟེགས་བྱེད་ལས་ཁྱད་པར་བྱ་བ་སྐྱབས་འགྲོ། །དམན་པ་ཉན་རང་ལས་ཁྱད་པར་དུ་བྱ་བ་སེམས་བསྐྱེད། །འགལ་རྐྱེན་སྡིག་སྒྲིབ་སྦྱོང་བར་བྱེད་པ་རྡོ་རྗེ་སེམས་དཔའི་བསྒོམ་བཟླས། །མཐུན་རྐྱེན་ཚོགས་རྫོགས་ཅིང་བྱིན་རླབས་མྱུར་དུ་འཇུག་པར་བྱེད་པ་བླ་མའི་རྣལ་འབྱོར་དང་། བཞི་ལས། དང་པོ་ལའང་གང་གིས་སྐྱབས་སུ་འགྲོ་བའི་རྒྱུ། །གང་ལ་སྐྱབས་སུ་འགྲོ་བའི་ཡུལ། །ཇི་ལྟར་སྐྱབས་སུ་འགྲོ་བའི་ཚུལ། །དེ་ལྟར་སྐྱབས་སུ་སོང་བའི་ཕན་ཡོན། །ཕན་ཡོན་དེ་ལྡན་གྱི་བསླབ་བྱ་སྟེ། །རྒྱུ་༡ཡུལ་༢ཚུལ་དང་༣ཕན་ཡོན་༤དང་། །བསླབ་བྱ་རྣམ་པ་ལྔ་ཡིས་བསྡུས། །ཞེས་སོ། །དེ་ལ་རྒྱུ་ནི་འཇིག་པ། དད་པ། སྙིང་རྗེ་གསུམ་མོ། །དད་པ་ལའང་། དྭངས་འདོད་ཡིད་ཆེས་གསུམ་མོ། །ཡུལ་ནི། བླ་མ་དང་དཀོན་མཆོག་གསུམ་མོ། །ཚུལ་ནི། བླ་མ་ལ་འདྲེན་པ། སངས་རྒྱས་ལ་སྟོན་པ། ཆོས་ལ་ལམ། དགེ་འདུན་ལ་ལམ་སྒྲུབ་པའི་ཟླ་གྲོགས་ཀྱི་ཚུལ་དུ་བྱང་ཆུབ་མ་ཐོབ་བར་སྐྱབས་སུ་འགྲོ་བའོ། །ཕན་ཡོན་ནི། གནས་སྐབས་དང་། མཐར་ཐུག་གོ །བསླབ་བྱ་ལ། སྤང་བྱ་གསུམ། །བསླབ་བྱ་གསུམ། ཆ་མཐུན་དང་བཅས་པའོ། །གཉིས་པ་སེམས་བསྐྱེད་ལ་གསུམ་སྟེ། །གཞན་ལ་ཕན་པར་འདོད་པའི་བྱམས་པ་བསྒོམ་པ། །གཞན་གྱི་སྡུག་བསྔལ་བསལ་འདོད་སྙིང་རྗེ་བསྒོམ་པ། །གཞན་ཕྱིར་སངས་རྒྱས་འདོད་པའི་བྱང་སེམས་བསྒོམ་པའོ། །བྱམས་པ་བསྒོམ་པ་ལའང་། །དང་པོར་སྐྱེ་སླ་བ་མ་དང་། །བར་དུ་སྐྱེ་བར་དཀའ་བ་དགྲ་དང་། །ཐ་མར་སེམས་ཅན་ཀུན་ལ་བྱམས་པ་བསྒོམ་པའོ། །དེ་རེ་རེ་ལའང་། མར་ཤེས་པ་དང་། དྲིན་དྲན་པ། དྲིན་ལན་དུ་བྱམས་པ་བསྒོམ་པའོ། །བྱམས་པ་བསྒོམ་པ་དངོས་ལའང་། འདུན་པ། སེམས་བསྐྱེད། སྨོན་ལམ། གསོལ་འདེབས་དང་འབྲེལ་བ་བཞིའོ། །སྙིང་རྗེ་བསྒོམ་པ་ལའང་ས་བཅད་སྔར་བཞིན་སྦྱར་རོ། །བྱང་ཆུབ་ཀྱི་སེམས་བསྒོམ་པ་ལའང་། ཀུན་རྫོབ་དང་། དོན་དམ་གྱི་བྱང་སེམས་བསྒོམ་པ་གཉིས། ཀུན་རྫོབ་བྱང་སེམས་བསྒོམ་པ་ལ། སྨོན་པ་དང་འཇུག་པའི་བྱང་སེམས་གཉིས། འཇུག་པ་བྱང་སེམས་ལ། བདག་གཞན་མཉམ་པ་བསྒོམ་པ། བརྗེ་བ་བསྒོམ་པ། དེ་དག་གི་སྤྱོད་པ་ལ་བསླབ་པ་སྟེ་གསུམ། དེ་དག་གི་སྤྱོད་པ་ལ་བསླབ་པ་ལའང་གསུམ་སྟེ། རྒྱལ་སྲས་ཀྱི་སྤྱོད་པ་སྤྱི་ལ་བསླབ་པ། རང་སྨིན་བྱེད་ཕར་ཕྱིན་དྲུག་དང་། གཞན་སྨིན་བྱེད་བསྡུ་དངོས་བཞི་ལ་བསླབ་པའོ། །དོན་དམ་བྱང་སེམས་བསྒོམ་པ་ལའང་གསུམ་སྟེ། ཞི་གནས་དང་། ལྷག་མཐོང་དང་། ཟུང་འཇུག་ཏུ་བསྒོམ་པའོ། །འདི་ཡན་གྱི་རྣམ་བཞག་རྒྱས་པ་ནི་སྣང་གསུམ་མཛེས་རྒྱན་སོགས་ལས་ཤེས་པར་བྱའོ། །གསུམ་པ་རྡོ་རྗེ་སེམས་དཔའི་བསྒོམ་བཟླས་ལ་གསུམ་སྟེ། ལྷ་བསྒོམ་པ། སྔགས་བཟླ་བ། བཤགས་སྡོམ་བྱ་བའོ། །དེ་ཡང་སྤྱིར་བཤགས་པ་ལ་སྟོབས་བཞི་སྟེ། རྟེན་གྱི་སྟོབས་རྡོར་སེམས་ཡབ་ཡུམ། རྣམ་པར་འགྱོད་སེམས་སུན་འབྱིན་པའི་སྟོབས། གཉེན་པོ་ཀུན་ཏུ་སྤྱོད་པའི་སྡོམ་སེམས་སྟོབས། ཉེས་པ་སོར་ཆུད་དག་ངེས་སྙམ་པ་པའི་སྟོབས་སོ། །བཞི་པ་བླ་མའི་རྣལ་འབྱོར་མཎྜལ་དང་བཅས་པ་ལ་གཉིས་ཏེ། བླ་མའི་རྣལ་འབྱོར་བསྒོམ་དགོས་པའི་རྒྱུ་མཚན་དང་། ཇི་ལྟར་བསྒོམ་པའི་ཚུལ་ལོ། །ཇི་ལྟར་བསྒོམ་པའི་ཚུལ་ལའང་། སྤྱིར་ཁྲོམ་ཚོགས་སུ་བསྒོམ་པ། ཐོ་བརྩེགས་སུ་བསྒོམ་པ། ཀུན་འདུས་ནོར་བུ་ལུགས་སུ་བསྒོམ་པ་སྟེ་གསུམ་ལས། འདིར་ཀུན་འདུས་ནོར་བུ་ལུགས་སུ་བསྒོམ་པ་ལའང་བཞི་སྟེ། སྦྱོར་བ་ཚོགས་ཞིང་གསལ་བཏབ་པ། དངོས་གཞི་ཚོགས་རྫོགས་པའི་ཕྱིར་མཎྜལ་འབུལ་བ། བྱིན་རླབས་འཇུག་པའི་ཕྱིར་གསོལ་བ་གདབ་པ། རྗེས་དབང་བླངས་ཤིང་དེ་ཁོ་ན་ཉིད་ལ་མཉམ་པར་གཞག་པའོ། །སྤྱི་དོན་གཉིས་པ་དངོས་གཞི་ལ་གཉིས་ཏེ། མཉམ་པར་གཞག་པའི་རྣལ་འབྱོར་དང་། མཉམ་གཞག་ལས་ལངས་པའི་རྣལ་འབྱོར་རོ། །དང་པོ་ལའང་གསུམ་སྟེ། རྟེན་བསྐྱེད་པའི་རིམ་པ་དང་། བརྟེན་པ་རྫོགས་པའི་རིམ་པ་ལམ་གྱི་ཡན་ལག་འཕོ་བའི་རྣལ་འབྱོར་རོ། །དང་པོ་རྟེན་བསྐྱེད་པའི་རིམ་པ་ལ་གཉིས་ཏེ། །བྱ་བ་ཅན་གྱི་བསྐྱེད་རིམ་དང་། །བྱེད་པ་ཅན་གྱི་བསྐྱེད་རིམ་མོ། །དང་པོ་བྱ་བ་ཅན་གྱི་བསྐྱེད་རིམ་ལའང་བསྙེན་སྒྲུབ་ཡན་ལག་གཞི་སྟེ། དམ་ཚིག་པ་བསྐྱེད་པ་བསྙེན་པའི་ཡན་ལག །སྐུ་གསུང་ཐུགས་བྱིན་གྱིས་བརླབས་པ་ཉེ་བར་སྒྲུབ་པའི་ཡན་ལག །ཡེ་ཤེས་པ་སྤྱན་དྲངས་ཤིང་བསྟིམ་པ་བསྒྲུབ་པའི་ཡན་ལག །དབང་བསྐུར་ཞིང་རིགས་ཀྱི་བདག་པོས་རྒྱས་འདེབས་པ་སྒྲུབ་པ་ཆེན་པོའི་ཡན་ལག་གོ །དམ་ཚིག་པ་བསྐྱེད་པ་བསྙེན་པའི་ཡན་ལག་ལའང་གསུམ་སྟེ། རྒྱས་པར་མངོན་བྱང་ལྔ་སྟོང་བ་ཉིད་ལ་བསྐྱེད། བདག་པད་ཟླ་ལ། གསུང་ཡིག་འབྲུ་ལ། ཐུགས་ཕྱག་མཚན་ལ། སྐུ་ཡོངས་རྫོགས་ལ། བྱང་ཆུབ་པའོ། །མཆན། འབྲིང་ས་བོན་སྤྲོ་བསྡུ་ལས་བསྐྱེད་པ། བསྡུས་པ་སྐད་ཅིག་དྲན་རྫོགས་སུ་བསྐྱེད་པའོ། །གཉིས་པ་བྱེད་པ་ཅན་གྱི་བསྐྱེད་རིམ་ནི་སེམས་འཛིན་གྱི་རིམ་པ་སྟེ། དེ་ལའང་། ང་རྒྱལ་ལ་སེམས་འཛིན་པ་དང་། །རྣམ་པ་ལ་སེམས་འཛིན་པ་གཉིས། །རྣམ་པ་ལ་སེམས་འཛིན་པ་ལའང་། །རྣམ་པ་སྤྱི་ལ་སེམས་འཛིན་པ་དང་། །བྱེ་བྲག་ལ་སེམས་འཛིན་པ་གཉིས། །བྱེ་བྲག་ལ་སེམས་འཛིན་པ་ལའང་། །རྒྱན་མེད་སེམས་འཛིན་པ་དང་། རྒྱན་ཅན་ལ་སེམས་འཛིན་པ་གཉིས་སོ། །ཞར་བྱུང་བཟླས་པའི་རྣལ་འབྱོར་ལ་གསུམ་སྟེ། སྔགས་ཕྲེང་གསལ་གདབ་པ་འོད་ཟེར་སྤྲོ་བསྡུ་ལ་བསླབ་པ། གྲགས་སྟོང་དབྱེར་མེད་ཀྱི་ངང་ནས་བཟླས་པ་བྱའོ། །གཉིས་པ་བརྟེན་པ་རྫོགས་པའི་རིམ་པ་ལ་གཉིས་ཏེ། །སྔོན་འགྲོ་མཚན་བཅས་ཀྱི་རྫོགས་རིམ་དང་། །དངོས་གཞི་མཚན་མེད་ཀྱི་རྫོགས་རིམ་མོ། །དང་པོ་ལའང་གཉིས་ཏེ། སྔོན་འགྲོ་དང་། དངོས་གཞིའོ། །དང་པོ་ལའང་ལུས་ཀྱི་གནད་ཆོས་བདུན་འཆིང་བ་དང་། དམིགས་པའི་གནད་སྟོང་པར་གསལ་བའོ། །དངོས་གཞི་ནི་འབྲུ་གསུམ་རྡོ་རྗེའི་བཟླས་པ་སྟེ། །དེ་ལའང་རགས་པ་ཡིག་འབྲུ་ལ་བསླབ་པ། །ཕྲ་བ་ཁ་དོག་ལ་བསླབ་པ། །ཤིན་ཏུ་ཕྲ་བ་སྒྲ་ལ་བསླབ་པའོ། །གཉིས་པ་མཚན་མེད་ཀྱི་རྫོགས་རིམ་ཕྱག་རྒྱ་ཆེན་པོའི་ཡེ་ཤེས་ལ་བསླབ་པ་ལ་བཞི་སྟེ། ལུས་ཀྱི་གནད་འཆིང་བ། སེམས་ཀྱི་གཞག་ཐབས་བསྟན་པ། དེ་ལས་སྐྱེས་པའི་ཉམས་ངོས་བཟུང་བ། རྗེས་ངོ་སྤྲོད་ཀྱིས་ངེས་ཤེས་བསྐྱེད་པའོ། །དང་པོ་ནི། ལུས་གནད་རྣམ་སྣང་ཆོས་བདུན་ནོ། །གཉིས་པ་གཞག་ཐབས་ལ་གསུམ་སྟེ། །དང་པོ་སྒྲིམ་པ་ལ་མཁས་པ་རལ་སྐོར་མཁན་གཡུལ་དུ་ཞུགས་པ་ལྟ་བུ། །བར་དུ་ཀློད་པ་ལ་མཁས་པ་གླང་རྫི་མཁས་པས་གླང་པོ་ཆེ་སྐྱོང་བ་ལྟ་བུ། །ཐ་མ་གཏོང་བ་ལ་མཁས་པ་རྫིང་ཐོག་ལ་བྱ་འཕུར་བའི་དཔེ་ལ་བསླབ་པའོ། །གསུམ་པ་ཉམས་ངོས་བཟུང་བ་ལ་ལྔ་སྟེ། །ཉམས་དང་པོ་རི་གཟར་གྱི་འབབས་ཆུ་གཡོ་བ་ལྟ་བུ། །གཉིས་པ་རོང་ཐོབ་པ་ཁུང་དོག་མོའི་ཆུ་ལྟ་བུ། །གསུམ་པ་ལུང་པ་ཕུ་གོམས་པ་གསུམ་གྱི་ཆུ་ལྟ་བུ། །བཞི་པ་མཚོ་རླབས་བརྟན་པ་དང་བཅས་པ་ལྟ་བུ། །ལྔ་པ་མཚོ་མཐར་ཕྱིན་པ་རླབས་ཀྱིས་མ་བསྐྱོད་པ་ལྟ་བུའོ། །བཞི་པ་ངོ་སྤྲོད་པའི་ཚུལ་ལ་བཞི་སྟེ། །གཞི་མ་བཅོས་གཉུག་མའི་ལྟ་བ། ལམ་སྤྲོ་བསྡུ་མེད་པ་ཞི་ལྷག་ཟུང་འཇུག་གི་བསྒོམ་པ། ཀློད་པ་རང་གྲོལ་གྱི་བསམ་གཏན་མ་ཡེངས་པ། །དུས་གསུམ་སངས་རྒྱས་ཐམས་ཅད་ཀྱི་ལམ་སྟེ། །ལྟ་བསྒོམ་སྤྱོད་འབྲས་བཞིས་བསྡུས་པའོ། །གསུམ་པ་ལམ་གྱི་ཡན་ལག་འཕོ་བ་ལ་གཉིས་ཏེ། འཕོ་བའི་རྣལ་འབྱོར་དངོས་དང་། །མ་ཐེབ་ན་བར་དོ་ལམ་དུ་ཁྱེར་བའི་ཚུལ་ལོ། །དང་པོ་ལ་གཉིས་ཏེ་སྦྱང་བ་དང་། །ལས་ལ་སྦྱར་བའོ། །དང་པོ་སྦྱང་བ་ལའང་གཉིས་ཏེ། སྦྱོང་བ་དངོས་དང་། མ་གྲུབ་ན་སྤོག་པའི་དམིགས་པའོ། །དང་པོ་ལའང་བཞི་སྟེ། གང་ནས་འཕོ་བའི་ལམ་རྩྭ་གསལ་གདབ་པ། །གང་དུ་འཕོ་བའི་ཡུལ་གསལ་གདབ་པ། བླ་མ། གང་འཕོ་བའི་རླུང་སེམས་ཀྱི་ཐིག་ལེ་གསལ་གདབ་པ། །ཇི་ལྟར་འཕོ་བའི་དམིགས་པའི་སྦྱོར་དངོས་རྗེས་གསུམ་རྟེན་གོམས་པ་ལ་བསླབ་པའོ། །དེ་ལའང་འདུ་ཤེས་གསུམ་སྟེ། རྩ་དབུ་མ་ལམ་གྱི་འདུ་ཤེས། །རང་ཉིད་ལམ་དེར་འགྲོ་བའི་འདུ་ཤེས། །བླ་མའི་ཐུགས་དཀར་འཕོ་བའི་འདུ་ཤེས་སོ། །གཉིས་པ་ལས་ལ་སྦྱར་བ་ལ་གཉིས་ཏེ། །འཆི་བ་རིམ་གྱིས་པ་ལ་རིམ་གྱིས་དང་། །གཅིག་ཅར་བ་ལ་བཙན་ཐབས་སུ་ལས་ལ་སྦྱར་བའོ། །དང་པོ་ལའང་གསུམ་སྟེ། །སྦྱོར་བ་ཞེན་པ་སྤོང་བ། །དངོས་གཞི་དམིགས་པ་གསལ་བ། །རྗེས་ཕྱག་རྒྱ་ཆེན་པོའི་ཡེ་ཤེས་ཀྱི་ངང་དུ་མཉམ་པར་གཞག་པའོ། །གཉིས་པ་བར་དོ་འོད་གསལ་གྱི་རྣལ་འབྱོར་ལ་གཉིས་ཏེ། སྦྱང་བའི་ཚུལ་དང་། ལས་ལ་སྦྱར་བའི་ཚུལ་ལོ། །དོན་གཉིས་པ་མཉམ་གཞག་ལས་ལངས་པའི་རྣལ་འབྱོར་ལ་གཉིས་ཏེ། ཁྱད་པར་གྱི་རྣལ་འབྱོར་དྲུག་དང་། ཐུན་མོང་། ཁྱེར་སོ་གསུམ་མོ། །དང་པོ་ནི། ཐུན་མཚམས་སྤྱོད་ལམ་གྱི་རྣལ་འབྱོར། །བཟའ་བ་ཟས་ཀྱི་རྣལ་འབྱོར། །བགོ་བ་གོས་ཀྱི་རྣལ་འབྱོར། །ཉལ་བ་གཉིད་ཀྱི་རྣལ་འབྱོར། །རྨི་ལམ་སྤྲུལ་བསྒྱུར་གྱི་རྣལ་འབྱོར། །ཐོ་རངས་ལྡང་བའི་རྣལ་འབྱོར་རོ། །གཉིས་པ་ནི་སྣང་བ་སྐུའི་ཁྱེར་སོ། །གྲགས་པ་གསུང་གི་ཁྱེར་སོ། །དྲན་རྟོགས་ཐུགས་ཀྱི་ཁྱེར་སོ་རྣམས་སོ། །དེ་རྣམས་ལས་གཉིད་ཀྱི་རྣལ་འབྱོར་ལ་གཉིས་ཏེ། མཚན་བཅས་དང་། མཚན་མེད་གཉིས་སོ། །དེ་ལས་སྐྱེས་པའི་འོད་གསལ་ལའང་། །ཉམས་ཀྱི་འོད་གསལ་དང་། །རྟོགས་པའི་འོད་གསལ་ལོ། །རྨི་ལམ་གྱི་རྣལ་འབྱོར་ལའང་བཞི་སྟེ། བཟུང་བ་དང་། སྦྱང་བ་དང་། སྤེལ་བ་དང་། སྤྲུལ་བསྒྱུར་གྱི་རྣལ་འབྱོར་རོ། །ལྡང་བའི་རྣལ་འབྱོར་ལའང་གཉིས་ཏེ། །མཚན་བཅས་ཀྱི་ངང་ནས་ཉལ་བའི་ལྡང་ལུགས་དང་། །མཚན་མེད་ཀྱི་ངང་ནས་ཉལ་བའི་ལྡང་ལུགས་སོ། །གསུམ་པ་རྗེས་ནི། བསྔོ་བ་དང་སྨོན་ལམ་ཟུང་དུ་འབྲེལ་བའོ། །སྤྱི་དོན་གསུམ་པ་ལམ་མཐར་ཕྱིན་པའི་འབྲས་བུ་ལ་གཉིས་ཏེ། །གནས་སྐབས་ཀྱི་འབྲས་བུ་དང་། །མཐར་ཐུག་གི་འབྲས་བུའོ། །དེ་རྣམས་ཕལ་ཆེར་ཐམས་ཅད་ཀྱང་། རེ་རེའང་མདོར་བསྟན་རྒྱས་བཤད་དོན་བསྡུས་གསུམ། ཞེས་པས་དམིགས་རྐང་རེ་རེ་བཞིན་དུ་ས་བཅད་ཀྱི་སྒོ་ནས་མདོར་བསྟན་པ། །ཐོས་བསམ་གྱིས་སྒྲོ་འདོགས་གཅོད་པའི་ཚུལ་གྱིས་རྒྱས་པར་བཤད་པ་དཔྱད་དོན་ཉམས་སུ་ལེན་པའི་ཚུལ་གྱིས་དོན་བསྡུ་བའོ།། །། ཇི་སྐད་བཤད་པ་རྣམས་སླར་ཡང་ཚིགས་སུ་བཅད་པས་མདོར་བསྡུ་ན། བོད་ཀྱི་གྲུབ་ཆེན་ཚེམ་བུ་པས། །བཀྲལ་བའི་འཕགས་མཆོག་ལམ་རིམ་ལ། །ལོ་རྒྱུས་དང་ནི་གདམས་པ་གཉིས། །ཕྱི་མའང་གཞི་ལམ་འབྲས་གསུམ་ལས། །གཞི་ནི་སེམས་ཉིད་འོད་གསལ་བ། །ལམ་ལ་སྔོན་འགྲོ་དངོས་གཞི་རྗེས། །སྔོན་འགྲོ་ཐུན་མོང་ཁྱད་པར་གཉིས། །དངོས་གཞི་མཉམ་གཞག་རྗེས་ཐོབ་སྟེ། །མཉམ་གཞག་བསྐྱེད་རྫོགས་བར་དོ་གསུམ། །རྗེས་ཐོབ་ཁྱད་པར་ཐུན་མོང་གཉིས། །ཁྱད་པར་སྤྱོད་ལམ་ཟས་གོས་དང་། །གཉིད་དང་རྨི་ལམ་ལྡང་བའོ། །ཐུན་མོང་ཁྱེར་སོ་གསུམ་ཡིན་ཏེ། །རྗེས་ནི་བསྔོ་སྨོན་ཟུང་དུ་འབྲེལ། །འབྲས་བུ་མཆོག་དང་ཐུན་མོང་ངོ་། །ཞེས་པའང་དགེ་སློང་དྷརྨ་བྷ་དྲའི་ཆེད་དུ་མཉྫུ་གྷོ་ཥས་བྲིས་པའོ།། །།དགེ་ལེགས་འཕེལ་ལོ།། །།

[edit]

tshem bu lugs kyi sa bcad/ thugs rje chen po'i dmar khrid tshem bu lugs kyi sa bcad bzhugs so//__//na mo gu ru b+h+yaH__thugs rje chen po'i dmar khrid tshem bu lugs kyi sa bcad la/__yid ches shing khungs btsun par byed pa'i lo rgyus dang /__/lo rgyus de ldan gyi gdams pa dngos gnyis/__dang po la/__bshad bya chos kyi lo rgyus dang /__bla ma brgyud pa'i lo rgyus gnyis/__gnyis pa gdams pa dngos la/__gang 'khrid par bya ba'i gzhi ngos bzung ba sems nyid 'od gsal ba'i ye shes/__gang gis 'khrid par byed pa'i lam bskyed rdzogs yan lag dang bcas pa bstan pa/__lam de nyams su blangs pa'i gnas skabs dang mthar thug 'bras bu dang gsum las/__sa bcad gnyis pa gang gis 'khrid par byed pa'i lam bstan pa la'ang gsum ste/__sngon 'gro/__dngos gzhi/__rjes dang gsum/__sngon 'gro la thun mong gi sngon 'gro dang /__thun mong ma yin pa'i sngon 'gro gnyis/__thun mong gi sngon 'gro la/__dal 'byor rnyed dka'/__'chi ba mi rtag pa/__las rgyu 'bras/__'khor ba'i nyes dmigs bsam pa ste bzhi las/__dang po dal 'byor rnyed dka' bsam pa la'ang /__rnyed par dka' ba bsam pa dang /__phan 'dogs che bar bsam pa gnyis/__dang po la'ang rgyu yi sgo nas rnyed par dka' ba/__grangs kyi sgo nas rnyed par dka' ba/__dpe'i sgo nas rnyed par dka' ba/__ngo bo'i sgo nas rnyed par dka' ba bsam pa'o/__/ngo bo'i sgo nas rnyed par dka' ba bsam pa la'ang /__dal ba brgyad/__'byor pa bcu ste/__dang po ni/__chos byed pa la mi khom pa'i gnas brgyad dang bral ba ste/__mi khom pa brgyad ni/__dmyal ba yi dwags byol 3song dang /__tshe ring 4lha dang kla klo 5dang /__log 6lta sangs rgyas kyis 7stongs pa/__lkugs 8pa 'di dag mi khoms brgyad/__/ces so/__/'byor ba bcu las/__rang 'byor lnga ni/__mir 1skyes yul gyi dbus 2su skyes/__dbang po tshang 3zhing gnas la 4dad/__/de bzhin las mtha' 5ma log pa/__/zhes dang /__gzhan 'byor lnga ni/__sangs rgyas 1byon dang des chos 2gsungs/__/bstan pa gnas 3dang de rjes 4'brangs/__/gzhan phyir snying ni brtse 5ba'o/__/zhes so/__/gnyis pa phan 'dogs che bar bsam pa la/__/gnas skabs 'di phyi'i bde ba thob pa'i phan yon/__/theg pa 'og ma'i myang 'das thob pa'i phan yon/__/mthar thug bla na med pa'i byang chub thob pa'i phan yon no/__/don gnyis pa 'chi ba mi rtag pa bsam pa la/__nges par 'chi bar bsam pa/__nam 'chi cha med bsam pa/__'chi ba'i tshe chos ma gtog pa gang gis kyang mi phan par bsam pa'o//__// dang po la'ang gsum ste/__skye nas bsdad dbang med pas nges par 'chi ba/__/lus la snying po med pas nges par 'chi ba/__/tshe la rtag pa med pas nges par 'chi bar bsam pa'o//__// gnyis pa la'ang gsum ste/__tshe tshad med pas/__'chi rkyen mang bas/__gson rkyen nyung bas nam 'chi nges med bsam pa'o//__// gsum pa la'ang gsum ste/__'chi ba'i tshe zas dang nor gyis mi phan pa/__gnyen dang 'khor gyis mi phan pa/__kha drag stobs shugs kyis mi phan par bsam pa'o//__// don gsum pa las rgyu 'bras bsam pa la/__/mi dge ba'i las bsam la spong 'dod bskyed pa/__/dge ba'i las bsams la bsgrubs 'dod bskyed pa/__lung ma bstan gyi las bsam la dge bar bsgyur ba'o/__/dang po la gsum ste/__mi dge ba'i las bsam/__de'i 'bras bu bsam/__de spong bar bsam pa'o/__/mi dge ba'i las bsam pa la'ang bcu ste/__lus kyi las gsum/__ngag gi bzhi yid kyi gsum mo/__/gnyis pa 'bras bu bsam pa la gsum ste/__rnam smin gyi 'bras bu/__rgyu mthun gyi 'bras bu/__bdag po'i 'bras bu'o/__/rnam smin gyi 'bras bu ni ngan song gsum mo/__/rgyu mthun gyi 'bras bu la'ang gnyis te/__myong ba rgyu mthun dang /__byed pa rgyu mthun no/__/myong ba rgyu mthun la/__tshe thung 1longs spyod phongs 2pa dang /__/khyim thabs 3dgrar bcas bskur 4pa mang /__/bshes 5dang bye zhing mi snyan 6thos/__/tshig mi btsun 7dang re ba 8'joms/__/'jigs 9dang bcas shing lta ngan 10skye/__/zhes pa ste/__srog gcod pa sogs la rim bzhin sbyar ro/__/bdag po'i 'bras bu la/__sa phyogs gzi chung 1ser char 2mang /__/rdul 'khrig 3dri nga 4mtho dman 5can/__/cha sgo 6can sogs dus log 7dang /__/'bras bu phra kha7_9chung 10ngu'ang med/__/ces pa ste rim bzhin sbyar ro/__/gnyis pa dge ba'i las bsam pa la'ang gsum ste/__dge ba'i las bsam pa/__de'i 'bras bu bsam pa/__de bsgrub par bsam pa'o/__/dang po la'ang /__mi dge ba'i ldog phyogs su gyur pa'i dge ba bcu'o/__/gnyis pa la'ang /__rnam smin gyi 'bras bu sogs gsum ste/__rnam smin gyi 'bras bu ni mtho ris gsum dang /__myong ba rgyu mthun sogs mi dge ba'i 'bras bu las ldog nas 'byung ba'o/__/gsum pa lung ma bstan gyi las bsam pa la'ang gsum ste/__lung ma bstan gyi las bsam pa/__de'i 'bras bu med par bsam pa/__de dge bar bsgyur bar bsam pa'o/__/don bzhi pa 'khor ba'i nyes dmigs bsam pa la'ang gnyis ste/__'khor ba spyi'i nyes dmigs bsam pa dang /__bye brag gi nyes dmigs bsam pa'o/__/bye brag gi nyes dmigs bsam pa la'ang gsum ste/__sdug bsngal gyi sdug bsngal/__'gyur ba'i sdug bsngal/__khyab pa 'du byed kyi sdug bsngal bsam pa'o/__/dang po la'ang gsum ste/__dmyal ba'i/__yi dwags kyi/__dud 'gro'i sdug bsngal bsam pa'o/__/dmyal ba la'ang chu 1bur chu bur brdol 2bar dang /__/a 3chu kyi hud 4so thaM dang 5/__/ut+pal 6pad+ma 7pad cher gas 8/__/zhes grang dmyal brgyad dang /__/yang sos 1thig nag 2bsdus 'joms 3dang /__/ngu 4'bod ngu 'bod 5chen po dang /__/tsha 6ba rab tsha 7mnar 8med brgyad/__/ces tsha dmyal brgyad dang /___me 1mur ro myag 2spu gri'i lam 3/__/ral gri 4sha ma li 5dang 6chu/__/zhes nye 'khor ba drug dang /__/zangs mo cher 'tshod tho lum za/__/khro chu 'thung dang lcer rmos rmod/__/lheb mar 'dril dang 'khyur mos bsdoms/__/lcags bsregs bye mar rngod sogs so/__/zhes pas mtshon nyi tshe'i dmyal ba rigs bsam gyis mi khyab pa'o/__/yi dwags la'ang /__byings gnas dang /__kha 'thor ba gnyis/__byings gnas la'ang /__phyi'i sgrib pa can/__nang gi sgrib pa can/__sgrib pa can gyi sgrib pa can no/__/dud 'gro la'ang /__bying gnas dang /__kha 'thor ba gnyis so/__/gnyis pa 'gyur pa'i sdug bsngal bsam pa la/__mi dang /__lha ma yin dang /__khams 'og ma'i lha rnams kyi sdug bsngal bsam pa'o/__/gsum pa khyab pa 'du byed kyi sdug bsngal bsam pa ni/__khams gong ma'i lha rnams kyi sdug bsngal bsam pa'o/__/gnyis pa thun mong ma yin pa'i sngon 'gro la/__/lam log pa mu stegs byed las khyad par bya ba skyabs 'gro/__/dman pa nyan rang las khyad par du bya ba sems bskyed/__/'gal rkyen sdig sgrib sbyong bar byed pa rdo rje sems dpa'i bsgom bzlas/__/mthun rkyen tshogs rdzogs cing byin rlabs myur du 'jug par byed pa bla ma'i rnal 'byor dang /__bzhi las/__dang po la'ang gang gis skyabs su 'gro ba'i rgyu/__/gang la skyabs su 'gro ba'i yul/__/ji ltar skyabs su 'gro ba'i tshul/__/de ltar skyabs su song ba'i phan yon/__/phan yon de ldan gyi bslab bya ste/__/rgyu 1yul 2tshul dang 3phan yon 4dang /__/bslab bya rnam pa lnga yis bsdus/__/zhes so/__/de la rgyu ni 'jig pa/__dad pa/__snying rje gsum mo/__/dad pa la'ang /__dwangs 'dod yid ches gsum mo/__/yul ni/__bla ma dang dkon mchog gsum mo/__/tshul ni/__bla ma la 'dren pa/__sangs rgyas la ston pa/__chos la lam/__dge 'dun la lam sgrub pa'i zla grogs kyi tshul du byang chub ma thob bar skyabs su 'gro ba'o/__/phan yon ni/__gnas skabs dang /__mthar thug go__/bslab bya la/__spang bya gsum/__/bslab bya gsum/__cha mthun dang bcas pa'o/__/gnyis pa sems bskyed la gsum ste/__/gzhan la phan par 'dod pa'i byams pa bsgom pa/__/gzhan gyi sdug bsngal bsal 'dod snying rje bsgom pa/__/gzhan phyir sangs rgyas 'dod pa'i byang sems bsgom pa'o/__/byams pa bsgom pa la'ang /__/dang por skye sla ba ma dang /__/bar du skye bar dka' ba dgra dang /__/tha mar sems can kun la byams pa bsgom pa'o/__/de re re la'ang /__mar shes pa dang /__drin dran pa/__drin lan du byams pa bsgom pa'o/__/byams pa bsgom pa dngos la'ang /__'dun pa/__sems bskyed/__smon lam/__gsol 'debs dang 'brel ba bzhi'o/__/snying rje bsgom pa la'ang sa bcad sngar bzhin sbyar ro/__/byang chub kyi sems bsgom pa la'ang /__kun rdzob dang /__don dam gyi byang sems bsgom pa gnyis/__kun rdzob byang sems bsgom pa la/__smon pa dang 'jug pa'i byang sems gnyis/__'jug pa byang sems la/__bdag gzhan mnyam pa bsgom pa/__brje ba bsgom pa/__de dag gi spyod pa la bslab pa ste gsum/__de dag gi spyod pa la bslab pa la'ang gsum ste/__rgyal sras kyi spyod pa spyi la bslab pa/__rang smin byed phar phyin drug dang /__gzhan smin byed bsdu dngos bzhi la bslab pa'o/__/don dam byang sems bsgom pa la'ang gsum ste/__zhi gnas dang /__lhag mthong dang /__zung 'jug tu bsgom pa'o/__/'di yan gyi rnam bzhag rgyas pa ni snang gsum mdzes rgyan sogs las shes par bya'o/__/gsum pa rdo rje sems dpa'i bsgom bzlas la gsum ste/__lha bsgom pa/__sngags bzla ba/__bshags sdom bya ba'o/__/de yang spyir bshags pa la stobs bzhi ste/__rten gyi stobs rdor sems yab yum/__rnam par 'gyod sems sun 'byin pa'i stobs/__gnyen po kun tu spyod pa'i sdom sems stobs/__nyes pa sor chud dag nges snyam pa pa'i stobs so/__/bzhi pa bla ma'i rnal 'byor maN+Dal dang bcas pa la gnyis te/__bla ma'i rnal 'byor bsgom dgos pa'i rgyu mtshan dang /__ji ltar bsgom pa'i tshul lo/__/ji ltar bsgom pa'i tshul la'ang /__spyir khrom tshogs su bsgom pa/__tho brtsegs su bsgom pa/__kun 'dus nor bu lugs su bsgom pa ste gsum las/__'dir kun 'dus nor bu lugs su bsgom pa la'ang bzhi ste/__sbyor ba tshogs zhing gsal btab pa/__dngos gzhi tshogs rdzogs pa'i phyir maN+Dal 'bul ba/__byin rlabs 'jug pa'i phyir gsol ba gdab pa/__rjes dbang blangs shing de kho na nyid la mnyam par gzhag pa'o/__/spyi don gnyis pa dngos gzhi la gnyis te/__mnyam par gzhag pa'i rnal 'byor dang /__mnyam gzhag las langs pa'i rnal 'byor ro/__/dang po la'ang gsum ste/__rten bskyed pa'i rim pa dang /__brten pa rdzogs pa'i rim pa lam gyi yan lag 'pho ba'i rnal 'byor ro/__/dang po rten bskyed pa'i rim pa la gnyis te/__/bya ba can gyi bskyed rim dang /__/byed pa can gyi bskyed rim mo/__/dang po bya ba can gyi bskyed rim la'ang bsnyen sgrub yan lag gzhi ste/__dam tshig pa bskyed pa bsnyen pa'i yan lag__/sku gsung thugs byin gyis brlabs pa nye bar sgrub pa'i yan lag__/ye shes pa spyan drangs shing bstim pa bsgrub pa'i yan lag__/dbang bskur zhing rigs kyi bdag pos rgyas 'debs pa sgrub pa chen po'i yan lag go__/dam tshig pa bskyed pa bsnyen pa'i yan lag la'ang gsum ste/__rgyas par mngon byang lnga stong ba nyid la bskyed/__bdag pad zla la/__gsung yig 'bru la/__thugs phyag mtshan la/__sku yongs rdzogs la/__byang chub pa'o/__/mchan/__'bring sa bon spro bsdu las bskyed pa/__bsdus pa skad cig dran rdzogs su bskyed pa'o/__/gnyis pa byed pa can gyi bskyed rim ni sems 'dzin gyi rim pa ste/__de la'ang /__nga rgyal la sems 'dzin pa dang /__/rnam pa la sems 'dzin pa gnyis/__/rnam pa la sems 'dzin pa la'ang /__/rnam pa spyi la sems 'dzin pa dang /__/bye brag la sems 'dzin pa gnyis/__/bye brag la sems 'dzin pa la'ang /__/rgyan med sems 'dzin pa dang /__rgyan can la sems 'dzin pa gnyis so/__/zhar byung bzlas pa'i rnal 'byor la gsum ste/__sngags phreng gsal gdab pa 'od zer spro bsdu la bslab pa/__grags stong dbyer med kyi ngang nas bzlas pa bya'o/__/gnyis pa brten pa rdzogs pa'i rim pa la gnyis te/__/sngon 'gro mtshan bcas kyi rdzogs rim dang /__/dngos gzhi mtshan med kyi rdzogs rim mo/__/dang po la'ang gnyis te/__sngon 'gro dang /__dngos gzhi'o/__/dang po la'ang lus kyi gnad chos bdun 'ching ba dang /__dmigs pa'i gnad stong par gsal ba'o/__/dngos gzhi ni 'bru gsum rdo rje'i bzlas pa ste/__/de la'ang rags pa yig 'bru la bslab pa/__/phra ba kha dog la bslab pa/__/shin tu phra ba sgra la bslab pa'o/__/gnyis pa mtshan med kyi rdzogs rim phyag rgya chen po'i ye shes la bslab pa la bzhi ste/__lus kyi gnad 'ching ba/__sems kyi gzhag thabs bstan pa/__de las skyes pa'i nyams ngos bzung ba/__rjes ngo sprod kyis nges shes bskyed pa'o/__/dang po ni/__lus gnad rnam snang chos bdun no/__/gnyis pa gzhag thabs la gsum ste/__/dang po sgrim pa la mkhas pa ral skor mkhan g.yul du zhugs pa lta bu/__/bar du klod pa la mkhas pa glang rdzi mkhas pas glang po che skyong ba lta bu/__/tha ma gtong ba la mkhas pa rdzing thog la bya 'phur ba'i dpe la bslab pa'o/__/gsum pa nyams ngos bzung ba la lnga ste/__/nyams dang po ri gzar gyi 'babs chu g.yo ba lta bu/__/gnyis pa rong thob pa khung dog mo'i chu lta bu/__/gsum pa lung pa phu goms pa gsum gyi chu lta bu/__/bzhi pa mtsho rlabs brtan pa dang bcas pa lta bu/__/lnga pa mtsho mthar phyin pa rlabs kyis ma bskyod pa lta bu'o/__/bzhi pa ngo sprod pa'i tshul la bzhi ste/__/gzhi ma bcos gnyug ma'i lta ba/__lam spro bsdu med pa zhi lhag zung 'jug gi bsgom pa/__klod pa rang grol gyi bsam gtan ma yengs pa/__/dus gsum sangs rgyas thams cad kyi lam ste/__/lta bsgom spyod 'bras bzhis bsdus pa'o/__/gsum pa lam gyi yan lag 'pho ba la gnyis te/__'pho ba'i rnal 'byor dngos dang /__/ma theb na bar do lam du khyer ba'i tshul lo/__/dang po la gnyis te sbyang ba dang /__/las la sbyar ba'o/__/dang po sbyang ba la'ang gnyis te/__sbyong ba dngos dang /__ma grub na spog pa'i dmigs pa'o/__/dang po la'ang bzhi ste/__gang nas 'pho ba'i lam rtswa gsal gdab pa/__/gang du 'pho ba'i yul gsal gdab pa/__bla ma/___gang 'pho ba'i rlung sems kyi thig le gsal gdab pa/__/ji ltar 'pho ba'i dmigs pa'i sbyor dngos rjes gsum rten goms pa la bslab pa'o/__/de la'ang 'du shes gsum ste/__rtsa dbu ma lam gyi 'du shes/__/rang nyid lam der 'gro ba'i 'du shes/__/bla ma'i thugs dkar 'pho ba'i 'du shes so/__/gnyis pa las la sbyar ba la gnyis te/__/'chi ba rim gyis pa la rim gyis dang /__/gcig car ba la btsan thabs su las la sbyar ba'o/__/dang po la'ang gsum ste/__/sbyor ba zhen pa spong ba/__/dngos gzhi dmigs pa gsal ba/__/rjes phyag rgya chen po'i ye shes kyi ngang du mnyam par gzhag pa'o/__/gnyis pa bar do 'od gsal gyi rnal 'byor la gnyis te/__sbyang ba'i tshul dang /__las la sbyar ba'i tshul lo/__/don gnyis pa mnyam gzhag las langs pa'i rnal 'byor la gnyis te/__khyad par gyi rnal 'byor drug dang /__thun mong /__khyer so gsum mo/__/dang po ni/__thun mtshams spyod lam gyi rnal 'byor/__/bza' ba zas kyi rnal 'byor/__/bgo ba gos kyi rnal 'byor/__/nyal ba gnyid kyi rnal 'byor/__/rmi lam sprul bsgyur gyi rnal 'byor/__/tho rangs ldang ba'i rnal 'byor ro/__/gnyis pa ni snang ba sku'i khyer so/__/grags pa gsung gi khyer so/__/dran rtogs thugs kyi khyer so rnams so/__/de rnams las gnyid kyi rnal 'byor la gnyis te/__mtshan bcas dang /__mtshan med gnyis so/__/de las skyes pa'i 'od gsal la'ang /__/nyams kyi 'od gsal dang /__/rtogs pa'i 'od gsal lo/__/rmi lam gyi rnal 'byor la'ang bzhi ste/__bzung ba dang /__sbyang ba dang /__spel ba dang /__sprul bsgyur gyi rnal 'byor ro/__/ldang ba'i rnal 'byor la'ang gnyis te/__/mtshan bcas kyi ngang nas nyal ba'i ldang lugs dang /__/mtshan med kyi ngang nas nyal ba'i ldang lugs so/__/gsum pa rjes ni/__bsngo ba dang smon lam zung du 'brel ba'o/__/spyi don gsum pa lam mthar phyin pa'i 'bras bu la gnyis te/__/gnas skabs kyi 'bras bu dang /__/mthar thug gi 'bras bu'o/__/de rnams phal cher thams cad kyang /__re re'ang mdor bstan rgyas bshad don bsdus gsum/__zhes pas dmigs rkang re re bzhin du sa bcad kyi sgo nas mdor bstan pa/__/thos bsam gyis sgro 'dogs gcod pa'i tshul gyis rgyas par bshad pa dpyad don nyams su len pa'i tshul gyis don bsdu ba'o//__// ji skad bshad pa rnams slar yang tshigs su bcad pas mdor bsdu na/__bod kyi grub chen tshem bu pas/__/bkral ba'i 'phags mchog lam rim la/__/lo rgyus dang ni gdams pa gnyis/__/phyi ma'ang gzhi lam 'bras gsum las/__/gzhi ni sems nyid 'od gsal ba/__/lam la sngon 'gro dngos gzhi rjes/__/sngon 'gro thun mong khyad par gnyis/__/dngos gzhi mnyam gzhag rjes thob ste/__/mnyam gzhag bskyed rdzogs bar do gsum/__/rjes thob khyad par thun mong gnyis/__/khyad par spyod lam zas gos dang /__/gnyid dang rmi lam ldang ba'o/__/thun mong khyer so gsum yin te/__/rjes ni bsngo smon zung du 'brel/__/'bras bu mchog dang thun mong ngo /__/zhes pa'ang dge slong d+harma b+ha dra'i ched du many+dzu g+ho Shas bris pa'o//__//dge legs 'phel lo//__//