JKCL-KABUM-05-CA-020

Previous Text"CA" is not a number. Back to Volume Page"CA" is not a number.Next Text "CA" is not a number.

Wylie title
Location	chos kyi blo gros bka' 'bum Volume , Text 20, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"CA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"CA" is not a number.</li></ul>

Tibetan Text

Wylie

[edit]

མི་ཏྲའི་ཚེ་དཀར་གྱི་བརྒྱུད་འདེབས་འཆི་མེད་མཆོག་སྦྱིན་ཅེས་བྱ་བ་བཞུགས་སོ། །སྲིད་ཞི་ཀུན་ཁྱབ་འོད་མི་འགྱུར་བའི་སྐུ། །ཡེ་ཤེས་ལྔ་ལྡན་ལོངས་སྤྱོད་རྫོགས་སྐུའི་བདག །ཐུགས་རྗེ་གང་འདུལ་སྤྲུལ་སྐུ་ཚེ་དཔག་མེད། །གསོལ་བ་འདེབས་སོ་འཆི་མེད་དངོས་གྲུབ་སྩོལ། །བདེ་བའི་བདག་ཉིད་སྣ་ཚོགས་སྒྱུ་མའི་སྐུ། །ཤེས་རབ་སྟོང་ཉིད་རྣམ་བཅས་ལྷ་མོར་བཞེངས། །འཕོ་མེད་ཚེ་ཡི་ཡུམ་མཆོག་ཙཎྜ་ལཱིར། །གསོལ་བ་འདེབས་སོ་འཆི་མེད་དངོས་གྲུབ་སྩོལ། །འཆི་མེད་རྡོ་རྗེའི་སྐུ་བརྙེས་རིག་པ་འཛིན། །ཟུང་འཇུག་ཡེ་ཤེས་དྭངས་མའི་འོད་སྐུར་བཞེངས། །གྲུབ་བརྒྱའི་གཙུག་རྒྱན་མི་ཏྲ་ཛྭ་ཀི་ལ། །གསོལ་བ་འདེབས་སོ་འཆི་མེད་དངོས་གྲུབ་སྩོལ། །འོད་གསལ་ཀློང་ནས་སྤྲུལ་པའི་རྡོ་རྗེར་ཤར། །དྲི་མེད་ཡེ་ཤེས་འོད་བརྒྱའི་གཟི་བརྗིད་འཕྲོ། །འགྲོ་བའི་མུན་སེལ་དཔལ་ལྡན་བླ་མ་ལ། །གསོལ་བ་འདེབས་སོ་འཆི་མེད་དངོས་གྲུབ་སྩོལ། །ཐུགས་ཏིག་བཀའ་བབས་གདམས་པའི་སྙན་བརྒྱུད་འཛིན། །གནས་ལྔ་རིག་པའི་པཎ་ཆེན་ཆོས་རྒྱ་མཚོ། །འཁོར་འདས་ཆོས་ཀུན་སྣ་ཚོགས་རང་གྲོལ་ལ། །གསོལ་བ་འདེབས་སོ་འཆི་མེད་དངོས་གྲུབ་སྩོལ། །གཞི་ཡི་རིགས་སད་རིམ་གཉིས་རྣལ་འབྱོར་གྱིས། །རྩ་རླུང་ཐིག་ལེའི་སྙིགས་མ་ཀུན་སེལ་ཞིང་། །འཕོ་མེད་རྡོ་རྗེའི་སྲོག་གི་ཀ་བ་བརྟན། །ཚེ་དཔག་མེད་མགོན་གསང་གསུམ་མྱུར་འགྲུབ་ཤོག །ཅེས་པའང་འཇམ་དབྱངས་ཆོས་ཀྱི་བློ་གྲོས་པས་གསོལ་བ་བཏབ་པ་སིདྡྷི་རསྟུ། །། །

[edit]

mi tra'i tshe dkar gyi brgyud 'debs 'chi med mchog sbyin ces bya ba bzhugs so/__/srid zhi kun khyab 'od mi 'gyur ba'i sku/__/ye shes lnga ldan longs spyod rdzogs sku'i bdag__/thugs rje gang 'dul sprul sku tshe dpag med/__/gsol ba 'debs so 'chi med dngos grub stsol/__/bde ba'i bdag nyid sna tshogs sgyu ma'i sku/__/shes rab stong nyid rnam bcas lha mor bzhengs/__/'pho med tshe yi yum mchog tsaN+Da lIr/__/gsol ba 'debs so 'chi med dngos grub stsol/__/'chi med rdo rje'i sku brnyes rig pa 'dzin/__/zung 'jug ye shes dwangs ma'i 'od skur bzhengs/__/grub brgya'i gtsug rgyan mi tra dz+wa ki la/__/gsol ba 'debs so 'chi med dngos grub stsol/__/'od gsal klong nas sprul pa'i rdo rjer shar/__/dri med ye shes 'od brgya'i gzi brjid 'phro/__/'gro ba'i mun sel dpal ldan bla ma la/__/gsol ba 'debs so 'chi med dngos grub stsol/__/thugs tig bka' babs gdams pa'i snyan brgyud 'dzin/__/gnas lnga rig pa'i paN chen chos rgya mtsho/__/'khor 'das chos kun sna tshogs rang grol la/__/gsol ba 'debs so 'chi med dngos grub stsol/__/gzhi yi rigs sad rim gnyis rnal 'byor gyis/__/rtsa rlung thig le'i snyigs ma kun sel zhing /__/'pho med rdo rje'i srog gi ka ba brtan/__/tshe dpag med mgon gsang gsum myur 'grub shog__/ces pa'ang 'jam dbyangs chos kyi blo gros pas gsol ba btab pa sid+d+hi rastu/__//__/