DKR-KABUM-22-ZA-004

Previous Text"ZA" is not a number. Back to Volume Page"ZA" is not a number.Next Text "ZA" is not a number.

Wylie title
Location	dil mgo mkhyen brtse bka' 'bum Volume , Text 4, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"ZA" is not a number.

<ul><li>":Property:textsubnumber|textsubnumber" can not be assigned to a declared number type with value 1.</li> <!--br--><li>"ZA" is not a number.</li></ul>

Tibetan Text

Wylie

[edit]

༅། །རྡོ་རྗེ་ཕུར་པ་གཉགས་ལུགས་ཀྱི་གཏོར་མའི་ཟིན་བྲིས་གྲུབ་གཉིས་སྒོ་འབྱེད་ཅེས་བྱ་བ་བཞུགས་སོ།། ན་མོ་གུ་རུ་ཤྲཱི་བཛྲ་ཀུ་མཱ་ར་ཡ། ལས་དང་དངོས་གྲུབ་རྩ་བ་ནི། །གཏོར་མ་ཁོ་ནས་བྱེད་པ་སྟེ། །དབྱེ་ན་རྟེན་རྟག་བསྐང་མཆོད་བཞི། །རྟེན་གཏོར་བྱིན་ཆགས་རྫས་སྤོད་ཀྱི། །ངར་ཕྱེ་ཁྲག་ཆང་མར་ཁུས་སྦྲུས། །ཁམས་གསུམ་ཟིལ་གནོན་བང་རིམ་གསུམ། །ཁྲོ་བཅུ་མཚོན་པའི་གནམ་ལྕགས་ཀྱི། །དྲག་པོའི་འཁོར་ལོ་རྩིབས་བརྒྱད་པའི། །སྟེང་དུ་ཉི་ཟླ་འོག་གསེར་དཀྱིལ། །གཙོ་བོ་དཔལ་གྱི་གཏོར་ཆེན་ལ། །ཡུམ་ནི་མཛེས་པའི་པད་འདབ་སྤྲས། །སྲས་མཆོག་པད་ཚབ་མཐེབ་ཀྱུས་མཚན། །ལྷུན་ཆགས་བརྗིད་དང་ལྡན་པར་བཞེངས། །དཀྱིལ་འཁོར་ལྷ་དང་གཉིས་མེད་པས། །བྱིན་རླབས་དབང་དང་དངོས་གྲུབ་ལེན། །རྟག་གཏོར་སྤོད་སྨན་འབྲུ་སྣ་ཡི། །ཟན་ལས་བང་རིམ་གསུམ་པའི་སྟེང༌། །ཟུར་བརྒྱད་མཁར་ཐབས་ཁ་བད་ཅན། །སྟེང་དུ་དཔལ་གཏོར་པད་འདབ་མཐེབ། །མཁར་ཐབས་ཟུར་རེར་དཔལ་གཏོར་རེ། །མདུན་རྒྱབ་ལྷག་པའི་འཁོར་ལྡན་པ། །འདོད་ཡོན་མཆོད་པའི་གཏེར་མཛོད་དུ། །ཤེས་པས་དངོས་གྲུབ་གཏའ་རུ་འཛུགས། །བསྐང་གཏོར་ཞི་བ་སྨན་དཀར་མངར། །རྒྱས་པར་ཟས་སྣ་རིན་ཆེན་དར། །དབང་ལ་མྱོས་བྱེད་ལན་ཚྭ་མངར། །དྲག་པོར་དུག་ཁྲག་ལྕགས་ཟངས་ཕྱེ། །མཆོག་ལ་མྱོང་གྲོལ་མ་དཱ་ནས། །སྦྲུས་པའི་རི་རབ་ཁ་ཁྱེར་ཅན། །གསེར་དཀྱིལ་གྲུ་བཞི་པད་འདབ་བརྒྱད། །གྱེན་བསྟན་ཟེའུ་ཉི་ཟླས་མཚན། །སྟེང་དུ་དཔལ་གཏོར་པད་འདབ་མཐེབ། །བང་རིམ་གཏོར་ཆུང་མཐེབ་ཀྱུས་གཏམས། །སྨན་རཀ་ཚོགས་ཀྱི་མཆོད་པ་བཅས། །གྲངས་མེད་རྒྱན་དང་ལྡན་པ་ནི། །ཉམས་ཆག་བསྐང་ཞིང་དགྱེས་བསྐྱེད་པའི། །ཐབས་ཀྱི་གསང་བ་དམ་པའོ། །མཆོད་གཏོར་འབྲུ་སྨན་ཟས་སྣ་ལས། །དཔལ་གྱི་གཏོར་མ་རང་འདྲ་བཅུ། །མཐེབ་ཀྱུ་བརྩེགས་པས་གཏམས་བྱས་ནས། །དགྱེས་བསྐྱེད་བཟའ་བཅའི་ཚུལ་དུ་སྤུངས། །ལས་ལ་བསྐུལ་ཕྱིར་འབུལ་བའོ། །སྒྲུབ་ཆེན་སྤྲོས་བཅས་སྒྲུབ་མཆོད་སྐབས། །གཙང་ཞིང་དག་པའི་ཆོ་ག་ཡིས། །རྒྱས་ན་གཏོར་མ་ཀུན་ཚོགས་པས། །དངོས་གྲུབ་ཚོགས་གཉིས་རྒྱ་ཆེར་འཕེལ། །འབྲིང་པོ་དཀྱུས་ཀྱི་མཆོད་པའི་སྐབས། །རྟེན་དང་མཆོད་པའི་གཏོར་མ་ཙམ། །ཚོགས་པས་རུང་ཞིང་སྤྲོས་པ་འཚམ། །བསྡུ་ན་བསྙེན་དུས་རྒྱུན་ཁྱེར་ལ། །རྟེན་གཏོར་ཁོ་ན་ཤེས་པ་བཞིར། །ལས་ཀུན་བྱེད་པ་སྤྲོས་མེད་ལུགས། །དེ་བས་སྐབས་དང་བསྟུན་ཏེ་བྱ། །རྫས་དང་ཏིང་འཛིན་སྔགས་ཕྱག་རྒྱ། །ཚོགས་པས་ལས་ཀུན་མཐུ་ཆེ་ཞིང༌། །དངོས་གྲུབ་རྒྱུ་རུ་ངེས་པ་ཡིན། །དེ་ཕྱིར་འདི་ཡང་ལྟར་སྣང་ཙམ། །མ་ཡིན་འབད་པ་གཅེས་པར་གསུངས། །ཚུལ་འདི་ཕུར་པའི་སྒྲུབ་ཆེན་སྐབས། །ལས་སྨོན་དག་པའི་དགེ་བའི་བཤེས། །ནོར་བུ་སྤྲུལ་སྐུས་གསུང་བསྐུལ་ངོར། །ལམ་འདིའི་བཀའ་བབ་འོད་གསལ་གླིང༌། །རིག་པའི་མེ་ལོང་གཙང་མ་ལ། །རྩ་གསུམ་དགྱེས་པའི་དག་སྣང་གཟུགས། །ཡི་གེར་བཏབ་པས་བསྟན་འགྲོ་ཡི། །དགེ་མཚན་བཀྲ་ཤིས་འཕེལ་གྱུར་ཅིག །མངྒ་ལཾ།། །།

[edit]

1. /__/rdo rje phur pa gnyags lugs kyi gtor ma'i zin bris grub gnyis sgo 'byed ces bya ba bzhugs so//

na mo gu ru shrI badz+ra ku mA ra ya/_las dang dngos grub rtsa ba ni/_/gtor ma kho nas byed pa ste/_/dbye na rten rtag bskang mchod bzhi/_/rten gtor byin chags rdzas spod kyi/_/ngar phye khrag chang mar khus sbrus/_/khams gsum zil gnon bang rim gsum/_/khro bcu mtshon pa'i gnam lcags kyi/_/drag po'i 'khor lo rtsibs brgyad pa'i/_/steng du nyi zla 'og gser dkyil/_/gtso bo dpal gyi gtor chen la/_/yum ni mdzes pa'i pad 'dab spras/_/sras mchog pad tshab mtheb kyus mtshan/_/lhun chags brjid dang ldan par bzhengs/_/dkyil 'khor lha dang gnyis med pas/_/byin rlabs dbang dang dngos grub len/_/rtag gtor spod sman 'bru sna yi/_/zan las bang rim gsum pa'i steng*/_/zur brgyad mkhar thabs kha bad can/_/steng du dpal gtor pad 'dab mtheb/_/mkhar thabs zur rer dpal gtor re/_/mdun rgyab lhag pa'i 'khor ldan pa/_/'dod yon mchod pa'i gter mdzod du/_/shes pas dngos grub gta' ru 'dzugs/_/bskang gtor zhi ba sman dkar mngar/_/rgyas par zas sna rin chen dar/_/dbang la myos byed lan tshwa mngar/_/drag por dug khrag lcags zangs phye/_/mchog la myong grol ma dA nas/_/sbrus pa'i ri rab kha khyer can/_/gser dkyil gru bzhi pad 'dab brgyad/_/gyen bstan ze'u nyi zlas mtshan/_/steng du dpal gtor pad 'dab mtheb/_/bang rim gtor chung mtheb kyus gtams/_/sman raka tshogs kyi mchod pa bcas/_/grangs med rgyan dang ldan pa ni/_/nyams chag bskang zhing dgyes bskyed pa'i/_/thabs kyi gsang ba dam pa'o/__/mchod gtor 'bru sman zas sna las/_/dpal gyi gtor ma rang 'dra bcu/_/mtheb kyu brtsegs pas gtams byas nas/_/dgyes bskyed bza' bca'i tshul du spungs/_/las la bskul phyir 'bul ba'o/__/sgrub chen spros bcas sgrub mchod skabs/_/gtsang zhing dag pa'i cho ga yis/_/rgyas na gtor ma kun tshogs pas/_/dngos grub tshogs gnyis rgya cher 'phel/_/'bring po dkyus kyi mchod pa'i skabs/_/rten dang mchod pa'i gtor ma tsam/_/tshogs pas rung zhing spros pa 'tsham/_/bsdu na bsnyen dus rgyun khyer la/_/rten gtor kho na shes pa bzhir/_/las kun byed pa spros med lugs/_/de bas skabs dang bstun te bya/_/rdzas dang ting 'dzin sngags phyag rgya/_/tshogs pas las kun mthu che zhing*/_/dngos grub rgyu ru nges pa yin/_/de phyir 'di yang ltar snang tsam/_/ma yin 'bad pa gces par gsungs/_/tshul 'di phur pa'i sgrub chen skabs/_/las smon dag pa'i dge ba'i bshes/_/nor bu sprul skus gsung bskul ngor/_/lam 'di'i bka' bab 'od gsal gling*/_/rig pa'i me long gtsang ma la/_/rtsa gsum dgyes pa'i dag snang gzugs/_/yi ger btab pas bstan 'gro yi/_/dge mtshan bkra shis 'phel gyur cig_/mang+ga laM//_//