DKR-KABUM-02-KHA-021

Previous Text Back to Volume PageNext Text

Wylie title	'
Location	dil mgo mkhyen brtse bka' 'bum Volume 2, Text 21, Pages (Folios 1a to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. '. In Skyabs rje dil mgo mkhyen brtse rin po che'i bka' 'bum, Vol. 2: . Delhi: Shechen Publications, 1994.
Genre	Guru Yoga Texts - bla ma'i rnal 'byor

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

༄༅། །ངེས་དོན་བླ་མའི་རྣལ་འབྱོར་ཡེ་ཤེས་ཐིག་ལེ་བཞུགས། ཀ་དག་ལྷུན་གྲུབ་ཟུང་འཇུག་རིག་པའི་གཤིས། །ངེས་དོན་བླ་མར་ཤེས་པས་སྐྱབས་སུ་མཆི། །མེད་སྣང་གློ་བུར་འཁྲུལ་པའི་ཡིད་ཅན་རྣམས། །རང་གྲོལ་ཅོག་བཞག་ཆེན་པོར་སེམས་བསྐྱེད་དོ། ཨ། ཕྱི་སྣོད་རྣམ་དག་དུར་ཁྲོད་མེ་རི་འབར། །ནང་བཅུད་གདན་གསུམ་ཞི་ཁྲོའི་དཀྱིལ་འཁོར་གྱིས། །རྒྱུད་ཀྱི་དུག་ལྔ་ཡེ་ཤེས་དག་པའི་གཟུགས། །རིགས་ཀུན་ཁྱབ་བདག་པདྨ་མདོ་སྔགས་གླིང༌། །གཞོན་ནུ་དཔའ་བོ་སྟོབས་ལྡན་ཁྲོ་བོའི་རྒྱལ། །སྣང་སྟོང་སྐུ་ནི་ཕྱག་རྒྱ་ཟིལ་གྱིས་གནོན། །གྲགས་སྟོང་གསུང་དབྱངས་དབང་ཆེན་རྟ་མགྲིན་རྒྱལ། །རིག་སྟོང་ཐུགས་མཆོག་ཡང་དག་ཧེ་རུ་ཀ །ལྷུན་རྫོགས་ཡོན་ཏན་ཆེ་མཆོག་བདུད་རྩི་འཁྱིལ། །རྩོལ་མེད་ཕྲིན་ལས་རྡོ་རྗེ་གཞོན་ནུ་ལས། །ཞི་ཁྲོ་རིགས་བརྒྱའི་ཆོ་འཕྲུལ་བསམ་མི་ཁྱབ། །གདོད་ནས་འདུ་འབྲལ་མེད་ལ་ཕྱག་འཚལ་ཞིང༌། །བདེ་ཆེན་མཉམ་པ་ཆེན་པོའི་མཆོད་པ་འབུལ། །ཀུན་བརྟགས་སྒྲིབ་གཉིས་ཡེ་ཤེས་ཀློང་དུ་བཤགས། །འོད་གསལ་རྒྱུན་མི་འཆད་ལ་རྗེས་ཡི་རང༌། །དུས་མེད་སྒྲ་ཚོགས་བྲལ་བའི་ཆོས་འཁོར་བསྐོར། །སྐྱེ་འཆི་མེད་པའི་རྡོ་རྗེའི་སྐུ་བཞུགས་གསོལ། །རེ་དོགས་བྲལ་བའི་འབྲས་བུ་མངོན་གྱུར་མཛོད། ཨ། སྲིད་ཞི་ཀུན་ཁྱབ་ཡེ་ཤེས་བླ་མ་ཡིས། །ཀུན་རྫོབ་མ་བརྟགས་ཉམས་དགའི་འཁོར་བ་འདིའི། །རྒྱུ་འབྲས་ལ་བརྟེན་ངེས་འབྱུང་བཙན་ཐབས་བསྐྱེད། །དུག་ལྔའི་འཁྲུལ་པ་ཡེ་ཤེས་དབྱིངས་སུ་བཤིག །ཐུན་མོང་ལམ་གྱི་ཡོན་ཏན་མཐར་ཕྱིན་མཛོད། །དོན་དམ་སྤྲོས་བྲལ་ལྟ་བས་བདག་འཛིན་ཞིག །གཞན་ཕན་སེམས་ཀྱིས་ཐེག་ཆེན་ལམ་རྫོགས་མཛོད། །བདེན་གཉིས་མཉམ་ཉིད་སྒོམ་པས་མཉམ་རྗེས་འདྲེས། །སྲིད་ཞི་ལས་འདས་མི་སློབ་དབྱིངས་སུ་སྐྱོལ། །སྣང་སྲིད་ཐམས་ཅད་བླ་མའི་དཀྱིལ་འཁོར་དུ། །ཡོངས་གྲུབ་ཆེན་པོའི་མོས་གུས་མཐར་ཕྱིན་པས། །གསོལ་བ་གདབ་པའི་ཡུལ་དང་ཡུལ་ཅན་བྲལ། །ཐུགས་ཡིད་གཅིག་ཏུ་འདྲེས་པས་བྱང་ཆུབ་ཤོག །སྙིང་གི་བུ་མཆོག་མཁྱེན་བརྩེ་ནོར་བུ་ཡིས། །སྙིང་པོ་བླ་མའི་རྣལ་འབྱོར་བྲིས་ཞེས་སུ། །གྱ་ནོམ་རྟེན་བཅས་བསྐུལ་བས་མངྒ་ལས། །བྲིས་ཏེ་ཕུལ་བས་རྟོགས་གྲོལ་དུས་མཉམ་ཤོག །སརྦ་མངྒ་ལཾ། དགེའོ།། །།

[edit]

@#/___/nges don bla ma'i rnal 'byor ye shes thig le bzhugs/___ka dag lhun grub zung 'jug rig pa'i gshis/__/nges don bla mar shes pas skyabs su mchi/__/med snang glo bur 'khrul pa'i yid can rnams/__/rang grol cog bzhag chen por sems bskyed do/___a/__phyi snod rnam dag dur khrod me ri 'bar/__/nang bcud gdan gsum zhi khro'i dkyil 'khor gyis/__/rgyud kyi dug lnga ye shes dag pa'i gzugs/__/rigs kun khyab bdag pad+ma mdo sngags gling*/__/gzhon nu dpa' bo stobs ldan khro bo'i rgyal/__/snang stong sku ni phyag rgya zil gyis gnon/__/grags stong gsung dbyangs dbang chen rta mgrin rgyal/__/rig stong thugs mchog yang dag he ru ka__/lhun rdzogs yon tan che mchog bdud rtsi 'khyil/__/rtsol med phrin las rdo rje gzhon nu las/__/zhi khro rigs brgya'i cho 'phrul bsam mi khyab/__/gdod nas 'du 'bral med la phyag 'tshal zhing*/__/bde chen mnyam pa chen po'i mchod pa 'bul/__/kun brtags sgrib gnyis ye shes klong du bshags/__/'od gsal rgyun mi 'chad la rjes yi rang*/__/dus med sgra tshogs bral ba'i chos 'khor bskor/__/skye 'chi med pa'i rdo rje'i sku bzhugs gsol/__/re dogs bral ba'i 'bras bu mngon gyur mdzod/___a/__srid zhi kun khyab ye shes bla ma yis/__/kun rdzob ma brtags nyams dga'i 'khor ba 'di'i/__/rgyu 'bras la brten nges 'byung btsan thabs bskyed/__/dug lnga'i 'khrul pa ye shes dbyings su bshig__/thun mong lam gyi yon tan mthar phyin mdzod/__/don dam spros bral lta bas bdag 'dzin zhig__/gzhan phan sems kyis theg chen lam rdzogs mdzod/__/bden gnyis mnyam nyid sgom pas mnyam rjes 'dres/__/srid zhi las 'das mi slob dbyings su skyol/__/snang srid thams cad bla ma'i dkyil 'khor du/__/yongs grub chen po'i mos gus mthar phyin pas/__/gsol ba gdab pa'i yul dang yul can bral/__/thugs yid gcig tu 'dres pas byang chub shog__/snying gi bu mchog mkhyen brtse nor bu yis/__/snying po bla ma'i rnal 'byor bris zhes su/__/gya nom rten bcas bskul bas mang+ga las/__/bris te phul bas rtogs grol dus mnyam shog__/sarba mang+ga laM/__dge'o//__//