DKR-KABUM-02-KHA-007

Previous Text Back to Volume PageNext Text

Wylie title	'
Location	dil mgo mkhyen brtse bka' 'bum Volume 2, Text 7, Pages (Folios 1a to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation	Khyentse, Dilgo. '. In Skyabs rje dil mgo mkhyen brtse rin po che'i bka' 'bum, Vol. 2: . Delhi: Shechen Publications, 1994.
Genre	Guru Yoga Texts - bla ma'i rnal 'byor

":Property:textsubnumber|textsubnumber" can not be assigned to a declared number type with value 1.

Tibetan Text

Wylie

[edit]

ལས་ཀྱི་རྡོ་རྗེས་ཕྱག་གསུམ་བཙལ། པད་ཀོར་བྱས་ལ། རྡོ་རྗེ་འཛིན་སོགས་དགོངས་སུ་གསོལ། །བདག་གི་ཚོགས་ཀྱི་ཁྱད་པར་འདི། །དད་པའི་སེམས་ཀྱིས་འབུལ་ལགས་ཀྱི། །ཅི་བདེ་བར་ནི་བཞེས་སུ་གསོལ། །ཞེས་བརྗོད། དཔོན་སློབ་རྣམས་ཀྱིས། ཨེ་མ་ཞི་བ་ཆེན་པོ་ཀྱེ། །ཚོགས་ཆེན་འབར་བས་ཉོན་མོངས་བསྲེག །འདི་འདྲའི་བདེ་བ་ཆེན་པོ་སྟེ། །ཀུན་ཀྱང་ཨ་ཧོ་སུ་ཁ་ཆེ། །ཨ་ཧོ་མ་ཧཱ་སུ་ཁ་ཧོཿ ཞེས་བརྗོད། །ཡང་ཕྱག་གསུམ་དང་པད་ཀོར་བྱས་ལ། འདི་ནི་ཆོས་རྣམས་བཟང་པོར་ལྟོས། །འདུས་པ་ལ་ནི་ཐེ་ཚོམ་མེད། །བྲམ་ཟེ་གདོལ་བ་ཁྱི་དང་ཕག །རང་བཞིན་གཅིག་ཏུ་རོལ་དུ་གསོལ། །ཞེས་པའི་ལན་དུ། བདེ་གཤེགས་ཆོས་ལ་རིན་ཐང་མེད། །འདོད་ཆགས་ལ་སོགས་དྲི་མ་བྲལ། །གཟུང་དང་འཛིན་པ་རྣམ་སྤངས་པ། །དེ་བཞིན་ཉིད་ལ་གུས་ཕྱག་འཚལ། །ཨ་ཧོ་མ་ཧཱ་སུ་ཁ་ཧོཿ ཞེས་བརྗོད། དེ་ནས་ལས་ཀྱི་རྡོ་རྗེས་ལག་པ་གཉིས་པདྨའི་ཕྱག་རྒྱ་ལས་སྲིན་ལག་གཡས་ཀྱིས་སྟེང་གིས་བླ་ལ་འཛིན་པས་རྡོ་རྗེ་སློབ་དཔོན་ནས་རིམ་བཞིན་མ་དཱ་ན་འབྲིམ་ཚར་བ་དང༌། ཚོགས་ཀྱི་རྫས་ནས་མ་ཚང་བ་མེད་པ་སློབ་དཔོན་ཉིས་འགྱུར་སོགས་དཔོན་སློབ་ཐམས་ཅད་ལ་ལག་གཉིས་ཀས་དབུལ་ཞིང༌། ལེན་པ་པོས་ཀྱང་ལག་པ་གཉིས་ཀའི་པད་ཀོར་གྱིས་བླང་བར་བྱ། ཨ་ཧོ་མ་ཧཱ་སུ་ཁ་ཧོཿ ཞེས་བརྗོད་ཅིང་བླང་དགོས་ཏེ། ཧེ་བཛྲ་ལས། པདྨའི་ལག་པས་བླང་པ་དང༌། དེ་ཉིད་ཀྱིས་ནི་ལག་པས་དབུལ། ཞེས་གསུངས་པའི་ཕྱིར་རོ།།

[edit]

las kyi rdo rjes phyag gsum btsal/__pad kor byas la/__rdo rje 'dzin sogs dgongs su gsol/__/bdag gi tshogs kyi khyad par 'di/__/dad pa'i sems kyis 'bul lags kyi/__/ci bde bar ni bzhes su gsol/__/zhes brjod/__dpon slob rnams kyis/__e ma zhi ba chen po kye/__/tshogs chen 'bar bas nyon mongs bsreg__/'di 'dra'i bde ba chen po ste/__/kun kyang a ho su kha che/__/a ho ma hA su kha hoH__zhes brjod/__/yang phyag gsum dang pad kor byas la/__'di ni chos rnams bzang por ltos/__/'dus pa la ni the tshom med/__/bram ze gdol ba khyi dang phag__/rang bzhin gcig tu rol du gsol/__/zhes pa'i lan du/__bde gshegs chos la rin thang med/__/'dod chags la sogs dri ma bral/__/gzung dang 'dzin pa rnam spangs pa/__/de bzhin nyid la gus phyag 'tshal/__/a ho ma hA su kha hoH__zhes brjod/__de nas las kyi rdo rjes lag pa gnyis pad+ma'i phyag rgya las srin lag g.yas kyis steng gis bla la 'dzin pas rdo rje slob dpon nas rim bzhin ma dA na 'brim tshar ba dang*/__tshogs kyi rdzas nas ma tshang ba med pa slob dpon nyis 'gyur sogs dpon slob thams cad la lag gnyis kas dbul zhing*/__len pa pos kyang lag pa gnyis ka'i pad kor gyis blang bar bya/__a ho ma hA su kha hoH__zhes brjod cing blang dgos te/__he badz+ra las/__pad+ma'i lag pas blang pa dang*/__de nyid kyis ni lag pas dbul/__zhes gsungs pa'i phyir ro//