སྨོན་པར་བྱ་བའི་རྡོ་རྗེའི་ཐོལ་གླུ་ངོ་མཚར་ཆུ་གཏེར།

🚧 This website is under continued development. We appreciate your patience!

Previous Text Back to Volume PageNext Text

Wylie title	smon par bya ba'i rdo rje'i thol glu ngo mtshar chu gter
Location	mkhyen brtse'i bka' 'bum Volume 22, sde tshan 12, Text 108, Pages 634-636 (Folios 145b6 to 146b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. smon par bya ba'i rdo rje'i thol glu ngo mtshar chu gter. In 'jam dbyangs mkhyen brtse'i dbang po'i bka' 'bum, Vol. 22: 634-636. Khams sde dge rdzong sar dgon: Rdzong sar blo gros phun tshogs, 2020.
Genre	Prayers - smon lam  ·  Vajra Songs - rdo rje'i glu
Colophon	།ཅེས་པའང་སྒྲུབ་པའི་དམ་བཅའ་ལ་ཐོག་མར་འཇུག་པའི་ཚེ་ཨོ་རྒྱན་སངས་རྒྱས་གཉིས་པས་རྫུ་འཕྲུལ་རྡོ་རྗེའི་བཀོད་པ་ལ་བརྟེན། ཕྱི་རོལ་གྱི་གྲུབ་མཐའ་ལས་རྒྱལ་བའི་དུས་ཀྱི་རྒྱལ་པོ་ཚེས་བཅུའི་མཆོད་པའི་སྐབས་སུ་གང་ཤར་ལྷུག་པར་བླངས་བ་འགྲུབ་གྱུར་ཅིག །སརྦ་སིདྡྷ་ནྟུ།།
	ces pa'ang sgrub pa'i dam bca' la thog mar 'jug pa'i tshe o rgyan sangs rgyas gnyis pas rdzu 'phrul rdo rje'i bkod pa la brten/__phyi rol gyi grub mtha' las rgyal ba'i dus kyi rgyal po tshes bcu'i mchod pa'i skabs su gang shar lhug par blangs ba 'grub gyur cig__/sarba sid+d+ha n+tu//

1 Texts in this Section (sde tshan or chos tshan)

108 634-636	སྨོན་པར་བྱ་བའི་རྡོ་རྗེའི་ཐོལ་གླུ་ངོ་མཚར་ཆུ་གཏེར། smon par bya ba'i rdo rje'i thol glu ngo mtshar chu gter Prayers - smon lam   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

སྨོན་པར་བྱ་བའི་རྡོ་རྗེའི་ཐོལ་གླུ་ངོ་མཚར་ཆུ་གཏེར་ཞེས་བྱ་བ། ཨེ་མ་ཧོ། རྣམ་བཅས་སྤྲོས་པའི་དྲྭ་བ་དབུ་མར་ཐིམ། །རྣམ་མང་གྲུབ་མཐའི་འདོད་པ་གཞི་ལ་རྫོགས། །རྣམ་ཐར་གསུམ་ལྡན་དབྱིངས་སུ་རོ་གཅིག་པའི། །རྣམ་པ་ཀུན་གྱི་མཆོག་ལྡན་དེ་ལ་འདུད། །བསོད་ནམས་ཡེ་ཤེས་ཚོགས་གཉིས་ཆུ་གཏེར་ཆེ། །ཐར་འདོད་སྐྱེས་བུའི་རི་མོས་བསྲུབས་པ་ལས། །ངོ་མཚར་གཏན་བདེའི་བདུད་རྩིའི་བཅུད་ལེན་གྱིས། །འཆི་མེད་གྲུབ་པའི་ལང་ཚོ་རྒྱས་གྱུར་ཅིག །འདི་ན་ཕྱི་ནང་གསང་གསུམ་ཆོས་ཁམས་ཀུན། །ཡོངས་གྲུབ་བདེ་གཤེགས་སྙིང་པོར་རོ་གཅིག་པས། །མི་ཕྱེད་དགེ་མཚན་གསར་པའི་ཕོ་ཉ་ཡིས། །བར་ཆད་བདུད་ཀྱི་དཔུང་ཚོགས་འཐག་བགྱིད་ཤོག །སྦྱིན་དང་བཟོད་སོགས་ཐབས་ཤེས་ཕར་ཕྱིན་གྱི། །ཀུན་ནས་མུ་ཁྱུད་བཟང་པོས་ཡོངས་འཁྲིལ་ཞིང་། །རྡོ་རྗེ་ཐེག་པའི་ལྟེ་བར་གཅིག་བཟླུམས་པས། །བདེན་གཉིས་ཆོས་ཀྱི་རྒྱལ་སྲིད་དབང་བསྒྱུར་ཤོག །ཕུང་ཁམས་སྐྱེ་མཆེད་འདུས་བྱས་རྟག་མིན་ཁམས། །རྟག་བརྟན་གཞོམ་གཞིག་བྲལ་བའི་ཕྱག་རྒྱ་ཆེས། །གདན་གསུམ་ལྷ་ཡི་འཁོར་ལོར་མཉམ་སྦྱོར་ནས། །ལྷན་ཅིག་གྲུབ་པའི་དགའ་སྟོན་སྦྱིན་གྱུར་ཅིག །བདེ་སྟོང་ཟུང་འཇུག་ཆང་གིས་རབ་མྱོས་པས། །བཅུ་དྲུག་དགའ་བའི་ལང་ཚོ་ཆེར་བརྟས་པའི། །རྣམ་པ་ཀུན་བྲལ་གཉིས་འཐུང་དབང་པོ་ཡིས། །ཉོན་མོངས་འཁྲུལ་པའི་དཔུང་ཚོགས་འཐག་བགྱིད་ཤོག །སྙིང་དབུས་ཚོགས་བརྒྱད་ལས་འདས་བུམ་སྐུའི་སྦུབས། །མངོན་སུམ་ཡང་དག་རིག་པ་ལ་གོམས་པས། །བློ་བྲལ་བདེ་བ་ཆེན་པོར་རོ་གཅིག་སྟེ། །གྲོལ་ལུགས་བརྒྱད་ཀྱི་དེ་ཉིད་མངོན་གྱུར་ཤོག །ཀ་དག་མཚོན་བརྗོད་ལས་འདས་ཆུ་གཏེར་ཆེར། །ལྷུན་གྲུབ་སྣང་བཞིའི་ཉིན་བྱེད་ཆེས་འབར་ཏེ། །མི་ཕྱེད་ནང་གསལ་ཁྱད་ཆོས་དྲུག་ལྡན་གཞིར། །འཕོ་འགྱུར་བྲལ་བའི་པདྨོ་བཞད་གྱུར་ཅིག །དེ་སྐད་ལོངས་སྤྱོད་འཁོར་ལོའི་ཡི་གེའི་སྤྲིན། །གྲགས་སྟོང་རླུང་གི་ཕོ་ཉས་བསྐུལ་བ་ལས། །གསང་ལམ་མཐར་ཐུག་སྨོན་པའི་བདུད་རྩི་ཡིས། །སྡུག་བསྔལ་བདེན་པའི་ཚ་གདུང་བཅིལ་བར་ཤོག །ཅེས་པའང་སྒྲུབ་པའི་དམ་བཅའ་ལ་ཐོག་མར་འཇུག་པའི་ཚེ་ཨོ་རྒྱན་སངས་རྒྱས་གཉིས་པས་རྫུ་འཕྲུལ་རྡོ་རྗེའི་བཀོད་པ་ལ་བརྟེན། ཕྱི་རོལ་གྱི་གྲུབ་མཐའ་ལས་རྒྱལ་བའི་དུས་ཀྱི་རྒྱལ་པོ་ཚེས་བཅུའི་མཆོད་པའི་སྐབས་སུ་གང་ཤར་ལྷུག་པར་བླངས་བ་འགྲུབ་གྱུར་ཅིག །སརྦ་སིདྡྷ་ནྟུ།། །། ༈

[edit]

smon par bya ba'i rdo rje'i thol glu ngo mtshar chu gter/__ smon par bya ba'i rdo rje'i thol glu ngo mtshar chu gter zhes bya ba/__e ma ho/__rnam bcas spros pa'i drwa ba dbu mar thim/__/rnam mang grub mtha'i 'dod pa gzhi la rdzogs/__/rnam thar gsum ldan dbyings su ro gcig pa'i/__/rnam pa kun gyi mchog ldan de la 'dud/__/bsod nams ye shes tshogs gnyis chu gter che/__/thar 'dod skyes bu'i ri mos bsrubs pa las/__/ngo mtshar gtan bde'i bdud rtsi'i bcud len gyis/__/'chi med grub pa'i lang tsho rgyas gyur cig__/'di na phyi nang gsang gsum chos khams kun/__/yongs grub bde gshegs snying por ro gcig pas/__/mi phyed dge mtshan gsar pa'i pho nya yis/__/bar chad bdud kyi dpung tshogs 'thag bgyid shog__/sbyin dang bzod sogs thabs shes phar phyin gyi/__/kun nas mu khyud bzang pos yongs 'khril zhing /__/rdo rje theg pa'i lte bar gcig bzlums pas/__/bden gnyis chos kyi rgyal srid dbang bsgyur shog__/phung khams skye mched 'dus byas rtag min khams/__/rtag brtan gzhom gzhig bral ba'i phyag rgya ches/__/gdan gsum lha yi 'khor lor mnyam sbyor nas/__/lhan cig grub pa'i dga' ston sbyin gyur cig__/bde stong zung 'jug chang gis rab myos pas/__/bcu drug dga' ba'i lang tsho cher brtas pa'i/__/rnam pa kun bral gnyis 'thung dbang po yis/__/nyon mongs 'khrul pa'i dpung tshogs 'thag bgyid shog__/snying dbus tshogs brgyad las 'das bum sku'i sbubs/__/mngon sum yang dag rig pa la goms pas/__/blo bral bde ba chen por ro gcig ste/__/grol lugs brgyad kyi de nyid mngon gyur shog__/ka dag mtshon brjod las 'das chu gter cher/__/lhun grub snang bzhi'i nyin byed ches 'bar te/__/mi phyed nang gsal khyad chos drug ldan gzhir/__/'pho 'gyur bral ba'i pad+mo bzhad gyur cig__/de skad longs spyod 'khor lo'i yi ge'i sprin/__/grags stong rlung gi pho nyas bskul ba las/__/gsang lam mthar thug smon pa'i bdud rtsi yis/__/sdug bsngal bden pa'i tsha gdung bcil bar shog__/ces pa'ang sgrub pa'i dam bca' la thog mar 'jug pa'i tshe o rgyan sangs rgyas gnyis pas rdzu 'phrul rdo rje'i bkod pa la brten/__phyi rol gyi grub mtha' las rgyal ba'i dus kyi rgyal po tshes bcu'i mchod pa'i skabs su gang shar lhug par blangs ba 'grub gyur cig__/sarba sid+d+ha n+tu//_____//__!