དབྱངས་ཅན་མ་དམར་མོ་གསང་སྒྲུབ་ཀྱི་རྗེས་གནང་གི་བརྒྱུད་འདེབས་སྨོན་ལམ་དང་བཅས་པ་བློ་གྲོས་མཆོག་སྩོལ།

🚧 This website is under continued development. We appreciate your patience!

Previous Text Back to Volume PageNext Text

Wylie title	dbyangs can ma dmar mo gsang sgrub kyi rjes gnang gi brgyud 'debs smon lam dang bcas pa blo gros mchog stsol
Location	mkhyen brtse'i bka' 'bum Volume 10, sde tshan 4, Text 26, Pages 359-361 (Folios 89a6 to 90a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dbyangs can ma dmar mo gsang sgrub kyi rjes gnang gi brgyud 'debs smon lam dang bcas pa blo gros mchog stsol. In 'jam dbyangs mkhyen brtse'i dbang po'i bka' 'bum, Vol. 10: 359-361. Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs
Deity	dbyangs can ma dmar mo
Colophon	ཅེས་པའང་ཤཱཀྱའི་དགེ་སློང་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ།།
	ces pa'ang shAkya'i dge slong 'jam dbyangs mkhyen brtse'i dbang pos gsol ba btab pa sid+d+hi rastu

1 Texts in this Section (sde tshan or chos tshan)

26 359-361	དབྱངས་ཅན་མ་དམར་མོ་གསང་སྒྲུབ་ཀྱི་རྗེས་གནང་གི་བརྒྱུད་འདེབས་སྨོན་ལམ་དང་བཅས་པ་བློ་གྲོས་མཆོག་སྩོལ། dbyangs can ma dmar mo gsang sgrub kyi rjes gnang gi brgyud 'debs smon lam dang bcas pa blo gros mchog stsol Lineage Supplications - brgyud 'debs	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །དབྱངས་ཅན་མ་དམར་མོ་གསང་སྒྲུབ་ཀྱི་རྗེས་གནང་གི་བརྒྱུད་འདེབས་སྨོན་ལམ་དང་བཅས་པ་བློ་གྲོས་མཆོག་སྩོལ་ཞེས་བྱ་བ་བཞུགས་སོ། །ན་མོ་གུ་རུ་ཤྲཱི་སྭ་ར་སྭ་ཏྱཻ། སྒྲ་དབྱངས་ལྷ་མོ་གསུང་གི་དབང་ཕྱུག་མས། །མངོན་སུམ་རྗེས་བཟུང་བིཀྵ་པ་ར་མ། །བདེ་གཤེགས་སྲུང་བའི་དཔལ་དང་ཛ་ཡ་ཀ །འོད་བྱེད་འབྱུང་གནས་རྣམས་ལ་གསོལ་བ་འདེབས། །ཁ་ཆེ་པཎ་ཆེན་དཱ་ན་ཤཱི་ལ་དང་། །ས་སྐྱ་པཎ་ཆེན་རྒྱལ་ཚ་ལུང་མང་པོ། །ཡོན་ཏན་ཁྲི་དང་སིཾ་ཧ་བྷ་དྲའི་ཞབས། །སེང་གེ་རྒྱལ་མཚན་རྣམས་ལ༴ རྒྱལ་བ་མཆོག་དབྱངས་བླ་མ་བསོད་ནམས་དང་། །ཆོས་ཀྱི་རྒྱལ་མཚན་ཀརྨ་ཕྲིན་ལས་པ། །ཚར་ཆེན་རྗེ་དང་བྱམས་པ་དོན་གྲུབ་ཞབས། །གཞོན་ནུ་ཆོས་དཔལ་རྣམས་ལ༴ དཔལ་འབྱོར་ལྷུན་གྲུབ་ཟུར་ཆེན་ཐམས་ཅད་མཁྱེན། །བློ་བཟང་རྒྱ་མཚོ་དགེ་བའི་དབང་པོའི་ཞབས། །ངག་དབང་སྦྱིན་པ་བློ་གྲོས་དབང་ཕྱུག་དང་། །བློ་གསལ་ཕུན་ཚོགས་རྣམས་ལ༴ རྨོར་ཆེན་རྗེ་དང་ཁྱབ་བདག་གནས་གསར་པ། །ཀུན་དགའ་བློ་གྲོས་བསྟན་པའི་ཉི་མ་དང་། །བསྟན་པའི་སྒྲོན་མེ་ཕྲིན་ལས་ཡོན་ཏན་ཞབས། །རྩ་བའི་བྱམས་པ་ངག་དབང་བསྟན་འཛིན་སྙན་གྲགས། བླ་མ་རྣམས་ལ༴ ཞེས་སམ། ཡང་ན། །དཔལ་འབྱོར་ལྷུན་གྲུབ་ཟུར་ཆེན་ཐམས་ཅད་མཁྱེན། །ཞེས་པ་ཡན་སྔར་ལྟར་ལ། དེ་ནས། བློ་བཟང་རྒྱ་མཚོ་ཐུགས་སྲས་འཇམ་དབྱངས་གྲགས། །བདེ་བའི་རྡོ་རྗེ་བསྟན་པའི་རྒྱལ་མཚན་དང་། །འཇིགས་མེད་དབང་པོ་རྣམས་ལ༴ འཇམ་དཔལ་དབྱངས་དངོས་བསྟན་པའི་སྒྲོན་མེ་དང་། །རྡོ་རྗེ་འཛིན་པ་དཀོན་མཆོག་རྒྱལ་མཚན་ཞབས། །རིགས་ཀུན་ཁྱབ་བདག་བསྟན་པ་རབ་རྒྱས་སོགས། །རྩ་བརྒྱུད་བླ་མ་རྣམས་ལ་གསོལ་བ་འདེབས། །ཞེས་སྦྱར། དེ་ལྟར་གསོལ་བ་བཏབ་པའི་བྱིན་རླབས་ཀྱིས། །སྲིད་ལས་ངེས་འབྱུང་ཆུ་ཡིས་རབ་བརླན་པའི། །བྱང་ཆུབ་སེམས་གཉིས་ཨུཏྤལ་འཛུམ་པའི་རྩེར། །ཡང་དག་ལྟ་བའི་འབྲས་བུས་ཕྱུག་པར་ཤོག །ཁྱད་པར་ཁྱབ་བདག་དཔལ་ལྡན་བླ་མ་དང་། །དབྱེར་མེད་སྒྲ་དབྱངས་རྒྱ་མཚོའི་ལྷ་མོ་ཡིས། །མངོན་སུམ་ཉིད་དུ་རྗེས་སུ་བཟུང་བའི་མཐུས། །སོ་སོར་རྟོག་པའི་སྣང་བ་རྒྱས་གྱུར་ཅིག །དེ་མཐུས་ཟབ་དང་རྒྱ་ཆེའི་གཞུང་ལུགས་ལ། །ཇི་བཞིན་དཔྱོད་པའི་བློ་གྲོས་རབ་གསལ་ཞིང་། །ཐོས་བསམ་སྒོམ་པའི་ཕ་རོལ་ལེགས་སོན་ནས། །ཐམས་ཅད་གཟིགས་པའི་གོ་འཕང་མྱུར་ཐོབ་ཤོག །ཅེས་པའང་ཤཱཀྱའི་དགེ་སློང་འཇམ་དབྱངས་མཁྱེན་བརྩེའི་དབང་པོས་གསོལ་བ་བཏབ་པ་སིདྡྷི་རསྟུ།། །། ༈

[edit]

dbyangs can ma dmar mo gsang sgrub kyi rjes gnang gi brgyud 'debs smon lam dang bcas pa blo gros mchog stsol/ @#/_/dbyangs can ma dmar mo gsang sgrub kyi rjes gnang gi brgyud 'debs smon lam dang bcas pa blo gros mchog stsol zhes bya ba bzhugs so/__/na mo gu ru shrI swa ra swa t+yai/__sgra dbyangs lha mo gsung gi dbang phyug mas/__/mngon sum rjes bzung bik+Sha pa ra ma/__/bde gshegs srung ba'i dpal dang dza ya ka__/'od byed 'byung gnas rnams la gsol ba 'debs/__/kha che paN chen dA na shI la dang /__/sa skya paN chen rgyal tsha lung mang po/__/yon tan khri dang siM ha b+ha dra'i zhabs/__/seng ge rgyal mtshan rnams la=__rgyal ba mchog dbyangs bla ma bsod nams dang /__/chos kyi rgyal mtshan karma phrin las pa/__/tshar chen rje dang byams pa don grub zhabs/__/gzhon nu chos dpal rnams la=__dpal 'byor lhun grub zur chen thams cad mkhyen/__/blo bzang rgya mtsho dge ba'i dbang po'i zhabs/___/ngag dbang sbyin pa blo gros dbang phyug dang /__/blo gsal phun tshogs rnams la=__rmor chen rje dang khyab bdag gnas gsar pa/__/kun dga' blo gros bstan pa'i nyi ma dang /__/bstan pa'i sgron me phrin las yon tan zhabs/__/rtsa ba'i byams pa ngag dbang bstan 'dzin snyan grags/__bla ma rnams la=__zhes sam/__yang na/__/dpal 'byor lhun grub zur chen thams cad mkhyen/__/zhes pa yan sngar ltar la/__de nas/__blo bzang rgya mtsho thugs sras 'jam dbyangs grags/__/bde ba'i rdo rje bstan pa'i rgyal mtshan dang /_/'jigs med dbang po rnams la=__'jam dpal dbyangs dngos bstan pa'i sgron me dang /_/rdo rje 'dzin pa dkon mchog rgyal mtshan zhabs/__/rigs kun khyab bdag bstan pa rab rgyas sogs/__/rtsa brgyud bla ma rnams la gsol ba 'debs/__/zhes sbyar/__de ltar gsol ba btab pa'i byin rlabs kyis/__/srid las nges 'byung chu yis rab brlan pa'i/__/byang chub sems gnyis ut+pal 'dzum pa'i rtser/__/yang dag lta ba'i 'bras bus phyug par shog__/khyad par khyab bdag dpal ldan bla ma dang /__/dbyer med sgra dbyangs rgya mtsho'i lha mo yis/__/mngon sum nyid du rjes su bzung ba'i mthus/__/so sor rtog pa'i snang ba rgyas gyur cig__/de mthus zab dang rgya che'i gzhung lugs la/__/ji bzhin dpyod pa'i blo gros rab gsal zhing /__/thos bsam sgom pa'i pha rol legs son nas/__/thams cad gzigs pa'i go 'phang myur thob shog__/ces pa'ang shAkya'i dge slong 'jam dbyangs mkhyen brtse'i dbang pos gsol ba btab pa sid+d+hi rastu//____//__!_