རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་མའི་བསྐྱེད་རྫོགས་མདོར་བསྡུས་དང་འབྲེལ་བའི་ཉམས་ལེན་མཁའ་སྤྱོད་གསང་ལམ་མཛེས་པར་བྱེད་པའི་རྒྱན།

🚧 This website is under continued development. We appreciate your patience!

Previous Text Back to Volume PageNext Text

Wylie title	rje btsun rdo rje rnal 'byor ma nA ro mkha' spyod ma'i bskyed rdzogs mdor bsdus dang 'brel ba'i nyams len mkha' spyod gsang lam mdzes par byed pa'i rgyan
Location	mkhyen brtse'i bka' 'bum Volume 7, sde tshan 15, Text 5, Pages 402-413 (Folios 50b1 to 56a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ནཱ་རོ་པ་ (Nāropa)
Citation	'jam dbyangs mkhyen brtse'i dbang po. rje btsun rdo rje rnal 'byor ma nA ro mkha' spyod ma'i bskyed rdzogs mdor bsdus dang 'brel ba'i nyams len mkha' spyod gsang lam mdzes par byed pa'i rgyan. In 'jam dbyangs mkhyen brtse'i dbang po'i bka' 'bum, Vol. 7: 402-413. Khams sde dge rdzong sar dgon: Rdzong sar blo gros phun tshogs, 2020.
Genre	Activity Manual - las byang  ·  Supplemental Instructions - zur 'debs - zur rgyan
Cycle	ནཱ་རོ་མཁའ་སྤྱོད་མ་ (na ro mkha' spyod ma)
Deity	rdo rje rnal 'byor ma
Colophon	།ཅེས་པའང་རང་ཉིད་ཀྱིས་སྔར་བགྱིས་པའི་ནཱ་རོ་མཁའ་སྤྱོད་མའི་བསྐྱེད་རྫོགས་མདོར་བསྡུས་པ་མཁའ་སྤྱོད་བགྲོད་པའི་གསང་ལམ་གྱི་ལྷན་ཐབས་སུ། དོན་དུ་གཉེར་བ་འགའ་ལ་སྨན་པའི་བསམ་པས་མཁྱེན་བརྩེའི་དབང་པོས་ཉུང་གསལ་སྙིང་པོར་དྲིལ་ཏེ་བྲིས་པ་དགེ་ལེགས་སུ་གྱུར་ཅིག
	ces pa'ang rang nyid kyis sngar bgyis pa'i nA ro mkha' spyod ma'i bskyed rdzogs mdor bsdus pa mkha' spyod bgrod pa'i gsang lam gyi lhan thabs su/__don du gnyer ba 'ga' la sman pa'i bsam pas mkhyen brtse'i dbang pos nyung gsal snying por dril te bris pa dge legs su gyur cig

1 Texts in this Section (sde tshan or chos tshan)

5 402-413	རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་མའི་བསྐྱེད་རྫོགས་མདོར་བསྡུས་དང་འབྲེལ་བའི་ཉམས་ལེན་མཁའ་སྤྱོད་གསང་ལམ་མཛེས་པར་བྱེད་པའི་རྒྱན། rje btsun rdo rje rnal 'byor ma nA ro mkha' spyod ma'i bskyed rdzogs mdor bsdus dang 'brel ba'i nyams len mkha' spyod gsang lam mdzes par byed pa'i rgyan Activity Manual - las byang   ·   Supplemental Instructions - zur 'debs - zur rgyan	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །རྗེ་བཙུན་རྡོ་རྗེ་རྣལ་འབྱོར་མ་ནཱ་རོ་མཁའ་སྤྱོད་མའི་བསྐྱེད་རྫོགས་མདོར་བསྡུས་དང་འབྲེལ་བའི་ཉམས་ལེན་མཁའ་སྤྱོད་གསང་ལམ་མཛེས་པར་བྱེད་པའི་རྒྱན་ཅེས་བྱ་བ་བཞུགས་སོ། །ཨོཾ་སྭསྟི་སིདྡྷཾ། བདེ་སྟོང་ཟུང་འཇུག་ཡེ་ཤེས་སྐུ། །བླ་མ་རྣལ་འབྱོར་མ་དཔལ་ལ། །བཏུད་ནས་བསྐྱེད་རྫོགས་མདོར་བསྡུས་དང་། །འབྲེལ་བའི་གསང་ལམ་མཛེས་རྒྱན་བསྐྲུན། །འདི་ལ་གསུམ། རྡོར་སེམས་བསྒོམ་བཟླས། བླ་མའི་རྣལ་འབྱོར་ཐུན་མོང་མ་ཡིན་པ། བསམ་མི་ཁྱབ་ཐུན་མོང་མ་ཡིན་པ་ཇི་ལྟར་བསྒོམ་པའི་ཚུལ་ལོ། །དང་པོ་ལ་གསུམ། ལྷ་བསྒོམ་པ། སྔགས་བཟླ་བ། བཤགས་བསྡམ་བྱ་བའོ། །དང་པོ་ནི། སྐྱབས་སེམས་ཀྱི་རྗེས། རང་གི་སྤྱི་བོར་པདྨ་དང་པདྨ་དཀར་པོའི་སྡོང་བུ་ཚངས་བུག་ལ་ཟུག་པ། ཟླ་བའི་སྟེང་དུ་སྐད་ཅིག་གིས་བཅོམ་ལྡན་འདས་རྡོ་རྗེ་སེམས་དཔའ་དཔལ་ཧེ་རུ་ཀ་སྐུ་མདོག་དཀར་པོ་ཞལ་གཅིག་ཕྱག་གཉིས་ཀྱིས་རྡོ་རྗེ་དང་དྲིལ་བུ་འཛིན་པས་ཡུམ་ལ་འཁྱུད་པ། རུས་པའི་རྒྱན་དྲུག་གིས་བརྒྱན་པ། ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ། དེའི་པང་ན་ཡུམ་རྡོ་རྗེ་སྙེམ་མ་སྐུ་མདོག་དཀར་མོ་གྲི་གུག་དང་ཐོད་པ་འཛིན་པ། ཕྱག་རྒྱ་ལྔས་བརྒྱན་པ་དང་མཉམ་པར་སྦྱོར་བ། གཉིས་པ་ནི། ཡབ་ཀྱི་ཐུགས་ཀར་ཟླ་བའི་དཀྱིལ་འཁོར་གྱི་སྟེང་དུ་ཧཱུྃ་དཀར་པོ། དེ་ལས་འོད་ཟེར་འཕྲོས་པས་དེ་བཞིན་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ་ཡེ་ཤེས་ཀྱི་བདུད་རྩིའི་རྣམ་པར་སྤྱན་དྲངས་ནས་ཧཱུྃ་ལ་ཐིམ། བཅོམ་ལྡན་འདས་བདག་དང་སེམས་ཅན་ཐམས་ཅད་ཀྱི་ཚེ་འཁོར་བ་ཐོག་མ་མེད་པ་ནས་བསགས་པའི་སྡིག་སྒྲིབ་ཉེས་ལྟུང་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། །ཞེས་གསོལ་བ་བཏབ་པས་ཧཱུྃ་ལས་བདུད་རྩིའི་རྒྱུན་བབས། ཧེ་རུ་ཀའི་སྐུ་གང་། དེ་ནས་དབྱིབས་བརྒྱུད། ཡུམ་གྱི་སྐུ་གང་། ཡབ་ཡུམ་གཉིས་ཀྱི་སྦྱོར་མཚམས་ནས་བདུད་རྩི་བབས། བདག་གི་སྤྱི་གཙུག་ནས་ཞུགས་པས་ནད་གདོན་སྡིག་སྒྲིབ་ཐམས་ཅད་དུད་ཁུའམ་རྣག་ཁྲག་སྲོག་ཆགས་མི་སྡུག་པའི་རྣམ་པས་བཤང་གཅི་གཉིས་དང་། རྐང་མཐིལ་གཉིས་ནས་ཐོན། ཤུལ་ཐམས་ཅད་བདུད་རྩིས་གང་བར་གྱུར། ཞེས་བརྗོད་ཅིང་བསམས་ལ། ཨོཾ་ཤྲཱི་བཛྲ་ཧེ་རུ་ཀ་ས་མ་ཡ། མ་ནུ་པཱ་ལ་ཡ། ཧེ་རུ་ཀ་ཏྭེ་ནོ་པ་ཏིཥྛ། དྲྀ་ཌྷོ་མེ་བྷ་ཝ། སུཏོ་ཥྱོ་མེ་བྷ་ཝ། ཨ་ནུ་རཀྟོ་མེ་བྷ་ཝ། སུ་པོ་ཥྱོ་མེ་བྷ་ཝ། སརྦ་སིདྡྷི་མྨེ་པྲ་ཡཙྪ། སརྦ་ཀརྨ་སུ་ཙ་མེ་ཙིཾཏྟཾ་ཤྲེ་ཡཿཀུ་རུ་ཧཱུྃ། ཧ་ཧ་ཧ་ཧ་ཧོཿ བྷ་ག་ཝཱན། བཛྲ་ཧེ་རུ་ཀ མཱ་མེ་མུཉྩ། ཧེ་རུ་ཀོ་བྷ་ཝ་མ་ཧཱ་ས་མ་ཡ་ས་ཏྭ་ཨཱཿཧཱུྃ་ཕ྄ཊ། ཅེས་ཉེར་གཅིག་སོགས་ཅི་ནུས་བཟླ། གསུམ་པ་ནི། མཐར་ཐལ་མོ་སྦྱར་ཏེ། མགོན་པོ་བདག་ནི་མི་ཤེས་རྨོངས་པ་སྟེ། །དམ་ཚིག་ལས་ནི་འགལ་ཞིང་ཉམས། །བླ་མ་མགོན་པོས་སྐྱབས་མཛོད་ཅིག །གཙོ་བོ་རྡོ་རྗེ་འཛིན་པ་སྟེ། །ཐུགས་རྗེ་ཆེན་པོའི་བདག་ཉིད་ཅན། །འགྲོ་བའི་གཙོ་ལ་བདག་སྐྱབས་མཆི། །སྐུ་གསུང་ཐུགས་རྩ་བ་དང་ཡན་ལག་གི་དམ་ཚིག་ཉམས་པ་ཐམས་ཅད་མཐོལ་ལོ་བཤགས་སོ། །སྡིག་པ་དང་སྒྲིབ་པ་ཉེས་པ་དང་ལྟུང་བ་དྲི་མའི་ཚོགས་ཐམས་ཅད་བྱང་ཞིང་དག་པར་མཛད་དུ་གསོལ། །ཞེས་གསོལ་བ་བཏབ་པས་རྡོ་རྗེ་སེམས་དཔའ་ཡབ་ཡུམ་འོད་དུ་ཞུ། རང་གི་སྤྱི་བོ་ནས་ཐིམ་པས་ལུས་ཤེལ་གོང་གཡའ་དག་པ་ལྟ་བུར་གྱུར་པར་བསམ་མོ། །གཉིས་པ་བླ་མའི་རྣལ་འབྱོར་ཐུན་མོང་མ་ཡིན་པ་ལ་བཞི། ཚོགས་ཞིང་གསལ་གདབ་པ། གསོལ་བ་གདབ་པ། མཆོད་པ་འབུལ་བ། དབང་བླང་ཞིང་དེ་ཁོ་ན་ཉིད་ལ་མཉམ་པར་བཞག་པའོ། །དང་པོ་ནི། མདུན་གྱི་ནམ་མཁར་ཡེ་ཤེས་ཀྱི་རང་སྣང་ལས་གྲུབ་པའི་གཞལ་མེད་ཁང་མཚན་ཉིད་ཐམས་ཅད་ཡོངས་སུ་རྫོགས་པའི་ལྟེ་བར་སེང་ཁྲི་པད་ཟླ་ཉི་མའི་གདན་ལ་རྩ་བའི་བླ་མ་སངས་རྒྱས་རྡོ་རྗེ་ཆོས་ཀྱི་རྣམ་པ་ཅན། སྐུ་མདོག་དམར་པོ་རྡོ་རྗེ་དང་དྲིལ་བུ་ཐུགས་ཀར་བསྣོལ་ཏེ་འཛིན་པ། དར་དང་རིན་པོ་ཆེ་དང་རུས་པའི་རྒྱན་གྱིས་བརྒྱན་པ། མཐའ་སྐོར་དུ་མདུན་ནས་བརྩམས་ཏེ་པད་ཟླའི་གདན་རེ་རེའི་སྟེང་དུ་བརྒྱུད་པའི་བླ་མ་རྣམས་དཔའ་བོ་རྡོ་རྗེ་ཆོས་ཀྱི་རྣམ་པ་ཅན། སྐུ་མདོག་དམར་པོ་གཡས་ཌཱ་མ་རུ་དང་། གཡོན་ཐོད་པ་བདུད་རྩིས་བཀང་བ་དང་། གྲུ་མོ་གཡོན་ན་ཁ་ཊྭཱྃ་ག་བསྣམས་པ། རུས་པའི་རྒྱན་དྲུག་གིས་བརྒྱན་པ། གཙོ་འཁོར་ཐམས་ཅད་ཀྱང་ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་ཤིང་། གཞོན་ནུ་ལང་ཚོ་དར་ལ་བབས་པའི་རྣམ་པ་ཅན། སྐྱབས་གནས་ཐམས་ཅད་འདུས་པའི་ངོ་བོར་གྱུར་པའི་སྤྱི་བོར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། དེ་ལས་འོད་ཟེར་འཕྲོས་པས་བླ་མ་ཡི་དམ་སངས་རྒྱས་བྱང་སེམས་མཁའ་འགྲོ་ཆོས་སྐྱོང་སྲུང་མའི་ཚོགས་དང་བཅས་པ་ཨོཾ་བཛྲ་ས་མཱ་ཛཿ ཛཿཧཱུྃ་བྃ་ཧོཿ གཉིས་སུ་མེད་པར་ཐིམ། སྐྱབས་གནས་རེ་རེའང་སྐྱབས་གནས་ཀུན་འདུས་ཀྱི་ངོ་བོར་གྱུར་པར་བསམ་མོ། །གཉིས་པ་ནི། མོས་གུས་གདུང་ཤུགས་དྲག་པོས། གང་གི་དྲིན་གྱིས་བདེ་ཆེན་ཉིད། །སྐད་ཅིག་ཉིད་ལ་འཆར་བ་གང་། །བླ་མ་རིན་ཆེན་ལྟ་བུའི་སྐུ། །རྡོ་རྗེ་ཅན་ཞབས་པད་ལ་འདུད། །ཅེས་དང་། སྤྲོ་ན་བརྒྱུད་འདེབས་བྱ། གང་ལྟར་ཡང་། དྲིན་ཅན་རྩ་བ་དང་བརྒྱུད་པར་བཅས་པའི་དཔལ་ལྡན་བླ་མ་དམ་པ་རྣམས་ལ་གསོལ་བ་འདེབས་སོ། །ཁྱེད་རྣམས་ཀྱིས་བདག་གི་རྒྱུད་བྱིན་གྱིས་བརླབ་ཏུ་གསོལ། །ཞེས་ཅི་ནུས་ཀྱི་སྒོ་ནས་གསོལ་བ་ཕུར་ཚུགས་སུ་གདབ་བོ། །གསུམ་པ་ལ་གཉིས། ཞེན་པ་སྤང་བ་དང་། མཆོད་པ་དངོས་སོ། །དང་པོ་ནི། རང་གི་མདུན་དུ་ལོངས་སྤྱོད། གཡས་སུ་གཉེན། གཡོན་དུ་དགྲ། མཐའ་བསྐོར་དུ་བར་མའི་སེམས་ཅན་ཐམས་ཅད་འཁོད་པ། དེ་ཐམས་ཅད་ལྟོས་མེད་དུ་ལིང་གིས་ཕུལ་བར་བསམ་ལ། བདག་གི་ལུས་ལོངས་སྤྱོད་དགྲ་གཉེར་བར་མའི་འགྲོ་བ་དང་བཅས་པ་ཐམས་ཅད་དཔལ་ལྡན་བླ་མ་དམ་པ་རྣམས་ལ་འབུལ་བར་བགྱིའོ། །བདག་ཆགས་སྡང་རྨོངས་གསུམ་དང་བྲལ་བར་བྱིན་གྱིས་བརླབ་ཏུ་གསོལ། །ཅེས་བརྗོད། གཉིས་པ་ལ་དྲུག་ལས། དང་པོ་ཕྱི་མཆོད་ནི། རང་གི་སྙིང་ག་ནས་མཆོད་པའི་ལྷ་མོ་ནམ་མཁའ་གང་བས་མེ་ཏོག་ལ་སོགས་པས་མཆོད་པར་བསམ་ལ། ཨོཾ་བཛྲ་པུཥྤེ་ཨཱཿཧཱུྃ་ནས། ཤབྡའི་བར་ཕྱག་རྒྱ་དང་བཅས་པས་མཆོད་ཅིང་། སླར་རང་ལ་བསྡུ། གཉིས་པ་ནང་མཆོད་ནི། ཡང་མཆོད་པའི་ལྷ་མོ་རྣམས་ཀྱིས་རང་བཞིན་གྱི་གནས་ནས་ཡེ་ཤེས་ཀྱི་བདུད་རྩི་ཐོད་པའི་ནང་དུ་སྤྱན་དྲངས་ཏེ་རྩ་བརྒྱུད་ཀྱི་བླ་མ་རྣམས་ལ་རེ་རེ་བཞིན་ཕུལ། ལྗགས་འོད་ཟེར་གྱི་སྦུ་གུས་དྲངས་ཤིང་གསོལ། ཟག་མེད་ཀྱི་བདེ་བས་མཉེས་པར་བསམ་ལ། ཨོཾ་ཨཱཿཧཱུྃ་ཞེས་བརྗོད་ཅིང་རང་ལ་བསྡུ། གསུམ་པ་གསང་མཆོད་ནི། སླར་ཡང་སྤྲོས་པའི་ལྷ་མོ་རྣམས་ཀྱིས་སྙན་པའི་གླུ་ལེན། བདེ་བའི་གར་བསྒྱུར། མཐར་གཅིག་ལ་གཅིག་ཐིམ་སྟེ་རྡོ་རྗེ་རྣལ་འབྱོར་མར་གྱུར་པས་བླ་མ་རྣམས་ཀྱི་སྐུ་ལ་འཁྲིལ་ནས་ཟག་མེད་ཀྱི་བདེ་བས་མཉེས་པར་གྱུར་པའི་མོས་པ་བྱའོ། །བཞི་པ་དེ་ཁོ་ན་ཉིད་ཀྱི་མཆོད་པ་ནི། དེ་ལྟ་བུའི་འཁོར་གསུམ་རང་བཞིན་མ་གྲུབ་པར་ཤེས་པའི་ངང་དུ་འཛིན་མེད་ལ་བློ་བཞག །ལྔ་པ་ཀུ་སཱ་ལིའི་ཚོགས་བསག་གི་མཆོད་པ་ནི། རང་གི་སྙིང་ག་ནས་རང་སེམས་ཀྱི་ངོ་བོ་རྣལ་འབྱོར་མ་མཐེབ་སོར་གྱི་ཚད་ཙམ་པ་རྩ་དབུ་མའི་ལམ་བརྒྱུད། ཚངས་བུག་ནས་ཐོན། ཕྱག་གཡས་པའི་གྲི་གུག་གིས་ཕུང་པོའི་སྨིན་མཚམས་སུ་རེག་པ་ཙམ་གྱིས་ལིང་གིས་གོག །ཐོད་པའི་སྒྱེད་པུ་ཆེན་པོ་རི་རབ་ཙམ་གསུམ་གྲུབ་པའི་སྟེང་དུ་བཞག་པས་སྟོང་གསུམ་གྱི་ཚད་དང་མཉམ་པར་གྱུར་པའི་ནང་དུ། ལུས་ཀྱི་རྐང་པ་གཡས་ནས་བརྩམས་ཏེ་དུམ་བུར་གཏུབ་ཅིང་བསྐྱུར་བས་ཤ་ཁྲག་རུས་པའི་ཕུང་པོ་ཟད་མི་ཤེས་པར་གྱུར། དེ་ཉིད་ལ་དམིགས་ཏེ། ཨོཾ་ཨཱཿཧཱུྃ་ཧ་ཧོ་ཧྲཱིཿཞེས་བརྗོད་པས། ཡེ་ཤེས་ཀྱི་མེ་འབར་བས་ཐོད་པ་དྲོས། རྫས་ཞུ་ཞིང་ཁོལ་བས་ཡེ་ཤེས་ཀྱི་བདུད་རྩིའི་རྒྱ་མཚོ་ཆེན་པོར་གྱུར་པར་བསམ། རང་སེམས་རྣལ་འབྱོར་མའི་ཐུགས་ཀ་ནས་མཆོད་པའི་ལྷ་མོ་ཐོད་པ་ཐོགས་པ་དཔག་ཏུ་མེད་པ་འཕྲོས། བདུད་རྩིའི་ཕུད་ཀྱིས་རྩ་བའི་བླ་མ་ལ་མཆོད་པར་བསམ་ལ། དྲིན་ཅན་རྩ་བའི་བླ་མའི་ཞལ་དུ་ཨོཾ་ཨཱཿཧཱུྃ། ལན་བདུན། དེ་བཞིན་དུ། བརྒྱུད་པའི་བླ་མ་རྣམས་ཀྱི་ཞལ་དུ་ཨོཾ་ཨཱཿཧཱུྃ། གཞན་ཡང་བླ་མ་ཡི་དམ་སངས་རྒྱས་བྱང་སེམས་དཔའ་བོ་མཁའ་འགྲོ་ཆོས་སྐྱོང་སྲུང་མ་གནོད་སྦྱིན་ནོར་ལྷ་དམ་ཅན་གཏེར་བདག་རྣམས་ཀྱི་ཞལ་དུ་ཨོཾ་ཨཱཿཧཱུྃ། གནོད་བྱེད་གདོན་བགེགས་རིགས་དྲུག་བར་དོ་དང་བཅས་པའི་སེམས་ཅན་ཐམས་ཅད་ཟག་པ་མེད་པའི་བདུད་རྩིས་ཚིམ་སྟེ་མྱུར་དུ་བླ་ན་མེད་པའི་བྱང་ཆུབ་ཐོབ་པའི་སྐལ་བ་དང་ལྡན་པར་གྱུར་ཅིག །ཨོཾ་ཨཱཿཧཱུྃ་ཞེས་བྱིན་པས་ཐམས་ཅད་སེམས་རྟོག་མེད་ཆོས་སྐུ་དང་། ལུས་ཟག་མེད་རྣལ་འབྱོར་མའི་སྐུར་གྱུར། ལྷ་མོ་རྣམས་རང་ལ་ཐིམ། རང་གི་ལུས་སྔར་བཞིན་གྱུར་ཅིང་། ཐོད་པ་སོགས་མི་དམིགས་པར་བསམ། དྲུག་པ་མཎྜལ་གྱི་མཆོད་པ་ནི། ཁྲིད་དང་བསྙེན་པ་སོགས་ཀྱི་སྐབས་མཎྜལ་ཚོམ་བུ་བདུན་མ་སྤྱི་ལྟར་ཕུལ། སྤྲོ་ན་སོ་བདུན་མའང་བྱ། བཞི་པ་དབང་བླང་ཞིང་དེ་ཁོ་ན་ཉིད་ལ་མཉམ་པར་བཞག་པ་ནི། རྩ་བའི་བླ་མ་ལ་དམིགས་ནས། དུས་གསུམ་སངས་རྒྱས་ཐམས་ཅད་ཀྱི་ངོ་བོ་དཔལ་ལྡན་བླ་མ་དམ་པ་རྣམས་ལ་གསོལ་བ་འདེབས་སོ། །བདག་ལ་དབང་བཞི་ཡོངས་སུ་རྫོགས་པར་བསྐུར་དུ་གསོལ། །ཞེས་ལན་གསུམ་གསོལ་བ་བཏབ་པས། རྩ་བའི་བླ་མས་བརྒྱུད་པའི་བླ་མ་རྣམས་ལ་སྤྱན་ཆེར་གཟིགས་ཏེ། དབང་བཞི་བསྐུར་མི་བསྐུར་གྱི་གནང་བ་ཞུས་པས། བརྒྱུད་པའི་བླ་མ་རྣམས་ཀྱིས་རྩ་བའི་བླ་མ་ལ་སྤྱན་ཆེར་གཟིགས་ནས་དེ་བཞིན་བགྱི། ཞེས་གནང་བ་སྦྱིན་པའི་ཚུལ་གྱིས་བླ་མ་བརྒྱུད་པ་རྣམས་གཡས་སྐོར་གྱི་མས་ཡས་རིམ་བཞིན་ཐིམ་མཐར་རྡོ་རྗེ་འཆང་ཡང་རྩ་བའི་བླ་མ་ལ་ཐིམ། བླ་མའི་དཔྲལ་བའི་ཨོཾ་ལས་འོད་ཟེར་དཀར་པོ་འཕྲོས། རང་གི་དཔྲལ་བར་ཐིམ་པས་བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྐྱེད་རིམ་བསྒོམ་པ་ལ་དབང་། སྐུའི་བྱིན་རླབས་ཞུགས། འབྲས་བུ་སྤྲུལ་སྐུ་ཐོབ་པའི་སྐལ་པ་ཅན་དུ་བྱས། མགྲིན་པའི་ཨཱཿལས་འོད་ཟེར་དམར་པོ་འཕྲོས། རང་གི་མགྲིན་པར་ཐིམ་པས་གསང་བའི་དབང་ཐོབ། ངག་གི་དྲི་མ་དག །ལམ་ཙཎྜ་ལཱི་བསྒོམ་པ་ལ་དབང་། གསུང་གི་བྱིན་རླབས་ཞུགས། འབྲས་བུ་ལོངས་སྐུ་ཐོབ་པའི་སྐལ་པ་ཅན་དུ་བྱས། ཐུགས་ཀའི་ཧཱུྃ་ལས་འོད་ཟེར་སྔོན་པོ་འཕྲོས། རང་གི་སྙིང་གར་ཐིམ་པས་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག །ཕོ་ཉའི་ལམ་བསྒོམ་པ་ལ་དབང་། ཐུགས་ཀྱི་བྱིན་རླབས་ཞུགས། འབྲས་བུ་ཆོས་སྐུ་ཐོབ་པའི་སྐལ་བ་ཅན་དུ་བྱས། སླར་ཡང་གནས་གསུམ་ལས་འོད་ཟེར་དཀར་དམར་མཐིང་གསུམ་འཕྲོས། རང་གི་ལུས་ངག་ཡིད་གསུམ་ལ་ཐིམ་པས་དབང་བཞི་པ་ཐོབ། ལམ་ཕྱག་རྒྱ་ཆེན་པོ་བསྒོམ་པ་ལ་དབང་། སྐུ་གསུང་ཐུགས་ཀྱི་བྱིན་རླབས་ཞུགས། འབྲས་བུ་ངོ་བོ་ཉིད་སྐུ་ཐོབ་པའི་སྐལ་བ་ཅན་དུ་བྱས་པར་བསམ་ལ་སོ་སོའི་མཐར་དབང་དོན་ལ་བློ་བཞག །དེ་ནས་ངག་ཏུ། དུས་གསུམ་སངས་རྒྱས་ཐམས་ཅད་ཀྱི་ངོ་བོ་དཔལ་ལྡན་བླ་མ་དམ་པ་ལ་གསོལ་བ་འདེབས་སོ་བདག་གི་རྒྱུད་བྱིན་གྱིས་བརླབ་ཏུ་གསོལ། །ཞེས་བརྗོད་ཅིང་གསོལ་བ་བཏབ་ལ་བླ་མ་དེ་ཉིད་དབུའི་གཙུག་ཏོར་ནས་མར་འོད་དུ་ཞུ། གདན་སེང་ཁྲི་ནས་ཡར་འོད་དུ་ཞུ་བ་ཐུགས་ཀའི་ཐད་དུ་འོད་དམར་སེར་ལི་ཁྲིའི་མདོག་ཅན་སྣུམ་ལ་འདྲིལ་བ་བདེ་བ་ཆེན་པོའི་རང་བཞིན་དུ་གྱུར་པ་དེ་ཉིད་བདེ་ཧྲིལ་གྱིས་བྱུང་ནས་རང་གི་སྤྱི་གཙུག་ནས་ཞུགས། སྙིང་གའི་བྃ་ཡིག་དམར་པོ་དེ་ཉིད་ལ་སིམ་སྟེ་ཐིམ་པས་བྃ་ཡིག་དེ་ཉིད་ཇེ་ཆེར་སོང་ནས་འཇའ་ཡལ་བ་ལྟ་བུར་གྱུར་པར་བསམ་ལ་རིག་པ་བརྗོད་མེད་ཀྱི་ངང་དུ་ཅི་གནས་སུ་མཉམ་པར་བཞག །དེ་ནས་རང་གི་སྙིང་གར་ཨེ་ཨེ་ལས་སོགས་བདག་ལྷར་བསྐྱེད་པའི་རྣལ་འབྱོར་ལ་འཇུག་གོ །འདིའི་སྐབས་སུ་མཆོད་པ་བསྡུ་ན་ཀུ་སཱ་ལའི་ཚོགས་བསག་ཁོ་ནས་ཀྱང་རུང་གསུངས། གསུམ་པ་བསམ་མི་ཁྱབ་ཐུན་མོང་མ་ཡིན་པ་ལ་གཉིས། །སྔོན་འགྲོ་རྩ་ལམ་སྦྱང་བ་དང་། དངོས་གཞི་བསམ་མི་ཁྱབ་ཀྱི་འོད་གསལ་ལ་འཇུག་པའོ། །དང་པོ་ནི། ཞར་བྱུང་གི་རྫོགས་རིམ་གྱི་མཇུག་ཏུ་ལུས་གནད་བསྲང་། རླུང་རོ་བསལ། རང་གི་ལུས་ཀྱི་དབུས་དྲང་པོར་རྩ་དབུ་མ་ཕྱི་དཀར། ནང་དམར་སྦོམ་ཕྲ་སྲིན་མཛུབ་ཙམ། ཡར་སྣ་སྤྱི་གཙུག་ཏུ་ཐུག་པ། གཡས་སུ་རོ་མ་དམར་མོ། གཡོན་དུ་རྐྱང་མ་དཀར་མོ། གཉིས་ཀའང་དབུ་མ་ལས་སུམ་འགྱུར་གྱིས་ཕྲ་བ། ཡར་སྣ་སྤྱི་གཙུག་ནས་གུག་སྟེ་སྣ་བུག་གཉིས་སུ་ཟུག་པ། གསུམ་ཀའི་མར་སྣ་ལྟེ་འོག་སོར་བཞིའི་ཐད་སྦུབས་གཅིག་ཏུ་གྱུར་པའི་དབུས་སུ་བྃ་ཡིག་དང་རང་སེམས་དབྱེར་མེད་པའི་ངོ་བོ་རྣལ་འབྱོར་མ་མཐེབ་སོར་གྱི་ཚད་ཙམ་གསལ་བཏབ། དེ་ལ་སེམས་གཏད་པས་ཐུགས་ཀ་ནས་སྐུ་ཆུང་ངུ་ཞིག་ནར་གྱིས་ཆད། རླུང་ཕྱིར་རྒྱུ་བ་དང་ལྷན་ཅིག་རྩ་གཡས་རོ་མའི་ནང་ནས་ཡར་དམར་ཁྱུག་གིས་བྱོན། སྣ་གཡས་པའི་སྒོར་སླེབས་པ་དང་། དེ་ལས་དེ་འདྲ་བ་བསམ་གྱིས་མི་ཁྱབ་པ་འཕྲོས། སྣོད་བཅུད་ཐམས་ཅད་ལ་ཁྱབ། འཕགས་པ་རྣམས་མཆོད་ཅིང་ཐུགས་དམ་བསྐུལ། སེམས་ཅན་ཐམས་ཅད་ཀྱི་སྡིག་སྒྲིབ་སྦྱངས་ཤིང་རྡོ་རྗེ་རྣལ་འབྱོར་མའི་སྐུར་གྱུར། རླུང་ནང་དུ་རྔུབས་པ་དང་སྣ་གཡོན་པའི་བུ་ག་ནས་ཞུགས། རྐྱང་མའི་ལམ་བརྒྱུད་ལྟེ་བའི་རྣལ་འབྱོར་མ་ལ་ཐིམ་པར་བསམ་ཞིང་རླུང་ཅི་ཐུབ་ཏུ་བཟུང་ངོ་། །དེ་ལྟ་བུ་ལན་བདུན་སོགས་ཅི་ནུས་སུ་བྱ། གཉིས་པ་ནི། ནང་གི་རྣལ་འབྱོར་མ་ལས་འོད་ཟེར་འཕྲོས། ལུས་ཀྱི་ནང་ཐམས་ཅད་ཁྱབ། ཡན་ལག་ཐམས་ཅད་འོད་དུ་ཞུ་ནས་ཁོག་པ་ལ་ཐིམ། དེ་ཉིད་ཀྱང་འོད་དམར་པོའི་ཕུང་པོར་གྱུར། ལྟེ་བའི་རྣལ་འབྱོར་མ་མཁའ་སྤྱོད་དུ་འབྱོན་པ་ལ་རིང་བས་ཡར་བྱོན། རིམ་བཞིན་དབུ་མ་དབུ་གཙུག་དང་རོ་རྐྱང་གཉིས་ཀྱང་ཞབས་མཐིལ་ལ་ཐིམ་པས་ཇེ་ཐུང་དུ་གྱུར་ཅིང་། ཕྱི་དབྱིབས་ཀྱི་ལུས་ཀྱང་རིམ་པར་ཐིམ། སྤྱི་གཙུག་ཏུ་བྱོན་པ་དང་རྩ་དང་ལུས་ལྷག་མ་མ་ལུས་པར་ཐིམ། དེའི་རྐྱེན་གྱི་རང་སེམས་རྣལ་འབྱོར་མ་རྩལ་པོ་ཆེས་མདའ་ནམ་མཁའ་ལ་འཕང་བ་བཞིན་མཁའ་སྤྱོད་དུ་གཤེགས་ཏེ། འོད་གསལ་སྟོང་ཉིད་ཀྱི་ངང་དུ་ཐིམ་པར་བསམ་ལ། གསལ་སྟོང་ཟུང་འཇུག་གི་དབྱིངས་སུ་མཉམ་པར་བཞག །སླར་ནམ་མཁའ་ནས་རང་སེམས་རྣལ་འབྱོར་མར་གསལ་བ་དེ་ཉིད་ཐོལ་གྱིས་བྱུང་། རང་གནས་སུ་ཕེབས་པ་དང་ཕྱིའི་ལུས་དང་རྩ་སོགས་ཀྱང་སྔར་བཞིན་དུ་གྲུབ་པར་བསམ། དེ་ལྟ་བུ་ཚར་ཉེར་གཅིག་གམ། བདུན་ནམ། གསུམ་སོགས་སྐབས་དང་སྦྱར་ལ་བྱ། ཐུན་བསྡུ་བ་ན། རང་ཉིད་ཕྱི་དབྱིབས་ཀྱི་རྣལ་འབྱོར་མར་གསལ་བའི་སྐུ་ལ་གོ་ཆ་དགོད་པ་སོགས་སྒྲུབ་ཐབས་ཀྱི་དཀྱུས་བཞིན་བྱའོ། །དེ་ལྟར་བླ་མའི་རྣལ་འབྱོར་དང་། བསམ་མི་ཁྱབ་ཐུན་མོང་མ་ཡིན་པ་འདི་དག་སོ་སོའི་མན་ངག་ཐོབ་པས་ཉམས་སུ་བླང་བར་བྱ་བ་ཡིན་ནོ། །མཁའ་སྤྱོད་བགྲོད་པའི་གསང་བའི་ལམ། །མཛེས་བྱེད་མན་ངག་འདི་སྦྱར་བའི། །དགེ་བས་ཡིད་ཅན་ཐམས་ཅད་ཀུན། །བདེ་བ་ཆེ་ལ་རོལ་པར་ཤོག །ཅེས་པའང་རང་ཉིད་ཀྱིས་སྔར་བགྱིས་པའི་ནཱ་རོ་མཁའ་སྤྱོད་མའི་བསྐྱེད་རྫོགས་མདོར་བསྡུས་པ་མཁའ་སྤྱོད་བགྲོད་པའི་གསང་ལམ་གྱི་ལྷན་ཐབས་སུ། དོན་དུ་གཉེར་བ་འགའ་ལ་སྨན་པའི་བསམ་པས་མཁྱེན་བརྩེའི་དབང་པོས་ཉུང་གསལ་སྙིང་པོར་དྲིལ་ཏེ་བྲིས་པ་དགེ་ལེགས་སུ་གྱུར་ཅིག ། ༈

[edit]

rje btsun rdo rje rnal 'byor ma nA ro mkha' spyod ma'i bskyed rdzogs mdor bsdus dang 'brel ba'i nyams len mkha' spyod gsang lam mdzes par byed pa'i rgyan/ @#/_/rje btsun rdo rje rnal 'byor ma nA ro mkha' spyod ma'i bskyed rdzogs mdor bsdus dang 'brel ba'i nyams len mkha' spyod gsang lam mdzes par byed pa'i rgyan ces bya ba bzhugs so/__/oM swasti sid+d+haM/__bde stong zung 'jug ye shes sku/__/bla ma rnal 'byor ma dpal la/__/btud nas bskyed rdzogs mdor bsdus dang /__/'brel ba'i gsang lam mdzes rgyan bskrun/__/'di la gsum/__rdor sems bsgom bzlas/__bla ma'i rnal 'byor thun mong ma yin pa/__bsam mi khyab thun mong ma yin pa ji ltar bsgom pa'i tshul lo/__/dang po la gsum/__lha bsgom pa/__sngags bzla ba/__bshags bsdam bya ba'o/__/dang po ni/__skyabs sems kyi rjes/__rang gi spyi bor pad+ma dang pad+ma dkar po'i sdong bu tshangs bug la zug pa/__zla ba'i steng du skad cig gis bcom ldan 'das rdo rje sems dpa' dpal he ru ka sku mdog dkar po zhal gcig phyag gnyis kyis rdo rje dang dril bu 'dzin pas yum la 'khyud pa/__rus pa'i rgyan drug gis brgyan pa/__zhabs rdo rje'i skyil mo krung gis bzhugs pa/__de'i pang na yum rdo rje snyem ma sku mdog dkar mo gri gug dang thod pa 'dzin pa/__phyag rgya lngas brgyan pa dang mnyam par sbyor ba/__gnyis pa ni/__yab kyi thugs kar zla ba'i dkyil 'khor gyi steng du hU~M dkar po/__de las 'od zer 'phros pas de bzhin gshegs pa thams cad kyi thugs kyi snying po ye shes kyi bdud rtsi'i rnam par spyan drangs nas hU~M la thim/__bcom ldan 'das bdag dang sems can thams cad kyi tshe 'khor ba thog ma med pa nas bsags pa'i sdig sgrib nyes ltung dri ma'i tshogs thams cad byang zhing dag par mdzad du gsol/__/zhes gsol ba btab pas hU~M las bdud rtsi'i rgyun babs/__he ru ka'i sku gang /__de nas dbyibs brgyud/__yum gyi sku gang /__yab yum gnyis kyi sbyor mtshams nas bdud rtsi babs/__bdag gi spyi gtsug nas zhugs pas nad gdon sdig sgrib thams cad dud khu'am rnag khrag srog chags mi sdug pa'i rnam pas bshang gci gnyis dang /__rkang mthil gnyis nas thon/__shul thams cad bdud rtsis gang bar gyur/__zhes brjod cing bsams la/__oM shrI badz+ra he ru ka sa ma ya/__ma nu pA la ya/__he ru ka twe no pa tiSh+Tha/__dr-i D+ho me b+ha wa/__suto Sh+yo me b+ha wa/__a nu rak+to me b+ha wa/__su po Sh+yo me b+ha wa/__sarba sid+d+hi m+me pra yats+tsha/__sarba karma su tsa me tsiMt+taM shre yaHku ru hU~M/__ha ha ha ha hoH__b+ha ga wAn/__badz+ra he ru ka__mA me muny+tsa/__he ru ko b+ha wa ma hA sa ma ya sa twa AHhU~M pha?T/__ces nyer gcig sogs ci nus bzla/__gsum pa ni/__mthar thal mo sbyar te/__mgon po bdag ni mi shes rmongs pa ste/__/dam tshig las ni 'gal zhing nyams/__/bla ma mgon pos skyabs mdzod cig__/gtso bo rdo rje 'dzin pa ste/__/thugs rje chen po'i bdag nyid can/__/'gro ba'i gtso la bdag skyabs mchi/__/sku gsung thugs rtsa ba dang yan lag gi dam tshig nyams pa thams cad mthol lo bshags so/__/sdig pa dang sgrib pa nyes pa dang ltung ba dri ma'i tshogs thams cad byang zhing dag par mdzad du gsol/__/zhes gsol ba btab pas rdo rje sems dpa' yab yum 'od du zhu/__rang gi spyi bo nas thim pas lus shel gong g.ya' dag pa lta bur gyur par bsam mo/__/gnyis pa bla ma'i rnal 'byor thun mong ma yin pa la bzhi/__tshogs zhing gsal gdab pa/__gsol ba gdab pa/__mchod pa 'bul ba/__dbang blang zhing de kho na nyid la mnyam par bzhag pa'o/__/dang po ni/__mdun gyi nam mkhar ye shes kyi rang snang las grub pa'i gzhal med khang mtshan nyid thams cad yongs su rdzogs pa'i lte bar seng khri pad zla nyi ma'i gdan la rtsa ba'i bla ma sangs rgyas rdo rje chos kyi rnam pa can/__sku mdog dmar po rdo rje dang dril bu thugs kar bsnol te 'dzin pa/__dar dang rin po che dang rus pa'i rgyan gyis brgyan pa/__mtha' skor du mdun nas brtsams te pad zla'i gdan re re'i steng du brgyud pa'i bla ma rnams dpa' bo rdo rje chos kyi rnam pa can/__sku mdog dmar po g.yas DA ma ru dang /__g.yon thod pa bdud rtsis bkang ba dang /__gru mo g.yon na kha T+wA~M ga bsnams pa/__rus pa'i rgyan drug gis brgyan pa/__gtso 'khor thams cad kyang zhabs rdo rje'i skyil mo krung gis bzhugs shing /__gzhon nu lang tsho dar la babs pa'i rnam pa can/__skyabs gnas thams cad 'dus pa'i ngo bor gyur pa'i spyi bor oM/__mgrin par AH__thugs kar hU~M/__de las 'od zer 'phros pas bla ma yi dam sangs rgyas byang sems mkha' 'gro chos skyong srung ma'i tshogs dang bcas pa oM badz+ra sa mA dzaH__dzaHhU~M ba~M hoH__gnyis su med par thim/__skyabs gnas re re'ang skyabs gnas kun 'dus kyi ngo bor gyur par bsam mo/__/gnyis pa ni/__mos gus gdung shugs drag pos/__gang gi drin gyis bde chen nyid/__/skad cig nyid la 'char ba gang /__/bla ma rin chen lta bu'i sku/__/rdo rje can zhabs pad la 'dud/__/ces dang /__spro na brgyud 'debs bya/__gang ltar yang /__drin can rtsa ba dang brgyud par bcas pa'i dpal ldan bla ma dam pa rnams la gsol ba 'debs so/__/khyed rnams kyis bdag gi rgyud byin gyis brlab tu gsol/__/zhes ci nus kyi sgo nas gsol ba phur tshugs su gdab bo/__/gsum pa la gnyis/__zhen pa spang ba dang /__mchod pa dngos so/__/dang po ni/__rang gi mdun du longs spyod/__g.yas su gnyen/__g.yon du dgra/__mtha' bskor du bar ma'i sems can thams cad 'khod pa/__de thams cad ltos med du ling gis phul bar bsam la/__bdag gi lus longs spyod dgra gnyer bar ma'i 'gro ba dang bcas pa thams cad dpal ldan bla ma dam pa rnams la 'bul bar bgyi'o/_/bdag chags sdang rmongs gsum dang bral bar byin gyis brlab tu gsol/__/ces brjod/__gnyis pa la drug las/__dang po phyi mchod ni/__rang gi snying ga nas mchod pa'i lha mo nam mkha' gang bas me tog la sogs pas mchod par bsam la/__oM badz+ra puSh+pe AHhU~M nas/__shab+da'i bar phyag rgya dang bcas pas mchod cing /__slar rang la bsdu/__gnyis pa nang mchod ni/__yang mchod pa'i lha mo rnams kyis rang bzhin gyi gnas nas ye shes kyi bdud rtsi thod pa'i nang du spyan drangs te rtsa brgyud kyi bla ma rnams la re re bzhin phul/__ljags 'od zer gyi sbu gus drangs shing gsol/__zag med kyi bde bas mnyes par bsam la/__oM AHhU~M zhes brjod cing rang la bsdu/__gsum pa gsang mchod ni/__slar yang spros pa'i lha mo rnams kyis snyan pa'i glu len/__bde ba'i gar bsgyur/__mthar gcig la gcig thim ste rdo rje rnal 'byor mar gyur pas bla ma rnams kyi sku la 'khril nas zag med kyi bde bas mnyes par gyur pa'i mos pa bya'o/__/bzhi pa de kho na nyid kyi mchod pa ni/__de lta bu'i 'khor gsum rang bzhin ma grub par shes pa'i ngang du 'dzin med la blo bzhag__/lnga pa ku sA li'i tshogs bsag gi mchod pa ni/__rang gi snying ga nas rang sems kyi ngo bo rnal 'byor ma mtheb sor gyi tshad tsam pa rtsa dbu ma'i lam brgyud/__tshangs bug nas thon/__phyag g.yas pa'i gri gug gis phung po'i smin mtshams su reg pa tsam gyis ling gis gog__/thod pa'i sgyed pu chen po ri rab tsam gsum grub pa'i steng du bzhag pas stong gsum gyi tshad dang mnyam par gyur pa'i nang du/__lus kyi rkang pa g.yas nas brtsams te dum bur gtub cing bskyur bas sha khrag rus pa'i phung po zad mi shes par gyur/__de nyid la dmigs te/__oM AHhU~M ha ho hrIHzhes brjod pas/__ye shes kyi me 'bar bas thod pa dros/__rdzas zhu zhing khol bas ye shes kyi bdud rtsi'i rgya mtsho chen por gyur par bsam/__rang sems rnal 'byor ma'i thugs ka nas mchod pa'i lha mo thod pa thogs pa dpag tu med pa 'phros/__bdud rtsi'i phud kyis rtsa ba'i bla ma la mchod par bsam la/__drin can rtsa ba'i bla ma'i zhal du oM AHhU~M/__lan bdun/__de bzhin du/__brgyud pa'i bla ma rnams kyi zhal du oM AHhU~M/__gzhan yang bla ma yi dam sangs rgyas byang sems dpa' bo mkha' 'gro chos skyong srung ma gnod sbyin nor lha dam can gter bdag rnams kyi zhal du oM AHhU~M/__gnod byed gdon bgegs rigs drug bar do dang bcas pa'i sems can thams cad zag pa med pa'i bdud rtsis tshim ste myur du bla na med pa'i byang chub thob pa'i skal ba dang ldan par gyur cig__/oM AHhU~M zhes byin pas thams cad sems rtog med chos sku dang /__lus zag med rnal 'byor ma'i skur gyur/__lha mo rnams rang la thim/__rang gi lus sngar bzhin gyur cing /__thod pa sogs mi dmigs par bsam/__drug pa maN+Dal gyi mchod pa ni/__khrid dang bsnyen pa sogs kyi skabs maN+Dal tshom bu bdun ma spyi ltar phul/__spro na so bdun ma'ang bya/__bzhi pa dbang blang zhing de kho na nyid la mnyam par bzhag pa ni/__rtsa ba'i bla ma la dmigs nas/__dus gsum sangs rgyas thams cad kyi ngo bo dpal ldan bla ma dam pa rnams la gsol ba 'debs so/__/bdag la dbang bzhi yongs su rdzogs par bskur du gsol/__/zhes lan gsum gsol ba btab pas/__rtsa ba'i bla mas brgyud pa'i bla ma rnams la spyan cher gzigs te/_dbang bzhi bskur mi bskur gyi gnang ba zhus pas/__brgyud pa'i bla ma rnams kyis rtsa ba'i bla ma la spyan cher gzigs nas de bzhin bgyi/__zhes gnang ba sbyin pa'i tshul gyis bla ma brgyud pa rnams g.yas skor gyi mas yas rim bzhin thim mthar rdo rje 'chang yang rtsa ba'i bla ma la thim/__bla ma'i dpral ba'i oM las 'od zer dkar po 'phros/__rang gi dpral bar thim pas bum pa'i dbang thob/__lus kyi dri ma dag__/lam bskyed rim bsgom pa la dbang /__sku'i byin rlabs zhugs/__'bras bu sprul sku thob pa'i skal pa can du byas/__mgrin pa'i AHlas 'od zer dmar po 'phros/__rang gi mgrin par thim pas gsang ba'i dbang thob/__ngag gi dri ma dag__/lam tsaN+Da lI bsgom pa la dbang /__gsung gi byin rlabs zhugs/__'bras bu longs sku thob pa'i skal pa can du byas/__thugs ka'i hU~M las 'od zer sngon po 'phros/__rang gi snying gar thim pas shes rab ye shes kyi dbang thob/__yid kyi dri ma dag__/pho nya'i lam bsgom pa la dbang /__thugs kyi byin rlabs zhugs/__'bras bu chos sku thob pa'i skal ba can du byas/__slar yang gnas gsum las 'od zer dkar dmar mthing gsum 'phros/__rang gi lus ngag yid gsum la thim pas dbang bzhi pa thob/__lam phyag rgya chen po bsgom pa la dbang /__sku gsung thugs kyi byin rlabs zhugs/__'bras bu ngo bo nyid sku thob pa'i skal ba can du byas par bsam la so so'i mthar dbang don la blo bzhag__/de nas ngag tu/__dus gsum sangs rgyas thams cad kyi ngo bo dpal ldan bla ma dam pa la gsol ba 'debs so bdag gi rgyud byin gyis brlab tu gsol/__/zhes brjod cing gsol ba btab la bla ma de nyid dbu'i gtsug tor nas mar 'od du zhu/__gdan seng khri nas yar 'od du zhu ba thugs ka'i thad du 'od dmar ser li khri'i mdog can snum la 'dril ba bde ba chen po'i rang bzhin du gyur pa de nyid bde hril gyis byung nas rang gi spyi gtsug nas zhugs/__snying ga'i ba~M yig dmar po de nyid la sim ste thim pas ba~M yig de nyid je cher song nas 'ja' yal ba lta bur gyur par bsam la rig pa brjod med kyi ngang du ci gnas su mnyam par bzhag__/de nas rang gi snying gar e e las sogs bdag lhar bskyed pa'i rnal 'byor la 'jug go__/'di'i skabs su mchod pa bsdu na ku sA la'i tshogs bsag kho nas kyang rung gsungs/__gsum pa bsam mi khyab thun mong ma yin pa la gnyis/__/sngon 'gro rtsa lam sbyang ba dang /__dngos gzhi bsam mi khyab kyi 'od gsal la 'jug pa'o/__/dang po ni/__zhar byung gi rdzogs rim gyi mjug tu lus gnad bsrang /__rlung ro bsal/__rang gi lus kyi dbus drang por rtsa dbu ma phyi dkar/__nang dmar sbom phra srin mdzub tsam/__yar sna spyi gtsug tu thug pa/__g.yas su ro ma dmar mo/__g.yon du rkyang ma dkar mo/__gnyis ka'ang dbu ma las sum 'gyur gyis phra ba/__yar sna spyi gtsug nas gug ste sna bug gnyis su zug pa/__gsum ka'i mar sna lte 'og sor bzhi'i thad sbubs gcig tu gyur pa'i dbus su ba~M yig dang rang sems dbyer med pa'i ngo bo rnal 'byor ma mtheb sor gyi tshad tsam gsal btab/__de la sems gtad pas thugs ka nas sku chung ngu zhig nar gyis chad/__rlung phyir rgyu ba dang lhan cig rtsa g.yas ro ma'i nang nas yar dmar khyug gis byon/__sna g.yas pa'i sgor slebs pa dang /__de las de 'dra ba bsam gyis mi khyab pa 'phros/__snod bcud thams cad la khyab/__'phags pa rnams mchod cing thugs dam bskul/__sems can thams cad kyi sdig sgrib sbyangs shing rdo rje rnal 'byor ma'i skur gyur/__rlung nang du rngubs pa dang sna g.yon pa'i bu ga nas zhugs/__rkyang ma'i lam brgyud lte ba'i rnal 'byor ma la thim par bsam zhing rlung ci thub tu bzung ngo /__/de lta bu lan bdun sogs ci nus su bya/__gnyis pa ni/__nang gi rnal 'byor ma las 'od zer 'phros/__lus kyi nang thams cad khyab/__yan lag thams cad 'od du zhu nas khog pa la thim/__de nyid kyang 'od dmar po'i phung por gyur/__lte ba'i rnal 'byor ma mkha' spyod du 'byon pa la ring bas yar byon/__rim bzhin dbu ma dbu gtsug dang ro rkyang gnyis kyang zhabs mthil la thim pas je thung du gyur cing /__phyi dbyibs kyi lus kyang rim par thim/__spyi gtsug tu byon pa dang rtsa dang lus lhag ma ma lus par thim/__de'i rkyen gyi rang sems rnal 'byor ma rtsal po ches mda' nam mkha' la 'phang ba bzhin mkha' spyod du gshegs te/__'od gsal stong nyid kyi ngang du thim par bsam la/__gsal stong zung 'jug gi dbyings su mnyam par bzhag__/slar nam mkha' nas rang sems rnal 'byor mar gsal ba de nyid thol gyis byung /__rang gnas su phebs pa dang phyi'i lus dang rtsa sogs kyang sngar bzhin du grub par bsam/__de lta bu tshar nyer gcig gam/__bdun nam/__gsum sogs skabs dang sbyar la bya/__thun bsdu ba na/__rang nyid phyi dbyibs kyi rnal 'byor mar gsal ba'i sku la go cha dgod pa sogs sgrub thabs kyi dkyus bzhin bya'o/__/de ltar bla ma'i rnal 'byor dang /__bsam mi khyab thun mong ma yin pa 'di dag so so'i man ngag thob pas nyams su blang bar bya ba yin no/__/mkha' spyod bgrod pa'i gsang ba'i lam/__/mdzes byed man ngag 'di sbyar ba'i/__/dge bas yid can thams cad kun/__/bde ba che la rol par shog__/ces pa'ang rang nyid kyis sngar bgyis pa'i nA ro mkha' spyod ma'i bskyed rdzogs mdor bsdus pa mkha' spyod bgrod pa'i gsang lam gyi lhan thabs su/__don du gnyer ba 'ga' la sman pa'i bsam pas mkhyen brtse'i dbang pos nyung gsal snying por dril te bris pa dge legs su gyur cig___/__!_