ཡང་གཏེར་གསང་བདག་རྡོ་རྗེ་མེ་འབར་གྱི་བླ་མ་བརྒྱུད་པ་ལ་གསོལ་བ་འདེབས་པ་བྱིན་རླབས་སྤྲིན་ཆེན།

🚧 This website is under continued development. We appreciate your patience!

Previous Text Back to Volume PageNext Text

Wylie title	yang gter gsang bdag rdo rje me 'bar gyi bla ma brgyud pa la gsol ba 'debs pa byin rlabs sprin chen
Location	mkhyen brtse'i bka' babs Volume 9, Text 25, Pages 579-580 (Folios 1a1 to 1b2)
Author	ཕུན་ཚོགས་རྣམ་རྒྱལ་
Less details More details
Tertön	དབུ་རུ་སྟོན་པ་ཤཱཀྱ་འོད་, འཇམ་དབྱངས་མཁྱེན་བརྩེའི་དབང་པོ་ (dbu ru ston pa shAkya 'od, 'jam dbyangs mkhyen brtse'i dbang po)
Citation	Phun tshogs rnam rgyal. yang gter gsang bdag rdo rje me 'bar gyi bla ma brgyud pa la gsol ba 'debs pa byin rlabs sprin chen. In Rdzong sar 'jam dbyangs mkhyen brtse'i dbang po'i bka' babs, Vol. 9: 579-580. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre	Lineage Supplications - brgyud 'debs
Cycle	དཔལ་གསང་བའི་བདག་པོ་རྡོ་རྗེ་མེ་འབར་ (dpal gsang ba'i bdag po rdo rje me 'bar)
Deity	phyag na rdo rje
Karchag page	JKW-KABAB-Volume-09-TA-Karchag
Colophon	།ཅེས་པའང་ཕུན་ཚོགས་རྣམ་རྒྱལ་པས་གསོལ་བ་བཏབ་པའོ།
	ces pa'ang phun tshogs rnam rgyal pas gsol ba btab pa'o

Tibetan Text

Wylie

[edit]

ཡང་གཏེར་གསང་བདག་རྡོ་རྗེ་མེ་འབར་གྱི་བླ་མ་བརྒྱུད་པ་ལ་གསོལ་བ་འདེབས་པ་བྱིན་རླབས་སྤྲིན་ཆེན་བཞུགས། ཆོས་སྐུའི་སྟོན་པ་རང་བྱུང་ཀུན་ཏུ་བཟང༌། །ལོངས་སྐུའི་སྟོན་པ་རང་སྣང་རྡོ་རྗེ་སེམས། །ཟུང་འཇུག་སྤྲུལ་སྐུའི་སྟོན་པ་གསང་བའི་བདག །གསོལ་བ་འདེབས་སོ་མཁྱེན་བརྩེ་ནུས་པ་སྩོལ། །རྒྱལ་བ་ཀུན་འདུས་པདྨ་ཀ་ར་དང༌། །དབྱིངས་ཕྱུག་ཡེ་ཤེས་ཌཱ་ཀི་མཚོ་རྒྱལ་ཡུམ། །ཟབ་གཏེར་མཛོད་འཛིན་དབུ་རུ་ཤཀྱཱ་འོད། །གསོལ་བ་འདེབས་སོ་མཁྱེན་བརྩེ་ནུས་པ་སྩོལ། །བཀའ་བབ་བདུན་ལྡན་པདྨ་མདོ་སྔགས་གླིང༌། །གར་གྱི་དབང་ཕྱུག་བློ་གྲོས་མཐའ་ཡས་དང༌། །གྲུབ་བརྙེས་རིག་འཛིན་ཚེ་དབང་རྒྱ་མཚོའི་ཞབས། །གསོལ་བ་འདེབས་སོ་མཁྱེན་བརྩེ་ནུས་པ་སྩོལ། །འཇམ་དབྱངས་དངོས་སྣང་དྷརྨ་མ་ཏི་དང༌། །པདྨའི་རྒྱལ་ཚབ་རབ་གསལ་ཟླ་བའི་མཚན། །ཐུབ་བསྟན་ཀུན་བདག་ཆོས་ཀྱི་རྒྱ་མཚོ་ལ། །གསོལ་བ་འདེབས་སོ་མཁྱེན་བརྩེ་ནུས་པ་སྩོལ། །བཀའ་དྲིན་མཉམ་མེད་རྩ་བརྒྱུད་བླ་མ་དང༌། །གསང་བའི་བདག་པོ་རྡོ་རྗེ་མེ་འབར་རྩལ། །དམ་ཚིག་ལ་གནས་མཁའ་འགྲོ་ཆོས་སྐྱོངས་ལ། །གསོལ་བ་འདེབས་སོ་མཁྱེན་བརྩེ་ནུས་པ་སྩོལ། །དེ་ལྟར་རྩེ་གཅིག་གསོལ་བའི་བྱིན་རླབས་ཀྱིས། །ངེས་འབྱུང་བྱང་ཆུབ་སེམས་གཉིས་རྒྱུད་ལ་སྐྱེས། །བསྐྱེད་དང་རྫོགས་པའི་ཉམས་ལེན་གནད་དུ་སྨིན། །ཀ་དག་ལྷུན་གྲུབ་མྱུར་ལམ་མཐར་ཕྱིན་ཏེ། །ཇི་ལྟ་ཇི་སྙེད་མཁྱེན་པའི་ཉིན་བྱེད་འབར། །རིགས་དྲུག་འགྲོ་ལ་བརྩེ་བའི་གེ་སར་བཞད། །འཁོར་བ་དོང་སྤྲུགས་ནུས་པའི་མཐུ་གྲུབ་ནས། །ཡིད་ཅན་ཀུན་གྱི་མགོན་དུ་འགྱུར་བར་ཤོག །ཅེས་པའང་ཕུན་ཚོགས་རྣམ་རྒྱལ་པས་གསོལ་བ་བཏབ་པའོ། །

[edit]

yang gter gsang bdag rdo rje me 'bar gyi bla ma brgyud pa la gsol ba 'debs pa byin rlabs sprin chen bzhugs/__chos sku'i ston pa rang byung kun tu bzang*/__/longs sku'i ston pa rang snang rdo rje sems/__/zung 'jug sprul sku'i ston pa gsang ba'i bdag__/gsol ba 'debs so mkhyen brtse nus pa stsol/__/rgyal ba kun 'dus pad+ma ka ra dang*/__/dbyings phyug ye shes DA ki mtsho rgyal yum/__/zab gter mdzod 'dzin dbu ru shakyA 'od/__/gsol ba 'debs so mkhyen brtse nus pa stsol/__/bka' bab bdun ldan pad+ma mdo sngags gling*/__/gar gyi dbang phyug blo gros mtha' yas dang*/__/grub brnyes rig 'dzin tshe dbang rgya mtsho'i zhabs/__/gsol ba 'debs so mkhyen brtse nus pa stsol/__/'jam dbyangs dngos snang d+harma ma ti dang*/__/pad+ma'i rgyal tshab rab gsal zla ba'i mtshan/__/thub bstan kun bdag chos kyi rgya mtsho la/__/gsol ba 'debs so mkhyen brtse nus pa stsol/__/bka' drin mnyam med rtsa brgyud bla ma dang*/__/gsang ba'i bdag po rdo rje me 'bar rtsal/__/dam tshig la gnas mkha' 'gro chos skyongs la/__/gsol ba 'debs so mkhyen brtse nus pa stsol/__/de ltar rtse gcig gsol ba'i byin rlabs kyis/__/nges 'byung byang chub sems gnyis rgyud la skyes/__/bskyed dang rdzogs pa'i nyams len gnad du smin/__/ka dag lhun grub myur lam mthar phyin te/__/ji lta ji snyed mkhyen pa'i nyin byed 'bar/__/rigs drug 'gro la brtse ba'i ge sar bzhad/__/'khor ba dong sprugs nus pa'i mthu grub nas/__/yid can kun gyi mgon du 'gyur bar shog__/ces pa'ang phun tshogs rnam rgyal pas gsol ba btab pa'o/__/_