JKW-KABUM-22-ZA-012-075

🚧 This website is under continued development. We appreciate your patience!

Previous Text Back to Volume PageNext Text

ཐེག་པ་ཆེན་པོའི་རྡོ་རྗེའི་ཐོལ་གླུ་བྱང་སེམས་འཁྲི་ཤིང་།

Wylie title	theg pa chen po'i rdo rje'i thol glu byang sems 'khri shing
Location	mkhyen brtse'i bka' 'bum Volume 22, sde tshan 12, Text 75, Pages 551-555 (Folios 104a6 to 106a1)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. theg pa chen po'i rdo rje'i thol glu byang sems 'khri shing. In 'jam dbyangs mkhyen brtse'i dbang po'i bka' 'bum, Vol. 22: 551-555. Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

75 551-555	ཐེག་པ་ཆེན་པོའི་རྡོ་རྗེའི་ཐོལ་གླུ་བྱང་སེམས་འཁྲི་ཤིང་། theg pa chen po'i rdo rje'i thol glu byang sems 'khri shing Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཐེག་པ་ཆེན་པོའི་རྡོ་རྗེའི་ཐོལ་གླུ་བྱང་སེམས་འཁྲི་ཤིང་ཅེས་བྱ་བ། ཨ་ཧོ། སྟོང་ཉིད་སྙིང་རྗེ་ཟུང་དུ་འཇུག་པའི་ཆུ་གཏེར་ལས། །ལེགས་དབྱུང་ཚོགས་གཉིས་ཡོངས་སུ་རྫོགས་པའི་ཟླ་ཤེལ་དབང་། །རབ་གུས་དད་པའི་ཀུ་མུད་རྩེ་མོར་ངལ་བསོས་པས། །འདི་ན་བྱང་ཆུབ་སེམས་ཀྱི་འཛུམ་དཀར་གྲོལ་བར་འགྱུར། །གང་ཞིག་སྲིད་པའི་གཅོང་རོང་དམ་པོར་ལྷུང་བ་ཀུན། །དཀོན་མཆོག་གསུམ་གྱི་ཐུགས་རྗེའི་དཔྱང་ཐག་ལ་བརྟེན་ཏེ། །ཞི་བདེ་རིན་ཆེན་གླིང་དུ་ཕྱིན་ཕྱིར་ཐོག་མ་ནས། །དེ་ཉིད་ཁོ་ན་སྐྱབས་ཀྱི་སྙིང་པོར་བསྟེན་པར་བྱ། །དེ་ཡང་སྐྱེས་བུ་གསུམ་གྱི་ལམ་ནི་གང་རུང་བ། །བློ་ཡི་ནུས་སྟོབས་དག་གི་རྗེས་འགྲོས་ལེགས་བླངས་ཏེ། །འཇིག་རྟེན་ཕལ་དང་བདག་ལྟའི་སྐྱོབ་འདོད་མངོན་བཏང་ནས། །སྤངས་རྟོགས་ཡོན་ཏན་ཡོངས་སུ་རྫོགས་པའི་སངས་རྒྱས་དང་། །བརྗོད་བྱ་རྗོད་བྱེད་ཐར་པའི་ལམ་དཀྲི་དམ་པའི་ཆོས། །རིག་གྲོལ་འཕགས་པའི་ཡོན་ཏན་ལྡན་པ་དགེ་འདུན་ཏེ། །རྣམ་གསུམ་གདུག་དཀར་གཡོ་མེད་དད་པའི་དཔུང་པས་བཟུང་། །ཉིན་དང་མཚན་མོ་རྟག་ཏུ་སྐྱབས་འགྲོ་བྱང་ཆུབ་བར། །བསྙེན་ནས་སྤང་བྱ་བསླབ་བྱ་ཆ་མཐུན་འབད་པས་བསྒྲུབ། །གཞན་དུ་ཕྱི་ནང་གསང་བ་ཡང་གསང་བཞིར་དབྱེ་ཕྱིར། །ཐོག་མ་དེ་དང་དེ་རྗེས་གཞན་ལ་འཇུག་པའམ། །དབང་པོའི་རིམ་པའི་བགོ་སྐལ་ཇི་བཞིན་འབད་པར་བྱ། །ཁྱད་པར་གཤེགས་དང་གཤེགས་འགྱུར་རྒྱལ་ཀུན་གཞན་དོན་ཕྱིར། །བྱང་ཆུབ་སེམས་ཀྱི་གོ་ཆ་བརྟན་པོ་བགོས་པ་ན། །མཐར་ཕྱིན་འདོད་ལྷའི་སྙིང་ལ་ཚེར་མས་བཅིངས་པའི་མདས། །ཕིག་པར་མ་ནུས་གོང་མའི་ཡོན་ཏན་ཚད་བཟུང་མེད། །རྟེན་ནི་རིགས་སད་བྱིན་གྱིས་བརླབས་དང་དད་ལྡན་སོགས། །ཁྱད་པར་སྙིང་རྗེ་ཆེན་པོའི་བློ་དང་ལྡན་པ་དེར། །སྦྱོར་དངོས་རྗེས་གསུམ་རྫོགས་པའི་ཆོ་གས་འཐོབ་བྱས་ནས། །བྱམས་པའི་མྱུ་གུ་སྙིང་རྗེའི་ཆུ་ཡིས་རབ་བརླན་ཅིང་། །དགའ་བའི་མེ་ཏོག་བཏང་སྙོམས་འབྲས་བུས་མཛེས་དུད་པའི། །སྨོན་སེམས་དབྱར་སྐྱེས་གཞོན་ནུ་མགྲོན་དུ་ཉེར་བསྟེན་ཏེ། །ཁྱད་པར་འཇུག་པའི་རིན་ཆེན་ཤིང་རྟ་བསྙེན་པར་བྱ། །ཐར་པ་ལ་སྦྱོར་དམ་ཆོས་སྦྱིན་པའི་གདུགས་དཀར་པོ། །འབད་མེད་དགོས་རྒུ་རྣམས་སྟེར་ནོར་བུའི་གཙུག་ཏོར་ཅན། །གནས་སྐབས་འཇིགས་བཅས་ཚ་གདུང་སྐྱོབ་པའི་གྲིབ་བསིལ་ཅན། །འདི་དེ་འགྲོ་བའི་བླ་ན་མངོན་པར་མཛེས་པར་བྱ། །རང་གཞན་ཉེས་སྤྱོད་རྡུལ་དང་རྣམ་པར་མི་མཛའ་ཞིང་། །དགེ་ཚོགས་བུང་བ་ཡོངས་སུ་བསྡུ་བའི་དྲི་བསུང་ཅན། །གཞན་དོན་མཆོག་གི་སྦྲང་རྩིའི་དོགས་པས་རབ་གཏམས་པའི། །ཚུལ་ཁྲིམས་ཆུ་སྐྱེས་སྤྱི་བོའི་ལ་ཐོད་བཞིན་དུ་བསྟེན། །གནོད་པའི་ཡུལ་གྱིས་ཁོང་མི་འཁྲུགས་པའི་བརྟུལ་ཞུགས་ཅན། །ཐར་པའི་ཕྱིར་ན་དཀའ་བ་སྤྱད་པའི་སྐྱེས་བུ་དེའི། །ཡིད་ནི་ཟབ་མོའི་དོན་དང་མཛའ་བ་སྐྲག་པ་མིན། །རྣམ་གསུམ་བཟོད་པའི་གོ་ཆ་བགོ་ལ་རྟག་ཏུ་འདུན། །བྱང་ཆུབ་བར་དུ་འདོར་མེད་བསྒྲུབ་པའི་དམ་བཅའ་དང་། །རྟག་ཏུ་དེ་བཞིན་སྦྱོར་བས་ཉམས་བླངས་གཡེལ་བ་མེད། །མི་འགོད་མི་ལྡོག་ཆོག་མི་ཤེས་པས་བརྩོན་པ་གང་། །ཐར་པ་འཛིན་པའི་སྲོག་ཏུ་ཀུན་ནས་རིག་པར་བྱ། །དབེན་ཞིང་འདུ་འཛི་ལས་བརྒལ་ནགས་ཁྲོད་དམ་པ་དེར། །རྟག་ཏུ་ཞི་བར་མཉམ་བཞག་དོན་ལ་ལེགས་པར་སྦྱོར། །ལམ་ལ་མ་ཞུགས་དེ་ལྡོག་མོས་སྤྱོད་ཏིང་འཛིན་དང་། །ཟག་མེད་འཕགས་པའི་བསམ་གཏན་རྣམ་གསུམ་སྒྲུབ་པར་བྱ། །ཁྱད་པར་ཐོས་པའི་བདུད་རྩི་བར་མེད་བཏུང་བ་ལས། །དེ་དོན་རྗེས་སུ་བསམ་པའི་ལང་ཚོ་རབ་རྒྱས་ཤིང་། །སྒོམ་སྤང་དེ་ཉིད་བཅུད་ལེན་གྲུབ་པ་གང་དག་ནི། །སྲིད་ཞི་ལས་གྲོལ་ཐར་པ་མཆོག་ལ་མྱུར་དུ་འགྲོ། །བསླབ་བྱ་དེ་ཀུན་མི་མཐུན་ཕྱོགས་དང་བཤེས་མིན་ཅིང་། །ཀུན་ཏུ་གོང་འཕེལ་ཆུད་མི་འཛའ་བའི་གྲོགས་དང་བཅས། །རྟག་ཏུ་གཡེལ་མེད་སྐྱེས་བུ་ཆེན་པོའི་ལམ་མཆོག་ཉིད། །བསྟེན་པར་མཛོད་ཅིག་གུས་པའི་ཐལ་མོ་སྙིང་གར་འཛུམ། །མཐར་ཕྱིན་ཚོགས་སྦྱོར་མཐོང་སྒོམ་ལམ་ནི་རྣམ་པ་བཞིར། །ས་བཅུའི་མངོན་རྟོགས་ཡོན་ཏན་མ་ལུས་ཡོངས་རྫོགས་ཏེ། །གྲངས་མེད་གསུམ་མཐར་རྡོ་རྗེ་ལྟ་བུའི་ཏིང་འཛིན་གྱིས། །སྒྲིབ་ཀུན་སྤངས་ཏེ་མཐའ་རུ་ཕྱིན་པའི་ལམ་རྙེད་ནས། །སྐུ་དང་ཡེ་ཤེས་ཕྲིན་ལས་བསམ་མི་ཁྱབ་པར་སྤྱོད། །ཚུལ་འདི་སྡེ་སྣོད་གསུམ་གྱི་བརྗོད་བྱ་རྒྱ་ཆེ་ལ། །བརྗོད་དོན་ཟབ་ཕྱིར་བརྒལ་བར་དཀའ་ཡང་རྡོ་རྗེའི་གླུའི། །རྣམ་པར་ཕྱེ་ལས་གྲུབ་པའི་དགེ་ཚོགས་རྨད་བྱུང་གིས། །འགྲོ་ཀུན་ཐར་པ་མཆོག་གི་ས་ལ་གཤེགས་གྱུར་ཅིག། །། ༈

[edit]

theg pa chen po'i rdo rje'i thol glu byang sems 'khri shing /__ theg pa chen po'i rdo rje'i thol glu byang sems 'khri shing ces bya ba/__a ho/__stong nyid snying rje zung du 'jug pa'i chu gter las/__/legs dbyung tshogs gnyis yongs su rdzogs pa'i zla shel dbang /__/rab gus dad pa'i ku mud rtse mor ngal bsos pas/__/'di na byang chub sems kyi 'dzum dkar grol bar 'gyur/__/gang zhig srid pa'i gcong rong dam por lhung ba kun/__/dkon mchog gsum gyi thugs rje'i dpyang thag la brten te/__/zhi bde rin chen gling du phyin phyir thog ma nas/__/de nyid kho na skyabs kyi snying por bsten par bya/__/de yang skyes bu gsum gyi lam ni gang rung ba/__/blo yi nus stobs dag gi rjes 'gros legs blangs te/__/'jig rten phal dang bdag lta'i skyob 'dod mngon btang nas/__/spangs rtogs yon tan yongs su rdzogs pa'i sangs rgyas dang /__/brjod bya rjod byed thar pa'i lam dkri dam pa'i chos/__/rig grol 'phags pa'i yon tan ldan pa dge 'dun te/__/rnam gsum gdug dkar g.yo med dad pa'i dpung pas bzung /__/nyin dang mtshan mo rtag tu skyabs 'gro byang chub bar/__/bsnyen nas spang bya bslab bya cha mthun 'bad pas bsgrub/__/gzhan du phyi nang gsang ba yang gsang bzhir dbye phyir/__/thog ma de dang de rjes gzhan la 'jug pa'am/__/dbang po'i rim pa'i bgo skal ji bzhin 'bad par bya/__/khyad par gshegs dang gshegs 'gyur rgyal kun gzhan don phyir/__/byang chub sems kyi go cha brtan po bgos pa na/__/mthar phyin 'dod lha'i snying la tsher mas bcings pa'i mdas/__/phig par ma nus gong ma'i yon tan tshad bzung med/__/rten ni rigs sad byin gyis brlabs dang dad ldan sogs/__/khyad par snying rje chen po'i blo dang ldan pa der/__/sbyor dngos rjes gsum rdzogs pa'i cho gas 'thob byas nas/__/byams pa'i myu gu snying rje'i chu yis rab brlan cing /__/dga' ba'i me tog btang snyoms 'bras bus mdzes dud pa'i/__/smon sems dbyar skyes gzhon nu mgron du nyer bsten te/__/khyad par 'jug pa'i rin chen shing rta bsnyen par bya/__/thar pa la sbyor dam chos sbyin pa'i gdugs dkar po/__/'bad med dgos rgu rnams ster nor bu'i gtsug tor can/__/gnas skabs 'jigs bcas tsha gdung skyob pa'i grib bsil can/__/'di de 'gro ba'i bla na mngon par mdzes par bya/__/rang gzhan nyes spyod rdul dang rnam par mi mdza' zhing /__/dge tshogs bung ba yongs su bsdu ba'i dri bsung can/__/gzhan don mchog gi sbrang rtsi'i dogs pas rab gtams pa'i/__/tshul khrims chu skyes spyi bo'i la thod bzhin du bsten/__/gnod pa'i yul gyis khong mi 'khrugs pa'i brtul zhugs can/__/thar pa'i phyir na dka' ba spyad pa'i skyes bu de'i/__/yid ni zab mo'i don dang mdza' ba skrag pa min/__/rnam gsum bzod pa'i go cha bgo la rtag tu 'dun/__/byang chub bar du 'dor med bsgrub pa'i dam bca' dang /__/rtag tu de bzhin sbyor bas nyams blangs g.yel ba med/__/mi 'god mi ldog chog mi shes pas brtson pa gang /__/thar pa 'dzin pa'i srog tu kun nas rig par bya/__/dben zhing 'du 'dzi las brgal nags khrod dam pa der/__/rtag tu zhi bar mnyam bzhag don la legs par sbyor/__/lam la ma zhugs de ldog mos spyod ting 'dzin dang /__/zag med 'phags pa'i bsam gtan rnam gsum sgrub par bya/__/khyad par thos pa'i bdud rtsi bar med btung ba las/__/de don rjes su bsam pa'i lang tsho rab rgyas shing /__/sgom spang de nyid bcud len grub pa gang dag ni/__/srid zhi las grol thar pa mchog la myur du 'gro/__/bslab bya de kun mi mthun phyogs dang bshes min cing /__/kun tu gong 'phel chud mi 'dza' ba'i grogs dang bcas/__/rtag tu g.yel med skyes bu chen po'i lam mchog nyid/__/bsten par mdzod cig gus pa'i thal mo snying gar 'dzum/__/mthar phyin tshogs sbyor mthong sgom lam ni rnam pa bzhir/__/sa bcu'i mngon rtogs yon tan ma lus yongs rdzogs te/__/grangs med gsum mthar rdo rje lta bu'i ting 'dzin gyis/__/sgrib kun spangs te mtha' ru phyin pa'i lam rnyed nas/__/sku dang ye shes phrin las bsam mi khyab par spyod/__/tshul 'di sde snod gsum gyi brjod bya rgya che la/__/brjod don zab phyir brgal bar dka' yang rdo rje'i glu'i/__/rnam par phye las grub pa'i dge tshogs rmad byung gis/__/'gro kun thar pa mchog gi sa la gshegs gyur cig/__//__!_