JKW-KABUM-14-PHA-010

🚧 This website is under continued development. We appreciate your patience!

Previous Section Back to Volume PageNext Section

སྐུ་གསུམ་རིགས་བསྡུས་པདྨ་གུ་རུའི་ཕྲིན་ལས་ཁྲིགས་སུ་བསྡེབས་པ་བདེ་ཆེན་སྙིང་པོ།

Wylie title	sku gsum rigs bsdus pad+ma gu ru'i phrin las khrigs su bsdebs pa bde chen snying po
Location	mkhyen brtse'i bka' 'bum Volume 14, sde tshan 10, Pages 135-151 (Folios 1a to 9a4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཕྲེང་པོ་གཏེར་སྟོན་ཤེས་རབ་འོད་ཟེར་ ('phreng po gter ston shes rab 'od zer)
Citation	'jam dbyangs mkhyen brtse'i dbang po. sku gsum rigs bsdus pad+ma gu ru'i phrin las khrigs su bsdebs pa bde chen snying po. In 'jam dbyangs mkhyen brtse'i dbang po'i bka' 'bum, Vol. 14: 135-151. Khams sde dge rdzong sar dgon: Rdzong sar blo gros phun tshogs, 2020.
Genre	Activity Manual - las byang
Cycle	པདྨའི་ཞལ་གདམས་རྩ་གསུམ་མཐོང་བ་རང་གྲོལ་ (pad+ma'i zhal gdams rtsa gsum mthong ba rang grol)
Parent Cycle	གྲོལ་ཏིག་དགོངས་པ་རང་གྲོལ་གྱི་ཆོས་སྡེ་ (grol tig dgongs pa rang grol gyi chos sde)
Deity	pad+ma 'byung gnas
RTZ	In the Rinchen Terdzö: https://rtz.tsadra.org/index.php/Terdzo-NYA-007
Colophon	དེ་ལྟར་ཀུན་མཁྱེན་ཆོས་ཀྱི་རྒྱལ་པོ་འགྲོ་འདུལ་ཤེས་རབ་འོད་ཟེར་གྱི་ཟབ་གཏེར། པདྨའི་ཞལ་གདམས་རྩ་གསུམ་མཐོང་བ་རང་གྲོལ་གྱི་ཆོས་སྡེ། ལམ་བསྡུས་པ་སྐུ་གསུམ་རིགས་འདུས་པདྨ་གུ་རུའི་ཕྲིན་ལས་ཁྲིགས་སུ་བསྡེབས་པ་འདིའང་རང་གཞན་མང་པོས་བདེ་ཆེན་ཡེ་ཤེས་ཀྱི་སྐུ་སྒྲུབ་པའི་ཆ་རྐྱེན་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་རྡོ་རྗེ་གཟི་བརྗིད་རྩལ་གྱིས་གཏེར་གཞུང་རྡོ་རྗེའི་གསུང་ཁོ་ན་དང་། བསྙེན་པའི་སྐབས་སུ་སྦས་དོན་གྱི་གང་ཤར་བཅས་ལེགས་པར་སྤེལ་བ་དགེ་ལེགས་མཆོག་ཏུ་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།།
	de ltar kun mkhyen chos kyi rgyal po 'gro 'dul shes rab 'od zer gyi zab gter/__pad+ma'i zhal gdams rtsa gsum mthong ba rang grol gyi chos sde/__lam bsdus pa sku gsum rigs 'dus pad+ma gu ru'i phrin las khrigs su bsdebs pa 'di'ang rang gzhan mang pos bde chen ye shes kyi sku sgrub pa'i cha rkyen du mtsho skyes bla ma dgyes pa'i 'bangs mkhyen brtse'i dbang po rdo rje gzi brjid rtsal gyis gter gzhung rdo rje'i gsung kho na dang /__bsnyen pa'i skabs su sbas don gyi gang shar bcas legs par spel ba dge legs mchog tu gyur cig/___//sarba dA mang+ga laM b+ha ba tu/

1 Texts in this Section (sde tshan or chos tshan)

135-151	སྐུ་གསུམ་རིགས་བསྡུས་པདྨ་གུ་རུའི་ཕྲིན་ལས་ཁྲིགས་སུ་བསྡེབས་པ་བདེ་ཆེན་སྙིང་པོ། sku gsum rigs bsdus pad+ma gu ru'i phrin las khrigs su bsdebs pa bde chen snying po Activity Manual - las byang	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །པ དྨ སྱ བ ཀྟྲ མ བ བཱ ད ཏྲི མཱུ ལད ཪྴ སྭ མོ ཙ ནཱ ཏྲ། མ ཧཱ སུ ཁ ག རྦྷ ནཱ མ ཏྲི ཀཱ ཡ ཀུ ལཾ པི ཎྜ པ དྨ གུ རོཿ ཀ རྨ ལེ ཁཱ སཾ ཡོ ཛི ཏ བི ཧ ར ཏི སྨ།།

༄༅། །པདྨའི་ཞལ་གདམས་རྩ་གསུམ་མཐོང་བ་རང་གྲོལ་ལས། སྐུ་གསུམ་རིགས་བསྡུས་པདྨ་གུ་རུའི་ཕྲིན་ལས་ཁྲིགས་སུ་བསྡེབས་པ་བདེ་ཆེན་སྙིང་པོ་ཞེས་བྱ་བ་བཞུགས་སོ།

།སྐུ་གསུམ་རིགས་བསྡུས་པདྨ་གུ་རུའི་ཕྲིན་ལས་ཁྲིགས་སུ་བསྡེབས་པ་བདེ་ཆེན་སྙིང་པོ་ཞེས་བྱ་བ། བླ་མ་དང་དབྱེར་མེད་པའི་སྐུ་གསུམ་རིགས་བསྡུས་མ་ཧཱ་གུ་རུ་བདེ་བ་ཆེན་པོ་ལ་ཕྱག་འཚལ་ལོ། །གཟོད་ནས་རྣམ་དག་འོད་གསལ་འདུས་མ་བྱས། །སྐུ་གསུམ་དབྱེར་མེད་བདེ༷་ཆེ༷ན་བླ་མ་ལ། །བཏུད་ནས་མྱུར་ལམ་བྱེ་བའི་སྙིང༷་པོ༷འི་ཕུལ། །རིག་པ་འཛིན་རྣམས་དགའ་བའི་རྒྱན་དུ་སྦྱིན། །འདི་ལ་གསུམ། སྦྱོར་བ། དངོས་གཞི། རྗེས་སོ། །དང་པོ་ནི། གནས་དབེན་ཞིང་ཉམས་དགའ་བར་ཡར་མར་གྱི་ཚེས་བཅུ་སོགས་དུས་བཟང་པོར། རིགས་འདུས་བླ་མའི་དམ་ཚིག་གི་སྣང་བརྙན་བཀྲམ་པའི་སྤྱན་སྔར། བླ་གཏོར་དམར་ཟླུམ་སྤྱིར་བཏང་ལ་པད་འདབ་བརྒྱད་ཀྱིས་བསྐོར་བའི་རྩེར་ཀ་པཱ་ལ་བདུད་རྩིས་གང་བས་མཚན་པ་སོགས་རྒྱན་སྤྲོས་གང་མཛེས་ཅན་གྱི་གཡས་སུ་སྨན་ཕུད། གཡོན་དུ་རཀྟ། མདུན་དུ་ཉེར་སྤྱོད། གཞན་ཡང་སྲུང་མའི་གཏོར་བསྔོ་ཚོགས་མཆོད་སོགས་འོག་ཏུ་མཁོ་བའི་ཡོ་བྱད་ཐམས་ཅད་འདུ་བྱའོ། །དེ་ནས་ཆོ་གའི་སྦྱོར་བ་དངོས་ལ། ཚོགས་བསག་བགེགས་བསྐྲད་སྲུང་འཁོར་བསྒོམ། །བྱིན་དབབ་མཆོད་པ་བྱིན་བརླབ་བོ། །ཞེས་པ་ལྟར་ལྔ་ལས་དང་པོ་སྐྱབས་སེམས་སྔོན་དུ་འགྲོ་བའི་ཚོགས་བསག་པ་ནི། རང་གི་མདུན་གྱི་ནམ་མཁར་རིག་འཛིན་བླ་མ་བདེ་གཤེགས་ཀུན་འདུས་པདྨ་འབྱུང་གནས་རྩ་གསུམ་རྒྱལ་བ་རབ་འབྱམས་ཀྱི་ཚོགས་དང་བཅས་པ་མངོན་སུམ་དུ་གསལ་བར་གྱུར་པའི་སྤྱན་སྔར། བདག་དང་ཁམས་གསུམ་མ་ལུས་ལ༔ རེ་ལྟོས་སྐྱབས་གྱུར་གཞན་ན་མེད༔ སྐུ་གསུམ་དབྱེར་མེད་གུ་རུ་རྗེར༔ གུས་པས་ཕྱག་འཚལ་སྐྱབས་སུ་མཆི༔ སེམས་ཅན་སངས་རྒྱས་ཐོབ་བྱའི་ཕྱིར༔ སྨོན་འཇུག་སེམས་ནི་བསྐྱེད་པར་བགྱི༔ ལས་དང་ཉོན་མོངས་ལས་གྲོལ་ཞིང་༔ རིག་འཛིན་བླ་མའི་ས་ཐོབ་ཤོག༔ ཧོཿ རྣམ་དག་མཉམ་པའི་ངང་ཉིད་ལས༔ བླ་མ་ཡི་དམ་ལྷ་ཚོགས་གཤེགས༔ ཉི་ཟླ་པདྨའི་གདན་ལ་བཞུགས༔ ཕྱག་འཚལ་མཆོད་འབུལ་སྡིག་པ་བཤགས༔ དགེ་ལ་ཡི་རང་ཆོས་འཁོར་བསྐོར༔ བཞུགས་གསོལ་འདེབས་སོ་དགེ་རྩ་བསྔོ༔ ཡང་དག་སྐུ་གསུམ་མཆོག་ཐོབ་ཤོག༔ ཅེས་སྐྱབས་སེམས་ཡན་ལག་བདུན་པ་རྣམས་ལན་གསུམ་རེའི་རྗེས་སུ། ཚོགས་ཞིང་གི་གནས་གསུམ་ལས་འོད་ཟེར་དཀར་དམར་མཐིང་གའི་ཚོགས་འཕྲོས་པས། རང་གི་ལུས་ངག་ཡིད་གསུམ་གྱི་དྲི་མ་ཐ་དག་སྦྱངས་པར་གྱུར་པའི་མོས་པས། ཨོཾ་ཨཱཿཧཱུྃ་མ་ཧཱ་གུ་རུ་སརྦ་སིདྡྷི་ཧཱུྃ༔ ཞེས་ཅི་ནུས་བཟླས་མཐར། མདུན་གྱི་སྐྱབས་ཡུལ་རྣམས་འོད་དུ་ཞུ་ནས་རང་ལ་ཐིམ་པས་རྒྱུད་བྱིན་གྱིས་བརླབས་པར་བསམ། གཉིས་པ་བགེགས་བསྐྲད་པ་ནི། རང་ཉིད་རྡོ་རྗེ་ཐོད་ཕྲེང་རྩལ་ཡབ་ཡུམ་དུ་གསལ་བར་གྱུར། གཏོར་མ་རྃ་ཡྃ་ཁྃ་གིས་བསང་ཨོཾ་ཨཱཿཧཱུྃ་གིས་བརླབ། ཧཱུྃ། ཡུལ་ཕྱོགས་འདི་དག་ཀུན་ལ་གནས་པ་ཡི༔ ལྷ་ཀླུ་གནོད་སྦྱིན་སྲིན་པོ་འབྱུང་པོ་དང་༔ ཡི་དྭགས་ཤ་ཟ་རྗེད་བྱེད་སྨྱོ་བྱེད་དང་༔ མཁའ་འགྲོ་མ་མོ་འཁོར་དང་བཅས་པ་རྣམས༔ མཆོད་སྦྱིན་གཏོར་མ་བཟང་པོ་འདི་ཉིད་བཞེས༔ བར་དུ་གཅོད་པའི་བསམ་སྦྱོར་ཀུན་སྤོངས་ལ༔ ཞི་དང་ཕན་པའི་སེམས་ཀྱིས་གནས་པར་གྱིས༔ མ་ཧཱ་པཉྩ་བྷ་ལིཾ་ཏ་ཁཱ་ཧི་ཁཱ་ཧི༔ ཞེས་བསྔོ། ཧཱུྃ། ཡེ་ཤེས་རོལ་པ་དཔལ་གྱི་སྐུར་གསལ་བའི༔ སྐུ་གསུང་ཐུགས་ལས་སྤྲུལ་པའི་ཁྲོ་ཚོགས་ཀྱིས༔ བགེགས་རིགས་མ་ལུས་རྒྱ་མཚོའི་མཐར་བསྐྲད་བགྱི༔ ཨོཾ་སུམྦྷ་ནི་སུམྦྷ་ཧཱུྃ༔ གྲྀཧྞ་གྲྀཧྞ་ཧཱུྃ༔ གྲྀཧྞ་པ་ཡ་གྲྀཧྞ་པ་ཡ་ཧཱུྃ༔ ཨཱ་ན་ཡ་ཧོཿ བྷ་ག་ཝཱན་བཛྲ་བིདྱཱ་རཱ་ཛཱ་ཡ་ཧཱུྃ་ཕཊ༔ ཅེས་ནག་ཕྱོགས་རྣམས་བསྐྲད། གསུམ་པ་སྲུང་འཁོར་བསྒོམ་པ་ནི། ཧཱུྃ། ཡེ་ཤེས་རོལ་པ་དཔལ་གྱི་ཐུགས་ལས་བྱུང་༔ རྡོ་རྗེ་འཁོར་ལོ་རལ་གྲི་རྒྱ་གྲམ་དང་༔ མདའ་མཚོན་ཕུར་བུ་མེ་ཕུང་ཕྱོགས་མཚམས་གཏམས༔ བསྐལ་པའི་རླུང་ཡང་གནས་འདིར་ལྡང་མི་འགྱུར༔ ཨོཾ་བཛྲ་ཙཀྲ་ཏཱིཀྵྞ་ཀརྨ་ཀཱི་ལཱ་ཡ་ཛྭ་ལ་རྃ་ཧཱུྃ་ཕཊ༔ བཞི་པ་བྱིན་དབབ་པ་ནི། ཧཱུྃཿ བླ་མ་ཡི་དམ་ཌཱ་ཀིའི་སྐུ་གསུང་ཐུགས༔ རང་རྩལ་འགག་མེད་ནམ་མཁའི་མཐའ་དང་མཉམ༔ ཛཿཧཱུྃ་བྃ་ཧོཿཆོས་དབྱིངས་གནས་ནས་གཤེགས༔ གཉིས་མེད་བརྟན་བཞུགས་བྱིན་དབང་བསྐུར་དུ་གསོལ༔ ཨོཾ་ཨཱཿཧཱུྃ་པདྨ་གུ་རུ་བཛྲ་ས་མ་ཡ༔ དྷརྨ་ཀཱ་ཡ༔ སཾ་བྷོ་ཀཱ་ཡ༔ ནིརྨ་ཀཱ་ཡ་ཙིཏྟ་སིདྡྷི་ཕ་ལ་ཧཱུྃ༔ ཨཱ་བེ་ཤཱ་ཡ་ཨ་ཨཱཿ ལྔ་པ་མཆོད་པ་བྱིན་རླབས་ནི། ཧཱུྃཿ བླ་མ་རྩ་གསུམ་སྣང་སྲིད་དག་པ་ལ༔ རང་རྩལ་མ་འགགས་མཆོད་པའི་ཆོ་འཕྲུལ་གྱིས༔ ཀུན་བཟང་མཆོད་སྤྲིན་རྒྱ་མཚོར་བྱིན་བརླབས་ནས༔ ཡེ་ཤེས་ལྔ་རྫོགས་སྐུ་གསུང་ཐུགས་སུ་བརླབ༔ ཨོཾ་ཨཱཿཧཱུྃ་སརྦ་པཱུ་ཛ་མེ་གྷ་ཨཱཿཧཱུྃ༔ ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་མ་ཧཱ་བ་ལིཾ་ཏ་རཀྟ་ཧཱུྃ་ཧྲཱིཿཋཱ༔ ཞེས་ལན་གསུམ་བརྗོད་པས་ཉེར་སྤྱོད་དང་སྨན་རག་གཏོར་མ། མ་ཧཱ་བཛྲ་ཧཱུྃ། བཛྲ་གཎྜེ་ཨཿ ཞེས་པས་དམ་ཚིག་གི་རྡོ་རྗེ་དང་དྲིལ་བུ་བྱིན་གྱིས་བརླབ་བོ། །གཉིས་པ་དངོས་གཞི་ལ། ལྷ་བསྐྱེད་སྤྱན་དྲང་དབྱེར་མེད་བསྟིམ། །མཆོད་ཅིང་བཟླས་པས་དངོས་གྲུབ་བསྒྲུབ། །ཅེས་པ་ལྟར་ལྔ་ལས། དང་པོ་ལྷ་བསྐྱེད་པ་ནི། ཨོཾ་མ་ཧཱ་ཤཱུནྱ་ཏཱ་ཛྙཱ་ན་བཛྲ་སྭ་བྷཱ་ཝ་ཨཱཏྨ་ཀོཉ་ཧཾ། ཞེས་པའི་སྔགས་བརྗོད་ཅིང་གདོད་མའི་སྟོང་ཆེན་གྱི་དོན་དྲན་པར་བྱས་ལ་གནས་ལུགས་མ་བཅོས་པའི་དབྱིངས་སུ་མཉམ་པར་བཞག་སྟེ། ཐམས་ཅད་རོ་མཉམ་ཆོས་དབྱིངས་སྟོང་གསལ་ཆེན་པོའི་ངང་ནས༔ ལྷུན་གྲུབ་ཕོ་བྲང་ཆེན་པོ་ཡངས་པའི་དབུས་སུ༔ སྣ་ཚོགས་པདྨ་ཉི་ཟླའི་གདན་གྱི་སྟེང་དུ༔ རྒྱུའི་ངོ་བོ་ཧྲཱིཿདཀར་པོ་ལས་འོད་ཀྱི་ཚོགས་འཕྲོས་པས༔ སངས་རྒྱས་དང་བྱང་ཆུབ་སེམས་དཔའི་ཚོགས་མ་ལུས་པ་མཆོད༔ སེམས་ཅན་ཐམས་ཅད་ཀྱི་སྡིག་སྒྲིབ་མ་ལུས་པ་སྦྱངས༔ ཚུར་འདུས་པས་བདག་ཉིད་སྐུ་གསུམ་རིགས་འདུས་པདྨ་འབྱུང་གནས༔ སྐུ་མདོག་དཀར་དམར་བཞད་པའི་མདངས་ལྡན༔ ཕྱག་གཉིས་མཉམ་པར་བཞག་པའི་སྟེང་ན༔ མཚན་དང་ལྡན་པའི་ཀ་པཱ་ལ་བདུད་རྩིས་གང་བ་བསྣམས་པ༔ ཞབས་རྡོ་རྗེའི་སྐྱིལ་མོ་ཀྲུང་གིས་བཞུགས་པ༔ སྐུ་ལ་ཕོད་ཆེན་མཐིང་ག་དང་༔ དར་དམར་སེར་གྱི་ཆོས་གོས་ཀྱི་སྟེང་ན་བེར་གསོལ་ཞིང་༔ དབུ་ལ་པད་ཞྭ་ལྷུབས་ཆེན་གྱིས་མཛེས་པ༔ སྙན་རྒྱན་མགུར་ཆུ་ཕྱག་གི་གདུ་བུ་སོགས་རིན་པོ་ཆེའི་རྒྱན་དུ་མས་སྤྲོས་པ༔ འཇའ་འོད་འཁྱིལ་བའི་གུར་ཁང་གི་དབུས་ན་བཞུགས་པའི་གནས་གསུམ་དུ་ཨོཾ་ཨཱཿཧཱུྃ་གསུམ་གྱིས༔ མཚན་པ་ལས་འོད་ཟེར་ཕྱོགས་བཅུར་འཕྲོས་པས༔ ཀུན་བཟང་རྒྱལ་བ་རིགས་ལྔ༔ དགའ་རབཿ འཇམ་དཔལ༔ ཤྲི་སིཾ་ཧ༔ ཛྙཱ་ན་སཱུ་ཏྲ༔ བི་མ་ལ་མི་ཏྲ༔ ཡི་དམ་བདེ་གཤེགས་ཀུན་འདུས༔ མཁའ་འགྲོ་ཆོས་སྐྱོང་སྐྱབས་གྱུར་རེ་ལྟོས་ཀྱི་ཚོགས་དང་བཅས་པ་རྣམས༔ དྭངས་མ་འོད་ཀྱི་ཕུང་པོའི་རྣམ་པས་སྤྱན་དྲངས་པར་གྱུར་པའི་མོས་པ་དང་བཅས༔ གཉིས་པ་སྤྱན་འདྲེན་པ་ནི། ཧྲཱིཿ གསལ་བརྟན་ཏིང་འཛིན་ཡེ་ཤེས་རོལ་པ་ལས༔ སྒྱུ་འཕྲུལ་གར་ལྡན་རིགས་འདུས་བླ་མའི་ཚོགས༔ དམིགས་མེད་མཁའ་ལྟར་དག་པའི་ཕོ་བྲང་ནས༔ ཐུགས་རྗེ་སྨོན་ལམ་དབང་གིས་གཤེགས་སུ་གསོལ༔ ཨོཾ་ཨཱཿཧཱུྃ་པདྨ་གུ་རུ་བཛྲ་ས་མ་ཡ༔ དྷརྨ་ཀཱ་ཡ༔ སཾ་བྷོ་ཀཱ་ཡ༔ ནིརྨ་ཀཱ་ཡ་ཙིཏྟ་སིདྡྷི་ཕ་ལ་ཧཱུྃ༔ ཨེ་ཧྱེ་ཧི་བྷ་ག་ཝཱན་མ་ཧཱ་ཀཱ་རུ་ཎི་ཀ་དྲྀ་ཤྱ་ཧོཿ ཨེ་ཨཱ་རལླི་ཧྲཱིཾ་ཧྲཱིཾ་ཛཿཛ༔ ཞེས་སྤྱན་དྲངས་པ་ལ། རང་གི་སྙིང་ག་ནས་སྤྲོས་པའི་རྡོ་རྗེའི་ལྷ་མོ་ནམ་མཁའ་གང་བས་ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པ་རྒྱ་མཚོས་མཆོད་པར་གྱུར་བའི་མོས་པས། ཨོཾ་བཛྲ་པུཥྤེ་ནས། ཤབྡ་པཉྩ་ཀཱ་མ་གུ་ཎ་མ་ཧཱ་ཨ་མྲྀ་ཏ་བ་ལིཾ་ཏ་རཀྟ་བོ་དྷི་ཙིཏྟ་ཛྙཱ་ན་དྷཱ་ཏུ་པཱུ་ཛ་ཧོཿ ཞེས་མཆོད། གསུམ་པ་དབྱེར་མེད་དུ་བསྟིམ་པ་ནི། ཧཱུྃ། གདོད་ནས་གཉིས་མེད་མཉམ་པའི་ངང་ཉིད་ལས༔ བློ་སྦྱང་ཕྱིར་དུ་དམ་ཚིག་ཡེ་ཤེས་སེམས༔ ཆུ་ལ་ཆུ་བཞག་སྒྱུ་མ་ཇི་བཞིན་དུ༔ དུ་མར་སྣང་ཡང་རོ་གཅིག་བརྟན་པར་བྱ༔ ཀཱ་ཡ་ཝཱ་ཀ་ཙིཏྟ་ཏིཥྛ་བཛྲ་ལྷན༔ བཞི་པ་མཆོད་པ་ལ། ཐོག་མར་ཕྱག་གིས་བསྙེན་བཀུར་བ་ནི། ཧཱུྃ། བླ་མ་སྐུ་གསུམ་རིགས་འདུས་ལྷ་ཡི་ཚོགས༔ རང་ཤེས་འཁྲུལ་བྲལ་བརྡ་དང་གར་གྱི་ཕྱག༔ རྣམ་དག་ཡེ་ཤེས་ཆེན་པོ་རྟོགས་བྱའི་ཕྱིར༔ སྲི་ཞུ་གུས་པས་འཕྲུལ་དགའི་ཚུལ་ཕྱག་འཚལ༔ ན་མོ་པུ་རུ་ཤ་ཡ་ཧོ༔ ཨ་ཏི་པུ་ཧོཿ པྲ་ཏཱིཙྪ་ཧོཿ ཕྱི་ནང་གསང་བ་དེ་ཁོ་ན་ཉིད་ཀྱི་མཆོད་པའི་སྤྲིན་རབ་འབྱམས་སུ་སྤྲོས་ཏེ། ཨོཾ་ཨཱཿཧཱུྃ༔ ཕྱི་ཡི་མཆོད་པ་ས་དང་བར་སྣང་གང་༔ ནང་གི་མཆོད་པ་ཟག་མེད་བདུད་རྩིའི་ཚོགས༔ གསང་བ་བདེ་ཆེན་སྨྲ་བསམ་བརྗོད་ལས་འདས༔ འགྲོ་བའི་དོན་དུ་དགྱེས་བཞིན་བཞེས་སུ་གསོལ༔ ཨོཾ་ཨཱཿཧཱུྃ་པདྨ་གུ་རུ་ས་པ་རི་ཝཱ་ར་པུཥྤེ་ནས། ཤབྡ་པཉྩ་ཀཱ་མ་གུ་ཎ་པཱུ་ཛ་ཨཱཿཧཱུྃ༔ སརྦ་པཉྩ་ཨ་མྲྀ་ཏ་ཁཱ་ཧི༔ མ་ཧཱ་བ་ལིཾ་ཏ་ཁཱ་ཧི༔ མ་ཧཱ་རཀྟ་ཁཱ་ཧི༔ རྡོ་རྗེའི་གླུས་བསྟོད་པ་ནི། ཧྲཱིཿ མ་བཅོས་སྤྲོས་བྲལ་བླ་མ་ཆོས་ཀྱི་སྐུ༔ བདེ་ཆེན་ལོངས་སྤྱོད་བླ་མ་ཆོས་ཀྱི་རྗེ༔ པད་སྡོང་ལས་འཁྲུངས་བླ་མ་སྤྲུལ་པའི་སྐུ༔ སྐུ་གསུམ་རྡོ་རྗེ་འཆང་ལ་ཕྱག་འཚལ་བསྟོད༔ ལྔ་པ་བཟླས་པས་ཉེ་བར་བསྙེན་ཅིང་བསྒྲུབ་པ་ནི། རང་ཉིད་སྐུ་གསུམ་རིགས་འདུས་པདྨ་གུ་རུར་གསལ་བའི་ཐུགས་ཀར་པདྨ་དང་ཟླ་བའི་སྟེང་དུ་འཇིག་རྟེན་དབང་ཕྱུག་འཕགས་པ་ཐུགས་རྗེ་ཆེན་པོ། དེའི་ཐུགས་ཀར་ཆོས་སྐུ་སྣང་བ་མཐའ་ཡས། དེའི་ཐུགས་མཆོང་གུར་ཕུབ་པ་ལྟ་བུའི་དབུས་སུ་པདྨ་དམར་པོ་འདབ་མ་བརྒྱད་པ་གེ་སར་ཟིལ་ཕོད་དང་བཅས་པའི་ཟེའུ་འབྲུར་ཧྲཱིཿཡིག་དཀར་ལ་དམར་བའི་མདངས་ཆགས་པའི་མཐར་སྔགས་ཀྱི་ཕྲེང་བ་མགལ་མེ་འཁོར་ཞིང་འཁྱིལ་བ་ལྟར་གནས་པར་གྱུར་པའི་མོས་པས། ཨོཾ་ཨཱཿཧཱུྃ་པདྨ་གུ་རུ་བཛྲ་ས་མ་ཡ༔ དྷརྨ་ཀཱ་ཡ༔ སཾ་བྷོ་ཀཱ་ཡ༔ ནིརྨ་ཀཱ་ཡ་ཙིཏྟ་སིདྡྷི་ཕ་ལ་ཧཱུྃ༔ ཞེས་བཟླ་ཞིང་སྔགས་ཕྲེང་ལ་སེམས་འཛིན། གསལ་སྣང་ཐོན་པ་ན། སྐུ་དང་སྔགས་ཕྲེང་ལས་འོད་ཟེར་འཕྲོས་པས་དུས་གསུམ་གྱི་རྒྱལ་བ་མ་ལུས་པ་རྣམས་དྭང་མ་འོད་ཀྱི་ཕུང་པོའི་རྣམ་པར་སྤྱན་དྲངས་ནས་རང་ཉིད་ལ་ཐིམ༔ སླར་ཡང་འོད་ཟེར་དཔག་ཏུ་མེད་པ་འཕྲོས་པས༔ སེམས་ཅན་ཐམས་ཅད་ཀྱི་སྡིག་སྒྲིབ་དག་ཅིང་བྱང་ཆུབ་ལ་བཀོད༔ རིགས་བསྡུས་རྒྱལ་བའི་སྐུར་གྱུར༔ གཞན་ཡང་གནོད་བྱེད་གདོན་བགེགས་ལ་སོགས་པའི་གདུག་སེམས་ཞི་ནས་བྱང་ཆུབ་ཀྱི་སེམས་དང་ལྡན་པར་གྱུར་པའི་མོས་པ་དང་བཅས་བཟླས་པ་ཆུ་བོའི་རྒྱུན་བཞིན་དུ་བརྩོན། སྤྲོས་བཅས་ཀྱི་སྒོམ་པ་དང་བཟླས་པས་སྐྱོ་ན་གཏེར་ཆེན་རིན་པོ་ཆེའི་རྡོ་རྗེའི་གསུང་ལས། ཕྱི་ནང་གཟུང་འཛིན་གྱིས་བསྡུས་པའི་ཆོས་གང་ལའང་ཡོད་མེད་བཟང་ངན་དགག་སྒྲུབ་རེ་དོགས་ཀྱི་བློ་དང་བྲལ་བའི་རང་གནས་ལ་ཆེད་གཉེར་གྱི་གཉེན་པོའི་རྩོལ་བས་མ་བསླད་ཅིང་། ཐ་མལ་ཡེངས་མ་ལམ་དུ་མ་སོང་བའི་ངང་ནས་དབྱིངས་རིག་གཉིས་མེད་ཀྱི་དོན་ལས་མི་འདའ་བཞིན་དུ། ནམ་མཁའ་མཐའ་དབུས་དང་བྲལ་བའི་དབྱིངས་སུ་མིག་ལྟ་སྟངས་དང་རྟོག་བྲལ་གྱི་རིག་པ་གཉིས་ལྷན་ཅིག་ཏུ་ཁྱབ་པར་བཀོད་ནས་རྒྱུན་བསྲིངས་ཏེ་ཉམས་སུ་བླངས་པས། སྐྱེ་འཆི་མེད་པའི་པདྨ་ཐོད་ཕྲེང་རྩལ་དུ་འགྱུར་རོ་ཞེས་གསུངས་པ་ལྟར་ཉམས་སུ་བླང་། ཐུན་ལས་ལྡང་བ་ན་མཆོད་ཅིང་བསྟོད་ལ། ཧཱུྃ། ཆོས་དབྱིངས་མ་བཅོས་སྐྱེ་བ་མེད་པའི་ངང་༔ འགག་མེད་རང་རྩལ་ལོངས་སྤྱོད་རྫོགས་སྐུར་གསལ༔ ཐུགས་རྗེ་སྨོན་ལམ་བསམ་འདས་སྤྲུལ་པའི་སྐུ༔ སྐུ་གསུམ་དབྱེར་མེད་རྗེ་བཙུན་པདྨ་འབྱུང་༔ འཁོར་དུ་རང་རྩལ་རིག་འཛིན་མཁའ་འགྲོས་བསྐོར༔ གསོལ་བ་འདེབས་སོ་དྲི་མེད་སྤྱན་གྱིས་གཟིགས༔ བདག་དང་རྗེས་འཇུག་རྣམས་ལ་ཐུགས་རྗེས་ཟུངས༔ འཁོར་བའི་སྡུག་བསྔལ་བདེ་བ་ཆེན་པོར་སྒྱུར༔ དབང་སྐུར་བྱིན་རློབས་རང་གྲོལ་དངོས་གྲུབ་སྩོལ༔ ཅེས་གསོལ་བ་གདབ་བོ། །གསུམ་པ་རྗེས་ལ། ཚོགས་མཆོད་བྱ་ཞིང་དངོས་གྲུབ་བསྐུལ། །ཉེར་བསྡུ་བསྔོ་སྨོན་བཀྲ་ཤིས་བརྗོད། ཅེས་པ་ལྟར་ལྔ་ལས། དང་པོ་ཚོགས་ཀྱི་མཆོད་པ་རྗེས་འབྲེལ་དང་བཅས་པ་ལའང་བཅུ་གཅིག་གི། དང་པོ་བྱིན་གྱིས་བརླབ་པ་ནི། ནང་མཆོད་འཐོར་ཞིང་། ཧཱུྃ། རུ་སྦལ་ཁོག་པའི་སྣོད་ཡངས་སུ༔ ཤ་ལྔ་བདུད་རྩི་རྣམ་ལྔ་དང་༔ དབང་པོ་ལྔ་དང་གོ་རོ་ཙ༔ བ་སུ་ཏ་དང་ནང་ཁྲོལ་ལྔ༔ བཟའ་དང་བཏུང་བ་འབྲས་བུར་བཅས༔ ཚོགས་རྫས་ཡུལ་གྱི་འདོད་ཡོན་རྣམས༔ འབྲུ་གསུམ་འོད་ཀྱིས་བྱིན་བརླབས་ཤིང་༔ མི་གཙང་རྟོག་སྒྲིབ་སྦྱངས་སྤེལ་ནས༔ ཨོཾ་ཨཱཿཧཱུྃ་དང་ཧ་ཧོ་ཧྲཱིཿས༔ བྱིན་བརླབས་བདུད་རྩིའི་རྒྱ་མཚོར་གྱུར༔ གཉིས་པ་ཚོགས་ཞིང་སྤྱན་འདྲེན་པ་ནི། ཧཱུྃ། བླ་མ་ཡི་དམ་མཁའ་འགྲོ་དང་༔ དམ་ཅན་རྒྱ་མཚོའི་ཚོགས་བཅས་རྣམས༔ ཚོགས་གཏོར་མགྲོན་དུ་སྤྱན་འདྲེན་ནོ༔ གནས་མཆོག་དམ་པ་ཉམས་རེ་དགའ༔ བདེ་ལྡན་པདྨ་འོད་ཀྱི་ཞིང་༔ ཚོགས་དང་གཏོར་མ་མདངས་དང་ལྡན༔ དཔལ་ལྡན་མཛེས་པའི་ཕོ་བྲང་ཡིན༔ འདིར་ཚོགས་རྣལ་འབྱོར་དམ་རེ་གཙང་༔ འདོད་ཡོན་རེ་སྐོང་ལྷུན་གྱིས་གྲུབ༔ འོག་མིན་གནས་དང་པདྨ་བརྩེགས༔ དུར་ཁྲོད་བརྒྱད་དང་གནས་ཡུལ་དང་༔ ཨོ་རྒྱན་གནས་ནས་གཤེགས་སུ་གསོལ༔ གུ་རུ་དེ་ཝཱ་ཌཱ་ཀི་ནཱི་དྷརྨ་པཱ་ལ་བཛྲ་ས་མ་ཡ་ཛཿ གསུམ་པ་བཞུགས་སུ་གསོལ་བ་ནི། ཧཱུྃ། ཕོ་བྲང་ཡིད་འོང་མཛེས་པ་འདིར༔ བླ་མ་ཡི་དམ་མཁའ་འགྲོ་རྣམས༔ བདག་དང་འགྲོ་ལ་ཞལ་བསྟན་ཕྱིར༔ པདྨ་ཉི་ཟླའི་གདན་ལ་བཞུགས༔ པདྨ་ཙནྡྲ་སཱུཪྻ་སྟྭཾ༔ བཞི་པ་ཚོགས་ཕུད་འབུལ་བ་ནི། ཧཱུྃ། སྣོད་ཀྱི་འཇིག་རྟེན་ཡངས་པ་རུ༔ བཅུད་སོགས་འདོད་ཡོན་དྲུག་ལྡན་འདི༔ ཏིང་འཛིན་སྔགས་ཀྱིས་བྱིན་བརླབས་པས༔ ཚོགས་མཆོད་གཏོར་མས་ཐུགས་དམ་བསྐང་༔ དཔག་བསམ་ཤིང་ཆེན་རེ་སྐོང་ཞིང་༔ ཡིད་བཞིན་ནོར་བུ་དགོས་འདོད་ཆར༔ ཀུན་བཟང་མཆོད་སྤྲིན་མཁའ་ཁྱབ་ཀྱིས༔ རིགས་ཀྱི་བླ་མ་འགྲོ་བའི་མགོན༔ ཁྱབ་བདག་ཡི་དམ་མཁའ་འགྲོའི་ཚོགས༔ བཀའ་སྲུང་གཉེར་གཏད་དམ་ཅན་རྣམས༔ ཐུགས་དམ་གཉན་པོ་དེས་བསྐང་ལ༔ ཚངས་པའི་དངོས་གྲུབ་སྩལ་དུ་གསོལ༔ ག་ཎ་ཙཀྲ་པཱུ་ཛ་ཁཱ་ཧི༔ ལྔ་པ་བཤགས་པ་ནི། ཧོཿ ཡེ་ཤེས་སྤྱན་ལྡན་ཐུགས་རྗེའི་ཚོགས༔ ཡུད་ཙམ་བདག་ལ་ཉེར་དགོངས་ལ༔ མཚམས་མེད་ལྔ་དང་ཉེ་བ་ལྔ༔ ལྕི་བ་བཞི་དང་ལོག་པ་བརྒྱད༔ ཁ་ན་མ་ཐོ་སྡིག་པའི་ལས༔ གནོང་འགྱོད་དབང་གིས་མཐོལ་ལོ་བཤགས༔ ཡི་གེ་བརྒྱ་པ་བརྗོད། དྲུག་པ་ཚོགས་ཐ་མ་ལ། སྣང་སྲིད་ཡེ་སྒྲོལ་གྱི་དགོངས་པས་བསྒྲལ་བ་ནི། ཧཱུྃ། སྣང་སྲིད་ཡེ་ནས་དག་པ་ལ༔ ཡེ་ཤེས་རྩལ་ལ་དགྲར་འཛིན་མཁན༔ རང་རང་ལས་ལ་གཞན་དུ་སྣང་༔ ཐམས་ཅད་རོ་མཉམ་མཚོན་ཆས་བསྒྲལ༔ མཱ་ར་ཡ་རྦད༔ བསྒྲལ་མཐར་ཡེ་སྦྱོར་གྱི་དགོངས་པས་བསྟབ་པ་ནི། བདག་ཏུ་འཛིན་པ་རང་གི་སེམས༔ སྣང་བ་ཡེ་ཤེས་ཀློང་དུ་བསྟབ༔ འཁྲུལ་རྟོག་ལས་ཀྱི་ཚོགས་བརྒྱད་རྣམས༔ སྐྱེ་མེད་རྟོགས་པའི་མཚོན་གྱིས་གཏུབས༔ བསྟབ་བོ་ཀུན་བཟང་ཀློང་དུ་བསྟབ༔ མཱཾ་ས་རཀྟ་ཀེཾ་ནི་རི་ཏི་ག་ཎ་ཙཀྲ་ཁཱ་ཧི༔ བདུན་པ་ཚོགས་ལ་རོལ་བ་ནི། བརྡ་དང་བརྡའི་འབུལ་ལེན་སྤྱི་ལྟར་བྱས་ལ་ཕུང་ཁམས་སྐྱེ་མཆེད་གདན་གསུམ་ཚང་བའི་དཀྱིལ་འཁོར་དུ་ཤེས་པས་བཟའ་བའི་དམ་ཚིག་ནང་གི་སྲེག་བླུགས་ཀྱི་ཆོ་གར་བསྟར་ནས་ཚིམ་པ་དྲུག་ལྡན་དུ་རོལ། བརྒྱད་པ་ལྷག་མའི་ཆོ་ག་ནི། ཚོགས་ལྷག་རྣམས་བསོག་འཇོག་མེད་པར་བསྡུས། ཤིས་པར་བྱ་བའི་ཕྱིར་གཙང་ལྷག་སྟིང་དུ་བསྣན། རྟོག་པ་དད་པའི་རྣལ་འབྱོར་པ་ཡིན་ན་ལྕེ་རྟ་མགྲིན་ཡབ་ཡུམ་རོལ་པ་མཛད་པའི་བྱང་སེམས་བདུད་རྩིའི་ཁ་ཕྲུ་དང་རོ་གཅིག་པ་ཧེ་རུ་ཀའི་དམ་རྒྱས་དབབ་པའམ། གོ་འཕང་དམན་ན་གཡོན་པའི་མཐེབ་སྲིན་སྦྱར་བ་རེག་ཅིང་ནང་མཆོད་བྲན་ནས། ཨོཾ་ཨཱཿཧཱུྃ་སརྦ་པཉྩ་ཨ་མྲྀ་ཏ་ཧཱུྃ་ཧ་ཧོ་ཧྲཱི༔ ཧཱུྃ། ཡེ་ཤེས་རོལ་པ་ལྷ་ཡི་ཚོགས་རྣམས་དང་༔ ལས་ལས་གྲུབ་པའི་མཁའ་འགྲོ་དབང་ཕྱུག་གིང་༔ མ་བདུན་སྲིང་བཞི་འདིར་གཤེགས་མཆོད་པ་བཞེས༔ འབར་མ་དང་ནི་སྤོར་མ་ཕོ་ཉའི་ཚོགས༔ ལྷ་སྲིན་སྡེ་བརྒྱད་བཀའ་ཡི་སྲུང་མར་བཅས༔ མ་ལུས་འདིར་སྤྱོན་ཟག་མེད་བདུད་རྩི་ལ༔ རྔམས་ཤིང་དགྱེས་པའི་ཚུལ་གྱིས་རོལ་ཏུ་གསོལ༔ མ་མ་ཤཏྲཱུཾ་ཨ་མུ་ཀཾ༔ ཁྲོཾ་ཡཀྵ་བི་ཛ་ཡ་ཁ་ཁ་ཁཱ་ཧི་ཁཱ་ཧི༔ ཞེས་ཕྱི་རོལ་གོམ་པ་བདུན་ཅུའི་སར་སྲིན་མོའི་ཟ་ལམ་དུ་དོར། དགུ་པ་ཆད་ཐོ་བྱ་བ་ནི། གཏོར་གཞོང་བསྐུལ་ཏེ་སྨན་རཀ་བྲན་ལ། ཧཱུྃ། སྲིད་གསུམ་ཞིང་འཁོད་དམ་ཅན་དྲེགས་པའི་ཚོགས༔ འདོད་ཡོན་ཟག་མེད་བདུད་རྩིའི་གཏོར་མ་ལོངས༔ བདེ་གཤེགས་རྩ་གསུམ་རྒྱལ་བའི་སྤྱན་སྔ་རུ༔ ཇི་ལྟར་ཁས་བླངས་དམ་བཅས་དྲན་མཛོད་ལ༔ མདོ་སྔགས་བཤད་སྒྲུབ་བསྟན་པ་བསྲུང་བ་དང་༔ དེ་འཛིན་སྐྱོང་ཞིང་ལོག་འདྲེན་དབྱིངས་སུ་སྒྲོལ༔ ཁམས་གསུམ་འགྲོ་ཀུན་བདེ་སྐྱིད་སྤེལ་བ་དང་༔ གང་གསོལ་ཕྲིན་ལས་མྱུར་དུ་འགྲུབ་པར་མཛོད༔ བཅུ་པ་བརྟན་མ་བསྐྱང་བ་ནི། བཤལ་ཆུས་བྲན་ལ། ཧྲཱིཿ དགུང་སྔོན་སྟེང་དང་གངས་རི་གཡའ་རྩེ་དང་༔ སྨན་ལྗོངས་སྐྱེད་མོས་ཚལ་དང་ནགས་འདབས་དང་༔ ཕྱོགས་མཚམས་སྟེང་འོག་གང་ན་གནས་པ་ཡིཿ བོད་ཁམས་སྐྱོང་བའི་བསྟན་མ་བཅུ་གཉིས་ཚོགས༔ སློབ་དཔོན་པདྨའི་སྤྱན་སྔར་ཁས་བླངས་བཞིན༔ རང་རང་ཕོ་བྲང་གནས་ནས་འདིར་བྱོན་ལ༔ ཕུད་ལྷག་བཤལ་བའི་གཏོར་མ་འདི་བཞེས་ལ༔ བཅོལ་པའི་ཕྲིན་ལས་མ་ལུས་སྒྲུབ་པར་མཛོད༔ ཅེས་གཏོར་མ་གཉིས་མཁར་གྱི་ཡང་སྟེངས་སུ་ཞལ་ནང་བསྟན་གྱིས་འབུལ། བཅུ་གཅིག་པ་རྟ་བྲོ་ནི། སྒོ་དྲུང་དུ་གཏོར་གཞོང་ཁ་སྦུབས་པའི་འོག་ཏུ་བགེགས་རྣམས་ཚུད་པ་རི་རབ་ཀྱིས་མནན་པར་དམིགས་ལ། ཧཱུྃ། རྣམ་པ་རི་རབ་སུམ་བརྩེགས་ལ༔ དོན་དུ་སྐུ་གསུང་ཐུགས་སུ་གསལ༔ དོང་གཏིང་ལོག་ལྟའི་དཔུང་རྣམས་ནི༔ མ་ལུས་ལུས་པ་མེད་པར་བསྐྱུར༔ སྟེང་དུ་དཔལ་ཆེན་ལྷ་ཚོགས་ཀྱིས༔ བྲོ་བརྡུང་ཞི་རྒྱས་དབང་དྲག་རྫོགས༔ ཨོཾ་ཨཱཿཧཱུྃ་སྟྭཾ་བྷ་ཡ་ནན༔ དྲག་ཤུལ་གྱི་ལས་མཐའ་ཤིས་པས་བསྡུ་བའི་ཕྱིར་གཏོར་གཞོང་བསྒྱེལ་བ་སྨན་འབྲུས་བཀང་ལ། རྣལ་འབྱོར་པ་བདག་ཅག་འཁོར་དང་བཅས་པའི་ཚེ་བསོད་དཔལ་འབྱོར་ཐམས་ཅད་པུཥྟིཾ་ཀུ་རུ་ཨོཾ་ཞེས་བརྗོད། དེ་རྣམས་ནི་ཐུན་མཚམས་སུ་བྱ་བ་ཚོགས་ཀྱི་མཆོད་པ་རྗེས་འབྲེལ་དང་བཅས་པ་སྟེ། ཚོགས་མཆོད་རྐྱང་པ་ལ་ལྷག་མ་ཡན་ཆད་བགྱིས་པས་ཀྱང་དོན་གྲུབ་པ་ཡིན་ནོ། །གཉིས་པ་དངོས་གྲུབ་བླང་བ་ནི། གཏང་རག་གི་སླད་དུ་སྔར་བཞིན་མཆོད་ཅིང་བསྟོད་ལ། སྒྲུབ་གཏོར་ལྷར་གསལ་བ་སྤྱི་བོར་བཏེག་སྟེ། ཧཱུྃ། བདག་གཞན་གཉིས་དག་དཀྱིལ་འཁོར་ཀུན་སྣང་དུ༔ རྨད་བྱུང་བླ་མ་བདེ་གཤེགས་རིགས་འདུས་ཚོགས༔ དངོས་གྲུབ་སྩལ་དང་སྩོལ་བར་མི་དམིགས་ཀྱང་༔ སྐུ་གསུང་ཐུགས་དང་ཡོན་ཏན་ཕྲིན་ལས་རྣམས༔ ད་ལྟ་ཉིད་དུ་གསལ་ཞིང་བརྟན་པར་མཛོད༔ ཕྲིན་ལས་རྣམ་བཞི་མྱུར་དུ་འགྲུབ་པ་དང་༔ དགོས་འདོད་རེ་སྐོང་ཡིད་བཞིན་གཏེར་གྱི་མཛོད༔ མཐོང་ཆོས་དབང་དང་ཐུན་མོང་ཡོན་ཏན་བརྒྱད༔ མངོན་ཤེས་དྲུག་ལྡན་དངོས་གྲུབ་བདག་ལ་སྩོལ༔ སྔགས་མཐར། ཀཱ་ཡ་སིདྡྷི་ཨོཾ༔ ཝཱ་ཀ་སིདྡྷི་ཨཱཿ ཙིཏྟ་སིདྡྷི་ཧཱུྃ༔ སརྦ་སིདྡྷི་ཧྲཱིཿ ཞེས་བརྗོད་ཅིང་གནས་བཞིར་རེག་ལ་གཏོར་རྫས་ཅུང་ཟད་དངོས་གྲུབ་ཀྱི་ཚུལ་དུ་རོལ། ཡི་གེ་བརྒྱ་པ་ལན་གསུམ་བརྗོད་པས་ནོངས་པ་བཤགས། གསུམ་པ་ཉེར་བསྡུ་ནི། རྟེན་ཡོད་ན་བརྟན་བཞུགས་དང་། སྣང་ཆ་གཟུགས་བརྙན་གྱི་འཁོར་ལོར་རྟག་མཐའ་བསལ་ཕྱིར། ཧཱུྃ། རང་རིག་ཐིག་ལེ་གཅིག་ཏུ་གསལ་བ་ལ༔ སྤྲོ་དང་བསྡུ་བར་བྱ་བ་མི་དམིགས་ཀྱང་༔ མ་རྟོགས་འཁྲུལ་པའི་རྟག་ལྟ་སྦྱང་བྱའི་ཕྱིར༔ ཐམས་ཅད་ཐིག་ལེ་ཆེན་པོར་བསྡུ་བར་བྱ༔ བཛྲ་མུཿ ཨཱ་ལི་ཀཱ་ལི་དང་ཡི་གེ་བརྒྱ་པ་བཟླ། ཆད་མཐའ་བསལ་ཕྱིར། ཧཱུྃ། རྟག་ཏུ་མི་འགྱུར་ཐིག་ལེ་ཆེན་པོའི་ངང་༔ བསྐྱེད་དང་རྫོགས་པའི་མཐའ་གཉིས་བྲལ་བ་ལ༔ ཆད་པའི་སྟོང་ཉིད་མེད་པ་ལས་གྲོལ་ཕྱིར༔ རྫོགས་རིམ་ལྷ་སྐུ་བླ་མ་རྩ་གསུམ་ལྷ༔ སྣང་ལ་མ་གྲུབ་འཇའ་ཚོན་ལྟ་བུར་ཤར༔ བཞི་བ་དགེ་བ་བསྔོ་ཞིང་སྨོན་ལམ་གདབ་པ་ནི། ཧཱུྃ། དུས་གསུམ་མི་དམིགས་སྒྱུ་མར་སྣང་བའི་ཆོས༔ མིག་འཕྲུལ་ཇི་བཞིན་དགེ་ཚོགས་བྱང་ཆུབ་ཏུ༔ ཡོངས་སུ་བསྔོས་པས་རྩ་གསུམ་དཀྱིལ་འཁོར་གྱི༔ གོ་འཕང་མཆོག་ལ་འགྲོ་ཀུན་སྦྱོར་གྱུར་ཅིག༔ ལྔ་པ་ཤིས་བརྗོད་བྱ་བ་ནི། རང་བཞིན་ཆོས་དབྱིངས་ངང་ཉིད་ལས༔ གཟུགས་སྐུའི་རྣམ་རོལ་དཔག་ཡས་ཀྱིས༔ རླབས་ཆེན་ཕྲིན་ལས་སྐྱོང་མཛད་པའི༔ བརྒྱུད་གསུམ་བླ་མའི་བཀྲ་ཤིས་ཤོག༔ མ་འགགས་རང་གསལ་འོད་ལྔའི་ཀློང་༔ རབ་འབྱམས་དཀྱིལ་འཁོར་རྣམ་པར་མཛེས༔ མཆོག་ཐུན་དངོས་གྲུབ་སྩོལ་མཛད་པའི༔ ཡི་དམ་ལྷ་ཚོགས་བཀྲ་ཤིས་ཤོག༔ ཕྱོགས་བཅུ་གནས་ཡུལ་སྤྲུལ་པའི་ཞིང་༔ ཕྲིན་ལས་རྣམ་བཞིའི་རོལ་གར་མཁན༔ མཁའ་འགྲོ་སྲུང་མའི་ཚོགས་རྣམས་ཀྱིས༔ བཀྲ་ཤིས་བདེ་ལེགས་སྩལ་དུ་གསོལ༔ ཞེས་བརྗོད་ཅིང་དགེ་ལེགས་ཀྱི་མེ་ཏོག་ཆར་དུ་བསྙིལ་བར་བྱའོ། །བསྙེན་སྒྲུབ་བྱེད་ན། མཚམས་དམ་པར་བཅད་ལ་ཐུན་བཞིའི་རིམ་པས། ཚོགས་བསག་སྐབས་ཀྱི་བསྙེན་སྔགས་མ་ཧཱ་གུ་རུ་འབུམ་ཕྲག་གཅིག་དང་། དངོས་གཞིའི་སྒྲུབ་སྔགས་འབུམ་ཕྲག་བཅུ་བཟླ་བ་ནི་གྲངས་བསྙེན་ལས་རུང་ཙམ་ཡིན་ལ། དུས་བསྙེན་ཟླ་བ་དྲུག་དང་། མཚན་མའི་བསྙེན་པ་རྟགས་མཐོང་བའི་བར་དུ་འཛིན་པར་བྱའོ། །དེ་ལྟ་བུའི་ལམ་ཟབ་མོ་འདི་ཉིད་ཀྱང་གུ་རུ་རིན་པོ་ཆེའི་རྡོ་རྗེའི་གསུང་ལས། ཐུགས་ཀྱི་སྒྲུབ་པ་འདི་ཉིད་སྐྱེས་བུ་གང་གིས་ཉམས་སུ་བླངས་ཀྱང་༔ བདག་དང་དུས་གསུམ་གྱི་རྒྱལ་བ་རྣམས་ཀྱིས་གཟིགས་ཤིང་༔ དེའི་རྒྱུད་བྱིན་གྱིས་རློབ་སྟེ༔ གཅིག་རིག་འཛིན་གྱི་གནས་སུ་འགྲོད་པར་ཐེ་ཚོམ་མེད་དོ༔ ཞེས་བཀའ་སྩལ་པ་ལ་དྲན་པ་ཉེ་བར་བཞག་སྟེ་བསྐྱེད་རྫོགས་ཟུང་འཇུག་སྙིང་པོའི་སྒྲུབ་པ་ལ་གཞོལ་བས་སྐུ་གསུམ་དབྱེར་མེད་བདེ་བ་ཆེན་པོ་ཡེ་ཤེས་བླ་མའི་ས་ལ་རེག་པར་བྱའོ། །ཟབ་ཅིང་རྒྱ་ཆེ་མཁའ་དང་སྙོམས་འཇུག་པའི། །བླ༷་མ༷འི་ཐུག༷ས་སྒྲུབ༷་ཀུན་གྱི་ཡང་སྙིང་ཕུལ། །སྐུ༷་གསུ༷མ་རི༷གས་འ༷དུས་བདེ་ཆེན་ལམ་བཟང་ལ། །བརྟེན་ནས་འགྲོ་ཀུན་དོན་གཉིས་མཐར་ཕྱིན་ཤོག། །།དེ་ལྟར་ཀུན་མཁྱེན་ཆོས་ཀྱི་རྒྱལ་པོ་འགྲོ་འདུལ་ཤེས་རབ་འོད་ཟེར་གྱི་ཟབ་གཏེར། པདྨའི་ཞལ་གདམས་རྩ་གསུམ་མཐོང་བ་རང་གྲོལ་གྱི་ཆོས་སྡེ། ལམ་བསྡུས་པ་སྐུ་གསུམ་རིགས་འདུས་པདྨ་གུ་རུའི་ཕྲིན་ལས་ཁྲིགས་སུ་བསྡེབས་པ་འདིའང་རང་གཞན་མང་པོས་བདེ་ཆེན་ཡེ་ཤེས་ཀྱི་སྐུ་སྒྲུབ་པའི་ཆ་རྐྱེན་དུ་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོ་རྡོ་རྗེ་གཟི་བརྗིད་རྩལ་གྱིས་གཏེར་གཞུང་རྡོ་རྗེའི་གསུང་ཁོ་ན་དང་། བསྙེན་པའི་སྐབས་སུ་སྦས་དོན་གྱི་གང་ཤར་བཅས་ལེགས་པར་སྤེལ་བ་དགེ་ལེགས་མཆོག་ཏུ་གྱུར་ཅིག། །།སརྦ་དཱ་མངྒ་ལཾ་བྷ་བ་ཏུ།། །།

[edit]

sku gsum rigs bsdus pad+ma gu ru'i phrin las khrigs su bsdebs pa bde chen snying po/__ @#/__/pa_d+ma_s+ya_ba_k+t+ra_ma_ba_bA_da_tri_mU_lad_R+sha_swa_mo_tsa_nA_tra/__ma_hA_su_kha_ga_r+b+ha_nA_ma_tri_kA_ya_ku_laM_pi_N+Da_pa_d+ma_gu_roH__ka_rma_le_khA_saM_yo_dzi_ta_bi_ha_ra_ti_sma//_ @#/__/pad+ma'i zhal gdams rtsa gsum mthong ba rang grol las/__sku gsum rigs bsdus pad+ma gu ru'i phrin las khrigs su bsdebs pa bde chen snying po zhes bya ba bzhugs so/_/ sku gsum rigs bsdus pad+ma gu ru'i phrin las khrigs su bsdebs pa bde chen snying po zhes bya ba/__bla ma dang dbyer med pa'i sku gsum rigs bsdus ma hA gu ru bde ba chen po la phyag 'tshal lo/__/gzod nas rnam dag 'od gsal 'dus ma byas/__/sku gsum dbyer med bdeX cheXn bla ma la/__/btud nas myur lam bye ba'i snyingaX poX'i phul/__/rig pa 'dzin rnams dga' ba'i rgyan du sbyin/__/'di la gsum/__sbyor ba/__dngos gzhi/__rjes so/__/dang po ni/__gnas dben zhing nyams dga' bar yar mar gyi tshes bcu sogs dus bzang por/__rigs 'dus bla ma'i dam tshig gi snang brnyan bkram pa'i spyan sngar/__bla gtor dmar zlum spyir btang la pad 'dab brgyad kyis bskor ba'i rtser ka pA la bdud rtsis gang bas mtshan pa sogs rgyan spros gang mdzes can gyi g.yas su sman phud/__g.yon du rak+ta/__mdun du nyer spyod/__gzhan yang srung ma'i gtor bsngo tshogs mchod sogs 'og tu mkho ba'i yo byad thams cad 'du bya'o/__/de nas cho ga'i sbyor ba dngos la/__tshogs bsag bgegs bskrad srung 'khor bsgom/__/byin dbab mchod pa byin brlab bo/__/zhes pa ltar lnga las dang po skyabs sems sngon du 'gro ba'i tshogs bsag pa ni/__rang gi mdun gyi nam mkhar rig 'dzin bla ma bde gshegs kun 'dus pad+ma 'byung gnas rtsa gsum rgyal ba rab 'byams kyi tshogs dang bcas pa mngon sum du gsal bar gyur pa'i spyan sngar/__bdag dang khams gsum ma lus la:__re ltos skyabs gyur gzhan na med:__sku gsum dbyer med gu ru rjer:__gus pas phyag 'tshal skyabs su mchi:__sems can sangs rgyas thob bya'i phyir:__smon 'jug sems ni bskyed par bgyi:__las dang nyon mongs las grol zhing :__rig 'dzin bla ma'i sa thob shog:__hoH__rnam dag mnyam pa'i ngang nyid las:__bla ma yi dam lha tshogs gshegs:__nyi zla pad+ma'i gdan la bzhugs:__phyag 'tshal mchod 'bul sdig pa bshags:__dge la yi rang chos 'khor bskor:__bzhugs gsol 'debs so dge rtsa bsngo:__yang dag sku gsum mchog thob shog:__ces skyabs sems yan lag bdun pa rnams lan gsum re'i rjes su/__tshogs zhing gi gnas gsum las 'od zer dkar dmar mthing ga'i tshogs 'phros pas/__rang gi lus ngag yid gsum gyi dri ma tha dag sbyangs par gyur pa'i mos pas/__oM AHhU~M ma hA gu ru sarba sid+d+hi hU~M:__zhes ci nus bzlas mthar/__mdun gyi skyabs yul rnams 'od du zhu nas rang la thim pas rgyud byin gyis brlabs par bsam/__gnyis pa bgegs bskrad pa ni/__rang nyid rdo rje thod phreng rtsal yab yum du gsal bar gyur/__gtor ma ra~M ya~M kha~M gis bsang oM AHhU~M gis brlab/__hU~M/__yul phyogs 'di dag kun la gnas pa yi:__lha klu gnod sbyin srin po 'byung po dang :__yi dwags sha za rjed byed smyo byed dang :__mkha' 'gro ma mo 'khor dang bcas pa rnams:__mchod sbyin gtor ma bzang po 'di nyid bzhes:__bar du gcod pa'i bsam sbyor kun spongs la:__zhi dang phan pa'i sems kyis gnas par gyis:__ma hA pany+tsa b+ha liM ta khA hi khA hi:__zhes bsngo/__hU~M/__ye shes rol pa dpal gyi skur gsal ba'i:__sku gsung thugs las sprul pa'i khro tshogs kyis:__bgegs rigs ma lus rgya mtsho'i mthar bskrad bgyi:__oM sum+b+ha ni sum+b+ha hU~M:__gr-ih+Na gr-ih+Na hU~M:__gr-ih+Na pa ya gr-ih+Na pa ya hU~M:__A na ya hoH__b+ha ga wAn badz+ra bid+yA rA dzA ya hU~M phaT:__ces nag phyogs rnams bskrad/__gsum pa srung 'khor bsgom pa ni/__hU~M/__ye shes rol pa dpal gyi thugs las byung :__rdo rje 'khor lo ral gri rgya gram dang :__mda' mtshon phur bu me phung phyogs mtshams gtams:__bskal pa'i rlung yang gnas 'dir ldang mi 'gyur:__oM badz+ra tsakra tIk+Sh+Na karma kI lA ya dz+wa la ra~M hU~M phaT:__bzhi pa byin dbab pa ni/__hU~MH__bla ma yi dam DA ki'i sku gsung thugs:__rang rtsal 'gag med nam mkha'i mtha' dang mnyam:__dzaHhU~M ba~M hoHchos dbyings gnas nas gshegs:__gnyis med brtan bzhugs byin dbang bskur du gsol:__oM AHhU~M pad+ma gu ru badz+ra sa ma ya:__d+harma kA ya:__saM b+ho kA ya:__nirma kA ya tsit+ta sid+d+hi pha la hU~M:__A be shA ya a AH__lnga pa mchod pa byin rlabs ni/__hU~MH__bla ma rtsa gsum snang srid dag pa la:__rang rtsal ma 'gags mchod pa'i cho 'phrul gyis:__kun bzang mchod sprin rgya mtshor byin brlabs nas:__ye shes lnga rdzogs sku gsung thugs su brlab:__oM AHhU~M sarba pU dza me g+ha AHhU~M:__oM AHhU~M sarba pany+tsa a mr-i ta ma hA ba liM ta rak+ta hU~M hrIHThA:__zhes lan gsum brjod pas nyer spyod dang sman rag gtor ma/__ma hA badz+ra hU~M/__badz+ra gaN+De aH__zhes pas dam tshig gi rdo rje dang dril bu byin gyis brlab bo/__/gnyis pa dngos gzhi la/__lha bskyed spyan drang dbyer med bstim/__/mchod cing bzlas pas dngos grub bsgrub/__/ces pa ltar lnga las/__dang po lha bskyed pa ni/__oM ma hA shUn+ya tA dz+nyA na badz+ra swa b+hA wa At+ma konya haM/__zhes pa'i sngags brjod cing gdod ma'i stong chen gyi don dran par byas la gnas lugs ma bcos pa'i dbyings su mnyam par bzhag ste/__thams cad ro mnyam chos dbyings stong gsal chen po'i ngang nas:__lhun grub pho brang chen po yangs pa'i dbus su:__sna tshogs pad+ma nyi zla'i gdan gyi steng du:__rgyu'i ngo bo hrIHdkar po las 'od kyi tshogs 'phros pas:__sangs rgyas dang byang chub sems dpa'i tshogs ma lus pa mchod:__sems can thams cad kyi sdig sgrib ma lus pa sbyangs:__tshur 'dus pas bdag nyid sku gsum rigs 'dus pad+ma 'byung gnas:__sku mdog dkar dmar bzhad pa'i mdangs ldan:__phyag gnyis mnyam par bzhag pa'i steng na:__mtshan dang ldan pa'i ka pA la bdud rtsis gang ba bsnams pa:__zhabs rdo rje'i skyil mo krung gis bzhugs pa:__sku la phod chen mthing ga dang :__dar dmar ser gyi chos gos kyi steng na ber gsol zhing :__dbu la pad zhwa lhubs chen gyis mdzes pa:__snyan rgyan mgur chu phyag gi gdu bu sogs rin po che'i rgyan du mas spros pa:__'ja' 'od 'khyil ba'i gur khang gi dbus na bzhugs pa'i gnas gsum du oM AHhU~M gsum gyis:__mtshan pa las 'od zer phyogs bcur 'phros pas:__kun bzang rgyal ba rigs lnga:__dga' rabaH__'jam dpal:__shri siM ha:__dz+nyA na sU tra:__bi ma la mi tra:__yi dam bde gshegs kun 'dus:__mkha' 'gro chos skyong skyabs gyur re ltos kyi tshogs dang bcas pa rnams:__dwangs ma 'od kyi phung po'i rnam pas spyan drangs par gyur pa'i mos pa dang bcas:__gnyis pa spyan 'dren pa ni/__hrIH__gsal brtan ting 'dzin ye shes rol pa las:__sgyu 'phrul gar ldan rigs 'dus bla ma'i tshogs:__dmigs med mkha' ltar dag pa'i pho brang nas:__thugs rje smon lam dbang gis gshegs su gsol:__oM AHhU~M pad+ma gu ru badz+ra sa ma ya:__d+harma kA ya:__saM b+ho kA ya:__nirma kA ya tsit+ta sid+d+hi pha la hU~M:__e h+ye hi b+ha ga wAn ma hA kA ru Ni ka dr-i sh+ya hoH__e A ral+li hrIM hrIM dzaHdza:__zhes spyan drangs pa la/__rang gi snying ga nas spros pa'i rdo rje'i lha mo nam mkha' gang bas phyi nang gsang ba de kho na nyid kyi mchod pa rgya mtshos mchod par gyur ba'i mos pas/__oM badz+ra puSh+pe nas/__shab+da pany+tsa kA ma gu Na ma hA a mr-i ta ba liM ta rak+ta bo d+hi tsit+ta dz+nyA na d+hA tu pU dza hoH__zhes mchod/__gsum pa dbyer med du bstim pa ni/__hU~M/__gdod nas gnyis med mnyam pa'i ngang nyid las:__blo sbyang phyir du dam tshig ye shes sems:__chu la chu bzhag sgyu ma ji bzhin du:__du mar snang yang ro gcig brtan par bya:__kA ya wA ka tsit+ta tiSh+Tha badz+ra lhan:__bzhi pa mchod pa la/__thog mar phyag gis bsnyen bkur ba ni/__hU~M/__bla ma sku gsum rigs 'dus lha yi tshogs:__rang shes 'khrul bral brda dang gar gyi phyag:__rnam dag ye shes chen po rtogs bya'i phyir:__sri zhu gus pas 'phrul dga'i tshul phyag 'tshal:__na mo pu ru sha ya ho:__a ti pu hoH__pra tIts+tsha hoH__phyi nang gsang ba de kho na nyid kyi mchod pa'i sprin rab 'byams su spros te/__oM AHhU~M:__phyi yi mchod pa sa dang bar snang gang :__nang gi mchod pa zag med bdud rtsi'i tshogs:__gsang ba bde chen smra bsam brjod las 'das:__'gro ba'i don du dgyes bzhin bzhes su gsol:__oM AHhU~M pad+ma gu ru sa pa ri wA ra puSh+pe nas/__shab+da pany+tsa kA ma gu Na pU dza AHhU~M:__sarba pany+tsa a mr-i ta khA hi:__ma hA ba liM ta khA hi:__ma hA rak+ta khA hi:__rdo rje'i glus bstod pa ni/__hrIH__ma bcos spros bral bla ma chos kyi sku:__bde chen longs spyod bla ma chos kyi rje:__pad sdong las 'khrungs bla ma sprul pa'i sku:__sku gsum rdo rje 'chang la phyag 'tshal bstod:__lnga pa bzlas pas nye bar bsnyen cing bsgrub pa ni/__rang nyid sku gsum rigs 'dus pad+ma gu rur gsal ba'i thugs kar pad+ma dang zla ba'i steng du 'jig rten dbang phyug 'phags pa thugs rje chen po/__de'i thugs kar chos sku snang ba mtha' yas/__de'i thugs mchong gur phub pa lta bu'i dbus su pad+ma dmar po 'dab ma brgyad pa ge sar zil phod dang bcas pa'i ze'u 'brur hrIHyig dkar la dmar ba'i mdangs chags pa'i mthar sngags kyi phreng ba mgal me 'khor zhing 'khyil ba ltar gnas par gyur pa'i mos pas/__oM AHhU~M pad+ma gu ru badz+ra sa ma ya:__d+harma kA ya:__saM b+ho kA ya:__nirma kA ya tsit+ta sid+d+hi pha la hU~M:__zhes bzla zhing sngags phreng la sems 'dzin/__gsal snang thon pa na/__sku dang sngags phreng las 'od zer 'phros pas dus gsum gyi rgyal ba ma lus pa rnams dwang ma 'od kyi phung po'i rnam par spyan drangs nas rang nyid la thim:__slar yang 'od zer dpag tu med pa 'phros pas:__sems can thams cad kyi sdig sgrib dag cing byang chub la bkod:__rigs bsdus rgyal ba'i skur gyur:__gzhan yang gnod byed gdon bgegs la sogs pa'i gdug sems zhi nas byang chub kyi sems dang ldan par gyur pa'i mos pa dang bcas bzlas pa chu bo'i rgyun bzhin du brtson/__spros bcas kyi sgom pa dang bzlas pas skyo na gter chen rin po che'i rdo rje'i gsung las/__phyi nang gzung 'dzin gyis bsdus pa'i chos gang la'ang yod med bzang ngan dgag sgrub re dogs kyi blo dang bral ba'i rang gnas la ched gnyer gyi gnyen po'i rtsol bas ma bslad cing /__tha mal yengs ma lam du ma song ba'i ngang nas dbyings rig gnyis med kyi don las mi 'da' bzhin du/__nam mkha' mtha' dbus dang bral ba'i dbyings su mig lta stangs dang rtog bral gyi rig pa gnyis lhan cig tu khyab par bkod nas rgyun bsrings te nyams su blangs pas/__skye 'chi med pa'i pad+ma thod phreng rtsal du 'gyur ro zhes gsungs pa ltar nyams su blang /__thun las ldang ba na mchod cing bstod la/__hU~M/__chos dbyings ma bcos skye ba med pa'i ngang :__'gag med rang rtsal longs spyod rdzogs skur gsal:__thugs rje smon lam bsam 'das sprul pa'i sku:__sku gsum dbyer med rje btsun pad+ma 'byung :__'khor du rang rtsal rig 'dzin mkha' 'gros bskor:__gsol ba 'debs so dri med spyan gyis gzigs:__bdag dang rjes 'jug rnams la thugs rjes zungs:__'khor ba'i sdug bsngal bde ba chen por sgyur:__dbang skur byin rlobs rang grol dngos grub stsol:__ces gsol ba gdab bo/__/gsum pa rjes la/__tshogs mchod bya zhing dngos grub bskul/__/nyer bsdu bsngo smon bkra shis brjod/__ces pa ltar lnga las/__dang po tshogs kyi mchod pa rjes 'brel dang bcas pa la'ang bcu gcig gi/__dang po byin gyis brlab pa ni/__nang mchod 'thor zhing /__hU~M/__ru sbal khog pa'i snod yangs su:__sha lnga bdud rtsi rnam lnga dang :__dbang po lnga dang go ro tsa:__ba su ta dang nang khrol lnga:__bza' dang btung ba 'bras bur bcas:__tshogs rdzas yul gyi 'dod yon rnams:__'bru gsum 'od kyis byin brlabs shing :__mi gtsang rtog sgrib sbyangs spel nas:__oM AHhU~M dang ha ho hrIHsa:__byin brlabs bdud rtsi'i rgya mtshor gyur:__gnyis pa tshogs zhing spyan 'dren pa ni/__hU~M/__bla ma yi dam mkha' 'gro dang :__dam can rgya mtsho'i tshogs bcas rnams:__tshogs gtor mgron du spyan 'dren no:__gnas mchog dam pa nyams re dga':__bde ldan pad+ma 'od kyi zhing :__tshogs dang gtor ma mdangs dang ldan:__dpal ldan mdzes pa'i pho brang yin:__'dir tshogs rnal 'byor dam re gtsang :__'dod yon re skong lhun gyis grub:__'og min gnas dang pad+ma brtsegs:__dur khrod brgyad dang gnas yul dang :__o rgyan gnas nas gshegs su gsol:__gu ru de wA DA ki nI d+harma pA la badz+ra sa ma ya dzaH__gsum pa bzhugs su gsol ba ni/__hU~M/__pho brang yid 'ong mdzes pa 'dir:__bla ma yi dam mkha' 'gro rnams:__bdag dang 'gro la zhal bstan phyir:__pad+ma nyi zla'i gdan la bzhugs:__pad+ma tsan+d+ra sUR+Ya s+t+waM:__bzhi pa tshogs phud 'bul ba ni/__hU~M/__snod kyi 'jig rten yangs pa ru:__bcud sogs 'dod yon drug ldan 'di:__ting 'dzin sngags kyis byin brlabs pas:__tshogs mchod gtor mas thugs dam bskang :__dpag bsam shing chen re skong zhing :__yid bzhin nor bu dgos 'dod char:__kun bzang mchod sprin mkha' khyab kyis:__rigs kyi bla ma 'gro ba'i mgon:__khyab bdag yi dam mkha' 'gro'i tshogs:__bka' srung gnyer gtad dam can rnams:__thugs dam gnyan po des bskang la:__tshangs pa'i dngos grub stsal du gsol:__ga Na tsakra pU dza khA hi:__lnga pa bshags pa ni/__hoH__ye shes spyan ldan thugs rje'i tshogs:__yud tsam bdag la nyer dgongs la:__mtshams med lnga dang nye ba lnga:__lci ba bzhi dang log pa brgyad:__kha na ma tho sdig pa'i las:__gnong 'gyod dbang gis mthol lo bshags:__yi ge brgya pa brjod/__drug pa tshogs tha ma la/__snang srid ye sgrol gyi dgongs pas bsgral ba ni/__hU~M/__snang srid ye nas dag pa la:__ye shes rtsal la dgrar 'dzin mkhan:__rang rang las la gzhan du snang :__thams cad ro mnyam mtshon chas bsgral:__mA ra ya rbad:__bsgral mthar ye sbyor gyi dgongs pas bstab pa ni/__bdag tu 'dzin pa rang gi sems:__snang ba ye shes klong du bstab:__'khrul rtog las kyi tshogs brgyad rnams:__skye med rtogs pa'i mtshon gyis gtubs:__bstab bo kun bzang klong du bstab:__mAM sa rak+ta keM ni ri ti ga Na tsakra khA hi:__bdun pa tshogs la rol ba ni/__brda dang brda'i 'bul len spyi ltar byas la phung khams skye mched gdan gsum tshang ba'i dkyil 'khor du shes pas bza' ba'i dam tshig nang gi sreg blugs kyi cho gar bstar nas tshim pa drug ldan du rol/__brgyad pa lhag ma'i cho ga ni/__tshogs lhag rnams bsog 'jog med par bsdus/__shis par bya ba'i phyir gtsang lhag sting du bsnan/__rtog pa dad pa'i rnal 'byor pa yin na lce rta mgrin yab yum rol pa mdzad pa'i byang sems bdud rtsi'i kha phru dang ro gcig pa he ru ka'i dam rgyas dbab pa'am/__go 'phang dman na g.yon pa'i mtheb srin sbyar ba reg cing nang mchod bran nas/__oM AHhU~M sarba pany+tsa a mr-i ta hU~M ha ho hrI:__hU~M/__ye shes rol pa lha yi tshogs rnams dang :__las las grub pa'i mkha' 'gro dbang phyug ging :__ma bdun sring bzhi 'dir gshegs mchod pa bzhes:__'bar ma dang ni spor ma pho nya'i tshogs:__lha srin sde brgyad bka' yi srung mar bcas:__ma lus 'dir spyon zag med bdud rtsi la:__rngams shing dgyes pa'i tshul gyis rol tu gsol:__ma ma shatrUM a mu kaM:__khroM yak+Sha bi dza ya kha kha khA hi khA hi:__zhes phyi rol gom pa bdun cu'i sar srin mo'i za lam du dor/__dgu pa chad tho bya ba ni/__gtor gzhong bskul te sman raka bran la/__hU~M/__srid gsum zhing 'khod dam can dregs pa'i tshogs:__'dod yon zag med bdud rtsi'i gtor ma longs:__bde gshegs rtsa gsum rgyal ba'i spyan snga ru:__ji ltar khas blangs dam bcas dran mdzod la:__mdo sngags bshad sgrub bstan pa bsrung ba dang :__de 'dzin skyong zhing log 'dren dbyings su sgrol:__khams gsum 'gro kun bde skyid spel ba dang :__gang gsol phrin las myur du 'grub par mdzod:__bcu pa brtan ma bskyang ba ni/__bshal chus bran la/__hrIH__dgung sngon steng dang gangs ri g.ya' rtse dang :__sman ljongs skyed mos tshal dang nags 'dabs dang :__phyogs mtshams steng 'og gang na gnas pa yiH__bod khams skyong ba'i bstan ma bcu gnyis tshogs:__slob dpon pad+ma'i spyan sngar khas blangs bzhin:__rang rang pho brang gnas nas 'dir byon la:__phud lhag bshal ba'i gtor ma 'di bzhes la:__bcol pa'i phrin las ma lus sgrub par mdzod:__ces gtor ma gnyis mkhar gyi yang stengs su zhal nang bstan gyis 'bul/__bcu gcig pa rta bro ni/__sgo drung du gtor gzhong kha sbubs pa'i 'og tu bgegs rnams tshud pa ri rab kyis mnan par dmigs la/__hU~M/__rnam pa ri rab sum brtsegs la:__don du sku gsung thugs su gsal:__dong gting log lta'i dpung rnams ni:__ma lus lus pa med par bskyur:__steng du dpal chen lha tshogs kyis:__bro brdung zhi rgyas dbang drag rdzogs:__oM AHhU~M s+t+waM b+ha ya nan:__drag shul gyi las mtha' shis pas bsdu ba'i phyir gtor gzhong bsgyel ba sman 'brus bkang la/__rnal 'byor pa bdag cag 'khor dang bcas pa'i tshe bsod dpal 'byor thams cad puSh+tiM ku ru oM zhes brjod/__de rnams ni thun mtshams su bya ba tshogs kyi mchod pa rjes 'brel dang bcas pa ste/__tshogs mchod rkyang pa la lhag ma yan chad bgyis pas kyang don grub pa yin no/__/gnyis pa dngos grub blang ba ni/__gtang rag gi slad du sngar bzhin mchod cing bstod la/__sgrub gtor lhar gsal ba spyi bor bteg ste/__hU~M/__bdag gzhan gnyis dag dkyil 'khor kun snang du:__rmad byung bla ma bde gshegs rigs 'dus tshogs:__dngos grub stsal dang stsol bar mi dmigs kyang :__sku gsung thugs dang yon tan phrin las rnams:__da lta nyid du gsal zhing brtan par mdzod:__phrin las rnam bzhi myur du 'grub pa dang :__dgos 'dod re skong yid bzhin gter gyi mdzod:__mthong chos dbang dang thun mong yon tan brgyad:__mngon shes drug ldan dngos grub bdag la stsol:__sngags mthar/__kA ya sid+d+hi oM:__wA ka sid+d+hi AH__tsit+ta sid+d+hi hU~M:__sarba sid+d+hi hrIH__zhes brjod cing gnas bzhir reg la gtor rdzas cung zad dngos grub kyi tshul du rol/__yi ge brgya pa lan gsum brjod pas nongs pa bshags/__gsum pa nyer bsdu ni/__rten yod na brtan bzhugs dang /__snang cha gzugs brnyan gyi 'khor lor rtag mtha' bsal phyir/__hU~M/__rang rig thig le gcig tu gsal ba la:__spro dang bsdu bar bya ba mi dmigs kyang :__ma rtogs 'khrul pa'i rtag lta sbyang bya'i phyir:__thams cad thig le chen por bsdu bar bya:__badz+ra muH__A li kA li dang yi ge brgya pa bzla/__chad mtha' bsal phyir/__hU~M/__rtag tu mi 'gyur thig le chen po'i ngang :__bskyed dang rdzogs pa'i mtha' gnyis bral ba la:__chad pa'i stong nyid med pa las grol phyir:__rdzogs rim lha sku bla ma rtsa gsum lha:__snang la ma grub 'ja' tshon lta bur shar:__bzhi ba dge ba bsngo zhing smon lam gdab pa ni/__hU~M/__dus gsum mi dmigs sgyu mar snang ba'i chos:__mig 'phrul ji bzhin dge tshogs byang chub tu:__yongs su bsngos pas rtsa gsum dkyil 'khor gyi:__go 'phang mchog la 'gro kun sbyor gyur cig:__lnga pa shis brjod bya ba ni/__rang bzhin chos dbyings ngang nyid las:__gzugs sku'i rnam rol dpag yas kyis:__rlabs chen phrin las skyong mdzad pa'i:__brgyud gsum bla ma'i bkra shis shog:__ma 'gags rang gsal 'od lnga'i klong :__rab 'byams dkyil 'khor rnam par mdzes:__mchog thun dngos grub stsol mdzad pa'i:__yi dam lha tshogs bkra shis shog:__phyogs bcu gnas yul sprul pa'i zhing :__phrin las rnam bzhi'i rol gar mkhan:__mkha' 'gro srung ma'i tshogs rnams kyis:__bkra shis bde legs stsal du gsol:__zhes brjod cing dge legs kyi me tog char du bsnyil bar bya'o/__/bsnyen sgrub byed na/__mtshams dam par bcad la thun bzhi'i rim pas/__tshogs bsag skabs kyi bsnyen sngags ma hA gu ru 'bum phrag gcig dang /__dngos gzhi'i sgrub sngags 'bum phrag bcu bzla ba ni grangs bsnyen las rung tsam yin la/__dus bsnyen zla ba drug dang /__mtshan ma'i bsnyen pa rtags mthong ba'i bar du 'dzin par bya'o/__/de lta bu'i lam zab mo 'di nyid kyang gu ru rin po che'i rdo rje'i gsung las/__thugs kyi sgrub pa 'di nyid skyes bu gang gis nyams su blangs kyang :__bdag dang dus gsum gyi rgyal ba rnams kyis gzigs shing :__de'i rgyud byin gyis rlob ste:__gcig rig 'dzin gyi gnas su 'grod par the tshom med do:__zhes bka' stsal pa la dran pa nye bar bzhag ste bskyed rdzogs zung 'jug snying po'i sgrub pa la gzhol bas sku gsum dbyer med bde ba chen po ye shes bla ma'i sa la reg par bya'o/__/zab cing rgya che mkha' dang snyoms 'jug pa'i/__/blaX maX'i thugaXs sgrubaX kun gyi yang snying phul/__/skuX gsuXm riXgs 'aXdus bde chen lam bzang la/__/brten nas 'gro kun don gnyis mthar phyin shog/__//de ltar kun mkhyen chos kyi rgyal po 'gro 'dul shes rab 'od zer gyi zab gter/__pad+ma'i zhal gdams rtsa gsum mthong ba rang grol gyi chos sde/__lam bsdus pa sku gsum rigs 'dus pad+ma gu ru'i phrin las khrigs su bsdebs pa 'di'ang rang gzhan mang pos bde chen ye shes kyi sku sgrub pa'i cha rkyen du mtsho skyes bla ma dgyes pa'i 'bangs mkhyen brtse'i dbang po rdo rje gzi brjid rtsal gyis gter gzhung rdo rje'i gsung kho na dang /__bsnyen pa'i skabs su sbas don gyi gang shar bcas legs par spel ba dge legs mchog tu gyur cig/___//sarba dA mang+ga laM b+ha ba tu//__//