JKW-KABUM-07-JA-015-009

🚧 This website is under continued development. We appreciate your patience!

Previous Text Back to Volume PageNext Text

ནཱ་རོ་མཁའ་སྤྱོད་མའི་སྒོམ་བཟླས་ཤིན་ཏུ་བསྡུས་པ།

Wylie title	nA ro mkha' spyod ma'i sgom bzlas shin tu bsdus pa
Location	mkhyen brtse'i bka' 'bum Volume 7, sde tshan 15, Text 9, Pages 427-430 (Folios 63a5 to 64b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ནཱ་རོ་པ་ (Nāropa)
Citation	'jam dbyangs mkhyen brtse'i dbang po. nA ro mkha' spyod ma'i sgom bzlas shin tu bsdus pa. In 'jam dbyangs mkhyen brtse'i dbang po'i bka' 'bum, Vol. 7: 427-430. Khams sde dge rdzong sar dgon: Rdzong sar blo gros phun tshogs, 2020.
Genre	Sadhanas - Evocation Ritual - sgrub thabs
Cycle	ནཱ་རོ་མཁའ་སྤྱོད་མ་ (na ro mkha' spyod ma)
Deity	rdo rje rnal 'byor ma
Colophon	ཞེས་པའང་བློ་དམན་རྣམས་ལ་སྨན་པའི་སླད། འཇམ་པའི་དབྱངས་དཀོན་མཆོག་ལྷུན་གྲུབ་ཀྱི་གསུང་རབ་ཀྱི་དགོངས་པ་ཇི་ལྟ་བར་བྱ་བྲལ་བ་མཁྱེན་བརྩེའི་དབང་པོས་ཚིགས་བཅད་ཀྱི་ཕྲེང་བར་སྤེལ་བའི་དགེ་བས་འགྲོ་ཀུན་རྗེ་བཙུན་རྡོ་རྗེ་རྣལ་འབྱོར་མའི་གོ་འཕང་མཆོག་ལ་མྱུར་དུ་རེག་པའི་རྒྱུར་གྱུར་ཅིག །སརྦ་མངྒ་ལཾ།།
	zhes pa'ang blo dman rnams la sman pa'i slad/__'jam pa'i dbyangs dkon mchog lhun grub kyi gsung rab kyi dgongs pa ji lta bar bya bral ba mkhyen brtse'i dbang pos tshigs bcad kyi phreng bar spel ba'i dge bas 'gro kun rje btsun rdo rje rnal 'byor ma'i go 'phang mchog la myur du reg pa'i rgyur gyur cig__/sarba mang+ga laM/

1 Texts in this Section (sde tshan or chos tshan)

9 427-430	ནཱ་རོ་མཁའ་སྤྱོད་མའི་སྒོམ་བཟླས་ཤིན་ཏུ་བསྡུས་པ། nA ro mkha' spyod ma'i sgom bzlas shin tu bsdus pa Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ནཱ་རོ་མཁའ་སྤྱོད་མའི་སྒོམ་བཟླས་ཤིན་ཏུ་བསྡུས་པ་བཞུགས་སོ། །ན་མོ་གུ་རུ་བཛྲ་ཡོ་གི་ནྱཻ། དེ་ལ་དབང་དང་བྱིན་རླབས་ཟབ་མོས་རྒྱུད་སྨིན་པའི་གང་ཟག་གིས། རྡོ་རྗེ་རྣལ་འབྱོར་མའི་སྒོམ་བཟླས་མདོར་བསྡུས་ཏེ་ཉམས་སུ་བླང་བ་ནི། སྐྱབས་སེམས་རྒྱས་བསྡུས་གང་རིགས་སྔོན་དུ་འགྲོ་བས། མདུན་གྱི་ནམ་མཁར་སེང་ཁྲི་པད་ཟླའི་སྟེང་། །རྩ་བའི་བླ་མ་དཔའ་བོ་རྡོ་རྗེ་ཆོས། །དམར་གསལ་ཌཱ་རུ་ཐོད་པ་ཁ་ཊྭཱྃ་བསྣམས། །རུས་པའི་རྒྱན་མཛེས་རྡོ་རྗེའི་སྐྱིལ་ཀྲུང་བཞུགས། །དུས་གསུམ་སངས་རྒྱས་འདུས་པའི་ངོ་བོ་ཉིད། །བླ་མ་མཆོག་དང་རྡོ་རྗེ་རྣལ་འབྱོར་མ། །གཉིས་སུ་མེད་ལ་ཕྱག་འཚལ་སྐྱབས་སུ་མཆི། །བདག་རྒྱུད་བྱིན་གྱིས་བརླབ་པར་མཛད་དུ་གསོལ། །བླ་མ་འོད་ཞུ་རང་ལ་གཉིས་མེད་ཐིམ། །རང་གི་སྙིང་གར་ཨེ་ཡིག་ཉིས་བརྩེགས་ལས། །ཆོས་འབྱུང་ཟླ་དཀྱིལ་དབུས་སུ་བྃ་ཡིག་མཐར། །སྔགས་ཕྲེང་འཁོར་བའི་ཟེར་གྱིས་སྡིག་སྒྲིབ་སྦྱངས། །རང་ལུས་འོད་ཕུང་གྱུར་ལས་སྐད་ཅིག་གིས། །པད་ཉི་འཇིགས་བྱེད་དུས་མཚན་གདན་གྱི་སྟེང་། །རྣལ་འབྱོར་མ་དཔལ་ཞལ་གཅིག་ཕྱག་གཉིས་མ། །དམར་གསལ་སྤྱན་གསུམ་ནམ་མཁའི་དབྱིངས་སུ་གཟིགས། །ཕྱག་གཡས་རྡོ་རྗེའི་གྲི་གུག་ཐུར་དུ་བརྐྱང་། །གཡོན་པས་ཐོད་ཁྲག་སྟེང་ཕྱོགས་བཟུང་བས་གསོལ། །ཕྲག་པ་གཡོན་པར་རྡོ་རྗེའི་ཁ་ཊྭཱྃ་བསྟེན། །ཐོད་སྐམ་དབུ་རྒྱན་དོ་ཤལ་ཕྱག་རྒྱས་སྤྲས། །ཞབས་ཟུང་གཡས་བརྐྱང་གཡོན་བསྐུམ་དོར་སྟབས་ཀྱིས། །བདེ་ཆེན་ཉམས་འབར་ཡེ་ཤེས་མེ་དབུས་རོལ། །ལུས་གནས་སོ་སོར་ཟླ་བའི་དཀྱིལ་འཁོར་སྟེང་། །ལྟེ་བར་ཨོཾ་བྃ་དམར་མོ་ཕག་མོ་དང་། །སྙིང་གར་ཧྃ་ཡྃ་སྔོན་མོ་གཤིན་རྗེ་མ། །ཁ་ལ་ཧྲཱིཾ་མྃ་དཀར་མོ་རྨོངས་བྱེད་མ། དཔྲལ་བར་ཧྲིཾ་ཧྲིཾ་སེར་མོ་སྐྱོད་བྱེད་མ། །སྤྱི་གཙུག་ཧཱུྃ་ཧཱུྃ་ལྗང་གུ་སྐྲག་བྱེད་མ། །ཚིགས་བརྒྱད་ཕ྄ཊ་ཕ྄ཊ་དུད་ཁ་ཙཎྜི་ཀཱ། །ཀུན་ཀྱང་ལྷ་ཉིད་ཡི་གེའི་གཟུགས་སུ་ཤར། །ཐུགས་སྲོག་འོད་ཀྱིས་སྣོད་བཅུད་དངོས་འཛིན་སྦྱངས། །རྡོ་རྗེ་བཙུན་མོའི་ཞིང་སྐུར་ལམ་གྱིས་གསལ། ཕཻཾ། སླར་ཡང་ཐུགས་ཀའི་བྃ་ལས་འོད་འཕྲོས་པས། །ལྷན་སྐྱེས་ཞིང་སྔགས་རྣལ་འབྱོར་མ་དཔལ་ཀུན། །ཚུར་འདུས་ཛཿཧཱུྃ་བྃ་ཧོཿརང་ལ་ཐིམ། །དམ་ཚིག་ཡེ་ཤེས་གཉིས་སུ་མེད་པར་གྱུར། །ཨོཾ་ཡོ་ག་ཤུདྡྷཿསརྦ་དྷརྨཱཿཡོ་ག་ཤུདྡྷོ྅་ཧཾ། ཐུགས་ཀའི་ས་བོན་སྔགས་ཕྲེང་བཅས་པ་ལས། །འཕྲོས་པའི་འོད་ཀྱིས་འཕགས་མཆོད་འགྲོ་སྒྲིབ་སྦྱངས། །སྲས་བཅས་རྒྱལ་བའི་བྱིན་རླབས་ནུས་མཐུ་ཀུན། །བསྡུས་ཐིམ་བདག་རྒྱུད་བྱིན་གྱིས་བརླབས་པར་བྱས། །ཨོཾ་ཨོཾ་ཨོཾ་སངས་རྒྱས་ཐམས་ཅད་ཀྱི་མཁའ་འགྲོ་མ་གང་གི་ཆེད་དུ། སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞྞ་ནཱི་རྡོ་རྗེའི་ཁ་དོག་མ་གང་གི་ཆེད་དུ་ཡེ། བཛྲ་བཻ་རོ་ཙ་ནཱི་རྡོ་རྗེ་རྣམ་པར་སྣང་མཛད་མ་གང་གི་ཆེད་དུ་ཡེ། ཧཱུྃ་ཧཱུྃ་ཧཱུྃ་ཕ྄ཊ་ཕ྄ཊ་ཕ྄ཊ་སྭཱ་ཧཱ། ཞེས་དམ་བཅས་པའི་གྲངས་ལས་མི་ཉུང་བར་བཟླ། སྤྲོ་ན་ཡིད་བཟླས་སོགས་ཀྱང་བྱ། །ཐུན་བསྡུ་བ་ན། ཁམས་གསུམ་འོད་ཞུ་རང་ཐིམ་རང་ཉིད་ཀྱང་། །ནཱ་དའི་བར་ཐིམ་འོད་གསལ་དབྱིངས་སུ་ཡལ། །སླར་ཡང་རྒྱན་དང་ཕྱག་མཚན་སྤངས་པ་ཡི། །ལྷ་སྐུ་གོ་ཆས་མཚན་པར་གསལ་བར་གྱུར། །ཅེས་བརྗོད་ཅིང་བསམས་ལ། བསྔོ་སྨོན་གྱིས་མཚམས་སྦྱར་ཏེ། དགའ་བ་གསུམ་གྱི་རྣལ་འབྱོར་དང་མ་བྲལ་བའི་ངང་སྤྱོད་ལམ་དགེ་བའི་བྱ་བ་ལ་འཇུག་པར་བྱའོ། །ཞེས་པའང་བློ་དམན་རྣམས་ལ་སྨན་པའི་སླད། འཇམ་པའི་དབྱངས་དཀོན་མཆོག་ལྷུན་གྲུབ་ཀྱི་གསུང་རབ་ཀྱི་དགོངས་པ་ཇི་ལྟ་བར་བྱ་བྲལ་བ་མཁྱེན་བརྩེའི་དབང་པོས་ཚིགས་བཅད་ཀྱི་ཕྲེང་བར་སྤེལ་བའི་དགེ་བས་འགྲོ་ཀུན་རྗེ་བཙུན་རྡོ་རྗེ་རྣལ་འབྱོར་མའི་གོ་འཕང་མཆོག་ལ་མྱུར་དུ་རེག་པའི་རྒྱུར་གྱུར་ཅིག །སརྦ་མངྒ་ལཾ།། །། ༈

[edit]

nA ro mkha' spyod ma'i sgom bzlas shin tu bsdus pa/ @#/_/nA ro mkha' spyod ma'i sgom bzlas shin tu bsdus pa bzhugs so/__/na mo gu ru badz+ra yo gi n+yai/__de la dbang dang byin rlabs zab mos rgyud smin pa'i gang zag gis/__rdo rje rnal 'byor ma'i sgom bzlas mdor bsdus te nyams su blang ba ni/__skyabs sems rgyas bsdus gang rigs sngon du 'gro bas/__mdun gyi nam mkhar seng khri pad zla'i steng /__/rtsa ba'i bla ma dpa' bo rdo rje chos/__/dmar gsal DA ru thod pa kha T+wA~M bsnams/__/rus pa'i rgyan mdzes rdo rje'i skyil krung bzhugs/__/dus gsum sangs rgyas 'dus pa'i ngo bo nyid/__/bla ma mchog dang rdo rje rnal 'byor ma/__/gnyis su med la phyag 'tshal skyabs su mchi/__/bdag rgyud byin gyis brlab par mdzad du gsol/__/bla ma 'od zhu rang la gnyis med thim/__/rang gi snying gar e yig nyis brtsegs las/__/chos 'byung zla dkyil dbus su ba~M yig mthar/__/sngags phreng 'khor ba'i zer gyis sdig sgrib sbyangs/__/rang lus 'od phung gyur las skad cig gis/__/pad nyi 'jigs byed dus mtshan gdan gyi steng /__/rnal 'byor ma dpal zhal gcig phyag gnyis ma/__/dmar gsal spyan gsum nam mkha'i dbyings su gzigs/__/phyag g.yas rdo rje'i gri gug thur du brkyang /__/g.yon pas thod khrag steng phyogs bzung bas gsol/__/phrag pa g.yon par rdo rje'i kha T+wA~M bsten/__/thod skam dbu rgyan do shal phyag rgyas spras/__/zhabs zung g.yas brkyang g.yon bskum dor stabs kyis/__/bde chen nyams 'bar ye shes me dbus rol/__/lus gnas so sor zla ba'i dkyil 'khor steng /__/lte bar oM ba~M dmar mo phag mo dang /__/snying gar ha~M ya~M sngon mo gshin rje ma/__/kha la hrIM ma~M dkar mo rmongs byed ma/__dpral bar hriM hriM ser mo skyod byed ma/__/spyi gtsug hU~M hU~M ljang gu skrag byed ma/__/tshigs brgyad pha?T pha?T dud kha tsaN+Di kA/__/kun kyang lha nyid yi ge'i gzugs su shar/__/thugs srog 'od kyis snod bcud dngos 'dzin sbyangs/__/rdo rje btsun mo'i zhing skur lam gyis gsal/__phaiM/__slar yang thugs ka'i ba~M las 'od 'phros pas/__/lhan skyes zhing sngags rnal 'byor ma dpal kun/__/tshur 'dus dzaHhU~M ba~M hoHrang la thim/__/dam tshig ye shes gnyis su med par gyur/__/oM yo ga shud+d+haHsarba d+harmAHyo ga shud+d+ho\u0f85 haM/__thugs ka'i sa bon sngags phreng bcas pa las/__/'phros pa'i 'od kyis 'phags mchod 'gro sgrib sbyangs/__/sras bcas rgyal ba'i byin rlabs nus mthu kun/__/bsdus thim bdag rgyud byin gyis brlabs par byas/__/oM oM oM sangs rgyas thams cad kyi mkha' 'gro ma gang gi ched du/__sarba bud+d+ha DA ki nI ye/__badz+ra war+N+Na nI rdo rje'i kha dog ma gang gi ched du ye/__badz+ra bai ro tsa nI rdo rje rnam par snang mdzad ma gang gi ched du ye/__hU~M hU~M hU~M pha?T pha?T pha?T swA hA/__zhes dam bcas pa'i grangs las mi nyung bar bzla/__spro na yid bzlas sogs kyang bya/__/thun bsdu ba na/__khams gsum 'od zhu rang thim rang nyid kyang /__/nA da'i bar thim 'od gsal dbyings su yal/__/slar yang rgyan dang phyag mtshan spangs pa yi/__/lha sku go chas mtshan par gsal bar gyur/__/ces brjod cing bsams la/__bsngo smon gyis mtshams sbyar te/__dga' ba gsum gyi rnal 'byor dang ma bral ba'i ngang spyod lam dge ba'i bya ba la 'jug par bya'o/__/zhes pa'ang blo dman rnams la sman pa'i slad/__'jam pa'i dbyangs dkon mchog lhun grub kyi gsung rab kyi dgongs pa ji lta bar bya bral ba mkhyen brtse'i dbang pos tshigs bcad kyi phreng bar spel ba'i dge bas 'gro kun rje btsun rdo rje rnal 'byor ma'i go 'phang mchog la myur du reg pa'i rgyur gyur cig__/sarba mang+ga laM//___//__!