JKW-KABUM-07-JA-015-008

🚧 This website is under continued development. We appreciate your patience!

Previous Text Back to Volume PageNext Text

ནཱ་རོ་མཁའ་སྤྱོད་མའི་སྒྲུབ་ཐབས་ཤིན་ཏུ་བསྡུས་པ།

Wylie title	nA ro mkha' spyod ma'i sgrub thabs shin tu bsdus pa
Location	mkhyen brtse'i bka' 'bum Volume 7, sde tshan 15, Text 8, Pages 425-427 (Folios 62a1 to 63a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Associated People	ནཱ་རོ་པ་ (Nāropa)
Citation	'jam dbyangs mkhyen brtse'i dbang po. nA ro mkha' spyod ma'i sgrub thabs shin tu bsdus pa. In 'jam dbyangs mkhyen brtse'i dbang po'i bka' 'bum, Vol. 7: 425-427. Khams sde dge rdzong sar dgon: Rdzong sar blo gros phun tshogs, 2020.
Genre	Sadhanas - Evocation Ritual - sgrub thabs
Cycle	ནཱ་རོ་མཁའ་སྤྱོད་མ་ (na ro mkha' spyod ma)
Deity	rdo rje rnal 'byor ma
Colophon	།ཅེས་པའང་ལས་དང་པོ་པ་དང་བློ་གྲོས་དམན་པ་རྣམས་ལ་ཕན་པའི་ཆེད་དུ་འཇམ་དབྱངས་མཁྱེན་བརྩེའི་དབང་པོས་དཔལ་རྡོ་རྗེ་གདན་གྱི་ཆོས་གྲྭར་ལྷག་བསམ་དག་པས་བྲིས་པའི་དགེ་བས་འགྲོ་ཀུན་རྡོ་རྗེ་རྣལ་འབྱོར་མའི་གོ་འཕང་ཚེ་འདི་ཉིད་ལ་ཐོབ་པའི་རྒྱུར་གྱུར་ཅིག།
	ces pa'ang las dang po pa dang blo gros dman pa rnams la phan pa'i ched du 'jam dbyangs mkhyen brtse'i dbang pos dpal rdo rje gdan gyi chos grwar lhag bsam dag pas bris pa'i dge bas 'gro kun rdo rje rnal 'byor ma'i go 'phang tshe 'di nyid la thob pa'i rgyur gyur cig

1 Texts in this Section (sde tshan or chos tshan)

8 425-427	ནཱ་རོ་མཁའ་སྤྱོད་མའི་སྒྲུབ་ཐབས་ཤིན་ཏུ་བསྡུས་པ། nA ro mkha' spyod ma'i sgrub thabs shin tu bsdus pa Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །ནཱ་རོ་མཁའ་སྤྱོད་མའི་སྒྲུབ་ཐབས་ཤིན་ཏུ་བསྡུས་པ་བཞུགས་སོ། །ན་མོ་གུ་རུ་བཛྲ་ཡོ་གི་ནཱི་ཡེ། དེ་ལ་འདིར་དབང་ཐོབ་ཅིང་བྱིན་རླབས་ཟབ་མོས་རྒྱུད་སྨིན་པའི་གང་ཟག་གིས། བསྡུས་པའི་ཚུལ་གྱིས་རྡོ་རྗེ་རྣལ་འབྱོར་མ་བསྒོམ་པར་འདོད་པས། སྐྱབས་ཡུལ་གསལ་བཏབ་ནས། བདག་སོགས་འགྲོ་ཀུན་དེང་ནས་བྱང་ཆུབ་བར། །བླ་མ་དཀོན་མཆོག་གསུམ་ལ་སྐྱབས་སུ་མཆི། །རྫོགས་བྱང་གོ་འཕང་ལ་བརྟེན་སེམས་ཅན་ཀུན། །བསྒྲལ་ཕྱིར་ཟབ་མོའི་རྣལ་འབྱོར་བསྒོམ་པར་བགྱི། །ལན་གསུམ། མདུན་གྱི་ནམ་མཁར་སེང་ཁྲི་པད་ཟླའི་སྟེང་། །རྩ་བའི་བླ་མ་དཔའ་བོ་རྡོ་རྗེ་ཆོས། །དམར་གསལ་ཌཱ་རུ་ཐོད་པ་ཁ་ཊྭཱྃ་བསྣམས། །རུས་པའི་རྒྱན་མཛེས་རྡོ་རྗེའི་སྐྱིལ་ཀྲུང་བཞུགས། །སྐྱབས་གནས་ཀུན་འདུས་དྲིན་ཆེན་བླ་མ་ལ། །སྙིང་ནས་གདུང་ཤུགས་དྲག་པོས་གསོལ་བ་འདེབས། །བླ་མ་འོད་ཞུ་རང་ལ་ཐིམ་པ་ཡིས། །རང་སེམས་བྃ་ཡིག་སྤྲོས་བྲལ་དབྱིངས་སུ་ཡལ། །དེ་ཡི་ངང་ལས་སྙིང་གར་ཨེ་ཨེ་ལས། །ཆོས་འབྱུང་ཟླ་དཀྱིལ་དབུས་སུ་བྃ་ཡིག་མཐར། །སྔགས་ཕྲེང་འཁོར་བའི་ཟེར་གྱིས་གཞི་ལུས་སྦྱངས། །འོད་ཀྱི་ཕུང་པོར་གྱུར་ལས་སྐད་ཅིག་གིས། །རང་ཉིད་པད་ཉི་དུས་མཚན་འཇིགས་བྱེད་སྟེང་། །རྣམ་སྣང་རིགས་བདག་བཅས་པའི་རྣལ་འབྱོར་མ། །དམར་གསལ་སྤྱན་གསུམ་ནམ་མཁའི་དབྱིངས་སུ་གཟིགས། །ཕྱག་གཡས་གྲི་གུག་ཐུར་དུ་བརྐྱང་ནས་འཛིན། གཡོན་པས་ཐོད་ཁྲག་སྟེང་ཕྱོགས་བཟུང་བས་གསོལ། །ཕྲག་པ་གཡོན་པར་རྡོ་རྗེའི་ཁ་ཊྭཱྃ་བསྟེན། །ཐོད་སྐམ་དབུ་རྒྱན་དོ་ཤལ་ཕྱག་རྒྱས་སྤྲས། །ཞབས་ཟུང་གཡས་བརྐྱང་གཡོན་བསྐུམ་དོར་ཐབས་བཞེང་། །བདེ་ཆེན་ཉམས་འབར་ཡེ་ཤེས་མེ་དབུས་རོལ། །ཐུགས་སྲོག་འོད་ཀྱིས་སྣོད་བཅུད་དངོས་འཛིན་སྦྱངས། །རྡོ་རྗེའི་བཙུན་མོའི་ཞིང་སྐུར་ལམ་གྱིས་གསལ། །འབར་བའི་རྒྱ་དང་བཅས། ཕཻཾ། སླར་ཡང་ཐུགས་ཀའི་བྃ་ལས་འོད་འཕྲོས་པས། །ལྷན་སྐྱེས་ཞིང་སྔགས་རྣལ་འབྱོར་མ་དཔལ་ཀུན། །ཚུར་འདུས་ཛཿཧཱུྃ་བྃ་ཧོཿརང་ལ་ཐིམ། །དམ་ཚིག་ཡེ་ཤེས་གཉིས་སུ་མེད་པར་གྱུར། །ཨོཾ་ཡོ་ག་ཤུདྡྷཿསརྦ་དྷརྨཱ་ཡོ་ག་ཤུདྡྷོ྅་ཧཾ། ལུས་གནས་སོ་སོར་ཟླ་བའི་དཀྱིལ་འཁོར་སྟེང་། །ངོ་བོ་ལྷ་ལ་རྣམ་པ་ཡི་གེའི་གཟུགས། །ཨོཾ་བྃ་ཧྃ་ཡྃ་ཧྲཱིཾ་མྃ་ཧྲིཾ་ཧྲིཾ་དང་། །ཧཱུྃ་ཧཱུྃ་ཕ྄ཊ་ཕ྄ཊ་རྣམས་ཀྱིས་མཚན་པ་ཡི། །ཐུགས་ཀའི་ས་བོན་སྔགས་ཕྲེང་བཅས་པ་ལས། །འཕྲོས་པའི་འོད་ཀྱིས་འཕགས་མཆོད་འགྲོ་སྒྲིབ་སྦྱངས། །ཕོ་ཉ་གསུམ་གྱི་བྱིན་རླབས་ནུས་མཐུ་ཀུན། །བསྡུས་ཐིམ་མཁའ་སྤྱོད་དངོས་གྲུབ་ཐོབ་པར་གྱུར། །ཨོཾ་ཨོཾ་ཨོཾ་སརྦ་བུདྡྷ་ཌཱ་ཀི་ནཱི་ཡེ། བཛྲ་ཝརྞྞ་ནཱི་ཡེ། བཛྲ་བཻ་རོ་ཙ་ནཱི་ཡེ། ཧཱུྃ་ཧཱུྃ་ཧཱུྃ་ཕ྄ཊ་ཕ྄ཊ་ཕ྄ཊ་སྭཱ་ཧཱ། དམ་བཅས་གྲངས་ལས་མི་ཉུང་བཟླ། །སྤྲོ་ན་ཡིད་བཟླས་སོགས་ཀྱི་མཐར། །བླ་མ་རྗེ་བཙུན་རྡོ་རྗེ་རྣལ་འབྱོར་མས། །འགྲོ་ཀུན་མཁའ་སྤྱོད་འཁྲིད་པར་མཛད་དུ་གསོལ། །ཁམས་གསུམ་འོད་ཞུ་རང་དང་རང་ཉིད་ཀྱང་། །ནཱ་དའི་བར་ཐིམ་འོད་གསལ་དབྱིངས་སུ་ཡལ། །སླར་ཡང་རྒྱན་དང་ཕྱག་མཚན་སྤངས་པ་ཡི། །ལྷ་སྐུ་གོ་ཆས་མཚན་པར་གསལ་བའི་ངང་། །སྣང་གྲགས་རྟོག་ཚོགས་ལྷ་སྔགས་ཆོས་ཀྱི་སྐུ། །དགའ་བ་གསུམ་དང་དབྱེར་མེད་འདྲེས་པར་གྱུར། །དགེ་བའི་རྩ་བ་འདི་ཡིས་བདག་གཞན་ཀུན། །མཁའ་སྤྱོད་ཆེན་པོའི་གོ་འཕང་འགྲུབ་གྱུར་ནས། །སྲིད་དང་ཞི་བའི་རྒུད་པ་ཀུན་སེལ་ཞིང་། །དོན་གཉིས་ལྷུན་གྱིས་གྲུབ་པའི་བཀྲ་ཤིས་ཤོག །ཅེས་པའང་ལས་དང་པོ་པ་དང་བློ་གྲོས་དམན་པ་རྣམས་ལ་ཕན་པའི་ཆེད་དུ་འཇམ་དབྱངས་མཁྱེན་བརྩེའི་དབང་པོས་དཔལ་རྡོ་རྗེ་གདན་གྱི་ཆོས་གྲྭར་ལྷག་བསམ་དག་པས་བྲིས་པའི་དགེ་བས་འགྲོ་ཀུན་རྡོ་རྗེ་རྣལ་འབྱོར་མའི་གོ་འཕང་ཚེ་འདི་ཉིད་ལ་ཐོབ་པའི་རྒྱུར་གྱུར་ཅིག། ། ༈

[edit]

nA ro mkha' spyod ma'i sgrub thabs shin tu bsdus pa/ @#/_/nA ro mkha' spyod ma'i sgrub thabs shin tu bsdus pa bzhugs so/__/na mo gu ru badz+ra yo gi nI ye/__de la 'dir dbang thob cing byin rlabs zab mos rgyud smin pa'i gang zag gis/__bsdus pa'i tshul gyis rdo rje rnal 'byor ma bsgom par 'dod pas/__skyabs yul gsal btab nas/__bdag sogs 'gro kun deng nas byang chub bar/__/bla ma dkon mchog gsum la skyabs su mchi/__/rdzogs byang go 'phang la brten sems can kun/__/bsgral phyir zab mo'i rnal 'byor bsgom par bgyi/__/lan gsum/__mdun gyi nam mkhar seng khri pad zla'i steng /__/rtsa ba'i bla ma dpa' bo rdo rje chos/__/dmar gsal DA ru thod pa kha T+wA~M bsnams/__/rus pa'i rgyan mdzes rdo rje'i skyil krung bzhugs/__/skyabs gnas kun 'dus drin chen bla ma la/__/snying nas gdung shugs drag pos gsol ba 'debs/__/bla ma 'od zhu rang la thim pa yis/__/rang sems ba~M yig spros bral dbyings su yal/__/de yi ngang las snying gar e e las/__/chos 'byung zla dkyil dbus su ba~M yig mthar/__/sngags phreng 'khor ba'i zer gyis gzhi lus sbyangs/__/'od kyi phung por gyur las skad cig gis/__/rang nyid pad nyi dus mtshan 'jigs byed steng /__/rnam snang rigs bdag bcas pa'i rnal 'byor ma/__/dmar gsal spyan gsum nam mkha'i dbyings su gzigs/__/phyag g.yas gri gug thur du brkyang nas 'dzin/__g.yon pas thod khrag steng phyogs bzung bas gsol/__/phrag pa g.yon par rdo rje'i kha T+wA~M bsten/__/thod skam dbu rgyan do shal phyag rgyas spras/__/zhabs zung g.yas brkyang g.yon bskum dor thabs bzheng /__/bde chen nyams 'bar ye shes me dbus rol/__/thugs srog 'od kyis snod bcud dngos 'dzin sbyangs/__/rdo rje'i btsun mo'i zhing skur lam gyis gsal/__/'bar ba'i rgya dang bcas/__phaiM/__slar yang thugs ka'i ba~M las 'od 'phros pas/__/lhan skyes zhing sngags rnal 'byor ma dpal kun/__/tshur 'dus dzaHhU~M ba~M hoHrang la thim/__/dam tshig ye shes gnyis su med par gyur/__/oM yo ga shud+d+haHsarba d+harmA yo ga shud+d+ho\u0f85 haM/__lus gnas so sor zla ba'i dkyil 'khor steng /__/ngo bo lha la rnam pa yi ge'i gzugs/__/oM ba~M ha~M ya~M hrIM ma~M hriM hriM dang /__/hU~M hU~M pha?T pha?T rnams kyis mtshan pa yi/__/thugs ka'i sa bon sngags phreng bcas pa las/__/'phros pa'i 'od kyis 'phags mchod 'gro sgrib sbyangs/_/pho nya gsum gyi byin rlabs nus mthu kun/__/bsdus thim mkha' spyod dngos grub thob par gyur/__/oM oM oM sarba bud+d+ha DA ki nI ye/__badz+ra war+N+Na nI ye/__badz+ra bai ro tsa nI ye/__hU~M hU~M hU~M pha?T pha?T pha?T swA hA/__dam bcas grangs las mi nyung bzla/__/spro na yid bzlas sogs kyi mthar/__/bla ma rje btsun rdo rje rnal 'byor mas/__/'gro kun mkha' spyod 'khrid par mdzad du gsol/__/khams gsum 'od zhu rang dang rang nyid kyang /__/nA da'i bar thim 'od gsal dbyings su yal/__/slar yang rgyan dang phyag mtshan spangs pa yi/__/lha sku go chas mtshan par gsal ba'i ngang /__/snang grags rtog tshogs lha sngags chos kyi sku/__/dga' ba gsum dang dbyer med 'dres par gyur/__/dge ba'i rtsa ba 'di yis bdag gzhan kun/__/mkha' spyod chen po'i go 'phang 'grub gyur nas/__/srid dang zhi ba'i rgud pa kun sel zhing /__/don gnyis lhun gyis grub pa'i bkra shis shog__/ces pa'ang las dang po pa dang blo gros dman pa rnams la phan pa'i ched du 'jam dbyangs mkhyen brtse'i dbang pos dpal rdo rje gdan gyi chos grwar lhag bsam dag pas bris pa'i dge bas 'gro kun rdo rje rnal 'byor ma'i go 'phang tshe 'di nyid la thob pa'i rgyur gyur cig/___/__!_