JKW-KABUM-01-KA-004-002

🚧 This website is under continued development. We appreciate your patience!

Previous Section Back to Volume PageLast section in volume.

Wylie title		page=1
Location	mkhyen brtse'i bka' 'bum Volume 4, sde tshan 2, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

ཁྲི་ཆེན་སངས་རྒྱས་ཀུན་དགའི་ཞབས་བརྟན་མི་འགྱུར་འཆི་མེད་ཅེས་པ། ན་མོ་གུ་རུ་བྷྱཿ མི་འགྱུར༷་འཆི་མེད༷་པདྨ་སཾ་བྷཱ་ཝས། །རྗེས་བཟུང་སང༷ས་རྒྱས༷་ཀུན་དངོས་རིགས་བརྒྱའི་བདག །བསྟན་འགྲོར་ཕན་བདེའི་དགའ་སྟོན་མཆོག་སྩོལ་བའི། །རྒྱལ་སྲས་རྡོ་རྗེ་འཛིན་པར་གསོལ་བ་འདེབས། །ཀ་དག་འགྱུར༷་མེད༷་གཉུག་མའི་གནས་ལུགས་རྟོགས། །ལྷུན་གྲུབ་མངོན་སུམ་རིག་གདངས་ཚད་ལ་ཕེབས། །ཕྲིན་ལས་ཆོས་ཀྱི་སྣང་བས་འཇིག་རྟེན་གསུམ། །གསལ་མཛད་བསྟན་པའི་སྒྲོན་མེར་གསོལ་བ་འདེབས། །དེ་ལྟར་དཔལ་ལྡན་བླ་མའི་རྣམ་པར་ཐར། །སྙིང་ནས་དྲན་པའི་གདུང་བས་གསོལ་འདེབས་ན། །བྱང་ཆུབ་བར་དུ་འབྲལ་མེད་རྗེས་བཟུང་ནས། །དོན་གཉིས་ཡིད་བཞིན་འགྲུབ་པར་བྱིན་གྱིས་རློབས། །ཞེས་པའང་འཇམ་དབྱངས་འོད་ཟེར་དྲི་མེད་ཀྱིས་བསྐུལ་བའི་རྐྱེན་དང་། རང་ཉིད་ཀྱིས་ཀྱང་མངོན་པར་དད་པས་ཀུན་ནས་བསླངས་ཏེ། རིག་འཛིན་གྱི་བཙུན་པ་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག །

[edit]

khri chen sangs rgyas kun dga'i zhabs brtan mi 'gyur 'chi med ces pa/__ na mo gu ru b+h+yaH__mi 'gyuraX 'chi medaX pad+ma saM b+hA was/__/rjes bzung sangaXs rgyasaX kun dngos rigs brgya'i bdag__/bstan 'gror phan bde'i dga' ston mchog stsol ba'i/__/rgyal sras rdo rje 'dzin par gsol ba 'debs/__/ka dag 'gyuraX medaX gnyug ma'i gnas lugs rtogs/__/lhun grub mngon sum rig gdangs tshad la phebs/__/phrin las chos kyi snang bas 'jig rten gsum/__/gsal mdzad bstan pa'i sgron mer gsol ba 'debs/__/de ltar dpal ldan bla ma'i rnam par thar/__/snying nas dran pa'i gdung bas gsol 'debs na/__/byang chub bar du 'bral med rjes bzung nas/__/don gnyis yid bzhin 'grub par byin gyis rlobs/__/zhes pa'ang 'jam dbyangs 'od zer dri med kyis bskul ba'i rkyen dang /__rang nyid kyis kyang mngon par dad pas kun nas bslangs te/__rig 'dzin gyi btsun pa mkhyen brtse'i dbang pos gsol ba btab pa dge legs su gyur cig__/