JKCL-KABUM-12-NA-030

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	chos kyi blo gros bka' 'bum Volume 12, Text 30, Pages (Folios 1a to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 12: . Bir, H.P.: Khyentse Labrang, 2012.
Genre	Official Letters - chab shog

1 Texts in this Section (sde tshan or chos tshan)

113-114	གདུང་རྟེན་གྲུབ་དུས་བོད་དུ་འགྲོ་ནས་ས་ངོར་གཉིས་ལ་མཆོད་འབུལ་ཞེས་པ། gdung rten grub dus bod du 'gro nas sa ngor gnyis la mchod 'bul zhes pa Official Letters - chab shog	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

གདུང་རྟེན་གྲུབ་དུས་བོད་དུ་འགྲོ་ནས་ས་ངོར་གཉིས་ལ་མཆོད་འབུལ། ལྷ་སའི་ཇོ་ཤཱཀ་གསུམ། བསམ་ཡས་བྱང་ཆུབ་ཆེན་པོ། ཁྲ་འབྲུག་གི་རྟེན་གཙོ་རྣམས་ལ་གསེར་ཆབ་མཆོད་འབུལ་གང་ལྕོགས། དེ་དག་གི་སྐབས་སུ་ཡང་སྲིད་བལྟམ་པ་ལ་ཕན་ངེས་ཁྱད་འཕགས་འབྱོན་གྲུབ་པའི་གསོལ་འདེབས་ནན་བསྐྱར། ཕྱིར་འཁོར་མཚམས་འདི་གར་འོངས་ན་དབང་ཆོས་སོགས་ཀྱི་ཐུགས་བཞེད་དང་། རང་མཁོ་གང་ཡོད་ཀྱི་ཞབས་འདེགས་ཞུ་རྒྱུ་སོགས། དགོངས་པ་རྫོགས་ནས་བཟུང་འདིར་དབང་ལུང་རྒྱུན་ཆགས་ཀྱི་བླ་སྤྲུལ་འདུས་སྡེ་གནད་གང་ཆེ་འཛོམས་པའི་སྤྱན་སྔར་འབྲེལ་ཐོག་ཚེ་འདས་ལ་དམིགས་པའི་བསྔོ་སྨོན་དང་། ཐུགས་དགོངས་རྫོགས་ཤིང་ཡང་སྲིད་འབྱོན་པ་བཅས་ཀྱི་གསོལ་འདེབས་སོགས་ཞུས་དང་ཞུ་འགྱུར། སྐྱེ་སྲིད་གང་འཁྲུངས་དང་སྔ་ཕྱི་སོགས་ནི་ཕྲན་ལ་བློ་གཏད་ཀྱི་བཀའ་ཕེབས་དེ་བཞིན། མཆོག་སྤྲུལ་དམ་པ་ལྷན་བླ་སློབ་མཆེད་གྲོགས་དམ་གཙང་ཡིན་བཞིན་དུ་ཅུང་ཟད་གསལ་ཆ་རེ་འབྱུང་སྲིད་ན་ལས། གཞན་རང་རེ་སོ་སྐྱེ་ཐ་ཤལ་པ་རང་ཉིད་ཅི་འགྱུར་ཡང་ཆ་མི་འཚལ་བ་ཞིག་ངེས་པར་ལགས་ན་འདི་འདྲའི་ལྐོག་གྱུར་འདོམས་པའི་ནུས་པ་ཕྲ་མོ་ཙམ་མི་མངའ་ཡང་། རྣམ་འདྲེན་དམ་པ་དེ་ཉིད་ལ་དད་དམ་ལྷག་བློ་འགྱུར་མེད་ཀྱི་གསོལ་གདབ་ཞུ་སྟེ་ཕྲན་བུའི་གསལ་ཆ་བྱུང་ཚེ་ནང་གནས་སུ་ཞུ་དང་ཞུ་བཞིན་ལ། ས་སྐྱ་བདག་པོ་ཆེན་པོ་འདི་ཉིད་ཐུགས་དམ་གཟིགས་པའི་ཡེ་ཤེས་ཀྱི་སྤྱན་རས་ཆགས་ཐོགས་མེད་པ་ཡིན་འདུག་ན། དེ་ག་ནས་ཐུགས་དམ་བརྟགས་ཞུས་རིམ་བརྒྱུད་འབུལ་རྒྱུ་དང་། ངེད་རང་ནས་ཀྱང་རྒྱུས་ཤེས་དང་འབྲེལ་སྐབས་བབས་ཀྱི་སྙན་སངས་ཕུལ་རྒྱུ་རང་རྩ་ལྟར་བྱེད་ཆོག་པ་དགོངས་ངེས་འཚལ་ཞུ། འདེགས་ལྷ་རེག །སྐུ་གདུང་ཞལ་འདེབས་ཨ་འབར་རྡིལ་ཚད༡། མ་ལེགས་མཚོན་དག་སྒོར༤༠། མདུད་དམ་ལེ་ཚན་ནང་གཞུགས་ཕུལ་རྒྱུ་ཐུབ་དབང་ལི་སྐུ་བྱིན་ལྡན།། །།

[edit]

gdung rten grub dus bod du 'gro nas sa ngor gnyis la mchod 'bul/__lha sa'i jo shAka gsum/__bsam yas byang chub chen po/__khra 'brug gi rten gtso rnams la gser chab mchod 'bul gang lcogs/__de dag gi skabs su yang srid bltam pa la phan nges khyad 'phags 'byon grub pa'i gsol 'debs nan bskyar/__phyir 'khor mtshams 'di gar 'ongs na dbang chos sogs kyi thugs bzhed dang /__rang mkho gang yod kyi zhabs 'degs zhu rgyu sogs/__dgongs pa rdzogs nas bzung 'dir dbang lung rgyun chags kyi bla sprul 'dus sde gnad gang che 'dzoms pa'i spyan sngar 'brel thog tshe 'das la dmigs pa'i bsngo smon dang /__thugs dgongs rdzogs shing yang srid 'byon pa bcas kyi gsol 'debs sogs zhus dang zhu 'gyur/__skye srid gang 'khrungs dang snga phyi sogs ni phran la blo gtad kyi bka' phebs de bzhin/__mchog sprul dam pa lhan bla slob mched grogs dam gtsang yin bzhin du cung zad gsal cha re 'byung srid na las/__gzhan rang re so skye tha shal pa rang nyid ci 'gyur yang cha mi 'tshal ba zhig nges par lags na 'di 'dra'i lkog gyur 'doms pa'i nus pa phra mo tsam mi mnga' yang /__rnam 'dren dam pa de nyid la dad dam lhag blo 'gyur med kyi gsol gdab zhu ste phran bu'i gsal cha byung tshe nang gnas su zhu dang zhu bzhin la/__sa skya bdag po chen po 'di nyid thugs dam gzigs pa'i ye shes kyi spyan ras chags thogs med pa yin 'dug na/__de ga nas thugs dam brtags zhus rim brgyud 'bul rgyu dang /__nged rang nas kyang rgyus shes dang 'brel skabs babs kyi snyan sangs phul rgyu rang rtsa ltar byed chog pa dgongs nges 'tshal zhu/__'degs lha reg__/sku gdung zhal 'debs a 'bar rdil tshad1/__ma legs mtshon dag sgor40/__mdud dam le tshan nang gzhugs phul rgyu thub dbang li sku byin ldan//___//