JKCL-KABUM-06-CHA-046

🚧 This website is under continued development. We appreciate your patience!

Previous Text Back to Volume PageLast text in volume.

Wylie title
Location	chos kyi blo gros bka' 'bum Volume 6, Text 46, Pages (Folios 1a1 to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. '. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 6: . Bir, H.P.: Khyentse Labrang, 2012.
Genre

1 Texts in this Section (sde tshan or chos tshan)

703-709	གསང་སྤྱོད་མཁའ་འགྲོའི་སྙན་བརྒྱུད་ཀྱི། །བརྒྱུད་པའི་རྣམ་ཐར་ཁ་སྐོང་། gsang spyod mkha' 'gro'i snyan brgyud kyi/ /brgyud pa'i rnam thar kha skong Biographies - Hagiography - rnam thar   ·   Lineage Transmission Records - brgyud yig	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

གསང་སྤྱོད་མཁའ་འགྲོའི་སྙན་བརྒྱུད་ཀྱི། །བརྒྱུད་པའི་རྣམ་ཐར་ཁ་སྐོང་བཞུགས། །ཐང་སྟོང་སྙན་བརྒྱུད་ངེད་ཀྱིས་ཚར་གཉིས་ཀྱི་དབང་ཁྲིད་ལུང་གསུམ་ཀ་ལས། དབང་ལ་ཆོས་བདག་ཕག་ནག་བརྡའ་དབང་མ་གཏོགས་ཚང་བར་ནོས་པ། མཁྱེན་བརྩེ་རིན་པོ་ཆེའི་རྣམ་ཐར་རྒྱས་བསྡུས་དང་། བློ་གཏེར་དབང་པོའི་རྣམ་ཐར་བསྡུས་པ་རྒྱུད་བཏུས་དཀར་ཆག་ཏུ་གསལ་བ་ལྟར་དང་། འགྱུར་མེད་འཇམ་དབྱངས་བསྟན་འཕེལ་ཝ་ཤུལ་ཀྲམ་ཁོག་མཁར་ཐ་མའི་ནང་དུ་འཁྲུངས། ས་ལུགས་ཀྱི་ཆོས་སྒོར་ཞུགས། ངོར་མཁན་ཆེན་དཔལ་ལྡན་བློ་གྲོས་རྒྱལ་མཚན། འཇམ་དབྱངས་རིན་ཆེན་རྡོ་རྗེ། ཝ་ར་ཞབས་དྲུང་རིན་པོ་ཆེ་འཇམ་དབྱངས་ནམ་མཁའ་རྒྱལ་མཚན། རྙིང་ཕྱོགས་ཛར་ཀ་མཆོག་སྤྲུལ་རིན་པོ་ཆེ་ཀུན་བཟང་རྣམ་རྒྱལ། སྨྱོ་ཤུལ་ལུང་རྟོགས་བསྟན་པའི་ཉི་མ་གཉིས་ལས་རྫོགས་པ་ཆེན་པོའི་སྨིན་གྲོལ་ཉམས་ཁྲིད་གསན། ཁྱད་པར་དུ་འཇམ་དབྱངས་མཁྱེན་བརྩེ་དབང་པོའི་ཞབས་པད་ཡུན་རིང་དུ་བཅར། གསང་བའི་བདག་པོ་འཇམ་དབྱངས་བློ་གཏེར་དབང་པོ། མངའ་རི་ཆོས་རྗེ་ཀུན་དགའ་འཇམ་དབྱངས། མེ་ཉག་མཁས་པ་ནོར་བུ་བསྟན་འཛིན་སོགས་ལས་གསར་རྙིང་གི་སྨིན་གྲོལ་གྱི་གདམས་པ་དཔག་ཏུ་མེད་པ་དང་། རྗེ་བློ་གཏེར་ཞབས་ལས་ཐང་སྟོང་སྙན་བརྒྱུད་གསན། ཀྱཻ་རྡོར། གུར་མགོན་ཕྱི་ནང་གསང་གསུམ། ཀུན་རིགའབྱུང་འདུལ། སྒྲོལ་མ་དཀར་ལྗང་སོགས་ཡི་དམ་གྱི་ལྷ་མང་པོའི་བསྙེན་སྒྲུབ་མཐར་ཕྱིན་མཛད། རྣལ་འབྱོར་མའི་ཨོཾ་གསུམ་མ་འབྲུ་འབུམ་བཅུ་དང་། སྒྲོལ་མ་ཡིག་བཅུ་དུང་ཕྱུར། མ་ཎི་དུང་། ཨ་མི་དྷེ་ཝ་དུང་། སྒྲོལ་མ་འབུམ་ཐེར་བཞི་བཅུ། མགོན་པོའི་ཡིག་བདུན་དུང་ཕྱུར་རྣམས་གནས་ཆེན་པདྨ་ཤེལ་ཕུག་དང་། སྐུ་ཚེའི་སྨད། ཁྱེའུའི་རིག་འཛིན་ཆེན་པོས་མ་ཎི་རྡོ་འབུམ་གྱི་གཞི་བཏིང་བ་ཐུགས་རྗེ་ཆེན་པོའི་སྒྲུབ་གནས་ཚྭ་ཆུ་མཇུག་ཞེས་གྲགས་པ་དེར་རི་ངོས་ལ་བཅུ་གཅིག་ཞལ་གཟིགས་ནས་སྤྱན་རས་གཟིགས་ཀྱི་ལྷ་ཁང་གསར་བཞེངས་གནང་ནས་དེ་རུ་སྐུ་ཚེ་འཁྱོལ། ཟབ་མོ་བདུད་གཅོད་ཐང་སྟོང་སྙན་བརྒྱུད་དང་ས་རུ་ལུགས་ལ་འབྲེལ་འཇོག་ཉམས་བཞེས་གནང་། རྗེ་བཙུན་སྒྲོལ་མ་དང་གུར་མགོན་གྱི་ཞལ་དངོས་སུ་བསྟན། ལྷ་ཁང་གི་ལྡེབ་བྲིས་བཅུ་གཅིག་ཞལ་གྱི་སྨིན་མཚམས་རིང་བསྲེལ་རང་བྱུང་དུ་འཁྲུངས་པ་དང་། དད་ལྡན་རྣམས་ཀྱིས་མཇལ་དར་ཕུལ་བ་གྱང་རིས་ཀྱིས་འཛིན་བར་དཀའ་ཡང་བཞེས་པ་སོགས་རྟེན་བྱིན་རླབས་ཅན་དུ་གྲགས། གཙོ་བོར་མཚན་བཅས་མཚན་མེད་ཀྱི་ཐུགས་དམ་ཉམས་བཞེས་ཁོ་ནར་བརྩོན་ཞིང་། དད་ལྡན་གྱི་སློབ་མར་མཁའ་སྤྱོད། །ཐུགས་ཆེན་ཆོམ་བུ་ལུགས། མགོན་པོ་སོགས་ཀྱི་དབང་ཁྲིད་རྗེས་གནང་མང་དུ་གསུངས། མདོར་ན་ཆོས་བརྒྱད་ཀྱི་འཆིང་བ་ལས་གྲོལ་ཞིང་། ཀུན་སྤངས་རྣལ་འབྱོར་གྱི་དབང་ཕྱུག་ཆེན་པོར་བཞུགས་ནས་དགུང་གྲངས་བདུན་ཅུ་དོན་གཉིས་ལ་ཞི་བའི་དབྱིངས་སུ་གཤེགས། ཐུགས་དམ་གསལ་འདེབས། སྐུ་གདུང་ཞུགས་འབུལ་སོགས་ཕྲན་ནས་ཞུས་པ་ལགས། དབང་ཁྲིད་དང་ཕག་ནག་བརྡ་དབང་གཏད་རྒྱ་བཅས་ལན་གཉིས་པ་ཀཿཐོག་སི་ཏུ་ཨོ་རྒྱན་ཆོས་ཀྱི་རྒྱ་མཚོ་ལས་ནོས་པ་བརྒྱུད་པའི་རྣམ་ཐར་ཁ་སྐོང་རྗེ་ཉིད་ཀྱིས་ཞལ་གསུངས་ལྟར་དང་། དམ་པའི་མིང་གིས་སྙན་པའི་དཀོར་རྒྱལ་བདག་ནི་ཡབ་རྗེ་རིག་འཛིན་གྲུབ་པའི་དབང་ཕྱུག་འགྱུར་མེད་ཚེ་དབང་རྒྱ་མཚོ་དང་། ཚུལ་ཁྲིམས་མཚོ་མོ་གཉིས་ཀྱི་བུར་ཆུ་མོ་སྦྲུལ་གྱི་ལོར་སྐྱེས། ལོ་ངོ་བདུན་ལོན་པ་ན་རྗེ་མཁྱེན་བརྩེའི་དབོན་སི་ཏུ་ཐམས་ཅད་མཁྱེན་པར་ཀོང་སྤྲུལ་རིན་པོ་ཆེས་རྗེ་མཁྱེན་བརྩེའི་སྤྲུལ་པ་ལྔ་ཡི་ནང་ནས་ཕྲིན་ལས་ཀྱི་སྤྲུལ་པར་ལུང་བསྟན། ཀཿཐོག་ཕྲིན་ལས་ཀྱི་གནས་དང་། རྗེ་མཁྱེན་བརྩེ་ལང་གྲོ་ལོ་ཙཱའི་ཕྲིན་ལས་ཀྱི་སྤྲུལ་པ་ཡིན་རྒྱུ། ཀཿཐོག་གཏེར་ཆེན་ཀློང་གསལ་ཡང་ལང་གྲོའི་སྐྱེ་མཐའ་ཡིན་པའི་བབ་འབྲེལ་ལ་བརྟེན་ཐུགས་བདག་མཛད། ཡོངས་འཛིན་བཀའ་དྲིན་ཅན་མཁན་ཐུབ་བསྟན་རིག་འཛིན་རྒྱ་མཚོ་ལ་བསྟེན་བར་ཁྲོད་དུ་ལོ་ངོ་བཅུ་གཉིས་ལ་སླེབ་བར་བསྡད་ནས་བྲིས་ཀློག་སོགས་ད་ལྟ་མི་སྔོན་འགྲོ་ཆོག་པ་འདི་བྱུང་། ཡོངས་འཛིན་གཤེགས་རྗེས་ཀཿཐོག་རྒྱུད་སྡེའི་སློབ་གྲྭར་ལོ་གཉིས་མ་ཟིན་ཙམ་བསྡད་ནས། མཁན་རིན་པོ་ཆེ་ཀུན་དཔལ་སོགས་ལས་གཞུང་ཆེན་རྣམས་ཕལ་ཆེར་ཞུས། སི་ཏུ་ཐམས་ཅད་མཁྱེན་པ། ཨ་འཛོམ་འབྲུག་པ་རིན་པོ་ཆེ། ཞེ་ཆེན་རྒྱལ་ཚབ་རིན་པོ་ཆེ། རྡོ་གྲུབ་ཐམས་ཅད་མཁྱེན་གཟིགས། ཡབ་རྗེ་དམ་པ་སོགས་ལས་རྙིང་ཆོས་དང་། རྡོ་རྗེ་འཆང་བློ་གཏེར་དབང་པོ། འཇམ་མགོན་ངག་དབང་ལེགས་པ། མཁན་བསམ་གཏན་བློ་གྲོས། ཐར་རྩེ་ཞབས་དྲུང་བྱམས་པ་ཀུན་བཟང་བསྟན་པའི་ཉི་མ། རྣལ་འབྱོར་གྱི་དབང་ཕྱུག་བྲག་རི་བཀྲ་ཤིས་རྒྱ་མཚོ་སོགས་ལས་ས་སྐྱ་པ་གཙོ་བོར་གྱུར་པའི་ཟབ་ཆོས་དཔག་མེད་ནོས། མདོར་ན་ཆོས་འབྲེལ་ནོས་པ་བླ་མ་བརྒྱད་ཅུ་ལྷག་ཙམ་ལས་གསར་རྙིང་གི་གདམས་ཟབ་མང་དུ་ནོས་ཀྱང་ཉམས་སུ་ལོན་པ་ནི་གཅིག་ཀྱང་མེད། ཀཿཐོག་ཏུ་སྡོད་སྐབས་རྗེ་ཡི་བླ་བྲང་གི་ལྡོམ་ཚབ་དང་། ལོ་བཅུ་བཞིའི་ནང་རྫོང་སར་གོང་མའི་གདན་སར་འཁོད་ནས་དབྱར་དགུན་དཀོར་སྡུད་བྱས་པ་གྲངས་ཀྱི་མི་ཆོད་དཀོར་ཟོས་ཀྱི་རྣམ་སྨིན་ལྕི་བས་ནོན། གསར་རྙིང་གི་བསྙེན་སྒྲུབ་ཡིན་མདོག་ཁ་ཁྲལ་འཇལ་བའང་ལྷག་ལྷ་སུམ་ཅུ་ཁ་ལྷག་བསྙེན་ཁུལ་བྱས། དེ་དག་གི་སྐབས་སུ་དངོས་གྲུབ་ཀྱི་ལྟས་རེད་བསམ་པ་ནི་ཅི་ཡང་མ་བྱུང་ཡང་རང་དད་བརྩོན་དམན་པས་ལན། སྔ་ཕྱིར་ཆོས་འཆད་པ་ནི་རིན་གཏེར་ཚར་གཅིག །སྒྲུབ་བཏུས་ཚར་བཞི། ལམ་འབྲས་སློབ་བཤད་ཚར་བཞི། གདམས་ངག་མཛོད་ཚར་གསུམ། སྔ་འགྱུར་བཀའ་མ་ལན་བཞི་ལྔ། ཐང་སྟོང་སྙན་བརྒྱུད་ཚར་ལྔ། རྗེ་མཁྱེན་བརྩེའི་དགོངས་གཏེར་གྲུབ་ཆེན་ཐུགས་ཏིག་སོགས་དང་། ཀློང་སྙིང་། མཁའ་སྤྱོད། སྙིང་ཐིག་ཡ་བཞི། ངོར་དཀྱིལ་སོགས་དང་། དུས་འཁོར་ཇོ་ཞལ་གཉིས་ཀྱི་དབང་ཆེན་སོགས་ལན་མང་པོ་བཏོན། བཤད་སྒྲུབ་ཀྱི་གྲྭ་གསར་འཛུགས་དང་། ཀཿཐོག་ཏུ་སི་ཏུ་རིན་པོ་ཆེ་གཤེགས་ནས་ལོ་ངོ་བཅུ་བཞི་ཙམ་ལ་ཀཿཐོག་པའི་བསྟན་ཁྲི་རྣམས་ལ་རོགས་རམ་དང་། རྗེ་ཡི་དགོངས་རྫོགས་རྒྱུད་སྡེའི་སློབ་གྲྭ་སྤྱི་རྐང་གཏན་བརླག་ཏུ་གྱུར་པ་ཉམས་གསོས་མཁན་སློབ་བཞི་བཅུ་ཞེ་གཉིས་ཀྱི་གྲངས་ཡོད་པ་དང་། ཐུབ་ཆེན་ཁང་རྟེན་དང་བརྟེན་པ་གསར་བཞེངས་སོགས་དེ་རྣམས་ཁས་བཤད་རྒྱུ་རྐྱང་པ་མ་ཡིན་པར། རང་ལ་དད་སྦྱིན་རྣམས་ཀྱི་རྒྱུ་རྫས་བྱུང་རིགས་གཏོས་ཆེ་བ་བཏད། རྫོང་སར་དུའང་བྱམས་ཆེན་སོགས་རྟེན་བཞེངས་མང་པོ་དང་། རྗེ་གོང་མའི་གསུང་འཐོར་བུ་རྩོལ་བ་ཆེན་པོས་ཕྱོགས་སྡུད་ཀྱི་པོད་བཅུ་གསུམ་སྤར་དུ་བསྐྲུན། གཞན་གཞུང་འགྲེལ་དང་། མཁའ་སྤྱོད་བེའུ་བུམ་པོད་གསུམ་སོགས་ཀྱི་སླར་བཞེངས། རང་ལོ་ཞེ་དགུ་ནས་ནད་ཚབས་ཆེན་པོས་ལོ་ཁ་ཤས་མནར། རང་ལོ་ང་ལྔ་ང་དྲུག་ལ་སོན་པའི་ཚེ་གེགས་བཟློག་ཆེད་ཚེ་ལམ་གསང་གྲོགས་ཀྱི་རྟེན་འབྲེལ་དང་། བླ་མ་མཆོག་གསུམ་གྱི་བྱིན་མཐུས་ད་བར་འཚོ་ཙམ་བྱུང་། རང་ལོ་དྲུག་ཅུ་རེ་གསུམ་པའི་ཟླ་བ་དྲུག་པའི་ཚེས་ཉེར་གསུམ་ནས་རང་གནས་ནས་བཏེགས་སྟེ། འཕགས་བོད་ཀྱི་གནས་བསྐོར་ལ་ཕྱིན་པར་རང་འཁོས་ཀྱི་ཚོགས་བསགས་མཆོད་འབུལ། ཁྲུས་གསོལ། རབ་གནས། སྐོངས་ཆོག །འཛམ་གླིང་སྤྱི་དང་བོད་ཁམས་བདེ་བའི་སྨོན་ལམ་སོགས་ཡིད་ཚིམ་པར་ཞུ་དང་ཞུ་མུས། དཔལ་ས་སྐྱའི་ཁྲི་རིན་པོ་ཆེའི་དབུས་དོན་གཉེར་ཅན་མང་པོར་དབང་ཆོས་ཡང་མང་དུ་བཏོན་དང་། ད་དུང་ཚེ་ཇི་ཙམ་གནས་པར་བསྟན་འགྲོར་སྨོན་པའི་འདུན་པ་བགྱིད་མུས་དང་། ཞལ་གཟིགས་ལུང་བསྟན་ནི་ཅིའང་མེད། ཉམས་རྨིས་རབ་རིབ་དག་ནི་རྒྱག་བརྫུན་ཁོ་ན་རེད་པས་ཕལ་ཆེར་བརྗེད། བྲིས་ཀྱང་དགོས་པ་ཆུང་། སྔར་རྫོང་སར་དུ་འབྱོར་ནས་ལོ་བཅུ་དྲུག་ལ་སོན་སྐབས་ཡིན་ནམ་སྙམས། རྗེ་གོང་མའི་གྲུབ་ཐོབ་ཐུགས་ཏིག་ལ་མོས་པ་ཆེ་ཞིང་། དེ་ཉིད་འདོན་ཁུལ་བྱེད་སྐབས་ཞིག་རྗེ་ཡི་གཟི་མ་སྦུག་ཏུ་གྲུབ་ཐོབ་ཆེན་པོ་ཁྲུ་གང་ཙམ་དངོས་སུ་བཞུགས་སྙམས། མདུན་དེར་ཤེལ་རྡོ་གོང་བུ་ཞིག་བཞག་ནས། རྗེ་མཁྱེན་བརྩེར་གུ་རུ་རིན་པོ་ཆེས་ངོ་སྤྲོད་གནང་བའི། གཟུང་བའི་ཡུལ་གྱིས་མ་གོས་ཤིང་། །འཛིན་པའི་རྟོག་པས་མ་བསླད་པར། །རང་སེམས་རྗེན་པར་སྐྱོང་བ་འདི། །སངས་རྒྱས་ཀུན་གྱི་དགོངས་པའོ། །ཞེས་ངོ་སྤྲོད་གསུངས་པ་ཞིག་རྨིས་པས་དེས་སེམས་དོན་ལ་ཕན་པ་ཞིག་བྱུང་བ་དེ་ཙམ་ལགས། ཕྱི་ལྟར་བླ་མའི་ཚུལ་འཛིན་ཅིང་། །ནང་དུ་དུག་ལྔ་མེ་ལྟར་འབར། །གསང་བ་རྣམ་རྟོག་གཞན་དབང་ཅན། །བན་རྒན་ང་ཡི་རྣམ་ཐར་ཡིན། །ཅེས་པའང་མཁན་རིན་པོ་ཆེ་མཁས་མཆོག་ངག་དབང་བློ་གྲོས་ཀྱིས་ནན་ཏན་ཆེན་པོས་གསུངས་ཤིང་། འདར་མཁན་ཆེན་གྱིས་ཀྱང་གསུང་བསྐུལ་ངོར། ཐང་སྟོང་སྙན་བརྒྱུད་ཀྱི་བླ་རྣམ་ཁ་སྐོང་དུ་ཆོས་ཀྱི་བློ་གྲོས་ཀྱིས་བྲིས་པའོ།། །།

[edit]

gsang spyod mkha' 'gro'i snyan brgyud kyi/__/brgyud pa'i rnam thar kha skong bzhugs/__/thang stong snyan brgyud nged kyis tshar gnyis kyi dbang khrid lung gsum ka las/__dbang la chos bdag phag nag brda' dbang ma gtogs tshang bar nos pa/__mkhyen brtse rin po che'i rnam thar rgyas bsdus dang /__blo gter dbang po'i rnam thar bsdus pa rgyud btus dkar chag tu gsal ba ltar dang /__'gyur med 'jam dbyangs bstan 'phel wa shul kram khog mkhar tha ma'i nang du 'khrungs/__sa lugs kyi chos sgor zhugs/__ngor mkhan chen dpal ldan blo gros rgyal mtshan/__'jam dbyangs rin chen rdo rje/__wa ra zhabs drung rin po che 'jam dbyangs nam mkha' rgyal mtshan/__rnying phyogs dzar ka mchog sprul rin po che kun bzang rnam rgyal/__smyo shul lung rtogs bstan pa'i nyi ma gnyis las rdzogs pa chen po'i smin grol nyams khrid gsan/__khyad par du 'jam dbyangs mkhyen brtse dbang po'i zhabs pad yun ring du bcar/__gsang ba'i bdag po 'jam dbyangs blo gter dbang po/__mnga' ri chos rje kun dga' 'jam dbyangs/__me nyag mkhas pa nor bu bstan 'dzin sogs las gsar rnying gi smin grol gyi gdams pa dpag tu med pa dang /__rje blo gter zhabs las thang stong snyan brgyud gsan/__kyai rdor/__gur mgon phyi nang gsang gsum/__kun riga'abyung 'dul/__sgrol ma dkar ljang sogs yi dam gyi lha mang po'i bsnyen sgrub mthar phyin mdzad/__rnal 'byor ma'i oM gsum ma 'bru 'bum bcu dang /__sgrol ma yig bcu dung phyur/__ma Ni dung /__a mi d+he wa dung /__sgrol ma 'bum ther bzhi bcu/__mgon po'i yig bdun dung phyur rnams gnas chen pad+ma shel phug dang /__sku tshe'i smad/__khye'u'i rig 'dzin chen pos ma Ni rdo 'bum gyi gzhi bting ba thugs rje chen po'i sgrub gnas tshwa chu mjug zhes grags pa der ri ngos la bcu gcig zhal gzigs nas spyan ras gzigs kyi lha khang gsar bzhengs gnang nas de ru sku tshe 'khyol/__zab mo bdud gcod thang stong snyan brgyud dang sa ru lugs la 'brel 'jog nyams bzhes gnang /__rje btsun sgrol ma dang gur mgon gyi zhal dngos su bstan/__lha khang gi ldeb bris bcu gcig zhal gyi smin mtshams ring bsrel rang byung du 'khrungs pa dang /__dad ldan rnams kyis mjal dar phul ba gyang ris kyis 'dzin bar dka' yang bzhes pa sogs rten byin rlabs can du grags/__gtso bor mtshan bcas mtshan med kyi thugs dam nyams bzhes kho nar brtson zhing /__dad ldan gyi slob mar mkha' spyod/__/thugs chen chom bu lugs/__mgon po sogs kyi dbang khrid rjes gnang mang du gsungs/__mdor na chos brgyad kyi 'ching ba las grol zhing /__kun spangs rnal 'byor gyi dbang phyug chen por bzhugs nas dgung grangs bdun cu don gnyis la zhi ba'i dbyings su gshegs/__thugs dam gsal 'debs/__sku gdung zhugs 'bul sogs phran nas zhus pa lags/__dbang khrid dang phag nag brda dbang gtad rgya bcas lan gnyis pa kaHthog si tu o rgyan chos kyi rgya mtsho las nos pa brgyud pa'i rnam thar kha skong rje nyid kyis zhal gsungs ltar dang /__dam pa'i ming gis snyan pa'i dkor rgyal bdag ni yab rje rig 'dzin grub pa'i dbang phyug 'gyur med tshe dbang rgya mtsho dang /__tshul khrims mtsho mo gnyis kyi bur chu mo sbrul gyi lor skyes/__lo ngo bdun lon pa na rje mkhyen brtse'i dbon si tu thams cad mkhyen par kong sprul rin po ches rje mkhyen brtse'i sprul pa lnga yi nang nas phrin las kyi sprul par lung bstan/__kaHthog phrin las kyi gnas dang /__rje mkhyen brtse lang gro lo tsA'i phrin las kyi sprul pa yin rgyu/__kaHthog gter chen klong gsal yang lang gro'i skye mtha' yin pa'i bab 'brel la brten thugs bdag mdzad/__yongs 'dzin bka' drin can mkhan thub bstan rig 'dzin rgya mtsho la bsten bar khrod du lo ngo bcu gnyis la sleb bar bsdad nas bris klog sogs da lta mi sngon 'gro chog pa 'di byung /__yongs 'dzin gshegs rjes kaHthog rgyud sde'i slob grwar lo gnyis ma zin tsam bsdad nas/__mkhan rin po che kun dpal sogs las gzhung chen rnams phal cher zhus/__si tu thams cad mkhyen pa/__a 'dzom 'brug pa rin po che/__zhe chen rgyal tshab rin po che/__rdo grub thams cad mkhyen gzigs/__yab rje dam pa sogs las rnying chos dang /__rdo rje 'chang blo gter dbang po/__'jam mgon ngag dbang legs pa/__mkhan bsam gtan blo gros/__thar rtse zhabs drung byams pa kun bzang bstan pa'i nyi ma/__rnal 'byor gyi dbang phyug brag ri bkra shis rgya mtsho sogs las sa skya pa gtso bor gyur pa'i zab chos dpag med nos/__mdor na chos 'brel nos pa bla ma brgyad cu lhag tsam las gsar rnying gi gdams zab mang du nos kyang nyams su lon pa ni gcig kyang med/__kaHthog tu sdod skabs rje yi bla brang gi ldom tshab dang /__lo bcu bzhi'i nang rdzong sar gong ma'i gdan sar 'khod nas dbyar dgun dkor sdud byas pa grangs kyi mi chod dkor zos kyi rnam smin lci bas non/__gsar rnying gi bsnyen sgrub yin mdog kha khral 'jal ba'ang lhag lha sum cu kha lhag bsnyen khul byas/__de dag gi skabs su dngos grub kyi ltas red bsam pa ni ci yang ma byung yang rang dad brtson dman pas lan/__snga phyir chos 'chad pa ni rin gter tshar gcig__/sgrub btus tshar bzhi/__lam 'bras slob bshad tshar bzhi/__gdams ngag mdzod tshar gsum/__snga 'gyur bka' ma lan bzhi lnga/__thang stong snyan brgyud tshar lnga/__rje mkhyen brtse'i dgongs gter grub chen thugs tig sogs dang /__klong snying /__mkha' spyod/__snying thig ya bzhi/__ngor dkyil sogs dang /__dus 'khor jo zhal gnyis kyi dbang chen sogs lan mang po bton/__bshad sgrub kyi grwa gsar 'dzugs dang /__kaHthog tu si tu rin po che gshegs nas lo ngo bcu bzhi tsam la kaHthog pa'i bstan khri rnams la rogs ram dang /__rje yi dgongs rdzogs rgyud sde'i slob grwa spyi rkang gtan brlag tu gyur pa nyams gsos mkhan slob bzhi bcu zhe gnyis kyi grangs yod pa dang /__thub chen khang rten dang brten pa gsar bzhengs sogs de rnams khas bshad rgyu rkyang pa ma yin par/__rang la dad sbyin rnams kyi rgyu rdzas byung rigs gtos che ba btad/__rdzong sar du'ang byams chen sogs rten bzhengs mang po dang /__rje gong ma'i gsung 'thor bu rtsol ba chen pos phyogs sdud kyi pod bcu gsum spar du bskrun/__gzhan gzhung 'grel dang /__mkha' spyod be'u bum pod gsum sogs kyi slar bzhengs/__rang lo zhe dgu nas nad tshabs chen pos lo kha shas mnar/__rang lo nga lnga nga drug la son pa'i tshe gegs bzlog ched tshe lam gsang grogs kyi rten 'brel dang /__bla ma mchog gsum gyi byin mthus da bar 'tsho tsam byung /__rang lo drug cu re gsum pa'i zla ba drug pa'i tshes nyer gsum nas rang gnas nas btegs ste/__'phags bod kyi gnas bskor la phyin par rang 'khos kyi tshogs bsags mchod 'bul/__khrus gsol/__rab gnas/__skongs chog__/'dzam gling spyi dang bod khams bde ba'i smon lam sogs yid tshim par zhu dang zhu mus/__dpal sa skya'i khri rin po che'i dbus don gnyer can mang por dbang chos yang mang du bton dang /__da dung tshe ji tsam gnas par bstan 'gror smon pa'i 'dun pa bgyid mus dang /__zhal gzigs lung bstan ni ci'ang med/__nyams rmis rab rib dag ni rgyag brdzun kho na red pas phal cher brjed/__bris kyang dgos pa chung /__sngar rdzong sar du 'byor nas lo bcu drug la son skabs yin nam snyams/__rje gong ma'i grub thob thugs tig la mos pa che zhing /__de nyid 'don khul byed skabs zhig rje yi gzi ma sbug tu grub thob chen po khru gang tsam dngos su bzhugs snyams/__mdun der shel rdo gong bu zhig bzhag nas/__rje mkhyen brtser gu ru rin po ches ngo sprod gnang ba'i/__gzung ba'i yul gyis ma gos shing /__/'dzin pa'i rtog pas ma bslad par/__/rang sems rjen par skyong ba 'di/__/sangs rgyas kun gyi dgongs pa'o/__/zhes ngo sprod gsungs pa zhig rmis pas des sems don la phan pa zhig byung ba de tsam lags/__phyi ltar bla ma'i tshul 'dzin cing /__/nang du dug lnga me ltar 'bar/__/gsang ba rnam rtog gzhan dbang can/__/ban rgan nga yi rnam thar yin/__/ces pa'ang mkhan rin po che mkhas mchog ngag dbang blo gros kyis nan tan chen pos gsungs shing /__'dar mkhan chen gyis kyang gsung bskul ngor/__thang stong snyan brgyud kyi bla rnam kha skong du chos kyi blo gros kyis bris pa'o//___//