JKCL-KABUM-10-THA-065

🚧 This website is under continued development. We appreciate your patience!

Previous Text"THA" is not a number. Back to Volume Page"THA" is not a number.Next Text "THA" is not a number.

Wylie title
Location	chos kyi blo gros bka' 'bum Volume , Text 65, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"THA" is not a number.

1 Texts in this Section (sde tshan or chos tshan)

541-545	ཞོ་འོད་གསང་སྔགས་དར་རྒྱས་གླིང་གི་བཅའ་ཡིག། zho 'od gsang sngags dar rgyas gling gi bca' yig Monastics Regulations - bca' yig	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"THA" is not a number.

Tibetan Text

Wylie

[edit]

ཨོཾ་སྭསྟི། ཕྱོགས་དུས་རྒྱལ་བའི་མཁྱེན་བརྩེའི་རྫོགས་ལྡན་སྤྲིན། །དགེ་ལེགས་ཕན་བདེའི་གྲུ་ཆར་འབུམ་འཇོ་བས། །ས་གསུམ་སྲིད་ཞིའི་གདུང་སེལ་བླ་མ་རྗེ། །མཚོ་སྐྱེས་རྡོ་རྗེས་ཤིས་པའི་མེ་ཏོག་སྩོལ། །གདན་གསུམ་ཡོངས་རྫོགས་སྒྱུ་འཕྲུལ་དྲྭ་བའི་གཟུགས། །བྱིན་བརླབས་དངོས་གྲུབ་ཕྲིན་ལས་ཟློས་གར་གྱིས། །དོན་གཉིས་འདོད་དགུའི་དགའ་སྟོན་སྤེལ་མཛད་པ། །རབ་འབྱམས་རྩ་གསུམ་ལྷ་ཚོགས་རྒྱལ་གྱུར་ཅིག །ཟབ་གསང་འདོད་དགུའི་དབྱིག་གི་གཟི་བྱིན་ལས། །སྨིན་གྲོལ་ནོར་བུའི་གྲུ་ཆར་མི་ཟད་པས། །གངས་ཅན་ཀུན་དགའི་མཆོག་སྦྱིན་གཏེར་ཆེན་རྗེ། །ཨོ་རྒྱན་མཆོག་གྱུར་གླིང་པ་གྲགས་གང་རྒྱལ། །རིས་མེད་བསྟན་པའི་མངའ་བདག་མཁྱེན་བརྩེའི་དབང་། །བཀའ་གཏེར་མཛོད་ལྔའི་སྲོལ་འབྱེད་བློ་མཐའ་ཡས། །ལུང་རིག་སེང་གེའི་སྒྲ་འབྱིན་མི་ཕམ་པའི། །རྣམ་ཐར་རབ་དྭངས་ཡིད་ཀྱིས་ལན་བརྒྱར་བསྔགས། །རྡོ་རྗེ་ཐེག་པའི་གསེང་ལམ་རྨད་བྱུང་བའི། །སྙིང་པོ་བསྙེན་སྒྲུབ་ཡན་ལག་བཞིའི་ཤིང་རྟས། །གྲུབ་གཉིས་འབྱོར་པས་མི་ཟད་འཕེལ་བའི་ལམ། །ཚུལ་བཞིན་བརྩོན་པ་དོན་ལྡན་བགྱི་བ་ཉིད། །ཞེས་ཤིས་པར་བརྗོད་པའི་སྙན་ཚིག་གི་སྦྱོར་བས་དགེ་ལེགས་ཀྱི་ལམ་སྲོལ་ཡངས་པར་ཕྱེས་ཏེ་དེང་གི་དུས་འདིར། གངས་ཅན་བསྟན་འགྲོའི་ཕན་བདེའི་བཙས་དང་། ཨོ་རྒྱན་སངས་རྒྱས་གཉིས་པའི་ཕྲིན་ལས་ཕྱོགས་ཀུན་ཏུ་འཕེལ་རྒྱས་སུ་བྱ་བའི་ཐུགས་བསྐྱེད་སྟོན་ཟླ་ལྟར་དཀར་ཞིང་། དད་དང་གཏོང་བ་ནུས་པ་མཁྱེན་རྟོགས་ཀྱི་ཡོན་ཏན་ཕུན་སུམ་ཚོགས་པ་སྔགས་ཆེན་བླ་མ་བཀྲ་ཤིས་དཔལ་ལྡན་ནས་འབད་རྩོལ་ཆེན་པོས་བྱང་ཕྱོགས་སྔ་འགྱུར་བསྟན་པའི་ལྕགས་རི། སྤྱན་རས་གཟིགས་དངོས་ཞབས་དཀར་ཚོགས་དྲུག་རང་གྲོལ་གྱི་གདན་ས། ཞོ་འོད་གསང་སྔགས་དར་རྒྱས་གླིང་གི་གཙུག་ལག་ཁང་དུ་བོད་ཡུལ་ས་འོག་ཀུན་གྱི་གཏེར་གཅིག །ཐུགས་སྒྲུབ་བྱེ་བ་ཕྲག་བརྒྱའི་ཡང་སྙིང་། གནས་དུས་གདུལ་བྱ་འདི་ལ་དགོངས་ཏེ་རྩོད་བྲལ་སྤྲུལ་པའི་གཏེར་ཆེན་གསུམ་གྱི་བཀའ་དྲིན་ལས་བྱོན་པའི་བླ་མའི་ཐུགས་སྒྲུབ་རྣམ་གཉིས་དང་། ཡང་གཏེར་རྩ་གསུམ་དྲིལ་སྒྲུབ་རྣམས་ཆིག་དྲིལ་གྱི་སྒྲུབ་ཆེན་གསར་དུ་བཙུགས་པའི་རྟེན་འབྱུང་དང་པོ་ཤར་བ་དང་ངོས་ནས་སྒྲུབ་པའི་རྟེན་གྱི་སྐུ་གསུང་ཐུགས་རྟེན་བྱིན་ལྡན་མང་དུ་བསྲིངས་པ་དང་། བསམ་སྦྱོར་འཕེལ་རྒྱས་སུ་འབྱུང་བའི་དམིགས་འདུན་སྐྱབས་སྲུང་བགྱིས་ཤིང་། ༧འཇམ་མགོན་མཁྱེན་བརྩེའི་ཟློས་གར་དིས་མགོན་མཁྱེན་སྤྲུལ་ནས་རིན་ཆེན་གཏེར་མཛོད་ཆེན་མོའི་སྨིན་གྲོལ་ཚང་བར་སྩལ་ཞིང་སྒྲུབ་པའི་ཕྱག་ལེན་ཞིབ་བསླབ་བགྱིས་པ་བཞིན། སྒྲུབ་པའི་སྟ་གོན་ནས་བརྩམས་ཐ་མར་དགེ་བ་གྲོལ་དབང་གི་བར་སྔགས་སྡེ་དེའི་ཁོངས་སུ་གཏོགས་པའི་སྔགས་པ་མཆོག་དམན་ཆེ་ཆུང་ཐམས་ཅད་འདུ་དགོས་པ་དང་། རྡོ་རྗེ་སློབ་དཔོན་དབུ་མཛད། ཆོས་ཁྲིམས་སོགས་རང་རང་གི་ལས་སྐལ་བཞིན་བྱང་ཆུབ་པ་བསླབ་ཤིང་མཐར་ཕྱིན་པ་དང་། རྡོ་རྗེ་སློབ་དཔོན་རྒྱལ་ཚབ་རྒྱལ་ཐེབས་རྣམས་ནས་ཐུགས་སྒྲུབ་རྣམ་པ་གཉིས་ཀའམ། ཐ་ན་གང་རུང་རེའི་བསྙེན་བཟླས་ཚད་དུ་འཁྱོལ་བ་དང་། གྲལ་དབུ་འཛིན་ནས་བཟུང་སྒྲུབ་པ་མ་གྲོལ་བར་ཚོགས་ཁང་དུ་སྡོད་རྒྱུ་ལས་ཁྱིམ་དུ་མི་འགྲོ། སྔགས་གྲྭ་ཀུན་གྱིས་ཞྭ། ཟླ་གམ། རྡོར་དྲིལ་སོགས་འཚོགས་པའི་ཡོ་བྱད་རིགས་རེ་རེ་བཞིན་ཚང་བ་དང་། ཆོས་ཐོག་འདིའི་ཆེད་དུ་སེམས་ཅན་གྱི་སྲོག་བཅད་པ་དང་། སྔགས་པ་རྣམས་ཀྱིས་གྲི་སོགས་འཚོན་ཆ་འཆང་བ་དང་། ཆང་དང་ཁ་སྣའི་དུད་པ་འཐེན་མི་ཆོག །ཕན་ཚུན་ཁོང་ཁྲོ་འཐབ་རྩོད་ཀྱི་རིགས་མི་བྱ། ཚོགས་ཁང་གི་སྒོར་སོན་པ་ནས་རལ་པ་ཕབ་སྟེ་བག་ཡོད་པས་གྲལ་དུ་འཁོད། གདངས་དབྱངས་རོལ་མོ་རྣམས་ཕྱག་ལེན་བཞིན་མ་ནོར་བ་དང་། ཚོགས་དང་མཆོད་པ་གཏོར་མའི་རིགས་ལ་གཙང་སྦྲ། ཉིན་མཚན་གྱི་བསྙེན་རྒྱུན་བར་མ་ཆད་པ་བཅས་ཞིབ་པར་ཆོས་ཁྲིམས་ནས་བཀའ་བཀོད་འབྱུང་བ་ལྟར་ལེགས་པར་ཞི་དུལ་བག་ཡོད་དང་བ་འདྲེན་པ་བཅས་བྱས་ནས། གནས་སྐབས་དད་ལྡན་སྦྱིན་བདག་ཀྱི་ཚོགས་རྫོགས། སྣོད་བཅུད་ཀྱི་དགེ་མཚན་རྒྱས། སྙིགས་མའི་རྒུད་པ་ཞི། མཐར་ཐུག་རིག་འཛིན་བཞིས་ལམ་མཐར་སོན་པས་དངོས་གྲུབ་རྣམ་གཉིས་འབད་མེད་དུ་ཐོབ་པ་རྡོ་རྗེའི་ལུང་ལས་གསུང་པ་ལྟར་ངེས་པས་ཀུན་གྱི་ཐུགས་ལ་གཞུག་པར་ཞུ། རྨད་བྱུང་ཐུགས་བསྐྱེད་ཆུ་གཏེར་ལས་འོང་ཞིང་། །ཚོགས་གཉིས་ཆ་ཤས་ཡོངས་རྫོགས་ནམ་མཁའི་ནོར། །ཕན་བདེའི་འོད་ཟེར་རབ་འབྱམས་ཞིང་བརྡལ་བའི། །སངས་རྒྱས་གཉིས་པས་དུས་ཀུན་སྲུང་གྱུར་ཅིག །སྦྱངས་གཞི་འོད་གསལ་ཡེ་ཤེས་སྙིང་པོའི་ཁམས། །བདེ་མྱུར་སྔགས་ཀྱི་ཐེག་པས་ལེགས་སྦྱངས་ནས། །རིག་འཛིན་རྣམ་བཞིའི་འབྲས་བུ་གཡུར་ཟ་བའི། །ངོ་མཚར་དགའ་སྟོན་ལྗོངས་དེར་འཆར་བར་ཤོག །སྒྲུབ་པ་མཆོག་འདིར་འབྲེལ་བའི་སྐྱེ་བོ་ཀུན། །ཚེ་འདིར་མི་མཐུན་འགལ་རྐྱེན་མཐའ་དག་ཞི། །མ་ཧཱ་གུ་རུའི་མངོན་སུམ་རྗེས་བཟུང་ནས། །ཚོམས་བུ་གཅིག་ཏུ་མངོན་པར་བྱང་ཆུབ་ཤོག །ཅེས་པའང་སྔགས་ཆེན་བཀྲ་ཤིས་དཔལ་ལྡན་ནས་ལྷ་རྫས་བཅས་གསུང་བསྐུལ་ལྟར་འཇམ་དབྱངས་མཁྱེན་བརྩེའི་སྤྲུལ་མིང་འཛིན་པ་འཇམ་དབྱངས་ཆོས་ཀྱི་བློ་གྲོས་དང་། དིལ་མཁྱེན་འཇིགས་མེད་མཁྱེན་བརྩེའི་འོད་ཟེར་ཟུང་ནས་སྡེ་དགེ་རྫོང་སར་བཀྲ་ཤིས་ལྷ་རྩེའི་གཙུག་ལག་ཁང་ནས་སྤེལ་བ་དགེ་ལེགས་ཀྱི་པདྨོ་མཆོག་ཏུ་རྒྱས་པའི་རྒྱུར་གྱུར་ཅིག །སརྦ་དཱ་མངྒ་ལཾ།། །།

[edit]

oM swasti/__phyogs dus rgyal ba'i mkhyen brtse'i rdzogs ldan sprin/__/dge legs phan bde'i gru char 'bum 'jo bas/__/sa gsum srid zhi'i gdung sel bla ma rje/__/mtsho skyes rdo rjes shis pa'i me tog stsol/__/gdan gsum yongs rdzogs sgyu 'phrul drwa ba'i gzugs/__/byin brlabs dngos grub phrin las zlos gar gyis/__/don gnyis 'dod dgu'i dga' ston spel mdzad pa/__/rab 'byams rtsa gsum lha tshogs rgyal gyur cig__/zab gsang 'dod dgu'i dbyig gi gzi byin las/__/smin grol nor bu'i gru char mi zad pas/__/gangs can kun dga'i mchog sbyin gter chen rje/__/o rgyan mchog gyur gling pa grags gang rgyal/__/ris med bstan pa'i mnga' bdag mkhyen brtse'i dbang /__/bka' gter mdzod lnga'i srol 'byed blo mtha' yas/__/lung rig seng ge'i sgra 'byin mi pham pa'i/__/rnam thar rab dwangs yid kyis lan brgyar bsngags/__/rdo rje theg pa'i gseng lam rmad byung ba'i/__/snying po bsnyen sgrub yan lag bzhi'i shing rtas/__/grub gnyis 'byor pas mi zad 'phel ba'i lam/__/tshul bzhin brtson pa don ldan bgyi ba nyid/__/zhes shis par brjod pa'i snyan tshig gi sbyor bas dge legs kyi lam srol yangs par phyes te deng gi dus 'dir/__gangs can bstan 'gro'i phan bde'i btsas dang /__o rgyan sangs rgyas gnyis pa'i phrin las phyogs kun tu 'phel rgyas su bya ba'i thugs bskyed ston zla ltar dkar zhing /__dad dang gtong ba nus pa mkhyen rtogs kyi yon tan phun sum tshogs pa sngags chen bla ma bkra shis dpal ldan nas 'bad rtsol chen pos byang phyogs snga 'gyur bstan pa'i lcags ri/__spyan ras gzigs dngos zhabs dkar tshogs drug rang grol gyi gdan sa/__zho 'od gsang sngags dar rgyas gling gi gtsug lag khang du bod yul sa 'og kun gyi gter gcig__/thugs sgrub bye ba phrag brgya'i yang snying /__gnas dus gdul bya 'di la dgongs te rtsod bral sprul pa'i gter chen gsum gyi bka' drin las byon pa'i bla ma'i thugs sgrub rnam gnyis dang /__yang gter rtsa gsum dril sgrub rnams chig dril gyi sgrub chen gsar du btsugs pa'i rten 'byung dang po shar ba dang ngos nas sgrub pa'i rten gyi sku gsung thugs rten byin ldan mang du bsrings pa dang /__bsam sbyor 'phel rgyas su 'byung ba'i dmigs 'dun skyabs srung bgyis shing /__7'jam mgon mkhyen brtse'i zlos gar dis mgon mkhyen sprul nas rin chen gter mdzod chen mo'i smin grol tshang bar stsal zhing sgrub pa'i phyag len zhib bslab bgyis pa bzhin/__sgrub pa'i sta gon nas brtsams tha mar dge ba grol dbang gi bar sngags sde de'i khongs su gtogs pa'i sngags pa mchog dman che chung thams cad 'du dgos pa dang /__rdo rje slob dpon dbu mdzad/__chos khrims sogs rang rang gi las skal bzhin byang chub pa bslab shing mthar phyin pa dang /__rdo rje slob dpon rgyal tshab rgyal thebs rnams nas thugs sgrub rnam pa gnyis ka'am/__tha na gang rung re'i bsnyen bzlas tshad du 'khyol ba dang /__gral dbu 'dzin nas bzung sgrub pa ma grol bar tshogs khang du sdod rgyu las khyim du mi 'gro/__sngags grwa kun gyis zhwa/__zla gam/__rdor dril sogs 'tshogs pa'i yo byad rigs re re bzhin tshang ba dang /__chos thog 'di'i ched du sems can gyi srog bcad pa dang /__sngags pa rnams kyis gri sogs 'tshon cha 'chang ba dang /__chang dang kha sna'i dud pa 'then mi chog__/phan tshun khong khro 'thab rtsod kyi rigs mi bya/__tshogs khang gi sgor son pa nas ral pa phab ste bag yod pas gral du 'khod/__gdangs dbyangs rol mo rnams phyag len bzhin ma nor ba dang /__tshogs dang mchod pa gtor ma'i rigs la gtsang sbra/__nyin mtshan gyi bsnyen rgyun bar ma chad pa bcas zhib par chos khrims nas bka' bkod 'byung ba ltar legs par zhi dul bag yod dang ba 'dren pa bcas byas nas/__gnas skabs dad ldan sbyin bdag kyi tshogs rdzogs/__snod bcud kyi dge mtshan rgyas/__snyigs ma'i rgud pa zhi/__mthar thug rig 'dzin bzhis lam mthar son pas dngos grub rnam gnyis 'bad med du thob pa rdo rje'i lung las gsung pa ltar nges pas kun gyi thugs la gzhug par zhu/__rmad byung thugs bskyed chu gter las 'ong zhing /__/tshogs gnyis cha shas yongs rdzogs nam mkha'i nor/__/phan bde'i 'od zer rab 'byams zhing brdal ba'i/__/sangs rgyas gnyis pas dus kun srung gyur cig__/sbyangs gzhi 'od gsal ye shes snying po'i khams/__/bde myur sngags kyi theg pas legs sbyangs nas/__/rig 'dzin rnam bzhi'i 'bras bu g.yur za ba'i/__/ngo mtshar dga' ston ljongs der 'char bar shog__/sgrub pa mchog 'dir 'brel ba'i skye bo kun/__/tshe 'dir mi mthun 'gal rkyen mtha' dag zhi/__/ma hA gu ru'i mngon sum rjes bzung nas/__/tshoms bu gcig tu mngon par byang chub shog__/ces pa'ang sngags chen bkra shis dpal ldan nas lha rdzas bcas gsung bskul ltar 'jam dbyangs mkhyen brtse'i sprul ming 'dzin pa 'jam dbyangs chos kyi blo gros dang /__dil mkhyen 'jigs med mkhyen brtse'i 'od zer zung nas sde dge rdzong sar bkra shis lha rtse'i gtsug lag khang nas spel ba dge legs kyi pad+mo mchog tu rgyas pa'i rgyur gyur cig__/sarba dA mang+ga laM//___//