JKCL-KABUM-04-NGA-007

🚧 This website is under continued development. We appreciate your patience!

Previous Text"NGA" is not a number. Back to Volume Page"NGA" is not a number.Next Text "NGA" is not a number.

Wylie title
Location	chos kyi blo gros bka' 'bum Volume , Text 7, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"NGA" is not a number.

1 Texts in this Section (sde tshan or chos tshan)

25-28	ཨོ་རྒྱན་རྡོ་རྗེ་འཆང་གི་བླ་མའི་རྣལ་འབྱོར་ངེས་དོན་བདེ་འཇུག། o rgyan rdo rje 'chang gi bla ma'i rnal 'byor nges don bde 'jug Guru Yoga Texts - bla ma'i rnal 'byor	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"NGA" is not a number.

Tibetan Text

Wylie

[edit]

ཨོ་རྒྱན་རྡོ་རྗེ་འཆང་གི་བླ་མའི་རྣལ་འབྱོར་ངེས་དོན་བདེ་འཇུག་ཅེས་བྱ་བ་བཞུགས་སོ། །ན་མོ་གུ་རུ་པདྨ་ཀཱ་ར་ཡེ། རྒྱལ་བ་ཀུན་གྱི་ཡེ་ཤེས་གཟུགས། །རང་བྱུང་སློབ་དཔོན་པདྨ་འབྱུང་། །སྙིང་དབུས་ཟེ་འབྲུར་བསྟིམ་བྱས་ནས། །རྣལ་འབྱོར་ཟབ་མོའི་སྙིང་པོ་དབྱེ། །དེ་ལ་དབང་ཐོབ་ཅིང་དད་པ་དང་དམ་ཚིག་ལྡན་པས་མོས་གུས་གཏིང་ཚུགས་པས་གཞི་བྱས་ཏེ། ངེས་འབྱུང་དང་སེམས་བསྐྱེད་ལྡན་པས་མདུན་མཁར་སྐྱབས་ཡུལ་གསལ་བཏབ་ལ། ན་མོ། བླ་མ་བདེ་གཤེགས་འདུས་པའི་སྐུ། སོགས་ལན་གསུམ། སེམས་བསྐྱེད་འགྲོ་བ་ཀུན་དོན་དུ། སོགས་ལན་གསུམ། སེམས་ཅན་ཐམས་ཅད་བདེ་བ་དང་ལྡན་སོགས་ཚད་མེད་བཞི་བསྒོམ། དངོས་གཞི་རྟེན་བསྐྱེད་པ་ནི། ཨ། བདག་ཉིད་གཞི་ལུས་རྟ་མགྲིན་ནི། །པད་ཉི་ཀླུ་དབང་དྲེགས་པའི་སྟེང་། །སྐུ་མདོག་དམར་པོ་ཁྲོ་ཆགས་ཉམས། །རུས་རྒྱན་གླང་ཀོ་སྟག་ཤམ་དང་། །སྦྲུལ་རིགས་ལྔ་ཡི་རྒྱན་གྱིས་སྤྲས། །ཞལ་གཅིག་ཕྱག་གཉིས་པདྨས་མཚན། །གྲི་གུག་ཐོད་ཁྲག་ཐུགས་ཀར་འཛིན། །རྣལ་འབྱོར་དམར་མོ་གྲི་ཐོད་ཅན། །མཉམ་སྦྱོར་བདེ་བའི་གར་གྱིས་རོལ། །དེ་ཡི་སྤྱི་བོའི་སྟེང་མཁའ་རུ། །རང་བྱུང་མཚོ་སྐྱེས་པད་སྡོང་དབུས། །དྲི་མེད་ཉི་ཟླའི་དཀྱིལ་འཁོར་སྟེང་། །བདེ་བ་ཆེན་པོ་པདྨ་འབྱུང་། །དཀར་དམར་མདངས་ལྡན་ཞི་མ་ཁྲོ། །སྣང་སྲིད་ཟིལ་གྱིས་གནོན་པའི་སྐུ། །ཕྱག་གཡས་རྡོ་རྗེ་གཡོན་ཐོད་བུམ། །གྲུ་མོར་ཁ་ཊྭཱྃ་ག་བཟུང་ཞིང་། །སྐུ་ལ་གསང་གོས་དཀར་པོ་དང་། །འདུང་མ་དམར་པོ་ཟབ་བེར་སྨུག །ཆོས་གོས་རྣམ་གསུམ་པཎ་ཞུ་གསོལ། །ཞབས་གཉིས་རྒྱལ་པོ་རོལ་པའི་སྟབས། །མཚན་དཔེའི་གཟི་བྱིན་འོད་ཟེར་འཕྲོ། །གཡས་ཀྱི་ཡལ་གར་མནྡྷ་ར། །དཀར་དམར་རུས་རྒྱན་མེ་ཕྲེང་དང་། །མདའ་དར་ཚེ་ཡི་བུམ་པ་འཛིན། །གཡོན་གྱི་ཡལ་གར་མཚོ་རྒྱལ་ནི། །བོད་མོའི་ཆ་བྱད་གཡས་མདའ་དར། །གཡོན་པས་ཐོད་ཆང་སྟོབས་པར་མཛད། །གཙོ་བོའི་གནས་ལྔར་བུདྡྷ་དང་། །པདྨ་བཛྲ་རཏྣ་དང་། །ཀརྨ་ཐོད་ཕྲེང་རྩལ་ལྔ་པོ། །དཀར་དམར་མཐིང་སེར་ལྗང་གུ་རྣམས། །ཞི་མ་ཁྲོ་འཛུམ་རུས་པ་དང་། །རིན་པོ་ཆེ་ཡི་རྒྱན་གྱིས་སྤྲས། །འཁོར་ལོ་པདྨ་རྡོ་རྗེ་དང་། །ནོར་བུ་རལ་གྲིས་རྣམ་མཚན་པའི། །ཕྱག་མཚན་གཡས་པས་ཐུགས་ཀར་གཏོད། །གཡོན་རྣམས་རང་རྟགས་དྲིལ་བུ་བསྣམས། །ཕྱོགས་བཞིར་དཔའ་བོ་གིང་ཆེན་བཞི། །ཡུམ་དང་འཁྲིལ་སྦྱོར་ཌཱ་དྲིལ་བསྣམས། །ཞབས་རྣམས་གར་སྟབས་འགྱིང་བག་ལྡེམ། །ཕྱོགས་མཚམས་སྒྲུབ་སྡེ་བརྒྱད་ལ་སོགས། །རྩ་བརྒྱུད་བླ་མ་ཡི་དམ་ལྷ། །ཞི་དང་ཁྲོ་ཚུལ་བསམ་ཡས་པ། །རབ་འབྱམས་བླ་མའི་དཀྱིལ་འཁོར་རྫོགས། །གནས་གསུམ་ཨོཾ་ཨཱཿཧཱུྃ་གིས་མཚན། །འོད་འཕྲོས་ཡེ་ཤེས་སྤྱན་དྲངས་གྱུར། །ཧཱུྃ་ཧྲཱིཿསྔོན་གྱི་བསྐལ་པའི་དང་པོ་ལ། སོགས་ནས། ཨོཾ་ཨཱཿཧཱུྃ་བཛྲ་གུ་རུ་པདྨ་ཐོད་ཕྲེང་རྩལ་བཛྲ་ས་མ་ཡ་ཛཿཛཿསརྦ་སིདྡྷི་ཕ་ལ་ཧཱུྃ། ཧྲཱི་མ་ཧ་རི་ནི་ས་ར་ཙ་ཧྲཱིཿཡ་ཙིཏྟ་ཧྲིཾ་ཧྲིཾ་ཛཿཛཿཧཱུྃ་བྃ་ཧོཿདམ་ཡེ་དབྱེར་མེད་དུ་བསྟིམ། འདི་མན་ལམ་ཟབ་ལེ་བདུན་ལྟར་རམ། གང་འོས་འདོན་ཅིང་། གསོལ་འདེབས་ལ་ཚིག་བདུན་གསོལ་འདེབས་གཙོ་བོར་བཏོན་མཐར། གུ་རུ་དགྱེས་པའི་འོད་ཟེར་འཕྲོ་འདུ་ཡིས། །འཁོར་རྣམས་འོད་ཞུ་གུ་རུ་རྗེ་ལ་ཐིམ། །དེ་ཉིད་འོད་ཞུ་རང་ལ་ཐིམ་པ་དང་། །དབྱེར་མེད་རང་བྱུང་འོད་གསལ་ཆོས་ཀྱི་སྐུ། །རྩོལ་བྲལ་བློ་ལས་འདས་པ་གདོད་མའི་གཤིས། །ཆོས་ཀུན་ཡེ་རྫོགས་ཆེན་པོའི་དགོངས་པ་བསྐྱངས། །ཡི་དམ་གྱི་བཟླས་པ་བྱ་བར་སྤྲོ་ན། ཡི་དམ་ཐུགས་ཀར་པདྨ་ཉི་ཟླའི་དབུས། །ཧྲཱིཿམཐར་སྔགས་ཀྱི་ཕྲེང་བས་བསྐོར་བ་ལས། །འོད་འཕྲོས་འཕགས་མཆོད་འགྲོ་ཀུན་སྒྲིབ་གཉིས་སྦྱངས། །སྣོད་བཅུད་དབང་ཆེན་རོལ་པའི་དཀྱིལ་འཁོར་རྫོགས། །ཨོཾ་ཧྲཱི་པདྨནྟ་ཀྲྀཏ་བཛྲ་ཀྲོ་དྷ་ཧྱ་གྲཱི་ཝ་ཧུ་ལུ་ཧུ་ལུ་ཨེ་ཨ་ར་ལི་རུ་ལུ་རུ་ལུ་བྃ་ཧཱུྃ་བྷྱོ་ཛ་ཕཊཿཅི་ནུས་བཟླ། ཐུན་མཐར། དགེ་འདིས་ཕྱོགས་བཅུ་དུས་གསུམ་གྱི། །བླ་མའི་ཐུགས་དགོངས་རྫོགས་པ་དང་། །དུས་གསུམ་ཕ་མས་ཐོག་དྲངས་པའི། །འགྲོ་དྲུག་སེམས་ཅན་མ་ལུས་པ། །གུ་རུ་མཆོག་གིས་རྗེས་བཟུང་སྟེ། །ཡང་དག་རྡོ་རྗེའི་དོན་རྟོགས་ཤོག །ཅེས་སོགས་བསྔོ་བ་སྨོན་ལམ་བྱའོ། །བླ་མ་མཚོ་སྐྱེས་རྡོ་རྗེ་ཡི། །རྣལ་འབྱོར་ཟབ་མོ་འདི་བྲིས་དགེས། །ཁམས་གསུམ་སེམས་ཅན་ཐམས་ཅད་ཀུན། །གུ་རུ་ཉིད་ཀྱིས་རྗེས་བཟུང་ཤོག །ཅེས་པའང་མེ་སྤྲེལ་སྨིན་དྲུག་ཟླ་བའི་ཚེས་ལ་ཟ་ཧོར་མཚོ་པདྨ་མཇལ་བའི་སྐབས་པདྨ་ཡེ་ཤེས་རྡོ་རྗེའི་མོས་གུས་ཀྱི་ཡིད་མཚོ་ལས་བྱུང་བའོ། །སརྦ་མངྒ་ལཾ།། །།

[edit]

o rgyan rdo rje 'chang gi bla ma'i rnal 'byor nges don bde 'jug ces bya ba bzhugs so/__/na mo gu ru pad+ma kA ra ye/__rgyal ba kun gyi ye shes gzugs/__/rang byung slob dpon pad+ma 'byung /__/snying dbus ze 'brur bstim byas nas/__/rnal 'byor zab mo'i snying po dbye/__/de la dbang thob cing dad pa dang dam tshig ldan pas mos gus gting tshugs pas gzhi byas te/__nges 'byung dang sems bskyed ldan pas mdun mkhar skyabs yul gsal btab la/__na mo/__bla ma bde gshegs 'dus pa'i sku/__sogs lan gsum/__sems bskyed 'gro ba kun don du/__sogs lan gsum/__sems can thams cad bde ba dang ldan sogs tshad med bzhi bsgom/__dngos gzhi rten bskyed pa ni/__a/__bdag nyid gzhi lus rta mgrin ni/__/pad nyi klu dbang dregs pa'i steng /__/sku mdog dmar po khro chags nyams/__/rus rgyan glang ko stag sham dang /__/sbrul rigs lnga yi rgyan gyis spras/__/zhal gcig phyag gnyis pad+mas mtshan/__/gri gug thod khrag thugs kar 'dzin/__/rnal 'byor dmar mo gri thod can/__/mnyam sbyor bde ba'i gar gyis rol/__/de yi spyi bo'i steng mkha' ru/__/rang byung mtsho skyes pad sdong dbus/__/dri med nyi zla'i dkyil 'khor steng /__/bde ba chen po pad+ma 'byung /__/dkar dmar mdangs ldan zhi ma khro/__/snang srid zil gyis gnon pa'i sku/__/phyag g.yas rdo rje g.yon thod bum/__/gru mor kha T+wA~M ga bzung zhing /__/sku la gsang gos dkar po dang /__/'dung ma dmar po zab ber smug__/chos gos rnam gsum paN zhu gsol/__/zhabs gnyis rgyal po rol pa'i stabs/__/mtshan dpe'i gzi byin 'od zer 'phro/__/g.yas kyi yal gar man+d+ha ra/__/dkar dmar rus rgyan me phreng dang /__/mda' dar tshe yi bum pa 'dzin/__/g.yon gyi yal gar mtsho rgyal ni/__/bod mo'i cha byad g.yas mda' dar/__/g.yon pas thod chang stobs par mdzad/__/gtso bo'i gnas lngar bud+d+ha dang /__/pad+ma badz+ra rat+na dang /__/karma thod phreng rtsal lnga po/__/dkar dmar mthing ser ljang gu rnams/__/zhi ma khro 'dzum rus pa dang /__/rin po che yi rgyan gyis spras/__/'khor lo pad+ma rdo rje dang /__/nor bu ral gris rnam mtshan pa'i/__/phyag mtshan g.yas pas thugs kar gtod/__/g.yon rnams rang rtags dril bu bsnams/__/phyogs bzhir dpa' bo ging chen bzhi/__/yum dang 'khril sbyor DA dril bsnams/__/zhabs rnams gar stabs 'gying bag ldem/__/phyogs mtshams sgrub sde brgyad la sogs/__/rtsa brgyud bla ma yi dam lha/__/zhi dang khro tshul bsam yas pa/__/rab 'byams bla ma'i dkyil 'khor rdzogs/__/gnas gsum oM AHhU~M gis mtshan/__/'od 'phros ye shes spyan drangs gyur/__/hU~M hrIHsngon gyi bskal pa'i dang po la/__sogs nas/__oM AHhU~M badz+ra gu ru pad+ma thod phreng rtsal badz+ra sa ma ya dzaHdzaHsarba sid+d+hi pha la hU~M/__hrI ma ha ri ni sa ra tsa hrIHya tsit+ta hriM hriM dzaHdzaHhU~M ba~M hoHdam ye dbyer med du bstim/__'di man lam zab le bdun ltar ram/__gang 'os 'don cing /__gsol 'debs la tshig bdun gsol 'debs gtso bor bton mthar/__gu ru dgyes pa'i 'od zer 'phro 'du yis/__/'khor rnams 'od zhu gu ru rje la thim/__/de nyid 'od zhu rang la thim pa dang /__/dbyer med rang byung 'od gsal chos kyi sku/__/rtsol bral blo las 'das pa gdod ma'i gshis/__/chos kun ye rdzogs chen po'i dgongs pa bskyangs/__/yi dam gyi bzlas pa bya bar spro na/__yi dam thugs kar pad+ma nyi zla'i dbus/__/hrIHmthar sngags kyi phreng bas bskor ba las/__/'od 'phros 'phags mchod 'gro kun sgrib gnyis sbyangs/__/snod bcud dbang chen rol pa'i dkyil 'khor rdzogs/__/oM hrI pad+man+ta kr-ita badz+ra kro d+ha h+ya grI wa hu lu hu lu e a ra li ru lu ru lu ba~M hU~M b+h+yo dza phaTaHci nus bzla/__thun mthar/__dge 'dis phyogs bcu dus gsum gyi/__/bla ma'i thugs dgongs rdzogs pa dang /__/dus gsum pha mas thog drangs pa'i/__/'gro drug sems can ma lus pa/__/gu ru mchog gis rjes bzung ste/__/yang dag rdo rje'i don rtogs shog__/ces sogs bsngo ba smon lam bya'o/__/bla ma mtsho skyes rdo rje yi/__/rnal 'byor zab mo 'di bris dges/__/khams gsum sems can thams cad kun/__/gu ru nyid kyis rjes bzung shog__/ces pa'ang me sprel smin drug zla ba'i tshes la za hor mtsho pad+ma mjal ba'i skabs pad+ma ye shes rdo rje'i mos gus kyi yid mtsho las byung ba'o/__/sarba mang+ga laM//____//