JKW-KABUM-02-KHA-002-041

Previous Text Back to Volume PageNext Text

རྗེ་བླ་མ་ལ་གསོལ་འདེབས་བློ་གསལ་བསྟན་སྐྱོང་གིས་མཛད་པ་ཕུན་ཚོགས་པདྨ་རཱ་ག་ཞེས་པ།

Wylie title	rje bla ma la gsol 'debs blo gsal bstan skyong gis mdzad pa phun tshogs pad+ma rA ga zhes pa
Location	mkhyen brtse'i bka' 'bum Volume 2, sde tshan 2, Text 39, Pages (Folios to )
Author	བློ་གསལ་བསྟན་སྐྱོང་
Less details More details
Citation	blo gsal bstan skyong. rje bla ma la gsol 'debs blo gsal bstan skyong gis mdzad pa phun tshogs pad+ma rA ga zhes pa. In 'jam dbyangs mkhyen brtse'i dbang po'i bka' 'bum, Vol. 2: . Khams sde dge rdzong sar dgon: Rdzong sar blo gros phun tshogs, 2020.
Genre	Supplications - gsol 'debs
Deity	'jam dbyangs mkhyen brtse'i dbang po
Colophon	།ཅེས་པ་འདིའང་རྗེ་བླ་མ་འདི་ཉིད་མདོ་ཁམས་སུ་ཆིབས་བསྐྱོད་པའི་ཚེ། བཙུན་པ་བློ་གསལ་རི་ཁྲོད་པས་གསོལ་བ་བཏབ་པ་སརྦ་དཱ་མངྒ་ལཾ།།
	ces pa 'di'ang rje bla ma 'di nyid mdo khams su chibs bskyod pa'i tshe/_btsun pa blo gsal ri khrod pas gsol ba btab pa sarba dA mang+ga laM

1 Texts in this Section (sde tshan or chos tshan)

41 344-345	རྗེ་བླ་མ་ལ་གསོལ་འདེབས་བློ་གསལ་བསྟན་སྐྱོང་གིས་མཛད་པ་ཕུན་ཚོགས་པདྨ་རཱ་ག་ཞེས་པ། rje bla ma la gsol 'debs blo gsal bstan skyong gis mdzad pa phun tshogs pad+ma rA ga zhes pa Supplications - gsol 'debs	Text page View PDF
	[[|བློ་གསལ་བསྟན་སྐྱོང་ ()]]

Tibetan Text

Wylie

[edit]

ཨོཾ་སྭསྟི། ཕུན་ཚོགས་པདྨ་རཱ་གའི་ལྷུན་པོ་ལ། །ཉི་གཞོན་བྱེ་བས་འཁྱུད་པའི་གཟི་འོད་ཅན། །མཚན་ཙམ་ལྷུང་བས་ཉི་བུའི་དབྱུག་པ་ཡང་། །ཕྱེ་མར་འཐག་མཛད་ཚེ་ཡི་མགོན་པོས་སྲུངས། །འཇམ་དབྱངས་སྒྱུ་འཕྲུལ་དྲྭ་བ་ལས་འཐོན་པའི། །མཁྱེན་བརྩེའི་འོད་ཟེར་ཡངས་སུ་དཀྲིགས་པ་ཡིས། །སྙིགས་དུས་བསྟན་པའི་པདྨོ་ཕྱོགས་བརྒྱ་རུ། །བཞད་བྱེད་སྨྲ་བའི་དབ༷ང་པོ༷་ཞབས་བརྟན་ཤོག །ཡིད་བཞིན་འཁོར་ལོ་རྣམ་པར་རྒྱལ་མ་སོགས། །མི་འགྱུར་ཚེ་ཡི་དངོས་གྲུབ་སྟེར་བའི་ལྷས། །བདུད་རྩིའི་བུམ་པས་མགོན་ཁྱོད་བསྐལ་བརྒྱའི་བར། །རྡོ་རྗེའི་ཆོས་བདུན་རྫོགས་པར་དབང་བསྐུར་ཅིག །ཕྱག་དྲུག་གུར་ཞལ་འདོད་ཁམས་དབང་མོ་སོགས། །དམ་ལྡན་མཐུ་སྟོབས་ཡེ་ཤེས་སྤྱན་བཀྲ་བ། །དཔལ་ལྡན་སྲུང་མའི་ཚོགས་ཀྱིས་དུས་ཀུན་ཏུ། །གང་གི་གསང་གསུམ་ཕྲིན་ལས་སྤེལ་སྲུང་མཛོད། །ཅེས་པ་འདིའང་རྗེ་བླ་མ་འདི་ཉིད་མདོ་ཁམས་སུ་ཆིབས་བསྐྱོད་པའི་ཚེ། བཙུན་པ་བློ་གསལ་རི་ཁྲོད་པས་གསོལ་བ་བཏབ་པ་སརྦ་དཱ་མངྒ་ལཾ།། །། ༈

[edit]

rje bla ma la gsol 'debs blo gsal bstan skyong gis mdzad pa phun tshogs pad+ma rA ga zhes pa/__ oM swasti/_phun tshogs pad+ma rA ga'i lhun po la/_/nyi gzhon bye bas 'khyud pa'i gzi 'od can/_/mtshan tsam lhung bas nyi bu'i dbyug pa yang /_/phye mar 'thag mdzad tshe yi mgon pos srungs/_/'jam dbyangs sgyu 'phrul drwa ba las 'thon pa'i/_/mkhyen brtse'i 'od zer yangs su dkrigs pa yis/_/snyigs dus bstan pa'i pad+mo phyogs brgya ru/_/bzhad byed smra ba'i dbaXng poX zhabs brtan shog__/yid bzhin 'khor lo rnam par rgyal ma sogs/_/mi 'gyur tshe yi dngos grub ster ba'i lhas/_/bdud rtsi'i bum pas mgon khyod bskal brgya'i bar/_/rdo rje'i chos bdun rdzogs par dbang bskur cig__/phyag drug gur zhal 'dod khams dbang mo sogs/_/dam ldan mthu stobs ye shes spyan bkra ba/_/dpal ldan srung ma'i tshogs kyis dus kun tu/_/gang gi gsang gsum phrin las spel srung mdzod/_/ces pa 'di'ang rje bla ma 'di nyid mdo khams su chibs bskyod pa'i tshe/_btsun pa blo gsal ri khrod pas gsol ba btab pa sarba dA mang+ga laM//___//___!