JKW-KABUM-21-ZHA-001-042

Previous Text Back to Volume PageNext Text

Wylie title
Location	mkhyen brtse'i bka' 'bum Volume 21, sde tshan 1, Text 40, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 21: . Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

42 115-118	རྡོ་རྗེ་མཁའ་འགྲོའི་སྦྱིན་སྲེག་ཤིན་ཏུ་བསྡུས་པ། rdo rje mkha' 'gro'i sbyin sreg shin tu bsdus pa Fire Offerings - sbyin sreg	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རྡོ་རྗེ་མཁའ་འགྲོའི་སྦྱིན་སྲེག་ཤིན་ཏུ་བསྡུས་པ། རྡོ་རྗེ་མཁའ་འགྲོའི་སྦྱིན་སྲེག་ཤིན་ཏུ་བསྡུས་པ་བཞུགས་སོ། །ཨོཾ་སྭསྟི། སྡིག་ལྟུང་སྦྱོང་བ་ལ་མཆོག་ཏུ་བསྔགས་པ་ཟ་བྱེད་རྡོ་རྗེ་མཁའ་འགྲོའི་སྦྱིན་སྲེག་ཤིན་ཏུ་བསྡུས་པ་ནི། མེ་ཐབ་དངོས་སམ་མ་འབྱོར་ན་སོལ་མེས་ཀྱང་རུང་ཞིང་། དེའི་མདུན་དུ་ཏིལ་ཇི་ལྟར་རིགས་པ་བཅས་འདུ་བྱ། སྐྱབས་སེམས་སྔོན་དུ་འགྲོ་བས། སྭ་བྷཱ་ཝས་སྦྱངས། སྟོང་པའི་ངང་ལས་ཞི་བའི་ཐབ། །མཚན་རྫོགས་མེ་ཕུང་འབར་བའི་དབུས། །པད་ཉིའི་སྟེང་དུ་ཧཱུྃ་སྔོན་པོ། །ཡོངས་གྱུར་རྡོ་རྗེ་མཁའ་འགྲོ་མཐིང་། །ཕྱག་གཉིས་མཐེའུ་ཆུང་འཁྱུད་པའི་རྒྱས། །རྡོ་རྗེ་དྲིལ་བུ་ཐུགས་ཀར་བསྣོལ། །སྤྱན་གསུམ་ཞལ་གདངས་མཆེ་བ་གཙིགས། །ཐོད་སྐམ་ལྔ་ཡིས་དབུ་ལ་བརྒྱན། །རློན་པ་ལྔ་བཅུའི་དོ་ཤལ་དང་། །སྟག་གི་པགས་པའི་ཤམ་ཐབས་འཕྱང་། །ཞབས་གཉིས་གཡོན་བརྐྱང་སྟབས་ཀྱིས་འགྱིང་། །མི་བསྐྱོད་རིགས་ཀྱི་ཅོད་པན་ཅན། །དམ་ཚིག་ཡེ་ཤེས་དབྱེར་མེད་གྱུར། །རང་གི་རྐང་མཐིལ་ཡྃ་ལས་རླུང་། །ལྟེ་བར་གཏུམ་མོའི་ཡེ་ཤེས་མེ། །སྙིང་གར་སྡིག་པའི་ས་བོན་བྃ། །དེ་ལ་ཚེ་རབས་སྡིག་ལྟུང་འདུས། །རླུང་གིས་མེ་བསྐྱོད་སྙིང་གའི་བྃ། །སྡིག་པའི་རྣམ་པས་སྣ་ནས་ཐོན། །ཏིལ་ལ་ཐིམ་པས་ཁྲོ་བོའི་ཞལ། །ཕུལ་བས་སྡིག་ལྟུང་ཀུན་སྦྱངས་གྱུར། །ཅེས་གསལ་བཏབ་ལ། ཨོཾ་བཛྲ་ཌཱ་ཀ་ཁ་ཁ་ཁཱ་ཧི་ཁཱ་ཧི་སརྦ་པ་པྃ་ད་ཧ་ན་བྷསྨིཾ་ཀུ་རུ་སྭཱ་ཧཱ། ཞེས་ཏིལ་རྫོགས་པའི་བར་དུ་ཕུལ་མཐར། །བཅོམ་ལྡན་རྡོ་རྗེ་མཁའ་འགྲོ་ཡིས། །བདག་དང་མཐའ་ཡས་སེམས་ཅན་གྱི། །སྡིག་སྒྲིབ་ཉེས་ལྟུང་ཚོགས་རྣམས་ཀུན། །ཡོངས་སུ་བྱང་ཞིང་དག་མཛད་གསོལ། །ཅེས་གསོལ་ཞིང་སྣ་བུག་གཡོན་ནས་རླུང་ནང་དུ་རྔུབས་པ་དང་ལྷན་ཅིག་ཁྲོ་བོ་རང་ལ་ཐིམ་པར་བསམས་ལ་བསྔོ་སྨོན་བྱ། ཐལ་བ་གཙང་སར་དོར་རོ། ། ༈ འདིའི་སྒོ་ནས་གཞན་དོན་བྱེད་ན། ཚེ་ལྡན་སྡིག་པ་སྦྱོང་བ་ནི། བསྒྲུབ་བྱ་མདུན་དུ་འཁོད་པའི་མདུན་མེ་དང་། ཏིལ་བཤམ། སྐྱབས་སེམས་སྔོན་དུ་འགྲོ་བས། རྣལ་འབྱོར་བླ་མེད་ཀྱི་ལྷ་གང་ཡང་རུང་བའི་བདག་བསྐྱེད་མདོར་བསྡུས་སུ་བྱ་བའམ། རང་ཉིད་སྐད་ཅིག་གིས་དཔལ་རྡོ་རྗེ་སེམས་པའི་སྐུར་གྱུར་པར་བསམ། མེ་ཐབ་སྭ་བྷཱ་བས་སྟོང་པར་སྦྱངས། སྟོང་པའི་ངང་ལས་སོགས་ནས། ཁྲོ་བོ་རང་ལ་ཐིམ་པར་བསམ་པའི་བར་གོང་ལྟར་ལ། རང་གི་རྐང་མཐིལ་ཞེས་བར། བསྒྲུབ་བྱའི་ཞེས་བསྒྱུར་བ་མ་གཏོགས་འདྲ། མཇུག་ཏུ་བསྔོ་སྨོན་དང་མདོ་རྒྱུད་ལས་བྱུང་བའི་བཀྲ་ཤིས་ཀྱི་ཚིགས་སུ་བཅད་པ་བརྗོད་ཅིང་མེ་ཏོག་གི་ཆར་དབབ། བསྒྲུབ་བྱ་རང་གནས་སུ་བཏང་ངོ་། །ཚེ་འདས་རྗེས་སུ་འཛིན་ན། བྱང་བུའི་མདུན་དུ་མེ་དང་། ཏིལ་འདུ་བྱ། སྐྱབས་སེམས་དང་། བདག་གི་རྣལ་འབྱོར་རྒྱས་བསྡུས་གང་རིགས་སྔོན་དུ་འགྲོ་བས། དམིགས་བྱ་བསྐྱེད་བསྟིམ་བྱ། སྦྱོང་བ་རྒྱས་པའམ། རང་གི་ཐུགས་ཀ་ནས་སྤྲོས་པའི་ཁྲོ་བོའི་ཚོགས་ཀྱིས་བགེགས་རྣམས་རྒྱངས་རིང་དུ་བསྐྲད་པར་བསམ་ལ་དྲག་སྔགས་བཟླ། གུ་གུལ་གྱིས་བདུག །ཡུངས་ཀར་གྱིས་བྲབ། དེ་ནས་མེ་ཐབ་བསྐྱེད་པ་ནས་བཟུང་། ཁྲོ་བོ་རང་ལ་ཐིམ་པའི་བར་གོང་ལྟར། རང་ཉིད་ཅེས་པར་ཚེ་འདས་ཞེས་བསྒྱུར། གང་སེར་མ་ལྟ་བུའི་ཤིས་བརྗོད་དང་། ཕྱག་འཚལ་སྐྱབས་འགྲོ། ཚེ་འདས་སྐད་ཅིག་གིས་དཔལ་རྡོ་རྗེ་སེམས་དཔའི་སྐུར་གྱུར་པར་བསམས་ལ་འདོད་ཡོན་བསྔོ། བྱང་བུ་བསྲེག་པ་ལམ་སྦྱང་བསྟན་སོགས་སྤྱི་ལྟར་སྦྱར་བས་རུང་ངོ་། །ཞེས་པའང་མཉྫུ་གྷོ་ཥས་བྲིས་པ་དགེ །སརྦ་མངྒ་ལཾ། དགེའོ། དགེའོ། དགེའོ།། །།

[edit]

rdo rje mkha' 'gro'i sbyin sreg shin tu bsdus pa/ rdo rje mkha' 'gro'i sbyin sreg shin tu bsdus pa bzhugs so/__/oM swasti/__sdig ltung sbyong ba la mchog tu bsngags pa za byed rdo rje mkha' 'gro'i sbyin sreg shin tu bsdus pa ni/__me thab dngos sam ma 'byor na sol mes kyang rung zhing /__de'i mdun du til ji ltar rigs pa bcas 'du bya/__skyabs sems sngon du 'gro bas/__swa b+hA was sbyangs/__stong pa'i ngang las zhi ba'i thab/__/mtshan rdzogs me phung 'bar ba'i dbus/__/pad nyi'i steng du hU~M sngon po/__/yongs gyur rdo rje mkha' 'gro mthing /__/phyag gnyis mthe'u chung 'khyud pa'i rgyas/__/rdo rje dril bu thugs kar bsnol/__/spyan gsum zhal gdangs mche ba gtsigs/__/thod skam lnga yis dbu la brgyan/__/rlon pa lnga bcu'i do shal dang /__/stag gi pags pa'i sham thabs 'phyang /__/zhabs gnyis g.yon brkyang stabs kyis 'gying /__/mi bskyod rigs kyi cod pan can/__/dam tshig ye shes dbyer med gyur/__/rang gi rkang mthil ya~M las rlung /__/lte bar gtum mo'i ye shes me/__/snying gar sdig pa'i sa bon ba~M/__/de la tshe rabs sdig ltung 'dus/__/rlung gis me bskyod snying ga'i ba~M/__/sdig pa'i rnam pas sna nas thon/__/til la thim pas khro bo'i zhal/__/phul bas sdig ltung kun sbyangs gyur/__/ces gsal btab la/__oM badz+ra DA ka kha kha khA hi khA hi sarba pa pa~M da ha na b+hasmiM ku ru swA hA/__zhes til rdzogs pa'i bar du phul mthar/__/bcom ldan rdo rje mkha' 'gro yis/__/bdag dang mtha' yas sems can gyi/__/sdig sgrib nyes ltung tshogs rnams kun/__/yongs su byang zhing dag mdzad gsol/__/ces gsol zhing sna bug g.yon nas rlung nang du rngubs pa dang lhan cig khro bo rang la thim par bsams la bsngo smon bya/__thal ba gtsang sar dor ro/___/___!_'di'i sgo nas gzhan don byed na/__tshe ldan sdig pa sbyong ba ni/__bsgrub bya mdun du 'khod pa'i mdun me dang /__til bsham/__skyabs sems sngon du 'gro bas/__rnal 'byor bla med kyi lha gang yang rung ba'i bdag bskyed mdor bsdus su bya ba'am/__rang nyid skad cig gis dpal rdo rje sems pa'i skur gyur par bsam/__me thab swa b+hA bas stong par sbyangs/__stong pa'i ngang las sogs nas/__khro bo rang la thim par bsam pa'i bar gong ltar la/__rang gi rkang mthil zhes bar/__bsgrub bya'i zhes bsgyur ba ma gtogs 'dra/__mjug tu bsngo smon dang mdo rgyud las byung ba'i bkra shis kyi tshigs su bcad pa brjod cing me tog gi char dbab/__bsgrub bya rang gnas su btang ngo /__/tshe 'das rjes su 'dzin na/__byang bu'i mdun du me dang /__til 'du bya/__skyabs sems dang /__bdag gi rnal 'byor rgyas bsdus gang rigs sngon du 'gro bas/__dmigs bya bskyed bstim bya/__sbyong ba rgyas pa'am/__rang gi thugs ka nas spros pa'i khro bo'i tshogs kyis bgegs rnams rgyangs ring du bskrad par bsam la drag sngags bzla/__gu gul gyis bdug__/yungs kar gyis brab/__de nas me thab bskyed pa nas bzung /__khro bo rang la thim pa'i bar gong ltar/__rang nyid ces par tshe 'das zhes bsgyur/__gang ser ma lta bu'i shis brjod dang /__phyag 'tshal skyabs 'gro/__tshe 'das skad cig gis dpal rdo rje sems dpa'i skur gyur par bsams la 'dod yon bsngo/__byang bu bsreg pa lam sbyang bstan sogs spyi ltar sbyar bas rung ngo /__/zhes pa'ang many+dzu g+ho Shas bris pa dge__/sarba mang+ga laM/__dge'o/__dge'o/__dge'o//__//