JKW-KABUM-16-MA-029-034

Previous Text Back to Volume PageNext Text

Wylie title
Location	mkhyen brtse'i bka' 'bum Volume 16, sde tshan 29, Text 34, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 16: . Khams sde dge rdzong sar dgon: Rdzong sar blo gros phun tshogs, 2020.
Genre	Lineage Supplications - brgyud 'debs

1 Texts in this Section (sde tshan or chos tshan)

34 310-311	བ་རི་བའི་ཆོས་སྐོར་ལོ་རྒྱུས་ཉུང་ངུ་། ba ri ba'i chos skor lo rgyus nyung ngu History Texts - lo rgyus   ·   Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གསོལ་འདེབས་ལེའུ་བདུན་མའི་བརྒྱུད་འདེབས་ཞལ་སྐོང་དང་བཅས་པ། གསོལ་འདེབས་ལེའུ་བདུན་མའི་བརྒྱུད་འདེབས་ལེ་ཚན་རྣམས་ཀྱི་ཁ་སྐོང་བཞུགས། །གསོལ་འདེབས་ལེའུ་བདུན་མའི་བརྒྱུད་འདེབས་རྒྱས་པ་དཔལ་བཀྲ་ཤིས་སྟོབས་རྒྱལ་གྱིས་མཛད་པའི་ཁ་སྐོང་རྒྱལ་དབང་ལྔ་པ་རིན་པོ་ཆེས་མཛད་པའི་ཞལ་སྐོང་ནི། །ཟིལ་གནོན་དྲག་རྩལ་རྡོ་རྗེ་ལ་གསོལ་བ་འདེབས། །ཞེས་པའི་མཚམས། །བཤད་སྒྲུབ་འབྱུང་གནས་ཨེ་ཝཾ་ཆོས་གྲྭ་རུ། །ཚུལ་གནས་གསན་བསམ་སྒོམ་པའི་ཕ་མཐར་སོན། །བླ་མ་ལྷག་པའི་ལྷ་ཡིས་རྗེས་སུ་བཟུང་། །ཡོངས་རྫོགས་ཐུབ་བསྟན་གསལ་མཛད་རིག་འཛིན་རྗེ། །ཀུན་བཟང་པདྨ་ཕྲིན་ལས་ལ་གསོལ་བ་འདེབས། །སྨོན་དགའ་བསམ་གཏན་འཕེལ་བའི་གླིང་མཆོག་ཏུ། །རབ་འབྱམ་མདོ་སྔགས་སྨྲ་བའི་སེང་གེ་ཆེ། །ཟབ་གསང་སྙན་བརྒྱུད་རྒྱ་མཚོའི་མཛོད་གཅིག་པུ། །སྙིགས་དུས་བརྟན་པའི་སྲོག་ཤིང་རྨོར་ཆེན་རྗེ། །ངག་དབང་ཀུན་དགའ་ལྷུན་གྲུབ་ལ༴ བཀྲ་ཤིས་དགེ་མཚན་འབྱུང་བའི་ཆོས་ཀྱི་སྡེར། །པདྨས་རྗེས་བཟུང་ཚར་ཆེན་རྡོ་རྗེ་འཆང་། །བསམ་བཞིན་བསྟན་འགྲོའི་མགོན་དུ་ལེགས་བྱོན་པ། །ངག་གི་དབང་ཕྱུག་ཁྱབ་བདག་གནས་གསར་པ། །ཀུན་དགའ་ལེགས་པའི་འབྱུང་གནས་ལ༴ རུ་མཚམས་ཁ་རག་གྲུབ་པའི་སྨན་ལྗོངས་སུ། །རིས་མེད་དམ་པ་དུ་མས་རྗེས་བཟུང་ཞིང་། །བསླབ་གསུམ་རྣམ་དག་རིམ་གཉིས་ཏིང་འཛིན་བརྟན། །བཤད་དང་སྒྲུབ་པའི་དཔལ་མངའ་ཆོས་ཀྱི་རྗེ། །མཚུངས་མེད་བློ་གསལ་ཕུན་ཚོགས་ལ༴ མཁས་པའི་འབྱུང་གནས་དཔལ་ལྡན་ན་ལནྜར། །ཕྱི་ནང་ཤེས་བྱ་ཀུན་གཟིགས་པཎྜིཏ། །མང་ཐོས་འདུལ་བ་འཛིན་པ་རྒྱལ་བའི་སྲས། །མཚོ་སྐྱེས་བླ་མས་རྗེས་བཟུང་རིག་པ་འཛིན། །ངག་དབང་བསྟན་འཛིན་ཕྲིན་ལས་ལ༴ རོང་སྟོན་ཆེན་པོས་བྱིན་རླབས་ཆོས་གྱི་གྲར། །ཟབ་རྒྱས་གདམས་པ་དུ་མའི་གཏེར་མཛོད་ཆེ། །འཆད་རྩོད་རྩོམ་ལ་མཚུངས་མེད་སྨྲ་བའི་དབང་། །བརྟན་མཁས་ཡོན་ཏན་ཡོངས་རྫོགས་དགེ་བའི་བཤེས། །བྱམས་པ་ཕྲིན་ལས་ཡོན་ཏན་ལ༴ དམ་པས་བྱིན་བརླབས་གཟིམ་འོག་བླ་བྲང་དུ། །འོད་གསལ་ལྷ་རིགས་མཆོག་གི་སྤྲུལ་པའི་སྐུ། །བསླབ་གསུམ་རྣམ་དག་ཤེས་བྱ་ཐམས་ཅད་མཁྱེན། །བཤད་སྒྲུབ་ཕྲིན་ལས་དབང་འབྱོར་རྡོ་རྗེ་འཛིན། །ངག་དབང་བསྟན་འཛིན་སྙན་གྲགས་ལ༴ སྤྱི་གཙུག་ཉི་ཟླ་པདྨའི་གདན་སྟེང་དུ། །སོགས་སྦྲེལ་ལོ། །བརྒྱུད་འདེབས་བསྡུས་པའི་ཁ་སྐོང་ལྔ་པ་རིན་པོ་ཆེས་མཛད་པའི་ཞལ་སྐོང་ནི། །མཚུངས་མེད་བླ་མ་རྣམས་གཉིས་ལ་གསོལ་བ་འདེབས། ཞེས་པའི་མཚམས། ཐུབ་བསྟན་རྡོ་རྗེ་བྲག་གི་ཆོས་གྲྭ་རུ། །རིག་འཛིན་ཆེན་པོ་པདྨ་ཕྲིན་ལས་དང་། །རྨོར་ཞེས་ངེས་གསང་གྲུབ་པའི་བསྟི་གནས་སུ། །འཇམ་པའི་དབྱངས་དངོས་ཀུན་དགའ་ལྷུན་གྲུབ་སྟེ། །མཁས་གྲུབ་ཆེན་པོ་རྣམ་གཉིས་ལ་གསོལ་བ་འདེབས། །དམ་པས་བྱིན་བརླབས་བཀྲ་ཤིས་ཆོས་ཀྱི་སྡེར། །བསྟན་པའི་ཉི་མ་གནས་གསར་རྡོ་རྗེ་འཆང་། གང་དེས་རྗེས་བཟུང་མཚུངས་མེད་ཆོས་ཀྱི་རྗེ། །མཁས་བཙུན་ཆེན་པོ་བློ་གསལ་ཕུན་ཚོགས་ཏེ། །རྣམ་འདྲེན་དམ་པ་རྣམ་གཉིས་ལ་གསོལ་བ་འདེབས། །དཔལ་ལྡན་རྒྱུན་གྱི་དབང་པོའི་ཆོས་གྲྭ་རུ། །པདྨས་རྗེས་བཟུང་བསྟན་འཛིན་ཕྲིན་ལས་དང་། །མགོན་དེས་བྱིན་བརླབས་གྲུབ་པའི་གཞལ་ཡས་སུ། །ངག་གི་དབང་ཕྱུག་ཕྲིན་ལས་ཡོན་ཏན་ཏེ། །འཇམ་མགོན་བླ་མ་རྣམ་གཉིས་ལ་གསོལ་བ་འདེབས། །ཤེས་བྱ་ཀུན་གཟིགས་ཆོས་ཀྱི་ཕོ་བྲང་དུ། །མཆོག་གི་སྤྲུལ་སྐུ་བསྟན་འཛིན་སྙན་གྲགས་དང་། །སྤྱི་གཙུག་ཆུ་སྐྱེས་བཞད་པའི་ཟུར་ཕུད་རྩེར། །སྐྱབས་གནས་ཀུན་འདུས་རྩ་བའི་བླ་མ་སྟེ། །བཀའ་དྲིན་མཚུངས་མེད་རྣམ་གཉིས་ལ་གསོལ་བ་འདེབས། །གཙང་སྟོད་རུ་ལག་སོགས་སྦྲེལ་ལོ། །རིག་འཛིན་གཏེར་བདག་གླིང་པས་མཛད་པའི་བརྒྱུད་འདེབས་ཀྱི་ཁ་སྐོང་ནི་ཆོས་རྒྱལ་གཏེར་བདག་གླིང་པ་ལ་གསོལ་བ་འདེབས། །ཞེས་པའི་མཚམས། རྒྱལ་སྲས་རིན་ཆེན་རྣམ་རྒྱལ་ལ་གསོལ་བ༴ འགྱུར་མེད་པདྨ་བསྟན་འཛིན་ལ༴ རིག་འཛིན་ཕྲིན་ལས་རྣམ་རྒྱལ༴ རྗེ་བཙུན་ཕྲིན་ལས་མཚན་ཅན་ལ༴ དྲིན་ཆེན་རྩ་བའི་བླ་མ༴ ཡི་དམ་སྒྲུབ་ཆེན་བཀའ་བརྒྱད་ལ་གསོལ་བ་འདེབས། །སོགས་སྦྲེལ་ལོ། །ཞེས་པའི་ཁ་སྐོང་ལེ་ཚན་རྣམས་ཀྱང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པའི་དགེ་བས་འགྲོ་ཀུན་འཆི་མེད་མཚོ་སྐྱེས་བླ་མས་རྗེས་སུ་འཛིན་པའི་རྒྱུར་གྱུར་ཅིག། །། ༈

[edit]

ba ri ba'i chos skor lo rgyus nyung ngu /__ de la ba ri ba'i chos skor zhes bya ba ni/__rje btsun rin po che grags pa rgyal mtshan gyi zhal snga nas/__rje ba ri snying rje chen po dang ldan pas chos bsam gyis mi khyab kyang gtso cher gsungs pa ni/__/don yod zhags pa yan lag bcas/__rnam rgyal yan lag bcas pa dang /__/sgrub thabs bsdus pa dag dang ni/_/rdo rje gdan pa'i chos drug dang /__/dang po'i las pa'i bya slob dpon bsod nams rtse mos mdzad pa dang /__rje btsun grags pa'i chos spyod rin chen phreng ba sogs kyang gtso bor gzhung 'di la brten nas mdzad/__mchan bar bcas/__/lha dgu tshe dpag med/__mchan la sogs bsam mi khyab/__/ba ri rin chen grags pa yis/__/bod la phan pa'i don du bsgyur/__/zhes pa rnams so/__/de las 'dir tshogs sgom rin po che nas bzung brgyud pa'i zhal skong rnams sgrub thabs bsdus pa'am/__deng sang sgrub thabs brgya rtsar grags pa'i rjes gnang gi brgyud pa dang mthun par sbyar ba ste/__chos skor gzhan rnams kyi rgyun yang bar ma chad bar bzhugs pas sbyor bar spro na so so'i brgyud yig ltar kha bskong bar bya'o//__//zhes pa'ang many+dzu g+ho Shas so/___/__!_