JKW-KABUM-16-MA-029-035

From Khyentse Lineage - A Tsadra Foundation Project

གསོལ་འདེབས་ལེའུ་བདུན་མའི་བརྒྱུད་འདེབས་ཞལ་སྐོང་དང་བཅས་པ།
Wylie title gsol 'debs le'u bdun ma'i brgyud 'debs zhal skong dang bcas pa JKW-KABUM-16-MA-029.pdf
Location mkhyen brtse'i bka' 'bum
Volume 16, sde tshan 29, Text 35, Pages 311-314 (Folios 28a2 to 29b3)
Author འཇམ་དབྱངས་མཁྱེན་བརྩེའི་དབང་པོ་
Less details More details
Citation 'jam dbyangs mkhyen brtse'i dbang po. gsol 'debs le'u bdun ma'i brgyud 'debs zhal skong dang bcas pa. In 'jam dbyangs mkhyen brtse'i dbang po'i bka' 'bum, Vol. 16: 311-314. Khams sde dge rdzong sar dgon: Rdzong sar blo gros phun tshogs, 2020.
Genre Lineage Supplications - brgyud 'debs
Colophon

།ཞེས་པའི་ཁ་སྐོང་ལེ་ཚན་རྣམས་ཀྱང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པའི་དགེ་བས་འགྲོ་ཀུན་འཆི་མེད་མཚོ་སྐྱེས་བླ་མས་རྗེས་སུ་འཛིན་པའི་རྒྱུར་གྱུར་ཅིག།

zhes pa'i kha skong le tshan rnams kyang bya bral ba 'jam dbyangs mkhyen brtse'i dbang pos bris pa'i dge bas 'gro kun 'chi med mtsho skyes bla mas rjes su 'dzin pa'i rgyur gyur cig

":Property:textsubnumber|textsubnumber" can not be assigned to a declared number type with value 1.

[edit]
གསོལ་འདེབས་ལེའུ་བདུན་མའི་བརྒྱུད་འདེབས་ལེ་ཚན་རྣམས་ཀྱི་ཁ་སྐོང་བཞུགས། །གསོལ་འདེབས་ལེའུ་བདུན་མའི་བརྒྱུད་འདེབས་རྒྱས་པ་དཔལ་བཀྲ་ཤིས་སྟོབས་རྒྱལ་གྱིས་མཛད་པའི་ཁ་སྐོང་རྒྱལ་དབང་ལྔ་པ་རིན་པོ་ཆེས་མཛད་པའི་ཞལ་སྐོང་ནི། །ཟིལ་གནོན་དྲག་རྩལ་རྡོ་རྗེ་ལ་གསོལ་བ་འདེབས། །ཞེས་པའི་མཚམས། །བཤད་སྒྲུབ་འབྱུང་གནས་ཨེ་ཝཾ་ཆོས་གྲྭ་རུ། །ཚུལ་གནས་གསན་བསམ་སྒོམ་པའི་ཕ་མཐར་སོན། །བླ་མ་ལྷག་པའི་ལྷ་ཡིས་རྗེས་སུ་བཟུང་། །ཡོངས་རྫོགས་ཐུབ་བསྟན་གསལ་མཛད་རིག་འཛིན་རྗེ། །ཀུན་བཟང་པདྨ་ཕྲིན་ལས་ལ་གསོལ་བ་འདེབས། །སྨོན་དགའ་བསམ་གཏན་འཕེལ་བའི་གླིང་མཆོག་ཏུ། །རབ་འབྱམ་མདོ་སྔགས་སྨྲ་བའི་སེང་གེ་ཆེ། །ཟབ་གསང་སྙན་བརྒྱུད་རྒྱ་མཚོའི་མཛོད་གཅིག་པུ། །སྙིགས་དུས་བརྟན་པའི་སྲོག་ཤིང་རྨོར་ཆེན་རྗེ། །ངག་དབང་ཀུན་དགའ་ལྷུན་གྲུབ་ལ༴ བཀྲ་ཤིས་དགེ་མཚན་འབྱུང་བའི་ཆོས་ཀྱི་སྡེར། །པདྨས་རྗེས་བཟུང་ཚར་ཆེན་རྡོ་རྗེ་འཆང་། །བསམ་བཞིན་བསྟན་འགྲོའི་མགོན་དུ་ལེགས་བྱོན་པ། །ངག་གི་དབང་ཕྱུག་ཁྱབ་བདག་གནས་གསར་པ། །ཀུན་དགའ་ལེགས་པའི་འབྱུང་གནས་ལ༴ རུ་མཚམས་ཁ་རག་གྲུབ་པའི་སྨན་ལྗོངས་སུ། །རིས་མེད་དམ་པ་དུ་མས་རྗེས་བཟུང་ཞིང་། །བསླབ་གསུམ་རྣམ་དག་རིམ་གཉིས་ཏིང་འཛིན་བརྟན། །བཤད་དང་སྒྲུབ་པའི་དཔལ་མངའ་ཆོས་ཀྱི་རྗེ། །མཚུངས་མེད་བློ་གསལ་ཕུན་ཚོགས་ལ༴ མཁས་པའི་འབྱུང་གནས་དཔལ་ལྡན་ན་ལནྜར། །ཕྱི་ནང་ཤེས་བྱ་ཀུན་གཟིགས་པཎྜིཏ། །མང་ཐོས་འདུལ་བ་འཛིན་པ་རྒྱལ་བའི་སྲས། །མཚོ་སྐྱེས་བླ་མས་རྗེས་བཟུང་རིག་པ་འཛིན། །ངག་དབང་བསྟན་འཛིན་ཕྲིན་ལས་ལ༴ རོང་སྟོན་ཆེན་པོས་བྱིན་རླབས་ཆོས་གྱི་གྲར། །ཟབ་རྒྱས་གདམས་པ་དུ་མའི་གཏེར་མཛོད་ཆེ། །འཆད་རྩོད་རྩོམ་ལ་མཚུངས་མེད་སྨྲ་བའི་དབང་། །བརྟན་མཁས་ཡོན་ཏན་ཡོངས་རྫོགས་དགེ་བའི་བཤེས། །བྱམས་པ་ཕྲིན་ལས་ཡོན་ཏན་ལ༴ དམ་པས་བྱིན་བརླབས་གཟིམ་འོག་བླ་བྲང་དུ། །འོད་གསལ་ལྷ་རིགས་མཆོག་གི་སྤྲུལ་པའི་སྐུ། །བསླབ་གསུམ་རྣམ་དག་ཤེས་བྱ་ཐམས་ཅད་མཁྱེན། །བཤད་སྒྲུབ་ཕྲིན་ལས་དབང་འབྱོར་རྡོ་རྗེ་འཛིན། །ངག་དབང་བསྟན་འཛིན་སྙན་གྲགས་ལ༴ སྤྱི་གཙུག་ཉི་ཟླ་པདྨའི་གདན་སྟེང་དུ། །སོགས་སྦྲེལ་ལོ། །བརྒྱུད་འདེབས་བསྡུས་པའི་ཁ་སྐོང་ལྔ་པ་རིན་པོ་ཆེས་མཛད་པའི་ཞལ་སྐོང་ནི། །མཚུངས་མེད་བླ་མ་རྣམས་གཉིས་ལ་གསོལ་བ་འདེབས། ཞེས་པའི་མཚམས། ཐུབ་བསྟན་རྡོ་རྗེ་བྲག་གི་ཆོས་གྲྭ་རུ། །རིག་འཛིན་ཆེན་པོ་པདྨ་ཕྲིན་ལས་དང་། །རྨོར་ཞེས་ངེས་གསང་གྲུབ་པའི་བསྟི་གནས་སུ། །འཇམ་པའི་དབྱངས་དངོས་ཀུན་དགའ་ལྷུན་གྲུབ་སྟེ། །མཁས་གྲུབ་ཆེན་པོ་རྣམ་གཉིས་ལ་གསོལ་བ་འདེབས། །དམ་པས་བྱིན་བརླབས་བཀྲ་ཤིས་ཆོས་ཀྱི་སྡེར། །བསྟན་པའི་ཉི་མ་གནས་གསར་རྡོ་རྗེ་འཆང་། གང་དེས་རྗེས་བཟུང་མཚུངས་མེད་ཆོས་ཀྱི་རྗེ། །མཁས་བཙུན་ཆེན་པོ་བློ་གསལ་ཕུན་ཚོགས་ཏེ། །རྣམ་འདྲེན་དམ་པ་རྣམ་གཉིས་ལ་གསོལ་བ་འདེབས། །དཔལ་ལྡན་རྒྱུན་གྱི་དབང་པོའི་ཆོས་གྲྭ་རུ། །པདྨས་རྗེས་བཟུང་བསྟན་འཛིན་ཕྲིན་ལས་དང་། །མགོན་དེས་བྱིན་བརླབས་གྲུབ་པའི་གཞལ་ཡས་སུ། །ངག་གི་དབང་ཕྱུག་ཕྲིན་ལས་ཡོན་ཏན་ཏེ། །འཇམ་མགོན་བླ་མ་རྣམ་གཉིས་ལ་གསོལ་བ་འདེབས། །ཤེས་བྱ་ཀུན་གཟིགས་ཆོས་ཀྱི་ཕོ་བྲང་དུ། །མཆོག་གི་སྤྲུལ་སྐུ་བསྟན་འཛིན་སྙན་གྲགས་དང་། །སྤྱི་གཙུག་ཆུ་སྐྱེས་བཞད་པའི་ཟུར་ཕུད་རྩེར། །སྐྱབས་གནས་ཀུན་འདུས་རྩ་བའི་བླ་མ་སྟེ། །བཀའ་དྲིན་མཚུངས་མེད་རྣམ་གཉིས་ལ་གསོལ་བ་འདེབས། །གཙང་སྟོད་རུ་ལག་སོགས་སྦྲེལ་ལོ། །རིག་འཛིན་གཏེར་བདག་གླིང་པས་མཛད་པའི་བརྒྱུད་འདེབས་ཀྱི་ཁ་སྐོང་ནི་ཆོས་རྒྱལ་གཏེར་བདག་གླིང་པ་ལ་གསོལ་བ་འདེབས། །ཞེས་པའི་མཚམས། རྒྱལ་སྲས་རིན་ཆེན་རྣམ་རྒྱལ་ལ་གསོལ་བ༴ འགྱུར་མེད་པདྨ་བསྟན་འཛིན་ལ༴ རིག་འཛིན་ཕྲིན་ལས་རྣམ་རྒྱལ༴ རྗེ་བཙུན་ཕྲིན་ལས་མཚན་ཅན་ལ༴ དྲིན་ཆེན་རྩ་བའི་བླ་མ༴ ཡི་དམ་སྒྲུབ་ཆེན་བཀའ་བརྒྱད་ལ་གསོལ་བ་འདེབས། །སོགས་སྦྲེལ་ལོ། །ཞེས་པའི་ཁ་སྐོང་ལེ་ཚན་རྣམས་ཀྱང་བྱ་བྲལ་བ་འཇམ་དབྱངས་མཁྱེན་བརྩེའི་དབང་པོས་བྲིས་པའི་དགེ་བས་འགྲོ་ཀུན་འཆི་མེད་མཚོ་སྐྱེས་བླ་མས་རྗེས་སུ་འཛིན་པའི་རྒྱུར་གྱུར་ཅིག། །། ༈
[edit]

gsol 'debs le'u bdun ma'i brgyud 'debs zhal skong dang bcas pa/__ gsol 'debs le'u bdun ma'i brgyud 'debs le tshan rnams kyi kha skong bzhugs/__/gsol 'debs le'u bdun ma'i brgyud 'debs rgyas pa dpal bkra shis stobs rgyal gyis mdzad pa'i kha skong rgyal dbang lnga pa rin po ches mdzad pa'i zhal skong ni/__/zil gnon drag rtsal rdo rje la gsol ba 'debs/__/zhes pa'i mtshams/__/bshad sgrub 'byung gnas e waM chos grwa ru/__/tshul gnas gsan bsam sgom pa'i pha mthar son/__/bla ma lhag pa'i lha yis rjes su bzung /__/yongs rdzogs thub bstan gsal mdzad rig 'dzin rje/__/kun bzang pad+ma phrin las la gsol ba 'debs/__/smon dga' bsam gtan 'phel ba'i gling mchog tu/__/rab 'byam mdo sngags smra ba'i seng ge che/__/zab gsang snyan brgyud rgya mtsho'i mdzod gcig pu/__/snyigs dus brtan pa'i srog shing rmor chen rje/__/ngag dbang kun dga' lhun grub la=__bkra shis dge mtshan 'byung ba'i chos kyi sder/__/pad+mas rjes bzung tshar chen rdo rje 'chang /__/bsam bzhin bstan 'gro'i mgon du legs byon pa/__/ngag gi dbang phyug khyab bdag gnas gsar pa/__/kun dga' legs pa'i 'byung gnas la=__ru mtshams kha rag grub pa'i sman ljongs su/__/ris med dam pa du mas rjes bzung zhing /__/bslab gsum rnam dag rim gnyis ting 'dzin brtan/__/bshad dang sgrub pa'i dpal mnga' chos kyi rje/__/mtshungs med blo gsal phun tshogs la=__mkhas pa'i 'byung gnas dpal ldan na lan+Dar/__/phyi nang shes bya kun gzigs paN+Dita/__/mang thos 'dul ba 'dzin pa rgyal ba'i sras/__/mtsho skyes bla mas rjes bzung rig pa 'dzin/__/ngag dbang bstan 'dzin phrin las la=__rong ston chen pos byin rlabs chos gyi grar/__/zab rgyas gdams pa du ma'i gter mdzod che/__/'chad rtsod rtsom la mtshungs med smra ba'i dbang /__/brtan mkhas yon tan yongs rdzogs dge ba'i bshes/__/byams pa phrin las yon tan la=__dam pas byin brlabs gzim 'og bla brang du/__/'od gsal lha rigs mchog gi sprul pa'i sku/__/bslab gsum rnam dag shes bya thams cad mkhyen/__/bshad sgrub phrin las dbang 'byor rdo rje 'dzin/__/ngag dbang bstan 'dzin snyan grags la=__spyi gtsug nyi zla pad+ma'i gdan steng du/__/sogs sbrel lo/__/brgyud 'debs bsdus pa'i kha skong lnga pa rin po ches mdzad pa'i zhal skong ni/__/mtshungs med bla ma rnams gnyis la gsol ba 'debs/__zhes pa'i mtshams/__thub bstan rdo rje brag gi chos grwa ru/__/rig 'dzin chen po pad+ma phrin las dang /__/rmor zhes nges gsang grub pa'i bsti gnas su/__/'jam pa'i dbyangs dngos kun dga' lhun grub ste/__/mkhas grub chen po rnam gnyis la gsol ba 'debs/__/dam pas byin brlabs bkra shis chos kyi sder/__/bstan pa'i nyi ma gnas gsar rdo rje 'chang /__gang des rjes bzung mtshungs med chos kyi rje/__/mkhas btsun chen po blo gsal phun tshogs te/__/rnam 'dren dam pa rnam gnyis la gsol ba 'debs/__/dpal ldan rgyun gyi dbang po'i chos grwa ru/__/pad+mas rjes bzung bstan 'dzin phrin las dang /__/mgon des byin brlabs grub pa'i gzhal yas su/__/ngag gi dbang phyug phrin las yon tan te/__/'jam mgon bla ma rnam gnyis la gsol ba 'debs/__/shes bya kun gzigs chos kyi pho brang du/__/mchog gi sprul sku bstan 'dzin snyan grags dang /__/spyi gtsug chu skyes bzhad pa'i zur phud rtser/__/skyabs gnas kun 'dus rtsa ba'i bla ma ste/__/bka' drin mtshungs med rnam gnyis la gsol ba 'debs/__/gtsang stod ru lag sogs sbrel lo/__/rig 'dzin gter bdag gling pas mdzad pa'i brgyud 'debs kyi kha skong ni chos rgyal gter bdag gling pa la gsol ba 'debs/__/zhes pa'i mtshams/__rgyal sras rin chen rnam rgyal la gsol ba=__'gyur med pad+ma bstan 'dzin la=__rig 'dzin phrin las rnam rgyal=__rje btsun phrin las mtshan can la=__drin chen rtsa ba'i bla ma=__yi dam sgrub chen bka' brgyad la gsol ba 'debs/__/sogs sbrel lo/__/zhes pa'i kha skong le tshan rnams kyang bya bral ba 'jam dbyangs mkhyen brtse'i dbang pos bris pa'i dge bas 'gro kun 'chi med mtsho skyes bla mas rjes su 'dzin pa'i rgyur gyur cig/___//__!_

Footnotes

Other Information