JKW-KABUM-10-THA-004-007

From Khyentse Lineage - A Tsadra Foundation Project
Revision as of 14:45, 2 June 2021 by Mort (talk | contribs)

Wylie title JKW-KABUM-10-THA-004.pdf
Location mkhyen brtse'i bka' 'bum
Volume 10, sde tshan 4, Text 7, Pages (Folios to )
Author འཇམ་དབྱངས་མཁྱེན་བརྩེའི་དབང་པོ་
Less details More details
Associated People མ་ཏི་པཎ་ཆེན་ (Paṇḍitamati)
Citation 'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 10: 141-144. Khams sde dge rdzong sar dgon: Rdzong sar blo gros phun tshogs, 2020.
Genre
Cycle མ་ཏི་ལུགས་འཇམ་དཀར་ (ma ti lugs 'jam dkar)
Deity 'jam dpal dbyangs, 'jam dpal dkar po

1 Texts in this Section (sde tshan or chos tshan)

[edit]
འཇམ་དབྱངས་དཀར་པོའི་སྒྲུབ་པའི་སྐབས་སུ་ཉེ་བར་མཁོ་བའི་བསྟོད་ཚིག་གི་ཁ་སྐོང་། ༄༅། །འཇམ་དབྱངས་དཀར་པོའི་སྒྲུབ་པའི་སྐབས་སུ་ཉེ་བར་མཁོ་བའི་བསྟོད་ཚིག་གི་ཁ་སྐོང་བཞུགས་སོ། །ཨོཾ་སྭ་སྟི། འཇམ་དབྱངས་དཀར་པོ་མ་ཏི་ལུགས་ཀྱི་སྒྲུབ་པའི་སྐབས་མདུན་བསྐྱེད་དང་མཐུན་པའི་བསྟོད་པ་ནི། པཎྜིཏ་མ་ཏིས་མཛད་པའི་བསྟོད་པ་ལས། །མུ་མེད་འོད་ཟེར་འཕྲོ་ལ་ཕྱག་འཚལ་ལོ། །ཞེས་པ་ཡན་དཀྱུས་ལྟར་ལ། དེ་ནས། །གཡས་སུ་ཀུན་ཏུ་བཟང་པོ་ནམ་མཁའི་མདོག །ཞལ་གཅིག་ཕྱག་གཉིས་རྔ་ཡབ་ནོར་བུ་བསྣམས། །གང་གིས་དྲན་པས་བྱང་ཆུབ་སྤྱོད་མཆོག་གི །སྨོན་ལམ་རྫོགས་པར་མཛད་ལ་ཕྱག་འཚལ་ལོ། །གཡོན་དུ་སྤྱན་རས་གཟིགས་དབང་ཟླ་ཤེལ་མདངས། །ཞལ་གཅིག་ཕྱག་གཉིས་རྔ་ཡབ་པད་དཀར་བསྣམས། །སྙིང་རྗེ་ཆེན་པོས་མཐའ་ཡས་ཡིད་ཅན་ཀུན། །ཕན་བདེའི་དབུགས་འབྱིན་སྩོལ་ལ་ཕྱག་འཚལ་ལོ། །སྟེང་གི་ནམ་མཁར་ཆུ་འཛིན་ཕྲེང་བའི་དབུས། །འཆི་མེད་རིགས་ཀྱི་རིག་འཛིན་གཞོན་ནུ་གཉིས། །ལྷ་རྫས་མེ་ཏོག་ཕྲེང་བ་ལེགས་འཛིན་ཅིང་། །མཆོད་པའི་ཆར་ཆེན་འབེབས་ལ་ཕྱག་འཚལ་ལོ། །མདོར་ན་དད་པའི་ཡིད་མཁར་ཤར་བ་ཡི། །འཕགས་པའི་ཞིང་ཁམས་རྟེན་དང་བརྟེན་པར་བཅས། །འཇམ་མགོན་ཡེ་ཤེས་རོལ་མོ་ལས་བྱུང་ཕྱིར། །རྟག་ཏུ་གུས་པའི་ཡིད་ཀྱིས་ཕྱག་འཚལ་ལོ། །དཔལ་མཆོག་སྐུ་ཡི་སོགས་སྦྲེལ་ལོ། །ཞེས་པའང་མཁྱེན་བརྩེའི་དབང་པོས་གསོལ་བ་བཏབ་པ་དགེ་ལེགས་སུ་གྱུར་ཅིག །སརྦ་མདྒ་ལཾ་བྷ་བ་ཏུ། ། ༈
[edit]

'jam dbyangs dkar po'i sgrub pa'i skabs su nye bar mkho ba'i bstod tshig gi kha skong / @#/_/'jam dbyangs dkar po'i sgrub pa'i skabs su nye bar mkho ba'i bstod tshig gi kha skong bzhugs so/_/oM swa sti/__'jam dbyangs dkar po ma ti lugs kyi sgrub pa'i skabs mdun bskyed dang mthun pa'i bstod pa ni/__paN+Dita ma tis mdzad pa'i bstod pa las/__/mu med 'od zer 'phro la phyag 'tshal lo/__/zhes pa yan dkyus ltar la/__de nas/__/g.yas su kun tu bzang po nam mkha'i mdog__/zhal gcig phyag gnyis rnga yab nor bu bsnams/__/gang gis dran pas byang chub spyod mchog gi__/smon lam rdzogs par mdzad la phyag 'tshal lo/__/g.yon du spyan ras gzigs dbang zla shel mdangs/__/zhal gcig phyag gnyis rnga yab pad dkar bsnams/__/snying rje chen pos mtha' yas yid can kun/__/phan bde'i dbugs 'byin stsol la phyag 'tshal lo/__/steng gi nam mkhar chu 'dzin phreng ba'i dbus/__/'chi med rigs kyi rig 'dzin gzhon nu gnyis/__/lha rdzas me tog phreng ba legs 'dzin cing /__/mchod pa'i char chen 'bebs la phyag 'tshal lo/__/mdor na dad pa'i yid mkhar shar ba yi/__/'phags pa'i zhing khams rten dang brten par bcas/__/'jam mgon ye shes rol mo las byung phyir/__/rtag tu gus pa'i yid kyis phyag 'tshal lo/__/dpal mchog sku yi sogs sbrel lo/__/zhes pa'ang mkhyen brtse'i dbang pos gsol ba btab pa dge legs su gyur cig__/sarba mad+ga laM b+ha ba tu/____/_!_

Footnotes

Other Information