JKW-KABUM-04-NGA-001-029

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 4, sde tshan 1, Text 29, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 4: 155-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

29 424-458	སློབ་དཔོན་རིན་པོ་ཆེའི་སྐུ་ཆས་སོགས་ཟིན་ཐུན་སྣ་ཚོགས། slob dpon rin po che'i sku chas sogs zin thun sna tshogs Notes - zin bris	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སློབ་དཔོན་རིན་པོ་ཆེའི་སྐུ་ཆས་སོགས་ཟིན་ཐུན་སྣ་ཚོགས།

སློབ་དཔོན་རིན་པོ་ཆེའི་སྐུ་ཆས། ནང་དུ་མདུང་མའམ་གསང་གོས་དཀར་པོའམ། མཐིང་ག །དབྱིབས་རྡུལ་ལེན་ལྟ་བུ་དེ་སྟེང་ཕོད་ཁ་མཐིང་ནག་དང། ལ་ལར་མཐིང་ཁྲ། དེ་སྟེང་ཆོས་གོས་དམར་པོ་ལེའུ་ལ་གསེར་གྱི་ཧཱ་སྟེ་མེ་ཏོག་གི་རི་མོ་ཡོད་པ། ལ་ལར་པ་ཏྲའང་གསུངས་ཏེ། སྤྱི་འདུས་ཀྱི་ཤོག་སེར་ལའང་རྩ་མཆན་གྱི་ཚུལ་དུ་གཉིས་ཡོད་སྐད། དེ་སྟེང་ཟ་འོག་ཅེས་གོས་ཆེན་ཁ་དོག་སྣ་ཚོགས་ལྷུག་འཐགས་བྱས་པའི་ཁྲི་བེར་མནབས་པའོ། །འོན་ཀྱང་གཏེར་གཞུང་རྣམས་སུ་འདྲ་མིན་ཅི་རིགས་འབྱུང་བས་མཐའ་གཅིག་ཏུ་བཟུང་དཀའ། །ཀླུ་སྨན་ཐམས་ཅད་ལ་སྲོ་མ་ལེགས་ཚུལ་སྟག་ཤམ་རྣམ་ཐར་དང་གཞན་དུའང་སྣང་མོད་གང་ཡིན་དཔྱད། ཨཪྩིས་དང་། ན་རྩིས་ཞེས་འབར་བ་དང་། ཆེར་འབར་བ་ལ་འཇུག །ཕྱི་མ་ཚིག་ཕྲད་ཀྱིས་ཨ་ཕྱིས་པ་བཞེད། མ་ཧཱ་སནྡྷི་ལ་ལར་མ་ཧཱ་ས་མ་དྷི་ཟུར་ཆག་པས་ཏིང་འཛིན་ཆེན་པོ་ཞེས་པར་བཞེད། ཡང་སྒྲུབ་ཀྱིས་དམ་པ་འཛིན་པ་ཆེན་པོ་དང་། ཡང་ན་མཉམ་པའི་བློ་ཆེན་པོར་བསྒྱུར། ཞི་ཁྲོའི་ས་ནི་དུག་གི་ཕ་སོགས་ཀྱི་དོན། གནས་སྐབས་ཀུན་ཏུ་འབྱུང་བ་ལྔ་ལ་རྟེན་དང་བརྟེན་པའི་ཚུལ་གྱིས་དུག་གསུམ་བསྐྱེད་པ་ལ་དགོངས། །ཐམས་ཅད་ས་ཡི་རང་བཞིན་སོགས་ཀྱི་དོན། རགས་པའི་འབྱུང་བ་དང་རྫས་འགལ་བ་གཉུག་སེམས་དང་ལྷན་ཅིག་པའི་འབྱུང་བཞི་ཡུལ་བཞིའི་ངོ་བོར་བཞུགས་པ་ལས་རང་ཤར་བའི་ཞིང་ཁམས་ལ་དགོངས། བཏགས་གྲོལ་རྒྱུན་དུ་འཆང་བ་ཙམ་ལ་འགལ་བ་མེད་འདྲ། ཇི་ལྟར་ཡང་དབུགས་ལ་ངེས་པར་སླེབས་དགོས་པ་རྒྱུད་སྡེའི་དགོངས་པ་ཡིན། མ་བསྒོམས་སངས་རྒྱས་ཆོས་ལྔའམ་དྲུག་གི་ངོས་འཛིན་འདྲ་མིན་མང་སྟེ། མཐོང་གྲོལ་སྐུ་ཚབ་དང་། ཙཀྲ། མེ་ལོང་སོགས་ལ་བརྟེན་པ་དང་། ལ་ལར་ཐོད་རྒལ་གྱི་ངོ་སྤྲོད་ཐོས་གྲོལ་བཏགས་གྲོལ་གྱི་གསང་སྔགས་བཀླག་པ་དང་། ཁྲེགས་ཆོད་ཀྱི་ངོ་སྤྲོད། རེག་གྲོལ་པདྨ་ཅན་ལ་སྦྱོར་བ་དང་། ལ་ལར་རྫས་ཀྱི་སྦོར་བའང་གསུང་། སྤྱིར་གྲོལ་བ་ཙམ་ལ་རྣམ་གྲངས་མང་ཞིང་། མི་འཁྲུགས་པའི་གཟུངས་སྔགས་མཐོང་གྲོལ་དང་། པདྨོཥྞཱི་ཥཱིའི་སྔགས་དུང་ལ་བཏབ་ནས་ཐོས་གྲོལ། དེ་ཉིད་ཀྱི་དུ་བས་བདུགས་པའི་ཆོས་གོས་ཀྱིས་རེག་གྲོལ། དབང་པོ་རབ་འབྲིང་གི་ཁྱད་ཡིན། སོར་འབྲང་མའི་འཁོར་ལོས་བཏགས་གྲོལ། དོན་ཞགས་སོགས་ཀྱི་རིལ་བུ་བསྒྲུབས་པ་དང་། ལན་བདུན་པའི་མྱོང་གྲོལ་སོགས་གསར་མའི་རྒྱུད་དང་མན་ངག་ལས་རྒྱ་ཆེར་བཤད་པས་རྙིང་མ་གཅིག་པུར་དོགས་འཚང་མི་དགོས་ཤིང་། དེས་རྒྱུ་བྱས་ནས་སྐྱེ་བ་ཕྱི་མར་མྱོང་འགྱུར་ངན་སོང་གི་སྡུག་བསྔལ་ལས་གྲོལ་ནས། རིམ་གྱིས་མཐོ་རིས་ཀྱི་རྟེན་ལས་རྣམ་པར་གྲོལ་བའི་གོ་འཕང་ཐོབ་པ་ལ་དགོངས་པའི་ཕྱིར་རོ།། །། ༈ བླ་མའི་རྣལ་འབྱོར་དང་། སྐྱབས་ཡུལ་སོགས་བདག་མདུན་གྱི་ཚུལ་དུ་བསྒོམ། རྡོར་སེམས་བདག་བསྐྱེད་རིགས་བདག་གི་ཚུལ་དུ་བསྒོམ།། །། ༈ སེམས་འཁྲིད་ཀྱི་སྐོར་རྣམས་བླ་མའི་བྱིན་རླབས་ཀྱི་རིམ་པ་ལ་ལྟོས་ནས་རང་རྒྱུད་ལ་ཤུགས་འབྱུང་གི་ཚུལ་དུ་རིམ་གྱིས་སྐྱེ་བ་མ་གཏོགས། ཚིག་སྐམ་གྱི་བཤད་པ་མང་པོས་ཉམས་ལེན་ལ་བྱ་ཤོར་དུ་འགྲོ་བས་གཏན་ནས་མི་བྱེད་དོ། །འོན་ཏེ་དགེ་ཕྱོགས་ཀྱི་གནད་བཞིའི་དཔྱད་པས་ལྟ་བ་བཙལ་ཚུལ་སོགས་དབང་པོ་རྟུལ་པོ་དང་། ལས་དང་པོ་པའི་རིགས་ལ་བློ་སྦྱོང་བའི་ཐབས་དང་། བག་ཆགས་འཇོག་ཐབས་ལེགས་པར་བཞེད་ཅེས་སྣང་ངོ་།། །། ༈ ཀུ་རུ་ཀུལླེ་ཞེས་པའི་སྒྲ། ཌུཀྲྀཉ྄་བྱེད་པ་ལ་ཧི་དང་། ཀུ་ལ་ཚོགས་པ་ལ་གྷཉ྄་སྦྱར་མཐར་ཨཱི་པྲ་བྱིན་པས་གྲུབ་པ་དང་། བོད་སྐད་དུ་ཆགས་བྱེད་མར་འགྱུར་ཚུལ་སོགས་སྣང་ཡང་དཔྱད་བྱའི་གནས་དང་། རྡོ་རྗེ་སྙིང་འགྲེལ་དུ་ངེས་ཚིག་གི་བཤད་པ་ཡོད་པ་ལྟར་ལེགས། ། ༈ མཐོང་སྤོང་ནི་མཐོང་བའི་ལམ་གྱི་སྤང་བྱའི་ངོ་སྐལ་དུ་གྱུར་པ་སྟེ། ཉོན་མོངས་མངོན་གྱུར། བསྒོམ་སྤང་ནི་དེ་ཉིད་ཀྱིས་སྤང་བྱ་བག་ཉལ་རྣམས་སོ། །བྱང་ཕྱོགས་སོ་བདུན་འཁྲིད་རིམ་དང་སྦྱར་ན། དལ་འབྱོར་རྙེད་དཀའ། འཆི་བ་མི་རྟག་པ། འཁོར་བའི་ཉེས་དམིགས་རྣམས་ཚོགས་ལམ་ཆུང་ངུ་། ལས་རྒྱུ་འབྲས་བསྟན་པ་ཚོགས་ལམ་འབྲིང་པོ། །སྐྱབས་སེམས་སྔོན་དུ་འགྲོ་བས་ལྷ་དང་མི་ཡི་སེམས་འཛིན་སོགས་ཚོགས་ལམ་ཆེན་པོ། ཕར་ཕྱིན་དྲུག་གི་ཉམས་ལེན་རྒྱས་པར་བཤད་པ་སྦྱོར་ལམ་དྲོད་རྩེ། ཁྱད་པར་ཕར་ཕྱིན་ཐ་མ་གཉིས་ལ་སྙིང་པོར་དྲིལ་བ་བཟོད་ཆོས། ཐ་མའི་དངོས་འབྲས་བདེན་པ་མཐོང་བ་མཐོང་ལམ་དེའི་རྒྱུན་གོམས་པར་བྱེད་ཅིང་རང་གཞན་གཉིས་ཀའི་དོན་སྤྱོད་པ་སྒོམ་ལམ། དེའི་དངོས་འབྲས་མི་སློབ་པའི་ལམ་མོ། །སྔགས་དང་སྦྱར་ན། རྡོ་རྗེ་ཐེག་པའི་ཉམས་ལེན་ཐམས་ཅད་ཕར་ཕྱིན་དྲུག་ཏུ་བསྡུ་བའི་ཚུལ་གྱིས་སོ། །དེ་ལྟར་ནའང་བྱ་སྤྱོད་གཉིས་ཀྱི་ཉམས་ལེན་ནི། རྒྱུ་དང་འབྲས་བུའི་རྣལ་འབྱོར་ལམ་དུ་བྱེད་པ་སྟེ། རྒྱུ་ཚོགས་གཉིས་བསགས་པ་སྔོན་དུ་འགྲོ་བས། འབྲས་བུ་མདུན་ནམ་རང་ལྷར་བསལ་བ་གཟུགས་སྐུ་དང་། མཐར་བྱས་ཡེ་ཤེས་པ་གཤེགས་བསྡུ་སོགས་ཆོས་སྐུའོ། །རྣལ་འབྱོར་རྒྱུད་ཀྱི་ཉམས་ལེན་ནི། ལར་ཐར་པའི་འདྲ་འབགས་རྫོགས་པའི་སངས་རྒྱས་དང་པོར་ཐུགས་བསྐྱེད་པ་ནས་མཐར་གྱིས་ལོངས་སྤྱོད་རྫོགས་པ་དང་སྤྲུལ་པའི་སྐུའི་སངས་རྒྱས་མཛད་པ་དང་བཅས་པར་རྗེས་སུ་མཐུན་པའོ། །བླ་མེད་ནི་མར་འཁོར་བའི་འདྲ་འབགས་ལམ་དུ་བྱེད་པས་གནས་བསྒྱུར་བའི་ཚུལ་གྱིས་བསྒོམ་པ་སྟེ། སྐྱེ་བ་སྔ་མའི་འཆི་ཁའི་འོད་གསལ་ནས། ད་ལྟའི་འཆི་བའི་འོད་གསལ་གྱི་བར་མངོན་རྟོགས་གཅིག་གིས་སྦྱངས་ཤིང་སྒྱུར་བར་བྱེད་པའོ། །གནད་དེ་རྣམས་ལ་ལེགས་པར་དཔྱད་པས་ཟབ་པ་དང་། མི་ཟབ་པའི་ཚུལ་ཀྱང་ཤེས་པར་སླའོ།། །། ༈ ལྟ་བ་ནི། །གནས་སྐབས་ཁས་བླངས་པའི་དབང་དུ་བྱས་ན། དབུ་མ་ཐལ་འགྱུར་བ་ཁོ་ན་དང་མཐུན་པར་སྨྲ་སྟེ། དེ་ལ་ནི་སྐྱོན་གྱི་གཞི་མ་གྲུབ་པའི་ཕྱིར་རོ། །མཐར་ཐུག་མཉམ་པར་བཞག་པའང་དེ་ཉིད་ཀྱི་ཁས་ལེན་དང་བྲལ་བར་གཅིག་ཏུ་འབབ་ས་མོད། འོན་ཏེ་གྲུབ་མཐའི་མིང་འདོགས་པས་ཅི་ཡང་བྱར་མེད་དོ། །གནད་འདི་ཤེས་ན་དགག་སྒྲུབ་མང་པོ་སྲང་མདོའི་ཁྱི་འཛིང་དང་འདྲ་བས་ཐུགས་བདེ་འབོལ་གྱིས་བཞུགས་ཤིག །ད་དུང་ཡིད་མ་ཆེས་ན་ཤེར་ཕྱིན་སྟོང་ཕྲག་བརྒྱ་པ་ལ་དྲིས་ཤིག །དེས་ཀྱང་ཡིད་མ་ཆེས་ན་ཐེག་པ་ཆེན་པོའི་ནང་ནས་བཞེངས་ཤིག། ། ༈ རྡོར་ཕྲེང་སོགས་ཀྱིས་སྐབས། མ་ཧ་རཱཀྟ་སོགས་བོད་སྐད་དུ་བསྒྱུར་ན། དགའ་བ་ཆེན་པོ་ཤིན་ཏུ་བརྟན། །ཤིན་ཏུ་དགྱེས་དང་ཤིན་ཏུ་བདེ། །རྡོ་རྗེ་སེམས་དཔའ་དེ་རིང་ནི། །གྲུབ་པར་མཛོད་ཅིག་བདག་ལའོ། །ཞེས་ས་བཟང་མ་ཏི་པཎ་ཆེན་གྱི་འགྱུར་རོ།། །། ༈ མཁའ་སྤྱོད་མའི་ཁྲིད་ཀྱི་སྐབས་གཉིས་སྐྱེས་མཆོག་གཉིས་ནི། རཏྣ་རཀྵི་ཏ་དང་། མ་ན་ཀ་ཤྲཱི། གཉིས་བྲལ་འཆད་དུས་ཞལ་ཤེས་གསུམ་ཞེས་པ། བསྐྱེད་རྫོགས་གཉིས་ཟུང་འབྲེལ་དུ་འཆད་སྐབས། བསྐྱེད་རིམ་ལ་བླ་མ་བསྐྱེད་བསྟིམ། རྫོགས་རིམ་བསམ་མི་ཁྱབ་ཐུན་མིན་བཅས་གསུམ་མོ། །གཉིས་བྲལ་ཆིག་བརྒྱུད་ཀྱི་དོན་དུ་འདོད་པ་དང་། དབུ་མར་ངོས་འཛིན་པ་སོགས་སྣང་ངོ་།། །། ༈ རྒྱུན་གྱི་ཉམས་ལེན་གྱི་སྙིང་པོ་ནི། ལྷ་སྐུ་སྣང་སྟོང་དབྱེར་མེད་དང་རང་རིག་པ་མ་བཅོས་པ་མཉམ་ཁད་ཀྱིས་འདྲེས་པའི་ངང་ལས་སྔགས་ཡིད་བཟླས་བྱ་བ་ཁོ་ནའོ།། །། ༈ ཁ་ཅིག་རྙིང་མའི་སྔགས་ལ་བོད་སྐད་མང་དུ་འདྲེས་པ་སོགས་ཀྱིས་བྱིན་རླབས་གཡེལ་བར་སེམས་པ་དག་སྣང་མོད། དེ་ནི་བློ་གྲོས་ཕུར་ཁུང་ཐུག་པ་སྟེ། གྲུབ་པའི་སློབ་དཔོན་པདྨ་སཾ་བྷཱ་བ་ལ་སོགས་པ་སྔགས་འབྲས་བྱིན་གྱིས་རློབ་པའི་མཐུ་དང་ལྡན་པ་རྣམས་ཀྱིས་དེ་ལྟར་བྱིན་གྱིས་བརླབས་པས་ན་འགལ་བ་ཅུང་ཟད་ཙམ་ཡང་མེད་དོ། །དེ་ཡང་མི་འདོད་ན། གསར་པའི་རྒྱུད་སྡེའི་སྔགས་རྣམས་ལས་ཀྱང་དེ་བཞིན་གཤེགས་པའི་བརྡ་དང་། མཁའ་འགྲོའི་སྐད་དང་། ཟུར་ཆག་དང་། འགྲོ་ལྡིང་པའི་སྐད་ལ་སོགས་པ་ཇི་སྙེད་ཅིག་འབྱུང་བས་ན་ལེགས་སྦྱར་ཁོ་ནས་མ་ཁྱབ་ཅིང་། ཟུར་ཆག་ལ་སོགས་པ་འདྲེས་པས་བྱིན་རླབས་མི་ཉམས་པ་དང་། བོད་ཡུལ་ཁོ་ནའི་སྐད་ཀྱིས་དེ་ལས་ལྡོག་པའི་རྒྱུ་མཚན་ཅི་ཡང་མེད་པའི་ཕྱིར་རོ།། །། ༈ ལ་ལ་དག་ལམ་འབྲས་དང་། རྫོགས་ཆེན་གྱི་གཞུང་ཁ་ཅིག་སོགས་ལས་སྣང་བ་སེམས་སུ་གསུངས་པས་སེམས་ཙམ་བར་འདོད་མོད། དེ་ནི་མ་ཡིན་ཏེ། འོག་མ་དག་རིམ་གྱིས་བློ་དྲང་བའི་ཕྱིར་དུ་གསུངས་པས་ཐབས་ལ་མཁས་པ་ཁོ་ནའི་ཁྱད་པར་གྱི་ཆོས་སྟེ། གཞན་དུ་ན་གདུལ་བྱ་ལ་དབང་པོ་མཆོག་དམན་ལ་སོགས་པའི་དབྱེ་བ་བསམ་གྱིས་མི་ཁྱབ་པ་ཡོད་པའི་ཕྱིར་ཐམས་ཅད་ལམ་གཅིག་གིས་བཀྲི་མི་ཤེས་པར་འགྱུར་བའི་ཕྱིར་རོ། །རང་རང་གི་བཞེད་པ་དངོས་ནི་སེམས་ཙམ་པར་ནམ་དུའང་གནས་མི་སྲིད་དེ། དགོངས་པ་མཐར་ཐུག་པ་བརྗོད་བྲལ་དང་། བློ་འདས་ཀྱི་གནད་ལ་ཐུག་པའི་ཕྱིར་དབུ་མ་ཐལ་འགྱུར་བའི་དེ་ཁོ་ན་ཉིད་དང་ཚིག་ཙམ་མ་ཡིན་པར་མཐུན་ཏེ། སློབ་དཔོན་ཀླུས། ང་ལ་ཁས་ལེན་མེད་པས་ན། ང་ནི་སྐྱོན་མེད་ཁོ་ན་ཡིན། །ཞེས་གསུངས་པའི་ཁས་ལེན་མེད་པ་དང་བརྗོད་བྲལ་གཉིས་དོན་གཅིག་ཅིང་། དེ་ཡི་ངོ་བོ་བློ་འདས་ཡིན་པའི་ཕྱིར་རོ། །རྫོགས་ཆེན་གྱི་གཞུང་ཆེན་པོ་དག་ལས། སྣང་བ་སེམས་སུ་འདོད་པ་ང་ལས་གོལ་བ་ཡིན། །ཞེས་སོགས་གསུངས་པ་ནི་མཐར་ཐུག་གི་དོན་ལ་དགོངས་ཀྱི། གནས་སྐབས་ལམ་སྟེགས་ཙམ་དུ་ཁས་བླངས་ལ་འགལ་བ་མེད་པའང་ཤེས་དགོས་སོ།། །། ༈ ཐང་སྟོང་གི་རྒྱལ་པོ་ལུང་སྟོང་གི་སྨྱོན་པ་ཞེས་གྲུབ་ཐོབ་རང་གི་གསུངས་ཟུར་ལ་དཔགས་ན། ཐང་གི་སྐད་དོད། སྠ་ནི་འོས་འདུག །བོན་ལ་དངོས་གནས་སུའང་འཇིག་རྟེན་པ་དང་། མྱང་འདས་ཀྱི་ཐེག་པར་ཁྱད་ཆེ་བར་མ་ཟད། ཕྱི་ནང་གི་ཁྱད་འབྱེད་གྲགས་ཆེ་བའི། ཕྱི་པའི་དབང་དུ་བྱས་ན། ཏཱིརྠ་ཀ །ནང་པའི་དབང་དུ་བྱས་ན་དྷརྨ་ཞེས་འཇོག་འོས་སྨོན་རྒྱལ་ཀུན་གྲོལ་ནས་ཀྱང་རྣམ་བཤད་རིག་པའི་ལུང་དོན་དང་སྦྱར་སྣང་ཞུ། གྱད༷་ཀྱི་ཁམ༷་ཟས་ཞེས་པ་ཧབ་ཆེར་རོལ་པའི་དོན་ཡིན་ཕྱིར་སྐབས་དེར་ཐབས་ཤེས་བཟའ་བཏུང་མཆེད་ལྕམ་གྱིས་རོལ་པའི་དོན་འདུག །གཏེར་ཚག་ལ་སྟག་ཤམ་རྡོ་རྗེའི་དག་སྣང་དུ། ཐིག་ལེ་ཐབས་ཤེས་གཉིས་དང་ཟླ་ཚེས་དབྱེར་མེད་ཟུང་འཇུག་གི་མཚོན་དོན་ཡིན་གསུངས་འདུག་པས་འདི་སྒོར་ནས། ༔ འདི་བཞིན་དག་པར་བརྩི་འདུག །སྨིན་གླིང་པར་མར། ཿ འདི་བཞིན་སྣང་བ་དགོངས་པ་མཁའ་ལྟར་མཐའ་གཅིག་ཏུ་ཁ་ཚོན་ཆོད་པ་མེད་དམ་སྙམ།། །། ༈ ཤ་ལྔ་ལ་འཆད་ཚུལ་མི་འདྲ་བ་མང་དུ་ཡོད་པའི་རྒྱུ་མཚན། དུས་འཁོར་རྒྱུད་འགྲེལ་དུ། ཡུལ་གང་ན་ཟ་བ་པོ་ཡོད་ན་གསོད་པ་པོ་ཡོད་པས། བ་ལང་གི་ཤ་ཟ་བའི་ཡུལ་དུ་བ་ལང་གི་ཤ་ནི་ཁ་ན་མ་ཐོ་བའི་ཤར་གསུངས་པ་དང་མཐུན། སྔ་འགྱུར་གྱི་གཞུང་འགའ་ཞིག་ཏུ། བོད་ཡུལ་གྱི་དབང་དུ་བྱས་ཏེ། བ་ལང་གི་ཚབ་ཏུ་རྨ་བྱ་དང་། ཁྱི་ཤའི་ཚབ་ཏུ་སེང་གེའི་ཤ་བཞག་པ་སོགས་སྣང་ངོ་།། །། ༈ ཨཱ་ར་ལི་ཞེས་པ་ཐད་འགྱུར་རོལ་པ་དང་། བརྡ་སྐད་ལྟར་ན། ཨ་ནི་ཨ་བ་དྷཱུ་ཏི་སྟེ་དབུ་མ། ར་ནི་རཱ་ས་ན་སྟེ་རོ་མ། ལ་ནི་ལ་ལན་སྟེ་རྐྱང་མ་སྟེ། དབུ་རྐྱང་རོ་གསུམ་གྱི་བརྡས་བསྟན་པའི་མཁའ་སྤྱོད་ས་སྤྱོད་ས་འོག་སྤྱོད་དེ་གནས་གསུམ་གྱི་དཔའ་བོ་དང་མཁའ་འགྲོ་མ་རྣམས་འབོད་པའི་དོན་དུ་སྦྱར་བའོ།། །། ༈ ཙི་པ་ཊ་ནི་མི་སྣ་ལེབ་ཅན་གྱི་མིང་སྟེ། སྲོག་ཆགས་ཟུར་པ་མིན་ནོ།། །། ༈ ཏི་ར་ཞེས་པ། ཏི་རས་སྟེ་དུད་འགྲོ་ལ་འཇུག །སྔ་འགྱུར་རྣམས་སུ་མི་ལ་འཇུག་པར་མཛད་པ་ནི། མ་ཧཱ་ཏི་རས་ཕྱུགས་ཆེན་པོ་ཞེས་མི་ལ་འཇུག་པའི་དབང་དུ་བྱས་པ་སྟེ། རབ་ཞེས་བཤེས་གཉེན་གྱིས་མཛད་པའི་མཉམ་སྦྱོར་གྱི་འགྲེལ་པ་ལས། དཔལ་ཧེ་རུ་ཀའི་གཏོར་མ་ཆོ་ག་ལ་ཕྱུགས་ཆེན་པོ་ཞེས་གསུངས་པའང་བག་ཟན་ལས་བཅོས་པའི་མིའི་གཟུགས་བརྙན་ཡིན་པར་ཤེས་དགོས་སོ།། །། ༈ ཌོམྦཱི་ནི་ལ། རྙིང་མའི་གཞུང་རྣམས་སུ་སྨ་ཤ་ནི་ཞེས་གསུངས་པ་ནི། ཤྨ་ཤཱ་ནཱི་ཟུར་ཆག་པ་རིགས་ངན་གྱི་བུ་མོ་རོ་སྲེག་མཁན་གྱི་མིང་ངོ་།། །། ༈ དབང་ཕྱུག་ཉེར་བརྒྱད་ཀྱི་མིང་། མ་ནུ་རཀྴ། མིའི་སྲིན་མོ། བྲཧྨ་ཎཱི། ཚངས་མ། རཽ་ཏྲཱི། དྲག་མོ། ཀུ་མཱ་རཱི། གཞོན་ནུ་མ། ཨིནྠ་ཎཱི། དབང་མོ། ཡང་། ཨིནྡྲཱ་སྟེ་རྒྱུ་ཞགས་འཛིན་མར་ཡང་བཤད། བཛྲ་པིངྒ་ལཱི། རྡོ་རྗེ་སེར་མོ། ཨ་མྲྀ་ཏཾ། སྤྱིར་དོན་མང་ཡང་། བདུད་རྩི་མར་བསྒྱུར། སཽ་མྱ། ཞི་བ་མའམ། ཟླ་བ་མ། དཎྜ་དཾ། དོན་མང་ནའང་། སྔར་བེ་ཅོན་མར་བསྒྱུར། རཀྴ་སཱི། སྲིན་མོ། བྷཀྵ་སཱི། ཟ་བ་མ། ར་ཏི་བཛྲ། དགའ་བ་མར་བསྒྱུར། དོན་དུ་དགའ་བའི་རྡོ་རྗེ་ཞེས་སོ། །རུ་དྷི་ར་མཱཏྟ། ཁྲག་འཐུང་། ཨེ་ཀ་ཙ་རི་ཎཱི། གཅིག་སྤྱོད་མར་བསྒྱུར་མོད། །ཨེ་ཀ་གཙོ་བོ་སོགས་ལའང་འཇུག །མ་ནོ་ཧ་ར། ཡིད་འཕྲོག་སྟེ། འདོད་པ་མར་བསྒྱུར་བ་དོན་འགྱུར། སིདྡྷི་ཀཾ །གྲུབ་པ་མོར་བསྒྱུར་དགོས་པར་སྣང་ནའང་། ནོར་སྲུང་ཞེས་བསྒྱུར་སྣང་། བཱ་ཡ་བེ། རླུང་ལྷ་མོ། མ་ཧཱ་མ་ར་ཎ་བཛྲ། རྡོ་རྗེ་གསོད་བྱེད་ཆེན་མོ། ཨགྣཱི། མེ་མོ་སྟེ། མི་མོ་ཞེས་པ་ནི་མ་དག་པའོ། །སྐྱིན་ཞེས་པ་སྐྱིན་གཡག་དང་། གཙོང་པར་འདོད། གསལ་ཞིང་ཞེས་པ་མེ་སྒྲོན་ནོ། །བ་ར་ཧཱི། ཕག་མོ། ཙ་མུཎྜཱི། རྒན་བྱེད་མ་སྟེ། དགའ་བྱེད་ཅེས་པ་ནི་ཡིག་ནོར། དེ་ཡང་ཙ་མུཎྜཱིར་སྔ་རབས་པ་རྣམས་ཀྱིས་རྒན་རབ་བྱེད་དུ་བསྒྱུར། དོན་ལ་བལ་ཡུལ་སོགས་གསོན་འདྲེ་མོ་མཐུ་ཆེན་ལྟ་བུའི་མིང་ཡིན། སུ་ར་ནཱི། སྔར་སྣ་ཆེན་དུ་བསྒྱུར། ཝ་རུ་ཎཱི། ཆུ་ལྷ་མོ། བཛྲ་མ་ཧཱ་ཀ་ལཱི། རྡོ་རྗེ་ནག་མོ་ཆེན་མོ། བཛྲ་ཙཱ་ཀ་ལ། རྡོ་རྗེ་ར་མོ་ཆེན་མོར་བསྒྱུར་མོད། དེ་ལྟར་ན། ཚ་ག་ལ་ཀཱ། ཞེས་ཡོད་དགོས་ལ་ལར། ད་ཤ་གྲི་ཝཱ། སྟེ་མགྲིན་བཅུ་སེར་ནག་ཅེས་པའང་སྣང་། བཛྲ་ཀུམྦྷ་ཀརྞྞ། རྡོ་རྗེ་བུམ་རྣ་ཞེས་པ་སྟེ། བུམ་སྣ་ཞེས་བྲིས་པ་ནི་ཡི་གེ་མ་དག་པའོ། །བཛྲ་ལམྦྷོ་དཱ་ར། ཨུ་དཱ་ར་མཚམས་སྦྱར། གསུས་འཛིན་དུ་བསྒྱུར་མོད། དེ་ལྟ་ན། ལམྦྷ་དྷཱ་ར་ཞེས་ཡོད་དགོས། སྔ་མ་ལྟར་ན། རྡོ་རྗེ་གསུས་འཕྱོང་ངོ་། །འོན་ཀྱང་གཏེར་གཞུང་རྣམས་སུ་ཟུར་ཆག་ཤས་ཆེ་བས་དེ་ལྟར་ལས་ལེགས་སྦྱར་གྱི་རྒྱས་བཀབ་པའི་ཞུ་དག་གི་དལ་བས་བྱིན་རླབས་ཉམས་པར་འགྱུར་བས་མི་བྱའོ། །བྷྱོཿཞེས་པ་ནི། དཔལ་མཆོག་རྡོ་རྗེ་རིགས་ཀྱི་ཟློག་པ་ལས། དེ་ནས་མ་མོ་རྣམས་ཀྱི་བཅོམ་ལྡན་འདས་ལ་ཕྱག་འཚལ་ཏེ། དང་པོ་ནས་མགྲིན་གཅིག་ཏུ་ཐམས་ཅད་འགུགས་པ་དང་། གཞུག་པ་དང་། བསད་པ་དང་། བསྒྲུབ་པའི་དམ་ཚིག་ཅེས་བྱ་བ་རང་གི་དེ་ཁོ་ན་ཉིད་ཀྱི་སྙིང་པོ་འདི་ཕུལ་ལོ། །བྷྱོཿ དེ་ནས་འདིའི་དཀྱིལ་འཁོར་བཤད་པར་བྱ་སྟེ། ཞེས་སོ། །དེས་ན་སྤྱན་འདྲེན་སོགས་ཚིག་གི་མགོར་བྱུང་བའི་ཚེ་བསྒྲུབ་པའི་དམ་ཚིག་སྟེ་བོད་པ་དང་བསྐུལ་བའི་དོན་ལ་འཇུག་ཅིང་། སྙིང་ལ་བྷྱོ། ཞེས་པ་ལྟ་བུ་བསད་པའི་དོན་ཅན་ཏེ། གསུང་དོན་ལ་དཔག་ན་ཉི་བྷཱ་འཇིགས་ལའོ། །ཞེས་པ་ལས་བསྒྲུབས་ཀྱང་རུང་མོད། འོན་ཀྱང་རྐྱེན་སོགས་འོལ་ཚོད་ཀྱིས་བཤད་དུ་མི་བཏུབ་བོ། །ཏིཥྛ་ལྷན་ནི་ཏིཥྛནྟ། བརྟན་པར་གྱུར་ཅིག་ཅེས་ལའི་སྐད་དོད་ཟུར་ཆག་པ་དང་། ཨ་ཏི་པུ་ཧོ་ནི། ཨ་ཏི་བྷཱུ་ཧོ། །ངོ་མཚར་བྱུང་། ཞེས་པ་ཟུར་ཆག་པར་གསལ་ལོ། །ཏན་གྷན་ཞེས་པ། ཏ་ན། བུད་མེད་ཀྱི་ནུ་མ་དང་། གྷ་ན་མཁྲེག་བ་སྟེ། ནུ་མ་མཁྲེགས་པའི་ཚོགས་ཞེས་ན་ཆུང་གཞོན་ནུའི་མིང་ཟུར་ཆག་པའོ།། །། ༈ རཀྟ་ཚར་གསུམ་ནི། དྭངས་མ་ཡེ་ཤེས་ཀྱི་བདུད་རྩི། ཁུ་བ་ཞིང་བཅུའི་ཁྲག །རྩིག་མ་ཞིང་བཅུའི་དུག་གསུམ་ངོ་བོ་ཤ་ཁྲག་རུས་པའི་དངོས་པོ་སྟེ་ཆ་གསུམ་མོ། །ཁཱ་རམ་ནི། ཁཱ་ཏྲི་ཟ་བ་ལ། ཡང་ཡང་ལ་ཎམ྄་འོས་ཎམ྄་རྐྱེན་སྦྱར་བའི། ཁཱ་རམ། ཟུར་ཆག་པ། ཡང་ཡང་ཟོ། ཁཱ་ཧི། ཟོ་ཞིག་པའོ། །དཔལ་དང་དུར་ཁྲོད་ཀྱི་ཆས་བརྒྱད་འདི་ལ་འདྲ་མིན་ཤིན་ཏུ་མང་བས་སྐབས་ཐོབ་བརྩི་བ་གལ་ཆེ། ། ༈ འཇམ་དཔལ་རྩ་རྒྱུད་ལས། །ཟུར་ཆག་ལེགས་སྦྱར་སྒྲ་ཉམས་ཀྱང་། །དོན་ནི་རབ་ཏུ་བརྟགས་པ་ཡིན། །མི་གསལ་གསལ་བ་མེད་པ་དང་། །ཡི་གེ་ཉམས་ཀྱང་འདོད་པ་ཡིན། །འགྲོ་བ་ཡུལ་དང་རྣམ་བྲལ་བ། །དེ་ལ་སྔགས་ནི་གྲུབ་པར་མཛད། །ཅེས་དང་། དྲི་མེད་འོད་ལས་ཀྱང་དེ་ཁོ་ན་ལྟར་གསུངས་པས་ཟུར་ཆག་སོགས་ལས་སྔར་འབྲས་མི་བསླུ་བར་གྲུབ་བོ། །དྲ་བྱ་ཞེས་པ་གསེར་སོགས་དབྱིག་གི་ཚོགས་རིན་ཐང་ཆེན་པོར་འཇུག །གྷ་ན་ཞེས་པ་སྟུག་པོ་སྟེ་བར་མཚམས་མེད་པའི་དོན། རྟ་བྲོ་ནི། སྔོན་རྟ་ཕག་གིས་རུ་ཏྲ་བཏུལ་བའི་ཚེ། རུ་ཏྲའི་ཕུང་པོའི་སྟེང་དུ་ཞབས་ཀྱི་མཐིལ་ནས་རྟའི་རྨིག་པ་ཕྱུངས་ནས་རྔམས་པའི་བྲོ་བརྡུངས་པ་ཡིན་པས་དེའི་ཚུལ་ལོ། །དཔལ་རྟ་མགྲིན་གྱི་རྟ་བྲོའི་བསྐྱེད་རྫོགས་ངོ་མཚར་ཅན་ཞིག་པད་དཀར་བཀའ་འབུམ་དུ་ཡོད། རྟ་བྲོའི་གླུའི་དོན་རཏ་གླིང་ཐུགས་སྒྲུབ་འགྲེལ་པར་ཡང་བཞུགས། འོན་ཀྱང་འདི་ལ་ངེས་དོན་གྱི་བཤད་པ་རྒྱ་ཆེར་ཡོད། ། ༈ ཐོད་ཕྲེང་རྩལ་གྱི་དོན། བཛྲ་ནི་རྡོ་རྗེ་སྟེ་སྟོང་པ་ཉིད་ཀྱི་ཡེ་ཤེས། གུ་རུ་ནི་གུ་ཧྱ་གསང་བ་སྟེ་བདེ་བ་ཆེན་པོའི་ཡེ་ཤེས། རུ་ཀ་རུ་ཎ་ཐུགས་རྗེ་ཆེན་པོ་སྟེ། ཚིག་གསལ་དུ་བྱས་ན། བདེ་ཆེན་སྟོང་པ་ཉིད་ཀྱི་ཡེ་ཤེས་སྙིང་རྗེ་ཆེན་པོ། ཞེས་པའོ། །པདྨ་ནི་ཤེས་རབ་སྟོང་པ་ཉིད། ཐོད་ཕྲེང་རྩལ་ཞེས་པ། ཀ་པཱ་ལ་ཨཀྵ་བེ་ག་ཞེས་པ་སྟེ། ཀ་བདེ་བ། པཱ་ལ་སྐྱོང་བ། ཨཀྵ་མི་འགྱུར་བ་སྟེ། འཆི་མེད་ཕྲེང་བ་ལས། ཨོཾ་བདག་འཕོ་མེད་ཨཀྵ་ར། ཡི་གེ་བར་པ་ཨཀྵ་ར། པེ་ག །ཤུགས་སམ་རྩལ་ཚིག་གསལ་དུ་བྱས་ན། སྟོང་པ་ཉིད་བདེ་སྐྱོང་མི་འགྱུར་བའི་ཤུགས། ཞེས་པའོ། །དེ་ལྟར་ན་ལམ་རྫོགས་པའི་རིམ་པ་ཐམས་ཅད་ཀྱི་རྩ་ཚིག་དང་། འབྲས་བུ་བདེ་བ་ཆེན་པོའི་ཡེ་ཤེས་རོལ་པའི་དཀྱིལ་འཁོར་ཐམས་ཅད་གསལ་བར་བསྟན་པ་ངེས་དོན་གྱི་བཤད་པའོ། །དལ་ཞེས་པ་བསྡུ་ཡིག་གི་བརྡ་མ་བྱེད་པར་གསུངས་མོད། དཀྱིལ་འཁོར་གྱི་སྐད་དོད། མཎྜལ་ཟུར་ཆག་པ་སྟེ། དཀྱིལ་འཁོར་གྱི་དོན་དུ་གོ་བ་ཉིད་ཀྱིས་ཆོག་གོ །མདུན་བསྐྱེད་སྒྲུབ་ཚུལ་ལ། བདག་མདུན་གཉིས་ཆོ་ག་སོ་སོས་མི་འདྲ་བར་བསྒྲུབ་པ་དང་། ཆོ་ག་གཅིག་གིས་བདག་མདུན་སོ་སོར་མེ་ལོང་བྱད་བཞིན་ལྟར་གཅིག་གྲུབ་པ་དང་མཉམ་དུ་གཅིག་ཤོས་གསལ་འདེབས་པ་མེ་རི་འདབས་འབྱོར་གྱི་ལུགས་དང་། བདག་མདུན་དབྱེར་མེད་དུ་བསྒྲུབས་ཏེ་བསྙེན་པའི་སྐབས་ཕ྄ཊ་ཛས་འཛབ་ཕྱེ་ཞེས་བདག་མདུན་སོ་སོར་ཕྱེ་བ་དང་བསྒྲུབ་ཚུལ་དེ་ལྟ་བུ་ལ་དཀྱིལ་འཁོར་བདག་རྫོགས་དང་མདུན་དུ་དམ་ཚིག་པ་བསྐྱེད་ཟིན་ནས་བདག་མདུན་བསྲེ་བའི་ཞུགས་སྒྲུབ་སོགས་ཀྱི་རྣམ་བཞག་མང་ངོ་།། །། ༈ གཏེར་གཞུང་ལ་ལར། ཚིག་སྦྱོར་མི་མཛེས་པ་དང་། སྡེབ་སྦྱོར་ཆད་ལྷག་དང་། རྐང་པ་མི་འགྲིགས་པ་སོགས་སྣ་ཚོགས་སྣང་བ་ནི་དེ་དང་དེ་ལ་མཆོག་ཏུ་རློམས་པའི་མངོན་པའི་ང་རྒྱལ་ཅན་རྣམས་གཞོམ་པར་བྱ་བའི་ཆེད་དུ་སྟེ། དུས་འཁོར་འགྲེལ་ཆེན་དུ་གསུངས་པས་མཚོན་ནོ། །ཡང་དོན་འགལ་བ་ལྟར་སྣང་བ་ནི་མཐའ་དྲུག་དང་ཚུལ་བཞིས་རྒྱས་བཏབ་པས་གོ་བ་གཞན་དུ་ལེན་དགོས་པ་ཤ་སྟག་སྟེ། རྣམ་ཤེས་མནར་མེད་གནས་སུ་མཱ་ར་ཡ། ཞེས་པ། མནར་བ་ནི་སྡུག་བསྔལ་དང་། དེ་ལ་མེད་པ་ནི་ཐར་པའི་གོ་འཕང་སྟེ། དེར་དབུགས་དབྱུང་བ་ལ་གེགས་བྱེད་པའི་རྣམ་ཤེས་ཏེ་གཟུང་འཛིན་གྱི་རྟོག་པ་ཆོས་དབྱིངས་སུ་སྒྲོལ་བའི་དོན་ནོ། །འདི་ལྟ་བུ་མདོ་ལས། ཕ་དང་མ་ནི་བསད་བྱ་ཞིང་། སོགས་དང་། རྒྱུད་ལས། ཁྱོད་ཀྱིས་སྲོག་ཆགས་བསད་པར་བྱ། ཞེས་སོགས་ཤིན་ཏུ་མང་ངོ་། །བྷུ་སུ་ཀུ་ཞེས་པ། བྷུ་ཛ་ཟས་སྤྱོད་པ། སུ་ཏཱ་ན་གཉིད་ལོག་པ། ཀུ་ཏ་སཱ་ར་བཤང་གཅི་འདོར་བ་སྟེ་མི་བྱར་མི་འདོད་པའི་ལས་གསུམ་ལས་སྤྲོས་པ་གཞན་སྤང་བ་ཞིག་ལ་བཞག་གོ། །། ༈ སྔོན་གྱི་བསྐལ་པ་དང་པོ་ལ། ཞེས་སོགས་ཀྱི་དོན། གཏེར་གཞུང་ལ་ལར། མ་འཁྲུལ་སྔོན་གྱི་བསྐལ་པ་དང་པོ་ལ༔ ཞེས་འབྱུང་བས། གཞི་ཀ་དག་འཁྲུལ་པའི་དྲི་མ་དང་བྲལ་བའི་སྔོན་གྱི་བསྐལ་པ་དང་པོ་ལ། ལྷུན་གྲུབ་སྒོ་བརྒྱད་ཀྱི་ཐུགས་རྗེའི་འཆར་ཚུལ་མ་འགགས་པའི་རྩལ་ལས་གདུལ་བྱའི་ཞིང་ཁམས་དང་། འདུལ་བྱེད་ཀྱི་སྟོན་པ་རང་ཤར་བའི་ཚུལ་གྱིས་ཨོ་རྒྱན་ཡུལ་སོགས་སུ་འཆད་དགོས་སོ། །དེས་ན་དུས་གསུམ་དུས་མེད་ཀ་དག་གི་དུས་ཆེན་པོར་སྔོན་གྱི་བསྐལ་པའི་སྒྲས་སྨོས་པར་ཟད་དོ། ། ༈ པདྨ་བཀའ་ཐང་སོགས་ཀྱི་ཚིག་སྦྱོར་གོ་དཀའ་བ་ཕལ་ཆེར། སྔོན་གྱི་ཡུལ་སྐད་རྙིང་པ་མང་དུ་འདྲེས་པས་ཡིན་ཏེ། རྡོ་རིང་གི་ཡི་གེ་སོགས་གོ་ཤིན་ཏུ་དཀའ་བར་སྣང་བས་མཚོན་ནོ། །དེ་ཡང་ཡུལ་སྐད་དུ་སོང་བ། དཔེར་ན་གསོལ་ཟས་ན་བཟའ་ལུས་གང་འཐེབ་རེ་ཕུལ། ཞེས་པ། ན་བཟའ་ལུས་གང་སྟེ་སྐུ་ཆས་ཆ་ཚང་རེ་དང་། ཡང་འཐེབ་པ་རེ་སྟེ་ལྷག་པོ་རེ་རེ་དོན་ན་བཟའ་ཚེ་གཉིས་རེ་ཕུལ་ཟེར་བ་ཡིན་པ་བཞིན་ནོ།། །། ༈ དུར་ཁྲོད་གྱི་ཆས་བརྒྱད་ནི། རྒྱལ་བྱེད་དཔའ་རྟགས་ཀྱི་རྒྱན་ཏེ། དེ་ལའང་བགོ་བའི་གོས་གསུམ། གདགས་པའི་རྒྱན་གཉིས། བྱུག་པའི་རྗེས་གསུམ་སྟེ་བརྒྱད་ལས། དང་པོ་ནི། ཞིང་༡གླང་༢གི་སྟོད་གཡོགས་དང་། སྟག་ལྤགས་༣ཀྱི་ཤམ་ཐབས་སོ། །གཉིས་པ་ནི། སྦྲུལ་དང་། ཐོད་ཕྲེང་སྟེ། དང་པོ་ལའང་། རྒྱལ་རིགས་དཀར་པོས་དབུ་བརྒྱན། རྗེའུ་རིགས་སེར་པོས་སྙན་ཆ། བྲམ་ཟེའི་རིགས་དམར་པོས་སེ་མོ་དོ་དང་མགུར་ཆུ། གདོལ་པ་ནག་པོས་ཕྱག་ཞབས་ཀྱི་གདུ་བུ། དམངས་རིགས་ལྗང་གུས་སྐ་རགས་དང་དོ་ཤལ་བྱས་པའོ། །ཐོད་རྒྱན་ལའང་། སྐམ་པོའི་དབུ་རྒྱན། རློན་པའི་དོ་ཤལ། ཚལ་བུའི་དབུ་རྒྱན་ལ་ལར་སེ་རལ་ཁ། ཏེ་ཚར་གསུམ་མོ། །གསུམ་པ་ནི། དཔྲལ་བར་ཐལ་ཆེན་གྱི་ཚོམ་བུ། སྨིན་མཚམས་སུ་རཀྟའི་ཐིག་ལེ། ཨོ་ཀོར་ཞག་གི་ཟོ་རིས་སོ།། །། ༈ དཔལ་གྱི་ཆས་བརྒྱད་ནི། དཔལ་ཆེན་པོའི་སྐུ་ལ་ཡེ་ནས་རང་ཆགས་སུ་གནས་པའི་ཕྱིར་དཔལ་གྱི་ཆས་ཏེ་རྟོག་པ་ལྷ་རྒྱུད་ལས། དབུ་སྐྲ་གྱེན་བརྫེས་འཁོར་བ་རུ་ཟློག་ཆས། །རྡོ་རྗེའི་ཁྱུང་གཤོག་ཐབས་དང་ཤེས་རབ་ཆས། །མཐིང་དམར་ཅོད་པན་རྟག་ཆད་ཟིལ་གནོན་ཆས། །སྤྱི་གཙུག་རྡོ་རྗེ་ལྷག་པ་རིག་པའི་ཆས། །དབང་གི་བསེ་ཁྲབ་གཟི་འབར་བགྲོད་པའི་ཆས། །གཉིས་མེད་སྦྱོར་བ་ཤེས་རབ་ཡུམ་གྱི་ཆས། །གནོད་གདུག་ཟློག་བྱེད་དཔའ་བོ་ལྤགས་ཀྱི་ཆས། །ཉོན་མོངས་སྲེག་བྱེད་རྡོ་རྗེ་མེ་ཡི་ཆས། །ཞེས་སོ། །བདེ་མཆོག་སོགས་ལ་མཎྜལ་ཚོམ་བུ་གཡོན་སྐོར་དང། མཆོད་པའང་དེ་མཚུངས་གཡོན་པའི་ཀུན་སྤྱོད་གཙོ་བོར་གསུངས།། །། ༈ གནས་སྐབས་ཀྱི་སྤྲོས་པ་གཅོད་བྱེད་ལྟ་བ་གང་ཁས་བླངས་ཀྱང་མཐར་ཐུག་བརྗོད་བྲལ་དུ་ངེས་པ་ནི་མཁས་གྲུབ་ཐམས་ཅད་ཀྱི་བཞེད་པ་ངོ་མ་སྟེ། འདི་ལ་ལུང་རིག་བསམ་གྱིས་མི་ཁྱབ་པ་བཞག་ཏུ་ཡོད་དོ།། །། ༈ སྐུ་ཚབ་གཏེར་ལྔ་ཞེས་པའི་སྐུ་ཚབ་ནི། ཐོག་མར་སློབ་དཔོན་ཉིད་ཀྱིས་བཙུན་མོ་འོད་འཆང་མ་ལ་གནང་། ཕྱིས་ཁྲ་འབྲུག་ཏུ་ཡེ་ཤེས་ཀྱི་མཁའ་འགྲོ་མ་མནྡཱ་ར་བས་ཨུ་རྒྱན་སྤྲིན་ནག་འདུས་པའི་དུར་ཁྲོད་ནས་བླངས་ཏེ་གཏེར་དུ་སྦས་པ། མངའ་བདག་ཉང་གིས་སྤྱན་དྲངས་ཏེ་དེང་སང་བསམ་ཡས་རྫོང་དུ་བཞུགས་པའི་གུ་རུ་མཚོ་སྐྱེས་རྡོ་རྗེ་འདི་ཀ་ཡིན། དེ་ལ་ཐང་ཡིག་ཏུ། ང་དང་མ་འཕྲད་མ་འོངས་སེམས་ཅན་རྣམས༔ མ་རིག་མུན་པའི་སྒྲོན་མ་སྐུ་འདྲས་བྱེད། ཅེས་སོགས་རྒྱ་ཆེར་བསྔགས་པ་གུ་རུའི་སྐུ་སྤྱི་དང་། ཁྱད་པར་འདི་ལ་དགོངས། གཏེར་ལྔ་ནི་དབུས་གཏེར་ཟུག་པ་རྩ་བ། ཤར་གཏེར་འདྲིལ་བ་སྡོང་བོ། ལྷོ་གཏེར་གྱེས་པ་ཡལ་ག །ནུབ་གཏེར་གསལ་བ་མེ་ཏོག །བྱང་གཏེར་སྨིན་པ་འབྲས་བུ་རྣམས་སོ། །ཡང་། སྐུ་ཚབ་ཉེར་ལྔ་ཞེས་དངོས་ཀྱི་ཞལ་སྐྱིན་གྲུབ་ཆེན་རྗེ་འབངས་ཉེར་ལྔ་ལ་བཞེད་པ་དང་། ལ་ལས་སྐུ་ཚབ་རིགས་མི་འདྲ་བ་ཉེར་ལྔ་སོགས་སུ་བཞེད་པའང་སྣང་ངོ་།། །། ༈ དེང་སང་བོད་ན་གསར་མར་གྲགས་པའི་རྗེས་གནང་སྐོར་ལ། གཙོ་བོར་སྒྲུབ་ཐབས་རྒྱ་མཚོ། བརྒྱ་རྩ། ཇོ་བོ་ལུགས། ཁ་ཆེ་པཎ་ཆེན་སོགས་ནས་བརྒྱུད་པ་ཁྲོ་ཕུ་ལུགས་བཞི་གཙོ་ཆེ་ཞིང་། ཕྱག་ལེན་ཀྱང་སོ་སོར་ཡོད། དེ་ལ་རྒྱ་མཚོ་ལ་སྐུ་གསུང་ཐུགས་དང་། བརྒྱ་རྩར་ལུགས་གསུམ། ཇོ་ལུགས་དང་ཁ་ཆེ་ལུགས་སོགས་སྐུ་གསུང་ཐུགས་ཀྱི་ཆིངས་ཅུང་འདྲ་མིན་རེ་ཡོད་ཅིང་། བརྒྱ་རྒྱམ་སོགས་ཀྱི་རྒྱུན་བཤགས་གུར་གྱི་ཡན་ལག་བདུན་པ་དང་། ཇོ་ལུགས་སོགས་འགའ་ལ་བཟང་སྤྱོད་ཀྱི་ཡན་ལག་བདུན་པ། བརྒྱ་རྒྱམ་གྱི་སྐྱབས་འགྲོ་བཞི་སྐོར་ཚིག་ལྷུག་དང་། ཇོ་ལུགས་སྐྱབས་སེམས་སངས་རྒྱས་ཚོགས་དང་། པཎ་ཆེན་ལུགས་སོགས་ལ་འགྲོ་རྣམས་བསྒྲལ་འདོད་མ་སྦྱར་བས་མཚོན་ནོ།། །། ༈ རྣམ་ཤེས་འཕོ་བའི་སྒོ་དགུ་སོགས་ཀྱི་ངོས་འཛིན་རྒྱུད་དང་བསྟན་བཅོས་རྣམས་ལས་མི་མཐུན་པ་མང་དུ་འབྱུང་། འཕོ་བའི་དུས་ལའང་བཞེད་པ་མི་མཐུན་པ་མང་མོད། མ་ཤི་གོང་དུ་འཕོས་ན་གོང་ལྟར་ཡང་དུས་མིན་ལྷ་བསད་པའི་ཉེས་པ་འབྱུང་བས། རྣམ་ཤེས་འོད་གསལ་ཐིམ་པའི་ཚེ་སྦྱངས་སྟོབས་ཀྱིས་འཕོ་དགོས། དེ་ལ་གང་དུ་ལེགས་པར་འབྱོངས་པ་གཅེས་པས། སྦྱོང་བ་དང་། ལས་ལ་སྦྱར་བ་གཉིས་སུ་བསྟན་ནོ། །འཕོ་བའི་ཚེ་ཡི་གེ་ཧི་ཀ྄་དང་། ཕཊ྄་སོགས་ཀྱི་སྦྱོར་བ་གསུངས་ཏེ། སྔ་མ་ནི། སེམས་ཀྱི་རྩ་ནི་དེ་བཞིན་ཧི་ཀྲ། སྟེང་དང་འོག་དང་དེ་བཞིན་སྟེང་། ཡི་གེ་ཕྱེད་དང་གཉིས་ཀྱིས་སྦྱངས། ཞེས་གདན་བཞིའི་བཤད་རྒྱུད་ལས་གསུང་། སྤྱིར་འཆི་བའི་དུས་ལ་བབ་པ་ན་འཁོར་བ་ལ་མངོན་པར་སྐྱོ་བས་ཆགས་སྡང་གདུང་སེམས་ཀྱི་འཁྲི་བ་ཐམས་ཅད་བཅད། འདུ་ཤེས་བཅུ་བསྟན་པ་དང་། འདའ་ཀ་ཡེ་ཤེས་ཀྱི་དོན་ལ་འདྲིས་པར་བྱ། བློ་སྦྱོང་པ་ཡིན་ན་སྟོབས་ལྔའི་འཕོ་བ་དང་། གང་ལྟར་ཡང་བྱང་ཆུབ་སེམས་གཉིས་མངོན་དུ་བྱས་ཏེ། བདེ་ཀྱཻ་སོགས་ལམ་ཟབ་མོ་གང་ལ་གོམས་པའི་རྣལ་འབྱོར་གསལ་བཏབ། ལམ་འབྲས། རྣལ་འབྱོར་མ། ཆོས་དྲུག །ཚེམ་བུ་དམར་ཁྲིད། འོད་དཔག་མེད་ཀྱི་འཕོ་བ་སོགས་གསར་མ་དང་། རྫོགས་པ་ཆེན་པོའི་རྒྱུད་ཉི་ཟླ་ཁ་སྦྱོར་གྱི་མན་ངག་སོགས་ཐུན་མོང་མ་ཡིན་པ་དང་། ཐུན་མོང་བ་ཇི་ལྟར་གོམས་འདྲིས་ཡིད་ཆེས་བྱས་པ་ཞིག་གི་རྣལ་འབྱོར་གྱིས་བདེ་བ་ཆེན་པོའི་གྲོང་ཁྱེར་དུ་འཇུག་པར་བྱའོ། །གཞན་ཡང་བློ་སྦྱོང་སོགས་ལས་གསུངས་པའི་རྫས་ཀྱི་འཕོ་བ་དང་། གཟུངས་སྔགས་ཟབ་མོ་དང། སངས་རྒྱས་ཀྱི་མཚན་བསྒྲགས་པས་མཚོན་ཐབས་ཀྱི་ཆ་རྣམས་ལ་སྐུར་བ་མི་འདེབས་པར་རང་གཞན་གྱི་བློ་ཚོད་དང་འཚམས་པར་ཕན་གདགས་པའི་ཚུལ་ལ་མཁས་པ་གཅེས་སོ།། །། ༈ མདོ་སྔགས་ཀྱི་ཕྱག་ཆེན་སོ་སོར་བཞེད་པར་མར་མི་སོགས་ཀྱི་ལུང་གི་སྒྲུབ་བྱེད་དང་རྣལ་འབྱོར་བཞིའི་ས་ལམ་དངོས་བཏགས་ཀྱི་དབྱེ་བ་ལའང་དེ་མཚུངས་ལུང་གི་སྒྲུབ་བྱེད། གལ་ཏེ་མདོའི་ཕྱག་ཆེན་བཞེད་ན། དེ་དང་དབུ་མ་ཁྱད་པར་ཡོད་མེད་བཅས་ཀྱི་ལུང་རིགས་ཚད་ལྡན་སླར་བཙལ་བར་བྱའོ།། །། ༈ བོ་དོང་པཎ་ཆེན་གྱི་གསུང་ལས་བདེ་བ་ཅན་ལྟ་བུའི་བ་ཡིག་ཐམས་ཅད། ཝ་ཞེས་བྲི་བ་ཐམས་ཅད་ཚུལ་ཡོད་སྣང་། འདི་བཀླགས་ཚུལ་ལ་དཔྱད་ན་ཐུགས་མེད་པ་འདྲ་སྙམ།། །། ༈ སྒྲ་མཐུན་དོན་དཔག་ནི། སངས་རྒྱས་འོད་སྲུང་དང་། ཉན་ཐོས་འོད་སྲུང་ལྟ་བུ་མཚན་མཐུན་ཀྱང་དོན་འཕགས་པའོ།། །། ༈ འཇམ་དཔལ་རྩ་རྒྱུད་ལས། ཁྱུ་མཆོག་ཁྱུ་མཆོག་བཟང་པོ་དང་། ཞེས་པ་ནས། འོད་ལྡན་ཉིད་ནི་ཕྱི་མ་ཡིན། ཅེས་པའི་བར་གྱིས་སྲོང་བཙན་ནས་འོད་སྲུང་གི་བར་ལུང་བསྟན་ཅེས་བཞེད།། །། ༈ མདུན་དུ་སྒྲོལ་མ་དཀར་མོ་ལ། །སྒྲོལ་མ་ཉེར་གཅིག་གིས་བསྐོར་བ། །གསལ་འདེབས་དེ་ལ་སེམས་གཏད་ན། །འཇིགས་པ་ཀུན་ལས་ཐར་བར་འགྱུར། །རྟགས་མཚན་ལ་སོགས་གཞན་ལ་བཤད། །དེ་ཡིས་ཕྱི་ནས་སྒྲིབ་པར་འགྱུར། །ཞེས་གསུངས། །ཀུན་མཁྱེན་བུ་སྟོན་རིན་པོ་ཆེས། །དེ་ནས་རྒྱལ་ཆེན་བཞི་སོགས་ལྷ་རྣམས་ཀྱིས། །སྲིད་གསུམ་རྒྱལ་པོར་དབང་བསྐུར་ལྕང་ལོ་ཅན། །ཕུལ་ནས་རྣམ་མང་ཐོས་པའི་སྲས་ཞེས་བསྟོད། །རྣམ་ཐོས་སྲས་སུ་གྲགས་ལ་ཕྱག་འཚལ་བསྟོད། །ལྷ་མིན་སྒྲ་གཅན་ལྷ་ལ་འཐབ་པའི་ཚེ། །ཁྱེད་སྐུ་རི་རབ་སྐེད་པར་ངལ་གསོ་བའི། །གཟི་བརྗིད་མ་བཟོད་ངལ་གསོས་ཕྱག་མཚལ་ཞེས། །བསྟོད་པས་ངལ་གསོས་གྲགས་ལ་ཕྱག་འཚལ་བསྟོད། །མགུལ་ཕྲེང་དམག་གིས་ལྷག་ནས་འཕྲོག་པའི་ཚེ། །ཁྱོད་སྐུ་གསེར་གྱི་གོ་བགོས་སེང་གེར་ཞོན། །ལྷ་གནས་སྲུང་བས་གནས་སྲུང་ཕྱག་འཚལ་ཞེས། །བསྟོད་པས་གནས་སྲུང་གྲགས་ལ་ཕྱག་འཚལ་བསྟོད། །རབ་སྨོད་དམག་གིས་ལྷ་གནས་འཕྲོག་པའི་ཚེ། །ཁྱོད་སྐུ་སྔོན་པོའི་གཟི་བརྗིད་མ་བཟོད་ནས། །ལུས་ངན་འདི་འདྲས་བདག་ཅག་བཏུལ་ལོ་ཞེས། །བསྟོད་པས་ལུས་ངན་གྲགས་ལ་ཕྱག་འཚལ་བསྟོད། །ཞེས་སོགས་གསུངས།། །། ༈ དོན་ཏིག་འགྲོ་བ་ཀུན་གྲོལ་ལས། གཟུགས་སྐུ་མཐོང་གྲོལ། གསུང་མཆོག་ཐོས་གྲོལ། རིག་པ་བཏགས་གྲོལ། དགོངས་པ་རེག་གྲོལ། འདོད་ཡོན་ཚོར་གྲོལ། ཐུགས་རྗེ་མྱོང་གྲོལ་ཅེས་སོ་སོར་རྒྱས་པར་གསུང་།། །། ༈ རྙིང་མའི་ཆོས་ཉིད་བར་དོའི་སྣང་བ་འཆར་ཚུལ་དང་ཆ་འདྲ་བ་བཀའ་གདམས་གླེགས་བམ་རིན་པོ་ཆེར་ཡོད།། །། ༈ དམ་པའི་ཆོས་ཐར་ལས། དམ་པ་གཤེགས་རྗེས་ཨཱ་ཙཪྻ་གསུམ་བྱུང་ནས། དམ་པ་སྐྱེ་བདུན་ཡིན་པས་དེའི་ཤ་ཁྲག་སུའི་ལྟོར་སོང་བ་སངས་རྒྱས་པ་ཡིན་ཚུལ་སོགས་དང་།། །། ༈ བརྟག་གཉིས་ཀྱི་འགྲེལ་པ་རིན་ཆེན་རྒྱན་འདྲ་ལས། སྐྱེ་བདུན་གྱི་ཤའི་ལོ་རྒྱུས་ཐང་ཡིག་སོགས་དང་ཆ་འདྲ་བར་བཤད་སྣང་ངོ་། །བཞུགས་སོ་ཞེས་པའི་སྐད་དོད་ལ། བི་ཛ་ཧཱ་རམ་ནི་ཉེར་བསྒྱུར་བི་སྔོན་མའི་ཧྲྀཉ྄་འཕྲོག་པ་ལ་ལྐོག་གྱུར་གྱི་ཎ་ལ་བྱིན་པ་སྟེ། རྒྱུད་སྡེ་རྣམས་ཀྱི་རྡོ་རྗེ་བཙུན་མོའི་བྷ་ག་ལ་བཞུགས་སོ་ཞེས་པའི་རྒྱ་དཔེར་འདི་ཡོད་པས། ཚུར་མཐོང་གི་སྤྱོད་ཡུལ་མ་གྱུར་པའི་དབྱིངས་སུ་བཞུགས་པའི་དོན་ཡིན་པས་དཔེ་ཆའི་སྐད་དོད་སོགས་ལ་སྦྱོར་མི་རིགས། དེས་ན་ཉེར་བསྒྱུར་བི་སྔོན་མའི་ཧྲྀཉ྄་འཕྲོག་པ་ལ་ད་ལྟར་བའི་ཏི་པ་དང་། སྨ་ཡིས་འདས་པ་ལའོ་ཞེས་པས་སྨ་སྦྱར་བ། བི་ཧ་ར་ཏི་སྨ་ཞེས་འབྱུང་བ་ཁོ་ན་ལེགས། གཞན་དུ། ཨ་སྟི་དང་། ཀ་བེ་སོགས་ཀྱང་སྦྱོར་རུང་ངོ་། །པྲ་སྟཱ་ར་ཞེས་པའི་པྲ་ཐུང་ངུ་ཡིན།། །། ༈ ཉན་ཐོས་པའི་ལུགས་ཀྱི་མཐར་ཐུག་གི་འབྲས་བུ་ཕུང་པོ་ལྷག་མེད། རྟོགས་བྱ་གང་ཟག་བདག་མེད། དེ་ཡང་རང་རིག་གཅིག་པུ། །གཞན་ཀླུ་སྒྲུབ་ཀྱིས་ནང་གི་ཤེས་པ་ཁོ་ན་དང་། བྱམས་པ་དང་ཐོགས་མེད་ཀྱིས་ཉེར་ལེན་ཕུང་པོ་བཅས་ལའོ། །དེ་གཉིས་དགོངས་པ་མཐུན། མངོན་རྟོགས་རྒྱན་ཕར་ཕྱིན་ཐབས་དང་། དབུ་མ་ཤེས་རབ་གཙོ་བོར་སྟོན་པས་དེ་གཉིས་ཟུང་དུ་འབྲེལ་བ་ཐེག་ཆེན་གྱི་ལམ་ཡོངས་སུ་རྫོགས། རབ་དབྱེའི་ཆོས་སྐད་ཐེག་ཆེན་ཤས་ཆེ། ཐེག་ཆེན་སོ་ཐར་གྱི་སྡོམ་པ་འཆི་བའི་ཚེ་ན། ལུས་ཀྱི་སྡོམ་པ་གཏོང་། ཡིད་སྡོམ་མི་གཏོང་། གཟུགས་མེད་ཁམས་ལ་རགས་གཟུགས་མེད། ཡིད་གཟུགས་ཡོད། རྒྱུད་སྡེ་འོག་མར་བློ་ཡི་རིམ་པས་ལྷ་བསྐྱེད་པ་མ་གཏོགས། བསྐྱེད་པའི་རིམ་པས་ལྷ་བསྐྱེད་པ་མེད། མརྒ་པིཎྜ་རང་གི་ཉམས་ལེན་ལ་ཞག་འཆད་བྱུང་ཡང་སྐྱོན་མེད། ། ༈ གཞི་སྟོང་པ་ཉིད། ལམ་མཚན་མེད། འབྲས་བུ་སྨོན་མེད། ཞེས་སོགས་རྒྱས་པར་གསུངས།། །། ༈ མ་ཧཱ་པཎྜི་ཏའི་བཞེད་པས། གཞི་ཀ་དག་དང་ལྷུན་གྲུབ། ལམ་ཁྲེགས་ཆོད་དང་ཐོད་རྒལ། འབྲས་བུ་སྐུ་དང་། ཡེ་ཤེས་ཞེས་རྣམ་པར་བཞག་པའི། ཕྱོགས་དང་པོ་སྟོང་ཆ་འཁོར་ལོ་བར་བ་དང་གསལ་ཆ་ཕྱི་མའི་རྗེས་སུ་འབྲངས་ནས་དེ་གཉིས་ཟུང་འཇུག་ཏུ་སྦྱོར་བ་སྔགས་ཀྱི་ཁྱད་ཆོས་སུ་བཤད། གཉིས་པ་ནི། ཐལ་འགྱུར་ལས། ཤེས་རབ་ཕ་རོལ་ཕྱིན་པའི་མཐའ། །སྣང་བ་ཐད་དཀར་གཅོད་ལ་འདུས། །ཞེས་གསུངས་པ་ལྟར། གྲོལ་ལུགས་བཞིའི་སྒོ་ནས་ད་ལྟའི་རིག་པ་རྗེན་པའི་ངང་དུ་སྤྲོས་པ་ཐད་ཀར་གཅོད་པ་སྟེ་རང་རིག་དྲི་མེད་གཟོད་ནས་སྤྲོས་པའི་ཆོས་ཀྱིས་གོས་མ་མྱོང་བས་འཁོར་བའི་རྒྱུ་ཟད་པ་གཞི་ལྟ་བུ། ཡེ་གྲོལ། དེ་ལྟར་ཡིན་པས་གདོད་གཉེན་པོས་བསྐྱར་དུ་གྲོལ་མི་དགོས་པར། གང་ཤར་ཐམས་ཅད་སྦྲུལ་མདུད་བཞིན་རང་གིས་གྲོལ་བ་རང་གྲོལ། ལམ་སྒོམ་པ། ཇི་ལྟར་སྣང་བའི་ཆོས་ཐམས་ཅད་རིག་སྟོང་སྐད་ཅིག་མའི་ངང་དུ་བརྡར་ཤ་ཆོད་པས་གཟུང་འཛིན་གྱི་སྣང་བ་ཐད་ཀར་གཅོད་པ་ཅེར་གྲོལ། སྤྱོད་པ། དུས་གསུམ་དང་ཤེས་བྱ་སོགས་བློ་དང་ལྷན་ཅིག་མི་གནས་པས་མཐའ་འབྲས་བུ། གྲོལ་ལོ། །རིམ་འཇུག་ལ་མ་ལྟོས་པར་རིག་གདངས་མངོན་སུམ་མཐོང་བས་ལམ་ཐོད་རྒལ་དུ་བགྲོད་པའི་ཉམས་ལེན་ནི། སྒྲོན་མ་བཞི་ལ། གནད་དྲུག་ལམ། གིས་ཉམས་སུ་བླངས་པས་རང་འབྲས་སྣང་བ་བཞི་འབྲས་བུ་མཐར་ཕྱིན་པ་སྟེ། སེམས་ཀྱི་ཆོས་ཉིད་རང་བཞིན་གྱིས་རྣམ་པར་དག་པས་ཅིར་ཡང་འཆར་དུ་རུང་བ་ཤེས་རབ་རང་བྱུང་སྙིང་ནས་མིག་ཏུ་འབྲལ་བའི་རང་བྱུང་གསང་བ་ཆེན་པོའི་རྩ་རྒྱང་ཞགས་ཆུ། སྤྲིན་བྲལ་ནམ་མཁའ་མཐིང་ཞུན་ལྟ་བུའི་འོད་ཟླུམ་དག་པ་དབྱིངས། རྡོ་རྗེ་ལུ་གུ་རྒྱུད་གསེར་སྐུད་ལྡིང་བ་ལྟ་བུ་ཐིག་ལེ་སྟོང་པའི་སྒྲོན་མ་ཞེས་ངེས་པར་བྱས་ནས། བཅའ་བ་ལུས། འཁྲིད་པ་དབྱིངས། འགྲོ་འོང་རླུང་། འཆར་བྱེད་སྒོ། འཆར་བྱ་ཡུལ། རྩ་བ་སེམས་ཀྱི་གནད་རྡོ་རྗེ་སློབ་དཔོན་གྱི་གསུང་གི་བདུད་རྩིས་ཇི་ལྟར་སྐབས་དབྱེ་བ་བཞིན་བརྩོན་པས། མངོན་སུམ་བཞི་ཀའི་མཚན་ཉིད་ཅན་རིག་པ་རྡོ་རྗེ་ལུ་གུ་རྒྱུད་མཐོང་བ་ཆོས་ཉིད་མངོན་སུམ། སྣང་བ་མཆེད་པ་ཉམས་གོང་འཕེལ། དེ་ཉིད་ལ་བརྟན་པ་ཐོབ་པས་སྐུ་དང་ཡེ་ཤེས་ཀྱི་རྣམ་རོལ་བསམ་གྱིས་མི་ཁྱབ་པ་རིག་པ་ཚད་ཕེབས། དེ་འོད་གསལ་གྱི་དབྱིངས་སུ་འཇུག་པ་ཆོས་ཉིད་ཟད་ས། དེ་ལས་སླར་ཟུང་འཇུག་གི་སྐུར་འཕོ་བ་ནི་མཐར་ཐུག་གི་འབྲས་བུའོ། །གསུམ་པ་ནི། རྟེན་སྐུ་གསུམ། བརྟེན་པ་ཡེ་ཤེས་ལྔ། མཛད་པ་ཕྲིན་ལས་དང་བཅས་པ་སྟེ། ཟུང་འཇུག་གི་ཡེ་ཤེས་གཅིག་གི་ཉམས་ཀྱིས་ཚུར་མཐོང་གི་ངོར་སྤྲོས་པ་དུ་མའི་གར་མཛད་པ་སྟེ། ཀུན་སྤྱོད་ལས། གང་དུ་བདེ་ཆེན་ཞེས་བྱ་གཅིག་པུ་ཉིད། །གཅིག་པུའི་ཉམས་ཀྱིས་དུ་མའི་གར་མཛད་དོ། །ཞེས་སོ། །འདི་རྣམས་ས་བོན་ཙམ་སྟེ། དེ་ལས་འཕྲོས་པའི་ལུང་རིག་མན་ངག་གི་འཐད་པ་བསམ་གྱིས་མི་ཁྱབ་པ་དང་བཅས་ཏེ་བཀའ་སྩལ་བས་བློ་གྲོས་ཀྱི་པདྨ་མཆོག་ཏུ་རྒྱས་པར་མཛད་དོ། །སརྦ་གམྦྷི་རཱ་རྠ་བོདྷྱ་ནྟུ། ཤུ་བྷཾ། ། ༈ མ་ཧཱ་པཎྜི་ཏ་ཚེ་དབང་ཀུན་ཁྱབ་ནི་འབེ་རྫ་ཉིན་དམ་ཐོག་སྒང་དུ་འཁྲུངས། རང་གི་མེས་པོ་སངས་རྒྱས་རིན་ཆེན་ནམ་འབེ་འཇམ་དབྱངས་པར་གྲགས་པ་ལས། སྒྲ་ཀ་ལཱ་པ། སྙན་ངག་མེ་ལོང་། སྡེབ་སྦྱོར་རིན་འབྱུང་། གསོ་རིག་གི་སྐོར་སོགས་གསན། རྗེ་སྟོད་པ་ཚེ་དབང་གྲགས་པ་ལས་སྐར་ནག་རྩིས་དང་དབྱངས་འཆར་བཅས། ཀུན་མཁྱེན་དྷ་རྨཱ་ཀ་ར་ལས། ཐ་སྙད་རིག་ལམ་རྒྱ་མཚོ་ལྟ་བུའི་གསན་བསམ་དོགས་གཅོད་སྤྱི་དང་། ཁྱད་པར་ཙཱནྡྲ་པ་ཚར་ལྔ། འགྲེལ་པ་འདོད་འཇོ་ཚར་གསུམ། སྙན་དངགས་མེ་ལོང་། ཀ་ལཱ་པའི་ཏི་སོགས་གསོ་རིག་དང་རྒྱ་རྩིས་གསར་འགྱུར། འབྲས་རྩིས་མྱུར་རྟོགས། མངོན་མཛོད། དབུ་མ་འཇུག་པ། དབུ་མ་རྒྱན། མདོ་རྒྱན་པད་དཀར་སྡོམ་གསུམ། ཟབ་མོ་ནང་དོན། རྣམ་ཤེས་ཡེ་ཤེས་འབྱེད་པ། སྙིང་པོ་བསྟན་པ། དཀྱིལ་འཁོར་གྱི་ཐིག་རྩ། ཁྱད་པར་གྲུབ་མཐའ་བཞི་དང་དབུ་མ་གཞན་སྟོང་གི་ཟབ་གནད་སོགས་གསན་ནས་བྱང་ཆུབ་པར་མཛད། ཕག་མོ། བདེ་མཆོག །འཇིགས་བྱེད་མལ་ལུགས་ལྷ་དགུ་ཇོ་ལུགས་དུས་འཁོར། ཆོས་དབྱིངས་གསུང་དབང་། བདེ་མཆོག་སྟོད་འགྲེལ། དྲིལ་བུ་ལུས་དཀྱིལ། ཕྱག་བཞི་པ་སོགས་ཀྱི་དབང་། ཕྱག་ཆེན། སྦྱོར་དྲུག །རྫོགས་ཆེན། རྭ་ཁྲིད་སྙན་བརྒྱུད་སོགས་འཁྲིད་ཀྱི་རིམ་པ་བསམ་གྱིས་མི་ཁྱབ་པ་གསན་ཅིང་ཟིན་བྲིས་ཀྱང་འགའ་ཞིག་མཛད། རྗེ་དཔའ་བོ་ལས། ཞི་སྦས་ལུགས་ཀྱི་དགྱེས་རྡོར། གཤེད་ནག །བདེ་མཆོག་ནག་པོ། ནི་གུའི་བདེ་མཆོག་ལྷ་ལྔ། འཇིགས་བྱེད་རོ་ལངས་བརྒྱད་སྐོར། སྒྲོལ་མ་རྣལ་འབྱོར་མ་སོགས་ཀྱི་དབང་། སྒྲོལ་མ་དང་། བཀའ་བབས་བདུན་གྱི་འཁྲིད་ཡེ་ཤེས་རྒྱ་མཚོའི་རིག་ཟིག་སྟེང་ནས་ཇོ་ལུགས་བདེ་མཆོག་རྩ་རྒྱུད་ཀྱི་བཤད་པ་སོགས་གསན། དཔོན་ཀརྨ་ལས། ཆོས་དབྱིངས་གསུང་དབང་མ་གཏོགས་པའི་རྔོག་དཀྱིལ། གཤེད་དམར་ལྷ་ལྔ་རྣམས་གསན། འབྲུག་ཡོངས་འཛིན་ལས། པཎ་ཆེན་ནགས་རིན་ནས་བརྒྱུད་པའི་རྡོར་ཕྲེང་། གསང་འདུས་མི་བསྐྱོད་པ། གཤེད་དམར་གྱད་ཆེན། རྒྱ་ཡེ་ཤེས་རྡོ་རྗེའི་སྤྲུལ་སྐུ་ལས། བདེ་མཆོག་འཇམ་རྡོར་དང་། མཻ་ཏྲི་༡༣མ་སོགས། ཁམས་སྤྲུལ་ལས་དུས་འཁོར་སྡོམ་ཆེན་སོགས་རྒྱུད་སྡེའི་དབང་བཀའ་ལ་ཐུགས་རྩོལ་ཆེར་མཛད། རྒྱལ་རོང་ནས་ཀུན་བཟང་དབང་པོའི་དཔོན་བླ་མ་ཀུན་དགའ་རྣམ་རྒྱལ་ལས་ཇོ་ནང་ཏཱ་ར་ནཱ་ཐའི་བཀའ་འབུམ་ཡོངས་རྫོགས་ཀྱི་ལུང་གསན། གསུང་རྩོམ་སྐོར་ལ། རང་ཉིད་ཀྱི་བླ་མ་དྷརྨ་ཀ་རའི་གསུང་འབུམ་གྱི་ཞལ་སྐོང་སོགས་སྤར་དུ་འཁོད་རིགས་དང་། གཞན་རྗེ་རང་ཉིད་ཀྱི་རྟོགས་བརྗོད་རིན་ཆེན་ཕྲེང་བ། ཀ་ལཱ་པའི་བཤད་སྦྱར་ཟླ་ཟེར། སྙན་ངག་མེ་ལོང་དང་། མངོན་བརྗོད་འདོད་འཇོའི་ཟིན་བྲིས། མུ་ཏིག་ཕྲེང་བའི་འགྱུར་བཅོས། སྡེབ་སྦྱོར་ཀུན་ཏུ་རབ་ཏུ་འཇུག་པ། འཇང་པ་ཐར་མཆོག་ལས་རྒྱ་རྩིས་སྐོར་དང་། ས་དཔྱད་སོགས་ཤིན་ཏུ་མང་བ་གསན་ནས་གསར་འགྱུར་སྒྲའི་བྱིངས་ལས་བཅས་ལས་མེད་ཀྱི་འཕྲོས་དོན། བཙོང་ཁ་པའི་བི་བརྟའི་རྒྱུ་མཚན། ཚེ་དཔག །ཀུན་རིག །ཆབ་གཏོར་རྣམས་ཀྱི་ཟིན་བྲིས། གསོ་རིག་གི་ཆོས་འབྱུང་ཁྱད་འཕགས། སྟག་ཤམ་ཡི་དམ་དགོངས་འདུས་ལས་བྱང་འགྲེལ་པ། གཡུ་ཐོག་སྙིང་ཏིག་ལས་བྱང་འགྲེལ་པ་དང་བསྙེན་དམིགས། ཟུར་ལུགས་ཕྱག་བཞི་བའི་མདོས་ཆེན། གཅོད་སྐོར། གསལ་སྒྲོན་གྱི་གཏོ་སྒྲོམ་ས་བདག་ཉེས་པ་ཀུན་སེལ་སོགས་ཀྱི་ཟིན་བྲིས། ཟབ་མོ་ནང་དོན་ཟིན་བྲིས། སྦྱིན་སྲེག་གི་རྫས་སྔགས་ཀྱི་རྒྱུ་མཚན། བུམ་རྫས་ཀྱི་ངོས་འཛིན་གྲུབ་མཐའི་སྐོར་གྱི་ཟིན་བྲིས་ཚིག་བཅད་ལྷུག་མང་ཙམ། པཎ་ཆེན་བློ་བཟང་དཔལ་ལྡན་ཡེ་ཤེས་དང་འབེལ་གཏམ་གྱི་ཟིན་བྲིས། དྲུག་བཅུ་པའི་ཟིན་བྲིས་དཀྱིལ་འཁོར་བློས་བསླངས་སོགས་ཀྱི་ཐིག་རྩ། བདེ་མཆོག་ནམ་མཁའ་ལྡིང་གི་ཆར་འབེབས། རྡོ་རྗེ་གདན་བཞིའི་ཡུམ་བཀའི་ཆུའི་སྦྱིན་སྲེག །བཛྲ་གུ་རུ་དང་ཐོད་ཕྲེང་རྩལ་གྱི་ངེས་དོན་བཤད་པ། ཨཪྩི་ཀ་གི་རྣམ་བཤད་གསང་དོན་ཀུན་གསལ། ཀུན་མཁྱེན་དྷརྨཱ་ཀ་རའི་གསུང་རྒྱུན་སྣ་ཚོགས་ཟིན་བྲིས། རྫོགས་ཆེན་སྙིང་ཏིག་དང་རྭ་ལུགས་འཇིགས་མཛད་སྙན་བརྒྱུད་ཟིན་བྲིས། ཕུག་ལུགས་ནག་རྩིས་ཀྱི་ལོ་མགོ་དང་། ཟླ་དུས་ཞག་གི་བརྒལ་བརྟག །རྩིས་རིག་སྨྲ་བ་རྣམས་ལ་སྤྲིངས་པའི་འཇའ་ས།། །། ༈ ལྡེབ་༣༦༢བཞི་ཡིས་ཚངས་པའི་བསོད་ནམས་བསྐྱེད། ཅེས་པ་ནི་སྟག་ལོ་རང་གི་རིག་གནས་ཀུན་ཤེས་རྩ་བར། བཞི་ནི་ཚངས་པའི་བསོད་ནམས་སྐྱེད་བྱེད་དེ། །སྔར་མེད་གནས་སུ་རྒྱལ་བའི་རིང་བསྲེལ་མཆོག །གཞུག་པའི་མཆོད་རྟེན་རྩིག་པར་བྱེད་པ་དང་། །དགེ་འདུན་ཀུན་ར་ལོངས་སྤྱོད་དང་བཅས་བྱེད། དགེ་འདུན་བྱེ་བ་ལེགས་པར་བསྡུམས་པ་༢དང་། །བྱམས་སོགས་ཚད་མེད་བཞི་པོ་བསྒོམ་པའོ། །ཞེས་གསུངས་ཏེ། རྫས་ལས་བྱུང་བའི་བསོད་ནམས་བདུན་གྱི་དང་པོ། །ཀུན་དགའ་ར་བ་དང་། གཙུག་ལག་ཁང་བཞེངས་པ། གཞན་དགེ་འདུན་བྱེ་བ་བསྡུམ་པ། བྱམས་སོགས་ཚད་མེད་བཞི་བསྒོམ་པ་སྟེ་བཞི། གནས་སྐབས་ཚངས་པའི་བསོད་ནམས་བསྐྱེད་པས་རྣམ་སྨིན་མཉམ་པར་གསུངས་པ། ལུང་དེའང་འདུལ་ལུང་རང་ཡིན། མངོན་བརྗོད་སྐབས་དངོས་ཀྱི་ཚུལ་གསུམ་དང་། བཏགས་པའི་ཚུལ་ལྔའི་གྲངས་ངོ་མ་བགྲངས་པ་ཆོས་རྣམ་པའི་བསྡུས་ར་སོགས་སུ་ནི་མི་སྣང་། གཞན་དཔེ་མེད།། །། ༈ ཟློས་གར་ཁམས་འགྲེལ་དེ་བསབས་ཡོད་ཀྱང་། རྣམ་གྲངས་ཙམ་མ་གཏོགས་རྒྱས་བཤད་དང་དོན་གྱི་ཆིངས་སོགས་ནི་མི་འདུག། །། ༈ ༡༡༢་པར་འཆད་ཚུལ་དྲུག །སྐུ་དྲང་པོར་བསྲངས། སྨིན་མ་༢གཟེངས་གཏོད། སྤྱན་ཟིམ་བུར་༣གཟིགས། ཞལ་གྱི་ཡོན་ཏན་༤ཕྱེ། དུང་གི་ཚེམ་༥བར་ན། ལྗགས་ཀྱི་དབང་པོ་༦བརྐྱངས་ཏེ་ཚངས་པའི་དབྱངས་སུ་གསུངས་སོ་ཟེར་བ་དེ་ཡིན་ནོ། །སྔ་འགྱུར་རང་གི་ཟུར་སྐད་དུ་སྣང་ཞིང་། རྒྱུད་ཀྱི་ཁུངས་ངེས་པ་གང་ཡོད་པ་རྟག ། ༈ ༡༥༨ པར། ཇོ་བོ་རྗེས་སྦྱོང་རྒྱུད་སྤེལ་ཚུལ་དཀྱུས་སུ་གསུངས་པ་དེ་ལས། གཞན་རྡོར་དབྱིངས་སོགས་ཡོ་གའི་གཞུང་ཆེན་པོར་གསུངས་ཚུལ་དམིགས་བསལ་མི་སྣང་།། །། ༈ ༡༥༩ པར་དཔྱལ་ལོ་དེ་ཤེས་འོད་པའི་སྒོམ་པ་འཆི་མེད་བདུད་རྩི་ཡང་ཡོད། དོན་དུ་དཔྱལ་འཕགས་པ་དཔལ་དང་། དཔྱལ་ཀུན་མཁྱེན་ཆེན་པོ་སོགས་ནས་བརྒྱུད་པའི་ཕུར་པ་དཔྱལ་ལུགས་སོགས་ད་ལྟའི་བར་བྱུང་། དཔྱལ་ལོའི་གདན་ས་ཐར་ལོ་སོགས་ཀྱིས་ཀྱང་རྙིང་མའི་རྒྱུད་གསང་སྙིང་འགྱུར་བཅོས་ཀྱིས་གཙོས་སྔ་འགྱུར་ལ་ཞེ་ཁེལ་བར་མཛད། དཔྱལ་ཀུན་མཁྱེན་འདི་བུ་སྟོན་དང་དུས་མཉམ། སྔ་འགྱུར་གྱི་ཡིག་ཆ་མཛད་པ་ཡང་མང་། དེར་མ་ཟད་རྒྱལ་ལོ་ཆེན་ཨེ་མོ་གྷས་ཀྱང་པཎ་ཆེན་ཤཱཀྱ་ཤྲཱི་ལ་ཡང་དག་མེ་གཅིག་གསན་པ་སོགས་སྨན་ལུང་གི་དཔྱལ་བའི་གདུང་རབས་སྔ་མ་ནས་རྙིང་མ་གཙོ་བོར་མཛད་པར་གསལ་ནའང་ལོ་རྒྱུས་རྒྱས་པ་མ་མཇལ། ཐར་པ་ཆ་མཐུན་ལྔའི་རྒྱས་བཤད་མ་རྙེད་ཅིང་། ལར་ཀུན་མཁྱེན་ཆེན་པོའི་གསུང་རབ་ལས་བརྡ་ཁྱད་ཟུར་གསལ་ཞིག་རྙིང་མའི་གཞུང་དང་བསྟུན་པས་ཆོས་ཀྱི་སྐད་ཀྱིས་འཆད་དཀའ་བ། དཔེར་ན་ཡིད་བཞིན་མཛོད་ཀྱི་གཟུགས་ཁམས་སོ་སོར་རིན་པོ་ཆེའི་ནམ་མཁའ་རེ་བཤད་པ། སློབ་དཔོན་རིན་པོ་ཆེའི་མུ་ཏིག་ཕྲེང་བའི་རྒྱུད་འགྲེལ་དུ་སྣང་བ་ལས་གཞན་མདོ་རྒྱུད་གང་ལའང་དེ་འདྲ་མ་གསུངས་པས་མཚོན། དེང་སང་ཀུན་མཁྱེན་གསར་རྙིང་གི་གཞུང་ལྗགས་བྱང་བར་ཀློག་པ་རྣམས་ཀྱིས་ཀྱང་། རྒྱུ་མཚན་འཆད་དུ་མེད་པར་མང་བར་སྣང་།། །། ༈ ༨༧༥འཇིག་རྟེན་ཕྱིན་ཅི་ལོག་གི་རྣམ་རྟོག་བརྒྱད་པ་སྡེའི་དཔེ་འདིར་ཡང་མེད་པ་སོགས་ཀྱིས་མ་རྙེད། ། ༈ ༤༤༦ཆོས་ལྔའི་མིང་གི་དབྱེ་བསྡུ་སྐབས། ཇོ་ནང་ཐེག་མཆོག་དབུ་མའི་གཞུང་རང་དུ། །དངོས་པོའི་མིང་དང་དེ་བཞིན་འབྲེལ་༢པའི་མིང་། །བསྡུས་༣དང་༤ཐ་དད་གྲགས་༥དང་མ་གྲགས་༦ཏེ། །མིང་གི་དབྱེ་བ་དྲུག་ཏུ་མ་འདུས་མེད། ཅེས་གསུངས། ཡེ་ཤེས་རྒྱ་མཚོའི་ཟིན་བྲིས་དཔེ་དོད་ཙམ་ཡོད་ཀྱང་། ཐ་དད་པའི་བཤད་པ་ཆད། གཞན་འདི་རིགས་ཀྱི་བཤད་པ་མང་པོ་མཐོང་ནའང་མིང་གི་རྣམ་གྲངས་དྲུག་ཏུ་བསྡུས་པའི་དམིགས་བསལ་མ་མཛད། དོན་གྱི་འབྲེལ་དཔྱད་ན་ནི། འདུས་པ་ལ་ལྡོག་པ་ཐ་དད་པའི་མཚན་ཉིད་ཨེ་ཡིན། དེ་ལྟར་ན་ཐ་དད་པའི་མིང་ནི་དེ་ལས་ལྡོག་པ་སྟེ། བུམ་པ་འདི་རྣམས་ནི། གསེར་དང་། དངུལ་དང་། ཟངས་ཀྱི་བུམ་པའོ། །ཞེས་ཁྱད་གཞི་གཅིག་ལས། བྱེ་བྲག་ཐ་དད་པར་སྣང་བའི་སྒྲ་སྤྱི་ལྟ་བུ། ཞེས་སྦྱར་ན་ཅི་འགྱུར་གཟིགས།། །། ༈ རྙིང་མའི་སྒྱུ་འཕྲུལ་ཁྲག་འཐུང་རྩ་འཚམས་ཀྱི་ཁུངས་སོགས་ལོ་ཆེན་རིན་པོ་ཆེའི་གསུང་རབ་ཀུན་བཟང་རོལ་པ་འདིར་རགས་རིམ་གསུངས་འདུག་པ་ལྟར། ཁུངས་དང་ལག་ལེན་གྱི་སྡོམ་ཚིག་ཙམ་བཀོད་ན་ཤིན་ཏུ་ལེགས་པས་ལྡེབ་གཅིག་ཙམ་འབྲི་རྒྱུ་མཛད་ན་ལགས། དེང་སང་ཕལ་ཆེར་ནས་ཁ་སྐད་དུ། ས་སྐྱའི་ཕུར་འཆམས་འདི་སློབ་དཔོན་རིན་པོ་ཆེས་བསམ་ཡས་ས་འདུལ་མཛད་དུས་རྡོ་རྗེ་ཕུར་པའི་སྒོ་ནས་ནམ་མཁའ་ནས་རྡོ་རྗེའི་འགྲོས་ཀྱིས་ས་གཞི་བྱིན་གྱིས་བརླབས་པའི་ཕྱག་ལེན་གྱི་རྒྱུན་འཁོན་རིགས་བརྒྱུད་པའི་ཕྱག་གཞེས་བར་མ་ཆད་པ་ཡིན་ཚུལ་དང་། འདི་ལ་བརྟེན་ནས་རྙིང་མའི་སྒྱུ་འཕྲུལ་བཀའ་བརྒྱད་ཀྱི་རྩ་འཆམས་སོགས་མཛད་སྐད་བཤད་མཁན་མང་ནའང་། སློབ་དཔོན་རིན་པོ་ཆེས་ཕུར་པ་ལ་བརྟེན་ནས་རྡོ་རྗེའི་འགྲོས་ཀྱིས་ས་གཞི་བྱིན་གྱིས་བརླབས་པ་དང་། དེའི་རྒྱུན་ཅི་རིགས་པ་བྱུང་ཡོད་པ་གཞིར་བཅས། འོན་ཀྱང་ད་ལྟའི་ཕྱག་ལེན་འདི་ནི་བླ་མ་དམ་པ་བསོད་ནམས་རྒྱལ་མཚན་ནས་སྒྱུ་འཕྲུལ་རྩ་འཆམས་ལ་བརྟེན་ནས་ཕུར་པའི་རྩ་འཆམས་མཛད་པ་སོགས་ལོ་ཆེན་རིན་པོ་ཆེས་ཇི་ལྟར་གསུངས་པ་བཞིན་ཡིན་ངེས་སོ། །ལར་ཟློས་གར་གྱི་རིགས་རྒྱ་བལ་དུ་གྲགས་པ་དངོས་ནི་བོད་འདིར་མ་དར་ནའང་། ཐུན་མོང་གི་དབང་དུ་བྱས་ན་ཨ་ལྕེ་ལྷ་མོ་རྩེ་བ་སོགས་ཀྱང་ཟློས་གར་ལས་མ་འདས་ཤིང་། ཐུན་མོང་མ་ཡིན་པའི་དབང་དུ་ན། ཁྲག་འཐུང་རྩ་འཆམས་སོགས་སྔོན་བྱུང་སྟོན་པའི་རྣམ་འཕྲུལ་རྗེས་འཇུག་གདུལ་བྱའི་ཉམས་ལེན་ལ་སྦྱར་བའི་འཕྲིན་ལས་ཀྱི་བྱང་བུ་དང་མཐུན་པར་ཟློས་གར་གྱིས་གདུལ་བྱའི་རྒྱུད་ལ་མངོན་སུམ་ལྟ་བུའི་ངེས་ཤེས་འདྲེན་པར་མཛད་པ་དང་། གཞན་གསར་རྙིང་གི་རྒྱུད་སྡེ་ཀུན་ལ་ཡོངས་སུ་གྲགས་པའི་གར་གྱི་རྣམ་བཞག་ཐམས་ཅད་ཀྱང་སྒེག་པ་ལ་སོགས་པའི་ཉམས་འགྱུར་དུ་མས་ཁྱད་པར་དུ་བྱས་པའི་ཟློས་གར་ཁོ་ན་ཡིན་པར་མ་ཟད། མུར་གར་རྒྱས་པ་སོགས་ཀྱི་འགྲོས་དང་། ཟློས་གར་གྱི་འཆམས་སྦྱོང་བའི་ཡན་ལག་ལྔ་སོགས་ཞིབ་ཏུ་སྦྱོང་རྒྱུ་ཡོད་པར་སྣང་།། །། ༈ སྒྲུབ་སྡེ་བརྒྱད་ཀྱི་དགོངས་པའི་བཤད་པ་སྐབས་འདིར་མདོར་བསྡུས་འདི་ཙམ་གྱིས་འཐུས་སྙམ། གཞན་དུ་བདེ་འདུས་ཀྱི་སྒོས་རྒྱུད་དང་། རྡོ་རྗེ་ཆོས་ཀྱི་ལུང་ལྔ་སོགས་ཕན་ཚུན་ལྟོ་སྦྱར་ནས་བཤད་ན་ཞིབ་ཏུ་འཆད་རྒྱུ་ཡོད་སྙམ་ནའང་དཔེ་མེད་པས་དཀྲིགས་ཆ་མ་འཚལ། གཏེར་གསར་བཀའ་བརྒྱད་བདེ་གཤེགས་ཀུན་འདུས་ཞེས་འདི་ལོར་འབེབས་པ་འདི་ལའང་འདི་སྦྱོར་བའི་བཤད་པ་རྒྱས་པར་འོང་རིགས་སུ་སྣང་། སྐུ་གསུང་ཐུགས་རྡོ་རྗེ་བརྩེགས་པའི་རྒྱུད་དུ་རྩ་ཚིག་རགས་རིམ་ཞིག་འདུག་ནའང་། རྒྱུད་དེའི་འགྲེལ་པ་འདྲ་ནི་བཞུགས་སྐད་མ་ཐོས། རྫོང་འཕྲང་སོགས་སུ་ཐོར་བུའི་བཤད་པ་མང་ནའང་། ཕྱོགས་གཅིག་ཏུ་རྐང་ཚུགས་པ་ནི་མེད། གང་ལྟར་འདི་རིགས་སྒྲུབ་སྡེའི་གཞུང་ལམ་གྱི་ཆོས་སྐད་ཆེན་པོར་སོང་བས་རྐང་ཚུགས་པའི་སྤྱི་དོན་ཉུང་གསལ་འདྲ་བྱུང་ན་ཤིན་ཏུ་དོན་གལ་ཆེ་བར་སྣང་།། །། ༈ རང་སྣང་ལོངས་སྐུ་ཆེན་པོ་དངོས་དང་། ཕྱེད་སྣང་ལོངས་སྐུ་ཕྱེད་གདུལ་བྱ་གཞན་གྱི་སྣང་བས་བསྡུས་པས་སྔ་མ་ལ་འོས་ནས་བཏགས་པ་འདི་ཁྱད་དུ་ཕྱེས་ན་ལེགས་སོ།། །། ༈ མཛོད་ཀྱི་རྒྱུ་དྲུག །རྐྱེན་བཞི་ལ་བྱེ་མདོ་རང་གི་ལུགས་ལྟར་ན་དཔེའམ་མཚན་གཞི་རེ་རེས་དམིགས་བསལ་ལྟར་ན་ཁྱབ་ཆུང་བ་ལྟ་བུའི་སྐྱོན་འབྱུང་བ་ཡིན་ནོ། །དེ་འདྲ་སྦྱར་བ་མ་མཇལ་རུང་། གང་ལྟར་ཡང་འདི་དང་ཉན་ཐོས་བསྒོམ་ལམ་པ་གང་ལ་བསྟེན། མཐོང་སྤང་དབྱེ་བ་སོགས་མཆིམས་མཛོད་འདི་ཚད་ཐུབ་ཀྱི་འགྲེལ་པར་སྣང་བས་འདིའི་རྗེས་སུ་འབྲངས་ཏེ་གསལ་ཁ་རེ་མཛད་རྒྱུ་བྱུང་ན་ཤིན་ཏུ་ལེགས།། །། ༈ གསང་འདུས་སྟོངས་ཐུན་གྱི་དོན་བསྡུས་འདི་ཁུངས་མང་ནའང་། སྔ་རབས་པའི་བཤད་སྲོལ་འཁྲུལ་མེད་རྗེས་སུ་ཟློས་པས་ལེགས་ཤིང་ལར་འདི་འདྲ་ཞིག་མ་གཏོགས། འདུས་པ་རང་གི་རྒྱུད་ཀྱི་སྤྱི་དོན་ལྟ་བུ་ནི་གཏན་ནས་མ་མཇལ་བས་ཅི་བྱ་མེད། མན་ངག་གི་དབང་དུ་བྱས་ན། རིམ་ལྔ་ཤེས་ན་འདུས་པའི་རྒྱུད་དོན་ཁྲོལ་བས། ཐོག་མར་རིམ་ལྔའི་ཁྲིད་འབོགས། གཟོད་རྒྱུད་ཀྱི་བཤད་པ་བྱེད་པ་སྔ་རབས་པ་ཐམས་ཅད་ལ་ཡོངས་སུ་གྲགས་ཤིང་འཕགས་འོད་དང་། བུ་སྟོན་རིན་པོ་ཆེ་མཇལ་དུས་ཀྱི་རྣམ་ཐར་གྱིས་ཀྱང་ཤེས། བཤད་ཐབས་ཙམ་ནི་རྒྱན་བདུན་གྱིས་བསྡུས་པ་སྒྲོན་གསལ་ལས་རྒྱ་ཆེར་བཤད་པ་ལྟར་རོ།། །། ༈

སོ་ཐར་ལམ་རིམ་བུ་སྟོན་རིན་པོ་ཆེའི་གསུང་འདི་བཞིན་ལས། སྤྱི་བབས། དགེ་སློང་དག་ཚུལ་ཁྲིམས་དག་པར་བྱས་ན་སེམས་ལས་སུ་རུང་བར་འགྱུར་རོ། །སེམས་ལས་སུ་རུང་ན་ཤེས་རབ་ཀྱི་མིག་སྐྱེ་བར་འགྱུར་རོ། །ཤེས་རབ་ཀྱི་མིག་སྐྱེས་ན་སེམས་ཟག་པ་ལས་གྲོལ་བར་འགྱུར་རོ། །ཞེས་འགྱོད་པ་མེད་པའི་ཚུལ་ཁྲིམས་ཀྱིས་སེམས་ལས་སུ་རུང་ཞིང་ཏིང་ངེ་འཛིན་འགྲུབ་སླ། དེས་ཤེས་རབ་ཀྱི་དབང་པོ་སྐྱེས་ཏེ་ལམ་ཐམས་ཅད་རྫོགས་པའི་ཚུལ་བཤད་པ་རྒྱ་ཆེར་སྣང་ནའང་། སོ་ཐར་གྱི་ཚུལ་ཁྲིམས་གཅིག་པུས་ལམ་ཐམས་ཅད་བགྲོད་པའི་ཚུལ་སོགས་ལམ་གྱི་རིམ་པར་གཟིགས་པ་དེ་འདྲ་ནི་མ་མཇལ་བས། བུ་སྟོན་རིན་པོ་ཆེའི་གསུངས་འདི་ཀ་སོར་བཞག་ན་ལེགས།། །། ༈

[edit]

slob dpon rin po che'i sku chas sogs zin thun sna tshogs/ slob dpon rin po che'i sku chas/__nang du mdung ma'am gsang gos dkar po'am/__mthing ga__/dbyibs rdul len lta bu de steng phod kha mthing nag dang/__la lar mthing khra/__de steng chos gos dmar po le'u la gser gyi hA ste me tog gi ri mo yod pa/__la lar pa tra'ang gsungs te/__spyi 'dus kyi shog ser la'ang rtsa mchan gyi tshul du gnyis yod skad/__de steng za 'og ces gos chen kha dog sna tshogs lhug 'thags byas pa'i khri ber mnabs pa'o/__/'on kyang gter gzhung rnams su 'dra min ci rigs 'byung bas mtha' gcig tu bzung dka'/__/klu sman thams cad la sro ma legs tshul stag sham rnam thar dang gzhan du'ang snang mod gang yin dpyad/__aR+tsis dang /__na rtsis zhes 'bar ba dang /__cher 'bar ba la 'jug__/phyi ma tshig phrad kyis a phyis pa bzhed/__ma hA san+d+hi la lar ma hA sa ma d+hi zur chag pas ting 'dzin chen po zhes par bzhed/__yang sgrub kyis dam pa 'dzin pa chen po dang /__yang na mnyam pa'i blo chen por bsgyur/__zhi khro'i sa ni dug gi pha sogs kyi don/__gnas skabs kun tu 'byung ba lnga la rten dang brten pa'i tshul gyis dug gsum bskyed pa la dgongs/__/thams cad sa yi rang bzhin sogs kyi don/__rags pa'i 'byung ba dang rdzas 'gal ba gnyug sems dang lhan cig pa'i 'byung bzhi yul bzhi'i ngo bor bzhugs pa las rang shar ba'i zhing khams la dgongs/__btags grol rgyun du 'chang ba tsam la 'gal ba med 'dra/__ji ltar yang dbugs la nges par slebs dgos pa rgyud sde'i dgongs pa yin/__ma bsgoms sangs rgyas chos lnga'am drug gi ngos 'dzin 'dra min mang ste/__mthong grol sku tshab dang /__tsakra/__me long sogs la brten pa dang /__la lar thod rgal gyi ngo sprod thos grol btags grol gyi gsang sngags bklag pa dang /__khregs chod kyi ngo sprod/__reg grol pad+ma can la sbyor ba dang /__la lar rdzas kyi sbor ba'ang gsung /__spyir grol ba tsam la rnam grangs mang zhing /__mi 'khrugs pa'i gzungs sngags mthong grol dang /__pad+moSh+NI ShI'i sngags dung la btab nas thos grol/__de nyid kyi du bas bdugs pa'i chos gos kyis reg grol/__dbang po rab 'bring gi khyad yin/__sor 'brang ma'i 'khor los btags grol/__don zhags sogs kyi ril bu bsgrubs pa dang /__lan bdun pa'i myong grol sogs gsar ma'i rgyud dang man ngag las rgya cher bshad pas rnying ma gcig pur dogs 'tshang mi dgos shing /__des rgyu byas nas skye ba phyi mar myong 'gyur ngan song gi sdug bsngal las grol nas/__rim gyis mtho ris kyi rten las rnam par grol ba'i go 'phang thob pa la dgongs pa'i phyir ro//____//__! bla ma'i rnal 'byor dang /__skyabs yul sogs bdag mdun gyi tshul du bsgom/__rdor sems bdag bskyed rigs bdag gi tshul du bsgom//____//__! sems 'khrid kyi skor rnams bla ma'i byin rlabs kyi rim pa la ltos nas rang rgyud la shugs 'byung gi tshul du rim gyis skye ba ma gtogs/__tshig skam gyi bshad pa mang pos nyams len la bya shor du 'gro bas gtan nas mi byed do/__/'on te dge phyogs kyi gnad bzhi'i dpyad pas lta ba btsal tshul sogs dbang po rtul po dang /__las dang po pa'i rigs la blo sbyong ba'i thabs dang /__bag chags 'jog thabs legs par bzhed ces snang ngo //____//__! ku ru kul+le zhes pa'i sgra/__Dukr-inya? byed pa la hi dang /__ku la tshogs pa la g+hanya? sbyar mthar I pra byin pas grub pa dang /__bod skad du chags byed mar 'gyur tshul sogs snang yang dpyad bya'i gnas dang /__rdo rje snying 'grel du nges tshig gi bshad pa yod pa ltar legs/____/_! mthong spong ni mthong ba'i lam gyi spang bya'i ngo skal du gyur pa ste/__nyon mongs mngon gyur/__bsgom spang ni de nyid kyis spang bya bag nyal rnams so/__/byang phyogs so bdun 'khrid rim dang sbyar na/__dal 'byor rnyed dka'/__'chi ba mi rtag pa/__'khor ba'i nyes dmigs rnams tshogs lam chung ngu /__las rgyu 'bras bstan pa tshogs lam 'bring po/__/skyabs sems sngon du 'gro bas lha dang mi yi sems 'dzin sogs tshogs lam chen po/__phar phyin drug gi nyams len rgyas par bshad pa sbyor lam drod rtse/__khyad par phar phyin tha ma gnyis la snying por dril ba bzod chos/__tha ma'i dngos 'bras bden pa mthong ba mthong lam de'i rgyun goms par byed cing rang gzhan gnyis ka'i don spyod pa sgom lam/__de'i dngos 'bras mi slob pa'i lam mo/__/sngags dang sbyar na/__rdo rje theg pa'i nyams len thams cad phar phyin drug tu bsdu ba'i tshul gyis so/__/de ltar na'ang bya spyod gnyis kyi nyams len ni/__rgyu dang 'bras bu'i rnal 'byor lam du byed pa ste/__rgyu tshogs gnyis bsags pa sngon du 'gro bas/__'bras bu mdun nam rang lhar bsal ba gzugs sku dang /__mthar byas ye shes pa gshegs bsdu sogs chos sku'o/_/rnal 'byor rgyud kyi nyams len ni/__lar thar pa'i 'dra 'bags rdzogs pa'i sangs rgyas dang por thugs bskyed pa nas mthar gyis longs spyod rdzogs pa dang sprul pa'i sku'i sangs rgyas mdzad pa dang bcas par rjes su mthun pa'o/__/bla med ni mar 'khor ba'i 'dra 'bags lam du byed pas gnas bsgyur ba'i tshul gyis bsgom pa ste/__skye ba snga ma'i 'chi kha'i 'od gsal nas/__da lta'i 'chi ba'i 'od gsal gyi bar mngon rtogs gcig gis sbyangs shing sgyur bar byed pa'o/__/gnad de rnams la legs par dpyad pas zab pa dang /__mi zab pa'i tshul kyang shes par sla'o//____//__! lta ba ni/__/gnas skabs khas blangs pa'i dbang du byas na/__dbu ma thal 'gyur ba kho na dang mthun par smra ste/__de la ni skyon gyi gzhi ma grub pa'i phyir ro/__/mthar thug mnyam par bzhag pa'ang de nyid kyi khas len dang bral bar gcig tu 'bab sa mod/__'on te grub mtha'i ming 'dogs pas ci yang byar med do/__/gnad 'di shes na dgag sgrub mang po srang mdo'i khyi 'dzing dang 'dra bas thugs bde 'bol gyis bzhugs shig__/da dung yid ma ches na sher phyin stong phrag brgya pa la dris shig_/des kyang yid ma ches na theg pa chen po'i nang nas bzhengs shig/____/_! rdor phreng sogs kyis skabs/__ma ha rAk+ta sogs bod skad du bsgyur na/__dga' ba chen po shin tu brtan/__/shin tu dgyes dang shin tu bde/__/rdo rje sems dpa' de ring ni/__/grub par mdzod cig bdag la'o/__/zhes sa bzang ma ti paN chen gyi 'gyur ro//____//__! mkha' spyod ma'i khrid kyi skabs gnyis skyes mchog gnyis ni/__rat+na rak+Shi ta dang /__ma na ka shrI/___gnyis bral 'chad dus zhal shes gsum zhes pa/___bskyed rdzogs gnyis zung 'brel du 'chad skabs/__bskyed rim la bla ma bskyed bstim/__rdzogs rim bsam mi khyab thun min bcas gsum mo/__/gnyis bral chig brgyud kyi don du 'dod pa dang /__dbu mar ngos 'dzin pa sogs snang ngo //____//__! rgyun gyi nyams len gyi snying po ni/__lha sku snang stong dbyer med dang rang rig pa ma bcos pa mnyam khad kyis 'dres pa'i ngang las sngags yid bzlas bya ba kho na'o//____//__! kha cig rnying ma'i sngags la bod skad mang du 'dres pa sogs kyis byin rlabs g.yel bar sems pa dag snang mod/__de ni blo gros phur khung thug pa ste/__grub pa'i slob dpon pad+ma saM b+hA ba la sogs pa sngags 'bras byin gyis rlob pa'i mthu dang ldan pa rnams kyis de ltar byin gyis brlabs pas na 'gal ba cung zad tsam yang med do/_/de yang mi 'dod na/__gsar pa'i rgyud sde'i sngags rnams las kyang de bzhin gshegs pa'i brda dang /__mkha' 'gro'i skad dang /__zur chag dang /__'gro lding pa'i skad la sogs pa ji snyed cig 'byung bas na legs sbyar kho nas ma khyab cing /__zur chag la sogs pa 'dres pas byin rlabs mi nyams pa dang /__bod yul kho na'i skad kyis de las ldog pa'i rgyu mtshan ci yang med pa'i phyir ro//____//__! la la dag lam 'bras dang /__rdzogs chen gyi gzhung kha cig sogs las snang ba sems su gsungs pas sems tsam bar 'dod mod/__de ni ma yin te/__'og ma dag rim gyis blo drang ba'i phyir du gsungs pas thabs la mkhas pa kho na'i khyad par gyi chos ste/__gzhan du na gdul bya la dbang po mchog dman la sogs pa'i dbye ba bsam gyis mi khyab pa yod pa'i phyir thams cad lam gcig gis bkri mi shes par 'gyur ba'i phyir ro/__/rang rang gi bzhed pa dngos ni sems tsam par nam du'ang gnas mi srid de/__dgongs pa mthar thug pa brjod bral dang /__blo 'das kyi gnad la thug pa'i phyir dbu ma thal 'gyur ba'i de kho na nyid dang tshig tsam ma yin par mthun te/__slob dpon klus/__nga la khas len med pas na/__nga ni skyon med kho na yin/__/zhes gsungs pa'i khas len med pa dang brjod bral gnyis don gcig cing /__de yi ngo bo blo 'das yin pa'i phyir ro/__/rdzogs chen gyi gzhung chen po dag las/__snang ba sems su 'dod pa nga las gol ba yin/__/zhes sogs gsungs pa ni mthar thug gi don la dgongs kyi/__gnas skabs lam stegs tsam du khas blangs la 'gal ba med pa'ang shes dgos so//____//__! thang stong gi rgyal po lung stong gi smyon pa zhes grub thob rang gi gsungs zur la dpags na/__thang gi skad dod/__s+tha ni 'os 'dug__/bon la dngos gnas su'ang 'jig rten pa dang /__myang 'das kyi theg par khyad che bar ma zad/__phyi nang gi khyad 'byed grags che ba'i/__phyi pa'i dbang du byas na/__tIr+tha ka__/nang pa'i dbang du byas na d+harma zhes 'jog 'os smon rgyal kun grol nas kyang rnam bshad rig pa'i lung don dang sbyar snang zhu/__gyadaX kyi khamaX zas zhes pa hab cher rol pa'i don yin phyir skabs der thabs shes bza' btung mched lcam gyis rol pa'i don 'dug__/gter tshag la stag sham rdo rje'i dag snang du/__thig le thabs shes gnyis dang zla tshes dbyer med zung 'jug gi mtshon don yin gsungs 'dug pas 'di sgor nas/__:__'di bzhin dag par brtsi 'dug__/smin gling par mar/_\u0f7f_'di bzhin snang ba dgongs pa mkha' ltar mtha' gcig tu kha tshon chod pa med dam snyam//____//__! sha lnga la 'chad tshul mi 'dra ba mang du yod pa'i rgyu mtshan/__dus 'khor rgyud 'grel du/__yul gang na za ba po yod na gsod pa po yod pas/__ba lang gi sha za ba'i yul du ba lang gi sha ni kha na ma tho ba'i shar gsungs pa dang mthun/__snga 'gyur gyi gzhung 'ga' zhig tu/__bod yul gyi dbang du byas te/__ba lang gi tshab tu rma bya dang /__khyi sha'i tshab tu seng ge'i sha bzhag pa sogs snang ngo //____//__! A ra li zhes pa thad 'gyur rol pa dang /__brda skad ltar na/__a ni a ba d+hU ti ste dbu ma/__ra ni rA sa na ste ro ma/__la ni la lan ste rkyang ma ste/__dbu rkyang ro gsum gyi brdas bstan pa'i mkha' spyod sa spyod sa 'og spyod de gnas gsum gyi dpa' bo dang mkha' 'gro ma rnams 'bod pa'i don du sbyar ba'o//____//__! tsi pa Ta ni mi sna leb can gyi ming ste/__srog chags zur pa min no//____//__! ti ra zhes pa/__ti ras ste dud 'gro la 'jug__/snga 'gyur rnams su mi la 'jug par mdzad pa ni/__ma hA ti ras phyugs chen po zhes mi la 'jug pa'i dbang du byas pa ste/__rab zhes bshes gnyen gyis mdzad pa'i mnyam sbyor gyi 'grel pa las/__dpal he ru ka'i gtor ma cho ga la phyugs chen po zhes gsungs pa'ang bag zan las bcos pa'i mi'i gzugs brnyan yin par shes dgos so//____//__! Dom+bI ni la/__rnying ma'i gzhung rnams su sma sha ni zhes gsungs pa ni/__sh+ma shA nI zur chag pa rigs ngan gyi bu mo ro sreg mkhan gyi ming ngo //____//__! dbang phyug nyer brgyad kyi ming /__ma nu rak+sha/__mi'i srin mo/__brah+ma NI/__tshangs ma/__rau trI/__drag mo/__ku mA rI/__gzhon nu ma/__in+tha NI/__dbang mo/__yang /__in+d+rA ste rgyu zhags 'dzin mar yang bshad/__badz+ra ping+ga lI/__rdo rje ser mo/__a mr-i taM/__spyir don mang yang /__bdud rtsi mar bsgyur/__sau mya/__zhi ba ma'am/__zla ba ma/__daN+Da daM/__don mang na'ang /__sngar be con mar bsgyur/__rak+sha sI/__srin mo/__b+hak+Sha sI/__za ba ma/__ra ti badz+ra/__dga' ba mar bsgyur/__don du dga' ba'i rdo rje zhes so/__/ru d+hi ra mAt+ta/__khrag 'thung /__e ka tsa ri NI/__gcig spyod mar bsgyur mod/__/e ka gtso bo sogs la'ang 'jug__/ma no ha ra/__yid 'phrog ste/__'dod pa mar bsgyur ba don 'gyur/__sid+d+hi kaM__/grub pa mor bsgyur dgos par snang na'ang /__nor srung zhes bsgyur snang /__bA ya be/__rlung lha mo/__ma hA ma ra Na badz+ra/__rdo rje gsod byed chen mo/__ag+nI/__me mo ste/__mi mo zhes pa ni ma dag pa'o/_/skyin zhes pa skyin g.yag dang /__gtsong par 'dod/__gsal zhing zhes pa me sgron no/__/ba ra hI/__phag mo/__tsa muN+DI/__rgan byed ma ste/__dga' byed ces pa ni yig nor/__de yang tsa muN+DIr snga rabs pa rnams kyis rgan rab byed du bsgyur/__don la bal yul sogs gson 'dre mo mthu chen lta bu'i ming yin/__su ra nI/__sngar sna chen du bsgyur/__wa ru NI/__chu lha mo/__badz+ra ma hA ka lI/__rdo rje nag mo chen mo/__badz+ra tsA ka la/__rdo rje ra mo chen mor bsgyur mod/__de ltar na/__tsha ga la kA/__zhes yod dgos la lar/__da sha gri wA/__ste mgrin bcu ser nag ces pa'ang snang /__badz+ra kum+b+ha kar+N+Na/__rdo rje bum rna zhes pa ste/__bum sna zhes bris pa ni yi ge ma dag pa'o/__/badz+ra lam+b+ho dA ra/__u dA ra mtshams sbyar/__gsus 'dzin du bsgyur mod/__de lta na/__lam+b+ha d+hA ra zhes yod dgos/__snga ma ltar na/__rdo rje gsus 'phyong ngo /__/'on kyang gter gzhung rnams su zur chag shas che bas de ltar las legs sbyar gyi rgyas bkab pa'i zhu dag gi dal bas byin rlabs nyams par 'gyur bas mi bya'o/__/b+h+yoHzhes pa ni/__dpal mchog rdo rje rigs kyi zlog pa las/__de nas ma mo rnams kyi bcom ldan 'das la phyag 'tshal te/__dang po nas mgrin gcig tu thams cad 'gugs pa dang /__gzhug pa dang /__bsad pa dang /__bsgrub pa'i dam tshig ces bya ba rang gi de kho na nyid kyi snying po 'di phul lo/__/b+h+yoH__de nas 'di'i dkyil 'khor bshad par bya ste/__zhes so/__/des na spyan 'dren sogs tshig gi mgor byung ba'i tshe bsgrub pa'i dam tshig ste bod pa dang bskul ba'i don la 'jug cing /__snying la b+h+yo/__zhes pa lta bu bsad pa'i don can te/__gsung don la dpag na nyi b+hA 'jigs la'o/__/zhes pa las bsgrubs kyang rung mod/__'on kyang rkyen sogs 'ol tshod kyis bshad du mi btub bo/_/tiSh+Tha lhan ni tiSh+Than+ta/__brtan par gyur cig ces la'i skad dod zur chag pa dang /__a ti pu ho ni/__a ti b+hU ho/__/ngo mtshar byung /__zhes pa zur chag par gsal lo/__/tan g+han zhes pa/__ta na/__bud med kyi nu ma dang /__g+ha na mkhreg ba ste/__nu ma mkhregs pa'i tshogs zhes na chung gzhon nu'i ming zur chag pa'o//____//__! rak+ta tshar gsum ni/__dwangs ma ye shes kyi bdud rtsi/__khu ba zhing bcu'i khrag_/rtsig ma zhing bcu'i dug gsum ngo bo sha khrag rus pa'i dngos po ste cha gsum mo/__/khA ram ni/_khA tri za ba la/__yang yang la Nama? 'os Nama? rkyen sbyar ba'i/__khA ram/__zur chag pa/__yang yang zo/__khA hi/__zo zhig pa'o/_/dpal dang dur khrod kyi chas brgyad 'di la 'dra min shin tu mang bas skabs thob brtsi ba gal che/____/_! 'jam dpal rtsa rgyud las/__/zur chag legs sbyar sgra nyams kyang /_/don ni rab tu brtags pa yin/__/mi gsal gsal ba med pa dang /__/yi ge nyams kyang 'dod pa yin/__/'gro ba yul dang rnam bral ba/__/de la sngags ni grub par mdzad/_/ces dang /__dri med 'od las kyang de kho na ltar gsungs pas zur chag sogs las sngar 'bras mi bslu bar grub bo/__/dra bya zhes pa gser sogs dbyig gi tshogs rin thang chen por 'jug__/g+ha na zhes pa stug po ste bar mtshams med pa'i don/__rta bro ni/__sngon rta phag gis ru tra btul ba'i tshe/__ru tra'i phung po'i steng du zhabs kyi mthil nas rta'i rmig pa phyungs nas rngams pa'i bro brdungs pa yin pas de'i tshul lo/__/dpal rta mgrin gyi rta bro'i bskyed rdzogs ngo mtshar can zhig pad dkar bka' 'bum du yod/__rta bro'i glu'i don rata gling thugs sgrub 'grel par yang bzhugs/__'on kyang 'di la nges don gyi bshad pa rgya cher yod/____/_! thod phreng rtsal gyi don/__badz+ra ni rdo rje ste stong pa nyid kyi ye shes/__gu ru ni gu h+ya gsang ba ste bde ba chen po'i ye shes/__ru ka ru Na thugs rje chen po ste/__tshig gsal du byas na/__bde chen stong pa nyid kyi ye shes snying rje chen po/__zhes pa'o/__/pad+ma ni shes rab stong pa nyid/__thod phreng rtsal zhes pa/__ka pA la ak+Sha be ga zhes pa ste/__ka bde ba/__pA la skyong ba/__ak+Sha mi 'gyur ba ste/__'chi med phreng ba las/__oM bdag 'pho med ak+Sha ra/__yi ge bar pa ak+Sha ra/__pe ga__/shugs sam rtsal tshig gsal du byas na/__stong pa nyid bde skyong mi 'gyur ba'i shugs/__zhes pa'o/__/de ltar na lam rdzogs pa'i rim pa thams cad kyi rtsa tshig dang /__'bras bu bde ba chen po'i ye shes rol pa'i dkyil 'khor thams cad gsal bar bstan pa nges don gyi bshad pa'o/__/dal zhes pa bsdu yig gi brda ma byed par gsungs mod/__dkyil 'khor gyi skad dod/__maN+Dal zur chag pa ste/__dkyil 'khor gyi don du go ba nyid kyis chog go__/mdun bskyed sgrub tshul la/__bdag mdun gnyis cho ga so sos mi 'dra bar bsgrub pa dang /__cho ga gcig gis bdag mdun so sor me long byad bzhin ltar gcig grub pa dang mnyam du gcig shos gsal 'debs pa me ri 'dabs 'byor gyi lugs dang /__bdag mdun dbyer med du bsgrubs te bsnyen pa'i skabs pha?T dzas 'dzab phye zhes bdag mdun so sor phye ba dang bsgrub tshul de lta bu la dkyil 'khor bdag rdzogs dang mdun du dam tshig pa bskyed zin nas bdag mdun bsre ba'i zhugs sgrub sogs kyi rnam bzhag mang ngo //____//__! gter gzhung la lar/__tshig sbyor mi mdzes pa dang /__sdeb sbyor chad lhag dang /__rkang pa mi 'grigs pa sogs sna tshogs snang ba ni de dang de la mchog tu rloms pa'i mngon pa'i nga rgyal can rnams gzhom par bya ba'i ched du ste/__dus 'khor 'grel chen du gsungs pas mtshon no/_/yang don 'gal ba ltar snang ba ni mtha' drug dang tshul bzhis rgyas btab pas go ba gzhan du len dgos pa sha stag ste/__rnam shes mnar med gnas su mA ra ya/__zhes pa/__mnar ba ni sdug bsngal dang /__de la med pa ni thar pa'i go 'phang ste/__der dbugs dbyung ba la gegs byed pa'i rnam shes te gzung 'dzin gyi rtog pa chos dbyings su sgrol ba'i don no/__/'di lta bu mdo las/__pha dang ma ni bsad bya zhing /__sogs dang /__rgyud las/__khyod kyis srog chags bsad par bya/__zhes sogs shin tu mang ngo /__/b+hu su ku zhes pa/__b+hu dza zas spyod pa/__su tA na gnyid log pa/__ku ta sA ra bshang gci 'dor ba ste mi byar mi 'dod pa'i las gsum las spros pa gzhan spang ba zhig la bzhag go/____//_! sngon gyi bskal pa dang po la/__zhes sogs kyi don/__gter gzhung la lar/__ma 'khrul sngon gyi bskal pa dang po la:__zhes 'byung bas/__gzhi ka dag 'khrul pa'i dri ma dang bral ba'i sngon gyi bskal pa dang po la/__lhun grub sgo brgyad kyi thugs rje'i 'char tshul ma 'gags pa'i rtsal las gdul bya'i zhing khams dang /__'dul byed kyi ston pa rang shar ba'i tshul gyis o rgyan yul sogs su 'chad dgos so/__/des na dus gsum dus med ka dag gi dus chen por sngon gyi bskal pa'i sgras smos par zad do/____/_! pad+ma bka' thang sogs kyi tshig sbyor go dka' ba phal cher/__sngon gyi yul skad rnying pa mang du 'dres pas yin te/__rdo ring gi yi ge sogs go shin tu dka' bar snang bas mtshon no/__/de yang yul skad du song ba/__dper na gsol zas na bza' lus gang 'theb re phul/__zhes pa/__na bza' lus gang ste sku chas cha tshang re dang /__yang 'theb pa re ste lhag po re re don na bza' tshe gnyis re phul zer ba yin pa bzhin no//____//__! dur khrod gyi chas brgyad ni/__rgyal byed dpa' rtags kyi rgyan te/__de la'ang bgo ba'i gos gsum/__gdags pa'i rgyan gnyis/__byug pa'i rjes gsum ste brgyad las/__dang po ni/_zhing 1glang 2gi stod g.yogs dang /__stag lpags 3kyi sham thabs so/__/gnyis pa ni/__sbrul dang /__thod phreng ste/__dang po la'ang /__rgyal rigs dkar pos dbu brgyan/__rje'u rigs ser pos snyan cha/__bram ze'i rigs dmar pos se mo do dang mgur chu/__gdol pa nag pos phyag zhabs kyi gdu bu/__dmangs rigs ljang gus ska rags dang do shal byas pa'o/__/thod rgyan la'ang /__skam po'i dbu rgyan/__rlon pa'i do shal/__tshal bu'i dbu rgyan la lar se ral kha/__te tshar gsum mo/__/gsum pa ni/__dpral bar thal chen gyi tshom bu/__smin mtshams su rak+ta'i thig le/__o kor zhag gi zo ris so//____//__! dpal gyi chas brgyad ni/__dpal chen po'i sku la ye nas rang chags su gnas pa'i phyir dpal gyi chas te rtog pa lha rgyud las/__dbu skra gyen brdzes 'khor ba ru zlog chas/__/rdo rje'i khyung gshog thabs dang shes rab chas/__/mthing dmar cod pan rtag chad zil gnon chas/__/spyi gtsug rdo rje lhag pa rig pa'i chas/__/dbang gi bse khrab gzi 'bar bgrod pa'i chas/__/gnyis med sbyor ba shes rab yum gyi chas/__/gnod gdug zlog byed dpa' bo lpags kyi chas/__/nyon mongs sreg byed rdo rje me yi chas/__/zhes so/__/bde mchog sogs la maN+Dal tshom bu g.yon skor dang/__mchod pa'ang de mtshungs g.yon pa'i kun spyod gtso bor gsungs//____//__! gnas skabs kyi spros pa gcod byed lta ba gang khas blangs kyang mthar thug brjod bral du nges pa ni mkhas grub thams cad kyi bzhed pa ngo ma ste/__'di la lung rig bsam gyis mi khyab pa bzhag tu yod do//____//__! sku tshab gter lnga zhes pa'i sku tshab ni/__thog mar slob dpon nyid kyis btsun mo 'od 'chang ma la gnang /__phyis khra 'brug tu ye shes kyi mkha' 'gro ma man+dA ra bas u rgyan sprin nag 'dus pa'i dur khrod nas blangs te gter du sbas pa/__mnga' bdag nyang gis spyan drangs te deng sang bsam yas rdzong du bzhugs pa'i gu ru mtsho skyes rdo rje 'di ka yin/__de la thang yig tu/__nga dang ma 'phrad ma 'ongs sems can rnams:__ma rig mun pa'i sgron ma sku 'dras byed/__ces sogs rgya cher bsngags pa gu ru'i sku spyi dang /__khyad par 'di la dgongs/__gter lnga ni dbus gter zug pa rtsa ba/__shar gter 'dril ba sdong bo/__lho gter gyes pa yal ga__/nub gter gsal ba me tog__/byang gter smin pa 'bras bu rnams so/__/yang /__sku tshab nyer lnga zhes dngos kyi zhal skyin grub chen rje 'bangs nyer lnga la bzhed pa dang /__la las sku tshab rigs mi 'dra ba nyer lnga sogs su bzhed pa'ang snang ngo //____//__! deng sang bod na gsar mar grags pa'i rjes gnang skor la/__gtso bor sgrub thabs rgya mtsho/__brgya rtsa/__jo bo lugs/__kha che paN chen sogs nas brgyud pa khro phu lugs bzhi gtso che zhing /__phyag len kyang so sor yod/__de la rgya mtsho la sku gsung thugs dang /__brgya rtsar lugs gsum/__jo lugs dang kha che lugs sogs sku gsung thugs kyi chings cung 'dra min re yod cing /__brgya rgyam sogs kyi rgyun bshags gur gyi yan lag bdun pa dang /__jo lugs sogs 'ga' la bzang spyod kyi yan lag bdun pa/__brgya rgyam gyi skyabs 'gro bzhi skor tshig lhug dang /__jo lugs skyabs sems sangs rgyas tshogs dang /__paN chen lugs sogs la 'gro rnams bsgral 'dod ma sbyar bas mtshon no//____//__! rnam shes 'pho ba'i sgo dgu sogs kyi ngos 'dzin rgyud dang bstan bcos rnams las mi mthun pa mang du 'byung /__'pho ba'i dus la'ang bzhed pa mi mthun pa mang mod/__ma shi gong du 'phos na gong ltar yang dus min lha bsad pa'i nyes pa 'byung bas/__rnam shes 'od gsal thim pa'i tshe sbyangs stobs kyis 'pho dgos/__de la gang du legs par 'byongs pa gces pas/__sbyong ba dang /__las la sbyar ba gnyis su bstan no/__/'pho ba'i tshe yi ge hi ka? dang /__phaTa? sogs kyi sbyor ba gsungs te/__snga ma ni/__sems kyi rtsa ni de bzhin hi kra/__steng dang 'og dang de bzhin steng /___yi ge phyed dang gnyis kyis sbyangs/___zhes gdan bzhi'i bshad rgyud las gsung /__spyir 'chi ba'i dus la bab pa na 'khor ba la mngon par skyo bas chags sdang gdung sems kyi 'khri ba thams cad bcad/__'du shes bcu bstan pa dang /__'da' ka ye shes kyi don la 'dris par bya/__blo sbyong pa yin na stobs lnga'i 'pho ba dang /__gang ltar yang byang chub sems gnyis mngon du byas te/__bde kyai sogs lam zab mo gang la goms pa'i rnal 'byor gsal btab/__lam 'bras/__rnal 'byor ma/__chos drug__/tshem bu dmar khrid/__'od dpag med kyi 'pho ba sogs gsar ma dang /__rdzogs pa chen po'i rgyud nyi zla kha sbyor gyi man ngag sogs thun mong ma yin pa dang /__thun mong ba ji ltar goms 'dris yid ches byas pa zhig gi rnal 'byor gyis bde ba chen po'i grong khyer du 'jug par bya'o/__/gzhan yang blo sbyong sogs las gsungs pa'i rdzas kyi 'pho ba dang /__gzungs sngags zab mo dang/__sangs rgyas kyi mtshan bsgrags pas mtshon thabs kyi cha rnams la skur ba mi 'debs par rang gzhan gyi blo tshod dang 'tshams par phan gdags pa'i tshul la mkhas pa gces so//__//__! mdo sngags kyi phyag chen so sor bzhed par mar mi sogs kyi lung gi sgrub byed dang rnal 'byor bzhi'i sa lam dngos btags kyi dbye ba la'ang de mtshungs lung gi sgrub byed/__gal te mdo'i phyag chen bzhed na/__de dang dbu ma khyad par yod med bcas kyi lung rigs tshad ldan slar btsal bar bya'o//____//__! bo dong paN chen gyi gsung las bde ba can lta bu'i ba yig thams cad/__wa zhes bri ba thams cad tshul yod snang /__'di bklags tshul la dpyad na thugs med pa 'dra snyam//____//__! sgra mthun don dpag ni/__sangs rgyas 'od srung dang /__nyan thos 'od srung lta bu mtshan mthun kyang don 'phags pa'o//____//__! 'jam dpal rtsa rgyud las/__khyu mchog khyu mchog bzang po dang /__zhes pa nas/__'od ldan nyid ni phyi ma yin/__ces pa'i bar gyis srong btsan nas 'od srung gi bar lung bstan ces bzhed//____//__! mdun du sgrol ma dkar mo la/__/sgrol ma nyer gcig gis bskor ba/__/gsal 'debs de la sems gtad na/__/'jigs pa kun las thar bar 'gyur/__/rtags mtshan la sogs gzhan la bshad/__/de yis phyi nas sgrib par 'gyur/__/zhes gsungs/__/kun mkhyen bu ston rin po ches/__/de nas rgyal chen bzhi sogs lha rnams kyis/__/srid gsum rgyal por dbang bskur lcang lo can/__/phul nas rnam mang thos pa'i sras zhes bstod/__/rnam thos sras su grags la phyag 'tshal bstod/_/lha min sgra gcan lha la 'thab pa'i tshe/__/khyed sku ri rab sked par ngal gso ba'i/__/gzi brjid ma bzod ngal gsos phyag mtshal zhes/__/bstod pas ngal gsos grags la phyag 'tshal bstod/__/mgul phreng dmag gis lhag nas 'phrog pa'i tshe/__/khyod sku gser gyi go bgos seng ger zhon/__/lha gnas srung bas gnas srung phyag 'tshal zhes/__/bstod pas gnas srung grags la phyag 'tshal bstod/__/rab smod dmag gis lha gnas 'phrog pa'i tshe/__/khyod sku sngon po'i gzi brjid ma bzod nas/__/lus ngan 'di 'dras bdag cag btul lo zhes/__/bstod pas lus ngan grags la phyag 'tshal bstod/____/zhes sogs gsungs//____//__! don tig 'gro ba kun grol las/__gzugs sku mthong grol/__gsung mchog thos grol/__rig pa btags grol/__dgongs pa reg grol/__'dod yon tshor grol/__thugs rje myong grol ces so sor rgyas par gsung //____//__! rnying ma'i chos nyid bar do'i snang ba 'char tshul dang cha 'dra ba bka' gdams glegs bam rin po cher yod//____//__! dam pa'i chos thar las/__dam pa gshegs rjes A tsaR+Ya gsum byung nas/__dam pa skye bdun yin pas de'i sha khrag su'i ltor song ba sangs rgyas pa yin tshul sogs dang //____//__! brtag gnyis kyi 'grel pa rin chen rgyan 'dra las/__skye bdun gyi sha'i lo rgyus thang yig sogs dang cha 'dra bar bshad snang ngo /__/bzhugs so zhes pa'i skad dod la/__bi dza hA ram ni nyer bsgyur bi sngon ma'i hr-inya? 'phrog pa la lkog gyur gyi Na la byin pa ste/__rgyud sde rnams kyi rdo rje btsun mo'i b+ha ga la bzhugs so zhes pa'i rgya dper 'di yod pas/__tshur mthong gi spyod yul ma gyur pa'i dbyings su bzhugs pa'i don yin pas dpe cha'i skad dod sogs la sbyor mi rigs/__des na nyer bsgyur bi sngon ma'i hr-inya? 'phrog pa la da ltar ba'i ti pa dang /__sma yis 'das pa la'o zhes pas sma sbyar ba/__bi ha ra ti sma zhes 'byung ba kho na legs/__gzhan du/__a sti dang /___ka be sogs kyang sbyor rung ngo /__/pra stA ra zhes pa'i pra thung ngu yin//____//__! nyan thos pa'i lugs kyi mthar thug gi 'bras bu phung po lhag med/__rtogs bya gang zag bdag med/__de yang rang rig gcig pu/_/gzhan klu sgrub kyis nang gi shes pa kho na dang /__byams pa dang thogs med kyis nyer len phung po bcas la'o/__/de gnyis dgongs pa mthun/__mngon rtogs rgyan phar phyin thabs dang /__dbu ma shes rab gtso bor ston pas de gnyis zung du 'brel ba theg chen gyi lam yongs su rdzogs/__rab dbye'i chos skad theg chen shas che/__theg chen so thar gyi sdom pa 'chi ba'i tshe na/__lus kyi sdom pa gtong /__yid sdom mi gtong /__gzugs med khams la rags gzugs med/__yid gzugs yod/__rgyud sde 'og mar blo yi rim pas lha bskyed pa ma gtogs/__bskyed pa'i rim pas lha bskyed pa med/_marga piN+Da rang gi nyams len la zhag 'chad byung yang skyon med/____/_! gzhi stong pa nyid/__lam mtshan med/__'bras bu smon med/__zhes sogs rgyas par gsungs//____//__! ma hA paN+Di ta'i bzhed pas/__gzhi ka dag dang lhun grub/__lam khregs chod dang thod rgal/__'bras bu sku dang /__ye shes zhes rnam par bzhag pa'i/__phyogs dang po stong cha 'khor lo bar ba dang gsal cha phyi ma'i rjes su 'brangs nas de gnyis zung 'jug tu sbyor ba sngags kyi khyad chos su bshad/__gnyis pa ni/__thal 'gyur las/__shes rab pha rol phyin pa'i mtha'/_/snang ba thad dkar gcod la 'dus/__/zhes gsungs pa ltar/__grol lugs bzhi'i sgo nas da lta'i rig pa rjen pa'i ngang du spros pa thad kar gcod pa ste rang rig dri med gzod nas spros pa'i chos kyis gos ma myong bas 'khor ba'i rgyu zad pa gzhi lta bu/__ye grol/__de ltar yin pas gdod gnyen pos bskyar du grol mi dgos par/__gang shar thams cad sbrul mdud bzhin rang gis grol ba rang grol/__lam sgom pa/__ji ltar snang ba'i chos thams cad rig stong skad cig ma'i ngang du brdar sha chod pas gzung 'dzin gyi snang ba thad kar gcod pa cer grol/__spyod pa/__dus gsum dang shes bya sogs blo dang lhan cig mi gnas pas mtha' 'bras bu/__grol lo/__/rim 'jug la ma ltos par rig gdangs mngon sum mthong bas lam thod rgal du bgrod pa'i nyams len ni/__sgron ma bzhi la/__gnad drug lam/__gis nyams su blangs pas rang 'bras snang ba bzhi 'bras bu mthar phyin pa ste/__sems kyi chos nyid rang bzhin gyis rnam par dag pas cir yang 'char du rung ba shes rab rang byung snying nas mig tu 'bral ba'i rang byung gsang ba chen po'i rtsa rgyang zhags chu/__sprin bral nam mkha' mthing zhun lta bu'i 'od zlum dag pa dbyings/__rdo rje lu gu rgyud gser skud lding ba lta bu thig le stong pa'i sgron ma zhes nges par byas nas/__bca' ba lus/__'khrid pa dbyings/__'gro 'ong rlung /__'char byed sgo/__'char bya yul/__rtsa ba sems kyi gnad rdo rje slob dpon gyi gsung gi bdud rtsis ji ltar skabs dbye ba bzhin brtson pas/__mngon sum bzhi ka'i mtshan nyid can rig pa rdo rje lu gu rgyud mthong ba chos nyid mngon sum/__snang ba mched pa nyams gong 'phel/__de nyid la brtan pa thob pas sku dang ye shes kyi rnam rol bsam gyis mi khyab pa rig pa tshad phebs/__de 'od gsal gyi dbyings su 'jug pa chos nyid zad sa/__de las slar zung 'jug gi skur 'pho ba ni mthar thug gi 'bras bu'o/_/gsum pa ni/__rten sku gsum/__brten pa ye shes lnga/__mdzad pa phrin las dang bcas pa ste/__zung 'jug gi ye shes gcig gi nyams kyis tshur mthong gi ngor spros pa du ma'i gar mdzad pa ste/__kun spyod las/__gang du bde chen zhes bya gcig pu nyid/__/gcig pu'i nyams kyis du ma'i gar mdzad do/__/zhes so/__/'di rnams sa bon tsam ste/__de las 'phros pa'i lung rig man ngag gi 'thad pa bsam gyis mi khyab pa dang bcas te bka' stsal bas blo gros kyi pad+ma mchog tu rgyas par mdzad do/__/sarba gam+b+hi rA r+tha bod+h+ya n+tu/__shu b+haM/____/_! ma hA paN+Di ta tshe dbang kun khyab ni 'be rdza nyin dam thog sgang du 'khrungs/__rang gi mes po sangs rgyas rin chen nam 'be 'jam dbyangs par grags pa las/__sgra ka lA pa/__snyan ngag me long /__sdeb sbyor rin 'byung /__gso rig gi skor sogs gsan/__rje stod pa tshe dbang grags pa las skar nag rtsis dang dbyangs 'char bcas/__kun mkhyen d+ha rmA ka ra las/__tha snyad rig lam rgya mtsho lta bu'i gsan bsam dogs gcod spyi dang /__khyad par tsAn+d+ra pa tshar lnga/__'grel pa 'dod 'jo tshar gsum/__snyan dngags me long /__ka lA pa'i ti sogs gso rig dang rgya rtsis gsar 'gyur/__'bras rtsis myur rtogs/__mngon mdzod/__dbu ma 'jug pa/__dbu ma rgyan/__mdo rgyan pad dkar sdom gsum/__zab mo nang don/__rnam shes ye shes 'byed pa/__snying po bstan pa/__dkyil 'khor gyi thig rtsa/__khyad par grub mtha' bzhi dang dbu ma gzhan stong gi zab gnad sogs gsan nas byang chub par mdzad/__phag mo/__bde mchog__/'jigs byed mal lugs lha dgu jo lugs dus 'khor/__chos dbyings gsung dbang /__bde mchog stod 'grel/__dril bu lus dkyil/__phyag bzhi pa sogs kyi dbang /__phyag chen/__sbyor drug__/rdzogs chen/__rwa khrid snyan brgyud sogs 'khrid kyi rim pa bsam gyis mi khyab pa gsan cing zin bris kyang 'ga' zhig mdzad/__rje dpa' bo las/__zhi sbas lugs kyi dgyes rdor/__gshed nag__/bde mchog nag po/__ni gu'i bde mchog lha lnga/__'jigs byed ro langs brgyad skor/__sgrol ma rnal 'byor ma sogs kyi dbang /__sgrol ma dang /__bka' babs bdun gyi 'khrid ye shes rgya mtsho'i rig zig steng nas jo lugs bde mchog rtsa rgyud kyi bshad pa sogs gsan/__dpon karma las/__chos dbyings gsung dbang ma gtogs pa'i rngog dkyil/__gshed dmar lha lnga rnams gsan/__'brug yongs 'dzin las/__paN chen nags rin nas brgyud pa'i rdor phreng /__gsang 'dus mi bskyod pa/__gshed dmar gyad chen/__rgya ye shes rdo rje'i sprul sku las/__bde mchog 'jam rdor dang /__mai tri 13ma sogs/__khams sprul las dus 'khor sdom chen sogs rgyud sde'i dbang bka' la thugs rtsol cher mdzad/__rgyal rong nas kun bzang dbang po'i dpon bla ma kun dga' rnam rgyal las jo nang tA ra nA tha'i bka' 'bum yongs rdzogs kyi lung gsan/__gsung rtsom skor la/__rang nyid kyi bla ma d+harma ka ra'i gsung 'bum gyi zhal skong sogs spar du 'khod rigs dang /__gzhan rje rang nyid kyi rtogs brjod rin chen phreng ba/__ka lA pa'i bshad sbyar zla zer/__snyan ngag me long dang /__mngon brjod 'dod 'jo'i zin bris/__mu tig phreng ba'i 'gyur bcos/__sdeb sbyor kun tu rab tu 'jug pa/__'jang pa thar mchog las rgya rtsis skor dang /__sa dpyad sogs shin tu mang ba gsan nas gsar 'gyur sgra'i byings las bcas las med kyi 'phros don/__btsong kha pa'i bi brta'i rgyu mtshan/__tshe dpag__/kun rig__/chab gtor rnams kyi zin bris/__gso rig gi chos 'byung khyad 'phags/__stag sham yi dam dgongs 'dus las byang 'grel pa/__g.yu thog snying tig las byang 'grel pa dang bsnyen dmigs/__zur lugs phyag bzhi ba'i mdos chen/__gcod skor/__gsal sgron gyi gto sgrom sa bdag nyes pa kun sel sogs kyi zin bris/__zab mo nang don zin bris/__sbyin sreg gi rdzas sngags kyi rgyu mtshan/__bum rdzas kyi ngos 'dzin grub mtha'i skor gyi zin bris tshig bcad lhug mang tsam/__paN chen blo bzang dpal ldan ye shes dang 'bel gtam gyi zin bris/__drug bcu pa'i zin bris dkyil 'khor blos bslangs sogs kyi thig rtsa/__bde mchog nam mkha' lding gi char 'bebs/__rdo rje gdan bzhi'i yum bka'i chu'i sbyin sreg__/badz+ra gu ru dang thod phreng rtsal gyi nges don bshad pa/__aR+tsi ka gi rnam bshad gsang don kun gsal/__kun mkhyen d+harmA ka ra'i gsung rgyun sna tshogs zin bris/__rdzogs chen snying tig dang rwa lugs 'jigs mdzad snyan brgyud zin bris/__phug lugs nag rtsis kyi lo mgo dang /__zla dus zhag gi brgal brtag__/rtsis rig smra ba rnams la springs pa'i 'ja' sa//____//__! ldeb 362bzhi yis tshangs pa'i bsod nams bskyed/__ces pa ni stag lo rang gi rig gnas kun shes rtsa bar/__bzhi ni tshangs pa'i bsod nams skyed byed de/__/sngar med gnas su rgyal ba'i ring bsrel mchog__/gzhug pa'i mchod rten rtsig par byed pa dang /__/dge 'dun kun ra longs spyod dang bcas byed/__dge 'dun bye ba legs par bsdums pa 2dang /__/byams sogs tshad med bzhi po bsgom pa'o/__/zhes gsungs te/__rdzas las byung ba'i bsod nams bdun gyi dang po/__/kun dga' ra ba dang /__gtsug lag khang bzhengs pa/__gzhan dge 'dun bye ba bsdum pa/__byams sogs tshad med bzhi bsgom pa ste bzhi/__gnas skabs tshangs pa'i bsod nams bskyed pas rnam smin mnyam par gsungs pa/__lung de'ang 'dul lung rang yin/__mngon brjod skabs dngos kyi tshul gsum dang /__btags pa'i tshul lnga'i grangs ngo ma bgrangs pa chos rnam pa'i bsdus ra sogs su ni mi snang /__gzhan dpe med//____//__! zlos gar khams 'grel de bsabs yod kyang /__rnam grangs tsam ma gtogs rgyas bshad dang don gyi chings sogs ni mi 'dug/____//_! 112 par 'chad tshul drug__/sku drang por bsrangs/__smin ma 2gzengs gtod/__spyan zim bur 3gzigs/__zhal gyi yon tan 4phye/__dung gi tshem 5bar na/__ljags kyi dbang po 6brkyangs te tshangs pa'i dbyangs su gsungs so zer ba de yin no/__/snga 'gyur rang gi zur skad du snang zhing /__rgyud kyi khungs nges pa gang yod pa rtag_/_!__158__par/__jo bo rjes sbyong rgyud spel tshul dkyus su gsungs pa de las/__gzhan rdor dbyings sogs yo ga'i gzhung chen por gsungs tshul dmigs bsal mi snang //____//__! 159_par dpyal lo de shes 'od pa'i sgom pa 'chi med bdud rtsi yang yod/__don du dpyal 'phags pa dpal dang /__dpyal kun mkhyen chen po sogs nas brgyud pa'i phur pa dpyal lugs sogs da lta'i bar byung /__dpyal lo'i gdan sa thar lo sogs kyis kyang rnying ma'i rgyud gsang snying 'gyur bcos kyis gtsos snga 'gyur la zhe khel bar mdzad/__dpyal kun mkhyen 'di bu ston dang dus mnyam/__snga 'gyur gyi yig cha mdzad pa yang mang /__der ma zad rgyal lo chen e mo g+has kyang paN chen shAkya shrI la yang dag me gcig gsan pa sogs sman lung gi dpyal ba'i gdung rabs snga ma nas rnying ma gtso bor mdzad par gsal na'ang lo rgyus rgyas pa ma mjal/__thar pa cha mthun lnga'i rgyas bshad ma rnyed cing /__lar kun mkhyen chen po'i gsung rab las brda khyad zur gsal zhig rnying ma'i gzhung dang bstun pas chos kyi skad kyis 'chad dka' ba/__dper na yid bzhin mdzod kyi gzugs khams so sor rin po che'i nam mkha' re bshad pa/__slob dpon rin po che'i mu tig phreng ba'i rgyud 'grel du snang ba las gzhan mdo rgyud gang la'ang de 'dra ma gsungs pas mtshon/__deng sang kun mkhyen gsar rnying gi gzhung ljags byang bar klog pa rnams kyis kyang /__rgyu mtshan 'chad du med par mang bar snang //____//__! 875'jig rten phyin ci log gi rnam rtog brgyad pa sde'i dpe 'dir yang med pa sogs kyis ma rnyed/____/_! 446chos lnga'i ming gi dbye bsdu skabs/__jo nang theg mchog dbu ma'i gzhung rang du/__/dngos po'i ming dang de bzhin 'brel 2pa'i ming /__/bsdus 3dang 4tha dad grags 5dang ma grags 6te/__/ming gi dbye ba drug tu ma 'dus med/__ces gsungs/__ye shes rgya mtsho'i zin bris dpe dod tsam yod kyang /__tha dad pa'i bshad pa chad/__gzhan 'di rigs kyi bshad pa mang po mthong na'ang ming gi rnam grangs drug tu bsdus pa'i dmigs bsal ma mdzad/__don gyi 'brel dpyad na ni/__'dus pa la ldog pa tha dad pa'i mtshan nyid e yin/__de ltar na tha dad pa'i ming ni de las ldog pa ste/__bum pa 'di rnams ni/__gser dang /__dngul dang /__zangs kyi bum pa'o/__/zhes khyad gzhi gcig las/__bye brag tha dad par snang ba'i sgra spyi lta bu/__zhes sbyar na ci 'gyur gzigs//____//__! rnying ma'i sgyu 'phrul khrag 'thung rtsa 'tshams kyi khungs sogs lo chen rin po che'i gsung rab kun bzang rol pa 'dir rags rim gsungs 'dug pa ltar/__khungs dang lag len gyi sdom tshig tsam bkod na shin tu legs pas ldeb gcig tsam 'bri rgyu mdzad na lags/__deng sang phal cher nas kha skad du/__sa skya'i phur 'chams 'di slob dpon rin po ches bsam yas sa 'dul mdzad dus rdo rje phur pa'i sgo nas nam mkha' nas rdo rje'i 'gros kyis sa gzhi byin gyis brlabs pa'i phyag len gyi rgyun 'khon rigs brgyud pa'i phyag gzhes bar ma chad pa yin tshul dang /__'di la brten nas rnying ma'i sgyu 'phrul bka' brgyad kyi rtsa 'chams sogs mdzad skad bshad mkhan mang na'ang /__slob dpon rin po ches phur pa la brten nas rdo rje'i 'gros kyis sa gzhi byin gyis brlabs pa dang /__de'i rgyun ci rigs pa byung yod pa gzhir bcas/__'on kyang da lta'i phyag len 'di ni bla ma dam pa bsod nams rgyal mtshan nas sgyu 'phrul rtsa 'chams la brten nas phur pa'i rtsa 'chams mdzad pa sogs lo chen rin po ches ji ltar gsungs pa bzhin yin nges so/__/lar zlos gar gyi rigs rgya bal du grags pa dngos ni bod 'dir ma dar na'ang /__thun mong gi dbang du byas na a lce lha mo rtse ba sogs kyang zlos gar las ma 'das shing /__thun mong ma yin pa'i dbang du na/__khrag 'thung rtsa 'chams sogs sngon byung ston pa'i rnam 'phrul rjes 'jug gdul bya'i nyams len la sbyar ba'i 'phrin las kyi byang bu dang mthun par zlos gar gyis gdul bya'i rgyud la mngon sum lta bu'i nges shes 'dren par mdzad pa dang /__gzhan gsar rnying gi rgyud sde kun la yongs su grags pa'i gar gyi rnam bzhag thams cad kyang sgeg pa la sogs pa'i nyams 'gyur du mas khyad par du byas pa'i zlos gar kho na yin par ma zad/__mur gar rgyas pa sogs kyi 'gros dang /__zlos gar gyi 'chams sbyong ba'i yan lag lnga sogs zhib tu sbyong rgyu yod par snang //____//__! sgrub sde brgyad kyi dgongs pa'i bshad pa skabs 'dir mdor bsdus 'di tsam gyis 'thus snyam/__gzhan du bde 'dus kyi sgos rgyud dang /__rdo rje chos kyi lung lnga sogs phan tshun lto sbyar nas bshad na zhib tu 'chad rgyu yod snyam na'ang dpe med pas dkrigs cha ma 'tshal/__gter gsar bka' brgyad bde gshegs kun 'dus zhes 'di lor 'bebs pa 'di la'ang 'di sbyor ba'i bshad pa rgyas par 'ong rigs su snang /__sku gsung thugs rdo rje brtsegs pa'i rgyud du rtsa tshig rags rim zhig 'dug na'ang /__rgyud de'i 'grel pa 'dra ni bzhugs skad ma thos/__rdzong 'phrang sogs su thor bu'i bshad pa mang na'ang /__phyogs gcig tu rkang tshugs pa ni med/__gang ltar 'di rigs sgrub sde'i gzhung lam gyi chos skad chen por song bas rkang tshugs pa'i spyi don nyung gsal 'dra byung na shin tu don gal che bar snang //____//__! rang snang longs sku chen po dngos dang /__phyed snang longs sku phyed gdul bya gzhan gyi snang bas bsdus pas snga ma la 'os nas btags pa 'di khyad du phyes na legs so//____//__! mdzod kyi rgyu drug__/rkyen bzhi la bye mdo rang gi lugs ltar na dpe'am mtshan gzhi re res dmigs bsal ltar na khyab chung ba lta bu'i skyon 'byung ba yin no/__/de 'dra sbyar ba ma mjal rung /__gang ltar yang 'di dang nyan thos bsgom lam pa gang la bsten/__mthong spang dbye ba sogs mchims mdzod 'di tshad thub kyi 'grel par snang bas 'di'i rjes su 'brangs te gsal kha re mdzad rgyu byung na shin tu legs//____//__! gsang 'dus stongs thun gyi don bsdus 'di khungs mang na'ang /__snga rabs pa'i bshad srol 'khrul med rjes su zlos pas legs shing lar 'di 'dra zhig ma gtogs/__'dus pa rang gi rgyud kyi spyi don lta bu ni gtan nas ma mjal bas ci bya med/__man ngag gi dbang du byas na/__rim lnga shes na 'dus pa'i rgyud don khrol bas/__thog mar rim lnga'i khrid 'bogs/__gzod rgyud kyi bshad pa byed pa snga rabs pa thams cad la yongs su grags shing 'phags 'od dang /__bu ston rin po che mjal dus kyi rnam thar gyis kyang shes/__bshad thabs tsam ni rgyan bdun gyis bsdus pa sgron gsal las rgya cher bshad pa ltar ro//____//__! so thar lam rim bu ston rin po che'i gsung 'di bzhin las/__spyi babs/__dge slong dag tshul khrims dag par byas na sems las su rung bar 'gyur ro/__/sems las su rung na shes rab kyi mig skye bar 'gyur ro/__/shes rab kyi mig skyes na sems zag pa las grol bar 'gyur ro/__/zhes 'gyod pa med pa'i tshul khrims kyis sems las su rung zhing ting nge 'dzin 'grub sla/__des shes rab kyi dbang po skyes te lam thams cad rdzogs pa'i tshul bshad pa rgya cher snang na'ang /__so thar gyi tshul khrims gcig pus lam thams cad bgrod pa'i tshul sogs lam gyi rim par gzigs pa de 'dra ni ma mjal bas/__bu ston rin po che'i gsungs 'di ka sor bzhag na legs//____//__!