JKW-KABUM-18-TSHA-001-002

🚧 This website is under continued development. We appreciate your patience!

Previous Text Back to Volume PageNext Text

གཉིས་པ་འབུལ་ཡུལ་གྱི་གོ་རིམ་ལའང་།

Wylie title	gnyis pa 'bul yul gyi go rim la'ang
Location	mkhyen brtse'i bka' 'bum Volume 18, sde tshan 1, Text 2, Pages 8-9 (Folios 4b2 to 5a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. gnyis pa 'bul yul gyi go rim la'ang. In 'jam dbyangs mkhyen brtse'i dbang po'i bka' 'bum, Vol. 18: 8-9. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

2 8-9	གཉིས་པ་འབུལ་ཡུལ་གྱི་གོ་རིམ་ལའང་། gnyis pa 'bul yul gyi go rim la'ang Official Letters - chab shog	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གཉིས་པ་འབུལ་ཡུལ་གྱི་གོ་རིམ་ལའང་། འགྲོ་བ་ཀུན་གྱི་མ་འདྲིས་པའི་མཛའ་བཤེས་ཆེན་པོ་སྤང་རྟོགས་སངས་རྒྱས་ཀུན་དང་མཉམ་པའི་བླ་མ་དམ་པ་ཀུན་གཟིགས་པཎྜི་ཏ་ཆེན་པོ། མདོ་རྒྱུད་རྒྱུན་མཆོག་རྣམ་བཞི་ཧུབ་ཀྱིས་འདྲེན་པའི་རབ་འབྱམས་པ་སྨྲ་བའི་དབང་པོ། རིམ་གཉིས་ཀྱི་ལམ་ཟབ་མོ་ཉམས་སུ་ལེན་པའི་གང་ཟག་འཁོར་འདས་ཀྱི་ཆོས་ཀུན་ཟབ་ཞི་མཉམ་པ་ཉིད་དུ་རྟོགས་པའི་རྣལ་འབྱོར་པ། སྡོམ་བརྩོན་འདུལ་བ་འཛིན་པའི་དགེ་སློང་ཆེན་པོ་སྟེ་དམ་པའི་ཚུལ་དགུས་མངོན་པར་མཐོ་བའི་ཡུལ་ཤིན་ཏུ་གཏན་པོ་དང་། བར་པ་ལ་སོགས་སྐབས་ཅི་རིགས་པ་དང་། ནོར་འཛིན་ཁྱོན་ལ་སྟོབས་ཀྱི་འཁོར་ལོས་སྒྱུར་བའི་རྒྱལ་པོ་ཆེན་པོ། ཡུལ་གྲུ་མང་པོར་དབང་བསྒྱུར་བའི་རྒྱལ་ཕྲན་རང་གི་འབངས་ལ་བདེ་བ་སྟེར་བའི་མི་དཔོན། དེ་དག་གི་ལས་འཛིན་པ་མཆོག་དམན་བར་མས་བསྡུས་པ། ཡངས་པའི་རྒྱལ་ཁམས་བདེ་བར་སྐྱོང་བའི་རིགས་རུས་ཀྱིས་ཕྱུག་པའི་བཙུན་མོ་ཆེན་མོ། །ཀུན་ཕན་སྟེར་ཞིང་མཛེས་མཛངས་དང་ལྡན་པའི་དཔོན་མོ་སོགས་དང་། གཞན་ཡང་། ལྔ་རིག་གི་གནས་ལ་བློ་གྲོས་ཀྱི་པདྨོ་རྒྱས་པ། ཀུན་གྱི་མ་མོར་གྱུར་བའི་ཡིག་རིགས་དུ་མར་སོར་མོའི་འདུ་འགོད་མ་རྨོངས་པ། ལུས་ཅན་ཀུན་གྱི་དུས་མིན་འཆི་བ་བཟློག་པའི་ཚེའི་རིག་བྱེད་པ། བརྡའ་སྤྲོད་ཀྱི་གཞུང་ལུགས་ཆེན་པོར་དཔྱིས་ཕྱིན་པའི་སྒྲ་མཁན་པ། སྒྱུ་མ་མཁན་ཡང་ཡིད་ཀྱི་བརྟན་པ་འཕྲོག་པའི་བཟོ་རིགས་བྲིས་འབུར་མཁན། དབྱངས་ལྡན་གྱི་རྒྱུད་མངས་ནས་བླངས་པ་དང་ཆོས་མཚུངས་པའི་སྙན་ཚིག་གི་མཐར་སོན་པའི་སྙན་ངག་པ། ཕྱི་དུས་ཀྱི་འཁོར་ལོའི་དེ་ཁོ་ན་ཉིད་སྟོན་ཅིང་འཁོར་འདས་བླང་དོར་མི་རྨོངས་པར་གསལ་བའི་སྐར་ནག་རྩིས་རིག་པ། བཟོ་རིགས་ཕལ་པ་གང་དང་གང་ལའང་མཁས་པ། རང་བཞིན་བཟང་ཞིང་བློ་དཀྱེལ་ཆེ་བའི་མཛའ་གཅུགས་སྙིང་དང་མིག་ལ་བདུད་རྩི་སྟེར་བ། སྲིད་སྒྲུབ་ལྟར་བརྟུལ་ཕོད་ལྡན་པའི་མཚོན་ཆ་འཛིན་པ་ལ་སོགས་པ་སྟེ། གཤམ་དུ་དཔེར་བརྗོད་ཇི་ལྟར་རིགས་པ་བཀོད་པ་དང་འཚམས་པའི་མཆོག་དམན་བར་མའི་གོ་ས་དང་བསྟུན་ཏེ་སྦྱར་བར་རིགས་སོ། །

[edit]

gnyis pa 'bul yul gyi go rim la'ang / gnyis pa 'bul yul gyi go rim la'ang /__'gro ba kun gyi ma 'dris pa'i mdza' bshes chen po spang rtogs sangs rgyas kun dang mnyam pa'i bla ma dam pa kun gzigs paN+Di ta chen po/__mdo rgyud rgyun mchog rnam bzhi hub kyis 'dren pa'i rab 'byams pa smra ba'i dbang po/__rim gnyis kyi lam zab mo nyams su len pa'i gang zag 'khor 'das kyi chos kun zab zhi mnyam pa nyid du rtogs pa'i rnal 'byor pa/__sdom brtson 'dul ba 'dzin pa'i dge slong chen po ste dam pa'i tshul dgus mngon par mtho ba'i yul shin tu gtan po dang /__bar pa la sogs skabs ci rigs pa dang /__nor 'dzin khyon la stobs kyi 'khor los sgyur ba'i rgyal po chen po/__yul gru mang por dbang bsgyur ba'i rgyal phran rang gi 'bangs la bde ba ster ba'i mi dpon/__de dag gi las 'dzin pa mchog dman bar mas bsdus pa/__yangs pa'i rgyal khams bde bar skyong ba'i rigs rus kyis phyug pa'i btsun mo chen mo/__/kun phan ster zhing mdzes mdzangs dang ldan pa'i dpon mo sogs dang /__gzhan yang /__lnga rig gi gnas la blo gros kyi pad+mo rgyas pa/__kun gyi ma mor gyur ba'i yig rigs du mar sor mo'i 'du 'god ma rmongs pa/__lus can kun gyi dus min 'chi ba bzlog pa'i tshe'i rig byed pa/__brda' sprod kyi gzhung lugs chen por dpyis phyin pa'i sgra mkhan pa/__sgyu ma mkhan yang yid kyi brtan pa 'phrog pa'i bzo rigs bris 'bur mkhan/__dbyangs ldan gyi rgyud mangs nas blangs pa dang chos mtshungs pa'i snyan tshig gi mthar son pa'i snyan ngag pa/__phyi dus kyi 'khor lo'i de kho na nyid ston cing 'khor 'das blang dor mi rmongs par gsal ba'i skar nag rtsis rig pa/__bzo rigs phal pa gang dang gang la'ang mkhas pa/__rang bzhin bzang zhing blo dkyel che ba'i mdza' gcugs snying dang mig la bdud rtsi ster ba/__srid sgrub ltar brtul phod ldan pa'i mtshon cha 'dzin pa la sogs pa ste/__gsham du dper brjod ji ltar rigs pa bkod pa dang 'tshams pa'i mchog dman bar ma'i go sa dang bstun te sbyar bar rigs so/__/