འཕྲིན་ཡིག་དཔེར་བརྗོད་ཨུཏྤལ་གཞོན་ནུའི་དོ་ཤལ།

🚧 This website is under continued development. We appreciate your patience!

First text in section. Back to Volume PageNext Text

Wylie title	'phrin yig dper brjod ut+pal gzhon nu'i do shal
Location	mkhyen brtse'i bka' 'bum Volume 18, sde tshan 1, Text 1, Pages 1-8 (Folios 1a to 4b2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'phrin yig dper brjod ut+pal gzhon nu'i do shal. In 'jam dbyangs mkhyen brtse'i dbang po'i bka' 'bum, Vol. 18: 1-8. Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

1 1-8	འཕྲིན་ཡིག་དཔེར་བརྗོད་ཨུཏྤལ་གཞོན་ནུའི་དོ་ཤལ། 'phrin yig dper brjod ut+pal gzhon nu'i do shal Official Letters - chab shog	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །འཕྲིན་ཡིག་དཔེར་བརྗོད་ཨུཏྤལ་གཞོན་ནུའི་དོ་ཤལ་ཞེས་བྱ་བ་བཞུགས་སོ།

།སྡེབ་སྦྱོར་མཉམ་པའི་པྲྀ་ཏ་ལས་ཡི་གེ་བཅོ་བརྒྱད་པ་མེ་ཏོག་གཡོ་བའི་འཁྲི་ཤིང་ཞེས་བྱ་བའི་པྲསྟཱ་རས་མཛེས་པར་བྱས་པའོ།།

༄། །ཤཱནྟེསདྡྷཱཏཿ སུཀྲྀཔཀྲྀཐུབྷྀཿ ཀཱརུཎཾམེགྷམུཧེཿ བྱནྟཱདམྱཱནཱཙིཏནུགབཧཱུྃནིརྨཀཱནཱཾབིལཌཻཿ

༄། །ཤིན་ཏུ་ཞི་བ་དམ་པའི་དབྱིངས་ལས་བརྩེ་ཆེན་སྙིང་རྗེའི་སྤྲིན་བཀོད་དེ། །མཐའ་ཀླས་གདུལ་བྱའི་མོས་པའི་རྗེས་འགྲོ་སྣ་ཚོགས་སྐུའི་རྣམ་རོལ་གྱིས། །

༄། །སཏྤནྠཱབྲྀཥྚཾཏྲིབིཤམམྲྀཏཾཀཽལིཀཾསརྦགཏྱེ མོཀྵགྲཾབིཤྲཾསུཤུབྷཀུརུབཻདཱནཤཱཀྱཔྲདྷཱནཻཿ

༄༅། །ལམ་བདེན་བདུན་རྩིའི་གྲུ་ཆར་འབེབས་པས་རིགས་ཅན་གསུམ་གྱི་འགྲོ་ཀུན་ལ། །ཐར་པ་མཆོག་ངལ་འཚོ་སྦྱིན་མཛད་ཤཱཀྱའི་གཙོ་བོས་དགེ་ལེགས་མཛོད།།

ཇི་ལྟ་ཇི་སྙེད་མཁྱེན་པའི་ཡེ་ཤེས་རྒྱལ་རྣམས་གསུང་གི་གསང་བ་ཀུན། །སྨོན་ལམ་བྱེད་པོས་རྡོ་རྗེའི་སྐུ་མཆོག་ཁྱོད་གཅིག་ཉིད་ལ་རྫོགས་གྱུར་པས། །རྨོངས་དང་མ་རིག་འཐིབ་བུ་འཇིལ་བྱེད་ཤེས་རབ་སྣང་བ་དམ་པ་ཡིས། །སྐལ་བཟང་གང་ཞིག་དགའ་བ་སྐྱེད་མཛད་རིག་པའི་ལྷ་མཆོག་དེས་བྱིན་རློབས། །འཁྲུལ་བཅས་དྲི་བྲལ་ཟག་མེད་ཆོས་ཕུང་ཡན་ལག་དྲུག་ཅུའི་དབྱངས་ལྡན་གསུང་། །བཻཌཱུཪྻ་ཡི་ཏམྦུ་ར་ལས་ཟབ་མོའི་སྒྲ་དབྱངས་རབ་སྒྲོགས་ཤིང་། །སྨྲ་བའི་དབང་ཕྱུག་མཉེས་པར་འདོད་ལ་ལྷག་པར་ཐུགས་རྗེས་འཛིན་བརྩོན་པ། །རྒྱལ་ཡུམ་རྡོ་རྗེ་དབྱངས་ཀྱི་རྒྱལ་མོ་ཚིག་དོན་རྣམ་པར་འབྱེད་ལ་སྤྱོན། །དོན་བཟང་གཏིང་ཟབ་འོ་མའི་ཆུ་གཏེར་ལས། །ཚོགས་གསུམ་བསྟན་བཅོས་སྙན་འགྱུར་འོད་པོ་ཆེས། །དེང་འདིར་བློ་ལྡན་པདྨོའི་བཅུད་གྱུར་པ། །དཎྜཱི་ཞེས་གྲགས་འཕགས་ཡུལ་སློབ་དཔོན་རྒྱལ། །བློ་ཆེན་མཁྱེན་པའི་གོམ་སྟབས་ལྷོད་པོ་ཡིས། །གཙུག་ལག་ས་གསུམ་བདག་གིར་འཛིན་དང་བཅས། །ལོག་སྨྲ་ལྷ་མིན་ཕྲག་དོག་འཇིལ་མཛད་པ། །རྣམ་དཔྱོད་ལྡན་པའི་ལྷ་དབང་སྔོན་མང་བྱུང་། །དམ་པའི་བསྟན་བཅོས་དབྱར་གྱི་སྐྱེད་ཚལ་ལ། །སྣ་ཚོགས་རིག་ལམ་མེ་ཏོག་ཆེས་བཀྲག་པར། །ལྟད་མོར་ལྷགས་པའི་དཔྱོད་ལྡན་བུང་བའི་ཁྱུ། །སླར་ཡང་བློ་ཆུང་ཚལ་ལ་རྩེ་འདི་ཅི། །འོན་ཀྱང་མཁྱེན་ལྡན་གསུང་བཟང་བདུད་རྩིའི་བཅུད། །བྲན་པའི་མོད་ལ་འདམ་སྐྱེས་སར་དགའི་ཚལ། །ཀུན་རྨོངས་དྲི་མས་སྦགས་དང་ཆབས་ཅིག་པར། །བརྗོད་འདོད་ཡིད་ཀྱི་གེ་སར་བཀྲ་ལ་ཆས། །མཆོག་འབྲིང་དམན་པས་བསྡུས་པ་གང་དང་གང་། །ཕན་ཚུན་འཕྲིན་ཡིག་རྣམ་བཞག་ཞག་ལྡན་མར། །དཔེར་བརྗོད་ཨུཏྤལ་སར་པའི་ཕྲེང་མཛེས་འདིས། །དང་པོའི་བློ་ཅན་དགའ་སྟོན་སྦྱིན་ལ་ཆས། །ཞེས་སྨོས་ཏེ། སྐབས་སུ་བབས་པའི་གླེང་བར་བྱ་བ་ནི། །བཅུ་ཕྲག་རིག་པའི་པདྨོ་ལ་རྣམ་དཔྱོད་ཀྱི་སྣང་བས་དགོད་པར་ནུས་པ་དག་གིས་འཕྲིན་ཡིག་སྟོབ་པའི་དཔེར་བརྗོད་རྩོམ་པ་ལ་འོས་སུ་ཆེ་བ་ཡང་། མདོ་སྡེ་རྒྱན་ལས། གསེར་ལས་བརྡུངས་བྱས་འདྲ་ཞིང་པདྨ་རྒྱས་པ་བཞིན། །བཀྲེས་པས་ཉེན་པ་གཡོས་ལེགས་ཁ་ཟས་ཟ་བ་འདྲ། །འཕྲིན་ཡིག་ལེགས་པར་ཐོས་འདྲ་རིན་ཆེན་སྒྲོམ་ཕྱེད་ལྟའི། ཆོས་ནི་འདིར་བཤད་པ་ལ་དགའ་བའི་མཆོག་བསྐྱེད་དོ། །ཞེས་དམ་པའི་ཆོས་ལེགས་པར་ཐོས་པའི་དགའ་བ་བསྐྱེད་པ་དང་འདྲ་མཚུངས་ཀྱི་སྒྲ་ལས་དྲངས་མོད། དེ་ལྟ་ནའང་ཁོ་བོ་ཅག་ནི་སྐྱེས་ཐོབ་དང་སྦྱངས་ཡོན་ཤིན་ཏུ་དམན་པས་ལྔ་རིག་ལྟ་ཅི་སྔོན་བྱོན་མཁས་པའི་བསྟན་བཅོས་ལ་གོ་བ་ལྷུན་ཆགས་པའང་མི་ལོན་པའི་བདག་ཉིད་ཅན་དུ་ན། ཇི་ལྟར་བརྗོད་པ་ལ་ཤིན་ཏུ་མི་འོས་པའང་། སྐྱེ་བོ་བསྟན་བཅོས་མི་ཤེས་པས། །ཡོན་ཏན་སྐྱོན་དག་ཇི་ལྟར་དབྱེ། །གཟུགས་ཀྱི་དབྱེ་བ་དམིགས་པའི་སྐབས། །ལོང་བ་དག་ལ་ཡོད་དམ་ཅི། །ཞེས་གསུངས་པ་བཞིན་ཚིག་དོན་ཕྱིན་ཅི་ལོག་པ་ཁོ་ནས་ཁྱབ་མོད། །འོན་ཀྱང་དམ་པའི་གསུང་གི་བཀའ་ནན་ལ་བརྣག་པར་དཀའ་བས་ཇི་བཞིན་འབྲི་བར་དམ་བཅའ་བ་ལ་སྤྱི་དོན་རྣམ་པ་ལྔས་བསྟན་ཏེ། འཕགས་བོད་དུ་འཕྲིན་ཡིག་གི་རྣམ་བཞག་ཇི་ལྟར་བྱུང་བའི་ཚུལ། འབུལ་ཡུལ་གྱི་རིགས་སྟོབས་མཐོ་དམན་གྱི་ས་བཅད། དེ་དག་ལ་དྲུང་ཞུའི་འབེབ་དང་རྒྱ་སྡོམ། སྤྱི་ཡི་བརྗོད་དོན་གྱི་བྱ་བཞག་ཇི་ལྟར་ཕུལ་བའི་དཔེར་བརྗོད་དང་རྣམ་པ་ལྔ་ལས། དང་པོ་ནི། འཕགས་བོད་རྣམས་སུ་འཕྲིན་ཡིག་ཇི་ལྟར་བྱུང་བའི་ཚུལ་ལ། སྔོན་འཕགས་ཡུལ་དུ་སྟོན་པ་བཅོམ་ལྡན་འདས་ནྱཱ་གྲོ་དྷའི་ཀུན་དགའ་ར་བ་ན་བཞུགས་པའི་ཚེ། སིང་ག་ལ་ཡི་རྒྱལ་པོའི་བུ་མོ་མུ་ཏིག་འཁྲི་ཤིང་གིས་སྟོན་པའི་མཚན་བཟང་ཐོས་པར་མི་ཕྱེད་པའི་དད་པ་ཐོབ་ནས། ལྷ་དང་ལྷ་མིན་མི་ཡིས་ཕྱག་བགྱིད་པ། །སྐྱེ་དང་བསྙུང་དང་བསྙེངས་ལས་ངེས་གྲོལ་ཞིང་། །གཙོ་བོ་གྲགས་པ་རྒྱ་ཆེར་རབ་གྲགས་པ། །དྲང་སྲོང་བདུད་རྩིའི་ཆ་ལ་ཐུགས་རྗེས་གནང་། །ཞེས་འཕྲིན་གསོལ་བའི་ཚེ་སྟོན་པས་བཞེས་ཏེ་བཀླག་པར་མཛད་ནས། སྐུ་ལས་འོད་ཟེར་བཀྱེ་བ་ཚོན་གྱིས་མནན་པའི་བྲིས་སྐུ་དང་། ཚིགས་བཅད་རྐང་པ་གཉིས་སོགས་སྤྲིངས་ཏེ་བཀའ་སྦྲགས་པར་མཛད་པས་རྣམ་པར་གྲོལ་བར་གྱུར་ཏོ། །གཞན་ཡང་ཀོ་ས་ལ་ཡི་རྒྱལ་པོ་གསལ་རྒྱལ་གྱིས་འཕྲིན་ཕུལ་བ་དང་། སྐྱེ་དགུའི་བདག་མོ་ལ་འཕྲིན་ཡིག་སངས་རྒྱས་ཉིད་ཀྱིས་མཛད་པ་དང་། ཡུལ་དབུས་ཀྱི་རྒྱལ་པོ་གཟུགས་ཅན་སྙིང་པོ་དང་། སྒྲ་སྒྲོགས་ཀྱི་རྒྱལ་པོ་ཨུ་དྲ་ལན་གཉིས་འཕྲིན་ཡིག་སྐྱེས་བཅས་ཡན་འགར་སྟབས་མཐར་སྒྲ་སྒྲོགས་རྒྱལ་པོ་བཅོམ་ལྡན་འདས་ཀྱི་སྤྱན་སྔར་དགྲ་བཅོམ་པ་ཐོབ་པའི་མཚམས་སྦྱོར་དུ་གྱུར་པ་དང་། སློབ་དཔོན་ནཱ་ག་རྫུ་ནས་རང་གི་མཛའ་བོ་བདེ་སྤྱོད་ལ་སྤྲིངས་པའི་བཤེས་སྤྲིང་། སློབ་དཔོན་ཙནྡྲ་གོ་མཱིས་རྒྱལ་རིགས་ཀྱི་དགེ་སློང་ཞིག་བསླབ་པ་ལས་ནོངས་པ་བསལ་སླད་སྤྲིངས་བསློབ་སྤྲིང་། མ་ཏི་ཙི་ཏྲས་རྒྱལ་པོ་ཀ་ནི་ཀ་ལ་བསྐུར་བ། མ་ཧཱ་ཙི་ནའི་གོང་མ་ཐ་ཧུའི་རྒྱལ་པོས་མ་གངྷའི་དགེ་འདུན་པ་རྣམས་ལ་ཕུལ་བ་སོགས་མཐའ་ཀླས་པ་དང་། བོད་ཆེན་པོའི་ལྗོངས་སུའང་། ཆོས་རྒྱལ་སྲོང་བཙན་སྒམ་པོས་རྟེན་སྐལ་ཇོ་བོ་རྣམ་གཉིས་དང་། བཙུན་མོ་ཟུང་སྤྱན་དྲངས་པའི་སླད་དུ་རྒྱ་བལ་གྱི་རྒྱལ་པོར་སྤྲིངས་པ། མངའ་བདག་རལ་པ་ཅན་གྱིས་རྒྱ་བོད་གཉིས་འགལ་འདུམ་གྱི་ཆེད་དུ་ཕྲིན་རྡོ་ལ་བཏབ་པ་སོགས་སྔ་དུས་ཀྱང་དར་སྲོལ་ཆེ་ཞིང་། ཕྱིས་སུའང་མང་ཡུལ་ནས་འབྲོམ་སྟོན་པས་ཇོ་བོ་རྗེ་སྤྱན་འདྲེན་པའི་ཆེད་དུ་ཕྲིན་བསྟབས་པ། ཁྲོ་ཕུ་ལོ་ཙཱ་བས་པཎ་ཆེན་ཤཀྱ་ཤྲཱི་བྷ་དྲ་ལ་ཕུལ་བ། འཇམ་དབྱངས་ཀུན་དགའ་རྒྱལ་མཚན་དང་། ཆོས་ཀྱི་རྒྱལ་པོ་འཕགས་པ་རིན་པོ་ཆེ་ལ་རྒྱལ་པོ་གོ་དན་གྱིས་ཕུལ་བ། རྒྱལ་དབང་ལྔ་པ་རིན་པོ་ཆེར་གོང་མ་ཧོང་དེས་ཕུལ་བ་ལ་སོགས་པ་མདོར་ན་གང་ཟག་མཆོག་འབྲིང་ཕལ་པས་ལེགས་པའི་རྒྱལ་མཚན་བསྒྲེང་ཞིང་། ཉེས་བྱས་དྲུང་ནས་གཞིལ་བའི་བྱེད་པོ་ཕྲིན་ཡིག་གི་རྣམ་གཞག་ལ་འདི་ཞེས་ཁ་ཚོན་གཅོད་དུ་མེད་པར་གྲངས་མེད་པ་ཞིག་མཆིས་སོ། ། ༈

[edit]

'phrin yig dper brjod ut+pal gzhon nu'i do shal/ @#/__/'phrin yig dper brjod ut+pal gzhon nu'i do shal zhes bya ba bzhugs so/__/ sdeb sbyor mnyam pa'i pr-i ta las yi ge bco brgyad pa me tog g.yo ba'i 'khri shing zhes bya ba'i prastA ras mdzes par byas pa'o// @/_/shAn+tesad+d+hAtaH_____sukr-ipakr-ithub+h-iH__kAruNaMmeg+hamuheH__byan+tAdamyAnAtsitanugabahU~MnirmakAnAMbilaDaiH @/_/shin tu zhi ba dam pa'i dbyings las brtse chen snying rje'i sprin bkod de/_/mtha' klas gdul bya'i mos pa'i rjes 'gro sna tshogs sku'i rnam rol gyis/_/ @/_/sat+pan+thAbr-iSh+TaMtribishamamr-itaMkaulikaMsarbagat+ye______mok+ShagraMbishraMsushub+hakurubaidAnashAkyaprad+hAnaiH @#/_/lam bden bdun rtsi'i gru char 'bebs pas rigs can gsum gyi 'gro kun la/__/thar pa mchog ngal 'tsho sbyin mdzad shAkya'i gtso bos dge legs mdzod// ji lta ji snyed mkhyen pa'i ye shes rgyal rnams gsung gi gsang ba kun/__/smon lam byed pos rdo rje'i sku mchog khyod gcig nyid la rdzogs gyur pas/__/rmongs dang ma rig 'thib bu 'jil byed shes rab snang ba dam pa yis/__/skal bzang gang zhig dga' ba skyed mdzad rig pa'i lha mchog des byin rlobs/__/'khrul bcas dri bral zag med chos phung yan lag drug cu'i dbyangs ldan gsung /__/baiDUR+Ya yi tam+bu ra las zab mo'i sgra dbyangs rab sgrogs shing /__/smra ba'i dbang phyug mnyes par 'dod la lhag par thugs rjes 'dzin brtson pa/__/rgyal yum rdo rje dbyangs kyi rgyal mo tshig don rnam par 'byed la spyon/__/don bzang gting zab 'o ma'i chu gter las/__/tshogs gsum bstan bcos snyan 'gyur 'od po ches/__/deng 'dir blo ldan pad+mo'i bcud gyur pa/__/daN+DI zhes grags 'phags yul slob dpon rgyal/__/blo chen mkhyen pa'i gom stabs lhod po yis/__/gtsug lag sa gsum bdag gir 'dzin dang bcas/__/log smra lha min phrag dog 'jil mdzad pa/__/rnam dpyod ldan pa'i lha dbang sngon mang byung /__/dam pa'i bstan bcos dbyar gyi skyed tshal la/__/sna tshogs rig lam me tog ches bkrag par/__/ltad mor lhags pa'i dpyod ldan bung ba'i khyu/__/slar yang blo chung tshal la rtse 'di ci/__/'on kyang mkhyen ldan gsung bzang bdud rtsi'i bcud/__/bran pa'i mod la 'dam skyes sar dga'i tshal/__/kun rmongs dri mas sbags dang chabs cig par/__/brjod 'dod yid kyi ge sar bkra la chas/__/mchog 'bring dman pas bsdus pa gang dang gang /__/phan tshun 'phrin yig rnam bzhag zhag ldan mar/__/dper brjod ut+pal sar pa'i phreng mdzes 'dis/__/dang po'i blo can dga' ston sbyin la chas/__/zhes smos te/__skabs su babs pa'i gleng bar bya ba ni/__/bcu phrag rig pa'i pad+mo la rnam dpyod kyi snang bas dgod par nus pa dag gis 'phrin yig stob pa'i dper brjod rtsom pa la 'os su che ba yang /__mdo sde rgyan las/__gser las brdungs byas 'dra zhing pad+ma rgyas pa bzhin/__/bkres pas nyen pa g.yos legs kha zas za ba 'dra/__/'phrin yig legs par thos 'dra rin chen sgrom phyed lta'i/__chos ni 'dir bshad pa la dga' ba'i mchog bskyed do/__/zhes dam pa'i chos legs par thos pa'i dga' ba bskyed pa dang 'dra mtshungs kyi sgra las drangs mod/__de lta na'ang kho bo cag ni skyes thob dang sbyangs yon shin tu dman pas lnga rig lta ci sngon byon mkhas pa'i bstan bcos la go ba lhun chags pa'ang mi lon pa'i bdag nyid can du na/__ji ltar brjod pa la shin tu mi 'os pa'ang /__skye bo bstan bcos mi shes pas/__/yon tan skyon dag ji ltar dbye/__/gzugs kyi dbye ba dmigs pa'i skabs/__/long ba dag la yod dam ci/__/zhes gsungs pa bzhin tshig don phyin ci log pa kho nas khyab mod/__/'on kyang dam pa'i gsung gi bka' nan la brnag par dka' bas ji bzhin 'bri bar dam bca' ba la spyi don rnam pa lngas bstan te/__'phags bod du 'phrin yig gi rnam bzhag ji ltar byung ba'i tshul/__'bul yul gyi rigs stobs mtho dman gyi sa bcad/__de dag la drung zhu'i 'beb dang rgya sdom/__spyi yi brjod don gyi bya bzhag ji ltar phul ba'i dper brjod dang rnam pa lnga las/__dang po ni/__'phags bod rnams su 'phrin yig ji ltar byung ba'i tshul la/__sngon 'phags yul du ston pa bcom ldan 'das n+yA gro d+ha'i kun dga' ra ba na bzhugs pa'i tshe/__sing ga la yi rgyal po'i bu mo mu tig 'khri shing gis ston pa'i mtshan bzang thos par mi phyed pa'i dad pa thob nas/__lha dang lha min mi yis phyag bgyid pa/__/skye dang bsnyung dang bsnyengs las nges grol zhing /__/gtso bo grags pa rgya cher rab grags pa/__/drang srong bdud rtsi'i cha la thugs rjes gnang /__/zhes 'phrin gsol ba'i tshe ston pas bzhes te bklag par mdzad nas/__sku las 'od zer bkye ba tshon gyis mnan pa'i bris sku dang /__tshigs bcad rkang pa gnyis sogs springs te bka' sbrags par mdzad pas rnam par grol bar gyur to/__/gzhan yang ko sa la yi rgyal po gsal rgyal gyis 'phrin phul ba dang /__skye dgu'i bdag mo la 'phrin yig sangs rgyas nyid kyis mdzad pa dang /__yul dbus kyi rgyal po gzugs can snying po dang /__sgra sgrogs kyi rgyal po u dra lan gnyis 'phrin yig skyes bcas yan 'gar stabs mthar sgra sgrogs rgyal po bcom ldan 'das kyi spyan sngar dgra bcom pa thob pa'i mtshams sbyor du gyur pa dang /__slob dpon nA ga rdzu nas rang gi mdza' bo bde spyod la springs pa'i bshes spring /__slob dpon tsan+d+ra go mIs rgyal rigs kyi dge slong zhig bslab pa las nongs pa bsal slad springs bslob spring /__ma ti tsi tras rgyal po ka ni ka la bskur ba/__ma hA tsi na'i gong ma tha hu'i rgyal pos ma gang+ha'i dge 'dun pa rnams la phul ba sogs mtha' klas pa dang /__bod chen po'i ljongs su'ang /__chos rgyal srong btsan sgam pos rten skal jo bo rnam gnyis dang /_btsun mo zung spyan drangs pa'i slad du rgya bal gyi rgyal por springs pa/__mnga' bdag ral pa can gyis rgya bod gnyis 'gal 'dum gyi ched du phrin rdo la btab pa sogs snga dus kyang dar srol che zhing /__phyis su'ang mang yul nas 'brom ston pas jo bo rje spyan 'dren pa'i ched du phrin bstabs pa/__khro phu lo tsA bas paN chen shakya shrI b+ha dra la phul ba/__'jam dbyangs kun dga' rgyal mtshan dang /__chos kyi rgyal po 'phags pa rin po che la rgyal po go dan gyis phul ba/__rgyal dbang lnga pa rin po cher gong ma hong des phul ba la sogs pa mdor na gang zag mchog 'bring phal pas legs pa'i rgyal mtshan bsgreng zhing /__nyes byas drung nas gzhil ba'i byed po phrin yig gi rnam gzhag la 'di zhes kha tshon gcod du med par grangs med pa zhig mchis so/____/_!_