JKCL-KABUM-09-TA-038

🚧 This website is under continued development. We appreciate your patience!

Previous Text Back to Volume PageNext Text

ཤེས་རབ་བློ་འཕེལ་ཟབ་རྒྱ་ཅན།

Wylie title	shes rab blo 'phel zab rgya can
Location	chos kyi blo gros bka' 'bum Volume 9, Text 38, Pages 545-547 (Folios 1a1 to 2a4)
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation	'jam dbyangs mkhyen brtse chos kyi blo gros. shes rab blo 'phel zab rgya can. In Rdzong sar mkhyen brtse 'jam dbyangs chos kyi blo gros kyi gsung 'bum, Vol. 9: 545-547. Bir, H.P.: Khyentse Labrang, 2012.
Genre	Activity Practices - las tshogs  ·  Sadhanas - Evocation Ritual - sgrub thabs
Deity	blo ldan mchog sred
Lotsawa House Link	https://www.lotsawahouse.org/tibetan-masters/jamyang-khyentse-chokyi-lodro/guru-loden-chokse
Colophon	།མེ་བྱ་སྤྲེལ་ཟླའི་ཚེས་༡༦བླ་མ་གསང་འདུས་ཚོགས་མཆོད་སྐབས་སྤྲུལ་ཆུང་བསོད་རྒྱལ་གྱིས་རྟེན་བཅས་གསུང་བསྐུལ་ངོར། པདྨ་ཡེ་ཤེས་རྡོ་རྗེས་བྲིས་པ་ཤུ་བྷཾ།།
	/me bya sprel zla'i tshes 16bla ma gsang 'dus tshogs mchod skabs sprul chung bsod rgyal gyis rten bcas gsung bskul ngor/__pad+ma ye shes rdo rjes bris pa shu b+haM//

1 Texts in this Section (sde tshan or chos tshan)

545-547	ཤེས་རབ་བློ་འཕེལ་ཟབ་རྒྱ་ཅན། shes rab blo 'phel zab rgya can Activity Practices - las tshogs   ·   Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

Tibetan Text

Wylie

[edit]

ཤེས་རབ་བློ་འཕེལ་ཟབ་རྒྱ་ཅན་བཞུགས། རང་རིག་ཨོ་རྒྱན་རྗེ་ལ་འདུད། །མཁྱེན་གཉིས་ཡེ་ཤེས་རྒྱས་འདོད་པས། །གུ་རུ་བློ་ལྡན་མཆོག་སྲེད་སྒྲུབ། །བདེ་བའི་སྟན་ལ་བག་ཕེབས་ཏེ། །ཨཿརང་རིག་འཇམ་དཔལ་དཔའ་བོ་ལ། །མི་ཕྱེད་གུས་པས་སྐྱབས་སུ་མཆི། །རྨོངས་པའི་མུན་པ་སེལ་བའི་ཕྱིར། །བློ་ལྡན་མཆོག་སྲེད་བསྒྲུབ་པར་བྱ། དྷཱིཿསྟོང་པ་ཉིད་དང་སྙིང་རྗེ་ཆེ། །ཟུང་འཇུག་རིག་རྩལ་དྷཱིཿསེར་པོ། །འོད་འཕྲོས་འཕགས་མཆོད་སྒྲིབ་གཉིས་སྦྱང་། །ཚུར་འདུས་པད་ཉི་ཟླ་བའི་སྟེང་། །དྷཱིཿཡིག་ཡོངས་གྱུར་སྐད་ཅིག་གིས། །གུ་རུ་བློ་ལྡན་མཆོག་སྲེད་དཀར། །ཌཱ་རུ་གཡས་ལ་པད་ཕོར་གཡོན། །གསང་གོས་དར་བེར་རྒྱལ་པོའི་ཆས། །གཞོན་ཚུལ་གཟི་བརྗིད་ལྡན་པའི་གཡོན། །དབྱངས་ཅན་དཀར་མོ་ལྷ་མོའི་ཆས། །ཕྱག་གཉིས་པི་ཝཾ་སྒྲེངས་བས་བརྟེན། །ཐུགས་ཀར་རྗེ་བཙུན་འཇམ་པའི་དབྱངས། །དམར་སེར་རལ་གྲི་གླེགས་བམ་ནི། །ཆོས་ཀྱི་འཁོར་ལོའི་ཕྱག་རྒྱ་ཡིས། །ཨུཏྤལ་སྡོང་བུ་འཛིན་སྟེང་མཛེས། །ཐུགས་ཀར་འོད་ལྔའི་གོར་བུའི་ཀློང་། །དྷཱིཿདང་ཡུམ་ཐུགས་ཧྲཱིཾཿགསལ་བཏབ། །གནས་གསུམ་འབྲུ་གསུམ་གསལ་བ་དང་། །འོད་ཟེར་ལྕགས་ཀྱུ་ལྟ་བུ་འཕྲོས། །ཡེ་ཤེས་སྤྱན་དྲངས་གཉིས་མེད་གྱུར། །དྷཱིཿསངས་རྒྱས་ཀུན་གྱི་ཡེ་ཤེས་སྐུ། །གུ་རུ་བློ་ལྡན་མཆོག་སྲེད་རྩལ། །རིག་འཛིན་མཁའ་འགྲོའི་ཚོགས་དང་བཅས། །མོས་པའི་བུ་ལ་བྱིན་གྱིས་རློབས། །ཨོཾ་ཨཱཿམ་ཧཱ་གུ་རུ་དྷཱིཿམཱུྃ་ཧྲཱིཾཿཔྲཛྙཱ་ཛྙཱ་ན་ཨཱ་བེ་ཤ་ཡ་ཨ། ཛཿཧཱུྃ་བྃ་ཧོཿཨ་ཏི་པཱུ་ཧོ། ན་མ་ཡ་དྷཱི། ཧཱུྃ། དངོས་འབྱོར་ཡིད་ལས་བྱུང་བ་ཡི། །ཀུན་ཏུ་བཟང་པོའི་མཆོད་པའི་སྤྲིན། །དཔག་ཡས་ནམ་མཁའི་རྒྱན་གྱུར་ཏེ། །འཇམ་དབྱངས་བླ་མར་མཆོད་པར་བགྱི། །ཨོཾ་སརྦ་པཱུ་ཙ་ས་མ་ཡ་ཧོཿཨཱཿཇི་སྙེད་བརྗོད་པ་ཀུན་གྱི་གཞི། །ཡེ་ཤེས་སྐུ་སྟེ་སྐུ་ཡི་མཆོག །གསུང་གི་དབང་ཕྱུག་སྨྲ་བའི་སེང་། །རིག་འཛིན་བླ་མར་ཕྱག་འཚལ་བསྟོད། བཟླས་པ་ནི། ཡེ་ཤེས་སེམས་དཔའི་ཐུགས་ཀ་ཡི། །ཐུགས་སྲོག་སྔགས་ལས་འོད་ཟེར་འཕྲོས། །རྒྱལ་མཆོད་མཁྱེན་གཉིས་ཡེ་ཤེས་བསྡུས། །བདག་ཐིམ་བྱིན་རླབས་དངོས་གྲུབ་ཐོབ། །སླར་ཡང་འོད་འཕྲོས་བརྟན་གཡོ་ཡི། །དྭངས་བཅུད་ཐམས་ཅད་བདག་ལ་ཐིམ། །སྣོད་བཅུད་འཇམ་དཔལ་ཡབ་ཡུམ་དང་། །རིག་འཛིན་བླ་མའི་སྐུར་གསལ་བ། །ཐམས་ཅད་སྔགས་ཀྱི་རང་སྒྲ་སྒྲོགས། །མཉམ་རྫོགས་ཆེན་པོར་ལྷུན་གྱིས་གྲུབ། །ཅེས་བསམ་ལ། ཨོཾ་ཨཱཿམ་ཧཱ་གུ་རུ་དྷཱིཿམཱུྃ་ཧྲཱིཾཿཔྲཛྙཱ་ཛྙཱ་ན་ཨ་ར་པ་ཙ་ན་དྷཱིཿཧཱུྃ་སྭཱ་ཧཱ། ཞེས་རྩེ་གཅིག་ཏིང་འཛིན་བརྟན་པས་བཟླ། །ཐུན་མཐར་དབྱངས་གསལ་རྟེན་སྙིང་གིས། །བྱིན་བརླབ་ནུས་པ་བརྟན་པར་བྱ། བསྡུ་རིམ་ནི། ལྷར་སྣང་འོད་གསལ་ངང་དུ་ཐིམ། །ཟབ་ཞི་སྤྲོས་བྲལ་ཀློང་དུ་ཨཿསླར་ཡང་སྣང་གྲགས་རྟོག་ཚོགས་རྣམས། །རིག་འཛིན་བླ་མའི་རོལ་པར་ཤར། །ཨོཾ་ཨཱཿཧཱུྃ། དགེ་བ་འདི་ཡི་སོགས་ཀྱིས་དགེ་བསྔོ་བྱའོ། །འདི་ཡང་རྟེན་འབྱུང་དགེ་བ་ཡི། །རྔ་སྒྲས་ཉེ་བར་བསྐུལ་བ་ན། །རིག་ཁམས་མཚོ་ལས་གདེངས་ཅན་གྱིས། །བློ་མཆོག་ནོར་བུའི་གཏེར་འདི་ཕྱུངས། །དགེ་བས་བདག་སོགས་སེམས་ཅན་ཀུན། །མཁྱེན་རབ་བློ་ལྡན་མཆོག་སྲེད་ཀྱིས། །སྐྱེ་ཀུན་རྗེས་སུ་གཟུང་བ་དང་། །བློ་མཆོག་སྣང་བ་རྒྱས་པར་ཤོག །མེ་བྱ་སྤྲེལ་ཟླའི་ཚེས་༡༦བླ་མ་གསང་འདུས་ཚོགས་མཆོད་སྐབས་སྤྲུལ་ཆུང་བསོད་རྒྱལ་གྱིས་རྟེན་བཅས་གསུང་བསྐུལ་ངོར། པདྨ་ཡེ་ཤེས་རྡོ་རྗེས་བྲིས་པ་ཤུ་བྷཾ།། །།

[edit]

shes rab blo 'phel zab rgya can bzhugs/__rang rig o rgyan rje la 'dud/__/mkhyen gnyis ye shes rgyas 'dod pas/__/gu ru blo ldan mchog sred sgrub/__/bde ba'i stan la bag phebs te/__/aHrang rig 'jam dpal dpa' bo la/__/mi phyed gus pas skyabs su mchi/__/rmongs pa'i mun pa sel ba'i phyir/__/blo ldan mchog sred bsgrub par bya/__d+hIHstong pa nyid dang snying rje che/__/zung 'jug rig rtsal d+hIHser po/__/'od 'phros 'phags mchod sgrib gnyis sbyang /__/tshur 'dus pad nyi zla ba'i steng /__/d+hIHyig yongs gyur skad cig gis/__/gu ru blo ldan mchog sred dkar/__/DA ru g.yas la pad phor g.yon/__/gsang gos dar ber rgyal po'i chas/__/gzhon tshul gzi brjid ldan pa'i g.yon/__/dbyangs can dkar mo lha mo'i chas/__/phyag gnyis pi waM sgrengs bas brten/__/thugs kar rje btsun 'jam pa'i dbyangs/__/dmar ser ral gri glegs bam ni/__/chos kyi 'khor lo'i phyag rgya yis/__/ut+pal sdong bu 'dzin steng mdzes/__/thugs kar 'od lnga'i gor bu'i klong /__/d+hIHdang yum thugs hrIMHgsal btab/__/gnas gsum 'bru gsum gsal ba dang /__/'od zer lcags kyu lta bu 'phros/__/ye shes spyan drangs gnyis med gyur/__/d+hIHsangs rgyas kun gyi ye shes sku/__/gu ru blo ldan mchog sred rtsal/__/rig 'dzin mkha' 'gro'i tshogs dang bcas/__/mos pa'i bu la byin gyis rlobs/__/oM AHma hA gu ru d+hIHmU~M hrIMHpradz+nyA dz+nyA na A be sha ya a/__dzaHhU~M ba~M hoHa ti pU ho/__na ma ya d+hI/__hU~M/__dngos 'byor yid las byung ba yi/__/kun tu bzang po'i mchod pa'i sprin/__/dpag yas nam mkha'i rgyan gyur te/__/'jam dbyangs bla mar mchod par bgyi/__/oM sarba pU tsa sa ma ya hoHAHji snyed brjod pa kun gyi gzhi/__/ye shes sku ste sku yi mchog__/gsung gi dbang phyug smra ba'i seng /__/rig 'dzin bla mar phyag 'tshal bstod/__bzlas pa ni/__ye shes sems dpa'i thugs ka yi/__/thugs srog sngags las 'od zer 'phros/__/rgyal mchod mkhyen gnyis ye shes bsdus/__/bdag thim byin rlabs dngos grub thob/__/slar yang 'od 'phros brtan g.yo yi/__/dwangs bcud thams cad bdag la thim/__/snod bcud 'jam dpal yab yum dang /__/rig 'dzin bla ma'i skur gsal ba/__/thams cad sngags kyi rang sgra sgrogs/__/mnyam rdzogs chen por lhun gyis grub/__/ces bsam la/__oM AHma hA gu ru d+hIHmU~M hrIMHpradz+nyA dz+nyA na a ra pa tsa na d+hIHhU~M swA hA/__zhes rtse gcig ting 'dzin brtan pas bzla/__/thun mthar dbyangs gsal rten snying gis/__/byin brlab nus pa brtan par bya/__bsdu rim ni/__lhar snang 'od gsal ngang du thim/__/zab zhi spros bral klong du aHslar yang snang grags rtog tshogs rnams/__/rig 'dzin bla ma'i rol par shar/__/oM AHhU~M/__dge ba 'di yi sogs kyis dge bsngo bya'o/__/'di yang rten 'byung dge ba yi/__/rnga sgras nye bar bskul ba na/__/rig khams mtsho las gdengs can gyis/__/blo mchog nor bu'i gter 'di phyungs/__/dge bas bdag sogs sems can kun/__/mkhyen rab blo ldan mchog sred kyis/__/skye kun rjes su gzung ba dang /__/blo mchog snang ba rgyas par shog__/me bya sprel zla'i tshes 16bla ma gsang 'dus tshogs mchod skabs sprul chung bsod rgyal gyis rten bcas gsung bskul ngor/__pad+ma ye shes rdo rjes bris pa shu b+haM//__//