DKR-KABUM-21-ZHA-015

🚧 This website is under continued development. We appreciate your patience!

Previous Text"ZHA" is not a number. Back to Volume Page"ZHA" is not a number.Next Text "ZHA" is not a number.

Wylie title
Location	dil mgo mkhyen brtse bka' 'bum Volume , Text 15, Pages (Folios to )
Author	དིལ་མགོ་མཁྱེན་བརྩེ་བཀྲ་ཤིས་དཔལ་འབྱོར་
Less details More details
Citation
Genre	"ZHA" is not a number.

"ZHA" is not a number.

Tibetan Text

Wylie

[edit]

༄༅། །སྙན་བརྒྱུད་སྙིང་གི་གསང་མཛོད་ལས། གཉགས་ལུགས་རྡོ་རྗེ་ཕུར་པའི་བདག་འཇུག་རྡོ་རྗེའི་ཡེ་ཤེས་མཆོག་གི་དཔལ་སྐྱེད་ཅེས་བྱ་བ་བཞུགས།།

༄༅། །རྒྱལ་ཀུན་ཕྲིན་ལས་དཔལ་གྱི་མཚོན། །འཇུག་ཕྱིར་རྡོ་རྗེ་བཞིའི་ཡེ་ཤེས། སྐྱེད་བྱེད་ཐབས་ཀྱི་གསང་ལམ་མཆོག །སྐལ་བཟང་འཇུག་བདེའི་བཙས་སུ་སྤེལ། །རྡོ་རྗེ་ཐེག་པའི་དབང་གི་ཡེ་ཤེས་སྐྱེས་བརྟན་གོང་འཕེལ་དུ་བྱེད་པའི་ཐབས་ཀྱི་གསེང་ལམ་རྨད་དུ་བྱུང་བ། འགལ་རྐྱེན་ཉམས་ཆག་སྦྱོང་ཞིང་བར་ཆད་མཐའ་དག་སེལ་ཞིང་མཐུན་རྐྱེན་ཐུན་མོང་དང་ཐུན་མིན་གྱི་དངོས་གྲུབ་བདེ་བླག་ཏུ་ཐོབ་པའི་གསང་བ་རྨད་དུ་བྱུང་བ་རྡོ་རྗེ་ཕུར་པའི་དཀྱིལ་འཁོར་ཆེན་པོ་བཞི་རུ་བདག་ཉིད་འཇུག་ཅིང༌། རྡོ་རྗེ་ཕུར་པ་སྒྲུབ་ཚུལ་བཞི་ཡི་སྣོད་རུང་དུ་བྱེད་པའི་ཚུལ་འཆད་པ་ལ། རབ་རྡུལ་ཚོན། འབྲིང་རས་བྲིས་ཀྱི་དཀྱིལ་འཁོར་གཞུང་མཐུན་ནམ་ཚོམ་བུ་ལ་བརྟེན་པའི་དཀྱིལ་འཁོར་དུ་དབང་རྫས་བུམ་པ། དབུ་རྒྱན། རྡོ་རྗེ། དྲིལ་བུ། རྡོར་དྲིལ་བསྣོལ་མ། གསང་ཐོད། རིག་ཙཀ །ཤེལ་རྡོ། དཀྱིལ་འཁོར་ཡོངས་རྫོགས་ཀྱི་ལྷ་ཙཀ །སྒྲོལ་ཕུར་བཅས་ཕྱག་ལེན་ལྟར་དུ་འགོད། ཉེར་སྤྱོད་དང་སྨན་རཀ་གཏོར་མ། བཀའ་སྲུང་གཏོར་འབུལ། དཀར་བགེགས་བཅས་དང༌། རང་གི་མདུན་དུ་ལས་བུམ། ཌཱ་མ་རུ་རྡོར་དྲིལ་སོགས་འདུ་བྱས་ལ། བརྒྱུད་འདེབས་ནས་བརྩམས། བསྙེན་སྒྲུབ་ཀྱི་བཟླས་པ་དང༌། བུམ་པ་བྷྲཱུཾ་ལས་གཞལ་ཡས་ཁང༔ མཚན་ཉིད་ཐམས་ཅད་ཡོངས་རྫོགས་དབུས༔ རྡོ་རྗེ་ཕུར་པའི་ལྷ་ཚོགས་རྣམས༔ སྣང་སྟོང་ཆུ་ཟླ་ལྟ་བུར་གསལ༔ རང་གི་ཐུགས་སྲོག་སྔགས་ཕྲེང་ལས༔ འོད་ཟེར་མཆོད་པའི་ཚུལ་དུ་འཕྲོས༔ སྙོམས་འཇུག་བྱང་སེམས་བདུད་རྩི་ཡིས༔ བུམ་པ་ཡོངས་སུ་གང་བར་གྱུར༔ ཞེས་བརྗོད་ཅིང་བསམ་ལ། གཟུངས་ཐག་ནས་བཟུང་ཏེ་བསྙེན་སྒྲུབ་ལས་ཀྱི་བཟླས་པ་ཁྱུག་ཙམ་བྱ། ལས་བུམ་དུ་སྐད་ཅིག་གིས་ཁྲོ་བོ་བདུད་རྩི་འཁྱིལ་བ་ལྗང་གུ་གཡས་རྒྱ་གྲམ་དང་གཡོན་ཞགས་པ་ཐོགས་པར་གསལ་བའི་སྐུ་ལས་རྡོ་རྗེ་བདུད་རྩིའི་རྡུལ་ཕྲ་རབ་བབ་པས་བུམ་པ་གང་བར་བསམ་ལ། ཨོཾ་བཛྲ་ཨ་མྲྀ་ཏ་ཀུཎྜ་ལི་ཧ་ན་ཧ་ན་ཧཱུྃ་ཕཊ྄༔ ཅེས་བཟླས་མཐར། དབྱངས་གསལ་རྟེན་སྙིང་ལན་གསུམ། བཀའ་གཏེར་སྲུང་མའི་གཏོར་འབུལ། ཚོགས་བསྒྲལ་བསྟབ་བར་གཞུང་བཞིན་བཏང་ལ། ཇི་ལྟར་བལྟམས་པ་སོགས་ཀྱིས་ཁྲུས་བྱ། སུམྦྷ་ནིས་བགེགས་བསྐྲད། བཛྲ་ཛྙཱ་ན་རཀྵས་སྲུང་འཁོར་བསྒོམ། ཙཀྵུ་བྷནྡྷ་ཝ་ར་མ་ན་ཡེ་སྭཱ་ཧཱས་མིག་རས་འཆིང༌། ཨ་ཁཾ་ཝི་ར་ཧཱུྃ་གིས་མེ་ཏོག་བཟུང༌། སངས་རྒྱས་ཀུན་གྱི་ཡེ་ཤེས་སྐུ༔ ཕྲིན་ལས་སྟོབས་རྫོགས་ཀཱི་ལ་ཡ༔ དཔལ་ཆེན་ཀརྨ་ཧེ་རུ་ཀའི༔ དཀྱིལ་འཁོར་གཉན་པོར་འཇུག་པར་འཚལ༔ ལན་གསུམ། ན་མོ༔ བདག་སོགས་འགྲོ་ཀུན་སོགས་ཀྱིས་སྐྱབས་འགྲོ་ལན་གསུམ། མཁའ་མཉམ་སེམས་ཅན་སོགས་ཀྱིས་སེམས་བསྐྱེད་ལན་གསུམ། བདག་དང་མཐའ་ཡས་སེམས་ཅན་རྣམས༔ རྡོ་རྗེ་སློབ་དཔོན་སོགས་ཀྱིས་བསགས་སྦྱངས། ཇི་ལྟར་སྔོན་གྱི་རྒྱལ་བ་སྲས་བཅས་དང༌། །རིག་འཛིན་མཁའ་འགྲོ་རྒྱ་མཚོ་དཔག་མེད་ཀྱིས། །སྡོམ་པ་མཐའ་ཡས་རྒྱ་མཚོ་བཟུང་བ་ལྟར། །དེང་ནས་བདག་ཀྱང་ལམ་ཆེན་དེར་ཞུགས་ཏེ། །འགྲོ་ལ་ཕན་ཕྱིར་དེ་དག་བཟུང་བར་བགྱི། །ལན་གསུམ་གྱིས་སྡོམ་པ་བཟུང༌། བྷྲཱུཾཔྲ་བེ་ཤ་ཡ་ཕཊ་ཀྱིས་སྒོ་དབྱེ། ཛཿཧཱུྃ་བྃ་ཧོཿས་ནང་དུ་བཇུག །འདི་ནི་རྡོ་རྗེ་བདུད་རྩིའི་ཆུ༔ ཧེ་རུ་ཀ་དཔལ་ཉིད་ཡིན་ཏེ༔ བསྲུང་ན་དངོས་གྲུབ་སེམས་དཔའ་སྩོལ༔ མ་བསྲུང་ངེས་པར་འཚིག་སྟེ་བརླག༔ ས་མ་ཡ་ཨི་དཾ་ཏོ་ད་ཀ་ཋ་ཋ་ཋ་ཧཱུྃ༔ ཞེས་དམ་ཆུ་བཏུང༌། ཡེ་ཤེས་དབབ་པ་ནི། སྣོད་ནི་འོག་མིན་སྟུག་པོ་བཀོད། །བཅུད་ཀྱི་རྟོག་པ་ཀཱི་ལ་ཡ། །མཐིང་ནག་དབུ་དགུ་ཕྱག་བཅོ་བརྒྱད། །གཡས་དཀར་གཡོན་དམར་དབུས་མཐིང་ནག །དེ་སྟེང་ཞལ་གསུམ་ལྗང་སེར་ནག །དེ་སྟེང་ཞལ་གསུམ་སྨུག་མཐིང་དམར། །གཡས་དགུ་དང་པོས་རྡོ་རྗེ་གདེངས། །འཁོར་ལོ་དགྲ་སྟྭ་རལ་གྲི་མདུང༌། །ཐོ་བ་ལྕགས་ཀྱུ་གསལ་ཤིང་བསྣམས། །གཡོན་དགུས་མེ་དཔུང་ཁཊྭཱཾ་ག །རི་རབ་ཞགས་པ་བྷནྡྷ་དམར། །སྡིག་མཛུབ་མདའ་དང་བདུད་བཞིའི་མགོ། །ཐ་མས་རི་རབ་ཕུར་བུ་འདྲིལ། །རང་འོད་ཡུམ་དང་མཉམ་སྦྱོར་བའི། །ཐུགས་སྲོག་ཧཱུྃ་ལ་སེམས་བཟུང་ཞིང༌། །སྙོམས་འཇུག་སྒྲ་དང་འོད་ཟེར་སྤྲིན། །གདུང་བའི་གླུ་ཡིས་ཐུགས་དམ་བསྐུལ། །སྐུ་གསུང་ཐུགས་ཀྱི་ཕྱག་རྒྱ་ནི། །ཆར་བཞིན་བབ་སྟེ་དབྱེར་མེད་ཐིམ། །ཡེ་ཤེས་ཆེན་པོའི་བྱིན་ཐོབ་གྱུར། །སྤོས་རོལ་བཅས་ལས་བྱང་གི་བྱིན་འབེབས་བཏང་ལ་དབབ། རྡོ་རྗེ་སྤྱི་བོར་བཞག ཏིཥྛ་བཛྲས་བརྟན་པར་བྱ། བོ་དྷི་ཙིཏྟ་ཨ་པྲ་ཏི་པཱུ་ཛ་ཧོཿས་མེ་ཏོག་དོར། པྲ་ཏི་གྲྀཧྞ་ཨི་མཾ་སཏྭ་མ་ཧཱ་བ་ལས་སླར་སྤྱི་བོར་བཅིངས། བཛྲ་ཙཀྵུ་པྲ་བེ་ཤ་ཡ་ཕཊ྄་ཀྱིས་མིག་དར་བསལ་བས། བཅོམ་ལྡན་འདས་དཔལ་རྡོ་རྗེ་གཞོན་ནུ་བདག་ཉིད་རྩ་བ། ཕྱོགས་བཅུ་ཁྲོ་བོ་ཡབ་ཡུམ་ཕྲ་ཐབས་བཅས། སྲས་མཆོག་ཕུར་བུའི་དཀྱིལ་འཁོར་གསུམ་དང༌། སྒོ་མ་བཀའ་སྡོད་ཆོས་སྐྱོང་དང་བཅས་པའི་དཀྱིལ་འཁོར་མངོན་སུམ་བཞིན་དུ་གསལ་བར་གྱུར། དེས་སྔོན་འགྲོ་འཇུག་པའི་ཆོས་རྣམས་སོང་ནས། དངོས་གཞིའི་ཆེད་དུ་མཎྜལ་ཕུལ། ཧེ་རུ་ཀ་དཔལ་བླ་མ་དགོངས༔ བདག་ཅག་རྡོ་རྗེའི་རིགས་ཅན་དུ༔ སྒྲུབ་པ་སྐལ་པ་ཤིན་ཏུ་བཟང༔ འཇུག་ཅིང་སྨིན་པའི་བཀའ་དྲིན་སྩོལ༔ ལན་གསུམ་གྱིས་གསོལ་བ་གདབ། བླ་མ་དང་དཀྱིལ་འཁོར་གྱི་གཙོ་བོ་དབྱེར་མེད་པའི་ཐུགས་ཀ་ནས་འོད་ཟེར་འཕྲོས་པས་དབང་གི་ལྷ་ནམ་མཁའ་གང་བར་སྤྱན་དྲངས་ནས་བཀྲ་ཤིས་པའི་རྣམ་པ་དུ་མ་དང་བཅས་དགྱེས་བཞིན་དུ་བུམ་པའི་ཆུས་དབང་བསྐུར་བར་གྱུར། ཧཱུྃ༔ ཞེ་སྡང་བདུད་འཇོམས་ཧེ་རུ་ཀ༔ བཛྲ་སྤྱི་དཔལ་མེ་ལོང་གི༔ ཡེ་ཤེས་བུམ་ཆུས་དབང་བསྐུར་བས༔ སྒྲིབ་དག་སྐལ་པ་མཆོག་ལྡན་ཤོག༔ ཨོཾ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཞེས་མི་བསྐྱོད་པ་ཆུས་དབང་བསྐུར་བས་ཉོན་མོངས་པ་ཞེ་སྡང་དག །མེ་ལོང་ཡེ་ཤེས་མངོན་དུ་གྱུར། ཐུགས་རྡོ་རྗེ་མི་བསྐྱོད་པ་དང་སྐལ་པ་མཉམ་པར་གྱུར། དབུ་རྒྱན་ཐོགས་ལ། ཏྲཱྃ༔ ང་རྒྱལ་བདུད་འཇོམས་ཧེ་རུ་ཀ༔ རཏྣ་སྤྱི་དཔལ་ཡེ་ཤེས་ཀྱི༔ ཕྱག་རྒྱ་དབུ་རྒྱན་དབང་བསྐུར་བས༔ མཉམ་ཉིད་རྟོགས་པའི་དབང་ཐོབ་ཤོག༔ རཏྣ་མུ་ཀུ་ཊ་ཨ་བྷི་ཥིཉྩ་ཏྲཱྃ༔ ཞེས་རིན་ཆེན་འབྱུང་ལྡན་དབུ་རྒྱན་གྱིས་དབང་བསྐུར་བས་ཉོན་མོངས་པ་ང་རྒྱལ་དག །མཉམ་ཉིད་ཡེ་ཤེས་མངོན་དུ་གྱུར། ཡོན་ཏན་རིན་ཆེན་འབྱུང་ལྡན་དང་སྐལ་པ་མཉམ་པར་གྱུར། རྡོ་རྗེ་ལག་གཡས་སུ་ཐོགས་ལ། ཧྲཱིཿ འདོད་ཆགས་བདུད་འཇོམས་ཧེ་རུ་ཀ༔ པདྨ་སྤྱི་དཔལ་སོར་རྟོག་གི༔ ཡེ་ཤེས་རྡོ་རྗེས་དབང་བསྐུར་བས༔ རྗེས་ཆགས་དབང་གི་དོན་རྟོགས་ཤོག༔ བཛྲི་བྷ་ཝ་ཨ་བྷི་ཥིཉྩ་ཧྲཱིཿ ཞེས་སྣང་བ་མཐའ་ཡས་རྡོ་རྗེས་དབང་བསྐུར་བས་ཉོན་མོངས་པ་འདོད་ཆགས་དག །སོར་རྟོག་ཡེ་ཤེས་མངོན་དུ་གྱུར། གསུང་སྣང་བ་མཐའ་ཡས་དང་སྐལ་པ་མཉམ་པར་གྱུར། དྲིལ་བུ་དཀྲོལ་ཞིང་ལག་གཡོན་དུ་ཐོགས། ཨཱཿ ཕྲག་དོག་བདུད་འཇོམས་ཧེ་རུ་ཀ༔ ཀརྨ་སྤྱི་དཔལ་བྱ་བ་གྲུབ༔ ཤེས་རབ་དྲིལ་བུས་དབང་བསྐུར་བས༔ དོན་གཉིས་རྫོགས་པའི་གནས་ཐོབ་ཤོག༔ ཀརྨ་གཎྜེ་ཨ་བྷི་ཥིཉྩ་ཨཱཿ ཞེས་དོན་ཡོད་གྲུབ་པ་དྲིལ་བུས་དབང་བསྐུར་བས་ཉོན་མོངས་པ་ཕྲག་དོག་དག །བྱ་གྲུབ་ཡེ་ཤེས་མངོན་དུ་གྱུར། ཕྲིན་ལས་དོན་ཡོད་གྲུབ་པ་དང་སྐལ་པ་མཉམ་པར་གྱུར། རྡོར་དྲིལ་བསྣོལ་མ་སྤྱི་བོར་བཟུང་སྟེ་དཀྲོལ་ལ། ཨོཾ༔ གཏི་མུག་བདུད་འཇོམས་ཧེ་རུ་ཀ༔ བུདྡྷ་སྤྱི་དཔལ་ཆོས་ཀྱི་དབྱིངས༔ རྡོ་རྗེའི་མིང་གིས་དབང་བསྐུར་བས༔ རིགས་ཀྱི་འཁོར་ལོར་ངེས་པར་ཤོག༔ ཀྱཻ་བཻ་རོ་ཙ་ན་ཨོཾ་ཨ་བྷི་ཥིཉྩ་ཧཱུྃ༔ ཞེས་རྣམ་པར་སྣང་མཛད་མིང་གིས་དབང་བསྐུར་བས་ཉོན་མོངས་པ་གཏི་མུག་དག །ཆོས་དབྱིངས་ཡེ་ཤེས་མངོན་དུ་གྱུར། སྐུ་དེ་བཞིན་གཤེགས་པའི་རིགས་རྣམ་པར་སྣང་མཛད་དང་སྐལ་པ་མཉམ་པར་གྱུར། དབང་ཐམས་ཅད་ཡོངས་སུ་རྫོགས་པའི་ཕྱིར་རྣམ་པར་རྒྱལ་བའི་བུམ་པ་དཀྱིལ་འཁོར་ཡོངས་སུ་རྫོགས་པས་དབང་བསྐུར་བར་གྱུར། རྣམ་བུམ་བཏེགས་ལ། ཧཱུྃ༔ བུམ་པ་རང་བྱུང་གཞལ་ཡས་ཁང༔ ནང་བཅུད་རིགས་ལྔའི་ཧེ་རུ་ཀ༔ བདེ་ཆེན་བྱང་ཆུབ་སེམས་ཀྱི་ཆུས༔ རིགས་ཀྱི་བུ་ལ་དབང་བསྐུར་རོ༔ ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏེ་ས་མ་ཡ་ཤྲཱི་ཡེ་ཧཱུྃ༔ ཞེས་དབང་བསྐུར་བས་བདུད་རྩིས་ལུས་ཀྱི་ནང་གང༌། དྲི་མ་ཐམས་ཅད་དག །ཐོབ་བྱའི་ཡོན་ཏན་མ་ལུས་པ་ཡོངས་སུ་རྫོགས། ཆུ་ལྷག་ཡར་ལུད་པ་ལས་རིགས་ཀྱི་ཁྱབ་བདག་རྡོ་རྗེ་སེམས་དཔས་དབུ་བརྒྱན་པར་གྱུར། བུམ་དབང་གི་མཐའ་རྟེན་རྡོ་རྗེ་གསུམ་གྱིས་ནང་ནུས་པ་འཇུག་པའི་དབང་བསྐུར་བ་ལ། དཀྱིལ་འཁོར་གྱི་ལྷ་ཚོགས་རྣམས་ཀྱི་སྐུ་ལས་རང་འདྲའི་ཡེ་ཤེས་ཀྱི་སྐུ་གཉིས་པ་རེ་སྤྲོས་ནས་རང་གི་དཔྲལ་བ་ནས་ཐིམ་པས་སྣང་སྟོང་སྐུ་རྡོ་རྗེའི་བྱིན་རླབས་ཁྱད་པར་ཅན་ཐོབ་པར་མོས་ཤིག །སྐུ་ཙཀ་རྣམས་ཀྱིས་རིམ་བཞིན་དབང་བསྐུར་ལ། ཧཱུྃ༔ དབུས་ཕྱོགས་གྲུ་གསུམ་གཞལ་ཡས་ནས༔ བཅོམ་ལྡན་རྡོ་རྗེ་གཞོན་ནུ་ནི༔ ཡུམ་ཆེན་འཁོར་ལོ་རྒྱས་འདེབས་སྦྱོར༔ སྒྲོལ་ཡུམ་ཨེ་ཀ་ཛཱ་ཊི་བཅས༔ སྤྲུལ་པ་ཁྲོ་བཅུ་སྲས་མཆོག་སྤྲོ༔ རིགས་ཀྱི་བུ་ལ་དབང་བསྐུར་བས༔ དཔལ་ཆེན་པོ་དང་གཉིས་མེད་ཤོག༔ རྩ་སྔགས་མཐར། ཨ་བྷི་ཥིཉྩ་ཧཱུྃ༔ ཧཱུྃ། ཕྱོགས་བཅུའི་འཁོར་ལོའི་རྩིབས་སྟེང་ནས། །བདུད་འདུལ་ཁྲོ་བོ་ཡབ་ཡུམ་བཅུ། །སྤྲུལ་པ་ཕྲ་ཕྱག་ཉི་ཤུ་ཡིས། །རིགས་ཀྱི་བུ་ལ་དབང་བསྐུར་བས། །ཕྱོགས་བཅུའི་གདོན་འདུལ་མཐུ་ཐོབ་ཤོག །རང་སྔགས། ཨ་བྷི་ཥིཉྩ་ཧཱུྃ༔ ཧཱུྃ། ཟླ་གམ་གསུམ་དུ་སྐུ་གསུང་ཐུགས། །སྤྲུལ་པའི་སྲས་གསུམ་རིགས་བཞི་ཡིས། རིགས་ཀྱི་བུ་ལ་དབང་བསྐུར་བས། །ཁམས་གསུམ་འདུལ་བའི་དབང་ཐོབ་ཤོག །རྩ་སྔགས་མཐར། ཨ་བྷི་ཥིཉྩ་ཧཱུྃ༔ ཧཱུྃ། དཀྱིལ་འཁོར་སྒོ་བཞིའི་འཁོར་ཡུག་ནས། །སྒོ་མ་དབང་ཕྱུག་ཕུར་སྲུང་གིས། །རིགས་ཀྱི་བུ་ལ་དབང་བསྐུར་བས། །ཕྲིན་ལས་རྣམ་བཞི་མཐར་ཕྱིན་ཤོག །རྩ་སྔགས་མཐར། ཨ་བྷི་ཥིཉྩ་ཧཱུྃ༔ དེང་ཕྱིན་ཆད་གསལ་བརྟན་དག་གསུམ་དང་ལྡན་པའི་བསྐྱེད་རིམ་གྱད་དུ་གྱུར་པས་བདུད་བཞིས་ཀྱང་བསྐྱོད་དུ་མེད་པའི་གདེང་ཐོབ་པར་གྱིས་ཤིག །ལྷ་ཚོགས་རྣམས་ཀྱི་ཞལ་ནས་སྔགས་ཀྱི་ཕྲེང་བ་བྱུང་རང་གི་ངག་ལ་ཐིམ་པས་དྲག་སྔགས་ནུས་པའི་མཐུ་དབང་ཐོབ་པར་མོས་ལ་རྗེས་ཟློས་མཛོད། བསྙེན་སྒྲུབ་ཀྱི་སྔགས་ལན་གསུམ་དང་སྤུ་གྲིའི་སྔགས་ལན་གཅིག་བཟླ། དེང་ནས་བཟླས་པ་ཆུ་བོའི་རྒྱུན་ལྟར་བརྩོན་པས་ཕྲིན་ལས་མཐའ་དག་ཐོགས་མེད་དུ་འགྲུབ་པར་གྱིས་ཤིག །བདེ་སྟོང་གཉིས་སུ་མེད་པའི་ཡེ་ཤེས་ཀྱི་ཕྱག་རྒྱ་ཐུགས་ཀ་ནས་སྤྲོས་ཤིང་སྙིང་དབུས་སུ་ཐིམ་པས་ཟུང་འཇུག་འོད་གསལ་རང་བྱུང་གི་དགོངས་པ་མངོན་དུ་གྱིས་ཤིག ཕུར་པ་ཐོགས་ལ། ཧཱུྃ༔ རྡོ་རྗེ་སྟོང་པ་ཉིད་ཀྱི་དབྱིངས༔ གཞོན་ནུ་ཡེ་ཤེས་རིག་པའི་སྐུ༔ མཚོན་བྱེད་དཔལ་གྱི་ཕྱག་མཚན་འདི༔ སྐལ་ལྡན་བུ་ལ་སྦྱིན་གྱིས་ལོངས༔ ཨོཾ་བཛྲ་ཙིཏྟ་ཨ་བྷི་ཥིཉྩ་ཧཱུྃ༔ དེང་ནས་བཟུང་སྟེ་རིག་སྟོང་ཡེ་ཤེས་ཆེན་པོའི་ངང་ལ་མཉམ་པར་བཞག་པ་ལས་མ་གཡོས་པས་རྟོག་ཚོགས་ཐམས་ཅད་དགོངས་པ་མི་འགྱུར་བའི་གཟེར་དང་འཕྲོ་འདུ་ཏིང་ངེ་འཛིན་གྱི་གཟེར་ཐེབ་པར་གྱིས་ཤིག །དེ་ལྟར་བུམ་པའི་དབང་ཐོབ། ལུས་ཀྱི་དྲི་མ་དག །ལམ་བསྙེན་པའི་རྣལ་འབྱོར་བསྐྱེད་རིམ་བསྒོམ་པ་ལ་དབང༌། འབྲས་བུ་སྐུ་རྡོ་རྗེ་སྤྲུལ་པའི་སྐུ་འགྲུབ་པའི་སྐལ་པ་ཅན་དུ་བྱས་པའོ། །གསང་དབང་ནི། བླ་མ་དང་དཀྱིལ་འཁོར་གྱི་གཙོ་བོ་ཐ་མི་དད་པས་རང་འོད་ཀྱི་ཡུམ་དང་སྙོམས་པར་ཞུགས་པའི་བྱང་ཆུབ་སེམས་ཀྱི་བདུད་རྩི་ལྕེ་ཐོག་ཏུ་བཞག་པར་གྱུར། བྷནྡྷའི་བདུད་རྩི་ལྕེ་ཐོག་ཏུ་བཞག་ལ། ཨེ་མ་ཧོཿ སངས་རྒྱས་ཀུན་གྱི་གསང་བ་ནི༔ ལྷག་པའི་བྱང་ཆུབ་སེམས་ཆེན་པོ༔ དེ་རིང་བུ་ལ་སྦྱིན་པར་བྱ༔ རྟོག་པ་བྲལ་བས་རོལ་ཅིག་བུ༔ བདུད་རྩི་མྱངས་ཏེ། ཨ་ཧོ་མ་ཧཱ་སུ་ཁ་ཧོཿ ཞེས་རྗེས་ཟློས་བྱ། དེ་ལྟར་ན་གསང་བའི་དབང་ཐོབ། ངག་གི་དྲི་མ་དག །ལམ་ཉེ་བསྙེན་རྩ་རླུང་གཏུམ་མོ་བསྒོམ་པ་ལ་དབང༌། འབྲས་བུ་གསུང་རྡོ་རྗེ་ལོངས་སྤྱོད་རྫོགས་སྐུ་འགྲུབ་པའི་སྐལ་པ་ཅན་དུ་བྱས་པའོ། །ཤེར་དབང་ནི། རང་ཉིད་སྐད་ཅིག་གིས་དཔལ་རྡོ་རྗེ་གཞོན་ནུའི་སྐུར་གསལ་བ་ལ་མདུན་བསྐྱེད་ཀྱི་ཐུགས་ཀ་ནས་རིགས་དང་ལང་ཚོ་རྫོགས་པའི་རིག་མ་འཁོར་ལོ་རྒྱས་འདེབས་ཀྱི་ངོ་བོ་ཅན་རེ་སྤྲོས་ཏེ་ཐར་པ་བསྟེན་པར་བསྐུལ་བར་གྱུར། རིག་ཙཀ་ཐོགས་ལ། ཨེ་མ་བདེ་བ་ཐམས་ཅད་ཀྱི༔ འབྱུང་གནས་རྡོ་རྗེ་སྣ་ཚོགས་གཟུགས༔ བདེ་མཆོག་སྐྱེད་བྱེད་དེང་གཏད་པས༔ རྟོག་པ་བྲལ་བས་རོལ་ཅིག་བུ༔ མ་ཧཱ་མུ་དྲ་ཧོཿ རང་དང་རིག་མ་འདུ་ཤེས་གསུམ་ལྡན་གྱིས་སྙོམས་པར་ཞུགས་པས་དགའ་བཞིའི་རིམ་པས་ལྷན་སྐྱེས་ཀྱི་བདེ་བ་རྒྱུད་ལ་སྐྱེས་པར་གྱུར། འཁྱུད་རྒྱ་བྱ། དེ་ལྟར་ཤེས་རབ་ཡེ་ཤེས་ཀྱི་དབང་ཐོབ། ཡིད་ཀྱི་དྲི་མ་དག །ལམ་སྒྲུབ་པ་ཕོ་ཉའི་རྣལ་འབྱོར་བསྒོམ་པ་ལ་དབང༌། འབྲས་བུ་ཐུགས་རྡོ་རྗེ་ཆོས་ཀྱི་སྐུ་འགྲུབ་པའི་སྐལ་པ་ཅན་དུ་བྱས་པའོ། །དབང་བཞི་པ་ནི། རྡོ་རྗེ་སེམས་དཔའི་མེ་ལོང་དང་འཇའ་ཤེལ་བཟུང་ལ། ཨཿ ད་ལྟའི་ཤེས་པ་བློ་བྲལ་འདི༔ ཟང་ཐལ་ཀུན་ཁྱབ་ས་ལེ་བ༔ རིག་སྟོང་ཆོས་སྐུའི་དགོངས་པ་འདི༔ ངེས་དོན་རྡོ་རྗེ་གཞོན་ནུ་ཡིན༔ ཨ་ཨ་ཨ་དྷརྨ་དྷཱ་ཏུ་ཨ་ཧོཿ ཞེས་དཔེའི་བརྡ་ཐབས་ཀྱིས་མཚོན་ཏེ། ཨ། ལྟ་བ་བློ་འདས་གདོད་མའི་བབ། །སྒོམ་པ་མ་བཅོས་ལྷུག་པར་བཞག །སྤྱོད་པ་རང་གྲོལ་གཉུག་མའི་ངང༌། །འབྲས་བུ་གཞིར་སྣང་ཆེན་པོར་རྫོགས། ཨ་ཨ་ཨ། ཞེས་དགོངས་པ་བསྐྱང༌། དེ་ལྟར་དབང་བཞི་པ་ཐོབ། བག་ཆགས་ཀྱི་དྲི་མ་དག །ལམ་སྒྲུབ་པ་ཆེན་པོ་དབྱིངས་རིག་ཟུང་འཇུག་སྒོམ་པ་ལ་དབང༌། འབྲས་བུ་ཡེ་ཤེས་རྡོ་རྗེ་ངོ་བོ་ཉིད་སྐུ་འགྲུབ་པའི་སྐལ་པ་ཅན་དུ་བྱས་པའོ། །དེ་རྗེས། གཙོ་བོས་ཇི་ལྟར་སོགས་དང་མཎྜལ། དེང་ནས་བརྩམས་ཏེ་སོགས་སྤྱི་ལྟར་དགེ་བསྔོ་བྱས་པས་གྲུབ་བོ། །ལས་གཞུང་གི་ཚོགས་ལ་རོལ་ཞིང་ལྷག་མ་སོགས་མཐར་དབྱུང་བར་བྱའོ། །ལྷག་པའི་ཏིང་འཛིན་དཀྱིལ་འཁོར་དུ། །ཞུགས་པས་ཡེ་ཤེས་མཆོག་བསྐྱེད་ནས། །སྐུ་བཞིའི་གྲོང་ཁྱེར་ཉམས་དགའ་བར། །འཇུག་པའི་སྐལ་བཟང་མངོན་གྱུར་ཅིག །ཅེས་པའང་ཕྲིན་ལས་ཕུར་པ་གྲུབ་པའི་རིག་འཛིན་ཆེན་པོ་གུ་རུ་རྡོ་རྗེ་ཐོད་ཕྲེང་གིས་མཁའ་འགྲོ་ཡེ་ཤེས་མཚོ་རྒྱལ་རྡོ་རྗེ་ཕུར་པའི་དཀྱིལ་འཁོར་ཆེན་པོར་སྨིན་པར་མཛད་པའི་གནས་མོན་སྟག་ཚང་སེང་གེ་བསམ་གྲུབ་ཀྱི་ཀེའུ་ཚང་དང་གོང་ཕང་དང་གོས་ཀྱི་ཚུལ་དུ་འབྲེལ་བ་སྤ་གྲོ་སྐྱེར་ཆུའི་མཐའ་འདུལ་ཡང་འདུལ་གྱི་གཙུག་ལག་ཁང་དུ་ཚུལ་འདིས་སྒྲུབ་མཆོད་བགྱིས་པའི་སྐབས་མཁྱེན་ཡོན་རྨད་བྱུང་གནམ་མཚོ་དོ་སྐྱ་མཆོག་སྤྲུལ་འགྱུར་མེད་ཆོས་ཀྱི་ཉི་མ་དཔོན་སློབ་ནས་གསུང་བསྐུལ་བཞིན་ལམ་འདིའི་བཀའ་བབ་ཀློང་ཆེན་ནམ་མཁའ་འོད་གསལ་པདྨ་མདོ་སྔགས་གླིང་པས་བྲིས་པའི་ཡི་གེ་པ་ནི་བློ་གསལ་དད་མོས་དགེ་བ་འབྲུག་གྲྭ་ཡོན་ཏན་ཕུན་ཚོགས་ནས་བགྱིས་པ་འདིས་ཀྱང་ཕྲིན་ལས་རྡོ་རྗེ་གཞོན་ནུའི་གོ་འཕང་མངོན་དུ་བྱེད་པའི་རྒྱུར་གྱུར་ཅིག། །།

[edit]

@#/__/snyan brgyud snying gi gsang mdzod las/_gnyags lugs rdo rje phur pa'i bdag 'jug rdo rje'i ye shes mchog gi dpal skyed ces bya ba bzhugs//

@#/__/rgyal kun phrin las dpal gyi mtshon/_/'jug phyir rdo rje bzhi'i ye shes/_skyed byed thabs kyi gsang lam mchog_/skal bzang 'jug bde'i btsas su spel/_/rdo rje theg pa'i dbang gi ye shes skyes brtan gong 'phel du byed pa'i thabs kyi gseng lam rmad du byung ba/_'gal rkyen nyams chag sbyong zhing bar chad mtha' dag sel zhing mthun rkyen thun mong dang thun min gyi dngos grub bde blag tu thob pa'i gsang ba rmad du byung ba rdo rje phur pa'i dkyil 'khor chen po bzhi ru bdag nyid 'jug cing*/_rdo rje phur pa sgrub tshul bzhi yi snod rung du byed pa'i tshul 'chad pa la/_rab rdul tshon/_'bring ras bris kyi dkyil 'khor gzhung mthun nam tshom bu la brten pa'i dkyil 'khor du dbang rdzas bum pa/_dbu rgyan/_rdo rje/_dril bu/_rdor dril bsnol ma/_gsang thod/_rig tsaka_/shel rdo/_dkyil 'khor yongs rdzogs kyi lha tsaka_/sgrol phur bcas phyag len ltar du 'god/_nyer spyod dang sman raka gtor ma/_bka' srung gtor 'bul/_dkar bgegs bcas dang*/_rang gi mdun du las bum/_DA ma ru rdor dril sogs 'du byas la/_brgyud 'debs nas brtsams/_bsnyen sgrub kyi bzlas pa dang*/_bum pa b+h+rUM las gzhal yas khang:_mtshan nyid thams cad yongs rdzogs dbus:_rdo rje phur pa'i lha tshogs rnams:_snang stong chu zla lta bur gsal:_rang gi thugs srog sngags phreng las:_'od zer mchod pa'i tshul du 'phros:_snyoms 'jug byang sems bdud rtsi yis:_bum pa yongs su gang bar gyur:_zhes brjod cing bsam la/_gzungs thag nas bzung te bsnyen sgrub las kyi bzlas pa khyug tsam bya/_las bum du skad cig gis khro bo bdud rtsi 'khyil ba ljang gu g.yas rgya gram dang g.yon zhags pa thogs par gsal ba'i sku las rdo rje bdud rtsi'i rdul phra rab bab pas bum pa gang bar bsam la/_oM badz+ra a mr-i ta kuN+Da li ha na ha na hU~M phaTa?:_ces bzlas mthar/_dbyangs gsal rten snying lan gsum/_bka' gter srung ma'i gtor 'bul/_tshogs bsgral bstab bar gzhung bzhin btang la/_ji ltar bltams pa sogs kyis khrus bya/_sum+b+ha nis bgegs bskrad/_badz+ra dz+nyA na rak+Shas srung 'khor bsgom/_tsak+Shu b+han+d+ha wa ra ma na ye swA hAs mig ras 'ching*/_a khaM wi ra hU~M gis me tog bzung*/_sangs rgyas kun gyi ye shes sku:_phrin las stobs rdzogs kI la ya:_dpal chen karma he ru ka'i:_dkyil 'khor gnyan por 'jug par 'tshal:_lan gsum/_na mo:_bdag sogs 'gro kun sogs kyis skyabs 'gro lan gsum/_mkha' mnyam sems can sogs kyis sems bskyed lan gsum/_bdag dang mtha' yas sems can rnams:_rdo rje slob dpon sogs kyis bsags sbyangs/_ji ltar sngon gyi rgyal ba sras bcas dang*/_/rig 'dzin mkha' 'gro rgya mtsho dpag med kyis/_/sdom pa mtha' yas rgya mtsho bzung ba ltar/_/deng nas bdag kyang lam chen der zhugs te/_/'gro la phan phyir de dag bzung bar bgyi/_/lan gsum gyis sdom pa bzung*/_b+h+rUMpra be sha ya phaT kyis sgo dbye/_dzaHhU~M ba~M hoHsa nang du bajug_/'di ni rdo rje bdud rtsi'i chu:_he ru ka dpal nyid yin te:_bsrung na dngos grub sems dpa' stsol:_ma bsrung nges par 'tshig ste brlag:_sa ma ya i daM to da ka Tha Tha Tha hU~M:_zhes dam chu btung*/_ye shes dbab pa ni/_snod ni 'og min stug po bkod/_/bcud kyi rtog pa kI la ya/_/mthing nag dbu dgu phyag bco brgyad/_/g.yas dkar g.yon dmar dbus mthing nag_/de steng zhal gsum ljang ser nag_/de steng zhal gsum smug mthing dmar/_/g.yas dgu dang pos rdo rje gdengs/_/'khor lo dgra s+t+wa ral gri mdung*/_/tho ba lcags kyu gsal shing bsnams/_/g.yon dgus me dpung khaT+wAM ga_/ri rab zhags pa b+han+d+ha dmar/_/sdig mdzub mda' dang bdud bzhi'i mgo/_/tha mas ri rab phur bu 'dril/_/rang 'od yum dang mnyam sbyor ba'i/_/thugs srog hU~M la sems bzung zhing*/_/snyoms 'jug sgra dang 'od zer sprin/_/gdung ba'i glu yis thugs dam bskul/_/sku gsung thugs kyi phyag rgya ni/_/char bzhin bab ste dbyer med thim/_/ye shes chen po'i byin thob gyur/_/spos rol bcas las byang gi byin 'bebs btang la dbab/_rdo rje spyi bor bzhag_tiSh+Tha badz+ras brtan par bya/_bo d+hi tsit+ta a pra ti pU dza hoHsa me tog dor/_pra ti gr-ih+Na i maM satwa ma hA ba las slar spyi bor bcings/_badz+ra tsak+Shu pra be sha ya phaTa? kyis mig dar bsal bas/_bcom ldan 'das dpal rdo rje gzhon nu bdag nyid rtsa ba/_phyogs bcu khro bo yab yum phra thabs bcas/_sras mchog phur bu'i dkyil 'khor gsum dang*/_sgo ma bka' sdod chos skyong dang bcas pa'i dkyil 'khor mngon sum bzhin du gsal bar gyur/_des sngon 'gro 'jug pa'i chos rnams song nas/_dngos gzhi'i ched du maN+Dal phul/_he ru ka dpal bla ma dgongs:_bdag cag rdo rje'i rigs can du:_sgrub pa skal pa shin tu bzang:_'jug cing smin pa'i bka' drin stsol:_lan gsum gyis gsol ba gdab/_bla ma dang dkyil 'khor gyi gtso bo dbyer med pa'i thugs ka nas 'od zer 'phros pas dbang gi lha nam mkha' gang bar spyan drangs nas bkra shis pa'i rnam pa du ma dang bcas dgyes bzhin du bum pa'i chus dbang bskur bar gyur/_hU~M:_zhe sdang bdud 'joms he ru ka:_badz+ra spyi dpal me long gi:_ye shes bum chus dbang bskur bas:_sgrib dag skal pa mchog ldan shog:_oM a b+hi She ka te sa ma ya shrI ye hU~M:_zhes mi bskyod pa chus dbang bskur bas nyon mongs pa zhe sdang dag_/me long ye shes mngon du gyur/_thugs rdo rje mi bskyod pa dang skal pa mnyam par gyur/_dbu rgyan thogs la/_trA~M:_nga rgyal bdud 'joms he ru ka:_rat+na spyi dpal ye shes kyi:_phyag rgya dbu rgyan dbang bskur bas:_mnyam nyid rtogs pa'i dbang thob shog:_rat+na mu ku Ta a b+hi Shiny+tsa trA~M:_zhes rin chen 'byung ldan dbu rgyan gyis dbang bskur bas nyon mongs pa nga rgyal dag_/mnyam nyid ye shes mngon du gyur/_yon tan rin chen 'byung ldan dang skal pa mnyam par gyur/_rdo rje lag g.yas su thogs la/_hrIH_'dod chags bdud 'joms he ru ka:_pad+ma spyi dpal sor rtog gi:_ye shes rdo rjes dbang bskur bas:_rjes chags dbang gi don rtogs shog:_badz+ri b+ha wa a b+hi Shiny+tsa hrIH_zhes snang ba mtha' yas rdo rjes dbang bskur bas nyon mongs pa 'dod chags dag_/sor rtog ye shes mngon du gyur/_gsung snang ba mtha' yas dang skal pa mnyam par gyur/_dril bu dkrol zhing lag g.yon du thogs/_AH_phrag dog bdud 'joms he ru ka:_karma spyi dpal bya ba grub:_shes rab dril bus dbang bskur bas:_don gnyis rdzogs pa'i gnas thob shog:_karma gaN+De a b+hi Shiny+tsa AH_zhes don yod grub pa dril bus dbang bskur bas nyon mongs pa phrag dog dag_/bya grub ye shes mngon du gyur/_phrin las don yod grub pa dang skal pa mnyam par gyur/_rdor dril bsnol ma spyi bor bzung ste dkrol la/_oM:_gti mug bdud 'joms he ru ka:_bud+d+ha spyi dpal chos kyi dbyings:_rdo rje'i ming gis dbang bskur bas:_rigs kyi 'khor lor nges par shog:_kyai bai ro tsa na oM a b+hi Shiny+tsa hU~M:_zhes rnam par snang mdzad ming gis dbang bskur bas nyon mongs pa gti mug dag_/chos dbyings ye shes mngon du gyur/_sku de bzhin gshegs pa'i rigs rnam par snang mdzad dang skal pa mnyam par gyur/_dbang thams cad yongs su rdzogs pa'i phyir rnam par rgyal ba'i bum pa dkyil 'khor yongs su rdzogs pas dbang bskur bar gyur/_rnam bum btegs la/_hU~M:_bum pa rang byung gzhal yas khang:_nang bcud rigs lnga'i he ru ka:_bde chen byang chub sems kyi chus:_rigs kyi bu la dbang bskur ro:_oM sarba ta thA ga ta a b+hi She ka te sa ma ya shrI ye hU~M:_zhes dbang bskur bas bdud rtsis lus kyi nang gang*/_dri ma thams cad dag_/thob bya'i yon tan ma lus pa yongs su rdzogs/_chu lhag yar lud pa las rigs kyi khyab bdag rdo rje sems dpas dbu brgyan par gyur/_bum dbang gi mtha' rten rdo rje gsum gyis nang nus pa 'jug pa'i dbang bskur ba la/_dkyil 'khor gyi lha tshogs rnams kyi sku las rang 'dra'i ye shes kyi sku gnyis pa re spros nas rang gi dpral ba nas thim pas snang stong sku rdo rje'i byin rlabs khyad par can thob par mos shig_/sku tsaka rnams kyis rim bzhin dbang bskur la/_hU~M:_dbus phyogs gru gsum gzhal yas nas:_bcom ldan rdo rje gzhon nu ni:_yum chen 'khor lo rgyas 'debs sbyor:_sgrol yum e ka dzA Ti bcas:_sprul pa khro bcu sras mchog spro:_rigs kyi bu la dbang bskur bas:_dpal chen po dang gnyis med shog:_rtsa sngags mthar/_a b+hi Shiny+tsa hU~M:_hU~M/_phyogs bcu'i 'khor lo'i rtsibs steng nas/_/bdud 'dul khro bo yab yum bcu/_/sprul pa phra phyag nyi shu yis/_/rigs kyi bu la dbang bskur bas/_/phyogs bcu'i gdon 'dul mthu thob shog_/rang sngags/_a b+hi Shiny+tsa hU~M:_hU~M/_zla gam gsum du sku gsung thugs/_/sprul pa'i sras gsum rigs bzhi yis/_rigs kyi bu la dbang bskur bas/_/khams gsum 'dul ba'i dbang thob shog_/rtsa sngags mthar/_a b+hi Shiny+tsa hU~M:_hU~M/_dkyil 'khor sgo bzhi'i 'khor yug nas/_/sgo ma dbang phyug phur srung gis/_/rigs kyi bu la dbang bskur bas/_/phrin las rnam bzhi mthar phyin shog_/rtsa sngags mthar/_a b+hi Shiny+tsa hU~M:_deng phyin chad gsal brtan dag gsum dang ldan pa'i bskyed rim gyad du gyur pas bdud bzhis kyang bskyod du med pa'i gdeng thob par gyis shig_/lha tshogs rnams kyi zhal nas sngags kyi phreng ba byung rang gi ngag la thim pas drag sngags nus pa'i mthu dbang thob par mos la rjes zlos mdzod/_bsnyen sgrub kyi sngags lan gsum dang spu gri'i sngags lan gcig bzla/_deng nas bzlas pa chu bo'i rgyun ltar brtson pas phrin las mtha' dag thogs med du 'grub par gyis shig_/bde stong gnyis su med pa'i ye shes kyi phyag rgya thugs ka nas spros shing snying dbus su thim pas zung 'jug 'od gsal rang byung gi dgongs pa mngon du gyis shig_phur pa thogs la/_hU~M:_rdo rje stong pa nyid kyi dbyings:_gzhon nu ye shes rig pa'i sku:_mtshon byed dpal gyi phyag mtshan 'di:_skal ldan bu la sbyin gyis longs:_oM badz+ra tsit+ta a b+hi Shiny+tsa hU~M:_deng nas bzung ste rig stong ye shes chen po'i ngang la mnyam par bzhag pa las ma g.yos pas rtog tshogs thams cad dgongs pa mi 'gyur ba'i gzer dang 'phro 'du ting nge 'dzin gyi gzer theb par gyis shig_/de ltar bum pa'i dbang thob/_lus kyi dri ma dag_/lam bsnyen pa'i rnal 'byor bskyed rim bsgom pa la dbang*/_'bras bu sku rdo rje sprul pa'i sku 'grub pa'i skal pa can du byas pa'o/_/gsang dbang ni/_bla ma dang dkyil 'khor gyi gtso bo tha mi dad pas rang 'od kyi yum dang snyoms par zhugs pa'i byang chub sems kyi bdud rtsi lce thog tu bzhag par gyur/_b+han+d+ha'i bdud rtsi lce thog tu bzhag la/_e ma hoH_sangs rgyas kun gyi gsang ba ni:_lhag pa'i byang chub sems chen po:_de ring bu la sbyin par bya:_rtog pa bral bas rol cig bu:_bdud rtsi myangs te/_a ho ma hA su kha hoH_zhes rjes zlos bya/_de ltar na gsang ba'i dbang thob/_ngag gi dri ma dag_/lam nye bsnyen rtsa rlung gtum mo bsgom pa la dbang*/_'bras bu gsung rdo rje longs spyod rdzogs sku 'grub pa'i skal pa can du byas pa'o/__/sher dbang ni/_rang nyid skad cig gis dpal rdo rje gzhon nu'i skur gsal ba la mdun bskyed kyi thugs ka nas rigs dang lang tsho rdzogs pa'i rig ma 'khor lo rgyas 'debs kyi ngo bo can re spros te thar pa bsten par bskul bar gyur/_rig tsaka thogs la/_e ma bde ba thams cad kyi:_'byung gnas rdo rje sna tshogs gzugs:_bde mchog skyed byed deng gtad pas:_rtog pa bral bas rol cig bu:_ma hA mu dra hoH_rang dang rig ma 'du shes gsum ldan gyis snyoms par zhugs pas dga' bzhi'i rim pas lhan skyes kyi bde ba rgyud la skyes par gyur/_'khyud rgya bya/_de ltar shes rab ye shes kyi dbang thob/_yid kyi dri ma dag_/lam sgrub pa pho nya'i rnal 'byor bsgom pa la dbang*/_'bras bu thugs rdo rje chos kyi sku 'grub pa'i skal pa can du byas pa'o/__/dbang bzhi pa ni/_rdo rje sems dpa'i me long dang 'ja' shel bzung la/_aH_da lta'i shes pa blo bral 'di:_zang thal kun khyab sa le ba:_rig stong chos sku'i dgongs pa 'di:_nges don rdo rje gzhon nu yin:_a a a d+harma d+hA tu a hoH_zhes dpe'i brda thabs kyis mtshon te/_a/_lta ba blo 'das gdod ma'i bab/_/sgom pa ma bcos lhug par bzhag_/spyod pa rang grol gnyug ma'i ngang*/_/'bras bu gzhir snang chen por rdzogs/_a a a/_zhes dgongs pa bskyang*/_de ltar dbang bzhi pa thob/_bag chags kyi dri ma dag_/lam sgrub pa chen po dbyings rig zung 'jug sgom pa la dbang*/_'bras bu ye shes rdo rje ngo bo nyid sku 'grub pa'i skal pa can du byas pa'o/__/de rjes/_gtso bos ji ltar sogs dang maN+Dal/_deng nas brtsams te sogs spyi ltar dge bsngo byas pas grub bo/__/las gzhung gi tshogs la rol zhing lhag ma sogs mthar dbyung bar bya'o/__/lhag pa'i ting 'dzin dkyil 'khor du/_/zhugs pas ye shes mchog bskyed nas/_/sku bzhi'i grong khyer nyams dga' bar/_/'jug pa'i skal bzang mngon gyur cig_/ces pa'ang phrin las phur pa grub pa'i rig 'dzin chen po gu ru rdo rje thod phreng gis mkha' 'gro ye shes mtsho rgyal rdo rje phur pa'i dkyil 'khor chen por smin par mdzad pa'i gnas mon stag tshang seng ge bsam grub kyi ke'u tshang dang gong phang dang gos kyi tshul du 'brel ba spa gro skyer chu'i mtha' 'dul yang 'dul gyi gtsug lag khang du tshul 'dis sgrub mchod bgyis pa'i skabs mkhyen yon rmad byung gnam mtsho do skya mchog sprul 'gyur med chos kyi nyi ma dpon slob nas gsung bskul bzhin lam 'di'i bka' bab klong chen nam mkha' 'od gsal pad+ma mdo sngags gling pas bris pa'i yi ge pa ni blo gsal dad mos dge ba 'brug grwa yon tan phun tshogs nas bgyis pa 'dis kyang phrin las rdo rje gzhon nu'i go 'phang mngon du byed pa'i rgyur gyur cig/__//