JKW-KABUM-22-ZA-012-032

🚧 This website is under continued development. We appreciate your patience!

Previous Text Back to Volume PageNext Text

འཇམ་དཔལ་སྐུ་ཡི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་དུས་དགྲའི་དབང་པོའི་ཞལ་ལུང་།

Wylie title	'jam dpal sku yi dkyil 'khor du rtogs pa brjod pa'i rdo rje'i thol glu dus dgra'i dbang po'i zhal lung
Location	mkhyen brtse'i bka' 'bum Volume 22, sde tshan 12, Text 32, Pages 447-449 (Folios 52a3 to 53a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. 'jam dpal sku yi dkyil 'khor du rtogs pa brjod pa'i rdo rje'i thol glu dus dgra'i dbang po'i zhal lung. In 'jam dbyangs mkhyen brtse'i dbang po'i bka' 'bum, Vol. 22: 447-449. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Vajra Songs - rdo rje'i glu
Colophon	།ཞེས་པའང་སྐུའི་དབེན་གནས་བསྒྲགས་ཀྱི་ཡོངས་རྫོངས་སུ་གྲོ་བཞིན་ཟླ་བའི་དཀར་ཕྱོགས་རྒྱལ་བ་དང་པོར་འཇམ་དཔལ་དུས་དགྲའི་དབང་པོའི་དཀྱིལ་འཁོར་དུ་ཚོགས་ཀྱི་འདུ་བ་བགྱེས་པའི་ཚེ་གང་ཤར་རྡོ་རྗེའི་གླུར་བླངས་པའོ།།
	zhes pa'ang sku'i dben gnas bsgrags kyi yongs rdzongs su gro bzhin zla ba'i dkar phyogs rgyal ba dang por 'jam dpal dus dgra'i dbang po'i dkyil 'khor du tshogs kyi 'du ba bgyes pa'i tshe gang shar rdo rje'i glur blangs pa'o

1 Texts in this Section (sde tshan or chos tshan)

32 447-449	འཇམ་དཔལ་སྐུ་ཡི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་དུས་དགྲའི་དབང་པོའི་ཞལ་ལུང་། 'jam dpal sku yi dkyil 'khor du rtogs pa brjod pa'i rdo rje'i thol glu dus dgra'i dbang po'i zhal lung Autobiographies - Expressions of Realization - rtogs brjod   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཇམ་དཔལ་སྐུའི་དཀྱིལ་འཁོར་དུ་རྟོགས་པ་བརྗོད་པའི་རྡོ་རྗེའི་ཐོལ་གླུ་དུས་དགྲའི་དབང་པོའི་ཞལ་ལུང་ཅེས་བྱ་བ། ཨ་ཧོ། གཟོད་ནས་རྣམ་པར་དག་པའི་འོད་གསལ་གྱི་ངང་ལས། །ཟུང་འཇུག་བཞིན་ལག་མཚན་དཔེའི་སྣང་ཆ་རུ་ཤར་བས། །གྲུབ་གཉིས་ལྷུག་པར་སྩོལ་བའི་ཡི་དམ་གྱི་ལྷ་མཆོག །འཇམ་དཔལ་དུས་དགྲའི་དབང་པོའི་དཀྱིལ་འཁོར་ལ་བཏུད་ནས། །ཟབ་དོན་རྡོ་རྗེའི་གླུ་ཡི་རོལ་མོ་ཞིག་དཀྲོལ་ལོ། །སྒོ་གསུམ་ཀུན་གཞིར་བཅས་པའི་ཉོན་མོངས་ཀྱི་བདུད་དགྲ། །སྨིན་འཇམ་དཔལ་སྒྱུ་འཕྲུལ་དྲྭ་བ་ལས། །འཇིག་རྟེན་གསུམ་ན་གཞོན་ལུས་གཅིག །གནས་བརྟན་རྒན་པོ་སྐྱེ་རྒུའི་བདག །སུམ་ཅུ་རྩ་གཉིས་མཚན་འཆང་བ། །སྡུག་གུ་འཇིག་རྟེན་གསུམ་ན་མཛེས། །ཞེས་གསུངས་པ་ཉིད་སྨིན་གྲོལ་གྱི་ལམ་འཁོར་དང་བཅས་པ་ལ་སྦྱར་དུ་ཡོད་པ་ལྟ་བུ་དང་འབྲེལ་ལོ། །མཆན། བྱེད་འཇམ་དཔལ་ཁྲོས་པའི་ཐབས་མཁས་ཀྱིས་བཅོམ་པས། །བསྐྱེད་རྫོགས་ཟུང་འཇུག་བསྒོམ་རུང་སྐལ་བ་ལ་སྦྱོར་ཞིང་། །སྐུ་བཞིའི་ས་བོན་འཇོག་པའི་ལམ་བཟང་འདི་ཨ་ཧོ། །ཐ་མལ་འཁྲུལ་པའི་སྣང་ཞེན་ཀུན་བརྟགས་ཀྱི་བདུད་དགྲ། །སྣང་སྟོང་འཇམ་དཔལ་ཁྲོས་པའི་དཀྱིལ་འཁོར་ཟླ་གསང་སྙིང་པོ་ལས། ཁམས་དྲུག་ལྡན་པའི་ལུས་ཀྱི་རྟེན། །རྡོ་རྗེ་བཞི་ཡི་གོ་འཕང་ལ། །སྦྱོར་བ་རྡོ་རྗེའི་ཏནྟྲ་ལས། །རྒྱུ་འབྲས་དག་གྲོལ་ལམ་གྱིས་མིན། །སོགས་གསུངས་པའི་ཕྱིར་རོ། །ལ་བཏུད་ནས། །གསལ་བརྟན་གྱད་དུ་གྱུར་བའི་ཉམས་ལེན་དང་སྦྲགས་ནས། །ཕུང་ཁམས་ལྷ་སྐུར་སྨིན་པའི་ཐབས་མཁས་འདི་ཨ་ཧོ། །རྩ་རླུང་ཐིག་ལེར་བཅས་པའི་འཁྲུལ་བཅས་ཀྱི་བདུད་དགྲ། །མྱུར་ལམ་འཇམ་དཔལ་ཁྲོས་སྒྱུ་དྲྭར། ས་ཡི་དཀྱིལ་འཁོར་གཞི་ཡི་ཁྱོན། །རྐང་པ་ཡ་གཅིག་མཐེབ་ཀྱིས་གནོན། །རྐང་མཐིལ་སེན་མོའི་ཁྱོན་གྱིས་ཀྱང་། །ཚངས་པའི་ཡུལ་ས་རྩེ་ནས་གནོན། །ཞེས་སོགས་དང་འབྲེལ། པའི་དཀྱིལ་འཁོར་ལ་བཏུད་ནས། །བྱེད་བཅིངས་ཁ་སྦྱོར་ཞུ་བདེའི་སྒྱུ་ཐབས་དང་འགྲོགས་ནས། །འཕོ་མེད་འཇའ་ལུས་འགྲུབ་པའི་མིག་འཕྲུལ་འདི་ཨ་ཧོ། །གཟུང་འཛིན་གློ་བུར་ཤར་བའི་གཉིས་སྣང་གི་བདུད་དགྲ། །དབྱིངས་རིག་འཇམ་དཔལ་ཁྲོས་རྒྱུད་ལས། ཡེ་ནས་མ་སྐྱེས་གཤིན་རྗེ་ཆེན་པོའི་ཚོགས། །དབྱིངས་ཀྱི་རང་བཞིན་རྣམ་པར་དག་པ་ལས། །གཉིས་མེད་འདུས་པའི་སྲས་མཆོག་གཤིན་རྗེའི་གཤེད། །ཅེས་དང་། ཞི་བ་གཉིས་མེད་ཆོས་དབྱིངས་ངང་ཉིད་ལས། །སྙིང་པོ་གཉིས་མེད་བྱང་ཆུབ་སེམས་ཀྱི་དོན། །ཐམས་ཅད་འདུས་པ་བླ་མེད་དམ་པ་སྟེ། །དེ་བཞིན་གཤེགས་པའི་སྙིང་པོ་ཞེས་བཤད་དོ། །ཞེས་སོ། །པའི་མཚོན་ཆ་ཡིས་བཅོམ་པས། །ཟུང་འཇུག་གདོད་ནས་དག་པའི་ངལ་གསོ་དང་སྦྲགས་ནས། །སྐུ་དང་ཡེ་ཤེས་ལྷུན་གྱིས་གྲུབ་པ་འདི་ཨ་ཧོ། །གནས་སྐབས་ལས་ཉོན་ངར་འཛིན་ཕས་རྒོལ་གྱི་བདུད་དགྲ། །དྲག་ཤུལ་འཇམ་དཔལ་ཁྲོས་པའི་བརྟུལ་ཞུགས་ཀྱིས་བཅོམ་ནས། །གང་འདུལ་ཕྲིན་ལས་རྣམ་བཞིའི་རྒྱུད་ལས། ངང་གིས་ཞི་བའི་དབྱིངས་ལས་མ་གཡོས་ཀྱང་། །ཕྲིན་ལས་རྣམ་བཞིས་འགྲོ་བ་སོ་སོར་འདུལ། ཞེས་སོ། །རོལ་མོ་དང་སྦྲགས་ཏེ། །ཕན་བདེའི་དགའ་སྟོན་གྲུབ་པའི་རྣམ་ཐར་འདི་ཨ་ཧོ། །དེ་སྐད་སྙིང་དབུས་འཇམ་དཔལ་ཁྲོས་པ་ཡི་དཀྱིལ་འཁོར། །བདེ་སྟོང་ཚོགས་ཀྱི་འཁོར་ལོའི་འདུ་བ་ཡིས་མཉེས་པའི། །ཟབ་ལམ་རྡོ་རྗེའི་ཚིག་རྐང་རང་བྱུང་གི་ཐོལ་གླུས། །དོན་གཉིས་དགའ་སྟོན་འགྲུབ་པའི་སྨོན་ལམ་ཞིག་ཞུའོ། །ཞེས་པའང་སྐུའི་དབེན་གནས་བསྒྲགས་ཀྱི་ཡོངས་རྫོངས་སུ་གྲོ་བཞིན་ཟླ་བའི་དཀར་ཕྱོགས་རྒྱལ་བ་དང་པོར་འཇམ་དཔལ་དུས་དགྲའི་དབང་པོའི་དཀྱིལ་འཁོར་དུ་ཚོགས་ཀྱི་འདུ་བ་བགྱེས་པའི་ཚེ་གང་ཤར་རྡོ་རྗེའི་གླུར་བླངས་པའོ།། །། ༈

[edit]

'jam dpal sku yi dkyil 'khor du rtogs pa brjod pa'i rdo rje'i thol glu dus dgra'i dbang po'i zhal lung /__ 'jam dpal sku'i dkyil 'khor du rtogs pa brjod pa'i rdo rje'i thol glu dus dgra'i dbang po'i zhal lung ces bya ba/__a ho/__gzod nas rnam par dag pa'i 'od gsal gyi ngang las/__/zung 'jug bzhin lag mtshan dpe'i snang cha ru shar bas/__/grub gnyis lhug par stsol ba'i yi dam gyi lha mchog__/'jam dpal dus dgra'i dbang po'i dkyil 'khor la btud nas/__/zab don rdo rje'i glu yi rol mo zhig dkrol lo/__/sgo gsum kun gzhir bcas pa'i nyon mongs kyi bdud dgra/__/smin 'jam dpal sgyu 'phrul drwa ba las/__/'jig rten gsum na gzhon lus gcig__/gnas brtan rgan po skye rgu'i bdag__/sum cu rtsa gnyis mtshan 'chang ba/__/sdug gu 'jig rten gsum na mdzes/__/zhes gsungs pa nyid smin grol gyi lam 'khor dang bcas pa la sbyar du yod pa lta bu dang 'brel lo/__/mchan/__byed 'jam dpal khros pa'i thabs mkhas kyis bcom pas/__/bskyed rdzogs zung 'jug bsgom rung skal ba la sbyor zhing /__/sku bzhi'i sa bon 'jog pa'i lam bzang 'di a ho/__/tha mal 'khrul pa'i snang zhen kun brtags kyi bdud dgra/__/snang stong 'jam dpal khros pa'i dkyil 'khor zla gsang snying po las/__khams drug ldan pa'i lus kyi rten/__/rdo rje bzhi yi go 'phang la/__/sbyor ba rdo rje'i tan+t+ra las/__/rgyu 'bras dag grol lam gyis min/__/sogs gsungs pa'i phyir ro/__/la btud nas/__/gsal brtan gyad du gyur ba'i nyams len dang sbrags nas/__/phung khams lha skur smin pa'i thabs mkhas 'di a ho/__/rtsa rlung thig ler bcas pa'i 'khrul bcas kyi bdud dgra/__/myur lam 'jam dpal khros sgyu drwar/__sa yi dkyil 'khor gzhi yi khyon/__/rkang pa ya gcig mtheb kyis gnon/__/rkang mthil sen mo'i khyon gyis kyang /__/tshangs pa'i yul sa rtse nas gnon/__/zhes sogs dang 'brel/__pa'i dkyil 'khor la btud nas/__/byed bcings kha sbyor zhu bde'i sgyu thabs dang 'grogs nas/__/'pho med 'ja' lus 'grub pa'i mig 'phrul 'di a ho/__/gzung 'dzin glo bur shar ba'i gnyis snang gi bdud dgra/__/dbyings rig 'jam dpal khros rgyud las/__ye nas ma skyes gshin rje chen po'i tshogs/__/dbyings kyi rang bzhin rnam par dag pa las/__/gnyis med 'dus pa'i sras mchog gshin rje'i gshed/__/ces dang /__zhi ba gnyis med chos dbyings ngang nyid las/__/snying po gnyis med byang chub sems kyi don/__/thams cad 'dus pa bla med dam pa ste/__/de bzhin gshegs pa'i snying po zhes bshad do/__/zhes so/__/pa'i mtshon cha yis bcom pas/__/zung 'jug gdod nas dag pa'i ngal gso dang sbrags nas/__/sku dang ye shes lhun gyis grub pa 'di a ho/__/gnas skabs las nyon ngar 'dzin phas rgol gyi bdud dgra/__/drag shul 'jam dpal khros pa'i brtul zhugs kyis bcom nas/__/gang 'dul phrin las rnam bzhi'i rgyud las/__ngang gis zhi ba'i dbyings las ma g.yos kyang /__/phrin las rnam bzhis 'gro ba so sor 'dul/__zhes so/__/rol mo dang sbrags te/__/phan bde'i dga' ston grub pa'i rnam thar 'di a ho/__/de skad snying dbus 'jam dpal khros pa yi dkyil 'khor/__/bde stong tshogs kyi 'khor lo'i 'du ba yis mnyes pa'i/__/zab lam rdo rje'i tshig rkang rang byung gi thol glus/__/don gnyis dga' ston 'grub pa'i smon lam zhig zhu'o/__/zhes pa'ang sku'i dben gnas bsgrags kyi yongs rdzongs su gro bzhin zla ba'i dkar phyogs rgyal ba dang por 'jam dpal dus dgra'i dbang po'i dkyil 'khor du tshogs kyi 'du ba bgyes pa'i tshe gang shar rdo rje'i glur blangs pa'o//__//___!__