ངོ་མཚར་རང་བྱུང་གི་མཆོད་སྡོང་ཆེན་པོའི་རྟོགས་པ་བརྗོད་པའི་རྡོ་རྗེའི་ཐོལ་གླུ་ཟབ་གསེར་རྒྱུད་མང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	ngo mtshar rang byung gi mchod sdong chen po'i rtogs pa brjod pa'i rdo rje'i thol glu zab gser rgyud mang
Location	mkhyen brtse'i bka' 'bum Volume 22, sde tshan 12, Text 31, Pages 446-447 (Folios 51b1 to 52a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. ngo mtshar rang byung gi mchod sdong chen po'i rtogs pa brjod pa'i rdo rje'i thol glu zab gser rgyud mang. In 'jam dbyangs mkhyen brtse'i dbang po'i bka' 'bum, Vol. 22: 446-447. Khams sde dge rdzong sar dgon: Rdzong sar blo gros phun tshogs, 2020.
Genre	Autobiographies - Expressions of Realization - rtogs brjod  ·  Vajra Songs - rdo rje'i glu
Colophon	།ཞེས་པའང་གནས་སྐབས་ཀྱི་སྟེས་དབང་བ་བརྟེན་ནས་ཟུར་མཁར་ནི་ཙུ་ལའི་དགའ་ཚལ་དང་ཉེ་བའི་ངོ་མཚར་རྡོ་བའི་མཆོད་སྡོང་གི་འདབ་རོལ་དུ་རས་དཀར་གྱི་ལྡིང་གུར་ལ་བརྟེན་ནས་ངལ་གསོ་བའི་ཚེ་གང་ཤར་རྩེ་འཇོའི་ཚུལ་དུ་བྲིས་པའོ།།
	zhes pa'ang gnas skabs kyi stes dbang ba brten nas zur mkhar ni tsu la'i dga' tshal dang nye ba'i ngo mtshar rdo ba'i mchod sdong gi 'dab rol du ras dkar gyi lding gur la brten nas ngal gso ba'i tshe gang shar rtse 'jo'i tshul du bris pa'o

1 Texts in this Section (sde tshan or chos tshan)

31 446-447	ངོ་མཚར་རང་བྱུང་གི་མཆོད་སྡོང་ཆེན་པོའི་རྟོགས་པ་བརྗོད་པའི་རྡོ་རྗེའི་ཐོལ་གླུ་ཟབ་གསེར་རྒྱུད་མང་། ngo mtshar rang byung gi mchod sdong chen po'i rtogs pa brjod pa'i rdo rje'i thol glu zab gser rgyud mang Autobiographies - Expressions of Realization - rtogs brjod   ·   Vajra Songs - rdo rje'i glu	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

ངོ་མཚར་རང་བྱུང་གི་མཆོད་སྡོང་ཆེན་པོའི་རྟོགས་པ་བརྗོད་པའི་རྡོ་རྗེའི་ཐོལ་གླུ་ཟབ་གསང་རྒྱུད་མངས་ཅེས་བྱ་བ། ཨ་ཧོ། སྙིང་དབུས་ཐིག་ལེར་འབྲལ་མེད་དུ་བཞུགས་པའི། །སྐུ་བཞིའི་དབང་ཕྱུག་ཁྱབ་བདག་གི་བླ་མར། །སྒོ་གསུམ་གུས་པའི་དད་ཕྱག་ཞིག་འཚལ་ནས། །གང་ཤར་ཉམས་དགའི་གླུ་དབྱངས་ཞིག་ལེན་ནོ། །རྡོ་རྗེ་ཕུང་པོའི་དགའ་ཚལ་གྱི་དབུས་ན། །གདན་གསུམ་ཡོངས་སུ་གྲུབ་པ་ཡི་མཆོད་སྡོང་། །སྣང་སྟོང་ཟུང་འཇུག་འདྲེན་བྱེད་ཀྱིས་མཇལ་ནས། །རིག་འཛིན་རྣམ་བཞིའི་ཤུལ་ལམ་ལ་ཆས་འགྲོ། །ཟག་བྲལ་དྷཱུ་ཏིའི་དགའ་ཚལ་གྱི་དབུས་ན། །ཨ་ཧཾ་ལྷན་སྐྱེས་འབར་འཛག་གི་མཆོད་སྡོང་། །གསལ་སྟོང་ཟུང་འཇུག་འདྲེན་བྱེད་ཀྱིས་མཇལ་ནས། །མི་ཤིགས་ནཱ་དའི་ཤུལ་ལམ་དུ་ཆས་འགྲོ། །རྗེས་ཆགས་ཐིག་ལེའི་དགའ་ཚལ་གྱི་དབུས་ན། །མཆོག་ཏུ་མི་འགྱུར་བདེ་ཆེན་གྱི་མཆོད་སྡོང་། །བདེ་སྟོང་ཟུང་འཇུག་འདྲེན་བྱེད་ཀྱིས་མཇལ་ནས། །རྣམ་ཀུན་མཆོག་ལྡན་ཤུལ་ལམ་དུ་ཆས་འགྲོ། །ཀ་དག་གཉུག་མའི་དགའ་ཚལ་གྱི་དབུས་ན། །ལྷུན་གྲུབ་འོད་གསལ་སྣང་བཞི་ཡི་མཆོད་སྡོང་། །དབྱིངས་རིག་ཟུང་འཇུག་འདྲེན་བྱེད་ཀྱིས་མཇལ་ནས། །འཇའ་ལུས་རྡོ་རྗེའི་ཤུལ་ལམ་ལ་ཆས་འགྲོ། །ལོ་ཧི་ཏ་འགྲམ་དགའ་ཚལ་གྱི་དབུས་ན། །ངོ་མཚར་རང་བྱུང་རྡོ་བ་ཡི་མཆོད་སྡོང་། །མི་ཕྱེད་དད་པའི་འདྲེན་བྱེད་ཀྱིས་མཇལ་ནས། །ཕྱོགས་མེད་རྒྱལ་ཁམས་ཤུལ་ལམ་ལ་ཆས་འགྲོ། །དེ་སྐད་གང་ཤར་ངོ་མཚར་གྱི་རྟོགས་པ། །གྱི་ནར་འཕྱན་པའི་རྣལ་འབྱོར་གྱི་མགྲིན་ལས། །རྡོ་རྗེའི་གླུ་ཡི་རྒྱུད་མངས་འདི་བསྒྲེངས་པས། །དོན་གཉིས་འགྲུབ་པའི་སྨོན་ལམ་ཞིག་ཞུའོ། །ཞེས་པའང་གནས་སྐབས་ཀྱི་སྟེས་དབང་བ་བརྟེན་ནས་ཟུར་མཁར་ནི་ཙུ་ལའི་དགའ་ཚལ་དང་ཉེ་བའི་ངོ་མཚར་རྡོ་བའི་མཆོད་སྡོང་གི་འདབ་རོལ་དུ་རས་དཀར་གྱི་ལྡིང་གུར་ལ་བརྟེན་ནས་ངལ་གསོ་བའི་ཚེ་གང་ཤར་རྩེ་འཇོའི་ཚུལ་དུ་བྲིས་པའོ།། །། ༈

[edit]

ngo mtshar rang byung gi mchod sdong chen po'i rtogs pa brjod pa'i rdo rje'i thol glu zab gser rgyud mang /__ ngo mtshar rang byung gi mchod sdong chen po'i rtogs pa brjod pa'i rdo rje'i thol glu zab gsang rgyud mangs ces bya ba/__a ho/__snying dbus thig ler 'bral med du bzhugs pa'i/__/sku bzhi'i dbang phyug khyab bdag gi bla mar/__/sgo gsum gus pa'i dad phyag zhig 'tshal nas/__/gang shar nyams dga'i glu dbyangs zhig len no/__/rdo rje phung po'i dga' tshal gyi dbus na/__/gdan gsum yongs su grub pa yi mchod sdong /__/snang stong zung 'jug 'dren byed kyis mjal nas/__/rig 'dzin rnam bzhi'i shul lam la chas 'gro/__/zag bral d+hU ti'i dga' tshal gyi dbus na/__/a haM lhan skyes 'bar 'dzag gi mchod sdong /__/gsal stong zung 'jug 'dren byed kyis mjal nas/__/mi shigs nA da'i shul lam du chas 'gro/__/rjes chags thig le'i dga' tshal gyi dbus na/__/mchog tu mi 'gyur bde chen gyi mchod sdong /__/bde stong zung 'jug 'dren byed kyis mjal nas/__/rnam kun mchog ldan shul lam du chas 'gro/__/ka dag gnyug ma'i dga' tshal gyi dbus na/__/lhun grub 'od gsal snang bzhi yi mchod sdong /__/dbyings rig zung 'jug 'dren byed kyis mjal nas/__/'ja' lus rdo rje'i shul lam la chas 'gro/__/lo hi ta 'gram dga' tshal gyi dbus na/__/ngo mtshar rang byung rdo ba yi mchod sdong /__/mi phyed dad pa'i 'dren byed kyis mjal nas/__/phyogs med rgyal khams shul lam la chas 'gro/__/de skad gang shar ngo mtshar gyi rtogs pa/__/gyi nar 'phyan pa'i rnal 'byor gyi mgrin las/__/rdo rje'i glu yi rgyud mangs 'di bsgrengs pas/__/don gnyis 'grub pa'i smon lam zhig zhu'o/__/zhes pa'ang gnas skabs kyi stes dbang ba brten nas zur mkhar ni tsu la'i dga' tshal dang nye ba'i ngo mtshar rdo ba'i mchod sdong gi 'dab rol du ras dkar gyi lding gur la brten nas ngal gso ba'i tshe gang shar rtse 'jo'i tshul du bris pa'o//____//_!__