JKW-KABUM-15-BA-014-004

🚧 This website is under continued development. We appreciate your patience!

Previous Text Back to Volume PageNext Text

རྟ་ཕག་ཡབ་ཡུམ་སྒྲུབ་ཐབས་རྒྱུན་ཁྱེར་སྙིང་པོར་དྲིལ་བ།

Wylie title	rta phag yab yum sgrub thabs rgyun khyer snying por dril ba
Location	mkhyen brtse'i bka' 'bum Volume 15, sde tshan 14, Text 4, Pages 331-332 (Folios 9a3 to 9b4)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. rta phag yab yum sgrub thabs rgyun khyer snying por dril ba. In 'jam dbyangs mkhyen brtse'i dbang po'i bka' 'bum, Vol. 15: 331-332. Khams sde dge rdzong sar dgon: Rdzong sar blo gros phun tshogs, 2020.
Genre	Daily Practice - rgyun khyer  ·  Sadhanas - Evocation Ritual - sgrub thabs
Deity	rta mgrin, rdo rje phag mo
Colophon	།ཞེས་པའང་ལྷ་ལྕམ་མཁའ་སྤྱོད་བདེ་ཆེན་སྒྲོན་མའི་བཞེད་ངོར་པདྨ་འོད་གསལ་མདོ་སྔགས་གླིང་པས་བྲིས་པ་དགེ།
	zhes pa'ang lha lcam mkha' spyod bde chen sgron ma'i bzhed ngor pad+ma 'od gsal mdo sngags gling pas bris pa dge

1 Texts in this Section (sde tshan or chos tshan)

4 331-332	རྟ་ཕག་ཡབ་ཡུམ་སྒྲུབ་ཐབས་རྒྱུན་ཁྱེར་སྙིང་པོར་དྲིལ་བ། rta phag yab yum sgrub thabs rgyun khyer snying por dril ba Daily Practice - rgyun khyer   ·   Sadhanas - Evocation Ritual - sgrub thabs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

༄༅། །རྟ་ཕག་ཡབ་ཡུམ་སྒྲུབ་ཐབས་རྒྱུན་ཁྱེར་སྙིང་པོར་དྲིལ་བ་བཞུགས། ན་མོ་གུ་རུ་ཧྱ་གྲཱི་ཝཱ་ཡ། རྟ་ཕག་ཡབ་ཡུམ་གྱི་སྒྲུབ་ཐབས་རྒྱུན་གྱི་རྣལ་འབྱོར་སྙིང་པོར་དྲིལ་ཏེ་ཉམས་སུ་བླང་བར་འདོད་པས། སྐྱབས་སེམས་མདོར་བསྡུས་སྔོན་དུ་འགྲོ་བས། ཧྲཱིཿ ཀ་དག་རིག་པ་སྐྱེ་འཆི་བྲལ་བའི་དབྱིངས། །ལྷུན་གྲུབ་རང་སྣང་ཡེ་ཤེས་སྒྱུ་མའི་ཚུལ། །ཟུང་འཇུག་རང་སེམས་ཡི་དམ་རྟ་མཆོག་དཔལ། །དམར་སྨུག་ཞལ་གཅིག་ཕྱག་གཉིས་གར་དགུའི་ཉམས། །ཕྱག་གཡས་གྲི་གུག་གཡོན་པས་ཐོད་ཁྲག་བསྣམས། །དུར་ཁྲོད་ཆས་རྫོགས་མེ་ཕུང་འབར་བའི་ཀློང་། །པད་ཟླ་ཉི་སྟེང་ཞབས་ཟུང་དོར་སྟབས་འགྱིང་། །སྦྱོར་ཡུམ་རྡོ་རྗེ་ཕག་མོ་སྐུ་མདོག་དམར། །གྲི་ཐོད་འཛིན་པས་ཡབ་ཀྱི་མགུལ་ནས་འཁྱུད། །དར་དང་རིན་ཆེན་རུས་པའི་ཕྱག་རྒྱས་སྤྲས། །ཡབ་ཡུམ་སྤྱི་བོར་རྟ་གདོང་ཕག་ཞལ་བཞད། །རྩ་གསུམ་རབ་འབྱམས་འདུས་པའི་བདག་ཉིད་ཆེ། །དམ་ཚིག་ཡེ་ཤེས་དབྱེར་མེད་གནས་གསུམ་དུ། །རྡོ་རྗེའི་འབྲུ་གསུམ་ཐུགས་དབུས་ཉི་དཀྱིལ་སྟེང་། །ཧྲཱིཿམཐར་སྔགས་ཕྲེང་འོད་ཀྱིས་འཕགས་པ་མཆོད། །འགྲོ་ཀུན་སྒྲིབ་སྦྱོངས་སྡེ་བརྒྱད་དྲེགས་པ་བཏུལ། །ཚུར་འདུས་བདག་ཐིམ་མཆོག་ཐུན་དངོས་གྲུབ་ཐོབ། །བདེ་ཆེན་ཉམས་འབར་སྣང་གྲགས་རྟོག་གསུམ་ཆོས། །རྟ་མཆོག་རོལ་པའི་གསང་གསུམ་ཕྱག་རྒྱར་ཤར། །གྲགས་སྟོང་དབྱེར་མེད་རྡོ་རྗེའི་ཛཔ྄་འདི་བཟླ། ཨོཾ་བཛྲ་ཀྲོ་དྷ་ཧྱ་གྲཱི་བ་ཝཱ་ར་ཧཱི་སརྦ་སིདྡྷི་ཧཱུྃ། ཞེས་ཅི་ནུས་བཟླས་མཐར་བསྔོ་སྨོན་བྱའོ། །ཞེས་པའང་ལྷ་ལྕམ་མཁའ་སྤྱོད་བདེ་ཆེན་སྒྲོན་མའི་བཞེད་ངོར་པདྨ་འོད་གསལ་མདོ་སྔགས་གླིང་པས་བྲིས་པ་དགེ། །།

[edit]

rta phag yab yum sgrub thabs rgyun khyer snying por dril ba/_ @#/_/rta phag yab yum sgrub thabs rgyun khyer snying por dril ba bzhugs/__na mo gu ru h+ya grI wA ya/__rta phag yab yum gyi sgrub thabs rgyun gyi rnal 'byor snying por dril te nyams su blang bar 'dod pas/__skyabs sems mdor bsdus sngon du 'gro bas/__hrIH__ka dag rig pa skye 'chi bral ba'i dbyings/__/lhun grub rang snang ye shes sgyu ma'i tshul/__/zung 'jug rang sems yi dam rta mchog dpal/__/dmar smug zhal gcig phyag gnyis gar dgu'i nyams/__/phyag g.yas gri gug g.yon pas thod khrag bsnams/__/dur khrod chas rdzogs me phung 'bar ba'i klong /__/pad zla nyi steng zhabs zung dor stabs 'gying /__/sbyor yum rdo rje phag mo sku mdog dmar/__/gri thod 'dzin pas yab kyi mgul nas 'khyud/__/dar dang rin chen rus pa'i phyag rgyas spras/__/yab yum spyi bor rta gdong phag zhal bzhad/__/rtsa gsum rab 'byams 'dus pa'i bdag nyid che/__/dam tshig ye shes dbyer med gnas gsum du/__/rdo rje'i 'bru gsum thugs dbus nyi dkyil steng /__/hrIHmthar sngags phreng 'od kyis 'phags pa mchod/__/'gro kun sgrib sbyongs sde brgyad dregs pa btul/__/tshur 'dus bdag thim mchog thun dngos grub thob/__/bde chen nyams 'bar snang grags rtog gsum chos/__/rta mchog rol pa'i gsang gsum phyag rgyar shar/__/grags stong dbyer med rdo rje'i dzapa? 'di bzla/__oM badz+ra kro d+ha h+ya grI ba wA ra hI sarba sid+d+hi hU~M/__zhes ci nus bzlas mthar bsngo smon bya'o/__/zhes pa'ang lha lcam mkha' spyod bde chen sgron ma'i bzhed ngor pad+ma 'od gsal mdo sngags gling pas bris pa dge/_//_