JKW-KABUM-05-CA-002-017

🚧 This website is under continued development. We appreciate your patience!

Previous Text Back to Volume PageNext Text

དུས་ཀྱི་འཁོར་ལོའི་བསྐྱེད་རྫོགས་ལམ་གྱི་རིམ་པ་རྣམ་པར་ཕྱེ་བ་སོགས།

Wylie title	dus kyi 'khor lo'i bskyed rdzogs lam gyi rim pa rnam par phye ba sogs
Location	mkhyen brtse'i bka' 'bum Volume 5, sde tshan 2, Text 17, Pages 523-551 (Folios 228a2 to 242a2)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. dus kyi 'khor lo'i bskyed rdzogs lam gyi rim pa rnam par phye ba sogs. In 'jam dbyangs mkhyen brtse'i dbang po'i bka' 'bum, Vol. 5: 523-551. Khams sde dge rdzong sar dgon: Rdzong sar blo gros phun tshogs, 2020.
Genre	Generation Stage - bskyed rim  ·  Completion Stage - rdzogs rim  ·  Stages of the Path - lam rim

1 Texts in this Section (sde tshan or chos tshan)

17 523-551	དུས་ཀྱི་འཁོར་ལོའི་བསྐྱེད་རྫོགས་ལམ་གྱི་རིམ་པ་རྣམ་པར་ཕྱེ་བ་སོགས། dus kyi 'khor lo'i bskyed rdzogs lam gyi rim pa rnam par phye ba sogs Generation Stage - bskyed rim   ·   Completion Stage - rdzogs rim   ·   Stages of the Path - lam rim	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ན་མཿཤྲཱི་ཀ་ལ་ཙཀྲ་ཡ། དེའི་བསྐྱེད་རྫོགས་ཀྱི་ལམ་གྱི་རིམ་པར་ཕྱེ་བ་ལ། ཐོག་མར་ལམ་ཐུན་མོང་བས་བློ་སྦྱང་། བློ་སྦྱངས་ནས་རྒྱུད་སྣོད་རུང་དུ་བྱེད་པའི་དབང་དང་དམ་ཚིག་གི་སྐོར་བཤད། རྒྱུད་སྣོད་རུང་དུ་བྱས་ནས་སྨིན་པ་དང་གྲོལ་བར་བྱེད་པའི་བསྐྱེད་རྫོགས་གཉིས་བཤད་པའོ། །དང་པོ་ནི། དཔལ་དུས་ཀྱི་འཁོར་ལོ་ལ་བརྟེན་ནས་ཚེ་གཅིག་ལུས་གཅིག་ལ་སངས་རྒྱས་ཐོབ་པར་འདོད་པའི་གང་ཟག་དེས་བསྟེན་བྱ་དགེ་བའི་བཤེས་གཉེན་ཚུལ་བཞིན་དུ་བརྟེན་པ་ལ་བློ་སྦྱང་དགོས་ཏེ། མཆོག་ཐུན་གྱི་དངོས་གྲུབ་ཐམས་ཅད་དགེ་བའི་བཤེས་གཉེན་ལ་རག་ལས་པའི་ཕྱིར་རོ། །དེ་རྗེས་དལ་འབྱོར་རྙེད་དཀའ་བ་དང་དོན་ཆེ་བའི་ཚུལ་ལ་བློ་སྦྱང་དགོས་ཏེ། དེ་ལྟར་མ་སྦྱངས་ན་དལ་འབྱོར་གྱི་རྟེན་ལ་སྙིང་པོ་ལེན་འདོད་ཀྱི་བློ་མཚན་ཉིད་པ་རྒྱུད་ལ་མི་སྐྱེ་བའི་ཕྱིར་རོ། །དེ་རྗེས་རྙེད་པར་དཀའ་བའི་དལ་འབྱོར་གྱི་རྟེན་དེ་ཡང་འཆི་བ་དགུ་ཕྲུགས་སུ་བསམ་པའི་སྒོ་ནས་ཡུན་རིང་དུ་མི་གནས་པའི་ཚུལ་ལ་བློ་སྦྱང་དགོས་ཏེ། དེ་ལྟར་མ་སྦྱངས་ན་ཚེ་འདིའི་འཁྲི་བ་མི་ཆོད་པས་ཆོས་བྱེད་འདོད་ཀྱི་བློ་མཚན་ཉིད་པ་མི་སྐྱེ་བའི་ཕྱིར། དེ་རྗེས་ངན་སོང་གི་སྡུག་བསྔལ་དང་། དེ་ལས་སྐྱོབ་པར་ནུས་པ་དཀོན་མཆོག་གསུམ་ལ་ཡོད་པར་ཤེས་པའི་སྒོ་ནས་སྐྱབས་འགྲོ་མཚན་ཉིད་པ་ལ་བློ་སྦྱང་དགོས་ཏེ། དེ་ལྟར་མ་སྦྱངས་ན་དཀོན་མཆོག་གསུམ་ལ་དམིགས་པའི་དད་པ་ཁ་ཞེ་མེད་པ་དང་སྐྱབས་གནས་ལ་བློ་ལིང་བསྐྱུར་གྱི་སྐྱབས་འགྲོ་མཚན་ཉིད་པ་མི་སྐྱེ་བའི་ཕྱིར། དེ་རྗེས་དགེ་མི་དགེའི་ལས་ལམ་དང་། དེ་དག་གི་འབྲས་བུ་བདེ་སྡུག་གཉིས། རྗེས་སུ་འགྲོ་ལྡོག །འཁྲུལ་མ་འཁྲུལ་ལ་བློ་སྦྱང་དགོས་ཏེ། དེ་ལྟར་མ་སྦྱངས་ན་སྡོམ་པ་གསུམ་གྱི་སྲུང་སྡོམ་རྩིང་པོར་སོང་ནས་ཕྱི་མ་ངན་འགྲོར་སྐྱེ་བར་འགྱུར་བའི་ཕྱིར་རོ། །དེ་རྗེས་ཀུན་ནས་ཉོན་མོངས་རྒྱུ་འབྲས་དང་། རྣམ་བྱང་རྒྱུ་འབྲས་གཉིས་ཀྱི་རྗེས་སུ་འགྲོ་ལྡོག་ལ་བློ་སྦྱང་དགོས་ཏེ། དེ་ལྟར་མ་སྦྱངས་ན་འཁོར་བ་ལས་བཟློག་འདོད་དང་། ཐར་པ་ཐོབ་འདོད་གོ་བ་ཙམ་པོར་སོང་ནས་ཐར་པ་དོན་གཉེར་གྱི་བློ་མཚན་ཉིད་པ་རྒྱུད་ལ་མི་སྐྱེ་བའི་ཕྱིར་རོ། །དེ་རྗེས་རྒྱུ་འབྲས་མན་ངག་བདུན་མ་སོགས་ཀྱི་སྒོ་ནས་སྨོན་སེམས་ལ་བློ་སྦྱང་དགོས་ཏེ། དེ་ལྟར་མ་སྦྱངས་ན་བྱམས་སྙིང་རྗེའི་རྩ་བ་ཅན་གྱི་སྨོན་སེམས་མཚན་ཉིད་ཚང་བ་རྒྱུད་ལ་མི་སྐྱེ་བས་ཐེག་ཆེན་པ་མིང་ཙམ་པར་འགྱུར་བའི་ཕྱིར་རོ། །དེ་རྗེས་རྒྱལ་སྲས་སྤྱིའི་སྤྱོད་པ་ཕྱིན་དྲུག་དང་བསྡུ་དངོས་བཞི་ལ་བསླབ་དགོས་ཏེ། བསམ་པ་དེ་གྲོགས་སུ་ཡོད་ན་འཇུག་སྡོམ་མཚན་ཉིད་ཚང་བ་རྒྱུད་ལ་སྐྱེ་ལ། དེ་མེད་ན་མི་སྐྱེ་བའི་ཕྱིར། དེ་རྗེས་ཞི་ལྷག་འདྲེན་པར་བྱེད་པའི་ཐབས་སེམས་གནས་དགུ་སོགས་དང་། ཞི་ལྷག་རང་གི་ངོ་བོ། ཞི་ལྷག་གི་མི་མཐུན་ཕྱོགས་བྱིང་རྒོད་གཅོད་ཚུལ་སོགས་ལ་གོ་བ་རྣམ་དག་ཆགས་པ་དགོས་ཏེ། དེ་མེད་ན་ཞི་ལྷག་གི་ཐུན་མོང་མ་ཡིན་པའི་ཏིང་ངེ་འཛིན་མཚན་ཉིད་ཚང་བ་རྒྱུད་ལ་མི་སྐྱེ་བའི་ཕྱིར་རོ། ། ༈ གཉིས་པ་ནི། སྐབས་འདིར་རྒྱུད་སྣོད་རུང་དུ་བྱེད་པའི་དབང་དེ་ལ་གསུམ་དུ་ཡོད་དེ། བསྐྱེད་རིམ་སྒོམ་པའི་སྣོད་རུང་དུ་བྱེད་པའི་དབང་དེ་ལ་དབང་བདུན་དང་། རྫོགས་རིམ་སྒོམ་པའི་རྒྱུད་སྣོད་རུང་དུ་བྱེད་པའི་དབང་གོང་མ་བཞི་དང་། རྒྱུད་འཆད་པ་སོགས་ལ་དབང་བའི་རྒྱུད་སྣོད་རུང་དུ་བྱེད་པའི་གོང་ཆེན་གྱི་དབང་བཞི་དང་གསུམ་ཡོད་པའི་ཕྱིར། དེ་ཡང་དབང་མདོར་བསྟན་ལས། དབང་ནི་བདུན་པོ་འདི་རྣམས་ཏེ། །དཀྱིལ་འཁོར་བཞེངས་ལ་སྦྱིན་པར་བྱ། །ཞེས་དང་པོ་བདུན་ནི་དམིགས་གསལ་ཀུན་སྤངས་པའི་སློབ་མ་རེ་རེ་ཙམ་མ་གཏོགས་རྡུལ་ཚོན་ཁོ་ནར་བསྐུར་བར་གསུངས་སོ། །དེ་ལྟར་དབང་ཐོབ་ནས་བླ་མ་དང་དཀྱིལ་འཁོར་གྱི་ལྷ་དཔང་པོར་བྱས་ཏེ་ཁས་བླངས་པའི་དམ་ཚིག་བརྟུལ་ཞུགས་ཉེར་ལྔ་དང་། སྡོམ་པའི་མི་མཐུན་ཕྱོགས་རྩ་ལྟུང་བཅུ་བཞི་ལ་སོགས་པ་སྲོག་དང་བསྡོས་ནས་བསྲུང་དགོས་ཏེ། དེ་རྣམས་མ་བསྲུངས་པར་བསྐྱེད་རྫོགས་ལམ་ཇི་ལྟར་བསྒོམས་ཀྱང་དོན་མི་འགྲུབ་པའི་ཕྱིར་རོ། ། ༈ གསུམ་པ་ལ་གཉིས་ཏེ། དང་པོ་ལ་རྒྱུད་སྨིན་པར་བྱེད་པ་བསྐྱེད་རིམ་བཤད་པ་ལ་གསུམ། རྫོགས་རིམ་གྱི་སྔོན་དུ་བསྐྱེད་རིམ་ཚང་བར་བསྒོམ་མི་དགོས་པའི་ལོག་རྟོག་དགག །བསྐྱེད་རིམ་ཇི་ཙམ་སྒོམ་པར་བཤད། བསྐྱེད་རིམ་སྒོམ་ཚུལ་བཤད་པའོ། །དང་པོ་ནི། སྔ་ཕྱིའི་མཁས་པ་མང་པོས་རྫོགས་རིམ་གྱི་སྔོན་འགྲོའི་བསྐྱེད་རིམ་ལ་ནི། དུས་འཁོར་དཔའ་གཅིག་དང་། ལྷན་སྐྱེས་ཙམ་བསྒོམས་པས་ཆོག་གི། བསྐྱེད་རིམ་ཚང་བར་བསྒོམ་མི་དགོས་ཏེ། དེ་འཇིག་རྟེན་པའི་དངོས་གྲུབ་ཀྱི་ཆེད་དུ་ཡིན་པའི་ཕྱིར་རོ། །ཞེས་བཤད་པ་ནི་མི་འཐད་དེ་འགལ་བ་རྣམ་པ་བཞི་ཡོད་པའི་ཕྱིར་དང་། ཁྱད་པར་མཆོག་དངོས་ཐོབ་པའི་རྒྱུར་སྟོང་གཟུགས་ཕྱག་ཆེན་རང་རྒྱུད་ལ་བསྐྱེད་དགོས་ པར་ཤེས་པའི་ཆེད་དུ་ཡེ་ཤེས་ལེའུ་བསྟན། ཕྱག་རྒྱ་ཆེན་པོ་ཐོབ་པ་ལ་དེའི་སྔོན་དུ་རྒྱུད་སྨིན་བྱེད་བསྐྱེད་རིམ་དགོས་པས་དེ་ཤེས་པའི་ཕྱིར་སྒྲུབ་ལེ་བསྟན། བསྐྱེད་རིམ་སྒོམ་པ་ལ་དེའི་སྣོད་རུང་དུ་བྱེད་པའི་དབང་བསྐུར་འགྲོ་དགོས་པས། དེ་ཤེས་པའི་ཕྱིར་དུ་དབང་ལེ་བསྟན། དེ་ལའང་དེའི་སྔོན་དུ་དབང་བསྐུར་བ་པོ་དང་རྒྱུད་འཆད་པ་པོ་དང་ཉན་པ་པོའི་རྩ་རླུང་ཐིག་ལེ་དང་ཕུང་ཁམས་སྐྱེ་མཆེད་ཤེས་དགོས་པས་དེ་ཤེས་པའི་ཆེད་དུ་ནང་ལེ་བསྟན། དེ་ཡང་སྔོན་དུ་སྦྱང་གཞི་སྣོད་ཀྱི་ཆགས་ཚུལ་སོགས་ཤེས་དགོས་པས། དེ་ཤེས་པའི་ཆེད་དུ་ཁམས་ལེ་བསྟན་པའི་གོ་རིམ་དང་འགལ་བའི་ཕྱིར་རོ། །གཉིས་པ་ནི། རབ་ཏུ་དུས་ཀྱི་འཁོར་ལོའི་དཀྱིལ་འཁོར་གསུམ་ཡོངས་རྫོགས་སམ། འཁོར་ལོ་གསུམ་ལ་བཀོད་པའི་པདྨའི་གདན་ཅན་གྱི་ལྷ་བརྒྱ་ང་དྲུག་གམ། ཐུགས་དཀྱིལ་ཡོངས་རྫོགས་ཙམ་བསྒོམ་པ་ནི་མཆོག་ཏུ་འགྱུར་ལ། དེ་ལ་སྦྱང་གཞི་སྲིད་པ་སྐྱེ་འཆི་སྦྱོང་བའི་ལམ་ཚང་བའི་ཕྱིར་དང་། དེར་མ་ཟད་སྒྲུབ་པོའི་ཕུང་ཁམས་སྐྱེ་མཆེད་ལས་དབང་བྱ་བ་དང་བཅས་པ་སྦྱོང་བའི་ལམ་གྱི་གནད་ཚང་བའི་ཕྱིར་རོ། །དེ་ཙམ་མ་གྲུབ་ནའང་ལྷ་བཅུ་གསུམ་མའམ། དགུའམ། ལྔ་ཡན་ཆད་ངེས་པར་བསྒོམ་དགོས་ཏེ། དེ་ཙམ་བསྒོམས་པས་ཕུང་ཁམས་སྐྱེ་མཆེད་ལས་དབང་བྱ་བ་དང་བཅས་པ་སྦྱོང་བའི་ལམ་མ་ཚང་ཡང་། སྲིད་པ་སྐྱེ་འཆི་སྦྱོང་བའི་ལམ་གནད་ཚང་བའི་ཕྱིར་རོ། །གསུམ་པ་ལ། སྔོན་དུ་འགྲོ་བའི་རིམ་པ་དང་། བསྐྱེད་རིམ་དངོས་གཉིས། དང་པོ་ལའང་། བདུད་རྩི་བྱིན་གྱིས་བརླབས་པ། རྡོར་དྲིལ་བྱིན་རླབས། མཆོད་པ་བྱིན་རླབས། རྡོར་སེམས་སྒོམ་བཟླས་སོ། །དང་པོ་ལའང་། བསང་། སྦྱང་། བསྐྱེད་ཅིང་བྱིན་གྱིས་བརླབས་པས་རྫས་ཕྱི་མ་རྣམས་བསང་སྦྱང་གི་དོན་དུ་བྱའོ། །གཉིས་པ་དང་། གསུམ་པ་ལའང་བསང་སྦྱང་བསྐྱེད་ཅིང་བྱིན་གྱིས་བརླབས་པ་བཞིའོ། །བཞི་པ་བསྐྱེད་ཅིང་ཡི་གེ་བཀོད་ནས་ཡེ་ཤེས་པ་སྤྱན་དྲངས་ཏེ་དབང་བསྐུར་ཞིང་གསོལ་བ་བཏབ་ལ་སྔགས་བཟླ་བ་རྣམས་སོ། །གཉིས་པ་ལ། སྔོན་འགྲོ་སྲུང་འཁོར་བསྒོམ་པ་དང་། དངོས་༤གཞི་སྒྲུབ་ཐབས་༢བཤད་པ་གཉིས། དང་པོ་ལ། སྔོན་འགྲོ་ཚོགས་གཉིས་བསགས་པ། དངོས་གཞི་སྲུང་འཁོར་བསྒོམ་པ། མཇུག་ཏུ་གཏོར་མ་ཕུལ་ཏེ་གཤེགས་སུ་གསོལ་བའོ། །དང་པོ་ནི། བསོད་ནམས་དང་ཡེ་ཤེས་ཀྱི་ཚོགས་བསགས་པ་གཉིས། དང་པོ་ལ་ཚོགས་ཞིང་སྤྱན་དྲངས་ནས། ཕྱག་འཚལ་བ། མཆོད། བཤགས་པ། ཡི་རང་བ། བསྐུལ་བ། མྱ་ངན་ལས་མི་འདའ་བ། སྐྱབས་གསུམ་ལ་བསྟེན་པ། རང་གི་ལུས་དབུལ་བ། རང་གི་དགེ་རྩ་སེམས་ཅན་གཞན་ལ་སྦྱིན་པ། ཐེག་ཆེན་སྨོན་སེམས་བསྐྱེད་པའི་སྒོ་ནས་བདག་དང་བདག་གིར་འཛིན་པ་སྤངས་པ་བསྟན་ལ། ཚིགས་བཅད་ལྷག་མ་རྣམས་ཀྱིས་ལམ་ལ་བསླབ་པ་བསྟན་ཏོ། །གཉིས་པ་ནི། དངོས་པོ་མེད་པ་སོགས་ཀྱིས་ཆོས་ཐམས་ཅད་རང་བཞིན་གྱིས་མ་གྲུབ་པའི་སྟོང་པ་ཉིད་བསྟན་ཏོ། །གཉིས་པ་ལ། བདག་སྲུང་བ་དང་། གནས་སྲུང་བའི་དོན་དུ་སྲུང་འཁོར་བསྒོམ་པའོ། །དང་པོ་ལ་ལྷ་རྫོགས་པའི་དོན་དུ་སྐུ་གསུང་ཐུགས་ཡེ་ཤེས་སྦྱོང་བ། རིགས་དྲུག་དགོད་པ། སྐུ་གསུང་ཐུགས་ཡེ་ཤེས་རྣམ་པར་དག་པར་བྱ་བ། ཡན་ལག་དྲུག་དགོད་པ། རྡོ་རྗེ་ཐམས་ཅད་ཀྱིས་བདུད་བཞི་གཞོམ་པ་དང་ལྔའོ། །གཉིས་པ་ལ། རྟེན་བསྐྱེད་པ། བརྟེན་པ་ལྷ་བསྐྱེད་པ། བདུད་བགེགས་ཚར་གཅོད་པའི་སྔགས་བཟླ་བའོ། །གསུམ་པ་ནི། རྡོ་རྗེ་བཞི་དང་ལྡན་པའི་དཔལ་དུས་ཀྱི་འཁོར་ལོ་རྡོ་རྗེ་འཇིགས་བྱེད་འཁོར་དང་བཅས་པ་རྣམས་ལ་གཏོར་མ་ཕུལ་ནས། གསང་གནས་ལ་སོགས་པའི་རྩ་འཁོར་དྲུག་ཏུ་གཤེགས་གསོལ་བྱ་བའོ། །གཉིས་པ་སྒྲུབ་ཐབས་དངོས་གཞི་བཤད་པ་ལ། ལས་བསགས་པའི་རྗེས་སུ་འཆི་བ་འོད་གསལ་མྱོང་བ་དང་ཆོས་མཐུན་པར་སྔོན་འགྲོ་ཚོགས་བསགས་པའི་རིམ་པ་བསྟན་པ། ཤི་ནས་བར་དོ་འགྲུབ་སྟེ་སྲིད་པ་གཞན་དུ་སྐྱེ་བ་བླངས་པ་དང་ཆོས་མཐུན་པར་རྣལ་འབྱོར་བཞི་བཤད་པ་དང་གཉིས། དང་པོ་ལའང་། སྦྱང་གཞི་བཤད་པ། སྦྱང་གཞི་སྦྱོང་བྱེད་སྦྱར་ནས་བཤད་པ། སྒྲུབ་ཐབས་ཀྱི་ཚིག་དོན་བཤད་པ་དང་གསུམ་མོ། །དང་པོ། ལུགས་འདིའི་ཆེད་དུ་བྱ་བའི་གདུལ་བྱ་དེས་སྐྱེ་བ་འདིར་འབྱུང་བས་ཁམས་འཚོ་བ་དང་། འབྱུང་བ་རིམ་པར་ཐིམ་ནས་འཆི་བའི་འོད་གསལ་འཆར་བ་གསུམ་མོ། །གཉིས་པ་ནི། རང་ཉིད་སྐད་ཅིག་སོགས་དང་། རང་གི་ལུས་ཆུའི་ཁམས་ཀྱི་སོགས་དང་། དངོས་མེད་སོགས་ཀྱིས་སྦྱོང་བར་བྱེད་དོ། །གསུམ་པ་ལ་བསོད་ནམས་ཀྱི་ཚོགས་དང་། ཡེ་ཤེས་ཀྱི་ཚོགས་བསགས་པ་གཉིས་ལས། དང་པོ་ནི་སྲུང་འཁོར་གྱི་སྐབས་སུ་བཤད་ཟིན་ལ། གཉིས་པ་ནི། དངོས་པོ་མེད་སོགས་ཀྱིས་སྟོན་པ་ཡིན་ནོ། །གཉིས་པ་ལ། མངལ་དུ་སྐྱེ་སྲིད་བླངས་པ་དང་ཆོས་མཐུན་པར་རྣལ་འབྱོར་དང་པོ་གཉིས་བསྒོམ་ཚུལ་བཤད་པ། ཕྱི་རོལ་དུ་བཙས་ཏེ་དབང་པོ་ཡུལ་ལ་འཇུག་པ་དང་ཆོས་མཐུན་པར་ལས་རྒྱལ་མཆོག་བསྒོམ་ཚུལ་བཤད་པ། ལོ་བཅུ་དྲུག་གི་མཐར་བདེ་བ་རྫོགས་པར་མྱོང་བ་དང་ཆོས་མཐུན་པར་ཕྲ་ཐིག་གི་རྣལ་འབྱོར་བསྒོམ་ཚུལ་བཤད་པའོ། །དང་པོ་ལ་རྟེན་གཞལ་ཡས་ཁང་བསྐྱེད་པ། བརྟེན་པ་ལྷ་བསྐྱེད་པའོ། །དང་པོ་སྦྱང་གཞི་བཤད་པ། དེ་དང་ཆོས་མཐུན་སྦྱར་བ། སྒྲུབ་ཐབས་ཀྱི་ཚིག་དོན་དངོས་བཤད་པའོ། །དང་པོ་ནི། ཁམས་དྲུག་པ་ཡེ་ཤེས་ཀྱི་ཁམས་ཆོས་ཐམས་ཅད་རང་བཞིན་མ་གྲུབ་པར་གནས་པའི་སྐབས་དེར། སྣོད་སྔ་མས་སྟོང་པའི་སྐབས་སུ། ཕན་ཚུན་འདབ་མ་འབྱར་བ་སིལ་བུར་གནས་པའི་ཚུལ་གྱིས་སྟོང་པ་སྟེ་དབང་ཤེས་ཀྱི་ཡུལ་དུ་མ་གྱུར་པའི་རྡུལ་ཕྲན་རྣམས་གནས་སོ། །དེ་ཡང་སྒྲའི་ཡོན་ཏན་གཅིག་དང་ལྡན་པའི་ནམ་མཁའ། དེ་སྟེང་རེག་དང་ལྡན་པའི་རླུང་གི །དེ་སྟེང་གཟུགས་དང་ལྡན་པའི་མེའི། དེ་སྟེང་རོའི་ཡོན་ཏན་དང་ལྡན་པའི་ཆུའི། དེ་སྟེང་དྲི་ཡི་ཡོན་ཏན་ཏེ་ལྔ་དང་ལྡན་པའི་རྡུལ་ཕྲན་ཆགས་སོ། །དེས་བརྩམས་པའི་རླུང་མེ་ཆུ་སའི་དཀྱིལ་འཁོར་དང་རི་རབ། དེའི་ཕྱི་རོལ་ན་ལོངས་སྤྱོད་ས་པའི་གླིང་དྲུག་དང་། དེ་བཞིན་ཕྱི་ན་གླིང་བདུན་པ་འཛམ་གླིང་ཆེན་པོ་ཡོད་དོ། །གཉིས་པ་ལ། ཕྱི་སྣོད་ཀྱི་འཇིག་རྟེན་དང་ཆོས་མཐུན་སྦྱར་བ། མའི་མངལ་དང་ཆོས་མཐུན་སྦྱར་བ། སྒྲུབ་པ་པོ་རང་གི་ལུས་དང་ཆོས་མཐུན་སྦྱར་བའོ། །དེ་ལས་བར་མ་ཅུང་ཟད་གོ་དཀའ་བས། ནམ་མཁའི་ཁམས་བསྒོམ་པ་མའི་གསང་གནས། རླུང་མེ་ཆུ་སའི་དཀྱིལ་འཁོར་ནི་མའི་དཔྲལ་མགྲིན་སྙིང་ག་ལྟེ་བའི་རྩ་འཁོར། རི་རབ་ནི་ལྟེ་བ་ནས་གསང་གནས་ཀྱི་བར། པདྨ་གསང་གནས་ཀྱི་ནང་གི་རྩ་འདབ་བརྒྱད། དེ་སྟེང་རྡོ་རྗེའི་གུར་ནི་མའི་པདྨར་ཕའི་རྡོ་རྗེ་ཞུགས་པ། གཞལ་ཡས་ཁང་མའི་མངལ། ཟླ་ཉི་སོགས་གདན་ནི་མའི་པདྨའི་ནང་གི་རྩ་རོ་རྐྱང་དབུ་མ་དང་ཆོས་མཐུན་ཅིང་དེ་དག་སྦྱོང་བར་བྱེད་དོ། །གསུམ་པ་ལ། འབྱུང་བཞི་གདན་དང་བཅས་པ་བསྒོམ་པ་དང་། གཞལ་ཡས་ཁང་བསྒོམ་ཚུལ་གཉིས་སོ། །གཉིས་པ་ལ། དང་པོ་སྦྱོར་བ་བསྒོམ་ཚུལ་དང་། དཀྱིལ་འཁོར་རྒྱལ་མཆོག་གཉིས། དང་པོ་ལ། སྦྱང་གཞི་ཆོས་མཐུན། ཚིག་དོན་གསུམ། དང་པོ་ནི། ལུགས་འདིའི་ཆེད་དུ་བྱ་བའི་གདུལ་བྱ་ལས་བཟང་པོ་བསགས་པའི་མཐར་འཆི་བ་ཉམས་སུ་མྱོང་ནས་བར་དོ་གྲུབ་སྟེ། མའི་མངལ་དུ་ཁྱད་པར་སོ་གཉིས་དང་ལྡན་པའི་ཕའི་ཁམས་དཀར་པོ་དང་། ཁྱད་པར་བརྒྱད་ཅུ་དང་ལྡན་པའི་མའི་ཁམས་དམར་པོ་གཉིས་ཀྱི་དབུས་སུ་སྐྱེ་བ་ལེན་ལ། མངལ་གྱིས་ཟླ་བ་དང་པོ་ལ་བདེ་བས་བརྒྱལ་ཞིང་ཡུལ་ལ་མ་དམིགས་པའི་ཕྱིར་མ་རིག་པ་དང་། ཟླ་བ་གཉིས་པ་ལ་རང་གི་ཕུང་པོ་རྣམས་གོང་ནས་གོང་དུ་འཕེལ་བས་འདུ་བྱེད་དང་། ཟླ་བ་གསུམ་པ་ལ་རྣམ་ཤེས་རགས་པ་ཡུལ་ལ་གཡོ་བར་བྱེད་པའི་ཕྱིར་རྣམ་ཤེས་ཀྱི་ཟླ་བར་བཞག་གོ །གཉིས་པ་ནི། ཁམས་དཀར་པོ་དབྱངས་ཡིག་༣༢དང་ལྡན་པའི་ཟླ་དཀྱིལ། དམར་པོ་གསལ་བྱེད་བརྒྱད་ཅུ་དང་ལྡན་པའི་ཉི་ད ཀྱིལ། དྲི་ཟའི་རྣམ་ཤེས་ཧཱུྃ་ཡིག །དེའི་བཞོན་པ་སྲོག་རླུང་ལ་ཧི་ཡིག་ནག་པོ། མངོན་བྱང་དང་པོ་བཞིའི་སྐབས་སུ་སེམས་བདེ་བའི་ངོ་བོར་སྐྱེ་བས་ཟླ་བ་དང་པོ། མངོན་བྱང་ལྔ་པའི་སྐབས་ཧྃ་ཡིག་དུས་འཁོར་བསྐྱེད་པའི་མཐུ་ནུས་ཅན་དུ་གྱུར་པས་ཟླ་བ་གཉིས་པ། མངོན་བྱང་ལྔ་ལས་རྣམ་ཤེས་རྣམ་དག་མི་བསྐྱོད་དུས་འཁོར་གྱི་ངོ་བོར་བསྐྱེད་པ་ནི་ཟླ་བ་གསུམ་པའི་བག་ཆགས་རྣམས་སྦྱོང་བར་བྱེད་པའོ། །གཉིས་པ་ལ། ལྷ་སྤྲོ་བའི་ཚུལ་སྤྱིར་བསྟན་པ། སོ་སོར་བཤད་པ། སྙིང་རྗེས་སེམས་ཅན་ལ་དབང་བསྐུར་བ། ང་རྒྱལ་འཛིན་པའོ། །གཉིས་པ་ལའང་། ཐུགས་དཀྱིལ་གྱི། གསུང་དཀྱིལ་གྱི། སྐུ་དཀྱིལ་གྱི། ལྷ་གཞན་རྣམས་སྤྲོ་བ་དང་བཞིའོ། །དང་པོ་ལའང་། གཤེགས་པ་གཤེགས་མ། ཁྲོ་བོ་ཁྲོ་མོ་དང་བཅས་པ་སྤྲོ་བ་དང་། སེམས་དཔའ་སེམས་མ་སྤྲོ་བ་གཉིས། དང་པོ་ལའང་སྦྱང་གཞི་ནི་ཟླ་བ་བཞི། མིང་གཟུགས་ཀྱི་ཟླ་བར་ཁམས་རགས་པ་དང་། དྭངས་མ། ལས་དབང་དང་། ལས་དབང་གི་བྱ་བ་ལྔ་འགྲུབ་པ་སྟེ། དེ་དང་ཆོས་མཐུན། གཤེགས་པ་དྲུག་སྤྲོ་བ་ནི་ཕུང་པོ་༦དྲུག །གཤེགས་མ་དྲུག་སྤྲོ་བ་ནི་ཁམས་༧དྲུག །བུམ་པ་རྣམས་ལུས་ཟུང་གི་དྭངས་མ། ཁྲོ་བོ་ཁྲོ་མོ་ལས་དབང་དེའི་བྱ་བ་ལྔ་རྣམས་སྦྱོང་བར་བྱེད་པའོ། །ཚིག་གི་དོན་ཐུགས་དཀྱིལ་ལ་ལྷ་སོ་དྲུག་བསྒོམ་པའོ། །གཉིས་པ་ནི། སྦྱང་གཞི་ཟླ་བ་ལྔ་པ་སྐྱེ་མཆེད་དྲུག་གི་ཟླ་བར་མིག་སོགས་སྐྱེ་མཆེད་དྲུག་དང་། དྲུག་པ་རེག་པའི་ཟླ་བར་གཟུགས་སོགས་ཡུལ་དྲུག་འགྲུབ་ཅིང་། དེའི་ཚེ་དབང་པོས་ཡུལ་ཅུང་ཟད་འཛིན་པས་དེ་སྐད་དོ། །དེ་དང་ཆོས་མཐུན་པར་སེམས་དཔའ་སེམས་མ་རྣམས་སྤྲོ་བའོ། །གཉིས་པ་ནི། མངལ་གྱི་ཟླ་བ་བདུན་པ་ཚོར་བའི་ཟླ་བར། ལྟེ་བར་ཐུགས་ཀྱི་རྩ་འདབ་བཞི། དེའི་ཕྱི་རོལ་དུ་གསུང་གི་རྩ་འདབ་བརྒྱད། དེའི་ཕྱི་རོལ་དུ་སྐུའི་རྩ་འདབ་བཅུ་དྲུག་ཡོད་པའི་དེའི་གཞི་ནི་སྟོང་པའི་རྩ་ཡིན་ལ། རྩ་འདབ་བཅུ་གཉིས་ལ་ལྔ་ལྔར་གྱེས་པའི་རྩ་འདབ་དྲུག་ཅུ་དང་། སྟོང་པའི་རྩ་འདབ་བཞི་རེ་སྟེ། རེ་བཞི་སྐུ་གསུང་ཐུགས་ཐུན་མོང་བའི་རྩ་ཞེས་བྱ་ལ། དེ་དག་གི་རྩ་སྣེ་ཚིགས་ཆེན་བཅུ་གཉིས་དང་། མགྲིན་པ་ཡུད་ཙམ་སུམ་ཅུ་འབབ་པའི་རྩར་སྤྲོ་ཞིང་འབྲེལ་བར་གནས་སོ། །དེ་དང་ཆོས་མཐུན་གཙོ་མོ་བརྒྱད་བསྒོམས་པས་ཕྱི་རོལ་ཐུན་ཚོད། ནང་དུ་གསུང་གི་རྩ་འདབ་བརྒྱད་སྦྱོང་བ་དང་། འདབ་མའི་ལྷ་མོ་དྲུག་ཅུ་རེ་བཞི་བསྒོམས་པས། ཕྱི་རོལ་ཏུ་ཆུ་ཚོད་དྲུག་ཅུ་རེ་བཞི་དང་ཐུན་མཚམས་བཞི་སྟེ་རེ་བཞི། ནང་ལ་ལྟེ་བའི་རྩ་འདབ་རེ་བཞི་དང་ཆོས་མཐུན་ཞིང་སྦྱོང་བའོ། །གསུམ་པ་ནི། ཕྱི་ལོ་གཅིག་ལ་དུས་དྲུག་དང་ཟླ་བ་བཅུ་གཉིས། ནང་དུ་མངལ་གྱི་ཟླ་བ་བརྒྱད་པ་སྲེད་པའི་ཟླ་བར་ལྟེ་བའི་རྩ་འདབ་དྲུག་ཅུ་ལས་རྩ་ལྔ་ལྔར་གྱེས་པའི་རྩ་སྣེ་རྣམས་ཚིགས་ཆེན་བཅུ་གཉིས་སུ་སོང་ནས། དེ་རྣམས་སུ་རྩ་འདབ་སུམ་ཅུ་པའི་རྩ་འཁོར་བཅུ་གཉིས་ཆགས་པ་དང་ཆོས་མཐུན་པའི་དེ་སྦྱོང་བྱེད་ཚེས་ལྷ་རྣམས་སྤྲོ་བར་བྱེད་པ་ཡིན་ཏེ། དེ་ཡང་ནག་པ་དང་ས་ག །སྣྲོན་དང་ཆུ་སྨད། གྲོ་བཞིན་དང་ཁྲུམས་སྟོད། ཐ་སྐར་དང་སྨིན་དྲུག །མགོ་དང་རྒྱལ། མཆུ་དང་དབོའི་ཟླ་བའི་ཚེས་ལྷ་སུམ་ཅུ་པ་ཚན་པ་གཉིས་གཉིས་ནི། ཕྱི་ལ་སོགས་པའི་དུས་ཚིགས་དྲུག་པོ་རེ་རེ་ལ་ཚེས་ཞག་སུམ་ཅུ་པ་གཉིས་རེ་ཡོད་པ་དང་། ནང་དུ་དཔུང་པ་གཡོན་གཡས། མཁྲིག་མའི་ཚིགས་གཡོན་གཡས། དེ་བཞིན་དཔྱི། པུས་མོ། ལོང་བུ། ཕྲག་པའི་ཚིགས་གཡོན་གཡས་དྲུག་པོ་རེ་རེ་ལ་རྩ་འདབ་སུམ་ཅུ་གཉིས་གཉིས་ཡོད་པའི་ཕྱིར་རོ། །མངལ་གྱི་ཟླ་བ་བརྒྱད་པ་དང་དགུ་པ་ལེན་པའི་ཟླ་བར། གཙུག་ཏོར། གཤང་ལམ། ལག་མཐིལ། རྐང་མཐིལ་རྣམས་སུ་རྩ་འདབ་བཞི་པ་རེ་ཆགས་པ་དང་ཆོས་མཐུན་ཅིང་དེ་སྦྱོང་བྱེད་ཁྲོ་མོ་བཞི་སྤྲོ་བར་བྱེད་དོ། །རྩ་འདབ་དྲུག་ཏུ་ལས་དབང་དྲུག་གིས་རང་རང་གི་བྱ་བ་བྱེད་པའི་ནུས་མཐུ་ཅན་དུ་གྱུར་པ་དང་ཆོས་མཐུན་ཅིང་སྦྱོང་བར་བྱེད་པའི་ཁྲོ་བོ་དྲུག་སྤྲོ་བར་བྱེད་དོ། །བཞི་པ་མངལ་གྱི་ཟླ་བ་བཅུ་པ་སྲིད་པའི་ཟླ་བར། ལག་སོར་དང་རྐང་སོར་བཅུ་བཅུ་གྲུབ་པ་དང་ཆོས་མཐུན་ཅིང་སྦྱོང་བྱེད་ཀླུ་བཅུ་དང་། རབ་གཏུམ་མ་བཅུ་སྤྲོ་བར་བྱེད་དོ། །གསུམ་པ་ལ་ཆོས་མཐུན་དམིགས་བསལ་དང་སྦྱར་དུ་མེད་ཀྱང་། འབྲས་བུ་དང་རྣམ་པ་མཐུན་པར་བསྒོམས་པ་ཡིན་ནོ། །བཞི་པ་ནི། ཕུང་ཁམས་སྐྱེ་མཆེད་ལས་དབང་བྱ་བ་དང་བཅས་པ་ཤིན་ཏུ་རྣམ་པར་དག་པ་ཆོས་ཀྱི་དབྱིངས་ཀྱི་རང་བཞིན་དེ་ངའོ་ཞེས་ང་རྒྱལ་འཛིན་པའོ། །གཉིས་པ་ལས་རྒྱལ་མཆོག་བསྒོམ་ཚུལ་ལ་གསུམ། སྦྱང་གཞི། ཆོས་མཐུན། ཚིག་དོན་བཤད་པའོ། །དང་པོ་ནི། གཉིས་པའི་ཤུགས་ལ་རྟོགས་པས། གཉིས་པ་ནི། རང་གི་གནས་གསུམ་དུ་རྡོ་རྗེ་གསུམ་གྱི་ཡི་གེ་དགོད་པ། མངལ་གྱི་སེམས་ཅན་དེ་སྐུ་གསུང་ཐུགས་རྩ་གསུམ་རླུང་གིས་གང་བ་དང་ཆོས་མཐུན་ཅིང་སྦྱོང་བར་བྱེད། གནས་གཉིས་སུ་ཧོ་ཡིག་གཉིས་བསྒོམ་པ་ནི། དེ་བདེ་བས་བརྒྱལ་བ་དང་ཆོས་མཐུན་ཅིང་སྦྱོང་བར་བྱེད། ལྷ་མོ་བཞི་སོ་སོ་དང་སྤྱི་བསྐུལ་གཅིག་བཅས་ལྔ་ནི་ཁམས་ལྔའི་ངོ་བོར་གྱུར་པའི་རླུང་གིས་ཕྱི་རོལ་ཏུ་བསྐུལ་བ་དང་ཆོས་མཐུན་ཅིང་སྦྱོང་བར་བྱེད། གཙོ་བོ་དང་ནུས་མ་བཅུ་བསྐྱེད་པ་ནི། བྱིས་པ་ཕྲུ་མའི་ཆོས་འཛིན་པ་ཕྱི་རོལ་ཏུ་བཙས་པ་དང་༴ ལྷ་རྣམས་སྤྲོ་བ་ནི། དེའི་སྣ་བུག་ནས་རླུང་བཅུ་སྤྲོ་བ༴ རང་གི་སྙིང་ག་ནས་རྡོ་རྗེ་ཤུགས་སྤྲོས་ནས་ཡེ་ཤེས་པ་སྤྱན་འདྲེན་པ་ནི། སེམས་ཅན་དེའི་སྣ་བུག་ནས་ཡེ་ཤེས་ཀྱི་རླུང་རྒྱུས་ཏེ་དབང་པོ་ཡུལ་ལ་སད་པར་བྱེད་པ་དང་ཆོས་མཐུན་ཅིང་སྦྱོང་བར་བྱེད། རྡོ་རྗེ་ཤུགས་སྙིང་གར་སྡུད་པ་ནི་ཡེ་ཤེས་ཀྱི་རླུང་ནང་དུ་འཇུག་པ༴ ཁྲོ་བོ་ལྔས་དགུག་གཞུག་སོགས་བྱེད་པ་ནི། དབང་པོ་ཡུལ་ལ་ལོངས་སྤྱོད༴ དབང་བདུན་བསྐུར་བ་ནི། མ་ཡིས་འཁྲུད་པ་དང་༴ །རིགས་བདག་གིས་རྒྱས་འདེབས་པ་དང་ཕ་ཡི་རིགས་འཛིན་པ༴ རྒྱས་གདབ་བཞི་བྱེད་པས་ལུས་ངག་ཡིད་གསུམ་ཡེ་ཤེས་ཀྱི་བག་ཆགས་རྒྱས་པ་དང་ཆོས་མཐུན་ཅིང་སྦྱོང་བར་བྱེད། སྐུ་གསུང་ཐུགས་བྱིན་གྱིས་བརླབས་པ་ནི། ལུས་ངག་ཡིད་གསུམ་རང་རང་གི་བྱ་བ་རྣམས་རྫོགས་པར་བྱེད་པའི་བྱ་བ་རྣམས་མཐུ་ཅན་དུ་གྱུར་པ༴ གསུམ་པ་ནི། ཞུ་བ་གླུས་བསྐུལ་བའི་ངོར་བཞེངས་པ། དེའི་མངལ་ནས་ལྷ་རྣམས་སྤྲོ་བ། དམ་ཚིག་པ་དང་ཡེ་ཤེས་པ་རོ་མཉམ་དུ་བྱ་བ། དབང་བསྐུར་ཞིང་རྒྱས་གདབ་པ། སྐུ་གསུང་ཐུགས་བྱིན་གྱིས་བརླབས་པ། རྟེན་དང་བརྟེན་པའི་རྣམ་དག་བསྒོམ་པའོ། །གསུམ་པ་ཕྲ་ཐིག་གི་རྣལ་འབྱོར་བསྒོམ་པ་ལ་གསུམ། སྦྱང་གཞི། ཆོས་མཐུན། ཚིག་དོན་ནོ། །དང་པོ་ནི། གཞི་ལ་བུད་མེད་ཀྱིས་ལོ་བཅུ་གཉིས་དང་། སྐྱེས་པས་ལོ་བཅུ་དྲུག་མ་ལོན་པར་འཛག་བདེ་མི་མྱོང་བས། སྐྱེས་པས་ལོ་བཅུ་དྲུག་ལོན་ནས་རང་གི་ཆུང་མའི་ལག་པ་འཛིན་པ་དང་། འཁྱུད་པ་དང་། དབང་པོ་གཉིས་སྦྱར་ནས་གསང་གནས་སུ་གཏུམ་མོ་ཕལ་པ་འབར་ཏེ་སྤྱི་བོ་ནས་མགྲིན་པ་དང་། དེ་ནས་སྙིང་ག་དང་། དེ་ནས་ལྟེ་བ་དང་། དེ་ནས་ནོར་བུའི་རྩེར་སླེབ་པ་ན། གཞི་དུས་ཀྱི་དགའ་བཞི་རིམ་བཞིན་ཉམས་སུ་མྱོང་ནས། དེའི་རྗེས་སུ་བྱང་སེམས་ཕྱི་རོལ་ཏུ་འཛག་པའི་བདེ་བ་ལ་དམིགས་པར་བྱེད་དོ། །གཉིས་པ་ནི། རང་དང་ཤེས་རབ་སོགས་ཀྱིས་གཞི་དུས་ཀྱི་དགའ་བཞི་དང་ཆོས༴ སླར་ཡང་ཐིག་ལེ༴ སོགས་ཀྱིས་འཛག་བདེ་ལ་དམིགས་པ་དང་ཆོས༴ གསུམ་པ་ནི། འདིའི་སྐབས་སྔོན་གྱི་ལས་ཀྱིས་འཕངས་ཤིང་ནུ་མ་སྐྲ་དང་ལྡན་པ་ལས། བློས་བཏགས་ནས་བསྐྱེད་པ་ཡེ་ཤེས། དངོས་གནས་ལ་ལྷར་གྲུབ་པ་ཕྱག་རྒྱ་ཆེན་པོ་གསུམ་དུ་ཡོད་པ་ལས་སྔ་མ་གཉིས་གང་ཡང་རུང་བ་སྟེ། དེ་ལ་སྙོམས་པར་འཇུག་པས་ཡས་བབས་ཀྱི་དགའ་བ་བཞིར་ཐིག་ལེའི་རྣལ་འབྱོར་ཞེས་འཆད་པ་ལ་རྒྱུ་མཚན་ཡོད་དེ། ཐིག་ལེ་སྤྱི་བོ་ནས་ནོར་བུའི་རྩེར་བབས་པ་ལས་བྱུང་བའི་བདེ་སྟོང་དབྱེར་མེད་ཀྱི་རྣལ་འབྱོར་ཡིན་པས་དེ་ལྟར་བཤད་པའི་ཕྱིར། མས་བརྟན་གྱི་དགའ་བ་བཞི་ལ་ཕྲ་མོའི་རྣལ་འབྱོར་ཞེས་འཆད་པ་ལ་རྒྱུ་མཚན་ཡོད་དེ། ཡས་བབས་ཀྱི་དགའ་བ་བཞི་ལས་ཕྲ་ཞིང་རྟོགས་དཀའ་བའི་བདེ་སྟོང་གི་ཡེ་ཤེས་ཡིན་པའི་ཕྱིར་རོ། །དེ་ཡང་དཀྱིལ་འཁོར་རྒྱལ་མཆོག་གི་སྔོན་དུ་ཤཱུནྱ་ཏའི་སྔགས་དོན་བསྒོམ་དགོས་ཆོས་སྐུར་ང་རྒྱལ་འཇོག་ལ། དེ་ལ་སྐད་ཅིག་གཅིག་གིས་མངོན་པར་བྱང་ཆུབ་པ་ཞེས་བརྗོད་པའི་རྒྱུ་མཚན་ཡོད་དེ། གཞི་ལ་སེམས་ཅན་འཆི་ཚེ་གཉིས་སྣང་རགས་པ་ལ་ཐིམ་ནས་འཆི་བ་འོད་གསལ་སྐད་ཅིག་མ་གཅིག་ལ་མྱོང་བ་དང་ཆོས་མཐུན། འབྲས་བུ་རྣམ་མཁྱེན་སྐད་ཅིག་དང་པོ་ཐོབ་པའི་ཚེ་ཆོས་ཐམས་ཅད་སྐད་ཅིག་མ་གཅིག་ལ་མངོན་པར་བྱང་ཆུབ་པ་དང་རྣམ་པ་མཐུན་པས་དེ་ལྟར་བཞག་པའི་ཕྱིར། དཀྱིལ་འཁོར་རྒྱལ་མཆོག་གི་སྦྱང་གཞི་མངལ་སྐྱེས་ཀྱི་གནས་སྐབས་ལ་རྣམ་པ་ལྔས་བྱང་ཆུབ་པར་འཇོག་པ་ལ༴ མེར་མེར་པོ་ལ་སོགས་པ་མངལ་གྱི་གནས་སྐབས་ལྔའམ། ཕུང་པོ་ཁམས་སྐྱེ་མཆེད་དབང་པོ་བྱ་བ་དང་བཅས་པ་རྫོགས་པའི་སྒོས་ཆོས་དེ་ལྟར་བཞག་པའི་ཕྱིར། སྦྱོང་བྱེད་དཀྱིལ་འཁོར་རྒྱལ་མཆོག་ལའང་མངོན་བྱང་ལྔས་མངོན་པར་བྱང་ཆུབ་པར་འཇོག་པའི༴ དེའི་གཙོ་བོ་ཡབ་ཡུམ་མངོན་བྱང་ལྔ་ལས་བྱང་ཆུབ་ཅིང་། འཁོར་རྣམས་ཀྱང་དེའི་མངལ་ནས་སྤྲོ་བ་དེ་ལྟར་བཞག་པའི་ཕྱིར་དང་། འབྲས་བུའི་སྐབས་ཀྱི་ཡེ་ཤེས་ལྔ་མངོན་པར་བྱང་ཆུབ་པ་དང་རྣམ་པ་མཐུན་པར་བསྒོམས་པས་དེ་ལྟར་བཞག་པའི་ཕྱིར། ལས་རྒྱལ་མཆོག་གི་སྦྱང་གཞི་ཕྱི་རོལ་དུ་བཙས་པའི་གནས་སྐབས་ལ་རྣམ་པ་ཉི་ཤུས་བྱང་ཆུབ་པར་འཇོག་པའི༴ བཙས་ནས་དབང་པོ་ཡུལ་ལ་མ་སད་པའི་གནས་སྐབས་སྣ་བུག་ནས་ཁམས་ལྔའི་རླུང་བཅུ་སྤྲོ་བ་དང་། དབང་པོ་ཡུལ་ལ་སད་པའི་གནས་སྐབས་ནས་ཁམས་ལྔའི་རླུང་བཅུ་སྤྲོ་བའི་གནས་སྐབས་ཉི་ཤུར་རྫོགས་པས་དེ་ལྟར་བཞག་པའི་ཕྱིར། སྦྱོང་བྱེད་ལས་རྒྱལ་མཆོག་ལའང་རྣམ་པ་ཉི་ཤུས་བྱང་ཆུབ་པར་བཞག་པའི༴ བསྐུལ་བ་ལྔ། སྐུ་གསུང་ཐུགས་ཡེ་ཤེས་རྡོ་རྗེ། རྡོ་རྗེ་འཆང་གི་ངོ་བོར་བཞེངས་པ་ལྔ། དགུག་གཞུག་བཅིངས་མཉེས་རོ་མཉམ་དུ་གྱུར་པ་ལྔ། དབང་བསྐུར་དང་རྒྱས་གདབ་བཞི་སྟེ། ཉི་ཤུའི་སྒོ་ནས་བྱང་ཆུབ་པས་དེ་ལྟར་བཞག་པའི་ཕྱིར། ཡང་ལས་རྒྱལ་མཆོག་ལ་རྣམ་པ་ཉི་ཤུས་བྱང་ཆུབ་པར་བཞག་པའི་རྒྱུ་མཚན། ལས་རྒྱལ་མཆོག་གི་ལྷ་དམ་ཚིག་པ་ཐམས་ཅད་ཁམས་ལྔར་འདུས་ལ། དེ་རེ་རེ་ལའང་ཐབས་ཤེས་གཉིས་གཉིས་ཀྱི་དབྱེ་བས་བཅུ། སྤྱན་དྲངས་པའི་ལྷ་ཐམས་ཅད་ཀྱང་ཁམས་ལྔར་འདུས་ཤིང་། དེ་རེ་རེར་ཡང་ཐབས་ཤེས་ཀྱི་དབྱེ་བས་བཅུ་སྟེ། དེ་ལྟ་བུའི་རྣམ་པ་ཉི་ཤུས་བྱང་ཆུབ་པ་དེ་ལྟར་བཞག་པའི་ཕྱིར། ཕྲ་ཐིག་གི་རྣལ་འབྱོར་གྱིས་སྦྱང་གཞི་ལོ་བཅུ་དྲུག་ལོན་ནས་ཡེ་ཤེས་ཀྱི་ཁམས་རྫོགས་པའི་གནས་སྐབས་ལས་བྱུང་བ་སྒྱུ་འཕྲུལ་དྲྭ་བས་མངོན་པར་བྱང་ཆུབ་པ་ཞེས༴ དེའི་སྐབས་སུ་རང་གི་ཆུང་མ་དང་མཉམ་པར་སྦྱོར་བའི་སྒོ་ནས་བུ་མོ་ལ་སོགས་པ་སྤྲོ་བའི་རྒྱུ་མཚན་ཡོད་དེ། སྦྱོར་བ་བྱེ་བྲག་གི་རྣལ་འབྱོར་ལའང་སྒྱུ་འཕྲུལ་དྲྭ་བས༴ ཕྲ་ཐིག་གི་རྣལ་འབྱོར་གྱིས་ཟིན་པའི་སྒོ་ནས་རྟེན་དང་བ རྟེན་པའི་དཀྱིལ་འཁོར་ལ་གསལ་སྣང་དང་ང་རྒྱལ་འདོན་པ་དང་། བཟླས་པ། མཆོད་བསྟོད། ཞི་རྒྱས་ཀྱི་ལས་རབ་འབྱམས་བསྒྲུབ་པའི་སྒོ་ནས་དེ་ལྟར་བཞག་པའི་ཕྱིར་རོ། །གསུམ་པ་མཐར་བཟླས་པ་སོགས་བྱེད་ཚུལ་ལ་བཞི་སྟེ། བཟླས་པ་བྱེད་ཚུལ་དངོས་དང་། མཆོད་བསྟོད་བདུད་རྩི་མྱོང་བ། གཤེགས་སུ་གསོལ་བ། ཐུན་མཚམས་ཀྱི་བྱ་བ་ལ་འཇུག་པའི་ཚུལ་དང་བཞི། དང་པོ་ནི། དེ་ལྟ་བུའི་ཏིང་འཛིན་བསྒོམས་པས་སྐྱོ་ན་ཕྲེང་བ་བྱིན་གྱིས་བརླབས་ནས་བཟླས་པ་བྱའོ། །ཕྲེང་བའི་རྒྱུ་ཞི་རྒྱས་ལ་ཤེལ། བསད་བསྐྲད་ལ་མིའི་སོ་དང་རྟ་ཡི་སོ། དབང་དགུག་ལ་བོ་དྷི་ཙིཏྟ་དང་ཙནྡན་དམར་པོ། རྨོངས་རེངས་ལ་ལུང་ཐང་དང་རུ་རཀྴ་སོགས་བསྔགས་སོ། །གྲངས་ནི་བརྒྱ་བརྒྱད་མདོ་འཛིན་བཞི་དང་བཅས་པའོ། །བཟླས་པ་དབང་བསྐུར་བདག་འཇུག་སོགས་ལེན་རུང་ཙམ་ལ། གཙོ་བོ་ལ་འབུམ་ཕྲག་གཅིག །འཁོར་རྣམས་ལ་ཁྲི་སྟེ། དེ་ཡང་གསུང་དཀྱིལ་དང་སྐུ་དཀྱིལ་མི་དགོས་སོ། །ཅིའི་ཕྱིར་ན་གང་དུ་དབང་བསྐུར་བའི་དཀྱིལ་འཁོར་གྱི་ལྷ་ཐུགས་དཀྱིལ་དུ་ངེས་པའི་ཕྱིར་རོ། །གཉིས་པ་ནི། དུས་ཞབས་པས་མཆོད་པ་བཅུ་ཙམ་དང་། སཱ་དྷུ་པུ་ཏྲས་ལྷ་མོ་བཅུ་བཞི། ཨ་བྷཱ་ཡས་ཆུ་བཞི་ཉེར་སྤྱོད་དང་བཅས་པས་མཆོད་པར་བཞེད་དེ་རང་ལུགས་ཕྱི་མ་ལྟར་རོ། །བསྟོད་པ་ནི། མཆོག་སྦྱིན་རྡོ་རྗེ་སོགས། འགྲེལ་ཆེན་ལས། འདུད་ཉི་ཤུའོ། །གསུམ་པ་ནི། གཙོ་བོ་ཡབ་ཡུམ་མ་གཏོགས་པ་བདེ་ཆེན་འཁོར་ལོའི་ལྷ་རྣམས་གཤེགས་སུ་གསོལ་བ་སོགས་དང་། བཞི་པ་ཁ་ཟས་དང་། གཉིད་ཀྱི་རྣལ་འབྱོར་སོགས་རྒྱུད་འགྲེལ་ལས་བྱུང་བ་བཞིན་བསྟེན་པར་བྱའོ། །དེ་ཡན་ཆད་ཀྱིས་སྒྲུབ་ཐབས་པད་དཀར་ཞལ་ལུང་གི་ཊཱི་ཀ་ཚིག་དོན་རབ་གསལ་ལྟར་བཤད་ཟིན་ཏོ། །གཉིས་པ་རྫོགས་རིམ་བཤད་པ་ལ། སྔོན་འགྲོ། དངོས་གཞི། རྗེས་གསུམ་ལས། དང་པོ་ལ། སྡིག་སྒྲིབ་དག་པར་བྱེད་པ་རྡོར་སེམས་སྒོམ་བཟླས་དང་། ཚོགས་གསོག་ཅིང་བྱིན་རླབས་འཇུག་པར་བྱེད་པ་བླ་མའི་རྣལ་འབྱོར་གཉིས་དང་། ཁྱད་པར་ལྟོས་མེད་དྲུག་ཅེས་ལུས་ངག་ཡིད་གསུམ་གྱི་བྱ་བ་སྤྲོས་པ་མང་པོ་མེད་པ་སྟེ་དེ་དག་འདོར་བ་དང་། འཕོ་བའི་བདེ་བ་ལ་ལྟོས་པ་མེད་པ་དང་། ལུས་དང་དབང་པོ་ལ་ལྷག་པར་ཆགས་པའི་གཞི་ལུས་དང་དབང་པོ་ལ་ལྟོས་པ་མེད་པ་སྟེ་དྲུག་གོ །དེ་དག་ནི་བསྐྱེད་རིམ་གྱིའང་སྔོན་དུ་འགྲོ་དགོས་སོ། །གཉིས་པ་ལ། སྔར་སྨོས་པའི་བསྐྱེད་རིམ་གོམས་ནས། གང་ལ་གནད་དུ་བསྣུན་པའི་གཞི་རྡོ་རྗེ་ལུས་ཀྱི་རྣམ་གཞག །དེ་ལ་གནད་དུ་བསྣུན་ནས་སྒོམ་པའི་རྫོགས་རིམ་ཡན་ལག་དྲུག་ཐུན་མོང་བའི་རྣམ་བཤད། ཡན་ལག་དྲུག་སོ་སོར་ཉམས་སུ་ལེན་ཚུལ་བཤད་པའོ། །དང་པོ་ལའང་གནས་པ་རྩ། གཡོ་བ་རླུང་། བཀོད་པ་བྱང་ཆུབ་ཀྱི་སེམས་རྣམས་ནང་ལེ་ལྟར་བཤད་དོ། །གཉིས་པ་ནི། སྤྱིར་འདིའི་ཐ་སྙད་ཙམ་གསང་འདུས། །ཀྱེ་རྡོར། བདེ་མཆོག་སོགས་ཕལ་ཆེར་ལས་འབྱུང་ཡང་། འདིར་རྫོགས་རིམ་ཉིད་ལ་དྲུག་ཏུ་ཕྱེ་བ་ཡིན་ལ། དྲུག་པོ་དེ་ཡང་བསྙེན་སྒྲུབ་ཡན་ལག་བཞི་དང་། རྡོ་རྗེའི་རྣལ་འབྱོར་བཞི་དང་། དགེ་བ་གསུམ་སོགས་ཀྱི་ཆིངས་ཀྱིས་བསྡུས་ཏེ་འཆད་ལ། དེ་ཡང་སོར་སྡུད་ཀྱིས་སྟོང་གཟུགས་གསར་དུ་མཐོང་བ་བསྒྲུབ། བསམ་གཏན་གྱིས་དེ་བརྟན་པར་བྱེད། དེའི་རྗེས་སུ་སྲོག་འཛིན་གཉིས་ཀྱིས་རླུང་སེམས་དབང་དུ་བྱས། དེ་ལས་རྗེས་དྲན་གྱི་སྐུར་ལངས། དེས་མཆོག་ཏུ་མི་འགྱུར་བའི་བདེ་བའི་ཏིང་ངེ་འཛིན་གྱི་ཡན་ལག་བསྐྱེད་པ་མཐར་ཕྱིན་པ་ལས་དང་པོའི་སངས་རྒྱས་མངོན་དུ་བྱེད་པར་དགོངས་པ་མཐུན་ནོ། །གསུམ་པ་ནི། དུས་ཞབས་སྙན་བརྒྱུད་ལས་སོ་སོར་དྲུག་ཚན་རེ་རེས་ཉམས་སུ་ལེན་ཚུལ་ཇི་ལྟར་གསུངས་པ་བཞིན་རྟོགས་པར་བྱའོ། །དེ་ལྟར་བསྒོམས་པའི་འབྲས་བུ་མངོན་དུ་བྱེད་པའི་ཚུལ་ནི་གཞུང་དུ་ཤེས་པར་བྱའོ། །འདི་ཡང་རྣལ་འབྱོར་ཡན་ལག་དྲུག་གི་ཁྲིད་ཡིག་གཙང་ཤབ་སྟོད་རི་བོ་བདེ་ཆེན། སྐལ་བཟང་ལམ་གྱི་འཇུག་ངོགས་ལྟར་བཤད་པའོ། །ཤུབྷཾ།། །། ༈ མཆོད་པའི་སྐབས། ཤ་ལྔ་དང་བདུད་རྩི་ལྔ་ལ་སྒྲོན་མ་ལྔ་ཞེས་བརྗོད་པ་ལ་རྒྱུ་མཚན་ཡོད་དེ། དངོས་གྲུབ་གསལ་བར་བྱེད་པ་དང་། མྱུར་དུ་འགུགས་པར་བྱེད་པའི་ཕྱིར། རྡོར་སེམས་སྔགས་དོན། ཨོཾ་ནི་སྐུ་གསུམ་མམ་རྡོ་རྗེ་གསུམ། བཛྲ་ས་ཏྭ་ས་མ་ཡ། མ་ནུ་པཱ་ལ་ཡ། ཞེས་པ། རྡོ་རྗེ་སེམས་དཔའི་དམ་ཚིག་བཞིན་དུ་རྗེས་སུ་སྐྱོངས། བཛྲ་ས་ཏྭ་ཏྭེ་ནོ་པ་ཏིཥྛ། ཞེས་པ། རྡོ་རྗེ་སེམས་དཔའ་ཉེ་བར་མནོས། དྲྀ་དྷོ་མེ་བྷ་ཝ་སོགས་བཞིས། བདག་ལ་བརྟན་པའི་རང་བཞིན་དུ་མཛོད། བདག་ལ་མཛེས་པའི་རང་བཞིན༴ བདག་ལ་ཆགས་པའི་རང་བཞིན༴ བདག་ལ་དགའ་བའི་རང་བཞིན༴ སརྦ་སིདྡྷི་སོགས་ཚན་གཉིས་ཀྱིས། དངོས་གྲུབ་ཐམས་ཅད་བདག་ལ་སྩོལ། ལས་ཐམས་ཅད་བདག་ལ་སྩོལ། ཙིཏྟཾ་ཤྲེ་ཡ་ཀུ་རུ། བདག་གི་ནི་དཔལ་དུ་མཛོད། ཧཱུྃ་དང་ཧ་བཞིས་ཡེ་ཤེས་ལྔ་དང་། ཧོས་རང་རྒྱུད་དབྱེར་མི་ཕྱེད་པར་བསྟན། བྷ་ག་ཝཱན༴ བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཅེས་བོད་པའོ། །མ་མེ་མུཉྩཿ བདག་མ་འདོར་ཅེས་བསྐུལ་བའོ། །གང་གིས་ན། བཛྲི་བྷ་ཝ༴ རྡོ་རྗེའི་རང་བཞིན་དམ་ཚིག་ཆེན་པོ་སེམས་དཔས་སོ། །ཨས་ནི་ལྷ་དང་རང་དང་སྤང་བྱ་གསུམ་རང་བཞིན་མེད་པར་བསྟན། ཧཱུྃ་གིས་སྤང་བྱ་འཇོམས་པ། ཕཊ་ཀྱིས་དགེས་པར་བསྟན་ཏོ། ། ༈ ཚོགས་བསགས་ཕྱག་འཚལ་གྱི་སྐབས། ཕྱག་འཚལ་ལོ་ཞེས་དྲངས། གང་ལ་ན། ཉིན་ཞག་གཅིག་ལ་རྒྱུ་བའི་རླུང་ཉི་ཁྲི་ཆིག་སྟོང་དྲུག་བརྒྱ་འགགས་པའི་ཆ་ནས་དུས། ལྟེ་བའི་འཕོ་ཆེན་བཅུ་གཉིས་ཀྱི་རླུང་གི་འཁོར་ལོ་འགགས་པའི་ཆ་ནས་འཁོར་ལོ་སྟེ། དེ་ལྟ་བུའི་དུས་གྱི་འཁོར་ལོ་ལའོ། །དེ་ཆོས་ཅན། ཡོན་ཏན་གྱི་ཁྱད་པར་གསུམ་དང་ལྡན་ཏེ། སྟོང་ཉིད་སྙིང་རྗེ་དབྱེར་མི་ཕྱེད་པ་དང་། སྲིད་གསུམ་སྐྱེ་འཇིག་མེད་པ་དང་། ཤེས་དང་ཤེས་བྱ་གཅིག་པའི་ཡོན་ཏན་གྱི་ཁྱད་པར་དང་ལྡན་པའི་ཕྱིར་རོ། །དང་པོ་དང་ལྡན་ཏེ། རྣམ་མེད་ཀྱི་ཡུལ་སྟོང་ཉིད་སྙིང་རྗེ་མཆོག་ཏུ་མི་འགྱུར་བའི་བདེ་ཆེན་གྱི་ཡེ་ཤེས་གཉིས་དབྱེར་མེད་པ་ལ་འཁོར་བ་མ་སྟོང་གི་བར་དུ་མཉམ་པར་བཞག་པའི་ཡོན་ཏན་དང་ལྡན་པའི་ཕྱིར། གཉིས་པ་དང་ལྡན་ཏེ། སྲིད་པ་འཁོར་བར་ལས་ཉོན་གྱིས་སྐྱེ་བའི་སྲིད་མཐའ་དང་། འཇིག་པ་དེ་ཟད་པ་ཙམ་གྱིས་ཞི་མཐའ་སྤངས་པའི་ཡོན་ཏན་དང་ལྡན་པའི་ཕྱིར། གསུམ་དང་ལྡན་ཏེ། ཤེས་པ་མཆོག་ཏུ་མི་འགྱུར་བའི་བདེ་ཆེན་དང་། ཤེས་བྱ་རྣམ་བཅས་ཀྱི་སྟོང་གཟུགས་གཉིས་སྐུ་དང་ཐུགས་རྡོ་རྗེ་གཅིག་ཏུ་སྦྱོར་བའི་ཡོན་ཏན་དང་ལྡན་པའི་ཕྱིར་རོ། ། ༈ དེ་བཞིན་གཤེགས་པའི་རྣམ་བཅུ་དབང་ལྡན་ཕྱི་ལ་སྦྱར་ན། ཨ། སྲོག་མེད་ཡུ་རུ་ལུ་ཝུ་ལྔས་ཁམས་ལྔ། མས་རི་རབ། ཀྵས་འདོད་ལྷ་དང་གཟུགས་ཁམས། ཧས་གཟུགས་མེད་ཁམས་མཚོན། རྣམ་བཅད་དང་ཐིག་ལེ་གཉིས་ཉི་ཟླའོ། །ནང་ལུས་ལ་སྦྱར་ན། ཨ་ཡ་ར་ཝ་ལ་ལྔས་མའི་གཙུག་ཏོར་དཔྲལ་མགྲིན་སྙིང་ལྟེའི་རྩ་འཁོར་རྣམས་མཚོན། མ་ཡིག་གིས་ལྟེ་བ་ནས་གསང་གནས་བར། ཀྵས་གསང་གནས་ནང་གི་རྩ་འདབ་བརྒྱད། ཧ་རྣམ་བཅད་ཐིག་ལེ་གསུམ་གྱིས་གསང་གནས་ནང་གི་དབུ་རྐྱང་རོ་གསུམ་མཚོན། གཞན་ལ་སྦྱར་ན་གསུམ་གྱི། དང་པོ་བསྐྱེད་རིམ་ལ་སྦྱར་བ་ནི་སྒྲུབ་ཐབས་དངོས་ལས་བཤད་ལ། གཉིས་པ་རྫོགས་རིམ་ལ་སྦྱར་ན། ཨ་ནས་ཀྵ་ཡིག་གི་བར་ནི་སྔ་མའི་ལུས་ལ་སྦྱར་བ་བཞིན་དུ་སྒྲུབ་པོ་རང་གི་གཙུག་ཏོར་ནས་གསང་གནས་ཀྱི་བར་གྱི་རྩ་འཁོར་རྣམས་མཚོན། ཧ་ཡིག་གིས་རང་སེམས། སེམས་དེས་རྩ་འཁོར་གསུམ་གནད་དུ་བསྣུན་པས་ཁམས་དཀར་དམར་གྱི་འཕྲོ་འདུ་འབྱུང་བ་ནི། རྣམ་བཅད་དང་ཐིག་ལེས་མཚོན། ནཱ་དས་ནི་སེམས་བདེ་ཆེན་གྱི་ངོ་བོར་སྐྱེ་བར་མཚོན། གསུམ་པ་འབྲས་བུ་ལ་སྦྱར་ན། ཀྵས་སྟོང་གཟུགས། ཧས་མཆོག་ཏུ་མི་འགྱུར་བའི་བདེ་ཆེན། ཨས་རྣམ་མེད་སྟོང་ཉིད། དེ་འདྲའི་སྟོང་གཟུགས་དང་མཆོག་ཏུ་མི་འགྱུར་བའི་བདེ་སྟོང་དབྱེར་མེད་ཉིད་སྐུ་དང་ཐུགས་སུ་ངོ་བོ་གཅིག་ཏུ་སྦྱང་ནས་ཁམས་ལྔ་སྒྲིབ་བྲལ་དུ་བྱས་པ་ནི་ཡི་གེ་ཁ་ཕྲལ་གྱིས་མཚོན་པའོ། ། ༈ དུར་ཁྲོད་ལས་༡༦སྐུ་རུ་དབྱེ་བ་སྐུ་གསུང་ཐུགས་ཡེ་ཤེས་རྡོ་རྗེའམ། སྐུ་གསུམ་ངོ་བོ་ཉིད་དང་བཞིར་ནང་གསེས་ཀྱི་ལྡོག་པའི་སྒོ་ནས་དབྱེ་ན་བཅུ་དྲུག་ཏུ་འགྱུར་རོ། ། ༈ དུར་ཁྲོད་ཀྱི་སྲོག་ཆགས་ལས། བྷེ་ཏུནྟྲ་ནི་བྱའི་རིགས་སེར་པོ། ཏི་ཀྵ་ནི། བྷལླུ་ཀ་དང་མིང་གི་རྣམ་གྲངས་ཏེ་དོམ་མོ། །རྒྱུད་ལས་སྡེབ་སྦྱོར་གྱི་དབང་གིས་གུར་བ་ད་ན་ཞེས་འབྱུང་བཤང་གདོང་ངམ་ཏེའུ་ལོ་པ། ཕ་ཝཾ། བཤང་གདོང་ནི་བོད་དུ་གྲགས་པའི་བྱ་མ་བྱེའུ་དང་། མིག་སྔོན་ནི། གཤོག་པ་ཅན་གྱི་འདྲེ་བྱ་མ་ཡིན། མཁའ་ལྡིང་ཨ་ནཱི་ལ་ནི་ཁ་དོག་ལྔ་པའི་མཁའ་ལྡིང་དང་། སེང་གེ་རྐང་པ་བརྒྱད་པ་ནི་གཤོག་པ་བཞི་དང་རྐང་ལག་རྣམས་ཡོད་པའི་སེང་གེའི་དབང་པོའོ།། ཞེས་བཤད་དོ། ། ༈ མཁའ་སྤྱོད་ཞལ་བཟང་བལྟ་བའི་སྨོན་ལམ་ལ་བཞི། མཚན་བསྟན་པ། མཆོད་པར་བརྗོད་པ། གཞུང་གི་དོན། མཇུག་གི་དོན་ནོ། །གཞུང་གི་དོན་ལ་གསུམ། མཁྱེན་པར་གསོལ་བ། སྨོན་ལམ་དངོས། བདེན་པའི་སྟོབས་བརྗོད་པའོ། །དང་པོ་ནི། མཐའ་ཡས་སོགས་སོ། །གཉིས་པ་སྨོན་ལམ་དངོས་ལ་གཉིས། རང་བཞིན་རྗེས་སུ་དྲན་པ་དང་། ཐུགས་དམ་གནད་ནས་བསྐུལ་བའོ། །དང་པོ་ནི། འོག་མིན་སོགས། གཉིས་པ་ལ་གཉིས། རྒྱུད་ཀྱི་རྡོ་རྗེའི་གནས་དང་སྦྱར་བ་དང་། སྔོན་རབས་ཀྱི་གཏམ་དང་སྦྱར་བའོ། །དང་པོ་ནི། ཨེ་མ་སོགས་སོ། །གཉིས་པ་ནི། ཨོ་ཌི་བི་ཤ་སོགས་སོ། །གསུམ་པ་བདེན་པའི་སྟོབས་བརྗོད་པ་ནི། རྩ་བརྒྱུད་བླ་མ་སོགས་སོ། །བཞི་པ་མཇུག་གི་དོན་ནི། ཞེས་སོགས་སོ། ། ༈ དུས་འཁོར་ཞེས་པའི་སྒྲ་དོན། ཕྱི་རོལ་ཏུ་ཉིན་མོ་དང་མཚན་མོའི་ཆ་ནི་དུས། དེ་ལ་ཁྱིམ་གྱི་འཕོ་བ་བཅུ་གཉིས། འཕོ་བ་རེ་རེ་ལ་ཉིན་ཞག་སུམ་ཅུ། ཉིན་ཞག་རེ་རེ་ལ་དབུགས་ཉི་ཁྲི་ཆིག་སྟོང་དྲུག་བརྒྱའི་ཡུན་སོ་སོར་ཕྱེ་བ་ནི་འཁོར་ལོ་ཞེས་བྱ་ཞིང་། དེ་བཞིན་དུ་ནང་ལ་ཡང་ཉིན་ཞག་རེ་རེ་ལ་དབུགས༢༡༦༠༠། འབྱུང་འཇུག་བྱེད་པའི་འཕོ་ཆེན་བཅུ་གཉིས་ཀྱི་རྒྱུ་བ་ནི་འཁོར་ལོ་ཞེས་བྱ་ལ། ཕྱི་ནང་ནི་དུས་ཀྱི་འཁོར་ལོ་དེ་གཉིས་པོ་སྦྱོང་བྱེད་ཀྱིས་སྦྱངས་པས་སྦྱངས་འབྲས་དབུགས་ཀྱི་རྒྱུ་བ་མ་ལུས་པ་འགོག་པའི་སྲོག་ཆེན་པོ་ནི་དུས་དང་། ས་བཅུ་གཉིས་པོ་རེ་རེ་ལ་ཡང་རླུང་སྟོང་བརྒྱད་བརྒྱ་རེའི་རྒྱུ་བ་འགགས་པའི་སྒོ་ནས་གཞི་དུས་ཀྱི་འཕོ་ཆེན་བཅུ་གཉིས་ཀྱི་འཁོར་ལོ་མ་ལུས་པ་འགགས་པའི་ལྡོག་པ་ལ་འདིར་འབྲས་བུ་དུས་ཀྱི་འཁོར་ལོ་ཞེས་བརྗོད་དེ། རྩ་རྒྱུད་ལས། དུས་ཆེན་པོ་ནི་སྲོག་ཆེན་པོ། །འདས་པའི་དབུགས་བགྲོད་ཟད་པ་ལས། །སྟོང་ཕྲག་ཉི་ཤུ་རྩ་གཅིག་དང་། །བརྒྱ་ཕྲག་དྲུག་གི་དབུགས་རྣམས་ཏེ། །སྲིད་པ་གསུམ་དུ་དབུགས་འཁོར་ལོ། །འདི་ནི་དུས་ཀྱི་འཁོར་ལོར་བཤད། །ཅེས་གསུངས་པ་ལྟར་རོ། །དེས་ན་ངོ་བོ་གཅིག་ཉིད་ལ་དབུགས་༢༡༦༠༠འགགས་པའི་ལྡོག་པས་དུས་དང་། འཕོ་བ་བཅུ་གཉིས་འགགས་པའི་ལྡོག་པས་འཁོར་ལོར་བཞག་པ་ཡིན་ཅིང་། སངས་རྒྱས་ནི་མི་འགྱུར་བའི་བདེ་བ་༢༡༦༠༠རྫོགས་པར་ཐོབ་པའི་ལྡོག་པ་ནས་འཇོག་པ་ཡིན་ནོ། །དེ་ཡང་དགའ་བ་བཅུ་དྲུག་རྫོགས་པའི་ལྡོག་པ་ནས་དེ་ཉིད་བཅུ་དྲུག་གི་བདག་ཉིད་ཅན་གྱི་སངས་རྒྱས་ཞེས་བྱ་ལ། འཕོ་བ་བཅུ་གཉིས་འགགས་པས་བདེན་དོན་བཅུ་གཉིས་དང་ལྡན་པའི་དུས་ཀྱི་འཁོར་ལོ་ཞེས་བྱའོ། །སྟོང་དང་སྙིང་རྗེའི་བདག་ཉིད་ཅན། །སྲིད་གསུམ་སྐྱེ་འཇིག་མེད་པ་ཡི། །ཤེས་དང་ཤེས་བྱ་གཅིག་པའི་སྐུ། །དཔལ་ལྡན་དུས་འཁོར་ལ་ཕྱག་འཚལ། ། ཧྐྐྵྨླྺྲྱྃ། ༈ འཇམ་དཔལ་སྒྱུ་འཕྲུལ་དྲྭ་བ་ལས། སྟོང་པ་ཆེན་པོ་ཡི་གེ་ལྔ། ཨ་ཨི་རྀ་ཨུ་ལྀ། །ཐིག་ལེ་སྟོང་པ་ཡི་གེ་དྲུག་ཀ་ཙ་ཊ་པ་ཏ་ས། །ཅེས་པའི་དོན། དང་པོ་ནི། དབུས་སུ་ཡེ་ཤེས་ཀྱི་ཕུང་པོ། ཡེ་ཤེས་ཀྱི་ཁམས། ནམ་མཁའི་ཁམས། ཡིད། རྣ་བ། སྒྲ། ཆོས་ཁམས། མཆོག་གི་དབང་པོ། བྷ་ག །ཆུ་འཛག་པ། ཁུ་བ་འཛག་པའི་ངོ་བོ་རྣམས། སྒྲིབ་པ་མེད་པ་ཉིད་སོ་སོ་རང་གི་ཡུལ་འཛིན་པ་རྣམ་པ་སྤངས་པ་གཅིག་ཏུ་འདྲེས་པར་གྱུར་པའི་སྟོང་པའི་ཡི་གེ་དང་པོ། ཨ་རྣལ་འབྱོར་པས་རང་གི་རིག་པར་བྱ་བས་ཐམས་ཅད་མེད་པ་མ་ཡིན་པའི་མཚན་ཉིད་དེ་ཉིད་གཞོམ་དུ་མེད་པ་ལས་ཡི་གེའི་གཟུགས་སྟོང་པ་བརྗོད་དུ་མེད་པ་གྲི་གུག་གི་རྣམ་པའོ། །དབུས་མ་གཞོམ་དུ་མེད་པའི་མཚན་མ་དེ་ལས། ཤར་དུ་འདུ་བྱེད་ཀྱི་ཕུང་པོ། རླུང་ཁམས། སྣ། རེག་བྱ། ངག་གི་དབང་པོ། བཤང་བ་འཛག་པ་སྒྲིབ་པ་མེད་པ་རྣམས་གཅིག་ཏུ་འདྲེས་པར་གྱུར་པའི་སྟོང་པའི་ཡི་གེ་གཉིས་པ་ཨི་བརྗོད་དུ་མེད་པ་དབྱུག་པའི་རྣམ་པའོ། །གཡས་སུ་ཚོར་ཕུང་། མེ་ཁམས། མིག །རོ། ལག་པ། འགྲོ་བ་སྒྲིབ་པ་མེད་པ་རྣམས་གཅིག་ཏུ་འདྲེས་པར་གྱུར་པ་སྟོང་པའི་ཡི་གེ་གསུམ་པ་བརྗོད་དུ་མེད་པ་ཚེགས་དྲག་གི་རྣམ་པའོ། །གཡོན་དུ་འདུ་ཤེས་ཀྱི་ཕུང་པོ་ཆུ་ཁམས། ལྕེ། གཟུགས། རྐང་པ། ལེན་པ་སྒྲིབ་པ་མེད་པ་རྣམས་གཅིག་ཏུ་འདྲེས་པའི་ཡི་གེ་བཞི་པ་ཨུ་བརྗོད་དུ་མེད་པ་ཐིག་ལེའི་རྣམ་པ། རྒྱབ་ཏུ་གཟུགས་ཕུང་། ས་ཁམས། ལུས་དབང་། དྲི། གཅི་བ་འཛག་པ། སྨྲ་བ་སྒྲིབ་པ་མེད་པ་རྣམས་གཅིག་ཏུ་འདྲེས་པ་སྟོང་པའི་ཡི་གེ་ལྔ་པ་ལྀ་བརྗོད་དུ་མེད་པ་ཐོང་གཤོལ་གྱི་རྣམ་པ་སྟེ། ཝྃ་ཡིག་སྟོང་པ་ཆེན་པོ་དམིགས་པ་མེད་པ་སྙིང་རྗེའི་བདག་ཉིད་ཅན། རྡུལ་ཕྲ་རབ་ཀྱི་ཆོས་ཉིད་ལས་འདས་པ་རྣལ་འབྱོར་པས་རྟོགས་པར་བྱེད་པའམ་རིག་བྱེད་དོ། །དེའི་རྟེན་དུ་གྱུར་པ། རྣམ་ཤེས་ཀྱི་ཕུང་པོ། ནམ་མཁའི་ཁམས། རྣ་བ། ཆོས་ཁམས། ཁུ་བ་འཛག་པ། སྒྲིབ་པ་དང་བྲལ་བ་རྣམ་པ་ཐམས་ཅད་སྟོང་པ་ཉིད་དབུས་ཀྱི་མཚན་མའི་སྟེང་དུ་ཀའི་སྡེ་ཚན་གྱི་བདག་ཉིད་གསལ་བྱེད་ཀྱི་ཡི་གེ་བརྗོད་དུ་མེད་པ་ནི་ཐིག་ལེ་སྟོང་པ་དང་པོ། ཤར་གྱི་ཤར་དུ་འདུ་བྱེད་ཀྱི་ཕུང་པོ། རླུང་ཁམས་སྣ། རེག་བྱ། ངག །བཤང་བ་འཛག་པ་སྒྲིབ་པ་དང་བྲལ་བ་རྣམ་པ་ཐམས་ཅད་སྟོང་ཉིད་ཙ་སྡེའི་སྡེ་ཚན་གྱི་བདག་ཉིད་གསལ་བྱེད་ཡི་གེ་ཙ་བརྗོད་དུ་མེད་པ་ནི་ཐིག་ལེ་སྟོང་པ་གཉིས་པ། གཡས་ཀྱི་གཡས་སུ་ཚོར་ཕུང་། མེ་ཁམས། མིག །རོ། ལག་པའི་དབང་པོ། འགྲོ་བ་སྒྲིབ་པ་དང་བྲལ་བ་རྣམ་པ་ཐམས་ཅད་སྟོང་པ་ཉིད་ཊའི་སྡེ་ཚན་གྱི་བདག་ཉིད་གསལ་བྱེད་ཡི་གེ་ཊ་བརྗོད་དུ་མེད་པ་ནི་ཐིག་ལེ་སྟོང་པ་གསུམ་པ། གཡོན་གྱི་གཡོན་དུ་འདུ་ཤེས་ཀྱི་ཕུང་པོ། ཆུ་ཁམས། ལྕེ། གཟུགས། རྐང་པའི་དབང་པོ། ལེན་པ་སྒྲིབ་པ་དང་བྲལ་བ་རྣམ་པ་ཐམས་ཅད་སྟོང་པ་ཉིད་པའི་སྡེ་ཚན་གྱི་བདག་ཉིད་གསལ་བྱེད་ཡི་གེ་པ་བརྗོད་དུ་མེད་པ་ནི་ཐིག་ལེ་སྟོང་པ་བཞི་པ། ནུབ་ཀྱི་ནུབ་ཏུ་གཟུགས་ཕུང་། ས་ཁམས། ལུས། དྲི། གཅི་བ་འཛག་པ་སྒྲིབ་པ་དང་བྲལ་བ་རྣམ་པ་ཐམས་ཅད་པའི་སྟོང་པ་ཉིད་ཏའི་སྡེ་ཚན་གྱི་བདག་ཉིད་གསལ་བྱེད་ཀྱི་ཡི་གེ་ཏ་བརྗོད་དུ་མེད་པ་ཐིག་ལེ་སྟོང་པ་ལྔ་པ། དབུས་ཀྱི་འོག་ཏུ་ཡེ་ཤེས་ཀྱི་ཕུང་པོ། ཡེ་ཤེས་ཀྱི་ཁམས། ཡིད། སྒྲ། མཆོག་གི་དབང་པོ། ཆུ་འཛག་པ་སྒྲིབ་པ་མེད་པ་རྣམ་པ་ཐམས་ཅད་པའི་སྟོང་པ་ཉིད་སའི་སྡེ་ཚན་གྱི་བདག་ཉིད་གསལ་བྱེད་ཀྱི་ཡི་གེ་ས་བརྗོད་དུ་མེད་པ་ནི་ཐིག་ལེ་སྟོང་པ་དྲུག་པའོ། །དེ་དག་ཆོས་ཀྱི་འབྱུང་གནས་ཨའི་རྣམ་པ་དམིགས་པ་དང་བཅས་པའི་ཤེས་རབ་མ་པྲ་ཕབ་པའི་རང་བཞིན་ཅན་རིག་བྱའོ། །ཡུལ་ལ་གཏོད་པའི་བློ་ནི་རིག་བྱེད་ཡིན་ལ། གཏོད་ཡུལ་སྣང་ཙམ་པ་དེ་ནི་ཡུལ་ལོ། །དེ་གཉིས་སྦྱར་བ་ནི་སྣང་ཙམ་ཉམས་སུ་མྱོང་ན་ཡུལ་ཡུལ་ཅན་གཉིས་སུ་སྣང་བ་འཇིག་སྟེ་སྣང་ཙམ་རང་བཞིན་མ་གྲུབ་པའི་གནད་ཀྱིས་སོ།། །། ༈

[edit]

dus kyi 'khor lo'i bskyed rdzogs lam gyi rim pa rnam par phye ba sogs/ na maHshrI ka la tsakra ya/__de'i bskyed rdzogs kyi lam gyi rim par phye ba la/__thog mar lam thun mong bas blo sbyang /__blo sbyangs nas rgyud snod rung du byed pa'i dbang dang dam tshig gi skor bshad/__rgyud snod rung du byas nas smin pa dang grol bar byed pa'i bskyed rdzogs gnyis bshad pa'o/__/dang po ni/__dpal dus kyi 'khor lo la brten nas tshe gcig lus gcig la sangs rgyas thob par 'dod pa'i gang zag des bsten bya dge ba'i bshes gnyen tshul bzhin du brten pa la blo sbyang dgos te/__mchog thun gyi dngos grub thams cad dge ba'i bshes gnyen la rag las pa'i phyir ro/__/de rjes dal 'byor rnyed dka' ba dang don che ba'i tshul la blo sbyang dgos te/__de ltar ma sbyangs na dal 'byor gyi rten la snying po len 'dod kyi blo mtshan nyid pa rgyud la mi skye ba'i phyir ro/__/de rjes rnyed par dka' ba'i dal 'byor gyi rten de yang 'chi ba dgu phrugs su bsam pa'i sgo nas yun ring du mi gnas pa'i tshul la blo sbyang dgos te/__de ltar ma sbyangs na tshe 'di'i 'khri ba mi chod pas chos byed 'dod kyi blo mtshan nyid pa mi skye ba'i phyir/__de rjes ngan song gi sdug bsngal dang /__de las skyob par nus pa dkon mchog gsum la yod par shes pa'i sgo nas skyabs 'gro mtshan nyid pa la blo sbyang dgos te/__de ltar ma sbyangs na dkon mchog gsum la dmigs pa'i dad pa kha zhe med pa dang skyabs gnas la blo ling bskyur gyi skyabs 'gro mtshan nyid pa mi skye ba'i phyir/__de rjes dge mi dge'i las lam dang /__de dag gi 'bras bu bde sdug gnyis/__rjes su 'gro ldog__/'khrul ma 'khrul la blo sbyang dgos te/__de ltar ma sbyangs na sdom pa gsum gyi srung sdom rtsing por song nas phyi ma ngan 'gror skye bar 'gyur ba'i phyir ro/__/de rjes kun nas nyon mongs rgyu 'bras dang /__rnam byang rgyu 'bras gnyis kyi rjes su 'gro ldog la blo sbyang dgos te/__de ltar ma sbyangs na 'khor ba las bzlog 'dod dang /__thar pa thob 'dod go ba tsam por song nas thar pa don gnyer gyi blo mtshan nyid pa rgyud la mi skye ba'i phyir ro/__/de rjes rgyu 'bras man ngag bdun ma sogs kyi sgo nas smon sems la blo sbyang dgos te/__de ltar ma sbyangs na byams snying rje'i rtsa ba can gyi smon sems mtshan nyid tshang ba rgyud la mi skye bas theg chen pa ming tsam par 'gyur ba'i phyir ro/__/de rjes rgyal sras spyi'i spyod pa phyin drug dang bsdu dngos bzhi la bslab dgos te/__bsam pa de grogs su yod na 'jug sdom mtshan nyid tshang ba rgyud la skye la/__de med na mi skye ba'i phyir/__de rjes zhi lhag 'dren par byed pa'i thabs sems gnas dgu sogs dang /__zhi lhag rang gi ngo bo/__zhi lhag gi mi mthun phyogs bying rgod gcod tshul sogs la go ba rnam dag chags pa dgos te/__de med na zhi lhag gi thun mong ma yin pa'i ting nge 'dzin mtshan nyid tshang ba rgyud la mi skye ba'i phyir ro/___/_!_gnyis pa ni/__skabs 'dir rgyud snod rung du byed pa'i dbang de la gsum du yod de/__bskyed rim sgom pa'i snod rung du byed pa'i dbang de la dbang bdun dang /__rdzogs rim sgom pa'i rgyud snod rung du byed pa'i dbang gong ma bzhi dang /__rgyud 'chad pa sogs la dbang ba'i rgyud snod rung du byed pa'i gong chen gyi dbang bzhi dang gsum yod pa'i phyir/__de yang dbang mdor bstan las/__dbang ni bdun po 'di rnams te/__/dkyil 'khor bzhengs la sbyin par bya/__/zhes dang po bdun ni dmigs gsal kun spangs pa'i slob ma re re tsam ma gtogs rdul tshon kho nar bskur bar gsungs so/__/de ltar dbang thob nas bla ma dang dkyil 'khor gyi lha dpang por byas te khas blangs pa'i dam tshig brtul zhugs nyer lnga dang /__sdom pa'i mi mthun phyogs rtsa ltung bcu bzhi la sogs pa srog dang bsdos nas bsrung dgos te/__de rnams ma bsrungs par bskyed rdzogs lam ji ltar bsgoms kyang don mi 'grub pa'i phyir ro/____/_!_gsum pa la gnyis te/__dang po la rgyud smin par byed pa bskyed rim bshad pa la gsum/__rdzogs rim gyi sngon du bskyed rim tshang bar bsgom mi dgos pa'i log rtog dgag__/bskyed rim ji tsam sgom par bshad/__bskyed rim sgom tshul bshad pa'o/__/dang po ni/__snga phyi'i mkhas pa mang pos rdzogs rim gyi sngon 'gro'i bskyed rim la ni/__dus 'khor dpa' gcig dang /__lhan skyes tsam bsgoms pas chog gi/__bskyed rim tshang bar bsgom mi dgos te/__de 'jig rten pa'i dngos grub kyi ched du yin pa'i phyir ro/__/zhes bshad pa ni mi 'thad de 'gal ba rnam pa bzhi yod pa'i phyir dang /__khyad par mchog dngos thob pa'i rgyur stong gzugs phyag chen rang rgyud la bskyed dgos _par shes pa'i ched du ye shes le'u bstan/__phyag rgya chen po thob pa la de'i sngon du rgyud smin byed bskyed rim dgos pas de shes pa'i phyir sgrub le bstan/__bskyed rim sgom pa la de'i snod rung du byed pa'i dbang bskur 'gro dgos pas/__de shes pa'i phyir du dbang le bstan/__de la'ang de'i sngon du dbang bskur ba po dang rgyud 'chad pa po dang nyan pa po'i rtsa rlung thig le dang phung khams skye mched shes dgos pas de shes pa'i ched du nang le bstan/__de yang sngon du sbyang gzhi snod kyi chags tshul sogs shes dgos pas/__de shes pa'i ched du khams le bstan pa'i go rim dang 'gal ba'i phyir ro/__/gnyis pa ni/__rab tu dus kyi 'khor lo'i dkyil 'khor gsum yongs rdzogs sam/__'khor lo gsum la bkod pa'i pad+ma'i gdan can gyi lha brgya nga drug gam/__thugs dkyil yongs rdzogs tsam bsgom pa ni mchog tu 'gyur la/__de la sbyang gzhi srid pa skye 'chi sbyong ba'i lam tshang ba'i phyir dang /__der ma zad sgrub po'i phung khams skye mched las dbang bya ba dang bcas pa sbyong ba'i lam gyi gnad tshang ba'i phyir ro/__/de tsam ma grub na'ang lha bcu gsum ma'am/__dgu'am/__lnga yan chad nges par bsgom dgos te/__de tsam bsgoms pas phung khams skye mched las dbang bya ba dang bcas pa sbyong ba'i lam ma tshang yang /__srid pa skye 'chi sbyong ba'i lam gnad tshang ba'i phyir ro/__/gsum pa la/__sngon du 'gro ba'i rim pa dang /__bskyed rim dngos gnyis/__dang po la'ang /__bdud rtsi byin gyis brlabs pa/__rdor dril byin rlabs/__mchod pa byin rlabs/__rdor sems sgom bzlas so/__/dang po la'ang /__bsang /__sbyang /__bskyed cing byin gyis brlabs pas rdzas phyi ma rnams bsang sbyang gi don du bya'o/__/gnyis pa dang /__gsum pa la'ang bsang sbyang bskyed cing byin gyis brlabs pa bzhi'o/__/bzhi pa bskyed cing yi ge bkod nas ye shes pa spyan drangs te dbang bskur zhing gsol ba btab la sngags bzla ba rnams so/__/gnyis pa la/__sngon 'gro srung 'khor bsgom pa dang /__dngos 4gzhi sgrub thabs 2bshad pa gnyis/__dang po la/__sngon 'gro tshogs gnyis bsags pa/__dngos gzhi srung 'khor bsgom pa/__mjug tu gtor ma phul te gshegs su gsol ba'o/__/dang po ni/__bsod nams dang ye shes kyi tshogs bsags pa gnyis/__dang po la tshogs zhing spyan drangs nas/__phyag 'tshal ba/__mchod/__bshags pa/__yi rang ba/__bskul ba/__mya ngan las mi 'da' ba/__skyabs gsum la bsten pa/__rang gi lus dbul ba/__rang gi dge rtsa sems can gzhan la sbyin pa/__theg chen smon sems bskyed pa'i sgo nas bdag dang bdag gir 'dzin pa spangs pa bstan la/__tshigs bcad lhag ma rnams kyis lam la bslab pa bstan to/__/gnyis pa ni/__dngos po med pa sogs kyis chos thams cad rang bzhin gyis ma grub pa'i stong pa nyid bstan to/__/gnyis pa la/__bdag srung ba dang /__gnas srung ba'i don du srung 'khor bsgom pa'o/__/dang po la lha rdzogs pa'i don du sku gsung thugs ye shes sbyong ba/__rigs drug dgod pa/__sku gsung thugs ye shes rnam par dag par bya ba/__yan lag drug dgod pa/__rdo rje thams cad kyis bdud bzhi gzhom pa dang lnga'o/__/gnyis pa la/__rten bskyed pa/__brten pa lha bskyed pa/__bdud bgegs tshar gcod pa'i sngags bzla ba'o/__/gsum pa ni/__rdo rje bzhi dang ldan pa'i dpal dus kyi 'khor lo rdo rje 'jigs byed 'khor dang bcas pa rnams la gtor ma phul nas/__gsang gnas la sogs pa'i rtsa 'khor drug tu gshegs gsol bya ba'o/__/gnyis pa sgrub thabs dngos gzhi bshad pa la/__las bsags pa'i rjes su 'chi ba 'od gsal myong ba dang chos mthun par sngon 'gro tshogs bsags pa'i rim pa bstan pa/__shi nas bar do 'grub ste srid pa gzhan du skye ba blangs pa dang chos mthun par rnal 'byor bzhi bshad pa dang gnyis/__dang po la'ang /__sbyang gzhi bshad pa/__sbyang gzhi sbyong byed sbyar nas bshad pa/__sgrub thabs kyi tshig don bshad pa dang gsum mo/__/dang po/__lugs 'di'i ched du bya ba'i gdul bya des skye ba 'dir 'byung bas khams 'tsho ba dang /__'byung ba rim par thim nas 'chi ba'i 'od gsal 'char ba gsum mo/__/gnyis pa ni/__rang nyid skad cig sogs dang /__rang gi lus chu'i khams kyi sogs dang /__dngos med sogs kyis sbyong bar byed do/__/gsum pa la bsod nams kyi tshogs dang /__ye shes kyi tshogs bsags pa gnyis las/__dang po ni srung 'khor gyi skabs su bshad zin la/__gnyis pa ni/__dngos po med sogs kyis ston pa yin no/__/gnyis pa la/__mngal du skye srid blangs pa dang chos mthun par rnal 'byor dang po gnyis bsgom tshul bshad pa/__phyi rol du btsas te dbang po yul la 'jug pa dang chos mthun par las rgyal mchog bsgom tshul bshad pa/__lo bcu drug gi mthar bde ba rdzogs par myong ba dang chos mthun par phra thig gi rnal 'byor bsgom tshul bshad pa'o/__/dang po la rten gzhal yas khang bskyed pa/__brten pa lha bskyed pa'o/__/dang po sbyang gzhi bshad pa/__de dang chos mthun sbyar ba/__sgrub thabs kyi tshig don dngos bshad pa'o/__/dang po ni/__khams drug pa ye shes kyi khams chos thams cad rang bzhin ma grub par gnas pa'i skabs der/__snod snga mas stong pa'i skabs su/__phan tshun 'dab ma 'byar ba sil bur gnas pa'i tshul gyis stong pa ste dbang shes kyi yul du ma gyur pa'i rdul phran rnams gnas so/__/de yang sgra'i yon tan gcig dang ldan pa'i nam mkha'/__de steng reg dang ldan pa'i rlung gi__/de steng gzugs dang ldan pa'i me'i/__de steng ro'i yon tan dang ldan pa'i chu'i/__de steng dri yi yon tan te lnga dang ldan pa'i rdul phran chags so/__/des brtsams pa'i rlung me chu sa'i dkyil 'khor dang ri rab/__de'i phyi rol na longs spyod sa pa'i gling drug dang /__de bzhin phyi na gling bdun pa 'dzam gling chen po yod do/__/gnyis pa la/__phyi snod kyi 'jig rten dang chos mthun sbyar ba/__ma'i mngal dang chos mthun sbyar ba/__sgrub pa po rang gi lus dang chos mthun sbyar ba'o/__/de las bar ma cung zad go dka' bas/__nam mkha'i khams bsgom pa ma'i gsang gnas/__rlung me chu sa'i dkyil 'khor ni ma'i dpral mgrin snying ga lte ba'i rtsa 'khor/__ri rab ni lte ba nas gsang gnas kyi bar/__pad+ma gsang gnas kyi nang gi rtsa 'dab brgyad/__de steng rdo rje'i gur ni ma'i pad+mar pha'i rdo rje zhugs pa/__gzhal yas khang ma'i mngal/__zla nyi sogs gdan ni ma'i pad+ma'i nang gi rtsa ro rkyang dbu ma dang chos mthun cing de dag sbyong bar byed do/__/gsum pa la/__'byung bzhi gdan dang bcas pa bsgom pa dang /__gzhal yas khang bsgom tshul gnyis so/__/gnyis pa la/__dang po sbyor ba bsgom tshul dang /__dkyil 'khor rgyal mchog gnyis/__dang po la/__sbyang gzhi chos mthun/__tshig don gsum/__dang po ni/__lugs 'di'i ched du bya ba'i gdul bya las bzang po bsags pa'i mthar 'chi ba nyams su myong nas bar do grub ste/__ma'i mngal du khyad par so gnyis dang ldan pa'i pha'i khams dkar po dang /__khyad par brgyad cu dang ldan pa'i ma'i khams dmar po gnyis kyi dbus su skye ba len la/__mngal gyis zla ba dang po la bde bas brgyal zhing yul la ma dmigs pa'i phyir ma rig pa dang /__zla ba gnyis pa la rang gi phung po rnams gong nas gong du 'phel bas 'du byed dang /__zla ba gsum pa la rnam shes rags pa yul la g.yo bar byed pa'i phyir rnam shes kyi zla bar bzhag go__/gnyis pa ni/__khams dkar po dbyangs yig 32dang ldan pa'i zla dkyil/__dmar po gsal byed brgyad cu dang ldan pa'i nyi da_kyil/__dri za'i rnam shes hU~M yig__/de'i bzhon pa srog rlung la hi yig nag po/__mngon byang dang po bzhi'i skabs su sems bde ba'i ngo bor skye bas zla ba dang po/__mngon byang lnga pa'i skabs ha~M yig dus 'khor bskyed pa'i mthu nus can du gyur pas zla ba gnyis pa/__mngon byang lnga las rnam shes rnam dag mi bskyod dus 'khor gyi ngo bor bskyed pa ni zla ba gsum pa'i bag chags rnams sbyong bar byed pa'o/__/gnyis pa la/__lha spro ba'i tshul spyir bstan pa/__so sor bshad pa/__snying rjes sems can la dbang bskur ba/__nga rgyal 'dzin pa'o/__/gnyis pa la'ang /__thugs dkyil gyi/__gsung dkyil gyi/__sku dkyil gyi/__lha gzhan rnams spro ba dang bzhi'o/__/dang po la'ang /__gshegs pa gshegs ma/__khro bo khro mo dang bcas pa spro ba dang /__sems dpa' sems ma spro ba gnyis/__dang po la'ang sbyang gzhi ni zla ba bzhi/__ming gzugs kyi zla bar khams rags pa dang /__dwangs ma/__las dbang dang /__las dbang gi bya ba lnga 'grub pa ste/__de dang chos mthun/__gshegs pa drug spro ba ni phung po 6drug__/gshegs ma drug spro ba ni khams 7drug__/bum pa rnams lus zung gi dwangs ma/__khro bo khro mo las dbang de'i bya ba lnga rnams sbyong bar byed pa'o/__/tshig gi don thugs dkyil la lha so drug bsgom pa'o/__/gnyis pa ni/__sbyang gzhi zla ba lnga pa skye mched drug gi zla bar mig sogs skye mched drug dang /__drug pa reg pa'i zla bar gzugs sogs yul drug 'grub cing /__de'i tshe dbang pos yul cung zad 'dzin pas de skad do/__/de dang chos mthun par sems dpa' sems ma rnams spro ba'o/__/gnyis pa ni/__mngal gyi zla ba bdun pa tshor ba'i zla bar/__lte bar thugs kyi rtsa 'dab bzhi/__de'i phyi rol du gsung gi rtsa 'dab brgyad/__de'i phyi rol du sku'i rtsa 'dab bcu drug yod pa'i de'i gzhi ni stong pa'i rtsa yin la/__rtsa 'dab bcu gnyis la lnga lngar gyes pa'i rtsa 'dab drug cu dang /__stong pa'i rtsa 'dab bzhi re ste/__re bzhi sku gsung thugs thun mong ba'i rtsa zhes bya la/__de dag gi rtsa sne tshigs chen bcu gnyis dang /__mgrin pa yud tsam sum cu 'bab pa'i rtsar spro zhing 'brel bar gnas so/__/de dang chos mthun gtso mo brgyad bsgoms pas phyi rol thun tshod/__nang du gsung gi rtsa 'dab brgyad sbyong ba dang /__'dab ma'i lha mo drug cu re bzhi bsgoms pas/__phyi rol tu chu tshod drug cu re bzhi dang thun mtshams bzhi ste re bzhi/__nang la lte ba'i rtsa 'dab re bzhi dang chos mthun zhing sbyong ba'o/__/gsum pa ni/__phyi lo gcig la dus drug dang zla ba bcu gnyis/__nang du mngal gyi zla ba brgyad pa sred pa'i zla bar lte ba'i rtsa 'dab drug cu las rtsa lnga lngar gyes pa'i rtsa sne rnams tshigs chen bcu gnyis su song nas/__de rnams su rtsa 'dab sum cu pa'i rtsa 'khor bcu gnyis chags pa dang chos mthun pa'i de sbyong byed tshes lha rnams spro bar byed pa yin te/__de yang nag pa dang sa ga__/snron dang chu smad/__gro bzhin dang khrums stod/__tha skar dang smin drug__/mgo dang rgyal/__mchu dang dbo'i zla ba'i tshes lha sum cu pa tshan pa gnyis gnyis ni/__phyi la sogs pa'i dus tshigs drug po re re la tshes zhag sum cu pa gnyis re yod pa dang /__nang du dpung pa g.yon g.yas/__mkhrig ma'i tshigs g.yon g.yas/__de bzhin dpyi/__pus mo/__long bu/__phrag pa'i tshigs g.yon g.yas drug po re re la rtsa 'dab sum cu gnyis gnyis yod pa'i phyir ro/__/mngal gyi zla ba brgyad pa dang dgu pa len pa'i zla bar/__gtsug tor/__gshang lam/__lag mthil/__rkang mthil rnams su rtsa 'dab bzhi pa re chags pa dang chos mthun cing de sbyong byed khro mo bzhi spro bar byed do/__/rtsa 'dab drug tu las dbang drug gis rang rang gi bya ba byed pa'i nus mthu can du gyur pa dang chos mthun cing sbyong bar byed pa'i khro bo drug spro bar byed do/__/bzhi pa mngal gyi zla ba bcu pa srid pa'i zla bar/__lag sor dang rkang sor bcu bcu grub pa dang chos mthun cing sbyong byed klu bcu dang /__rab gtum ma bcu spro bar byed do/__/gsum pa la chos mthun dmigs bsal dang sbyar du med kyang /__'bras bu dang rnam pa mthun par bsgoms pa yin no/__/bzhi pa ni/__phung khams skye mched las dbang bya ba dang bcas pa shin tu rnam par dag pa chos kyi dbyings kyi rang bzhin de nga'o zhes nga rgyal 'dzin pa'o/__/gnyis pa las rgyal mchog bsgom tshul la gsum/__sbyang gzhi/__chos mthun/__tshig don bshad pa'o/__/dang po ni/__gnyis pa'i shugs la rtogs pas/__gnyis pa ni/__rang gi gnas gsum du rdo rje gsum gyi yi ge dgod pa/__mngal gyi sems can de sku gsung thugs rtsa gsum rlung gis gang ba dang chos mthun cing sbyong bar byed/__gnas gnyis su ho yig gnyis bsgom pa ni/__de bde bas brgyal ba dang chos mthun cing sbyong bar byed/__lha mo bzhi so so dang spyi bskul gcig bcas lnga ni khams lnga'i ngo bor gyur pa'i rlung gis phyi rol tu bskul ba dang chos mthun cing sbyong bar byed/__gtso bo dang nus ma bcu bskyed pa ni/__byis pa phru ma'i chos 'dzin pa phyi rol tu btsas pa dang =__lha rnams spro ba ni/__de'i sna bug nas rlung bcu spro ba=__rang gi snying ga nas rdo rje shugs spros nas ye shes pa spyan 'dren pa ni/__sems can de'i sna bug nas ye shes kyi rlung rgyus te dbang po yul la sad par byed pa dang chos mthun cing sbyong bar byed/__rdo rje shugs snying gar sdud pa ni ye shes kyi rlung nang du 'jug pa=__khro bo lngas dgug gzhug sogs byed pa ni/__dbang po yul la longs spyod=__dbang bdun bskur ba ni/__ma yis 'khrud pa dang =__/rigs bdag gis rgyas 'debs pa dang pha yi rigs 'dzin pa=__rgyas gdab bzhi byed pas lus ngag yid gsum ye shes kyi bag chags rgyas pa dang chos mthun cing sbyong bar byed/__sku gsung thugs byin gyis brlabs pa ni/__lus ngag yid gsum rang rang gi bya ba rnams rdzogs par byed pa'i bya ba rnams mthu can du gyur pa=__gsum pa ni/__zhu ba glus bskul ba'i ngor bzhengs pa/__de'i mngal nas lha rnams spro ba/__dam tshig pa dang ye shes pa ro mnyam du bya ba/__dbang bskur zhing rgyas gdab pa/__sku gsung thugs byin gyis brlabs pa/__rten dang brten pa'i rnam dag bsgom pa'o/__/gsum pa phra thig gi rnal 'byor bsgom pa la gsum/__sbyang gzhi/__chos mthun/__tshig don no/__/dang po ni/__gzhi la bud med kyis lo bcu gnyis dang /__skyes pas lo bcu drug ma lon par 'dzag bde mi myong bas/__skyes pas lo bcu drug lon nas rang gi chung ma'i lag pa 'dzin pa dang /__'khyud pa dang /__dbang po gnyis sbyar nas gsang gnas su gtum mo phal pa 'bar te spyi bo nas mgrin pa dang /__de nas snying ga dang /__de nas lte ba dang /__de nas nor bu'i rtser sleb pa na/__gzhi dus kyi dga' bzhi rim bzhin nyams su myong nas/__de'i rjes su byang sems phyi rol tu 'dzag pa'i bde ba la dmigs par byed do/__/gnyis pa ni/__rang dang shes rab sogs kyis gzhi dus kyi dga' bzhi dang chos=__slar yang thig le=__sogs kyis 'dzag bde la dmigs pa dang chos=__gsum pa ni/__'di'i skabs sngon gyi las kyis 'phangs shing nu ma skra dang ldan pa las/__blos btags nas bskyed pa ye shes/__dngos gnas la lhar grub pa phyag rgya chen po gsum du yod pa las snga ma gnyis gang yang rung ba ste/__de la snyoms par 'jug pas yas babs kyi dga' ba bzhir thig le'i rnal 'byor zhes 'chad pa la rgyu mtshan yod de/__thig le spyi bo nas nor bu'i rtser babs pa las byung ba'i bde stong dbyer med kyi rnal 'byor yin pas de ltar bshad pa'i phyir/__mas brtan gyi dga' ba bzhi la phra mo'i rnal 'byor zhes 'chad pa la rgyu mtshan yod de/__yas babs kyi dga' ba bzhi las phra zhing rtogs dka' ba'i bde stong gi ye shes yin pa'i phyir ro/__/de yang dkyil 'khor rgyal mchog gi sngon du shUn+ya ta'i sngags don bsgom dgos chos skur nga rgyal 'jog la/__de la skad cig gcig gis mngon par byang chub pa zhes brjod pa'i rgyu mtshan yod de/__gzhi la sems can 'chi tshe gnyis snang rags pa la thim nas 'chi ba 'od gsal skad cig ma gcig la myong ba dang chos mthun/__'bras bu rnam mkhyen skad cig dang po thob pa'i tshe chos thams cad skad cig ma gcig la mngon par byang chub pa dang rnam pa mthun pas de ltar bzhag pa'i phyir/__dkyil 'khor rgyal mchog gi sbyang gzhi mngal skyes kyi gnas skabs la rnam pa lngas byang chub par 'jog pa la=__mer mer po la sogs pa mngal gyi gnas skabs lnga'am/__phung po khams skye mched dbang po bya ba dang bcas pa rdzogs pa'i sgos chos de ltar bzhag pa'i phyir/__sbyong byed dkyil 'khor rgyal mchog la'ang mngon byang lngas mngon par byang chub par 'jog pa'i=__de'i gtso bo yab yum mngon byang lnga las byang chub cing /__'khor rnams kyang de'i mngal nas spro ba de ltar bzhag pa'i phyir dang /__'bras bu'i skabs kyi ye shes lnga mngon par byang chub pa dang rnam pa mthun par bsgoms pas de ltar bzhag pa'i phyir/__las rgyal mchog gi sbyang gzhi phyi rol du btsas pa'i gnas skabs la rnam pa nyi shus byang chub par 'jog pa'i=__btsas nas dbang po yul la ma sad pa'i gnas skabs sna bug nas khams lnga'i rlung bcu spro ba dang /__dbang po yul la sad pa'i gnas skabs nas khams lnga'i rlung bcu spro ba'i gnas skabs nyi shur rdzogs pas de ltar bzhag pa'i phyir/__sbyong byed las rgyal mchog la'ang rnam pa nyi shus byang chub par bzhag pa'i=__bskul ba lnga/__sku gsung thugs ye shes rdo rje/__rdo rje 'chang gi ngo bor bzhengs pa lnga/__dgug gzhug bcings mnyes ro mnyam du gyur pa lnga/__dbang bskur dang rgyas gdab bzhi ste/__nyi shu'i sgo nas byang chub pas de ltar bzhag pa'i phyir/__yang las rgyal mchog la rnam pa nyi shus byang chub par bzhag pa'i rgyu mtshan/__las rgyal mchog gi lha dam tshig pa thams cad khams lngar 'dus la/__de re re la'ang thabs shes gnyis gnyis kyi dbye bas bcu/__spyan drangs pa'i lha thams cad kyang khams lngar 'dus shing /__de re rer yang thabs shes kyi dbye bas bcu ste/__de lta bu'i rnam pa nyi shus byang chub pa de ltar bzhag pa'i phyir/__phra thig gi rnal 'byor gyis sbyang gzhi lo bcu drug lon nas ye shes kyi khams rdzogs pa'i gnas skabs las byung ba sgyu 'phrul drwa bas mngon par byang chub pa zhes=__de'i skabs su rang gi chung ma dang mnyam par sbyor ba'i sgo nas bu mo la sogs pa spro ba'i rgyu mtshan yod de/__sbyor ba bye brag gi rnal 'byor la'ang sgyu 'phrul drwa bas=__phra thig gi rnal 'byor gyis zin pa'i sgo nas rten dang ba_rten pa'i dkyil 'khor la gsal snang dang nga rgyal 'don pa dang /__bzlas pa/__mchod bstod/__zhi rgyas kyi las rab 'byams bsgrub pa'i sgo nas de ltar bzhag pa'i phyir ro/__/gsum pa mthar bzlas pa sogs byed tshul la bzhi ste/__bzlas pa byed tshul dngos dang /__mchod bstod bdud rtsi myong ba/__gshegs su gsol ba/__thun mtshams kyi bya ba la 'jug pa'i tshul dang bzhi/__dang po ni/__de lta bu'i ting 'dzin bsgoms pas skyo na phreng ba byin gyis brlabs nas bzlas pa bya'o/__/phreng ba'i rgyu zhi rgyas la shel/__bsad bskrad la mi'i so dang rta yi so/__dbang dgug la bo d+hi tsit+ta dang tsan+dan dmar po/__rmongs rengs la lung thang dang ru rak+sha sogs bsngags so/__/grangs ni brgya brgyad mdo 'dzin bzhi dang bcas pa'o/__/bzlas pa dbang bskur bdag 'jug sogs len rung tsam la/__gtso bo la 'bum phrag gcig__/'khor rnams la khri ste/__de yang gsung dkyil dang sku dkyil mi dgos so/__/ci'i phyir na gang du dbang bskur ba'i dkyil 'khor gyi lha thugs dkyil du nges pa'i phyir ro/__/gnyis pa ni/__dus zhabs pas mchod pa bcu tsam dang /__sA d+hu pu tras lha mo bcu bzhi/__a b+hA yas chu bzhi nyer spyod dang bcas pas mchod par bzhed de rang lugs phyi ma ltar ro/__/bstod pa ni/__mchog sbyin rdo rje sogs/__'grel chen las/__'dud nyi shu'o/__/gsum pa ni/__gtso bo yab yum ma gtogs pa bde chen 'khor lo'i lha rnams gshegs su gsol ba sogs dang /__bzhi pa kha zas dang /__gnyid kyi rnal 'byor sogs rgyud 'grel las byung ba bzhin bsten par bya'o/__/de yan chad kyis sgrub thabs pad dkar zhal lung gi TI ka tshig don rab gsal ltar bshad zin to/__/gnyis pa rdzogs rim bshad pa la/__sngon 'gro/__dngos gzhi/__rjes gsum las/__dang po la/__sdig sgrib dag par byed pa rdor sems sgom bzlas dang /__tshogs gsog cing byin rlabs 'jug par byed pa bla ma'i rnal 'byor gnyis dang /__khyad par ltos med drug ces lus ngag yid gsum gyi bya ba spros pa mang po med pa ste de dag 'dor ba dang /__'pho ba'i bde ba la ltos pa med pa dang /__lus dang dbang po la lhag par chags pa'i gzhi lus dang dbang po la ltos pa med pa ste drug go__/de dag ni bskyed rim gyi'ang sngon du 'gro dgos so/__/gnyis pa la/__sngar smos pa'i bskyed rim goms nas/__gang la gnad du bsnun pa'i gzhi rdo rje lus kyi rnam gzhag__/de la gnad du bsnun nas sgom pa'i rdzogs rim yan lag drug thun mong ba'i rnam bshad/__yan lag drug so sor nyams su len tshul bshad pa'o/__/dang po la'ang gnas pa rtsa/__g.yo ba rlung /__bkod pa byang chub kyi sems rnams nang le ltar bshad do/__/gnyis pa ni/__spyir 'di'i tha snyad tsam gsang 'dus/__/kye rdor/__bde mchog sogs phal cher las 'byung yang /__'dir rdzogs rim nyid la drug tu phye ba yin la/__drug po de yang bsnyen sgrub yan lag bzhi dang /__rdo rje'i rnal 'byor bzhi dang /__dge ba gsum sogs kyi chings kyis bsdus te 'chad la/__de yang sor sdud kyis stong gzugs gsar du mthong ba bsgrub/__bsam gtan gyis de brtan par byed/__de'i rjes su srog 'dzin gnyis kyis rlung sems dbang du byas/__de las rjes dran gyi skur langs/__des mchog tu mi 'gyur ba'i bde ba'i ting nge 'dzin gyi yan lag bskyed pa mthar phyin pa las dang po'i sangs rgyas mngon du byed par dgongs pa mthun no/__/gsum pa ni/__dus zhabs snyan brgyud las so sor drug tshan re res nyams su len tshul ji ltar gsungs pa bzhin rtogs par bya'o/__/de ltar bsgoms pa'i 'bras bu mngon du byed pa'i tshul ni gzhung du shes par bya'o/__/'di yang rnal 'byor yan lag drug gi khrid yig gtsang shab stod ri bo bde chen/_skal bzang lam gyi 'jug ngogs ltar bshad pa'o/__/shub+haM//___//__!__mchod pa'i skabs/__sha lnga dang bdud rtsi lnga la sgron ma lnga zhes brjod pa la rgyu mtshan yod de/__dngos grub gsal bar byed pa dang /__myur du 'gugs par byed pa'i phyir/__rdor sems sngags don/__oM ni sku gsum mam rdo rje gsum/__badz+ra sa twa sa ma ya/__ma nu pA la ya/__zhes pa/__rdo rje sems dpa'i dam tshig bzhin du rjes su skyongs/__badz+ra sa twa twe no pa tiSh+Tha/__zhes pa/__rdo rje sems dpa' nye bar mnos/__dr-i d+ho me b+ha wa sogs bzhis/__bdag la brtan pa'i rang bzhin du mdzod/__bdag la mdzes pa'i rang bzhin=__bdag la chags pa'i rang bzhin=__bdag la dga' ba'i rang bzhin=__sarba sid+d+hi sogs tshan gnyis kyis/__dngos grub thams cad bdag la stsol/__las thams cad bdag la stsol/__tsit+taM shre ya ku ru/__bdag gi ni dpal du mdzod/__hU~M dang ha bzhis ye shes lnga dang /__hos rang rgyud dbyer mi phyed par bstan/__b+ha ga wAn=__bcom ldan 'das de bzhin gshegs pa thams cad ces bod pa'o/__/ma me muny+tsaH__bdag ma 'dor ces bskul ba'o/__/gang gis na/__badz+ri b+ha wa=_rdo rje'i rang bzhin dam tshig chen po sems dpas so/__/as ni lha dang rang dang spang bya gsum rang bzhin med par bstan/__hU~M gis spang bya 'joms pa/__phaT kyis dges par bstan to/____/_!_tshogs bsags phyag 'tshal gyi skabs/__phyag 'tshal lo zhes drangs/__gang la na/__nyin zhag gcig la rgyu ba'i rlung nyi khri chig stong drug brgya 'gags pa'i cha nas dus/__lte ba'i 'pho chen bcu gnyis kyi rlung gi 'khor lo 'gags pa'i cha nas 'khor lo ste/__de lta bu'i dus gyi 'khor lo la'o/__/de chos can/__yon tan gyi khyad par gsum dang ldan te/__stong nyid snying rje dbyer mi phyed pa dang /__srid gsum skye 'jig med pa dang /__shes dang shes bya gcig pa'i yon tan gyi khyad par dang ldan pa'i phyir ro/__/dang po dang ldan te/__rnam med kyi yul stong nyid snying rje mchog tu mi 'gyur ba'i bde chen gyi ye shes gnyis dbyer med pa la 'khor ba ma stong gi bar du mnyam par bzhag pa'i yon tan dang ldan pa'i phyir/__gnyis pa dang ldan te/__srid pa 'khor bar las nyon gyis skye ba'i srid mtha' dang /__'jig pa de zad pa tsam gyis zhi mtha' spangs pa'i yon tan dang ldan pa'i phyir/__gsum dang ldan te/__shes pa mchog tu mi 'gyur ba'i bde chen dang /__shes bya rnam bcas kyi stong gzugs gnyis sku dang thugs rdo rje gcig tu sbyor ba'i yon tan dang ldan pa'i phyir ro/____/_!_de bzhin gshegs pa'i rnam bcu dbang ldan phyi la sbyar na/__a/__srog med yu ru lu wu lngas khams lnga/__mas ri rab/__k+Shas 'dod lha dang gzugs khams/__has gzugs med khams mtshon/__rnam bcad dang thig le gnyis nyi zla'o/__/nang lus la sbyar na/__a ya ra wa la lngas ma'i gtsug tor dpral mgrin snying lte'i rtsa 'khor rnams mtshon/__ma yig gis lte ba nas gsang gnas bar/__k+Shas gsang gnas nang gi rtsa 'dab brgyad/__ha rnam bcad thig le gsum gyis gsang gnas nang gi dbu rkyang ro gsum mtshon/__gzhan la sbyar na gsum gyi/__dang po bskyed rim la sbyar ba ni sgrub thabs dngos las bshad la/__gnyis pa rdzogs rim la sbyar na/__a nas k+Sha yig gi bar ni snga ma'i lus la sbyar ba bzhin du sgrub po rang gi gtsug tor nas gsang gnas kyi bar gyi rtsa 'khor rnams mtshon/__ha yig gis rang sems/__sems des rtsa 'khor gsum gnad du bsnun pas khams dkar dmar gyi 'phro 'du 'byung ba ni/__rnam bcad dang thig les mtshon/__nA das ni sems bde chen gyi ngo bor skye bar mtshon/__gsum pa 'bras bu la sbyar na/__k+Shas stong gzugs/__has mchog tu mi 'gyur ba'i bde chen/__as rnam med stong nyid/__de 'dra'i stong gzugs dang mchog tu mi 'gyur ba'i bde stong dbyer med nyid sku dang thugs su ngo bo gcig tu sbyang nas khams lnga sgrib bral du byas pa ni yi ge kha phral gyis mtshon pa'o/____/_!_dur khrod las 16sku ru dbye ba sku gsung thugs ye shes rdo rje'am/__sku gsum ngo bo nyid dang bzhir nang gses kyi ldog pa'i sgo nas dbye na bcu drug tu 'gyur ro/____/_!_dur khrod kyi srog chags las/__b+he tun+t+ra ni bya'i rigs ser po/__ti k+Sha ni/__b+hal+lu ka dang ming gi rnam grangs te dom mo/___/rgyud las sdeb sbyor gyi dbang gis gur ba da na zhes 'byung bshang gdong ngam te'u lo pa/__pha waM/__bshang gdong ni bod du grags pa'i bya ma bye'u dang /__mig sngon ni/__gshog pa can gyi 'dre bya ma yin/__mkha' lding a nI la ni kha dog lnga pa'i mkha' lding dang /__seng ge rkang pa brgyad pa ni gshog pa bzhi dang rkang lag rnams yod pa'i seng ge'i dbang po'o//_zhes bshad do/____/_!_mkha' spyod zhal bzang blta ba'i smon lam la bzhi/__mtshan bstan pa/__mchod par brjod pa/__gzhung gi don/__mjug gi don no/__/gzhung gi don la gsum/__mkhyen par gsol ba/__smon lam dngos/__bden pa'i stobs brjod pa'o/_/dang po ni/__mtha' yas sogs so/__/gnyis pa smon lam dngos la gnyis/__rang bzhin rjes su dran pa dang /__thugs dam gnad nas bskul ba'o/__/dang po ni/__'og min sogs/__gnyis pa la gnyis/__rgyud kyi rdo rje'i gnas dang sbyar ba dang /__sngon rabs kyi gtam dang sbyar ba'o/__/dang po ni/__e ma sogs so/__/gnyis pa ni/__o Di bi sha sogs so/__/gsum pa bden pa'i stobs brjod pa ni/__rtsa brgyud bla ma sogs so/_/bzhi pa mjug gi don ni/__zhes sogs so/____/_!_dus 'khor zhes pa'i sgra don/__phyi rol tu nyin mo dang mtshan mo'i cha ni dus/__de la khyim gyi 'pho ba bcu gnyis/__'pho ba re re la nyin zhag sum cu/__nyin zhag re re la dbugs nyi khri chig stong drug brgya'i yun so sor phye ba ni 'khor lo zhes bya zhing /__de bzhin du nang la yang nyin zhag re re la dbugs21600/__'byung 'jug byed pa'i 'pho chen bcu gnyis kyi rgyu ba ni 'khor lo zhes bya la/__phyi nang ni dus kyi 'khor lo de gnyis po sbyong byed kyis sbyangs pas sbyangs 'bras dbugs kyi rgyu ba ma lus pa 'gog pa'i srog chen po ni dus dang /__sa bcu gnyis po re re la yang rlung stong brgyad brgya re'i rgyu ba 'gags pa'i sgo nas gzhi dus kyi 'pho chen bcu gnyis kyi 'khor lo ma lus pa 'gags pa'i ldog pa la 'dir 'bras bu dus kyi 'khor lo zhes brjod de/__rtsa rgyud las/__dus chen po ni srog chen po/__/'das pa'i dbugs bgrod zad pa las/__/stong phrag nyi shu rtsa gcig dang /__/brgya phrag drug gi dbugs rnams te/__/srid pa gsum du dbugs 'khor lo/__/'di ni dus kyi 'khor lor bshad/__/ces gsungs pa ltar ro/__/des na ngo bo gcig nyid la dbugs 21600'gags pa'i ldog pas dus dang /__'pho ba bcu gnyis 'gags pa'i ldog pas 'khor lor bzhag pa yin cing /__sangs rgyas ni mi 'gyur ba'i bde ba 21600rdzogs par thob pa'i ldog pa nas 'jog pa yin no/__/de yang dga' ba bcu drug rdzogs pa'i ldog pa nas de nyid bcu drug gi bdag nyid can gyi sangs rgyas zhes bya la/__'pho ba bcu gnyis 'gags pas bden don bcu gnyis dang ldan pa'i dus kyi 'khor lo zhes bya'o/__/stong dang snying rje'i bdag nyid can/__/srid gsum skye 'jig med pa yi/__/shes dang shes bya gcig pa'i sku/__/dpal ldan dus 'khor la phyag 'tshal/__/_h+k+k+Sh+m+l+W+r+ya~M/_!_'jam dpal sgyu 'phrul drwa ba las/__stong pa chen po yi ge lnga/_a i r-i u l-i/____/thig le stong pa yi ge drug ka tsa Ta pa ta sa/__/ces pa'i don/__dang po ni/__dbus su ye shes kyi phung po/____ye shes kyi khams/__nam mkha'i khams/__yid/__rna ba/__sgra/__chos khams/__mchog gi dbang po/__b+ha ga__/chu 'dzag pa/_khu ba 'dzag pa'i ngo bo rnams/__sgrib pa med pa nyid so so rang gi yul 'dzin pa rnam pa spangs pa gcig tu 'dres par gyur pa'i stong pa'i yi ge dang po/__a rnal 'byor pas rang gi rig par bya bas thams cad med pa ma yin pa'i mtshan nyid de nyid gzhom du med pa las yi ge'i gzugs stong pa brjod du med pa gri gug gi rnam pa'o/__/dbus ma gzhom du med pa'i mtshan ma de las/__shar du 'du byed kyi phung po/__rlung khams/__sna/__reg bya/__ngag gi dbang po/__bshang ba 'dzag pa sgrib pa med pa rnams gcig tu 'dres par gyur pa'i stong pa'i yi ge gnyis pa i brjod du med pa dbyug pa'i rnam pa'o/__/g.yas su tshor phung /__me khams/__mig__/ro/__lag pa/__'gro ba sgrib pa med pa rnams gcig tu 'dres par gyur pa stong pa'i yi ge gsum pa brjod du med pa tshegs drag gi rnam pa'o/__/g.yon du 'du shes kyi phung po chu khams/__lce/__gzugs/__rkang pa/__len pa sgrib pa med pa rnams gcig tu 'dres pa'i yi ge bzhi pa u brjod du med pa thig le'i rnam pa/__rgyab tu gzugs phung /__sa khams/__lus dbang /__dri/__gci ba 'dzag pa/__smra ba sgrib pa med pa rnams gcig tu 'dres pa stong pa'i yi ge lnga pa l-i brjod du med pa thong gshol gyi rnam pa ste/__wa~M yig stong pa chen po dmigs pa med pa snying rje'i bdag nyid can/__rdul phra rab kyi chos nyid las 'das pa rnal 'byor pas rtogs par byed pa'am rig byed do/__/de'i rten du gyur pa/__rnam shes kyi phung po/__nam mkha'i khams/__rna ba/__chos khams/__khu ba 'dzag pa/__sgrib pa dang bral ba rnam pa thams cad stong pa nyid dbus kyi mtshan ma'i steng du ka'i sde tshan gyi bdag nyid gsal byed kyi yi ge brjod du med pa ni thig le stong pa dang po/__shar gyi shar du 'du byed kyi phung po/__rlung khams sna/__reg bya/__ngag__/bshang ba 'dzag pa sgrib pa dang bral ba rnam pa thams cad stong nyid tsa sde'i sde tshan gyi bdag nyid gsal byed yi ge tsa brjod du med pa ni thig le stong pa gnyis pa/__g.yas kyi g.yas su tshor phung /__me khams/__mig__/ro/__lag pa'i dbang po/__'gro ba sgrib pa dang bral ba rnam pa thams cad stong pa nyid Ta'i sde tshan gyi bdag nyid gsal byed yi ge Ta brjod du med pa ni thig le stong pa gsum pa/__g.yon gyi g.yon du 'du shes kyi phung po/__chu khams/__lce/__gzugs/__rkang pa'i dbang po/__len pa sgrib pa dang bral ba rnam pa thams cad stong pa nyid pa'i sde tshan gyi bdag nyid gsal byed yi ge pa brjod du med pa ni thig le stong pa bzhi pa/__nub kyi nub tu gzugs phung /__sa khams/__lus/__dri/__gci ba 'dzag pa sgrib pa dang bral ba rnam pa thams cad pa'i stong pa nyid ta'i sde tshan gyi bdag nyid gsal byed kyi yi ge ta brjod du med pa thig le stong pa lnga pa/__dbus kyi 'og tu ye shes kyi phung po/__ye shes kyi khams/__yid/__sgra/__mchog gi dbang po/__chu 'dzag pa sgrib pa med pa rnam pa thams cad pa'i stong pa nyid sa'i sde tshan gyi bdag nyid gsal byed kyi yi ge sa brjod du med pa ni thig le stong pa drug pa'o/__/de dag chos kyi 'byung gnas a'i rnam pa dmigs pa dang bcas pa'i shes rab ma pra phab pa'i rang bzhin can rig bya'o/__/yul la gtod pa'i blo ni rig byed yin la/__gtod yul snang tsam pa de ni yul lo/__/de gnyis sbyar ba ni snang tsam nyams su myong na yul yul can gnyis su snang ba 'jig ste snang tsam rang bzhin ma grub pa'i gnad kyis so//___//__!