JKCL-KABUM-01-KA-001

🚧 This website is under continued development. We appreciate your patience!

First text in volume."KA" is not a number. Back to Volume Page"KA" is not a number.Next Text "KA" is not a number.

Wylie title
Location	chos kyi blo gros bka' 'bum Volume , Text 1, Pages (Folios to )
Author	འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་
Less details More details
Citation
Genre	"KA" is not a number.

1 Texts in this Section (sde tshan or chos tshan)

1-33	འཇམ་དབྱངས་ཆོས་ཀྱི་བློ་གྲོས་ཀྱི་རྟོགས་པ་བརྗོད་པ་སྒྱུ་མའི་རོལ་རྩེད། 'jam dbyangs chos kyi blo gros kyi rtogs pa brjod pa sgyu ma'i rol rtsed Autobiographies - Expressions of Realization - rtogs brjod	Text page View PDF
	[[|འཇམ་དབྱངས་མཁྱེན་བརྩེ་ཆོས་ཀྱི་བློ་གྲོས་ ()]]

"KA" is not a number.

Tibetan Text

Wylie

[edit]

༄༅། །མཉྫུགྷོཥདྷརྨསྱམཏཱིནཱཾབུདྡྷཾབརྒམཱཡཱལིལཙནམབིཧརཏིསྨ། །། ༄༅། །འཇམ་དབྱངས་ཆོས་ཀྱི་བློ་གྲོས་ཀྱི་རྟོགས་པ་བརྗོད་པ་སྒྱུ་མའི་རོལ་རྩེད་ཅེས་བྱ་བ་བཞུགས་སོ།། །། བླ་མ་མཚུངས་མེད་འགྲོ་བའི་མགོན། །བཀའ་དྲིན་ཅན་རྣམས་ཞབས་པད་མོར། །སྒོ་གསུམ་གུས་པས་འདུད་བྱས་ནས། །རྣམ་ཐར་བརྫུན་གཏམ་མདོར་བསྡུས་དབྱེ། །སྐྱེ་ངན་བདག་གི་སྐྱེ་བའི་ཡུལ། །ས་ཡི་མདུད་བཞིར་གྲགས་པ་ལས། །རེ་ཁེ་ཞེས་པའི་ཡུལ་གྱི་ལྗོངས། །གསེར་ལྡན་ཆུ་ཀླུང་འབབ་པའི་འགྲམ། །ཨ་བྱམས་ཞེས་པའི་ས་ཡི་ཆར། །བསྐྱེད་པའི་ཡབ་ནི་ཐུགས་རྗེ་དང་། །སྐུ་དྲིན་མཚུངས་བྲལ་རིག་པ་འཛིན། །འགྱུར་མེད་ཚེ་དབང་རྒྱ་མཚོར་གྲགས། །སྐུ་རུས་བདུད་འདུལ་གདུང་བརྒྱུད་ནི། །རྒྱལ་སྲས་པདྨ་དབང་རྒྱལ་གྱིས། །གསང་གསུམ་བྱིན་གྱིས་བརླབས་པ་ཡི། །ནུས་ལྡན་ནམ་མཁའི་རྣལ་འབྱོར་ཞེས། །གཏེར་སྟོན་རིག་འཛིན་ཆེན་པོ་ཡི། །སྐུ་སྲས་དམ་པ་དེ་ཉིད་དང་། །ཨ་ལྕགས་འབྲུ་ཡི་རིགས་ལས་ནི། །ཨ་མདོ་གསེར་གྱི་བྱ་བྲལ་བ། །ཞེས་གྲགས་གྲུབ་ཐོབ་དེ་ཉིད་ཀྱི། །རིགས་སོན་ཚུལ་ཁྲིམས་མཚོ་ཞེས་པའི། །བུ་རུ་ཆུ་མོ་སྦྲུལ་གྱི་ལོ། །སྟོན་ཟླའི་སྐོར་ཞིག་སྐྱེས་པར་གྲགས། །གཟའ་སྐར་རྨི་ལྟས་ལ་སོགས་པ། །ཡབ་ཡུམ་ཐུགས་སྣང་སྤྲོས་མེད་པས། །ཡིག་ཐོར་བཀོད་སོགས་མ་བྱུང་འདུག །དེ་ནས་རིམ་གྱིས་སྐྱེད་བསྲིང་སྟེ། །ལོ་དྲུག་ཙམ་དུ་སོན་པ་ན། །ཞང་པོ་བླ་མ་དགེ་ལེགས་མདུན། །ཡིག་ངོ་བསྟན་པར་འཇོག་བྱས་ཏེ། །ཀ་སྨད་སུམ་ཅུ་འདོགས་བཅས་དང་། །མཎྜལ་དགོངས་འདུས་ཡན་ལག་བདུན། །སློབ་ཁུལ་བྱས་ཏེ་སྐབས་ཤིག་ཏུ། །བྲག་དམར་ཡིད་བཞིན་དབང་རྒྱལ་ལས། །ཚེ་དབང་ཞིག་ཀྱང་ཆོས་འབྲེལ་ཐོབ། །ལོ་བདུན་ལོན་དུས་ཀཿཐོག་ནས། །སི་ཏུ་མ་ཧཱ་པཎྜི་ཏས། །ཕེབས་བསུར་བཏང་བ་དགུན་ཟླའི་ཚེས། །འོག་མིན་དཔལ་གྱི་ཀཿཐོག་ཏུ། །འབྱོར་ཉིན་ཁ་བ་ཆེན་པོ་བབས། །རྟེན་འབྲེལ་ལེགས་པའི་དགེ་མཚན་བཅས། །རྫོང་མགོ་བཀྲ་ཤིས་ཁང་གསར་གྱི། །ཀློང་གསལ་གཟིམ་ཁང་ནང་དེར་བསྡད། །གཟའ་ཚེས་དགེ་བར་སྐྱབས་རྗེ་ཡིས། །ལྷ་ཆེན་དཔལ་འབར་ཐུབ་དབང་མདུན། །གཙུག་ཕུད་བླངས་ཏེ་མིང་བཏགས་གནང་། །འཇམ་དབྱངས་བློ་གྲོས་རྒྱ་མཚོར་འདོགས། །མི་རིང་དགེ་རྒན་བཀའ་དྲིན་ཅན། །ཐུབ་བསྟན་རིག་འཛིན་རྒྱ་མཚོ་དང་། །ལྷན་ཅིག་བར་ཁྲོད་ཆོས་གླིང་དུ། །བསྡད་ནས་ཀློག་ལ་ལེགས་པར་བསླབས། །ལོ་གཅིག་ཁོངས་སུ་ཡིག་དཀར་ནག །པུསྟི་བཅུ་སྐོར་ལེགས་པར་བྱང་། །རང་ལོ་དགུ་པའི་དགུན་དེ་རུ། །སི་ཏུ་བླ་བྲང་འབྲུ་ལྡོམ་དུ། །ཧོར་པོར་ཕྱིན་ཚེ་ལོ་ཆུང་བས། །སྡུག་བསྔལ་དཀའ་ཚེགས་དཔག་མེད་བྱུང་། །གླིང་དཀར་ཆོས་རྒྱལ་ཡབ་ཡུམ་མཇལ། །གང་བློ་མ་ཞིག་བློ་ནས་བཤད། །བླ་མ་དྲན་པའི་གདུང་ཤུགས་ཀྱིས། །ཡབ་ཡུམ་གཉིས་ཀས་སྤྱན་ཆབ་བསིལ། །དེ་ནས་བཟུང་སྟེ་མཆོད་ཡོན་གཉིས། །དམ་གཙང་སེལ་མེད་དད་བརྩེ་ཆེ། །ཡོངས་འཛིན་སྐུ་དྲིན་ཅན་དེ་ལས། །སྔ་རྗེས་བྲིས་དང་སྔོན་འགྲོའི་ཁྲིད། །ངག་སྒྲོན་སུམ་རྟགས་ལན་གཉིས་དང་། །སྤྱོད་འཇུག་ཡོན་ཏན་རིན་ཆེན་མཛོད། །དབྱངས་ཅན་སྒྲ་འགྲེལ་བསྐྱེད་རིམ་ཁྲིད། །དེ་རྣམས་གོ་དོན་བཤད་ཁྲིད་སྩལ། །ངག་སྒྲོན་གཞན་ལ་བཤད་ཁུལ་བྱས། །དགེ་རྩེ་པཎ་ཆེན་བཀའ་འབུམ་ལུང་། །ཆོ་ག་ཕྱག་ལེན་ཞིབ་པར་སྩལ། །ཟ་གྱོན་བྱེད་ལུགས་ཚུན་ཆད་ཀྱི། །བླང་དོར་གནས་རྣམས་སྟོན་པ་ཡི། །སྐུ་དྲིན་ད་ལྟ་བསམ་ཙ་ན། །མིག་ནས་མཆི་མ་འཁྲུགས་པ་ཡོད། །བྱང་ཆུབ་བར་དུ་ཐུགས་རྗེས་ཟུངས། །ང་ལ་ཡོན་ཏན་ཅི་ཡོད་པ། །རྗེ་དེ་ཁོ་ནའི་ཐུགས་རྗེ་ཡིན། །དེ་དག་རྣམས་ཀྱི་སྐབས་རྣམས་སུ། །སྐྱབས་རྗེ་ཐམས་ཅད་མཁྱེན་པ་ལས། །བཀའ་བརྒྱད་འདུས་མདོ་བཀའ་མ་དང་། །སྙིང་ཐིག་ཡ་བཞི་ཞི་ཁྲོ་སོགས། །དབང་ལུང་རྒྱ་ཆེན་ཐོབ་གྱུར་ཀྱང་། །རང་ཉིད་ན་ཕྲ་ཐོབ་ཡིག་ནི། །བཀོད་མ་བཏུབ་པས་ཆེར་མ་གསལ། །སི་ཏུ་པཎ་ཆེན་དང་ལྷན་ཅིག །མཁྱེན་བརྩེའི་མཆོད་དཔོན་ཤེས་རབ་ལས། །ས་སྐྱ་བཀའ་འབུམ་རྩེ་ལེ་ཡི། །གསུང་འབུམ་ལུང་སོགས་ནོས་པ་བྱུང་། །ཐམས་ཅད་གཟིགས་པས་མཁན་པོ་དང་། །ལས་སློབ་རིག་འཛིན་རྒྱ་མཚོ་སོགས། །དགེ་འདུན་འཚོགས་ལས་དགེ་ཚུལ་གྱི། །སྡོམ་པའི་བཀའ་དྲིན་སྩལ་བ་དང་། །གཙུག་ལག་ལུང་རིག་ཉི་མ་ནི། །སྨྲ་བའི་སེང་གེ་ཞེས་བྱར་བཏགས། །འདི་ནས་བཟུང་སྟེ་རྟེན་བསྒྱུར་བར། །རྩ་བ་བཞི་དང་འགལ་བ་མེད། །ཀློང་གསལ་བདུད་འདུལ་དབང་ཡོངས་རྫོགས། །རྗེ་ཡི་ཞལ་སྔ་ནས་ཐོབ་ཅིང་། །ལུང་རྣམས་ཞིང་སྐྱོང་རྗེ་དབོན་གསུངས། །དེ་ལས་ཀྱང་ནི་སྔ་རྗེས་སུ། །མཁྱེན་གསུང་འཐོར་བུ་པོད་གཉིས་དང་། །མགོན་པོ་ཚོགས་བདག་པོད་ལུང་དང་། །བཀའ་འདུས་མ་ཎི་བཀའ་འབུམ་གྱི། །ལུང་དང་མངོན་དགའི་ཞིང་སྦྱོང་གི། དབང་སོགས་ཆོས་འབྲེལ་མང་དུ་ཐོབ། །དམན་ལ་ཐུགས་གཙིགས་ཆེར་མཛད་དེ། །ཕ་མ་ལྟ་བུའི་སྐུ་དྲིན་བསྐྱངས། །ཀཿཐོག་དབྱར་དགུན་སྒྲུབ་མཆོད་ཀྱི། །ཚོགས་ཐོག་སྔ་རྗེས་འགའ་ཞིག་ཕྱིན། །ལོ་གྲངས་བཅུར་སོན་དེ་ཉིད་ལ། །དབྱར་གནས་བསྡད་ཅིང་བཤད་བྱའི་ཡན་ལག །འཚོགས་རྒྱུགས་ཕུལ་བའི་ཁུལ་ཡང་བྱས། །བཅུ་གཅིག་ལོ་དེར་ཡོངས་འཛིན་ལས། །དབྱངས་ཅན་སྒྲ་འགྲེལ་རི་མོ་སྦྱངས། །དེ་ཡི་བར་ལ་ཉག་ཁོག་ཏུ། །འབྲུ་ལྡོམ་དབྱར་སྟོད་ཁྲོམ་ཁོག་སོགས། །དཀར་ལྡོམ་ཕྱིན་ཅིང་བཅུ་གཉིས་ལོར། །ས་རིས་ལྔ་བསྡུས་ཟླ་གསུམ་རིང་། །སློབ་དཔོན་ཞལ་གྱི་རྗེས་ཟློས་དང་། །མཛུབ་མོས་བརྡ་སྤྲོད་ཁོ་ན་ལས། །ཅུང་ཟད་ཙམ་ཡང་མ་ཤེས་སོ། །ཀཿཐོག་འདུ་ཁང་ཞིང་སྒྲུབ་ཀྱི། །འཚོགས་ཕྱིན་བདེ་སྨོན་བཤད་པ་བྱས། །ཀུན་གྱིས་ཡ་མཚན་ཆེ་བར་བརྩི། །ཁྲོམ་ཁོག་འགྲོ་སྐབས་འབྲུག་སྒར་དུ། །བཀའ་དྲིན་མཚུངས་མེད་རིག་འཛིན་རྗེ། །སྣ་ཚོགས་རང་གྲོལ་གསེར་ཞལ་མཇལ། །རྗེ་ཡི་དག་སྣང་བསྔགས་བརྗོད་དང་། །ཚེ་དབང་གནང་སྦྱིན་རྒྱ་ཆེར་མཛད། །སྔ་ཕྱིར་ལན་གྲངས་མང་དུ་མཇལ། །དགོངས་ཟང་ཀློང་སྙིང་སྨིན་གྲོལ་དང་། །བླ་མ་ཡང་ཏིག་རྗེ་ཉིད་ཀྱི། །གཏེར་གསར་སྐོར་དང་རྫོགས་ཆེན་གྱི། །ཁྲེགས་ཐོད་ངོ་སྤྲོད་བོགས་འདོན་གནང་། །ལུགས་གཉིས་བཀའ་དྲིན་ཚད་མེད་ཆེ། །བཅུ་གསུམ་ལོ་དེར་སྐུ་དྲིན་ཅན། །དགེ་རྒན་དེ་ཉིད་ཞིང་དུ་གཤེགས། །ད་ཕྲུག་ཐང་དཀྱིལ་ལུས་པར་གྱུར། །ལོང་བ་མགོན་མེད་བཞིན་དུ་འཁྱམས། །ཡོངས་འཛིན་དམ་པ་དེ་ཉིད་ནི། །ལོ་གསུམ་བཏུད་མར་བད་ཀན་བསྙུངས། །དེ་རྣམས་ཀུན་ལ་རང་ཁེར་བུས། །ཇ་བཀོལ་ཆུ་ལེན་བསྙུན་གཡོག་སོགས། །ཞབས་ཕྱི་དཀའ་བ་མེད་པར་སྒྲུབ། །དེ་ཡིས་སྒྲིབ་པ་ཅུང་བྱང་སྙམ། །དགུང་ཞག་ཚར་ནས་རྡོ་རྗེ་འཆང་། །གྲྭ་ལག་དགོན་དུ་ཕེབས་པ་ཡི། །ཞབས་ཕྱིར་བཀྲི་ཞིང་བར་མཚམས་སུ། །གསང་བ་སྙིང་པོ་བློར་བླངས་ཤིང་། །འབྲོག་སྡེར་ལྡོམ་བསྐོར་ལ་ཡང་ཕྱིན། །སླར་འབྱོར་མངོན་རྟོགས་རྒྱན་རྩ་བཟུང་། །དགུན་དེར་ཚོགས་ཆེན་འདུས་པ་ཡི། །རྒྱལ་ཚབ་བྱས་ཤིང་རྒྱུད་སྡེའི་གྲྭར། །ཞུགས་ནས་འཇམ་བསྟོད་གང་བློ་དང་། །ཁྱད་པར་འཕགས་བསྟོད་ལྷ་ཕུལ་བྱུང་། །ཕུང་ལྔའི་རབ་དབྱེ་སྤྱོད་འཇུག་དང་། །སྡོམ་གསུམ་ཡོན་མཛོད་ཡིད་བཞིན་མཛོད། །མཁས་འཇུག་མངོན་རྒྱན་འབྱེད་གཉིས་དང་། །རྒྱུད་བླ་མདོ་རྩ་དབུ་རྒྱན་སོགས། །སི་ཏུ་པཎ་ཆེན་ཀུན་དཔལ་དང་། །བསྟན་བཟང་ཨ་ཀ་ལ་སོགས་པའི། །ཞལ་ནས་བཤད་པ་རྒྱ་ཆེར་ནོས། །ཀུན་གཟིགས་འཁོར་ལོའི་མགོན་པོ་ལས། །སེམས་བསྐྱེད་སྲོལ་གཉིས་སྒྱུ་འཕྲུལ་གྱི། །ཞི་དང་ཁྲོ་བོའི་དབང་བསྐུར་སོགས། །དབང་ལུང་འགའ་དང་རྙིང་རྒྱུད་ལུང་། །གསང་སྙིང་བཤད་པ་རྒྱ་ཆེར་ནོས། །ཁྱད་པར་མཁན་ཆེན་བླ་མ་ནི། །ཀུན་བཟང་དཔལ་ལྡན་ཆོས་གྲགས་ཀྱིས། །ཐུགས་བརྩེ་ཆེན་པོས་ལེགས་བསྐྱངས་ཏེ། །སྔ་རྗེས་གཞུང་གི་དཀའ་གནད་སོགས། །བཀའ་དྲིན་སྩལ་ལས་ཨ་མྱེ་ཡི། །གོ་བ་རྒྱུད་ལ་ཆགས་ཙམ་བྱུང་། །བཅུ་བཞི་ལོར་ཡང་གཞུང་ལུགས་ལ། །སྦྱངས་ཤིང་བར་སྐབས་དབང་ལུང་དང་། །དབྱར་གནས་ལ་སོགས་འཚོགས་སུ་ཕྱིན། །བཅོ་ལྔའི་ལོ་དེར་རྫོང་གསར་གྱི། །ཡང་སྲིད་ཞིང་གཞན་འཕོས་པ་དང་། །གོང་མའི་སྐུ་དབོན་བསྙུང་བ་ཡི། །འདའ་ཀའི་ཞལ་ཆེམས་སི་ཏུ་རྗེར། །གནད་བཀར་སྟབས་ཀྱིས་དཀོར་རྐྱལ་བདག །གདན་སའི་སྟེང་དུ་འཁོད་དགོས་བྱུང་། །རང་ཉིད་མ་གཏོགས་སྐུ་བཅར་བ། །གཞན་མེད་རང་ཚུགས་བཟུང་ཁུལ་བྱས། །སྔོན་གྱི་ལས་ངན་འགའ་ཞིག་གི། བྱེད་པས་གང་ཟག་རེས་འགའ་ཡི། །མིག་སྔར་མི་མཛའ་སྡང་གྱུར་ཀྱང་། །སྙེམས་པ་མེད་པའི་བརྟུལ་ཞུགས་ཀྱིས། །གདན་ས་མ་ཤོར་ཙམ་ཞིག་བྱུང་། །བྱམས་པ་ཆེན་པོ་ལ་གནས་པས། །སྡང་ཞི་རང་ལ་འདུན་པར་གྱུར། །སྐྱབས་རྗེ་དམ་པའི་བཀའ་ཕེབས་ནས། །མཁན་པོ་སྐལ་བཟང་དབང་ཕྱུག་ལས། །བྱམས་ཆོས་མ་ཐོབ་ལྷག་རྣམས་དང་། །མངོན་མཛོད་དབུ་མ་རྩ་འཇུག་དང་། །ཤེར་ཕྱིན་སྡུད་པ་སྦྱངས་བརྩོན་བྱས། །དེ་སྐབས་རྫོང་གསར་དགོན་པ་ཡི། །གྲྭ་པ་ཉི་ཤུ་སྐོར་ཙམ་ལ། །སྤྱོད་འཇུག་སྡོམ་གསུམ་མདོ་སྡུད་དང་། །རྒྱུད་བླ་བཟང་སྤྱོད་ལ་སོགས་བཤད། །ས་བྱ་ལོ་ལ་རྡོ་རྗེ་འཆང་། །དྲན་པས་སྙིང་གི་གདུང་སེལ་མགོན། །བློ་གཏེར་དབང་པོའི་ཞབས་པད་བཅར། །དགྱེས་པས་གོས་ཆེན་སིའུ་ཡི། །སྙེལ་འབོལ་བཅས་པའི་གདན་སྟེང་འཇོག །སྔོན་ལས་འབྲེལ་བ་མཐུ་བཙན་པས། །གུས་ཤིང་དད་གདུང་ཆེན་པོ་སྐྱེས། །དེ་ནས་མི་རིང་རྡོ་རྗེ་འཆང་། །དེ་ཉིད་དང་ནི་བྲག་ར་ནས། །བཀྲ་ཤིས་རྣམ་གཉིས་ལྷན་རྒྱས་པས། །རྒྱུད་སྡེའི་དབང་ཆེན་དབུ་ཚུགས་ཤིང་། །རིགས་ཀྱི་བདག་པོ་ཆེན་པོ་ཡིས། །ཞེན་པ་བཞི་བྲལ་དོན་བདུན་མའི། །ཁྲིད་སྐོར་ཤིན་ཏུ་མང་པོ་དང་། །དབུ་མ་ལུགས་ཀྱི་སེམས་བསྐྱེད་དང་། །རིགས་གསུམ་སྤྱི་དཀྱིལ་ནས་བརྩམས་ཏེ། །དབང་ཆེན་མང་པོ་དག་ཀྱང་ནོས། །ལམ་འབྲས་སློབ་བཤད་ཁྲིད་ཚང་དང་། །ཀྱེ་རྡོར་རྒྱུད་བཤད་རྒྱས་པ་ནོས། །སློབ་བཤད་ཀུན་གཞི་རྒྱུ་རྒྱུད་ཀྱི། །ལྟ་བ་འཁོར་འདས་དབྱེར་མེད་སྐབས། །སེམས་འཚོལ་ངོ་སྤྲོད་ཉིན་བདུན་མཛད། །སེམས་ངོའི་གོ་དོན་ཕྱོགས་ཙམ་རིགས། །རྡོ་རྗེ་འཆང་ཆེན་འདི་ཉིད་ལ། །ལུང་རྟོགས་བསྟན་པའི་ཉི་མ་ཡི། །མན་ངག་སྙིང་ཏིག་མྱོང་ཁྲིད་ཀྱི། །དོན་བརྒྱུད་ཟབ་མོ་དག་ཀྱང་བཞུགས། །དོན་གཉེར་འགའ་ལ་དོན་བདུན་མའི། །བཤད་པ་ཞིག་ཀྱང་བྱེད་ཁུལ་དང་། །མཁན་ཆེན་གཞན་ཕན་རིན་པོ་ཆེས། །རྒྱུད་བཤད་སྐྱོར་ཆེན་མཛད་པ་ཡི། །སྤྱི་རྣམ་ལྗོན་ཤིང་ཕྱེད་ཡན་ལ། །ཡང་སྐྱོར་བྱེད་པའི་ཁུར་ཡང་བླང་། །མཁས་དབང་དེ་ལས་མདོ་རྩ་ཡི། །བཤད་པ་ཚར་གཅིག་ལེགས་པར་ནོས། །ཐར་རྩེ་མཁན་ཆེན་མ་ཕེབ་པའི། །རྐྱེན་གྱིས་རྣལ་འབྱོར་རྒྱུད་རྫོགས་ནས། །མི་ཏྲ་བརྒྱ་རྩ་ངོར་དཀྱིལ་བདུན། །རྭ་ཚར་འཇིགས་བྱེད་དབང་ཆེན་དང་། །ལམ་འབྲས་ངག་ཆོས་ཁྲིད་ཡིག་སྟེང་། །སུམ་ཁྲིད་བཀྲ་ཤིས་ཞབས་ལས་ཐོས། །རྒྱུད་བཏུས་ཕྱིར་འགྱང་གྱུར་པ་དང་། །ཟླ་བ་བདུན་ཙམ་ཐལ་གྱུར་ཅིང་། །ཡབ་རྗེ་རིག་འཛིན་ཆེན་པོ་ཉིད། །གཏེར་མཛོད་གནང་བར་ཕེབས་ཡོད་ཀྱང་། །གལ་གནད་ཆེ་ཆུང་ལྟ་བུ་ཡི། །དེ་བར་རྫོང་སར་བཞུགས་ཡོད་པའི། །སེམས་ཁྲལ་ཆེན་པོས་དགོངས་པ་ཞུས། །ལྷ་དང་བླ་མར་འཕྲེང་བཞིན་དུ། །རང་གནས་བཀྲ་ཤིས་ལྷ་རྩེར་འབྱོར། །ལྕགས་ཁྱི་ཆོ་འཕྲུལ་ཟླ་བ་ཡི། །གཟའ་སྐར་བཟང་པོ་ནས་བརྩམས་ཏེ། །འདུས་པ་མདོ་དབང་དོང་སྤྲུགས་སོགས། །དབང་ཆེན་རྣམས་ཀྱིས་སྒོ་ཕྱེས་ནས། །རིན་ཆེན་གཏེར་མཛོད་ཆེན་པོ་དང་། །མཆོག་གླིང་གཏེར་གསར་ཡོངས་རྫོགས་ཀྱི། །དབང་ལུང་ཟླ་བ་བརྒྱད་ལ་གནང་། །བཀའ་དྲིན་ཚད་མེད་བླ་མ་རྗེ། །བྱང་ཆུབ་སྙིང་པོའི་མཐར་ཐུག་བར། །སྐུ་དྲིན་གཞལ་བྱའི་ཡུལ་ལས་འདས། །རྟག་ཏུ་བླ་མར་མཆོད་པ་འབུལ། །ལྕགས་ཕག་རྡོ་རྗེ་འཛིན་པའི་རྒྱལ། །མཁན་ཆེན་བསམ་གཏན་བློ་གྲོས་ལས། །སྒྲུབ་ཐབས་ཀུན་ལས་བཏུས་པ་ཡི། །སྨིན་གྲོལ་ཡོངས་སུ་རྫོགས་པ་དང་། །མཁའ་སྤྱོད་པོད་ལུང་སོགས་ཀྱང་ཐོབ། །འདི་ལོ་ཡབ་རྗེ་རིག་པ་འཛིན། །པདྨ་འོད་ཀྱི་གྲོང་དུ་གཤེགས། །དགོངས་རྫོགས་མཆོད་སྤྲིན་དག་ཀྱང་སྤྲོས། །ཆུ་བྱི་ལོ་ལ་ཝ་ར་ཡི། །ཐར་རྩེ་ཞབས་དྲུང་རིན་པོ་ཆེ། །བྱམས་པ་ཀུན་བཟང་བསྟན་ཉི་ལས། །རྣལ་འབྱོར་བླ་མེད་མན་ཆོད་ཀྱི། །རྒྱུད་སྡེའི་དབང་ཆེན་གྲངས་མང་པོ། །ཟླ་བ་བཞི་ལྷག་ཙམ་ཞིག་ཞུས། །མཁས་བཙུན་བཟང་པོའི་ཡོན་ཏན་ནི། །འགྲན་ཟླ་མེད་པར་བཞུགས་གྱུར་ཀྱང་། །སྐུ་ཚེ་རིང་པོ་མ་ཐུབ་པས། །འགྱོད་པ་ཆེན་པོས་གདུང་བར་གྱུར། །ཀུན་བཟང་དཔལ་ལྡན་ཆོས་གྲགས་ལས། །ཚད་མ་རྣམ་འགྲེལ་བཤད་ཁྲིད་དང་། །དུས་འཁོར་རྒྱུད་འགྲེལ་སོགས་ཀྱང་ཐོབ། །མཁས་དབང་བཀྲ་ཤིས་ཆོས་འཕེལ་ལས། །ཤངས་ཆོས་དུས་འཁོར་ལ་སོགས་པའི། །བཀའ་དྲིན་རྒྱ་ཆེ་གྲངས་མང་ནོས། །རང་ལོ་ཉེར་ལྔར་སོན་པ་ན། །གོ་འཇོའི་ལྗོངས་སུ་གདུལ་བྱར་སོང་། །འདིས་མཚོན་གདན་སར་འབྱོར་ནས་ཀྱང་། །དབྱར་དགུན་དཀོར་སྡུད་མང་དུ་བྱས། །དད་རྫས་ཆུད་ཟོས་མ་ཤོར་བ། །བཤད་སྒྲུབ་སྡེ་ཚོགས་གསར་འཛུགས་དང་། །གོང་མའི་གསུང་རབ་པུསྟི་ཀཿ། བཅུ་གསུམ་ལྷག་ཙམ་པར་དུ་བསྐྲུན། །མཁའ་སྤྱོད་བེའུ་བུམ་པོད་གསུམ་དང་། །འདུས་མདོའི་འགྲེལ་དང་གསང་སྙིང་ཊིཀ། མི་ཕམ་གསུང་པོད་གཉིས་ལྷག་དང་། །མདོ་སྔགས་གཞུང་འགྲེལ་རྩ་བ་སོགས། །སྔ་ཕྱིར་གླེགས་བམ་མང་པོ་བརྐོས། །ས་རྟ་རང་ལོ་ཉེར་དྲུག་དུས། །བཤད་སྒྲུབ་དར་རྒྱས་གླིང་ཆེན་པོའི། །ཆོས་སྡེ་བཏབ་ནས་མཁན་ཆེན་པ། །གཞན་ཕན་བྱམས་པའི་གོ་ཆ་ཡི། །ཐུགས་བསྐྱེད་རྒྱུན་ལས་ད་ལྟའི་བར། །མ་ཉམས་གནས་པ་འདི་ཉིད་ཀྱིས། །བསྟན་ལ་ཅུང་ཟད་ཕན་པར་གྱུར། །འདི་ལོ་ཕུག་དགོན་སྨན་སྒྲུབ་ཞོར། །རུ་དམ་བསམ་གཏན་གླིང་དུ་ཕྱིན། །བརྟན་མཁས་བཟང་པོའི་ཡོན་ཏན་ཕུལ། །བློ་གསལ་ཞབས་ལས་བསྙེན་རྫོགས་ཀྱི། །སྡོམ་པ་ཐོབ་ཀྱང་རྟེན་འབྲེལ་འབྲིང་། །ཕུག་དགོན་བཀའ་བརྒྱད་སྨན་སྒྲུབ་སྐབས། །ཞེ་ཆེན་རྒྱལ་ཚབ་རྡོ་རྗེ་འཆང་། །གསེར་ཞལ་ཐོག་མར་མཇལ་བ་དང་། །ཡང་སྙིང་ཀུན་འདུས་ཚེ་དབང་ནོས། །ཐུན་མིན་དགྱེས་བརྩེས་ཁྱབ་པར་མཛད། །དེ་རྗེས་རྫོང་གསར་ཕྱག་ཕེབས་ནས། །རྒྱུན་རིང་བཞུགས་སྟན་ཆགས་པ་དང་། །བྱང་གཏེར་ལ་སོགས་གཏེར་རྙིང་སྐོར། །དབང་ལུང་རྒྱུན་དཀོན་མང་དུ་སྩལ། །ས་སྤྲེལ་རྒྱལ་ཚབ་རིན་པོ་ཆེས། །སྨིན་གླིང་དབང་ལུང་འགའ་ཞིག་དང་། །སྐུ་བསྙུན་ཞབས་བརྟན་གསོལ་བཏབ་ཞུས། །བྱང་ཕྱོགས་རྡོ་སྒར་ཕྱིན་ནས་ནི། །ཀུན་མཁྱེན་བསྟན་པའི་ཉི་མ་མཇལ། །རིགས་འདུས་ཐིག་རྒྱའི་སྨིན་བྱེད་དང་། །ཀློང་སྙིང་བཀའ་ཁྲིད་གསང་སྙིང་གི། སྤྱི་དོན་ལྗགས་བཤད་བཀའ་དྲིན་སྩལ། །བསླབ་བྱ་ཞལ་གདམས་ལྷུག་པར་གནང་། །མགོན་པོ་གང་གི་གསུང་རབ་རྣམས། །ལུང་མ་ཐོབ་ཀྱང་སྤེལ་ཆོག་པའི། །བཀའ་ལུང་ནོས་ཤིང་ཐུགས་བརྩེ་བའི། །ཤིན་ཏུ་གཟིགས་པ་ཆེན་པོས་བསྐྱངས། །ལས་གླིང་མཇལ་ནས་ཕུར་སྐོར་དང་། །གྲོལ་ཐིག་སྨིན་གྲོལ་ཐོབ་པ་བྱུང་། །ཆུ་བྱི་སོ་གཉིས་ལོན་པའི་དུས། །ཞེ་ཆེན་ཆོས་གྲྭ་ཆེན་པོ་ཡི། །རི་ཁྲོད་བཀྲ་ཤིས་བདེ་མཆོག་གླིང་། །འཁོར་ལོའི་མགོན་པོ་པདྨའི་མཚན། །སེང་གེའི་ཁྲི་ལ་བཞུགས་པ་དང་། །སྟོན་འཁོར་ཕུན་སུམ་ཚོགས་པ་ལས། །སྒྲུབ་བརྒྱུད་ཤིང་རྟ་ཆེ་བརྒྱད་ཀྱི། །གཞུང་གདམས་མན་ངག་མཛོད་ཆེན་པོའི། །སྨིན་གྲོལ་རྒྱབ་བརྟེན་བཅས་པ་དང་། །གཏེར་མཛོད་བཀའ་རྒྱའི་སྨིན་གྲོལ་སྩལ། །སྐྱབས་རྗེ་ཡིད་བཞིན་ནོར་བུ་འདིས། །ལུགས་གཉིས་བརྩེ་བ་ཆེན་པོས་བསྐྱངས། །མཚུངས་མེད་ཐུགས་རྗེའི་གཏེར་གཅིག་གོ། པདྨ་དྲི་མེད་བློ་གྲོས་ལས། །ཀུན་བཟང་རྣམ་རྒྱལ་བཀའ་འབུམ་དང་། །སྙིང་ཏིག་ལུགས་གཉིས་མདོ་དབང་སོགས། །སྔ་རྗེས་དབང་ཆོས་རྒྱ་ཆེར་ཐོབ། །སྡེ་དགེ་ཆོས་རྒྱལ་གོང་མ་ཡི། །དྲྭ་སྒང་སྒྲུབ་སྡེ་ཉམས་པ་ལ། །ཕོག་ཐེབ་འབྲི་མ་བརྒྱ་ལྷག་དང་། །རྡིལ་ཚད་སུམ་ཅུ་སྐོར་ཙམ་བཞག །སྒྲུབ་གཤག་གསར་དུ་བཞེངས་པར་བྱས། །གསུང་ངག་ཉམས་ལེན་གཙོར་བྱས་པའི། །སྙན་བརྒྱུད་སྒྲུབ་སྡེ་དག་ཀྱང་བཙུགས། །དེ་ནས་ཁྱུང་པོའི་ནང་ཁུལ་དུ། །གཞུང་གི་མཁན་ཆུང་དབང་ནོར་གྱིས། །གདན་ཞུས་ཡ་བཞི་ཀློང་སྙིང་སོགས། །དབང་ཆོས་འབྲེལ་པ་ཅི་རིགས་བྱས། །ཆུ་གླང་ལྷ་གདན་གནས་བསྐོར་དང་། །ཇོ་ཤཱཀ་མདུན་དུ་ཕྱག་མཆོད་ཕྱིན། །སྨོན་ལམ་ཡིད་ནི་ཚིམ་པར་བཏབ། །རྒྱལ་དབང་ཐུབ་བསྟན་རྒྱ་མཚོ་ཡི། །མཚན་དཔེ་མཇལ་དང་བྱང་ཆུབ་ཀྱི། །ལམ་སྒྲོན་ཆོས་ཀྱི་བཀའ་འབྲེལ་ནོས། །ཞབས་པད་བརྟན་པའི་འདུན་སྨོན་ཞུས། །གོང་མའི་རྣམ་ཐར་རྗེས་མཐུན་པར། །སྨིན་གྲོལ་ཆོས་ཀྱི་གླིང་ཆེན་དུ། །ངག་དབང་ཐུབ་བསྟན་ནོར་བུ་ལས། །བསྙེན་རྫོགས་སྡོམ་པ་བསྐྱར་ཏེ་བསྒྲུབ། །ལོ་དེའི་ཟླ་བར་ཁྱུང་པོར་འབྱོར། །ལམ་རྒྱུད་གནས་བརྟན་མཆོག་གླིང་དང་། །རྩི་ཀེ་སྤྲུལ་སྐུ་རིན་པོ་ཆེ། །སོགས་ལས་མཆོག་གླིང་གཏེར་ཆོས་སོགས། །དབང་ཆོས་འགའ་ནོས་སྐབས་དེ་རུ། །དྲན་པས་སྲིད་ཞིའི་གདུང་སེལ་མགོན། །སི་ཏུ་ཐམས་ཅད་མཁྱེན་པ་ཆེ། །ཆུ་གླང་ལོ་ལ་སྐུ་གཤེགས་པའི། །གཏམ་ངན་སྐལ་མེད་རྣ་བར་སོན། །དགོངས་རྫོགས་གསོལ་འདེབས་མཆོད་འབུལ་བྱས། །རྗེ་དེ་གཤེགས་ནས་ལོ་མང་པོར། །རྨི་ལམ་གནས་སྐབས་ཕལ་ཆེར་མཇལ། །མགོན་ཁྱོད་དབྱིངས་སུ་གཤེགས་ན་ཡང་། །བདག་ཉིད་ཐུགས་བརྩེས་བཟུང་ངེས་སྙམ། །དགའ་སྐྱོ་འདྲེས་མར་རྒྱུན་དུ་མཆིས། །ས་དབང་སྨན་སྟོད་བཀའ་ཕེབས་བཞིན། །ཆབ་མདོ་བྱམས་པ་གླིང་དུ་འབྱོར། །གཞུང་རིམ་གཤིན་རྗེའི་བཟློག་པ་དང་། །གནས་བརྟན་ཆོ་ག་ལ་སོགས་སྒྲུབ། །བློན་ཆེན་ཉིད་ལ་དབང་ཁྲུས་དང་། །ཆོས་དབྱིངས་མཛོད་ཀྱི་བཤད་ཁྲིད་བྱས། །མཁས་དབང་དགེ་བཤེས་འཇམ་རོལ་ལས། །གསང་འདུས་དབང་ཆེན་ལ་སོགས་པ། །སྔ་ཕྱིར་དབང་ཆེན་འགའ་རེ་ནོས། །འཇིགས་བྱེད་ལྷ་ཁང་ཡང་རྩེ་རུ། །བདེ་མཆོག་ཚེ་སྒྲུབ་ཆོ་ག་ཡིས། །ངོས་ལ་རིང་འཚོའི་རྟེན་འབྲེལ་མཛད། །རང་གནས་འབྱོར་རྗེས་ཞེ་ཆེན་དུ། །སྐྱབས་རྗེ་རྒྱལ་ཚབ་རིན་པོ་ཆེར། །མཚམས་ཞུས་མཇལ་དར་ཕུལ་བར་བཏང་། །དེ་ཡི་གསུང་ལན་ཕྱག་བྲིས་མར། །ཀཿཐོག་སི་ཏུ་པཎ་ཆེན་གཤེགས། །རྒན་བུ་ཡང་ནི་འཆི་ཉེར་གྱུར། །རྙིང་བསྟན་སྣུམ་ཟད་མར་མེ་ལྟར། །གྱུར་པ་འདི་ལ་ཁྱོད་ཉིད་ཀྱིས། །བློ་སྟོབས་རྒྱ་ཆེར་བསྐྱེད་བྱས་ཏེ། །བསྟན་ལ་བྱ་བ་བྱེད་པར་རིགས། །ཞེས་པ་གསུང་གི་ཐ་མར་སྩལ། །དེ་ནས་མི་རིང་དབྱིངས་སུ་གཤེགས། །དགོངས་རྫོགས་འབྱོར་ཕེབས་དཔའ་འོག་ཏུ། །སྡོད་ནུབ་རྨི་ལམ་དུ་མཇལ་ཞིང་། །བདུན་གསུམ་བར་དུ་དགོངས་རྫོགས་ཀྱི། །མཆོད་སྤྲིན་གསོལ་འདེབས་ཡང་ཡང་ཞུས། །སྐུ་གདུང་ཞུགས་འབུལ་ལ་སོགས་བྱས། །མཁན་ཆེན་ཀུན་བཟང་དཔལ་ལྡན་ལས། །སྤྱོད་འཇུག་སེམས་བསྐྱེད་བཤད་ཁྲིད་ཞུས། །རང་གནས་འབྱོར་འཕྲལ་མཚམས་ཞིག་བསྡད། །གྲོལ་རྗེས་དཔལ་གྱི་ཀཿཐོག་འབྱོར། །བཤད་གྲྭ་ཉམས་གསོ་རྒྱས་པར་བྱས། །རྟེན་བཞེངས་འཕྲོ་ལྷག་ཐམས་ཅད་ཀྱང་། །རང་རྒྱུ་དང་ནི་ཕྱག་རྫས་ཀྱིས། །འཕྲོས་ཛར་རྣམས་ཀྱིས་ཐུབ་ཆེན་ཁང་། །རྟེན་དང་བརྟེན་པ་ལ་སོགས་བཞེངས། །རྫོགས་ཆེན་ལྔ་པའི་དགོངས་ཉམས་ལ། །ཤར་བའི་སྤྲུལ་པ་ཁྲིར་བཀོད་དང་། །དབུ་འདོན་ལ་སོགས་རང་འདོད་ཀྱི། །འཁྲི་བ་མེད་པའི་ཚུལ་དུ་བྱས། །སྔ་ཕྱི་ལོ་གྲངས་བཅོ་ལྔ་ཙམ། །ཀཿཐོག་བསྟན་པར་ཞབས་ཏོག་བགྱིས། །དེ་དག་རྣམས་ཀྱི་བར་མཚམས་སུ། །དགྱེས་པ་རྡོ་རྗེའི་བསྙེན་ཆེན་སོགས། །བསྙེན་སྒྲུབ་བཟླས་བརྗོད་མང་ཙམ་བྱས། །སྙན་བརྒྱུད་འཛིན་པ་ཀུན་གྱི་རྒྱལ། །སྒ་སྟོན་ཆོས་རྗེ་རྡོ་རྗེ་འཆང་། །ལེགས་པའི་ཞབས་ལས་གསུང་ངག་ནི། །ཚད་མ་བཞི་ལྡན་སྙན་བརྒྱུད་ཀྱི། །ལམ་འབྲས་སློབ་བཤད་ཟབ་མོ་དང་། །མཁའ་སྤྱོད་འཇིགས་མཛད་མགོན་པོ་སོགས། །སྙན་བརྒྱུད་སྨིན་གྲོལ་གདམས་ཟབ་ཐོབ། །ཤིན་ཏུ་ཐུགས་བརྩེ་དགོངས་པ་གཏད། །བཀའ་དྲིན་ཟླ་མེད་བླ་མ་རྗེ། །རྫོང་གསར་ཕུར་སྒྲུབ་སྤྲོས་བཅས་ལུགས། །གསར་འཇོག་རྟེན་གསུམ་མང་པོ་བཞེངས། །སྟག་ཚང་སྒྲུབ་སྡེ་ཉུང་ངུ་འཛུགས། །སྔ་ཕྱི་སྒྲུབ་ཆེན་མང་པོ་དང་། །ཀུན་གཟིགས་སི་ཏུའི་དགོངས་པ་བཞིན། །མ་ཎི་དུང་སྒྲུབ་སྲོལ་ཆེན་སོགས། །ཡུལ་ཁམས་ཀུན་ཏུ་ཁྱབ་པར་བྱས། །བདེ་སྐྱིད་འབྱུང་བའི་གཞི་རྩར་གྲུབ། །དམ་པ་རྣམས་ཀྱི་ཞལ་སྒོ་ལས། །སྔ་ཕྱི་ཆོས་འབྲེལ་ཐོབ་པ་ནི། །རྫོགས་ཆེན་ལྔ་པའི་ཞལ་སྔ་ནས། །འཛིན་པ་རང་གྲོལ་དཀོན་སྤྱི་དང་། །ཡེ་ཤེས་བླ་མའི་རྩལ་དབང་དང་། །བླ་སྒྲུབ་བྱིན་རླབས་སྙིང་པོ་སོགས། །དབང་ཆོས་གནད་ཆེན་འགའ་རེ་ནོས། །མཁན་ཆེན་རྒྱལ་མཚན་འོད་ཟེར་ལས། །སྔ་རྗེས་དབང་ཆོས་མང་པོ་དང་། །གཏེར་སྟོན་དྲི་མེད་འོད་ཟེར་ལས། །ཡི་དམ་དགོངས་འདུས་དབང་ཆེན་དང་། །ཉིད་གཏེར་གཤིན་རྗེའི་སྐོར་ལ་སོགས། །དབང་དང་རྐྱེན་སེལ་སྔ་རྗེས་སུ། །བཀའ་དྲིན་ཆེན་པོས་ཁྱབ་པར་མཛད། །རག་སྤྲུལ་ཐུབ་བསྟན་བཤད་སྒྲུབ་ལས། །གནམ་ཆོས་དབང་ལུང་ཚང་མ་དང་། །རཏྣ་ལ་སོགས་མང་དུ་ནོས། །མཁན་ཆེན་ངག་དབང་དཔལ་བཟང་ལས། །ཀློང་གསལ་བདུད་འདུལ་དབང་ལུང་དང་། །བཀའ་བརྒྱད་གསང་རྫོགས་དབང་ཆེན་དང་། །མཁའ་འགྲོ་ཡང་ཏིག་དབང་ཁྲིད་སོགས། །རྒྱ་ཆེར་ཐུགས་རྗེས་བསྐྱངས་པར་མཛད། །མཁས་དབང་ལེགས་བཤད་འབྱོར་ལྡན་ལས། །འཇིགས་གླིང་བཀའ་འབུམ་འཇའ་ཚོན་དང་། །བཀའ་མའི་ཆོག་ཁྲིགས་སྐོར་ལུང་ནོས། །ཟུར་མང་དྲུང་པ་རིན་པོ་ཆེར། །བདེ་མཆོག་སྙན་བརྒྱུད་སྨིན་གྲོལ་དང་། །རྡོར་གླིང་ལྟ་བ་ཀློང་ཡངས་དང་། །ཆོས་དྲུག་ཕྱག་ཆེན་ཁྲིད་སོགས་ཐོབ། །གནས་དགོན་མཆོག་གླིང་ཡང་སྲིད་ལས། །གཏེར་གསར་ཐུགས་སྒྲུབ་རྣམ་གཉིས་དང་། །རྫོགས་ཆེན་སྡེ་གསུམ་ལ་སོགས་ཐོབ། །ཀེ་ལའི་སྤྲུལ་སྐུ་རིན་པོ་ཆེར། །ཐུགས་སྒྲུབ་བསམ་ལྷུན་དབང་ཆེན་དང་། །རིག་འཛིན་སྲོག་སྒྲུབ་ལུང་སོགས་ཐོབ། །ཟླ་བཟང་སྤྲུལ་སྐུ་རིན་པོ་ཆེར། །རྒྱལ་རྒྱམ་ལྷ་དགུ་ཕག་མོའི་དབང་། །མཁྱེན་བརྩེའི་རྒྱལ་བ་རྒྱ་མཚོ་སོགས། །སྨིན་གྲོལ་འགའ་ཞིག་ཐོབ་པ་དང་། །གཏེར་སྤྲུལ་རོལ་པའི་རྡོ་རྗེ་ལས། །རོལ་རྡོར་གཏེར་ཆོས་ཡོངས་རྫོགས་ནོས། །དཔལ་སྤུངས་བྱམས་མགོན་སི་ཏུ་ལས། །རྒྱ་ཆེན་སྤྱོད་བརྒྱུད་སེམས་སྡོམ་དང་། །དགྱེས་རྡོར་དབང་ཆེན་སྒྲོལ་དཀར་སོགས། །སྔ་རྗེས་ཆོས་བཀའ་མང་དུ་ཐོབ། །ཙཱ་འདྲའི་ཀོང་སྤྲུལ་ཡང་སྲིད་ལས། །རཏ་ཕུར་དབང་དང་ཀོང་ཆེན་པའི། །གཏེར་བྱོན་ཡང་དག་ལ་སོགས་ཐོབ། །ཞེ་ཆེན་རབ་འབྱམས་རིན་པོ་ཆེར། །ཉང་གི་ཁྲོས་ནག་དབང་བསྡུས་དང་། །དྲེགས་འཇོམས་དབང་སོགས་མང་དུ་ནོས། །ཀཿཐོག་ཀུན་བཟང་བསྟན་འཛིན་ལས། །སྤྱི་མདོ་དགོངས་འདུས་བཤད་ལུང་དང་། །ངལ་བསོ་སྐོར་གསུམ་ཐེག་མཆོག་མཛོད། །སོགས་ཀྱི་བཤད་ཁྲིད་མང་དུ་ཐོབ། །པདྨ་ཐུགས་རྗེའི་དབང་ཕྱུག་ལས། །ལས་གླིང་གཏེར་ཆོས་བཀའ་མ་ཡི། །དོངས་སྤྲུགས་རྣམ་གཉིས་དབང་ལུང་ཐོབ། །སངས་རྒྱས་མཉན་པ་ཁྲ་སྤྲུལ་དང་། །བསྟན་བཟང་མཁར་མགོ་སྤྲུལ་སྐུ་སོགས། །ཆོས་ཀྱི་འབྲེལ་པ་མང་དུ་ནོས། །གཏེར་སྲས་ཚེ་དབང་ནོར་བུ་ལས། །ཆུང་དུས་བསམ་ལྷུན་དབང་ཆེན་དང་། །པདྨ་བཀའ་ཐང་ལུང་སོགས་ནོས། །མཆོག་སྤྲུལ་བཀྲ་ཤིས་དཔལ་འབྱོར་ལས། །རྒྱུད་ཕུར་དབང་དང་རྗེ་ཉིད་ཀྱི། །དགོངས་གཏེར་དབང་ལུང་མང་པོ་དང་། །བཀའ་བརྒྱུད་སྔགས་མཛོད་ཇོ་ནང་པའི། །བཀའ་འབུམ་ལུང་སོགས་མང་དུ་ནོས། །འབྲི་གཏེར་འོད་གསལ་རྡོ་རྗེ་ཡི། །ཚེ་གེགས་བསལ་ཞིང་ཉིད་ཀྱི་གཏེར། །སྒྲོལ་མའི་དབང་དང་ཚེ་དབང་སོགས། །སྔ་རྗེས་ཆོས་འབྲེལ་འགའ་རེ་ཐོབ། །འདི་ཉིད་གཏེར་སྟོན་དངོས་ཡིན་ཀྱང་། །སྐུ་གཤིས་གྱོང་བས་འགྲོ་དོན་དམན། །བཤེས་གཉེན་ཆེན་པོ་འཇམ་རྒྱལ་ལས། །ཀྱེ་རྡོར་རྒྱུ་ལམ་བདག་མེད་དབང་། །སློབ་བཤད་ཁྲིད་ལུང་ལ་སོགས་པ། །ཆོས་ཀྱི་བདུད་རྩི་རྒྱ་ཆེར་ནོས། །ཐུགས་བརྩེ་ཆེན་པོས་ཁྱབ་པར་མཛད། །ས་ངོར་བསྟན་པའི་རྒྱན་གཅིག་པུ། །སྡེ་གཞུང་མཆོག་སྤྲུལ་རིན་པོ་ཆེར། །སྒྲུབ་ཐབས་རྒྱ་མཚོའི་རྗེས་གནང་དང་། །བདེ་དྲིལ་ལུས་དཀྱིལ་མཁའ་སྤྱོད་སོགས། །སྨིན་གྲོལ་གནད་ཆེན་འགའ་རེ་ནོས། །གཟིམ་འོག་མཆོག་སྤྲུལ་ཞལ་སྔ་ནས། །ཀྱེ་རྡོར་རྒྱུ་ལམ་ལམ་ཟབ་དང་། །ཞལ་གྱི་དབང་ཁྲིད་ཚང་བར་ནོས། །གྲུབ་དབང་ཤཱཀྱ་ཤྲཱི་ཛྙཱ་ན། །དངོས་མ་མཇལ་ཡང་འཕྲིན་ལམ་ནས། །ཐུགས་རྗེ་ཆེན་པོས་ཁྱབ་པ་དང་། །དགོངས་པས་བྱིན་བརླབས་རིག་རྩལ་སྤར། །ཐུགས་སྲས་འཕགས་མཆོག་རྡོ་རྗེ་ལས། །བླ་མ་བདེ་མཆོག་དབང་སོགས་ཐོབ། །རྒྱལ་དབང་ཀརྨ་བཅོ་ལྔ་པ། །མཇལ་བའི་སྐལ་པ་ཕྲ་ན་ཡང་། །རྨི་ལམ་དུ་ནི་ཞལ་མཇལ་ཞིང་། །དེ་ཡི་སྐྱེ་སྲིད་བཅུ་དྲུག་པ། །རིག་པའི་རྡོ་རྗེའི་དགྱེས་ཞལ་མཇལ། །དད་གུས་དྲག་པོ་དང་བཅས་ཏེ། །དབུ་ཞྭ་མཐོང་གྲོལ་ཆེན་མོ་དང་། །གསུང་གི་བདུད་རྩིས་ཁྱབ་པར་མཛད། །རྡོར་འཛིན་བྷོ་དྷི་བྷ་དྲ་ལས། །མི་འཁྲུགས་ཀྱེ་རྡོར་མཁའ་སྤྱོད་ཀྱི། །དབང་དང་ཁྲིད་བཀའ་ལེགས་པར་ནོས། །སྦས་པའི་རྣལ་འབྱོར་བསྟན་འཕེལ་ལས། །ཐང་སྟོང་སྙན་བརྒྱུད་གུར་མགོན་གྱི། །དབང་དང་རྗེས་གནང་ཟབ་ཁྲིད་དང་། །མཁའ་སྤྱོད་ལ་སོགས་མང་དུ་ཐོབ། །ཨེ་ཝྃ་ཐར་རྩེ་མཁན་ཆེན་ལས། །ཀྱེ་རྡོར་རྒྱུ་ལམ་དབང་བསྐུར་དང་། །ལམ་ཟབ་བྱིན་རླབས་དག་ཀྱང་ནོས། །མཁན་ཆེན་དོན་དཔལ་ཞབས་ཉིད་ལས། །ཚེ་རྟ་ཟུང་འབྲེལ་དབང་བསྐུར་དང་། །ཀླུ་ལྡིང་རྒྱལ་སྲས་རིན་པོ་ཆེར། །དཀར་པོ་ལྷ་གསུམ་རྗེས་གནང་དང་། །རྡོར་འཛིན་དཔལ་ལྡན་འཇམ་དབྱངས་ལས། །བདེ་མཆོག་ལཱུ་ཧིའི་དབང་ཆེན་དང་། །ཞལ་གྱི་སྨིན་གྲོལ་ཚང་བར་ནོས། །འཇམ་དབྱངས་མཁྱེན་རབ་མཐའ་ཡས་ལས། །དུས་ཀྱི་འཁོར་ལོའི་དབང་ཆེན་དང་། །འཇིགས་བྱེད་ཞལ་གྱི་པོད་ལུང་ནོས། །ཐར་ལམ་སྤྲུལ་སྐུ་རིན་པོ་ཆེར། །ས་ངོར་ཞུ་ཆེན་བཀའ་འབུམ་གྱི། །ལྗགས་ལུང་ནོས་ཤིང་གཙང་སྤྲུལ་ལས། །ཕུར་པ་སྟོད་སྨད་དབང་ཆེན་དང་། །མགོན་པོ་རྣམ་སྲས་སྐོར་སོགས་ཐོབ། །ནམ་མཁའ་ཀུན་བཟང་བསྟན་རྒྱལ་ལས། །ཚེ་དཔག་ལྷ་དགུ་སྟག་ཞོན་གྱི། །དབང་རྗེས་ནོས་ཤིང་ཤར་བླ་མ། །དཀོན་མཆོག་བསྟན་འཛིན་ཞལ་སྔ་ནས། །གུར་མགོན་རྗེས་གནང་ཡོངས་རྫོགས་དང་། །བཀའ་ཁྲིད་ཞིབ་རྒྱས་སྒྲོལ་དཀར་ནི། །འོད་ཟེར་དྲུག་སྦྲགས་རྗེས་གནང་ཐོབ། །མདོར་ན་ཡོངས་འཛིན་བརྒྱད་ཅུ་ལྷག །བརྟེན་ནས་དམ་ཆོས་རྒྱ་ཆེར་ཐོབ། །ཞེ་བརྒྱད་མཇུག་ནས་ནད་མནར་གྱིས། །ལོ་ཤས་ཤིན་ཏུ་གདུང་གྱུར་ཀྱང་། །བླ་མ་མཆོག་གསུམ་ཐུགས་རྗེ་ཡིས། །སྲོག་རང་མ་བྲལ་ཙམ་ཞིག་བྱུང་། །རྩ་གསུམ་ཞལ་མཇལ་གསུང་ཐོས་སོགས། །ལས་ངན་དཀོར་སྒྲིབ་ཆེ་བ་ཡིས། །ཕྲ་བའང་ཡོད་པ་ཞིག་མིན་པས། །ཡི་གེར་བྲི་རྒྱུ་ཅང་མ་མཆིས། །བརྩོན་འགྲུས་ཞན་ལ་ཤེས་རབ་དམན། །འཛིན་བློ་ཆུང་ཞིང་གོ་བ་འབྲིང་། །བསྡུས་གྲྭའི་རིག་ལམ་ཞིག་སྦྱངས་ན། །རྩོད་པའི་རིག་པ་སྐྱོན་མེད་ཙམ། །འབྱུང་ངམ་སྙམ་ཡང་དགོས་པ་ཆུང་། །འཇམ་དཔལ་མཚན་བརྗོད་ཀློང་སྙིང་གི། རྩ་གསུམ་མ་མགོན་ལ་སོགས་དང་། །ངོར་ལུགས་འཚོགས་འདོན་འགའ་རེ་ཞིག །ཚར་གྲངས་གཉིས་གསུམ་བཏོན་པ་ཡིས། །བློ་ལ་བྱུང་བ་དེར་བལྟས་ན། །ཚེ་སྔོན་བག་ཆགས་དགེའམ་སྙམ། །རྣམ་འཇོམས་གཟུངས་ནི་བློར་བླངས་ཚེ། །སྲོད་དུས་ཟླ་བའི་དཀྱིལ་འཁོར་ལ། །བལྟས་པའི་རྐྱེན་གྱིས་ཡིད་སྐྱོ་ཞིང་། དཔལ་ལྡན་ས་སྐྱའི་ཆོས་གྲྭ་དེ། །ཡང་ཡང་དྲན་པས་ཚེ་སྔོན་མར། །འཁོན་གདུང་ཞིག་ཏུ་སྐྱེས་པ་ཡི། །བག་ཆགས་ཡད་ཡུད་དྲན་པར་གྱུར། །མངའ་རིས་པཎ་ཆེན་ལྷ་བཙུན་ཆེ། །ངག་དབང་བློ་བཟང་རྒྱ་མཚོ་དང་། །ཚངས་དབྱངས་རྒྱ་མཚོ་དཔལ་མཁྱེན་སོགས། །ཐར་ཐོར་ཙམ་ཞིག་སྐབས་རེར་དྲན། །རང་ཉིད་ང་རྒྱལ་ཆེ་བ་ཡི། །རྟོག་པ་རྒོད་པས་དྲན་པ་ལས། །སྐྱེས་ཆེན་དམ་པ་དེ་རྣམས་ཀྱང་། །བདག་འདྲའི་སྐྱེ་ངན་མི་བླངས་བས། །དེས་ན་གཏན་ཚིགས་ཅང་མ་མཆིས། །ཆུང་དུས་སྔགས་ཀྱི་སྲུང་མ་ཡིས། །བསྐྱངས་པའི་རྨི་ལམ་ཞིག་བྱུང་བ། །འཁོར་ལོའི་མགོན་པོར་སྙན་གསོལ་བས། །ཀློང་གསལ་སྔགས་སྲུང་ཐོན་ཅིག་གསུངས། །ཐང་སྟོང་རྒྱལ་པོས་ཤེལ་གོང་གི། རིག་པའི་གནས་ལུགས་ངོ་སྤྲོད་དང་། །འཕགས་པའི་གནས་བརྟན་ཡན་ལག་འབྱུང་། །བི་མ་མི་ཏྲ་ཀློང་ཆེན་པ། །རྨི་ལམ་དུའང་ཞལ་མཇལ་ཞིང་། །མཁྱེན་བརྩེའི་དབང་པོར་ཚེ་དབང་དང་། །དཔལ་སྤྲུལ་སེམས་དཔའ་ཆེན་པོ་ལས། །ཀློང་སྙིང་སྔོན་འགྲོའི་ཁྲིད་ལུང་ནོས། །གནུབ་ཆེན་སངས་རྒྱས་ཡེ་ཤེས་ཀྱིས། །སྔགས་གཞུང་མང་པོའི་བཀའ་གཏད་བྱིན། །ལམ་འབྲས་བླ་མ་འགའ་རེ་དང་། །མི་ལ་ས་པཎ་ཙོང་ཁ་པ། །ལྷ་བཙུན་ནམ་མཁའ་འཇིགས་མེད་ཀྱིས། །སྔགས་ཀྱི་སྤྱོད་པའི་བརྡ་བསྟན་སོགས། །བྱིན་རླབས་ཐོབ་པའི་ཉམས་རྨིས་དང་། །དངོས་དང་བརྫུ་བ་གང་ཡིན་ནི། །མ་འབྱེད་ཆབ་ཆོབ་འགའ་མཆིས་ཀྱང་། །བདག་བཟུང་ཅི་ཡང་མ་བྱས་པས། །ཞིབ་ཆ་དྲན་པར་མ་གྱུར་ཏོ། །གསར་རྙིང་བཀའ་གཏེར་རྩ་གསུམ་གྱི། །བསྙེན་སྒྲུབ་ཉམས་ལེན་བྱེད་འདོད་བློ། །སྐོམ་པས་ཆུ་ལྟར་གདུང་གྱུར་ཀྱང་། །ཆོས་བརྒྱད་རྣམ་གཡེང་དབང་དུ་ཐལ། །རག་རིམ་བགྱིས་པ་འདི་ལྟ་སྟེ། །ཆུང་དུས་འཇམ་དཔལ་བསྟོད་སྒྲུབ་ནི། །ཟླ་གཅིག་ཙམ་ལ་འདོན་ཁུལ་ཀྱང་། །ཕལ་ཆེར་རྣམ་གཡེང་ཁོ་ནར་འཕྱན། །འཇམ་དཀར་འབུམ་གསུམ་དབྱངས་ཅན་གྱི། །བསྙེན་པ་འབུམ་ལྔ་ཞིག་བཏོན་ཀྱང་། །དྲན་རྒྱུ་མང་ཞིང་དོན་གནད་ཆུང་། །རཏ་ཕུར་གསང་སྒྲུབ་རྒྱུན་ཁྱེར་དང་། །ཀོངྐ་དཱཏྟའི་ཕག་དཀར་དང་། །དགོངས་གཏེར་ཤེས་རབ་གསལ་བྱེད་བསྙེན། །དྲག་པོ་རྟ་ཁྱུང་སེང་གདོང་མ། །བླ་སྒྲུབ་ཐིག་རྒྱ་ཕུར་པ་བསྙེན། །ཞལ་ནི་ཚེ་འཕེལ་ལན་གཉིས་དང་། །ཀློང་སྙིང་སྔོན་འགྲོ་འབུམ་རྣམས་བསགས། །ཕྱག་ནི་ཁྲི་བཞི་ལས་མ་ནུས། །དགྱེས་རྡོར་བསྙེན་ཆེན་རྒྱས་པ་དང་། །འབྱུང་འདུལ་མི་ཏྲའི་ཚེ་དཔག་ནི། །བཀའ་གཏེར་གཉིས་དང་གསང་ཐིག་ཕུར། །ལན་གཉིས་སྙན་བརྒྱུད་ཕུར་པ་དང་། །འོད་གསལ་སྙིང་ཐིག་ཕུར་གཤིན་གཉིས། །མཆོག་ཕུར་ཁྲོ་རྒྱལ་སྟོབས་འདུས་དང་། །ཀློང་གསལ་ཕྱག་རྡོར་ཛཾ་སེར་བཅས། །བདུད་ཕུར་གསང་སྒྲུབ་དཔལ་ཆེན་འདུས། །འཇམ་དཔལ་རྒྱུད་ལུགས་བསྙེན་པ་རྒྱས། །རྒྱ་ཆེན་རྡོ་རྗེ་གྲོ་ལོད་དང་། །ཀརྨ་གུ་རུ་སྒྲོལ་དཀར་དང་། །དྭངས་མ་བཅུད་འདྲེན་རྣམས་ཀྱང་བསྙེན། །དམག་ཟོར་ཚེ་སྒྲུབ་རིགས་གསུམ་སྤྱི། །བླ་མ་གསང་འདུས་སྤྱི་འདུས་དང་། །བར་ཆད་ཀུན་སེལ་བསམ་ལྷུན་དང་། །ཆོས་བདག་བར་ཆད་སེལ་བྱེད་ཀྱི། །སྒྲོལ་མ་ཕྱག་རྡོར་སྨེ་བ་བརྩེགས། །ཉང་གི་བདེ་འདུས་བཀའ་འདུས་དང་། །སྙན་བརྒྱུད་གཤིན་རྗེ་ལན་གཉིས་བསྙེན། །ཕ་རོལ་རྒོལ་འཇོམས་སྔ་རྗེས་གཉིས། །བ་རི་ལུགས་ཀྱི་རྣམ་རྒྱལ་འཇོམས། །འཕགས་མའི་སྙིང་ཐིག་སྔ་རྗེས་གསུམ། །བི་མའི་བླ་སྒྲུབ་བྱིན་རླབས་སྙིང་། །དྲང་སྲོང་དྲི་མེད་ལན་གྲངས་གཉིས། །ཐུགས་སྒྲུབ་ཚེ་དམར་ཀིང་ཀང་དམར། །གྲོལ་ཐིག་ཡང་བཟློག་ནཱ་ག་རཀྴ། །ཇོ་ལུགས་སྒྲོལ་དཀར་ཞིག་གླིང་དང་། །ཀློང་སྙིང་སྒྲོལ་དཀར་བ་རི་ལུགས། །སྔ་རྗེས་གཉིས་དང་ཕྱག་དྲུག་དཀར། །སྨིན་གླིང་རྡོར་སེམས་དྲག་དམར་དང་། །ཐུགས་སྒྲུབ་གྲོ་ལོད་གུར་མགོན་གྱི། །སྲུང་བ་རྡོ་རྗེའི་བྲག་རྫོང་མ། །ཐེངས་གསུམ་གུར་གྱི་ཡི་གེ་བདུན། །འབུམ་ཕྲག་བརྒྱད་ཅུ་སྐོར་ཙམ་བསྙེན། །མགོན་པོ་འདི་ཡིས་བདག་ཉིད་ལ། །རྟག་པར་ཐུགས་རྗེས་གཟིགས་སྙམ་ཡོད། །རྣམ་རྒྱལ་མགོན་ཁང་ཉམས་གསོས་སྐབས། །རབ་གནས་བགེགས་བསྐྲད་དུས་སུ་ནི། །རིག་པའི་ངར་བསྐྱེད་གཟིར་བའི་མཐུས། །ལྷ་རྟེན་དངོས་སུ་འགུལ་བ་ནི། །རང་གཞན་འགའ་རེས་མཐོང་བར་གྱུར། །ས་ཕུར་བསྙེན་པ་འབུམ་ཉི་ཤུ། །ཐུགས་སྒྲུབ་རྒྱལ་བའི་གདུང་འཛིན་དང་། །བླ་མ་སྨྲ་སེང་དམ་པའི་ལུགས། །སྨྲ་སེང་མཁའ་འགྲོ་གསང་འདུས་ཀྱི། །དཀྱིལ་འཁོར་ཡོངས་རྫོགས་རྒྱུན་ཁྱེར་དང་། །ཞི་རྒྱས་དབང་གི་ཕག་མོ་བསྙེན། །གྲོལ་ཏིག་གདུང་བ་ཞི་བྱེད་དང་། །ས་ལུགས་རིགས་བྱེད་མཁའ་སྤྱོད་མ། །ཐང་རྒྱལ་ཚེ་སྒྲུབ་ལུགས་གཉིས་དང་། །ཕྱག་དྲུག་མཐིང་གའི་བླ་རྣམ་དང་། །དཔལ་མགོན་ཞལ་གྱི་གསང་སྒྲུབ་དང་། །གདུགས་དཀར་མཆོག་གྲུབ་ཁྲི་གཅིག་འདོན། །ཚེ་ལྷ་རྣམ་གསུམ་བླ་རྣམ་དང་། །སྐྱེར་རྟ་ཁྱུང་ཁྲ་འཇམ་ནག་དང་། །ཕྱག་རྡོར་ཨུ་ཙར་གོས་སྔོན་ཅན། །ས་འཇམ་སྦགས་ཏེ་སྒྲུབ་པ་དང་། །ས་མནྟ་ཤྲཱི་དབྱངས་ཅན་མ། །ཕུར་བུའི་ལུགས་ཀྱི་དབྱངས་ཅན་དང་། །བིཀྵ་པ་རའི་གསང་སྒྲུབ་དམར། །ཇོ་ལུགས་སྨེ་བརྩེགས་གྲོལ་ཐིག་གི། དམ་གྲིབ་ཉེས་པ་ཀུན་སེལ་དང་། །མི་གཡོ་དཀར་པོ་ཉི་སྦས་ཀྱི། །རྩ་བའི་སྒྲོལ་ལྗང་ཛཾ་དམར་དང་། །ཞལ་གྱི་ཚེ་སྒྲུབ་གུར་བདུན་མ། །གྲུབ་པའི་རྒྱལ་མོའི་ཚེ་སྒྲུབ་དང་། །སྒྲ་མི་སྙན་གྱི་ཚེ་སྒྲུབ་བསྙེན། །ཉང་གི་ཁྲོས་ནག་མཁྱེན་བརྩེ་ཡི། །ཕྱག་རྡོར་རྡོ་རྗེ་མེ་འབར་དང་། །གཉེན་པོ་ལྷ་ལྔ་སྙན་བརྒྱུད་ཀྱི། །རྟ་མཆོག་རོལ་པའི་ཐུགས་ཏིག་དང་། །དྲེགས་སྒྲོལ་གནམ་ལྕགས་མེ་འཁོར་དང་། །ཞི་བྱེད་གདུགས་དཀར་རྨ་བྱ་ཆེ། །ཉང་གཏེར་ཕྱག་བཞི་ཚེ་འཕེལ་དཀར། །རོང་ཟོམ་པདྨ་མཁའ་འགྲོ་དང་། །གནམ་ཆོས་གུར་དྲག་ཕུར་ཤམ་ཅན། །མཁའ་འགྲོ་ཡང་ཏིག་བླ་སྒྲུབ་དང་། །ཚེ་སྒྲུབ་ལྕགས་ཀྱི་སྡོང་པོ་བསྙེན། །གླིང་གཏེར་ཚེ་ཡུམ་མཁྱེན་བརྩེ་ཡི། །ཙཎྜ་ལི་ནི་ཐེངས་གཉིས་དང་། །མཆོག་གླིང་བི་མའི་སེང་གདོང་དང་། །ཆོས་དབང་སྒྲོལ་དཀར་ལ་སོགས་ཀྱི། །བསྙེན་སྒྲུབ་བཟླས་བརྗོད་ཁ་ཁྲལ་བླངས། །སེམས་ནི་རྣམ་པར་གཡེང་བ་ཡི། །ཇི་ཙམ་བཟླས་ཀྱང་འབྲས་མི་འབྱིན། །ཞེས་པའི་ལུང་དོན་མངོན་གྱུར་ནས། །ཐུན་མོང་གྲུབ་རྟགས་ཙམ་མ་ཐོབ། །ད་དུང་འཆི་བས་མ་གཏུགས་ན། །བསྙེན་སྒྲུབ་ཅུང་ཟད་བྱེད་འདོད་ཡོད། །དེ་བཞིན་འགྲུབ་པར་ཨོ་རྒྱན་རྗེས། །བྱིན་གྱིས་རློབས་པར་མཛད་དུ་གསོལ། །རྡོ་རྗེ་སློབ་དཔོན་ཕྱི་ནང་གི། དེ་ཉིད་བཅུ་དང་མི་ལྡན་ཞིང་། །རྒྱུད་སྡེ་ཆེན་པོའི་བསྙེན་པ་ཡང་། །རྒྱ་ཆེར་མ་ཐོན་ཧོམ་བསྐྱེད་ཀྱིས། །བླ་མའི་ཁུར་བཟུང་ཞུ་བའི་ངོར། །གདམས་མཛོད་ཚར་གསུམ་སྒྲུབ་བཏུས་བཞི། །རིན་གཏེར་ཆེན་མོའི་དབང་ལུང་དང་། །ལམ་འབྲས་སློབ་བཤད་ཐེངས་གཅིག་དང་། །ཚོགས་བཤད་ལན་གཉིས་དགྱེས་རྡོར་གྱི། །རྒྱུད་བཤད་ལན་གསུམ་གུར་སཾ་གྱི། །རྩ་བའི་བཤད་ལུང་མཁྱེན་བརྩེ་ཡི། །ཉེ་བརྒྱུད་གསུངས་པའི་བཤད་ཁྲིད་ནི། །འབད་པ་ཆེན་པོས་མཉན་བྱས་པ། །སྔ་རྗེས་ལན་གཉིས་ངོར་དཀྱིལ་བདུན། །ལན་གསུམ་སྦྱོང་དཀྱིལ་ཚར་གསུམ་དང་། །དུས་འཁོར་ཇོ་ཞལ་ལན་དྲུག་དང་། །མི་ཕམ་རྒྱུད་འགྲེལ་ཚར་གཅིག་བཤད། །བདེ་མཆོག་ལཱུ་ནག་ལན་མང་དང་། །སྙན་བརྒྱུད་བདེ་མཆོག་ལན་གཅིག་བཏོན། །མཁའ་སྤྱོད་དབང་ཁྲིད་ལན་མང་དང་། །བེའུ་བུམ་ལུང་གཉིས་ས་ངོར་གྱི། །བཀའ་འབུམ་ཐེངས་གཅིག་གུར་ཞལ་གྱི། །དབང་ཁྲིད་ཐེངས་གཉིས་འཇིགས་བྱེད་ཀྱི། །པོད་ལུང་ཐེངས་གཅིག་དབང་འགའ་བསྐུར། །ལམ་རིམ་ཆེན་མོའི་ལུང་ཚར་གཅིག །རྙིང་མའི་བཀའ་མ་ལན་གཉིས་དང་། །རྙིང་རྒྱུད་བཀླག་ལུང་ཚར་གཅིག་འདོན། །གསང་སྙིང་སྤྱི་མདོ་རྩ་དུམ་གྱི། །རྒྱུད་བཤད་བཀའ་མའི་གཞུང་རྙིང་རྣམས། །ཚར་བཞི་རིན་གཏེར་བཀའ་རྒྱ་སྐོར། །སྨིན་བྱེད་ལན་གསུམ་བོན་ལུང་གཉིས། །སྙིང་ཐིག་ཡ་བཞི་ཚར་གསུམ་དང་། །ཡང་ཏིག་རྣམ་གཉིས་ལན་འགའ་འདོན། །མཛོད་བདུན་བཀླགས་ལུང་ཚར་གཉིས་དང་། །ངལ་བསོ་ལ་སོགས་མང་དུ་བཤད། །བླ་མ་དགོངས་འདུས་དབང་ཆེན་གཉིས། །བཀའ་བརྒྱད་དབང་ཆེན་དེ་མཚུངས་དང་། །དགོངས་པ་ཟངས་ཐལ་ལན་གཉིས་དང་། །ཐང་རྒྱལ་སྙན་བརྒྱུད་ལན་གསུམ་བཏོན། །དག་སྣང་རྒྱ་ཅན་སྨིན་གཏེར་རྣམས། །ལན་གྲངས་གསུམ་བཞི་རེ་ཡང་བཏོན། །འདོད་འཇོའི་བུམ་བཟང་ཐེངས་གཉིས་དང་། །སྨིན་གཏེར་རྩེ་ལེའི་བཀའ་འབུམ་ལུང་། །ཐེངས་རེ་བདུད་འདུལ་ཀློང་གསལ་གྱི། །དབང་ལུང་ཚར་གཉིས་ཀློང་སྙིང་གི། སྨིན་གྲོལ་སྔ་རྗེས་ཚར་མང་དང་། །ཡོན་མཛོད་བཤད་པ་ལན་གསུམ་བྱས། །མཁྱེན་བརྩེའི་གཏེར་ཆོས་ཡོངས་རྫོགས་དང་། །བཀའ་འབུམ་ལུང་ནི་ཚར་གཉིས་བཏོན། །མཆོག་གཏེར་ཚང་བ་ཐེངས་གཉིས་སོགས། །མདོར་ན་ཞུ་བ་སུ་བྱུང་ངོར། །རང་རང་འདོད་ཆོས་དབང་རྗེས་གནང་། །བྱིན་རླབས་ཁྲིད་བཀའ་བར་མེད་བྱས། །གོང་མ་འཇམ་མགོན་བླ་མ་དེ། །གྲུབ་མཐའ་ཀུན་ལ་མ་ལྟར་མཛའ། །རང་རང་རྒྱུད་ལུང་མན་ངག་གི། རྣམ་དབྱེ་མ་འདྲེས་སོ་སོར་མཁྱེན། །ཕན་ཚུན་བསྲེ་ལྷད་མི་མཛད་ཅིང་། །གང་ལ་གང་འདུལ་ཆོས་སྟོན་པས། །ས་དགེ་དཀར་རྙིང་ཐམས་ཅད་ཀྱིས། །རང་གི་བླ་མ་བཞིན་དུ་འཛིན། །བདག་ནི་དེ་ལྟར་མ་ལགས་ཀྱང་། །བོད་ཡུལ་ཤིང་རྟ་ཆེ་བརྒྱད་པོ། །ཀུན་ལ་དག་སྣང་ཆེར་བསྐྱེད་ཅིང་། །ལོག་རྟོག་སྒྲིབ་པས་མ་གོས་པ། །གཤེ་སྐུར་གྲུབ་མཐའི་ཕྱོགས་འཛིན་སྤངས། །དབང་ཁྲིད་མན་ངག་རྒྱུད་ལུང་རྣམས། །རྒྱུན་བཞུགས་ཐམས་ཅད་འབད་པ་ཆེས། །ཉན་དང་མཉན་པར་འགྱུར་བར་སྨོན། །བསྟན་པ་རིང་དུ་གནས་པ་ཡི། །ལྷག་བསམ་བཟང་པོས་ཐོབ་པ་རྣམས། །ཕྱོགས་རིས་མེད་པར་སྤེལ་བ་དང་། །སྐྱེ་འགྲོ་མཆོག་ཕལ་ཐམས་ཅད་ལ། །ཟུར་ཟ་ཕྲག་དོག་བརྙས་བཅོས་སྤངས། །ཀུན་ལ་ཕན་པའི་བསམ་པ་ནི། །དུང་དང་པད་རྩ་ལྟར་དཀར་བའི། །སེམས་བསྐྱེད་སྨོན་ལམ་བཟང་པོ་བཏབ། །འབྲེལ་པ་ཐམས་ཅད་དོན་ཡོད་བྱས། །དེ་ནི་རྣམ་ཐར་སྙིང་པོ་ཡིན། །ད་ནི་རང་ལོ་བརྒྱ་ཕྱེད་ལ། །འདོད་ཡོན་བསེ་རུའི་གྲངས་ལྷག་སོན། །གཏེར་སྟོན་དང་ནི་གྲུབ་ཐོབ་ཀྱི། །ཤས་ཙམ་བདག་ལ་མི་བདོག་ཀྱང་། །རེ་ཞིག་མ་ཤི་གསོན་གྱུར་ན། །རང་དོན་སྒྲུབ་པའི་ཞར་བྱུང་དུ། །གཞན་ལ་ཕན་པའང་ཆ་ཤས་འབྱུང་། །དེ་ཕྱིར་ཀུན་གཟིགས་གོང་མ་རྗེའི། །གསང་བའི་ལུང་གི་ཚིག་ཟུར་དང་། །འཇམ་མགོན་ཀོང་ཆེན་ཞལ་འཕྲོས་སོགས། །དམ་པ་རྣམས་ཀྱི་ལུང་བྱང་དང་། །རང་གི་རིག་ངོར་ཐོན་པ་བཞིན། །ཚེ་ལམ་ཕྱག་རྒྱའི་རྟེན་འབྲེལ་བསྒྲིགས། །ཐེག་དམན་སོར་སྡོམ་ཕུལ་བྱས་ཤིང་། །དེར་བསྟེན་རྟོགས་པ་མི་ལྡན་ཀྱང་། །སེམས་བསྐྱེད་དགེ་བ་ཉིད་དུ་སྒྲུབ། །འདི་ཡི་ཕན་པར་འགྱུར་བ་ཡི། །དམ་བཅའ་བྱེད་དུ་མ་མཆིས་ཀྱང་། །རང་གཞན་རྐྱེན་དབང་མ་གྱུར་ན། །རེ་ཞིག་འཚོ་བར་འགྱུར་ཡང་སྲིད། །རང་བསགས་སྡིག་པའི་ཁུར་ཆེན་པོས། །འབྲས་བུ་སྡུག་བསྔལ་མྱོང་བ་ལ། །རྒྱུ་འབྲས་བསླུ་བ་མེད་པའི་ཕྱིར། །མགོན་པོ་ཐུགས་རྗེ་ཅན་རྣམས་ཀྱིས། །སྡིག་ལྡན་བདག་ལ་གཟིགས་ཤིག་ཀྱེ། །སྡུག་བསྔལ་འདམ་ལས་དྲང་དུ་གསོལ། །སྡོམ་པ་གསུམ་གྱི་བཅས་མཚམས་ཀྱི། །ལྟུང་བ་རྣམས་ནི་ཆར་བཞིན་བབས། །རང་བཞིན་ཁ་ན་མ་ཐོས་གོས། །དེ་དག་རྣམས་ལ་འགྱོད་བཤགས་ནི། །སྙིང་ནས་དྲན་ནོ་བྱང་བར་མཛོད། །འཆི་བར་དགའ་སྤྲོའི་གདིང་མེད་པས། །མི་ཚེ་ལྷག་མ་ཇི་ཡོད་ཀྱང་། །དམ་པའི་ཆོས་ལ་སྤྱོད་པ་དང་། །ཁྱད་པར་གཞན་ཕན་བྱང་ཆུབ་སེམས། །རི་རྒྱལ་ལྟ་བུར་བརྟན་པ་ཡི། །སེམས་ཅན་ཀུན་གྱི་འདོད་པ་སྒྲུབ། །སེམས་ཅན་རྣམས་ཀྱི་དོན་བྱེད་ཤོག །མགོན་པོ་ཀུན་གཟིགས་འཇམ་པའི་དབྱངས། །མཁྱེན་བརྩེའི་གཏེར་ཆེན་རིན་པོ་ཆེའི། །ཐུགས་བཞེད་ཕྲིན་ལས་ལྷག་མ་རྣམས། །མ་ལུས་བདག་གིས་སྒྲུབ་པར་ཤོག །བདག་དང་བདག་ལ་འབྲེལ་ཐོབ་དང་། །བདག་གི་མིང་ཙམ་ཐོས་པ་ཀུན། །ལས་ཉོན་སྡིག་སྒྲིབ་ཀུན་བྱང་ནས། །ནུབ་ཕྱོགས་བདེ་ཆེན་ཞིང་ཁམས་སུ། །པདྨོའི་སྦུབས་སུ་རྫུས་ཏེ་སྐྱེས། །བྱང་ཆུབ་ལུང་བསྟན་ཐོབ་པ་དང་། །ས་བཅུ་ལམ་ལྔ་བགྲོད་བྱས་ཏེ། །རྣམ་མཁྱེན་སྐུ་བཞི་ཐོབ་པར་ཤོག །དེ་སྐད་རང་བྱས་རག་རིམ་གྱི། །རྟོགས་པ་བརྗོད་པ་སྐྱོན་གྱི་ཆ། །སྦས་ཤིང་ཡོན་ཏན་ཕྱོགས་གཏོགས་རྣམས། །མདོ་ཙམ་སྨྲས་པ་འདི་ཉིད་ཀྱང་། །ཚེ་རབས་སྔོན་ནས་འབྲེལ་བ་ཡི། །སྨོན་ལམ་གཅིག་ཏུ་མཐུ་གྲུབ་པ། །སྙིང་གི་གྲོགས་མཆོག་ཆོས་ཀྱི་བཤེས། །ཀུན་གཟིགས་མཆོག་སྤྲུལ་རིན་པོ་ཆེ། །བཀྲ་ཤིས་དཔལ་གྱིས་འབྱོར་པ་ཡི། །བཀའ་སྩལ་བཟློག་ཏུ་མ་ནུས་པས། །གཉིས་སྤངས་འཁྱམས་པོ་བླུན་རྒན་ནི། །ཆོས་ཀྱི་བློ་གྲོས་ཞེས་བྱ་དེས། །གང་ཤར་གང་དྲན་ཤར་མར་བྲིས། །དགེ་བས་བཟང་འབྲེལ་ངན་འབྲེལ་རྣམས། །རིམ་གྱིས་གྲོལ་བའི་རྒྱུར་གྱུར་ཅིགསླད་ནས་དད་ལྡན་གྱི་སློབ་མས་སྤར་དུ་བརྐོ་བར་བརྩམས་པ་ན་ཅུང་ཟད་བསྣན་པ་དགེའོ། །སརྦ་མངྒ་ལཾ། །ཨོཾ་སྭ་སྟི། །བཀའ་དྲིན་ཐོབ་པའི་བླ་མ་སངས་རྒྱས་དངོས། །མདོ་རྒྱུད་ཀུན་ནས་མཐུན་པར་རབ་བསྔགས་བཞིན། །དད་སློབ་དམ་ཚིག་བློ་མིག་དག་པ་ནི། །ཀུན་དགའ་བསོད་ནམས་རབ་རྒྱས་ཞེས་བྱ་བས། །སྤར་དུ་བསྐྲུན་པའི་ལེགས་བྱས་འདི་ཉིད་ཀྱིས། །བདག་གཞན་ཐམས་ཅད་བླ་མའི་ལམ་གྱིས་གྲོལ། །ཚོགས་རྫོགས་སྒྲིབ་དག་སྐུ་བཞིའི་རྒྱལ་ས་བརྙེས། །དོན་གཉིས་ལྷུན་གྱིས་གྲུབ་པའི་བཀྲ་ཤིས་ཤོག །བླ་མའི་རྟོགས་བརྗོད་བརྒྱད་ལྡན་ལྷ་ཡི་ཆབ། །བར་གྱི་ཡུར་བར་འདྲེན་བྱེད་བསོད་འཕེལ་བས། །རྣམ་གསུམ་དད་པས་བགྱིས་པའི་ལེགས་བྱས་ཀྱིས། །མཚན་ལྡན་བླ་མས་རྣམ་ཀུན་རྗེས་འཛིན་ཤོག །སརྦ་ཛ་ག་ཏཾ།། །།

[edit]

@#/____/many+dzug+hoShad+harmas+yamatInAMbud+d+haMbargamAyAlilatsanamabiharatisma/____//__@#/____/'jam dbyangs chos kyi blo gros kyi rtogs pa brjod pa sgyu ma'i rol rtsed ces bya ba bzhugs so//____//__ bla ma mtshungs med 'gro ba'i mgon/____/bka' drin can rnams zhabs pad mor/____/sgo gsum gus pas 'dud byas nas/____/rnam thar brdzun gtam mdor bsdus dbye/____/skye ngan bdag gi skye ba'i yul/____/sa yi mdud bzhir grags pa las/____/re khe zhes pa'i yul gyi ljongs/____/gser ldan chu klung 'bab pa'i 'gram/____/a byams zhes pa'i sa yi char/____/bskyed pa'i yab ni thugs rje dang /______/sku drin mtshungs bral rig pa 'dzin/____/'gyur med tshe dbang rgya mtshor grags/____/sku rus bdud 'dul gdung brgyud ni/____/rgyal sras pad+ma dbang rgyal gyis/____/gsang gsum byin gyis brlabs pa yi/____/nus ldan nam mkha'i rnal 'byor zhes/____/gter ston rig 'dzin chen po yi/____/sku sras dam pa de nyid dang /______/a lcags 'bru yi rigs las ni/____/a mdo gser gyi bya bral ba/____/zhes grags grub thob de nyid kyi/____/rigs son tshul khrims mtsho zhes pa'i/____/bu ru chu mo sbrul gyi lo/____/ston zla'i skor zhig skyes par grags/____/gza' skar rmi ltas la sogs pa/____/yab yum thugs snang spros med pas/____/yig thor bkod sogs ma byung 'dug_/de nas rim gyis skyed bsring ste/____/lo drug tsam du son pa na/____/zhang po bla ma dge legs mdun/____/yig ngo bstan par 'jog byas te/____/ka smad sum cu 'dogs bcas dang /______/maN+Dal dgongs 'dus yan lag bdun/____/slob khul byas te skabs shig tu/____/brag dmar yid bzhin dbang rgyal las/____/tshe dbang zhig kyang chos 'brel thob/____/lo bdun lon dus kaHthog nas/____/si tu ma hA paN+Di tas/____/phebs bsur btang ba dgun zla'i tshes/____/'og min dpal gyi kaHthog tu/____/'byor nyin kha ba chen po babs/____/rten 'brel legs pa'i dge mtshan bcas/____/rdzong mgo bkra shis khang gsar gyi/____/klong gsal gzim khang nang der bsdad/____/gza' tshes dge bar skyabs rje yis/____/lha chen dpal 'bar thub dbang mdun/____/gtsug phud blangs te ming btags gnang /______/'jam dbyangs blo gros rgya mtshor 'dogs/____/mi ring dge rgan bka' drin can/____/thub bstan rig 'dzin rgya mtsho dang /______/lhan cig bar khrod chos gling du/____/bsdad nas klog la legs par bslabs/____/lo gcig khongs su yig dkar nag_/pusti bcu skor legs par byang /______/rang lo dgu pa'i dgun de ru/____/si tu bla brang 'bru ldom du/____/hor por phyin tshe lo chung bas/____/sdug bsngal dka' tshegs dpag med byung /______/gling dkar chos rgyal yab yum mjal/____/gang blo ma zhig blo nas bshad/____/bla ma dran pa'i gdung shugs kyis/____/yab yum gnyis kas spyan chab bsil/____/de nas bzung ste mchod yon gnyis/____/dam gtsang sel med dad brtse che/____/yongs 'dzin sku drin can de las/____/snga rjes bris dang sngon 'gro'i khrid/____/ngag sgron sum rtags lan gnyis dang /______/spyod 'jug yon tan rin chen mdzod/____/dbyangs can sgra 'grel bskyed rim khrid/____/de rnams go don bshad khrid stsal/____/ngag sgron gzhan la bshad khul byas/____/dge rtse paN chen bka' 'bum lung /______/cho ga phyag len zhib par stsal/____/za gyon byed lugs tshun chad kyi/____/blang dor gnas rnams ston pa yi/____/sku drin da lta bsam tsa na/____/mig nas mchi ma 'khrugs pa yod/____/byang chub bar du thugs rjes zungs/____/nga la yon tan ci yod pa/____/rje de kho na'i thugs rje yin/____/de dag rnams kyi skabs rnams su/____/skyabs rje thams cad mkhyen pa las/____/bka' brgyad 'dus mdo bka' ma dang /______/snying thig ya bzhi zhi khro sogs/____/dbang lung rgya chen thob gyur kyang /______/rang nyid na phra thob yig ni/____/bkod ma btub pas cher ma gsal/____/si tu paN chen dang lhan cig_/mkhyen brtse'i mchod dpon shes rab las/____/sa skya bka' 'bum rtse le yi/____/gsung 'bum lung sogs nos pa byung /______/thams cad gzigs pas mkhan po dang /______/las slob rig 'dzin rgya mtsho sogs/____/dge 'dun 'tshogs las dge tshul gyi/____/sdom pa'i bka' drin stsal ba dang /______/gtsug lag lung rig nyi ma ni/____/smra ba'i seng ge zhes byar btags/____/'di nas bzung ste rten bsgyur bar/____/rtsa ba bzhi dang 'gal ba med/____/klong gsal bdud 'dul dbang yongs rdzogs/____/rje yi zhal snga nas thob cing /______/lung rnams zhing skyong rje dbon gsungs/____/de las kyang ni snga rjes su/____/mkhyen gsung 'thor bu pod gnyis dang /______/mgon po tshogs bdag pod lung dang /______/bka' 'dus ma Ni bka' 'bum gyi/____/lung dang mngon dga'i zhing sbyong gi/__dbang sogs chos 'brel mang du thob/____/dman la thugs gtsigs cher mdzad de/____/pha ma lta bu'i sku drin bskyangs/____/kaHthog dbyar dgun sgrub mchod kyi/____/tshogs thog snga rjes 'ga' zhig phyin/____/lo grangs bcur son de nyid la/____/dbyar gnas bsdad cing bshad bya'i yan lag_/'tshogs rgyugs phul ba'i khul yang byas/____/bcu gcig lo der yongs 'dzin las/____/dbyangs can sgra 'grel ri mo sbyangs/____/de yi bar la nyag khog tu/____/'bru ldom dbyar stod khrom khog sogs/____/dkar ldom phyin cing bcu gnyis lor/____/sa ris lnga bsdus zla gsum ring /______/slob dpon zhal gyi rjes zlos dang /______/mdzub mos brda sprod kho na las/____/cung zad tsam yang ma shes so/____/kaHthog 'du khang zhing sgrub kyi/____/'tshogs phyin bde smon bshad pa byas/____/kun gyis ya mtshan che bar brtsi/____/khrom khog 'gro skabs 'brug sgar du/____/bka' drin mtshungs med rig 'dzin rje/____/sna tshogs rang grol gser zhal mjal/____/rje yi dag snang bsngags brjod dang /______/tshe dbang gnang sbyin rgya cher mdzad/____/snga phyir lan grangs mang du mjal/____/dgongs zang klong snying smin grol dang /______/bla ma yang tig rje nyid kyi/____/gter gsar skor dang rdzogs chen gyi/____/khregs thod ngo sprod bogs 'don gnang /______/lugs gnyis bka' drin tshad med che/____/bcu gsum lo der sku drin can/____/dge rgan de nyid zhing du gshegs/____/da phrug thang dkyil lus par gyur/____/long ba mgon med bzhin du 'khyams/____/yongs 'dzin dam pa de nyid ni/____/lo gsum btud mar bad kan bsnyungs/____/de rnams kun la rang kher bus/____/ja bkol chu len bsnyun g.yog sogs/____/zhabs phyi dka' ba med par sgrub/____/de yis sgrib pa cung byang snyam/____/dgung zhag tshar nas rdo rje 'chang /______/grwa lag dgon du phebs pa yi/____/zhabs phyir bkri zhing bar mtshams su/____/gsang ba snying po blor blangs shing /______/'brog sder ldom bskor la yang phyin/____/slar 'byor mngon rtogs rgyan rtsa bzung /______/dgun der tshogs chen 'dus pa yi/____/rgyal tshab byas shing rgyud sde'i grwar/____/zhugs nas 'jam bstod gang blo dang /______/khyad par 'phags bstod lha phul byung /______/phung lnga'i rab dbye spyod 'jug dang /______/sdom gsum yon mdzod yid bzhin mdzod/____/mkhas 'jug mngon rgyan 'byed gnyis dang /______/rgyud bla mdo rtsa dbu rgyan sogs/____/si tu paN chen kun dpal dang /______/bstan bzang a ka la sogs pa'i/____/zhal nas bshad pa rgya cher nos/____/kun gzigs 'khor lo'i mgon po las/____/sems bskyed srol gnyis sgyu 'phrul gyi/____/zhi dang khro bo'i dbang bskur sogs/____/dbang lung 'ga' dang rnying rgyud lung /______/gsang snying bshad pa rgya cher nos/____/khyad par mkhan chen bla ma ni/____/kun bzang dpal ldan chos grags kyis/____/thugs brtse chen pos legs bskyangs te/____/snga rjes gzhung gi dka' gnad sogs/____/bka' drin stsal las a mye yi/____/go ba rgyud la chags tsam byung /______/bcu bzhi lor yang gzhung lugs la/____/sbyangs shing bar skabs dbang lung dang /______/dbyar gnas la sogs 'tshogs su phyin/____/bco lnga'i lo der rdzong gsar gyi/____/yang srid zhing gzhan 'phos pa dang /______/gong ma'i sku dbon bsnyung ba yi/____/'da' ka'i zhal chems si tu rjer/____/gnad bkar stabs kyis dkor rkyal bdag_/gdan sa'i steng du 'khod dgos byung /______/rang nyid ma gtogs sku bcar ba/____/gzhan med rang tshugs bzung khul byas/____/sngon gyi las ngan 'ga' zhig gi/__byed pas gang zag res 'ga' yi/____/mig sngar mi mdza' sdang gyur kyang /______/snyems pa med pa'i brtul zhugs kyis/____/gdan sa ma shor tsam zhig byung /______/byams pa chen po la gnas pas/____/sdang zhi rang la 'dun par gyur/____/skyabs rje dam pa'i bka' phebs nas/____/mkhan po skal bzang dbang phyug las/____/byams chos ma thob lhag rnams dang /______/mngon mdzod dbu ma rtsa 'jug dang /______/sher phyin sdud pa sbyangs brtson byas/____/de skabs rdzong gsar dgon pa yi/____/grwa pa nyi shu skor tsam la/____/spyod 'jug sdom gsum mdo sdud dang /______/rgyud bla bzang spyod la sogs bshad/____/sa bya lo la rdo rje 'chang /______/dran pas snying gi gdung sel mgon/____/blo gter dbang po'i zhabs pad bcar/____/dgyes pas gos chen si'u yi/____/snyel 'bol bcas pa'i gdan steng 'jog_/sngon las 'brel ba mthu btsan pas/____/gus shing dad gdung chen po skyes/____/de nas mi ring rdo rje 'chang /______/de nyid dang ni brag ra nas/____/bkra shis rnam gnyis lhan rgyas pas/____/rgyud sde'i dbang chen dbu tshugs shing /______/rigs kyi bdag po chen po yis/____/zhen pa bzhi bral don bdun ma'i/____/khrid skor shin tu mang po dang /______/dbu ma lugs kyi sems bskyed dang /______/rigs gsum spyi dkyil nas brtsams te/____/dbang chen mang po dag kyang nos/____/lam 'bras slob bshad khrid tshang dang /______/kye rdor rgyud bshad rgyas pa nos/____/slob bshad kun gzhi rgyu rgyud kyi/____/lta ba 'khor 'das dbyer med skabs/____/sems 'tshol ngo sprod nyin bdun mdzad/____/sems ngo'i go don phyogs tsam rigs/____/rdo rje 'chang chen 'di nyid la/____/lung rtogs bstan pa'i nyi ma yi/____/man ngag snying tig myong khrid kyi/____/don brgyud zab mo dag kyang bzhugs/____/don gnyer 'ga' la don bdun ma'i/____/bshad pa zhig kyang byed khul dang /______/mkhan chen gzhan phan rin po ches/____/rgyud bshad skyor chen mdzad pa yi/____/spyi rnam ljon shing phyed yan la/____/yang skyor byed pa'i khur yang blang /______/mkhas dbang de las mdo rtsa yi/____/bshad pa tshar gcig legs par nos/____/thar rtse mkhan chen ma pheb pa'i/____/rkyen gyis rnal 'byor rgyud rdzogs nas/____/mi tra brgya rtsa ngor dkyil bdun/____/rwa tshar 'jigs byed dbang chen dang /______/lam 'bras ngag chos khrid yig steng /______/sum khrid bkra shis zhabs las thos/____/rgyud btus phyir 'gyang gyur pa dang /______/zla ba bdun tsam thal gyur cing /______/yab rje rig 'dzin chen po nyid/____/gter mdzod gnang bar phebs yod kyang /______/gal gnad che chung lta bu yi/____/de bar rdzong sar bzhugs yod pa'i/____/sems khral chen pos dgongs pa zhus/____/lha dang bla mar 'phreng bzhin du/____/rang gnas bkra shis lha rtser 'byor/____/lcags khyi cho 'phrul zla ba yi/____/gza' skar bzang po nas brtsams te/____/'dus pa mdo dbang dong sprugs sogs/____/dbang chen rnams kyis sgo phyes nas/____/rin chen gter mdzod chen po dang /______/mchog gling gter gsar yongs rdzogs kyi/____/dbang lung zla ba brgyad la gnang /______/bka' drin tshad med bla ma rje/____/byang chub snying po'i mthar thug bar/____/sku drin gzhal bya'i yul las 'das/____/rtag tu bla mar mchod pa 'bul/____/lcags phag rdo rje 'dzin pa'i rgyal/____/mkhan chen bsam gtan blo gros las/____/sgrub thabs kun las btus pa yi/____/smin grol yongs su rdzogs pa dang /______/mkha' spyod pod lung sogs kyang thob/____/'di lo yab rje rig pa 'dzin/____/pad+ma 'od kyi grong du gshegs/____/dgongs rdzogs mchod sprin dag kyang spros/____/chu byi lo la wa ra yi/____/thar rtse zhabs drung rin po che/____/byams pa kun bzang bstan nyi las/____/rnal 'byor bla med man chod kyi/____/rgyud sde'i dbang chen grangs mang po/____/zla ba bzhi lhag tsam zhig zhus/____/mkhas btsun bzang po'i yon tan ni/____/'gran zla med par bzhugs gyur kyang /______/sku tshe ring po ma thub pas/____/'gyod pa chen pos gdung bar gyur/____/kun bzang dpal ldan chos grags las/____/tshad ma rnam 'grel bshad khrid dang /______/dus 'khor rgyud 'grel sogs kyang thob/____/mkhas dbang bkra shis chos 'phel las/____/shangs chos dus 'khor la sogs pa'i/____/bka' drin rgya che grangs mang nos/____/rang lo nyer lngar son pa na/____/go 'jo'i ljongs su gdul byar song /______/'dis mtshon gdan sar 'byor nas kyang /______/dbyar dgun dkor sdud mang du byas/____/dad rdzas chud zos ma shor ba/____/bshad sgrub sde tshogs gsar 'dzugs dang /______/gong ma'i gsung rab pusti kaH/__bcu gsum lhag tsam par du bskrun/____/mkha' spyod be'u bum pod gsum dang /______/'dus mdo'i 'grel dang gsang snying Tika/__mi pham gsung pod gnyis lhag dang /______/mdo sngags gzhung 'grel rtsa ba sogs/____/snga phyir glegs bam mang po brkos/____/sa rta rang lo nyer drug dus/____/bshad sgrub dar rgyas gling chen po'i/____/chos sde btab nas mkhan chen pa/____/gzhan phan byams pa'i go cha yi/____/thugs bskyed rgyun las da lta'i bar/____/ma nyams gnas pa 'di nyid kyis/____/bstan la cung zad phan par gyur/____/'di lo phug dgon sman sgrub zhor/____/ru dam bsam gtan gling du phyin/____/brtan mkhas bzang po'i yon tan phul/____/blo gsal zhabs las bsnyen rdzogs kyi/____/sdom pa thob kyang rten 'brel 'bring /______/phug dgon bka' brgyad sman sgrub skabs/____/zhe chen rgyal tshab rdo rje 'chang /______/gser zhal thog mar mjal ba dang /______/yang snying kun 'dus tshe dbang nos/____/thun min dgyes brtses khyab par mdzad/____/de rjes rdzong gsar phyag phebs nas/____/rgyun ring bzhugs stan chags pa dang /______/byang gter la sogs gter rnying skor/____/dbang lung rgyun dkon mang du stsal/____/sa sprel rgyal tshab rin po ches/____/smin gling dbang lung 'ga' zhig dang /______/sku bsnyun zhabs brtan gsol btab zhus/____/byang phyogs rdo sgar phyin nas ni/____/kun mkhyen bstan pa'i nyi ma mjal/____/rigs 'dus thig rgya'i smin byed dang /______/klong snying bka' khrid gsang snying gi/__spyi don ljags bshad bka' drin stsal/____/bslab bya zhal gdams lhug par gnang /______/mgon po gang gi gsung rab rnams/____/lung ma thob kyang spel chog pa'i/____/bka' lung nos shing thugs brtse ba'i/____/shin tu gzigs pa chen pos bskyangs/____/las gling mjal nas phur skor dang /______/grol thig smin grol thob pa byung /______/chu byi so gnyis lon pa'i dus/____/zhe chen chos grwa chen po yi/____/ri khrod bkra shis bde mchog gling /______/'khor lo'i mgon po pad+ma'i mtshan/____/seng ge'i khri la bzhugs pa dang /______/ston 'khor phun sum tshogs pa las/____/sgrub brgyud shing rta che brgyad kyi/____/gzhung gdams man ngag mdzod chen po'i/____/smin grol rgyab brten bcas pa dang /______/gter mdzod bka' rgya'i smin grol stsal/____/skyabs rje yid bzhin nor bu 'dis/____/lugs gnyis brtse ba chen pos bskyangs/____/mtshungs med thugs rje'i gter gcig go/__pad+ma dri med blo gros las/____/kun bzang rnam rgyal bka' 'bum dang /______/snying tig lugs gnyis mdo dbang sogs/____/snga rjes dbang chos rgya cher thob/____/sde dge chos rgyal gong ma yi/____/drwa sgang sgrub sde nyams pa la/____/phog theb 'bri ma brgya lhag dang /______/rdil tshad sum cu skor tsam bzhag_/sgrub gshag gsar du bzhengs par byas/____/gsung ngag nyams len gtsor byas pa'i/____/snyan brgyud sgrub sde dag kyang btsugs/____/de nas khyung po'i nang khul du/____/gzhung gi mkhan chung dbang nor gyis/____/gdan zhus ya bzhi klong snying sogs/____/dbang chos 'brel pa ci rigs byas/____/chu glang lha gdan gnas bskor dang /______/jo shAka mdun du phyag mchod phyin/____/smon lam yid ni tshim par btab/____/rgyal dbang thub bstan rgya mtsho yi/____/mtshan dpe mjal dang byang chub kyi/____/lam sgron chos kyi bka' 'brel nos/____/zhabs pad brtan pa'i 'dun smon zhus/____/gong ma'i rnam thar rjes mthun par/____/smin grol chos kyi gling chen du/____/ngag dbang thub bstan nor bu las/____/bsnyen rdzogs sdom pa bskyar te bsgrub/____/lo de'i zla bar khyung por 'byor/____/lam rgyud gnas brtan mchog gling dang /______/rtsi ke sprul sku rin po che/____/sogs las mchog gling gter chos sogs/____/dbang chos 'ga' nos skabs de ru/____/dran pas srid zhi'i gdung sel mgon/____/si tu thams cad mkhyen pa che/____/chu glang lo la sku gshegs pa'i/____/gtam ngan skal med rna bar son/____/dgongs rdzogs gsol 'debs mchod 'bul byas/____/rje de gshegs nas lo mang por/____/rmi lam gnas skabs phal cher mjal/____/mgon khyod dbyings su gshegs na yang /______/bdag nyid thugs brtses bzung nges snyam/____/dga' skyo 'dres mar rgyun du mchis/____/sa dbang sman stod bka' phebs bzhin/____/chab mdo byams pa gling du 'byor/____/gzhung rim gshin rje'i bzlog pa dang /______/gnas brtan cho ga la sogs sgrub/____/blon chen nyid la dbang khrus dang /______/chos dbyings mdzod kyi bshad khrid byas/____/mkhas dbang dge bshes 'jam rol las/____/gsang 'dus dbang chen la sogs pa/____/snga phyir dbang chen 'ga' re nos/____/'jigs byed lha khang yang rtse ru/____/bde mchog tshe sgrub cho ga yis/____/ngos la ring 'tsho'i rten 'brel mdzad/____/rang gnas 'byor rjes zhe chen du/____/skyabs rje rgyal tshab rin po cher/____/mtshams zhus mjal dar phul bar btang /______/de yi gsung lan phyag bris mar/____/kaHthog si tu paN chen gshegs/____/rgan bu yang ni 'chi nyer gyur/____/rnying bstan snum zad mar me ltar/____/gyur pa 'di la khyod nyid kyis/____/blo stobs rgya cher bskyed byas te/____/bstan la bya ba byed par rigs/____/zhes pa gsung gi tha mar stsal/____/de nas mi ring dbyings su gshegs/____/dgongs rdzogs 'byor phebs dpa' 'og tu/____/sdod nub rmi lam du mjal zhing /______/bdun gsum bar du dgongs rdzogs kyi/____/mchod sprin gsol 'debs yang yang zhus/____/sku gdung zhugs 'bul la sogs byas/____/mkhan chen kun bzang dpal ldan las/____/spyod 'jug sems bskyed bshad khrid zhus/____/rang gnas 'byor 'phral mtshams zhig bsdad/____/grol rjes dpal gyi kaHthog 'byor/____/bshad grwa nyams gso rgyas par byas/____/rten bzhengs 'phro lhag thams cad kyang /______/rang rgyu dang ni phyag rdzas kyis/____/'phros dzar rnams kyis thub chen khang /______/rten dang brten pa la sogs bzhengs/____/rdzogs chen lnga pa'i dgongs nyams la/____/shar ba'i sprul pa khrir bkod dang /______/dbu 'don la sogs rang 'dod kyi/____/'khri ba med pa'i tshul du byas/____/snga phyi lo grangs bco lnga tsam/____/kaHthog bstan par zhabs tog bgyis/____/de dag rnams kyi bar mtshams su/____/dgyes pa rdo rje'i bsnyen chen sogs/____/bsnyen sgrub bzlas brjod mang tsam byas/____/snyan brgyud 'dzin pa kun gyi rgyal/____/sga ston chos rje rdo rje 'chang /______/legs pa'i zhabs las gsung ngag ni/____/tshad ma bzhi ldan snyan brgyud kyi/____/lam 'bras slob bshad zab mo dang /______/mkha' spyod 'jigs mdzad mgon po sogs/____/snyan brgyud smin grol gdams zab thob/____/shin tu thugs brtse dgongs pa gtad/____/bka' drin zla med bla ma rje/____/rdzong gsar phur sgrub spros bcas lugs/____/gsar 'jog rten gsum mang po bzhengs/____/stag tshang sgrub sde nyung ngu 'dzugs/____/snga phyi sgrub chen mang po dang /______/kun gzigs si tu'i dgongs pa bzhin/____/ma Ni dung sgrub srol chen sogs/____/yul khams kun tu khyab par byas/____/bde skyid 'byung ba'i gzhi rtsar grub/____/dam pa rnams kyi zhal sgo las/____/snga phyi chos 'brel thob pa ni/____/rdzogs chen lnga pa'i zhal snga nas/____/'dzin pa rang grol dkon spyi dang /______/ye shes bla ma'i rtsal dbang dang /______/bla sgrub byin rlabs snying po sogs/____/dbang chos gnad chen 'ga' re nos/____/mkhan chen rgyal mtshan 'od zer las/____/snga rjes dbang chos mang po dang /______/gter ston dri med 'od zer las/____/yi dam dgongs 'dus dbang chen dang /______/nyid gter gshin rje'i skor la sogs/____/dbang dang rkyen sel snga rjes su/____/bka' drin chen pos khyab par mdzad/____/rag sprul thub bstan bshad sgrub las/____/gnam chos dbang lung tshang ma dang /______/rat+na la sogs mang du nos/____/mkhan chen ngag dbang dpal bzang las/____/klong gsal bdud 'dul dbang lung dang /______/bka' brgyad gsang rdzogs dbang chen dang /______/mkha' 'gro yang tig dbang khrid sogs/____/rgya cher thugs rjes bskyangs par mdzad/____/mkhas dbang legs bshad 'byor ldan las/____/'jigs gling bka' 'bum 'ja' tshon dang /______/bka' ma'i chog khrigs skor lung nos/____/zur mang drung pa rin po cher/____/bde mchog snyan brgyud smin grol dang /______/rdor gling lta ba klong yangs dang /______/chos drug phyag chen khrid sogs thob/____/gnas dgon mchog gling yang srid las/____/gter gsar thugs sgrub rnam gnyis dang /______/rdzogs chen sde gsum la sogs thob/____/ke la'i sprul sku rin po cher/____/thugs sgrub bsam lhun dbang chen dang /______/rig 'dzin srog sgrub lung sogs thob/____/zla bzang sprul sku rin po cher/____/rgyal rgyam lha dgu phag mo'i dbang /______/mkhyen brtse'i rgyal ba rgya mtsho sogs/____/smin grol 'ga' zhig thob pa dang /______/gter sprul rol pa'i rdo rje las/____/rol rdor gter chos yongs rdzogs nos/____/dpal spungs byams mgon si tu las/____/rgya chen spyod brgyud sems sdom dang /______/dgyes rdor dbang chen sgrol dkar sogs/____/snga rjes chos bka' mang du thob/____/tsA 'dra'i kong sprul yang srid las/____/rata phur dbang dang kong chen pa'i/____/gter byon yang dag la sogs thob/____/zhe chen rab 'byams rin po cher/____/nyang gi khros nag dbang bsdus dang /______/dregs 'joms dbang sogs mang du nos/____/kaHthog kun bzang bstan 'dzin las/____/spyi mdo dgongs 'dus bshad lung dang /______/ngal bso skor gsum theg mchog mdzod/____/sogs kyi bshad khrid mang du thob/____/pad+ma thugs rje'i dbang phyug las/____/las gling gter chos bka' ma yi/____/dongs sprugs rnam gnyis dbang lung thob/____/sangs rgyas mnyan pa khra sprul dang /______/bstan bzang mkhar mgo sprul sku sogs/____/chos kyi 'brel pa mang du nos/____/gter sras tshe dbang nor bu las/____/chung dus bsam lhun dbang chen dang /______/pad+ma bka' thang lung sogs nos/____/mchog sprul bkra shis dpal 'byor las/____/rgyud phur dbang dang rje nyid kyi/____/dgongs gter dbang lung mang po dang /______/bka' brgyud sngags mdzod jo nang pa'i/____/bka' 'bum lung sogs mang du nos/____/'bri gter 'od gsal rdo rje yi/____/tshe gegs bsal zhing nyid kyi gter/____/sgrol ma'i dbang dang tshe dbang sogs/____/snga rjes chos 'brel 'ga' re thob/____/'di nyid gter ston dngos yin kyang /______/sku gshis gyong bas 'gro don dman/____/bshes gnyen chen po 'jam rgyal las/____/kye rdor rgyu lam bdag med dbang /______/slob bshad khrid lung la sogs pa/____/chos kyi bdud rtsi rgya cher nos/____/thugs brtse chen pos khyab par mdzad/____/sa ngor bstan pa'i rgyan gcig pu/____/sde gzhung mchog sprul rin po cher/____/sgrub thabs rgya mtsho'i rjes gnang dang /______/bde dril lus dkyil mkha' spyod sogs/____/smin grol gnad chen 'ga' re nos/____/gzim 'og mchog sprul zhal snga nas/____/kye rdor rgyu lam lam zab dang /______/zhal gyi dbang khrid tshang bar nos/____/grub dbang shAkya shrI dz+nyA na/____/dngos ma mjal yang 'phrin lam nas/____/thugs rje chen pos khyab pa dang /______/dgongs pas byin brlabs rig rtsal spar/____/thugs sras 'phags mchog rdo rje las/____/bla ma bde mchog dbang sogs thob/____/rgyal dbang karma bco lnga pa/____/mjal ba'i skal pa phra na yang /______/rmi lam du ni zhal mjal zhing /______/de yi skye srid bcu drug pa/____/rig pa'i rdo rje'i dgyes zhal mjal/____/dad gus drag po dang bcas te/____/dbu zhwa mthong grol chen mo dang /______/gsung gi bdud rtsis khyab par mdzad/____/rdor 'dzin b+ho d+hi b+ha dra las/____/mi 'khrugs kye rdor mkha' spyod kyi/____/dbang dang khrid bka' legs par nos/____/sbas pa'i rnal 'byor bstan 'phel las/____/thang stong snyan brgyud gur mgon gyi/____/dbang dang rjes gnang zab khrid dang /______/mkha' spyod la sogs mang du thob/____/e wa~M thar rtse mkhan chen las/____/kye rdor rgyu lam dbang bskur dang /______/lam zab byin rlabs dag kyang nos/____/mkhan chen don dpal zhabs nyid las/____/tshe rta zung 'brel dbang bskur dang /______/klu lding rgyal sras rin po cher/____/dkar po lha gsum rjes gnang dang /______/rdor 'dzin dpal ldan 'jam dbyangs las/____/bde mchog lU hi'i dbang chen dang /______/zhal gyi smin grol tshang bar nos/____/'jam dbyangs mkhyen rab mtha' yas las/____/dus kyi 'khor lo'i dbang chen dang /______/'jigs byed zhal gyi pod lung nos/____/thar lam sprul sku rin po cher/____/sa ngor zhu chen bka' 'bum gyi/____/ljags lung nos shing gtsang sprul las/____/phur pa stod smad dbang chen dang /______/mgon po rnam sras skor sogs thob/____/nam mkha' kun bzang bstan rgyal las/____/tshe dpag lha dgu stag zhon gyi/____/dbang rjes nos shing shar bla ma/____/dkon mchog bstan 'dzin zhal snga nas/____/gur mgon rjes gnang yongs rdzogs dang /______/bka' khrid zhib rgyas sgrol dkar ni/____/'od zer drug sbrags rjes gnang thob/____/mdor na yongs 'dzin brgyad cu lhag_/brten nas dam chos rgya cher thob/____/zhe brgyad mjug nas nad mnar gyis/____/lo shas shin tu gdung gyur kyang /______/bla ma mchog gsum thugs rje yis/____/srog rang ma bral tsam zhig byung /______/rtsa gsum zhal mjal gsung thos sogs/____/las ngan dkor sgrib che ba yis/____/phra ba'ang yod pa zhig min pas/____/yi ger bri rgyu cang ma mchis/____/brtson 'grus zhan la shes rab dman/____/'dzin blo chung zhing go ba 'bring /______/bsdus grwa'i rig lam zhig sbyangs na/____/rtsod pa'i rig pa skyon med tsam/____/'byung ngam snyam yang dgos pa chung /______/'jam dpal mtshan brjod klong snying gi/__rtsa gsum ma mgon la sogs dang /______/ngor lugs 'tshogs 'don 'ga' re zhig_/tshar grangs gnyis gsum bton pa yis/____/blo la byung ba der bltas na/____/tshe sngon bag chags dge'am snyam/____/rnam 'joms gzungs ni blor blangs tshe/____/srod dus zla ba'i dkyil 'khor la/____/bltas pa'i rkyen gyis yid skyo zhing /____dpal ldan sa skya'i chos grwa de/____/yang yang dran pas tshe sngon mar/____/'khon gdung zhig tu skyes pa yi/____/bag chags yad yud dran par gyur/____/mnga' ris paN chen lha btsun che/____/ngag dbang blo bzang rgya mtsho dang /______/tshangs dbyangs rgya mtsho dpal mkhyen sogs/____/thar thor tsam zhig skabs rer dran/____/rang nyid nga rgyal che ba yi/____/rtog pa rgod pas dran pa las/____/skyes chen dam pa de rnams kyang /______/bdag 'dra'i skye ngan mi blangs bas/____/des na gtan tshigs cang ma mchis/____/chung dus sngags kyi srung ma yis/____/bskyangs pa'i rmi lam zhig byung ba/____/'khor lo'i mgon por snyan gsol bas/____/klong gsal sngags srung thon cig gsungs/____/thang stong rgyal pos shel gong gi/__rig pa'i gnas lugs ngo sprod dang /______/'phags pa'i gnas brtan yan lag 'byung /______/bi ma mi tra klong chen pa/____/rmi lam du'ang zhal mjal zhing /______/mkhyen brtse'i dbang por tshe dbang dang /______/dpal sprul sems dpa' chen po las/____/klong snying sngon 'gro'i khrid lung nos/____/gnub chen sangs rgyas ye shes kyis/____/sngags gzhung mang po'i bka' gtad byin/____/lam 'bras bla ma 'ga' re dang /______/mi la sa paN tsong kha pa/____/lha btsun nam mkha' 'jigs med kyis/____/sngags kyi spyod pa'i brda bstan sogs/____/byin rlabs thob pa'i nyams rmis dang /______/dngos dang brdzu ba gang yin ni/____/ma 'byed chab chob 'ga' mchis kyang /______/bdag bzung ci yang ma byas pas/____/zhib cha dran par ma gyur to/____/gsar rnying bka' gter rtsa gsum gyi/____/bsnyen sgrub nyams len byed 'dod blo/____/skom pas chu ltar gdung gyur kyang /______/chos brgyad rnam g.yeng dbang du thal/____/rag rim bgyis pa 'di lta ste/____/chung dus 'jam dpal bstod sgrub ni/____/zla gcig tsam la 'don khul kyang /______/phal cher rnam g.yeng kho nar 'phyan/____/'jam dkar 'bum gsum dbyangs can gyi/____/bsnyen pa 'bum lnga zhig bton kyang /______/dran rgyu mang zhing don gnad chung /______/rata phur gsang sgrub rgyun khyer dang /______/kong+ka dAt+ta'i phag dkar dang /______/dgongs gter shes rab gsal byed bsnyen/____/drag po rta khyung seng gdong ma/____/bla sgrub thig rgya phur pa bsnyen/____/zhal ni tshe 'phel lan gnyis dang /______/klong snying sngon 'gro 'bum rnams bsags/____/phyag ni khri bzhi las ma nus/____/dgyes rdor bsnyen chen rgyas pa dang /______/'byung 'dul mi tra'i tshe dpag ni/____/bka' gter gnyis dang gsang thig phur/____/lan gnyis snyan brgyud phur pa dang /______/'od gsal snying thig phur gshin gnyis/____/mchog phur khro rgyal stobs 'dus dang /______/klong gsal phyag rdor dzaM ser bcas/____/bdud phur gsang sgrub dpal chen 'dus/____/'jam dpal rgyud lugs bsnyen pa rgyas/____/rgya chen rdo rje gro lod dang /______/karma gu ru sgrol dkar dang /______/dwangs ma bcud 'dren rnams kyang bsnyen/____/dmag zor tshe sgrub rigs gsum spyi/____/bla ma gsang 'dus spyi 'dus dang /______/bar chad kun sel bsam lhun dang /______/chos bdag bar chad sel byed kyi/____/sgrol ma phyag rdor sme ba brtsegs/____/nyang gi bde 'dus bka' 'dus dang /______/snyan brgyud gshin rje lan gnyis bsnyen/____/pha rol rgol 'joms snga rjes gnyis/____/ba ri lugs kyi rnam rgyal 'joms/____/'phags ma'i snying thig snga rjes gsum/____/bi ma'i bla sgrub byin rlabs snying /______/drang srong dri med lan grangs gnyis/____/thugs sgrub tshe dmar king kang dmar/____/grol thig yang bzlog nA ga rak+sha/____/jo lugs sgrol dkar zhig gling dang /______/klong snying sgrol dkar ba ri lugs/____/snga rjes gnyis dang phyag drug dkar/____/smin gling rdor sems drag dmar dang /______/thugs sgrub gro lod gur mgon gyi/____/srung ba rdo rje'i brag rdzong ma/____/thengs gsum gur gyi yi ge bdun/____/'bum phrag brgyad cu skor tsam bsnyen/____/mgon po 'di yis bdag nyid la/____/rtag par thugs rjes gzigs snyam yod/____/rnam rgyal mgon khang nyams gsos skabs/____/rab gnas bgegs bskrad dus su ni/____/rig pa'i ngar bskyed gzir ba'i mthus/____/lha rten dngos su 'gul ba ni/____/rang gzhan 'ga' res mthong bar gyur/____/sa phur bsnyen pa 'bum nyi shu/____/thugs sgrub rgyal ba'i gdung 'dzin dang /______/bla ma smra seng dam pa'i lugs/____/smra seng mkha' 'gro gsang 'dus kyi/____/dkyil 'khor yongs rdzogs rgyun khyer dang /______/zhi rgyas dbang gi phag mo bsnyen/____/grol tig gdung ba zhi byed dang /______/sa lugs rigs byed mkha' spyod ma/____/thang rgyal tshe sgrub lugs gnyis dang /______/phyag drug mthing ga'i bla rnam dang /______/dpal mgon zhal gyi gsang sgrub dang /______/gdugs dkar mchog grub khri gcig 'don/____/tshe lha rnam gsum bla rnam dang /______/skyer rta khyung khra 'jam nag dang /______/phyag rdor u tsar gos sngon can/____/sa 'jam sbags te sgrub pa dang /______/sa man+ta shrI dbyangs can ma/____/phur bu'i lugs kyi dbyangs can dang /______/bik+Sha pa ra'i gsang sgrub dmar/____/jo lugs sme brtsegs grol thig gi/__dam grib nyes pa kun sel dang /______/mi g.yo dkar po nyi sbas kyi/____/rtsa ba'i sgrol ljang dzaM dmar dang /______/zhal gyi tshe sgrub gur bdun ma/____/grub pa'i rgyal mo'i tshe sgrub dang /______/sgra mi snyan gyi tshe sgrub bsnyen/____/nyang gi khros nag mkhyen brtse yi/____/phyag rdor rdo rje me 'bar dang /______/gnyen po lha lnga snyan brgyud kyi/____/rta mchog rol pa'i thugs tig dang /______/dregs sgrol gnam lcags me 'khor dang /______/zhi byed gdugs dkar rma bya che/____/nyang gter phyag bzhi tshe 'phel dkar/____/rong zom pad+ma mkha' 'gro dang /______/gnam chos gur drag phur sham can/____/mkha' 'gro yang tig bla sgrub dang /______/tshe sgrub lcags kyi sdong po bsnyen/____/gling gter tshe yum mkhyen brtse yi/____/tsaN+Da li ni thengs gnyis dang /______/mchog gling bi ma'i seng gdong dang /______/chos dbang sgrol dkar la sogs kyi/____/bsnyen sgrub bzlas brjod kha khral blangs/____/sems ni rnam par g.yeng ba yi/____/ji tsam bzlas kyang 'bras mi 'byin/____/zhes pa'i lung don mngon gyur nas/____/thun mong grub rtags tsam ma thob/____/da dung 'chi bas ma gtugs na/____/bsnyen sgrub cung zad byed 'dod yod/____/de bzhin 'grub par o rgyan rjes/____/byin gyis rlobs par mdzad du gsol/____/rdo rje slob dpon phyi nang gi/__de nyid bcu dang mi ldan zhing /______/rgyud sde chen po'i bsnyen pa yang /______/rgya cher ma thon hom bskyed kyis/____/bla ma'i khur bzung zhu ba'i ngor/____/gdams mdzod tshar gsum sgrub btus bzhi/____/rin gter chen mo'i dbang lung dang /______/lam 'bras slob bshad thengs gcig dang /______/tshogs bshad lan gnyis dgyes rdor gyi/____/rgyud bshad lan gsum gur saM gyi/____/rtsa ba'i bshad lung mkhyen brtse yi/____/nye brgyud gsungs pa'i bshad khrid ni/____/'bad pa chen pos mnyan byas pa/____/snga rjes lan gnyis ngor dkyil bdun/____/lan gsum sbyong dkyil tshar gsum dang /______/dus 'khor jo zhal lan drug dang /______/mi pham rgyud 'grel tshar gcig bshad/____/bde mchog lU nag lan mang dang /______/snyan brgyud bde mchog lan gcig bton/____/mkha' spyod dbang khrid lan mang dang /______/be'u bum lung gnyis sa ngor gyi/____/bka' 'bum thengs gcig gur zhal gyi/____/dbang khrid thengs gnyis 'jigs byed kyi/____/pod lung thengs gcig dbang 'ga' bskur/____/lam rim chen mo'i lung tshar gcig_/rnying ma'i bka' ma lan gnyis dang /______/rnying rgyud bklag lung tshar gcig 'don/____/gsang snying spyi mdo rtsa dum gyi/____/rgyud bshad bka' ma'i gzhung rnying rnams/____/tshar bzhi rin gter bka' rgya skor/____/smin byed lan gsum bon lung gnyis/____/snying thig ya bzhi tshar gsum dang /______/yang tig rnam gnyis lan 'ga' 'don/____/mdzod bdun bklags lung tshar gnyis dang /______/ngal bso la sogs mang du bshad/____/bla ma dgongs 'dus dbang chen gnyis/____/bka' brgyad dbang chen de mtshungs dang /______/dgongs pa zangs thal lan gnyis dang /______/thang rgyal snyan brgyud lan gsum bton/____/dag snang rgya can smin gter rnams/____/lan grangs gsum bzhi re yang bton/____/'dod 'jo'i bum bzang thengs gnyis dang /______/smin gter rtse le'i bka' 'bum lung /______/thengs re bdud 'dul klong gsal gyi/____/dbang lung tshar gnyis klong snying gi/__smin grol snga rjes tshar mang dang /______/yon mdzod bshad pa lan gsum byas/____/mkhyen brtse'i gter chos yongs rdzogs dang /______/bka' 'bum lung ni tshar gnyis bton/____/mchog gter tshang ba thengs gnyis sogs/____/mdor na zhu ba su byung ngor/____/rang rang 'dod chos dbang rjes gnang /______/byin rlabs khrid bka' bar med byas/____/gong ma 'jam mgon bla ma de/____/grub mtha' kun la ma ltar mdza'/____/rang rang rgyud lung man ngag gi/__rnam dbye ma 'dres so sor mkhyen/____/phan tshun bsre lhad mi mdzad cing /______/gang la gang 'dul chos ston pas/____/sa dge dkar rnying thams cad kyis/____/rang gi bla ma bzhin du 'dzin/____/bdag ni de ltar ma lags kyang /______/bod yul shing rta che brgyad po/____/kun la dag snang cher bskyed cing /______/log rtog sgrib pas ma gos pa/____/gshe skur grub mtha'i phyogs 'dzin spangs/____/dbang khrid man ngag rgyud lung rnams/____/rgyun bzhugs thams cad 'bad pa ches/____/nyan dang mnyan par 'gyur bar smon/____/bstan pa ring du gnas pa yi/____/lhag bsam bzang pos thob pa rnams/____/phyogs ris med par spel ba dang /______/skye 'gro mchog phal thams cad la/____/zur za phrag dog brnyas bcos spangs/____/kun la phan pa'i bsam pa ni/____/dung dang pad rtsa ltar dkar ba'i/____/sems bskyed smon lam bzang po btab/____/'brel pa thams cad don yod byas/____/de ni rnam thar snying po yin/____/da ni rang lo brgya phyed la/____/'dod yon bse ru'i grangs lhag son/____/gter ston dang ni grub thob kyi/____/shas tsam bdag la mi bdog kyang /______/re zhig ma shi gson gyur na/____/rang don sgrub pa'i zhar byung du/____/gzhan la phan pa'ang cha shas 'byung /______/de phyir kun gzigs gong ma rje'i/____/gsang ba'i lung gi tshig zur dang /______/'jam mgon kong chen zhal 'phros sogs/____/dam pa rnams kyi lung byang dang /______/rang gi rig ngor thon pa bzhin/____/tshe lam phyag rgya'i rten 'brel bsgrigs/____/theg dman sor sdom phul byas shing /______/der bsten rtogs pa mi ldan kyang /______/sems bskyed dge ba nyid du sgrub/____/'di yi phan par 'gyur ba yi/____/dam bca' byed du ma mchis kyang /______/rang gzhan rkyen dbang ma gyur na/____/re zhig 'tsho bar 'gyur yang srid/____/rang bsags sdig pa'i khur chen pos/____/'bras bu sdug bsngal myong ba la/____/rgyu 'bras bslu ba med pa'i phyir/____/mgon po thugs rje can rnams kyis/____/sdig ldan bdag la gzigs shig kye/____/sdug bsngal 'dam las drang du gsol/____/sdom pa gsum gyi bcas mtshams kyi/____/ltung ba rnams ni char bzhin babs/____/rang bzhin kha na ma thos gos/____/de dag rnams la 'gyod bshags ni/____/snying nas dran no byang bar mdzod/____/'chi bar dga' spro'i gding med pas/____/mi tshe lhag ma ji yod kyang /______/dam pa'i chos la spyod pa dang /______/khyad par gzhan phan byang chub sems/____/ri rgyal lta bur brtan pa yi/____/sems can kun gyi 'dod pa sgrub/____/sems can rnams kyi don byed shog_/mgon po kun gzigs 'jam pa'i dbyangs/____/mkhyen brtse'i gter chen rin po che'i/____/thugs bzhed phrin las lhag ma rnams/____/ma lus bdag gis sgrub par shog_/bdag dang bdag la 'brel thob dang /______/bdag gi ming tsam thos pa kun/____/las nyon sdig sgrib kun byang nas/____/nub phyogs bde chen zhing khams su/____/pad+mo'i sbubs su rdzus te skyes/____/byang chub lung bstan thob pa dang /______/sa bcu lam lnga bgrod byas te/____/rnam mkhyen sku bzhi thob par shog_/de skad rang byas rag rim gyi/____/rtogs pa brjod pa skyon gyi cha/____/sbas shing yon tan phyogs gtogs rnams/____/mdo tsam smras pa 'di nyid kyang /______/tshe rabs sngon nas 'brel ba yi/____/smon lam gcig tu mthu grub pa/____/snying gi grogs mchog chos kyi bshes/____/kun gzigs mchog sprul rin po che/____/bkra shis dpal gyis 'byor pa yi/____/bka' stsal bzlog tu ma nus pas/____/gnyis spangs 'khyams po blun rgan ni/____/chos kyi blo gros zhes bya des/____/gang shar gang dran shar mar bris/____/dge bas bzang 'brel ngan 'brel rnams/____/rim gyis grol ba'i rgyur gyur cigaslad nas dad ldan gyi slob mas spar du brko bar brtsams pa na cung zad bsnan pa dge'o/____/sarba mang+ga laM/____/oM swa sti/____/bka' drin thob pa'i bla ma sangs rgyas dngos/____/mdo rgyud kun nas mthun par rab bsngags bzhin/____/dad slob dam tshig blo mig dag pa ni/____/kun dga' bsod nams rab rgyas zhes bya bas/____/spar du bskrun pa'i legs byas 'di nyid kyis/____/bdag gzhan thams cad bla ma'i lam gyis grol/____/tshogs rdzogs sgrib dag sku bzhi'i rgyal sa brnyes/____/don gnyis lhun gyis grub pa'i bkra shis shog_/bla ma'i rtogs brjod brgyad ldan lha yi chab/____/bar gyi yur bar 'dren byed bsod 'phel bas/____/rnam gsum dad pas bgyis pa'i legs byas kyis/____/mtshan ldan bla mas rnam kun rjes 'dzin shog_/sarba dza ga taM//____//__