JKW-KABUM-22-ZA-012-008

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 22, sde tshan 12, Text 8, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 22: . Khams sde dge rdzong sar dgon: Rdzong sar blo gros phun tshogs, 2020.
Genre	Vajra Songs - rdo rje'i glu

1 Texts in this Section (sde tshan or chos tshan)

8 370-372	འཕགས་ཡུལ་རིག་འཛིན་རྣམ་དགུ་ལ་གསོལ་འདེབས་རྡོ་རྗེའི་ཐོལ་གླུ་བདེ་སྟོང་ཌཱ་ཀིའི་གླུ་གར། 'phags yul rig 'dzin rnam dgu la gsol 'debs rdo rje'i thol glu bde stong DA ki'i glu gar Supplications - gsol 'debs   ·   Vajra Songs - rdo rje'i glu	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

འཕགས་ཡུལ་རིག་འཛིན་རྣམ་དགུ་ལ་གསོལ་འདེབས་རྡོ་རྗེའི་ཐོལ་གླུ་བདེ་སྟོང་ཌཱ་ཀིའི་གླུ་གར། འཕཊ་ཡུལ་རིག་འཛིན་རྣམ་དགུ་ལ་གསོལ་བ་འདེབས་པའི་རྡོ་རྗེའི་ཐོལ་གླུ་བདེ་སྟོང་ཌཱ་ཀིའི་གླུ་གར་ཞེས་བྱ་བ། ཨེ་མ་ཧོ། །ཕྱི་ནང་རྩ་ཡི་འཕོ་ཆགས་ཐ་མལ་གྱི་རྒྱུ་བ། །སྣང་སྟོང་འཇམ་དཔལ་སྐུ་ཡི་དཀྱིལ་འཁོར་དུ་བསྡམས་པས། །རྡུལ་བྲལ་མེ་ལོང་ལྟ་བུའི་ཡེ་ཤེས་སུ་ཤར་བའི། །རིག་འཛིན་མཉྫུ་མི་ཏྲ་སྙིང་དབུས་ནས་དྲན་བྱུང་། །ཕུང་ཁམས་སྤྲུལ་སྐུར་དག་པར་བྱིན་གྱིས་རང་རློབས་ཤིག །འགྲོ་འོང་སྲོག་དང་རྩོལ་བའི་དྲི་བཞོན་གྱི་རྒྱུ་བ། །ཆཊ་བྲལ་པདྨ་གསུང་གི་དྲྭ་བ་རུ་བསྡམས་པས། །བདེ་ཆེན་སོ་སོར་རྟོག་པའི་ཡེ་ཤེས་སུ་ཤར་བའི། །རིག་འཛིན་ནཱ་ག་རྫུ་ན་སྙིང་དབུས་ནས་དྲན་བྱུང་། །ལྷ་སྔགས་ལོངས་སྐུར་རྫོཊ་པར་བྱིན་གྱིས་རང་རློབས་ཤིག །ཀུན་རྫོབ་གཟུང་འཛིན་འཁྲུལ་པའི་གཉིས་སྣང་གི་རྒྱུ་བ། །དོན་དམ་ཡང་དག་ཐུགས་ཀྱི་ཐིག་ལེ་རུ་བསྡམས་པས། །ཟུང་འཇུག་ལྷན་སྐྱེས་ཆོས་དབྱིངས་ཡེ་ཤེས་སུ་ཤར་བའི། །རིག་འཛིན་ཧཱུྃ་ཆེན་ཀཱ་ར་སྙིང་དབུས་ནས་དྲན་བྱུང་། །རྟོག་ཚོགས་ཆོས་སྐུར་སྨིན་པར་བྱིན་གྱིས་རང་རློབས་ཤིག །སྣ་ཚོགས་སྐྱེ་ཤིའི་འཁྲུལ་འཁོར་འཕོ་འགྱུར་གྱི་རྒྱུ་བ། །འཆི་མེད་ཡོན་ཏན་བདུད་རྩིའི་དཀྱིལ་འཁོར་དུ་བསྡོམས་པས། །འདའ་དཀའ་འཕོ་བ་ཆེན་པོའི་ཡེ་ཤེས་སུ་ཤར་བ། །རིག་འཛིན་བི་མ་མི་ཏྲ་སྙིང་དབུས་ནས་དྲན་བྱུང་། །ཟག་བཅས་འོད་སྐུར་འགྲུབ་པར་བྱིན་གྱིས་རང་རློབས་ཤིག །རྡུལ་མུན་སྙིང་སྟོབས་རང་གཟུགས་ཁམས་གསུམ་གྱི་རྒྱུ་བ། །དབྱིངས་དང་རིག་པ་དབྱེར་མེད་ཕུར་བུ་རུ་བསྡམས་པས། །ཅིར་སྣང་བྱ་བ་གྲུབ་པའི་ཡེ་ཤེས་སུ་ཤར་བའི། །རིག་འཛིན་པྲ་བྷ་ཧསྟི་སྙིང་དབུས་ནས་དྲན་བྱུང་། །དབང་ཡུལ་ལྷ་སྐུར་དག་པར་བྱིན་གྱིས་རང་རློབས་ཤིག །བྱང་ཆུབ་སེམས་ཀྱི་ཆུ་རྒྱུན་གནས་བཞི་རུ་རྒྱུ་བ། །སྣང་སྲིད་མ་མོའི་དཀྱིལ་འཁོར་དབུ་མ་རུ་བསྡམས་པས། །སྲིད་ཞི་ཀློང་དུ་གྱུར་པའི་ཡེ་ཤེས་སུ་ཤར་བའི། །རིག་འཛིན་དྷ་ན་སཾ་སྐྲྀ་སྙིང་དབུས་ནས་དྲན་བྱུང་། །ཆར་ཡང་དགའ་བཞིར་རྫོགས་པར་བྱིན་གྱིས་རང་རློབས་ཤིག །སེམས་དང་སེམས་བྱུང་འཚོལ་བའི་ཉོན་མོངས་ཀྱི་རྒྱུ་བ། །ཟུང་འཇུག་འཇིག་རྟེན་མཆོད་བསྟོད་ཕྱག་རྒྱ་རུ་བསྡམས་པས། །འཁོར་འདས་གཞི་དབྱིངས་གྲོལ་བའི་ཡེ་ཤེས་སུ་ཤར་བའི། །རིག་འཛིན་རཾ་བུ་གུ་ཧྱ་སྙིང་དབུས་ནས་དྲན་བྱུང་། །སྒྲིབ་གསུམ་ཀ་ནས་དག་པར་བྱིན་གྱིས་རང་རློབས་ཤིག །ཀུན་བརྟགས་དངོས་པོར་ཞེན་པའི་གཞན་དབང་གི་རྒྱུ་བ། །ཡོངས་གྲུབ་དྲག་སྔགས་དམོད་པའི་དྲྭ་བ་རུ་བསྡམས་པས། །མཐའ་བརྒྱད་རང་སར་གྲོལ་བའི་ཡེ་ཤེས་སུ་ཤར་བའི། །རིག་འཛིན་ཤཱིནྟཾ་གརྦྷ་སྙིང་དབུས་ན་དྲན་བྱུང་། །འོད་གསལ་དབུ་མར་སྨིན་པར་བྱིན་གྱིས་རང་རློབས་ཤིག །ཚོགས་བརྒྱད་གློ་བུར་འཁྲུལ་བའི་འཇུག་ལྡང་གི་རྒྱུ་བ། །དཔལ་ཆེན་སྒྲུབ་སྡེ་བརྒྱད་ཀྱི་དཀྱིལ་འཁོར་དུ་བསྡོམས་པས། །ཡེ་ཤེས་གློང་དགུའི་རང་གཟུགས་མཚན་དཔེ་རུ་ཤར་བའི། །རིག་འཛིན་པདྨ་སཾ་བྷཱ་སྙིང་དབུས་ནས་དྲན་བྱུང་། །དབྱེར་མེད་སྐུ་བཞིར་སྨིན་པར་བྱིན་གྱིས་རང་རློབས་ཤིག །དེ་སྐད་གསོལ་བ་འདེབས་པའི་རྡོ་རྗེ་ཡི་ཐོལ་གླུ། །བདེ་སྟོང་ཌཱ་ཀི་འདུ་བའི་དཀར་ཕྱོགས་ཀྱི་ཚེས་ལ། །འོག་མིན་གྲུབ་པ་མཆོག་གི་བསྟི་གནས་སུ་བླངས་པས། །དོན་གཉིས་ལྷུན་གྱིས་གྲུབ་པའི་དངོས་གྲུབ་ཞིག་ཞུའོ། །ཞེས་པའང་དཔལ་གྱི་བསམ་ཡས་མཆིམས་ཕུའི་བྲག་དམར་རྡོ་རྗེའི་ཀེའུ་ཚང་དུ་སྒྲུབ་སྡེ་ཆེན་པོ་བརྒྱད་ཀྱི་དཀྱིལ་འཁོར་ཞལ་ཕྱེ་ཞིང་། ཚོགས་ཀྱི་འཁོར་ལོ་སྟོང་ཕྲག་ཐལ་བས་དགྱེས་པ་བསྐྱེད་པའི་ཚེ་གང་ཤར་གྱི་རྟོགས་པ་གླུར་ལེན་པ་པོ་ནི་རྣལ་འབྱོར་པ་པདྨ་དགྱེས་པའི་སྡེའོ།། །། ༈

[edit]

'phags yul rig 'dzin rnam dgu la gsol 'debs rdo rje'i thol glu bde stong DA ki'i glu gar/__ 'phaT yul rig 'dzin rnam dgu la gsol ba 'debs pa'i rdo rje'i thol glu bde stong DA ki'i glu gar zhes bya ba/__e ma ho/__/phyi nang rtsa yi 'pho chags tha mal gyi rgyu ba/__/snang stong 'jam dpal sku yi dkyil 'khor du bsdams pas/__/rdul bral me long lta bu'i ye shes su shar ba'i/__/rig 'dzin many+dzu mi tra snying dbus nas dran byung /__/phung khams sprul skur dag par byin gyis rang rlobs shig__/'gro 'ong srog dang rtsol ba'i dri bzhon gyi rgyu ba/__/chaT bral pad+ma gsung gi drwa ba ru bsdams pas/__/bde chen so sor rtog pa'i ye shes su shar ba'i/__/rig 'dzin nA ga rdzu na snying dbus nas dran byung /__/lha sngags longs skur rdzoT par byin gyis rang rlobs shig__/kun rdzob gzung 'dzin 'khrul pa'i gnyis snang gi rgyu ba/__/don dam yang dag thugs kyi thig le ru bsdams pas/__/zung 'jug lhan skyes chos dbyings ye shes su shar ba'i/__/rig 'dzin hU~M chen kA ra snying dbus nas dran byung /__/rtog tshogs chos skur smin par byin gyis rang rlobs shig__/sna tshogs skye shi'i 'khrul 'khor 'pho 'gyur gyi rgyu ba/__/'chi med yon tan bdud rtsi'i dkyil 'khor du bsdoms pas/__/'da' dka' 'pho ba chen po'i ye shes su shar ba/__/rig 'dzin bi ma mi tra snying dbus nas dran byung /__/zag bcas 'od skur 'grub par byin gyis rang rlobs shig__/rdul mun snying stobs rang gzugs khams gsum gyi rgyu ba/__/dbyings dang rig pa dbyer med phur bu ru bsdams pas/__/cir snang bya ba grub pa'i ye shes su shar ba'i/__/rig 'dzin pra b+ha hasti snying dbus nas dran byung /__/dbang yul lha skur dag par byin gyis rang rlobs shig__/byang chub sems kyi chu rgyun gnas bzhi ru rgyu ba/__/snang srid ma mo'i dkyil 'khor dbu ma ru bsdams pas/__/srid zhi klong du gyur pa'i ye shes su shar ba'i/__/rig 'dzin d+ha na saM skr-i snying dbus nas dran byung /__/char yang dga' bzhir rdzogs par byin gyis rang rlobs shig__/sems dang sems byung 'tshol ba'i nyon mongs kyi rgyu ba/__/zung 'jug 'jig rten mchod bstod phyag rgya ru bsdams pas/__/'khor 'das gzhi dbyings grol ba'i ye shes su shar ba'i/__/rig 'dzin raM bu gu h+ya snying dbus nas dran byung /__/sgrib gsum ka nas dag par byin gyis rang rlobs shig__/kun brtags dngos por zhen pa'i gzhan dbang gi rgyu ba/__/yongs grub drag sngags dmod pa'i drwa ba ru bsdams pas/__/mtha' brgyad rang sar grol ba'i ye shes su shar ba'i/__/rig 'dzin shIn+taM gar+b+ha snying dbus na dran byung /__/'od gsal dbu mar smin par byin gyis rang rlobs shig__/tshogs brgyad glo bur 'khrul ba'i 'jug ldang gi rgyu ba/__/dpal chen sgrub sde brgyad kyi dkyil 'khor du bsdoms pas/_/ye shes glong dgu'i rang gzugs mtshan dpe ru shar ba'i/__/rig 'dzin pad+ma saM b+hA snying dbus nas dran byung /__/dbyer med sku bzhir smin par byin gyis rang rlobs shig__/de skad gsol ba 'debs pa'i rdo rje yi thol glu/__/bde stong DA ki 'du ba'i dkar phyogs kyi tshes la/__/'og min grub pa mchog gi bsti gnas su blangs pas/__/don gnyis lhun gyis grub pa'i dngos grub zhig zhu'o/__/zhes pa'ang dpal gyi bsam yas mchims phu'i brag dmar rdo rje'i ke'u tshang du sgrub sde chen po brgyad kyi dkyil 'khor zhal phye zhing /__tshogs kyi 'khor lo stong phrag thal bas dgyes pa bskyed pa'i tshe gang shar gyi rtogs pa glur len pa po ni rnal 'byor pa pad+ma dgyes pa'i sde'o//___//__!_