JKW-KABUM-20-WA-001-101

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 20, sde tshan 1, Text 101, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 20: . Khams sde dge rdzong sar dgon: Rdzong sar blo gros phun tshogs, 2020.
Genre	Official Letters - chab shog

1 Texts in this Section (sde tshan or chos tshan)

101 179-181	རིག་འཛིན་གྲུབ་པའི་གསེར་གྱི་འཁོར་ལོ་ཡིས། ཞེས་པའི་དབུ་ཅན། rig 'dzin grub pa'i gser gyi 'khor lo yis/ zhes pa'i dbu can Official Letters - chab shog   ·   Prayers - smon lam	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རིག་འཛིན་གྲུབ་པའི་གསེར་གྱི་འཁོར་ལོ་ཡིས། ཞེས་པའི་དབུ་ཅན། རདྭཡོམཧཱསུརཱཛྱབརྟྟིཿཙྪནདྭཤབརྞཀམཡཱུརསཱརིཎཱིནཱམསྱཔྲསྟཱརཤུབྷཾ། སུདྭིབུདྡྷབཱརནིརྨཀཱཡཾ ཀལྤསཱགརེཥུཛཱིབཏཱཾསྠཱཿ རིག་འཛིན་གྲུབ་པའི་གསེར་གྱི་འཁོར་ལོ་ཡིས། །ཟུང་འཇུག་རྒྱལ་ཐབས་ཆེ་ལ་དབང་བསྒྱུར་བ། །སངས་རྒྱས་གཉིས་པ་མཆོག་གི་སྤྲུལ་པའི་སྐུ། །བསྐལ་པ་རྒྱ་མཚོར་འཚོ་གཞེས་བརྟན་གྱུར་ཅིག ༡ །བསོད་ནམས་དཔག་ཡས་ཆུ་གཏེར་ལས་བྱུང་ཞིང་། །ཡེ་ཤེས་ཡོངས་རྫོགས་མཚན་དཔེའི་མཛེ༷ས་སྐུ༷་ཆེ། །སྲིད་ཞིའི་གཙུག་རྒྱན་ཡིད་བཞིན་ནོར་གྱི་བུ། །ངེས་པར་ཞིང་ཁམས་འདི་ལས་འཕོ་མེད་གསོལ། ༢ །ཤེས་རབ་རྡོ་རྗེ་བཙུན་མོའི་སྒྲ་དབྱངས་ལྷ། །ཐབས་མཆོག་མགྲིན་པའི་པདྨོར་ངལ་བསོས་པས། །སྡེ་སྣོད་རྒྱུད་སྡེའི་ལེ༷གས་གསུང༷་བདུད་རྩིའི་ཆར། །སྐལ་བཟང་གདུལ་བྱའི་དཔྱིད་དུ་འབེབས་པར་མཛོད། ༣ །རིག་དང་བརྩེ་བ་མི་ཕྱེད་སྙིང་སྟོབས་ཕུལ། །མཐའ་གཉིས་ཡུལ་གྱི་བསྙེངས་བྲལ་བློན་པོ་མཆོག །གང་གི་ཐུག༷ས་རྗེ༷འི་གཟིགས་པས་བསིལ་ལྡན་ལྗོངས། །བྱམས་བསྟན་མ་ཤར་བར་དུ་ལྷག་པར་སྐྱོངས། ༤ །བྲལ་དང་རྣམ་པར་སྨིན་པ་རྨད་བྱུང་བའི། །ཡོ༷ན་ཏན༷་ནོར་བུའི་དྲ་བས་རབ་བརྗིད་པ། །རྒྱལ་སྲས་སྤོས་ཀྱི་གླང་པོའི་ཁྱུ་མཆོག་ཆེས། །སྙིགས་མའི་དུས་ཀྱི་རྒུད་པ་འཇིལ་བར་མཛོད། ༥ །ཕྲི༷ན་ལ༷ས་རླུང་གི་ཤུགས་ལྡན་ཅང་ཤེས་རྟ། །རྫུ་འཕྲུལ་རྐང་བཞིའི་ཏིང་འཛིན་གྲུབ་པའི་དཔལ། །ས་གསུམ་བསྟན་འགྲོའི་དཔྱིད་དུ་འཚོ་གཞེས་ཤིང་། །ཕན་བདེའི་དགེ་མཚན་མཐའ་དག་རྒྱས་པར་མཛོད། ༦ །མདོར་ན་བདུད་སྡེའི་གཡུལ་འཇོམས་དམག་དཔོན་བཞིན། །སྲས་བཅས་རྒྱལ་བའི་མཐུ་སྟོབས་ཡོངས་རྫོ༷གས་པས། །ཡིད་སྲུབས་དཔུང་བཅས་རབ་ཏུ་ཕམ་མཛད་དེ། །ཐུབ་བསྟན་རྒྱལ་རྔ་སྲིད་པའི་རྩེ་མོར་བརྡུང་། ༧ །བདག་ཅག་རྣམས་ཀྱང་བྱང་ཆུབ་སྙིང་པོའི་བར། །ཡེ་ཤེས་གཟིགས་པ་དམ་པས་དབུགས་དབྱུང་མཐུས། །དོན་གཉིས་ལྷུན་གྱི་གྲུབ་པའི་དགེ་མཚན་ཆེའི། །བཀྲ་ཤིས་སྣང་བ་རྟག་ཏུ་རྒྱས་མཛད་གསོལ། ༨ །ཅེས་བརྗོད་བྱ་དང་རྗོད་བྱེད་གཉིས་ཀ་དགེ་ཞིང་ཤིས་པའི་རྟེན་འབྱུང་ལས་བརྩམས་ཏེ་ཚིགས་སུ་བཅད་པ་མངྒ་ལའི་གྲངས་ཀྱིས་རྩེ་གཅིག་ཏུ་གསོལ་བ་འདེབས་མཚོན་བཀྲ་ཤིས་པའི་ལྷ་གོས། སྐུ་གསུང་ཐུགས་རྡོ་རྗེའི་སྣང་བརྙན་བཅས་ཤཱཀྱའི་དགེ་སློང་མང་ཐོས་སྤོང་བ་པ་འཇམ་དབྱངས་མཁྱེན་བརྩེའི་དབང་པོ་ཀུན་དགའ་བསྟན་པའི་རྒྱལ་མཚན་ནམ། རིག་འཛིན་པདྨའི་བྱིན་རླབས་ཆ་ཙམ་བཀའ་དྲིན་དུ་ཐོབ་པ་པདྨ་འོད་གསལ་མདོ་སྔགས་གླིང་པའི་སྡེས་མདོ་ཁམས་སྡེ་དགེའི་མངའ་རིས་རྫོང་སར་བཀྲ་ཤིས་ལྷ་རྩེའི་ཆོས་གྲྭ་ནས་གུས་པ་ཆེན་པོས་ཕྱག་དང་བཅས་ཏེ་ཕུལ་བ་དེ་དེ་བཞིན་དུ་འགྲུབ་པར་བྱིན་གྱིས་བརླབ་ཏུ་གསོལ། །སརྦ་དཱ་ཀ་ལྱཱ་ཎཾ་བྷ་བ་ཏུ།། །། ༈

[edit]

rig 'dzin grub pa'i gser gyi 'khor lo yis/__zhes pa'i dbu can/ radwayomahAsurAdz+yabar+t+tiHts+tshanadwashabar+NakamayUrasAriNInAmas+yaprastArashub+haM/_sudwibud+d+habAranirmakAyaM_kalpasAgareShudzIbatAMs+thAH_rig 'dzin grub pa'i gser gyi 'khor lo yis/_/zung 'jug rgyal thabs che la dbang bsgyur ba/_/sangs rgyas gnyis pa mchog gi sprul pa'i sku/_/bskal pa rgya mtshor 'tsho gzhes brtan gyur cig_1_/bsod nams dpag yas chu gter las byung zhing /_/ye shes yongs rdzogs mtshan dpe'i mdzeXs skuX che/_/srid zhi'i gtsug rgyan yid bzhin nor gyi bu/_/nges par zhing khams 'di las 'pho med gsol/_2_/shes rab rdo rje btsun mo'i sgra dbyangs lha/_/thabs mchog mgrin pa'i pad+mor ngal bsos pas/_/sde snod rgyud sde'i leXgs gsungaX bdud rtsi'i char/_/skal bzang gdul bya'i dpyid du 'bebs par mdzod/_3_/rig dang brtse ba mi phyed snying stobs phul/_/mtha' gnyis yul gyi bsnyengs bral blon po mchog_/gang gi thugaXs rjeX'i gzigs pas bsil ldan ljongs/_/byams bstan ma shar bar du lhag par skyongs/_4_/bral dang rnam par smin pa rmad byung ba'i/_/yoXn tanaX nor bu'i dra bas rab brjid pa/_/rgyal sras spos kyi glang po'i khyu mchog ches/_/snyigs ma'i dus kyi rgud pa 'jil bar mdzod/_5_/phriXn laXs rlung gi shugs ldan cang shes rta/_/rdzu 'phrul rkang bzhi'i ting 'dzin grub pa'i dpal/_/sa gsum bstan 'gro'i dpyid du 'tsho gzhes shing /_/phan bde'i dge mtshan mtha' dag rgyas par mdzod/_6_/mdor na bdud sde'i g.yul 'joms dmag dpon bzhin/_/sras bcas rgyal ba'i mthu stobs yongs rdzoXgs pas/_/yid srubs dpung bcas rab tu pham mdzad de/_/thub bstan rgyal rnga srid pa'i rtse mor brdung /_7_/bdag cag rnams kyang byang chub snying po'i bar/_/ye shes gzigs pa dam pas dbugs dbyung mthus/_/don gnyis lhun gyi grub pa'i dge mtshan che'i/_/bkra shis snang ba rtag tu rgyas mdzad gsol/_8_/ces brjod bya dang rjod byed gnyis ka dge zhing shis pa'i rten 'byung las brtsams te tshigs su bcad pa mang+ga la'i grangs kyis rtse gcig tu gsol ba 'debs mtshon bkra shis pa'i lha gos/_sku gsung thugs rdo rje'i snang brnyan bcas shAkya'i dge slong mang thos spong ba pa 'jam dbyangs mkhyen brtse'i dbang po kun dga' bstan pa'i rgyal mtshan nam/_rig 'dzin pad+ma'i byin rlabs cha tsam bka' drin du thob pa pad+ma 'od gsal mdo sngags gling pa'i sdes mdo khams sde dge'i mnga' ris rdzong sar bkra shis lha rtse'i chos grwa nas gus pa chen pos phyag dang bcas te phul ba de de bzhin du 'grub par byin gyis brlab tu gsol/_/sarba dA ka l+yA NaM b+ha ba tu//__//_!_