JKW-KABUM-22-ZA-007-014

Previous Section Back to Volume PageNext Section

Wylie title		page=1
Location	mkhyen brtse'i bka' 'bum Volume 7, sde tshan 14, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum

Tibetan Text

Wylie

[edit]

བླ་མའི་རྣལ་འབྱོར་ཡེ་ཤེས་མཆོག་སྩོལ་དང་འབྲེལ་བར་ཚེ་སྒྲུབ་ཀྱི་དམིགས་བཟླས། ཨོཾ་སྭ་སྟི། བླ་མའི་རྣལ་འབྱོར་ཡེ་ཤེས་མཆོག་སྩོལ་དང་འབྲེལ་བར་ཚེ་སྒྲུབ་ཀྱི་དམིགས་བཟླས་བྱེད་པར་སྤྲོ་ན། །རྩ་བའི་མཚན་སྔགས་བཟླས་ཟིན་རྗེས། སླར་ཡང་ཁྱབ་བདག་དཔལ་ལྡན་བླ་མ་ཡི། །ཐུགས་ཀར་པད་ཟླའི་སྟེང་དུ་ཧྲཱིཿཡིག་ལས། །ཚེ་དཔག་མེད་མགོན་དཀར་གསལ་ལོངས་སྐུའི་ཆས། །ཞལ་གཅིག་ཕྱག་གཉིས་འཆི་མེད་ཚེ་བུམ་བསྣམས། །ཐུགས་དབུས་ཟླ་སྟེང་ཧྲཱིཿམཐར་སྔགས་ཕྲེང་མཚན། །བཟླས་པས་རྒྱུད་བསྐུལ་གསོལ་བ་བཏབ་པ་ལས། །ཡེ་ཤེས་འོད་ཟེར་མཁའ་ཁྱབ་ཀུན་ཏུ་འཕྲོས། །རང་གི་བླ་ཚེ་ཆད་ཉམས་ཡར་བ་དང་། །འཁོར་འདས་དྭངས་བཅུད་བསྡུས་ནས་བུམ་པར་འཁྱིལ། །ཞུ་ཞིང་ཁོལ་བའི་བདུད་རྩིའི་ཆུ་རྒྱུན་གྱིས། །ལུས་ཀྱི་ནང་གང་དུས་མིན་འཆི་བ་སྦྱངས། །བླ་སྲོག་དབང་ཐང་ཉམས་པ་སོར་ཆུད་ཅིང་། །འཆི་མེད་ཚེ་དང་ཡེ་ཤེས་མཆོག་འགྲུབ་གྱུར། །ཅེས་བརྗོད་ཅིང་བསམས་ལ། ཨོཾ་གུ་རུ་ཨ་མཱ་ར་ཎི་ཛཱི་བནྟི་ཡེ་སྭཱ་ཧཱ། ཞེས་ཅི་ནུས་སུ་བཟླའོ། །ཞེས་པའང་རྡོ་རྗེ་འཛིན་པ་ཆེན་པོ་ཨོ་རྒྱན་བསྟན་སྐྱོང་གིས་འདི་ལྟར་བྲིས་ཞེས་རྒྱང་རིང་མོ་ནས་བསྐུལ་བ་ལྟར་མཉྫུ་གྷོ་ཥས་བྲིས་པ་དགེ། །། ༈

[edit]

bla ma'i rnal 'byor ye shes mchog stsol dang 'brel bar tshe sgrub kyi dmigs bzlas/ oM swa sti/__bla ma'i rnal 'byor ye shes mchog stsol dang 'brel bar tshe sgrub kyi dmigs bzlas byed par spro na/__/rtsa ba'i mtshan sngags bzlas zin rjes/__slar yang khyab bdag dpal ldan bla ma yi/__/thugs kar pad zla'i steng du hrIHyig las/__/tshe dpag med mgon dkar gsal longs sku'i chas/__/zhal gcig phyag gnyis 'chi med tshe bum bsnams/__/thugs dbus zla steng hrIHmthar sngags phreng mtshan/__/bzlas pas rgyud bskul gsol ba btab pa las/__/ye shes 'od zer mkha' khyab kun tu 'phros/__/rang gi bla tshe chad nyams yar ba dang /__/'khor 'das dwangs bcud bsdus nas bum par 'khyil/__/zhu zhing khol ba'i bdud rtsi'i chu rgyun gyis/__/lus kyi nang gang dus min 'chi ba sbyangs/__/bla srog dbang thang nyams pa sor chud cing /__/'chi med tshe dang ye shes mchog 'grub gyur/__/ces brjod cing bsams la/__oM gu ru a mA ra Ni dzI ban+ti ye swA hA/__zhes ci nus su bzla'o/__/zhes pa'ang rdo rje 'dzin pa chen po o rgyan bstan skyong gis 'di ltar bris zhes rgyang ring mo nas bskul ba ltar many+dzu g+ho Shas bris pa dge/__//__!_