JKW-KABUM-21-ZHA-005

🚧 This website is under continued development. We appreciate your patience!

Previous Section"ZHA" is not a number. Back to Volume Page"ZHA" is not a number.Next Section "ZHA" is not a number.

Wylie title
Location	mkhyen brtse'i bka' 'bum Volume , sde tshan 5, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation
Genre	Collected Works - Selected - bka' 'bum "ZHA" is not a number.

1 Texts in this Section (sde tshan or chos tshan)

353-365	ལྷག་པའི་ལྷ་ཀུན་ལ་འཇུག་པའི་བསྲེག་བླུགས་ཀྱི་ཆོ་ག་ཕྲིན་ལས་དཔལ་སྟེར། lhag pa'i lha kun la 'jug pa'i bsreg blugs kyi cho ga phrin las dpal ster Fire Offerings - sbyin sreg	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

"ZHA" is not a number.

Tibetan Text

Wylie

[edit]

ལྷག་པའི་ལྷ་ཀུན་ལ་འཇུག་པའི་བསྲེག་བླུགས་ཀྱི་ཆོ་ག་ཕྲིན་ལས་དཔལ་སྟེར།

༄༅། །ལྷག་པའི་ལྷ་ཀུན་ལ་འཇུག་པའི་བསྲེག་བླུགས་ཀྱི་ཆོ་ག་ཕྲིན་ལས་དཔལ་སྟེར་ཞེས་བྱ་བ་བཞུགས་སོ།། །། གདོད་ནས་འགྱུར་མེད་རྣམ་ཀུན་མཆོག་ལྡན་དབྱིངས། །ཟུང་འཇུག་སྒྱུ་འཕྲུལ་དྲྭ་བའི་ཕྱག་རྒྱ་ཅན། །ལྷག་པའི་ལྷ་དང་དབྱེར་མེད་བླ་མ་ལ། །བཏུད་ནས་ཕྲིན་ལས་དཔལ་སྟེར་ཆོ་ག་བཤད། །དེ་ལ་འདིར་བླ་མེད་ཀྱི་དཀྱིལ་འཁོར་ཟབ་མོའི་བསྙེན་པར་ཞུགས་པའི་ཁ་སྐོང་ངམ། །གཞན་དུ་དམ་ཚིག་ཉམས་ཆག་ཞི་བ་སོགས་ཕྲིན་ལས་མྱུར་དུ་འགྲུབ་པར་འདོད་པས་རྩོམ་པར་བྱ་བའི་ཡན་ལག་སྟེ། དཔལ་གསང་བ་སྙིང་པོར། །དབྱིབ་དང་ཁ་དོག་ཚད་ལྡན་པར། །ཞལ་དུ་གྱུར་པའི་མེ་བུས་ལ། །བཟའ་བཏུང་བྲོ་བའི་ཚོགས་རྣམས་ཀྱིས། །ལས་བཞིའི་མཆོད་པ་རབ་ཏུ་སྦྱིན། །ཞེས་པ་ལྟར་གྱི་དགོངས་དོན་དང་འབྲེལ་བར་བསྲེག་བླུག་གི་ཆོ་གའི་རིམ་པ་ཟབ་ཅིང་རྒྱ་ཆེ་བའི་ཚོགས་རྣམས་གཞན་དུ་ཤེས་ལ། འདིར་སྤྲོས་པ་ཉེ་བར་བསྡུས་པའི་ཚུལ་ལ་སྦྱོར་དངོས་རྗེས་གསུམ་ལས། དང་པོ་ནི། གཞི་མ་དུལ་བ་ཡིན་ན་ཨ་ཀཱ་རོས་བཞི་བདག་ལ་གཏོར་མ་བསྔོ་ཞིང་ཕྲིན་ལས་བཅོལ། ཧེ་རུ་ཀའི་སྔགས་ཀྱིས་ཀུན་རྫོབ་ཙམ་དུ་སྦྱངས་རྗེས་རང་བཞིན་མེད་པའི་ཆོས་ཉིད་དྲན་པར་བྱ་བ་ནི་དོན་དམ་པའི་སྦྱང་བ་ཏེ་ཤུ་ནྱཱ་ཏའི་སྔགས་དང་བཅས་པ་བརྗོད། ཁྱད་པར་རྫས་གསོགས་ནི། དམིགས་བསལ་རྒྱུད་ལུང་མན་ངག་རང་རང་གི་གཞུང་ལས་བྱུང་བའི་རྗེས་སུ་མཐུན་པར་བྱ་ལ། སྤྱི་ཙམ་དུ་ཞི་བ་ལ་བཀྲ་ཤིས་པའི་ས་ལ་ཐབ་ཁུང་ཟླུམ་པོ་རྡོ་རྗེས་མཚན་པ། རྒྱས་པ་ལ་རྒྱལ་པོའི་བང་མཛོད་ཀྱི་ས་ལ་ཐབ་ཁུང་གྲུ་བཞི་རིན་པོ་ཆེས་མཚན་པ། དབང་ལ་ཚོང་དུས་དང་སྨད་འཚོང་མ་གནས་པའི་ས་ལ་ཟླ་གམ་པདྨ་ལྕགས་ཀྱུས་མཚན་པ། དྲག་པོ་ལ་ཕུང་ཤུལ་དང་དུར་ཁྲོད་ཀྱི་ས་ལ་གྲུ་གསུམ་རྡོ་རྗེ་སྔོན་པོ་རྭ་གདེང་པས་མཚན་པ་སྟེ། མཆོག་གི་ལས་ལ་ཞི་བ་ལྟར་རོ། །དེ་ཡང་ཤུལ་ས་དེ་རྣམས་ཀྱིས་སྟེགས་དང་། །དེ་སྟེང་རྡུལ་ཚོན་གྱིས་དབྱིབས་དང་མཚན་མ་བྲི་བ་སྟེ། །ཕྱི་རོལ་གྱི་ཟུང་བཞི་དང་ནང་གི་ལྟེ་བར་ཡང་སོ་སོའི་མཚན་མ་དང་ཐུགས་སྲོག་སོགས་བྲི་བར་བྱ་ཞིང་ཁ་དོག་ཀྱང་སོ་སོར་བསྒྱུར། རྩིག་པའི་ཤིང་ནི། ཞི་བ་ལ་བལ་བུ་དང་ལྕང་མ་སོགས་འོ་མ་ཅན་དང་རུང་མཐུན། རྒྱས་པ་ལ་འབྲས་བུ་ཅན། དབང་ལ་ཙནྡ་དམར་པོ་དང་མཛོ་མོ་ཤིང་སོགས་རོ་སྐྱུར་ལ་མདོག་དམར་བ། །དྲག་པོ་ལ་ཚེར་མ་ཅན་གྱི་དུག་ཤིང་དུག་ཁྲག་གིས་སྦགས་པ་དང་། གཞན་རྣམས་མར་ཁུས་ཉུག་པར་བྱ་ལ་དབྱིབས་ཀྱང་སོ་སོར་བརྩིག །དེ་བཞིན་ཡམ་ཤིང་ཡང་རྒྱུ་བུད་ཤིང་དང་འདྲ་བ་ལ་ཚད་མཐོ་གང་པ་རེ་བྱ་ཞིང་། །ཁྱད་པར་བསྲེག་རྫས་གཡས་དང་། །མཆོད་རྫས་གཡོན་དུ་བཤམ་པའི་དང་པོ་ནི། །ཞི་བ་ལ། །ཏིལ་དཀར། འབྲས་སོགས་ཁ་ཟས་དཀར་པོ་དང་། །ཙནྡ་དཀར་པོ་སོགས་དྲི་དཀར་པོའི་རིགས། ཙམ་པ་ཀ་སོགས་མེ་ཏོག་དཀར་པོ་རྣམས་གཙོ་བོར་གྱུར་པ་དང་། །རྒྱས་པ་ལ་སྟར ་ག་སོགས་འབྲུ། །གུར་གུམ་སོགས་མེ་ཏོག །དུརྦ་དང་རིན་པོ་ཆེ་དར་ཟབ་སོགས་འདུ་བྱ། དབང་ལ་ཙནྡ་དམར་པོ། གླང་སྣ་སོགས་ཁ་དོག་དམར་ཞིང་། རོ་སྐྱུར་བ་དང་སྣུམ་པའི་བཟའ་བཅའ། དྲག་པོ་ལ་ཡུངས་དཀར། གུ་གུལ། ལྕགས་ཕྱེ་ཤ་ཆེན་དུག་སྣའི་རིགས་རྣམས་འདུ་བྱ་ལ་གཙོ་བོར་མན་ངག་གི་རྫས་གཅིག་པུ་བརྟེན་ཀྱང་རུང་ངོ་། །སྤྱིར་ཡང་དཀར་གསུམ་མངར་གསུམ་དྲི་བཟང་གིས་སྦག་པའི་ཞོ་ཟན་དང་། །འབྲུ་དང་རིན་པོ་ཆེ་དར་ཟབ་སྣ་ཚོགས་པ། །མར་ཁུ། གོས་ཟུང་། སོ་རྩི་སོགས་དང་། ལས་མཐུན་གྱི་མེ་དར་རྣམས་འདུ་བྱ་ལ། དེ་ཡང་བསྲེག་རྫས་སྔ་མ་རྣམས་འཇིག་འདས་ཀྱི་ཕྱིར་དུ་ཚར་གཉིས་སུ་བཤམ་མོ། །མཆོད་རྫས་ལ། །འཇིག་རྟེན་འདས་མ་འདས་ཀྱི་གཏོར་མ་དབྱིབས་དང་ཁ་དོག་སོགས་སོ་སོར་བྱ་ལ། དེ་བཞིན་ལས་བུམ། ཉེར་སྤྱོད། སྤྲོ་ན་ཚོགས་ཀྱི་ཡོ་བྱད་ཀྱང་འདུ་བྱ་ལ། འདུག་སྟངས་དང་ཆོས་གོས་དུས་སོགས་ཀྱང་སོ་སོར་ངེས་པའོ། །གཉིས་པ་དངོས་གཞི་ལ་གསུམ། འཇིག་རྟེན་པའི་མེ་ལྷ་མཆོད་པ། དཀྱིལ་འཁོར་གྱི་འཁོར་ལོ་མཆོད་པ། །མེ་ལྷར་གཏོང་རག་གོ། །དང་པོ་སྤྱིར་དཀྱིལ་འཁོར་གྱི་བདག་བསྐྱེད་སྔོན་དུ་འགྲོ་བས་བྱ་བ་རྫོགས་རྗེས་སམ། རབ་གནས་དང་སྒྲུབ་མཆོད་སོགས་ལ་བདག་བསྐྱེད་ལོགས་སུ་འགྲོ་མི་དགོས་ཤིང་། རང་བྱུང་དུ་བདུད་རྩི་འཁྱིལ་བའི་སྔགས་ཀྱིས་ལས་བུམ་སྒྲུབ། ཁྱད་པར་ཉེར་སྤྱད་བྱིན་གྱིས་བརླབ་པ་ནི་རྡོར་དྲིལ་ཨ་མྲྀས་ཏས་བསང་། སྭ་བྷཱ་ཝས་སྦྱངས། ཧཱུཾ། ཐབ་ཤེས་ཟུང་འཇུག་ཆོས་ཉིད་མཚོན། །འདས་དུས་འགྲོ་རྣམས་སད་པ་དང་། །འགྲོ་རྣམས་སྨིན་པར་བྱ་བའི་ཕྱིར། །རྡོ་རྗེ་གསོར་ཞིང་དྲིལ་བུ་དཀྲོལ། །ཨོཾ་བཛྲ་གྷནྜེ་ཧཱུྃ་ཨཱཿ ཞེས་བརྗོད་ཅིང་འཁྱུད་རྒྱ་བྱ། ཡོ་བྱད་ཐམས་ཅད་ལ་དམིགས་ནས་བསང་སྦྱངས། སྟོང་པའི་ངང་ལས་མཆོད་རྫས་དང་བསྲེག་རྫས་ཐམས་ཅད་རང་རང་གི་མིང་ཡིག་དང་པོ་ཐིག་ལེས་བརྒྱན་པ་འོད་དུ་ཞུ་བ་ལས་བྱུང་བའི་རྫས་སོ་སོའི་དངོས་པོ་བདུད་རྩིའི་རང་བཞིན་ཅན་ཟད་མི་ཤེས་པར་གྱུར། ཨོཾ་བཛྲ་ཨརྒྷཾ་སོགས་དང་། ཨོཾ་ཧཱུྃཿཏྲཱཾ་ཧྲཱི་ཨཱཿ མུྃ་ལཱྃ་མྃ་པྃ་ཏྃ༔ སརྦ་ཛྙཱ་ན་པཉྩ་ཨ་མྲྀ་ཏེ་རཀྟ་བྷ་ལིངྟ་ག་ཎ་ཙཀྲ་བྷོ་དྷི་ཙིཏྟ་ཨཱཿཧཱུྃ༔ ཞེས་བརྗོད། དེ་ནས་ཐབ་ཁུང་བསང་སྦྱང་། ཆོས་རྣམས་སྐྱེ་མེད་རྣམ་ཀུན་མཆོག་ལྡན་དབྱིངས། །སྣ་ཚོགས་སྒྱུ་འཕྲུལ་འགགས་མེད་རྡོ་རྗེའི་སྤྲིན། །ལས་བཞི་རྫོགས་བྱེད་ལྷུན་གྲུབ་ཐབ་ཀྱི་དབུས། །གོས་དཀར་ཌཱཀྐིའི་ངོ་བོར་རོ་གཅིག་པའི། །ཆགས་བྲལ་བདེ་བ་ཆེན་པོའི་མེ་དཔུང་འབར། །ཨོཾ་སརྦ་ཛྙཱ་ན་ཛྭ་ལ་རཾ། ཞེས་ལས་མཐུན་གྱི་མེ་སྦར། ལས་བུམ་གྱི་ཆུས་བསང་ལ། ཨོཾ་ཀུ་ཤ་འདི་ནི་གཙང་ཞིང་དགེ། །ས་ལ་སྐྱེས་པའི་སྙིང་པོ་མཆོག །དཀོན་མཆོག་གསུམ་གྱི་དག་བྱེད་ཡིན། །ཚངས་པའི་ཡང་དག་བྱེད་པ་སྟེ། །དེ་ཡིས་བདག་ཅག་ཐམས་ཅད་ལ། །བགེགས་རྣམས་ཐམས་ཅད་ཞི་བར་མཛོད། །ཅེས་བཀྲམ། དེ་དབུས་རྃ་ལས་ཡོངས་གྱུར་མེ་ལྷ་ནི། །ལས་མཐུན་རྒྱན་རྫོགས་འོད་ཟེར་ཕྲེང་བས་དཀྲིགས། །ཞལ་གཅིག་ཕྱག་གཉིས་བགྲང་ཕྲེང་གུནྡྷེ་བསྣམ། །སྐུ་གསུང་ཐུགས་ལས་རྡོ་རྗེ་འབྲུ་གསུམ་མཚན། །དེ་ལས་འོད་འཕྲོས་དམ་ཚིག་སྤྱན་དྲངས་བསྟིམ། །སྤྱན་འདྲེན་པ་ནི། ཧཱུྃ། དད་པ་དང་ནི་དམ་ཚིག་གིས། །ཚུར་གཤེགས་ཚུར་གཤེགས་འབྱུང་པོ་ཆེ། །མེ་ལྷ་དྲང་སྲོང་བྲམ་ཟེ་མཆོག །འདི་ཉིད་དུ་ནི་གཤེགས་སུ་གསོལ། །ཨགྣི་རཱ་ཛ་རྀ་ཥི་བཛྲ་ས་མ་ཡ་ཛཿ ཛཿཧཱུྃ་བྃ་ཧོཿ ཨརྒྷཾ་སོགས་ཀྱིས་ཉེར་སྤྱོད་ཕུལ། བསྟོད་པ་ནི། ཧཱུྃ། འཇིག་རྟེན་དབང་ཕྱུག་ཚངས་དབང་མགོན་གྱི་སྲས། །མེ་ལྷའི་རྒྱ་པོ་ཌཱཀྐིས་དབང་བསྐུར་བ། །ཤེས་རབ་མཆོག་གིས་ཉོན་མོངས་ཐམས་ཅད་སྲེག །འཛིན་བྱེད་མེ་ལྷ་ཉིད་ལ་རྣམ་པར་འདུད། །མེ་ལྷ་གདངས་པའི་ལྗགས་རྡོ་རྗེའི་སྦུ་གུས་སྲེག་བླུག་གི་རྒྱུན་དྲངས་ཏེ་གསོལ་བར་བསམས་ལ། ཨོཾ་བི་མ་ལེ་ཨགྣེ་ཡེ་སྭཱ་ཧཱ། །ཞེས་མར་ཁུ་བླུག་གཟར་བདུན་གྱིས་བཀང་བའི་དགང་བླུག་ལ་སྦྱར་ལ་ཕུལ། །ཨོཾ་ཨགྣེ་ཡེ་བདག་དང་སེམས་ཅན་ཐམས་ཅད་ཀྱི་སྡིག་སྒྲིབ་ཉེས་ལྟུང་ཐམས་ཅད་ཤཱནྟཱིཾ་ཀུ་རུ་ཡེ་སྭཱ་ཧཱ༔ དེ་བཞིན། ཚེ་བསོད་དཔལ་འབྱོར་ཐམས་ཅད་པུཥྟིཾ་ཀུ་རུ་ཡེ་སྭཱ་ཧཱ། བདག་སྒྲུབ་པ་པོའི་ཁམས་གསུམ་སྣོད་བཅུད་ཐམས་ཅད་ཝ་ཤཾ་ཀུ་རུ་ཡེ་སྭཱ་ཧཱ། གནོད་བྱེད་དགྲ་བགེགས་ཐམས་ཅད་མཱ་ར་ཡ་ཕཊ༔ ཞེས་འདོད་གསོལ་སྦྱར་བ་ལན་གསུམ་གྱིས་བྱོན་སྐྱེམ་ཕུལ་རྗེས། ལག་གིས་བཟུང་དུ་བཏུབ་པ་རྣམས་མཐེབ་སྲིན་གྱིས་དབུལ། །དེ་ལས་གཞན་རྣམས་བླུགས་གཟར་གྱིས་སོ་སོར་དབུལ་སྔགས་ནི། །ཡམ་ཤིང་ལ། ཨོཾ་སེ་ཤེ་ཧ་སྟ་བཛྲ་སྭཱ་ཧཱ། དེ་བཞིན་མར་ཁུ་ལ། ཨོཾ་བི་མ་ཡེ་ཨགྣེ། ཏིལ། སརྦ་པ་པཾ་ད་ཧ་ན་བཛྲ། ཟས་མཆོག །སརྦ་སཾ་བྷ་དེ། འབྲས་བཛྲ་པུཥྟ་ཡེ། སྲན་མ། མ་ཧཱ་བཱ་ལ་ཡ། གྲོ། བཛྲ་གྷ་སྨ་རི། དུརྦ། བཛྲ་ཨཱ་ཡུ་ཥེ། ཀུ་ཤ །ཨ་པྲ་ཏི་ཧ་ཏ་བཛྲ་ཡེ། །རྫས་གཞན་རྣམས། ཨ་ཧ་ར་ཨ་ཧ་ར་བུ་ལེ་མ་ཧཱ་ད་ར་ཕེ་ཤ་ཤཱནྟི་ཀུ་རུ་ཡེ། ཞེས་སོ་སོའི་ཐོག་མ་ལ་ཨོཾ་དང་མཐར་སྭཱ་ཧཱ་སྦྱར་རོ། །བསྡུ་ན་ཐམས་ཅད་བདུད་རྩིའི་རང་བཞིན་དུ་ཤེས་པས་སྔགས་སྔ་མ་དག་གིས་དབུལ་བས་ཀྱང་འཐུས་ལ། ། ༈ དེ་ལྟར་བདུན་ལ་སོགས་པའི་རྗེས་འདོད་གསོལ་སོ་སོར་སྦྱར་བ་ཉེར་གཅིག་ལ་སོགས་ཅི་རིགས་པར་ཕུལ་ནས་ཨ་ཀཱ་རོའི་སྔགས་ཀྱིས་གཏོར་མ་ཕུལ་ཞིང་བསྟོད་པར་བྱ། །ཡིག་བརྒྱས་ནོངས་པ་བཤགས། ན་མོ་རིག་པའི་རྒྱལ་པོ་ཁྱོད་ཀྱིས་བསྲེག་བླུག་གི་རྫས་རྣམས་ལྷའི་ཞལ་དུ་དབུལ་བ་དང་། ཡེ་ཤེས་ཀྱི་མེར་བྱིན་གྱིས་བརླབས་ནས་ཕྲིན་ལས་ཐམས་ཅད་ཡོངས་སུ་འགྲུབ་པར་མཛད་དུ་གསོལ། བཛྲ་མུ། །ཡེ་ཤེས་པ་ཐབ་ཀྱི་ཤར་ལྷོར་གཤེགས། །དམ་ཚིག་པ་མེ་འབར་བའི་རྣམ་པར་གྱུར་པར་བསྒོམ། །གཉིས་པ་ནི། ཨ་མྲྀ་ཏས་བསང་། སྭཱ་བྷ་ཝས་སྦྱང་། མེ་ལྷའི་ལྟོ་བ་ཡངས་ཤིང་རྒྱ་ཆེ་བ་དག་ཆེན་ཡེ་ཤེས་ཀྱི་རོལ་པ་འོག་མིན་ལྷུན་གྱིས་གྲུབ་པའི་དཀྱིལ་འཁོར་ཆེན་པོའི་དབུས་སུ་ཡེ་ཤེས་པའི་ལྷ་ཚོགས་ཐམས་ཅད་སྐད་ཅིག་གིས་གསལ་ལ་མ་འདྲེས་པར་རྫོགས་པའི་གནས་གསུམ་ལས་འོད་ཟེར་འཕྲོས་པས་རབ་འབྱམས་རྒྱལ་བའི་དཀྱིལ་འཁོར་ཐམས་ཅད་ཡི་དམ་ལྷའི་རྣམ་པར་བཛྲ་ས་མཱ་ཛ། །ཞེས་པའམ། དམིགས་གསལ་སོ་སོའི་སྒྲུབ་དཀྱིལ་མདུན་བསྐྱེད་ལྟར་རམ་བདག་བསྐྱེད་ཉིད་ཁ་བསྒྱུར་བས་འགྲུབ་ལ། སྤྱན་འདྲེན་ནི། ཧཱུྃ། །དམིགས་མེད་མཁའ་ལྟར་ཁྱབ་ཅིང་དག་པ་ལ། །སྤྱན་འདྲེན་གཤེགས་སུ་གསོལ་བར་མི་དམིགས་ཀྱང་། །ཐུགས་རྗེའི་ངང་ཉིད་ཆོས་སྐུར་རོལ་པ་ལས། །ཡེ་ཤེས་སྒྱུ་མར་རོལ་ཅིང་གཤེགས་སུ་གསོལ། །བཛྲ་ས་མཱ་ཡ་ཛཿ བཞུགས་སུ་གསོལ་བ་ནི། ཀུན་ཏུ་བཟང་མོ་གསང་བའི་བྷ་ག་ལ། །རྒྱལ་བའི་དཀྱིལ་འཁོར་རབ་འབྱམས་མ་ལུས་ཀུན། །འདུ་འབྲལ་མེད་པའི་ངང་དུ་རོ་གཅིག་པའི། །གཉིས་མེད་བྱང་ཆུབ་སེམས་ཀྱིས་མཉེས་གྱུར་ཅིག །ཛཿཧཱུྃ་བྃ་ཧོ༔ མ་ཧཱ་སུ་ཁ་ཧོ༔ མཆོད་པ་ནི། ཧཱུྃ །བླ་མེད་མཆོག་གི་མཆོད་པ་ཆེན་པོ་ནི། །ཡེ་ཤེས་ལྔ་ཡི་འོད་ཟེར་རྣམ་པར་འཕྲོ། །འདོད་པའི་ཡོན་ཏན་ལྔ་ཡིས་རབ་བརྒྱན་ཏེ། །དམ་ཚིག་བཞིན་ལས་ཅི་བདེར་བཞེས་སུ་གསོལ། །ཨོཾ་སརྦ་ཏ་ཐཱ་ག་ཏ་རཱུ་པ་སོགས་ནས་སྥཪྴེའི་བར་དང་། སརྦ་པཉྩ་རཀྟ་བ་ལིཾ་ཏ་བྷོ་དྷི་ཙིཏྟ་ཧོ༔ བསྟོད་པ་ནི། ཧཱུྃ། །རྡོ་རྗེ་གླུ་མ་ལས་ཀྱི་ཕྱག་རྒྱ་ཡིས། །དབྱངས་ཀྱི་ཡན་ལག་ཆོས་ཀྱི་ཕྱག་རྒྱའི་སྤྲིན། །རིགས་ལྔའི་དམ་ཚིག་ཕྱག་རྒྱ་ལ་སྦྱར་ནས། །ལྷར་སྣང་ཕྱག་རྒྱ་ཆེན་པོར་བསྟོད་པར་བགྱི། །དགང་བླུག་ཁ་སྦྱར་ལ། དཀྱིལ་འཁོར་ལྷ་ཚོགས་རྣམས་ཀྱི་ལྗགས་རྡོ་རྗེའི་སྤུ་གུ་ཅན་གྱིས་བསྲེག་བླུགས་ཀྱི་བདུད་རྩིས་རྒྱུན་དྲངས་ནས་གསོལ་བར་བསམས་ལ། སོ་སོའི་རྩ་སྔགས་ལན་བདུན་དང་བཅས་མར་ཁུ་བླུག་གཟར་བདུན་གྱིས་བཀང་བ་ཕུལ་རྗེས། རྣལ་འབྱོར་པ་བདག་དང་ཡོན་གྱི་བདག་པོའི་དམ་ཚིག་ཉམས་ཆག་ཐམས་ཅད་ཤཱནྟིཾ་ཀུ་རུ་ཡེ་སྭཱ་ཧཱ། ཞེས་འདོད་གསོལ་སྦྱར་བ་ལན་གསུམ་གྱིས་བྱོན་སྐྱེམས་ཕུལ། བསྙེན་སྒྲུབ་ཀྱི་ཁ་སྐོང་ལ་རྩ་སྔགས་འབའ་ཞིག་གིས་དབུལ་བ་དང་། །གཞན་དུ་སྔ་མ་ལྟར་རྫས་སྔགས་སྦྲེལ་བ་ཅི་ནུས་དང་། །གྲངས་གསོག་ལ། །རྩ་སྔགས་ཀྱི་རྗེས་སུ། ཤིནྟཾ་ཀུ་རུ་ཡེ་སྭཱ་ཧཱ༔ སོགས་སྔགས་ཀྱི་འདོད་གསོལ་སྦྱར་བ་ཁོ་ནས་དབུལ་བ་རྒྱུད་སྡེ་ཆེན་པོའི་དགོངས་པ་ཡིན་ཞིང་། རྫས་ཀྱང་ཞི་བ་ལ་ཏིལ། རྒྱས་པ་ལ་རིན་པོ་ཆེ་དང་དར་ཟབ། དབང་ལ་མེ་ཏོག་གམ་འབྲུ་དམར་པོ་ཆང་གིས་སྦག་པ། དྲག་པོ་ལ་ཡུངས་དཀར་དུག་ཁྲག་གིས་སྦག་པ་བུངས་བསྐྱེད་ནས་དབུལ་ལ། ཁྱད་པར་ཏིང་ངེ་འཛིན་ཁོ་ན་གཙོ་ཆེ་བའི་ཕྱིར་དཀྱིལ་འཁོར་གྱི་ལྷ་ཚོགས་ཐམས་ཅད་ལ་བསྲེག་བླུག་གི་མཆོད་པ་ཕུལ་བས་ཐུགས་དགྱེས་པ་ཆེན་པོའི་རང་བཞིན་ལས་བྱུང་བའི་འོད་ཟེར་དཀར་པོས་འཇིག་རྟེན་གྱི་ཁམས་ཐམས་ཅད་ཁྱབ། སངས་རྒྱས་ཐམས་ཅད་ལ་མཉེས་པའི་མཆོད་པ་ཕུལ། །སེམས་ཅན་མ་ལུས་པ་སྒྲིབ་གཉིས་རྒྱུ་དང་བཅས་པ་ཞི་བར་བྱས་པར་བསམ། དེ་བཞིན་གཞན་བཞི་པོ་ལ་ཡང་དམིགས་པའི་བདེ་ཁ་བསྒྱུར། ཁྱད་པར་མཆོག་གི་ཕྲིན་ལས་ལ་ཞི་རྒྱས་གཉིས་ཀའི་རྫས་འབུལ་ཞིང་། །ཆང་གི་སྙིང་ཁུ་ལྷག་པར་དབུལ་ལ་འདོད་གསོལ་ནི། སརྦ་ཏ་ཐཱ་ག་ཏ་མ་ཧཱ་མུ་ཏྲ་པུ་ཛ་ཧོ༔ ཞེས་བཏགས། དེ་ལྟར་ལས་བཞི་གང་ཡང་རུང་བ་ལ་རྫས་རྫོགས་ནས། ཡེ་ཤེས་མེ་དང་གཉིས་མེད་འབར་བ་ཡི། །ཕྱག་རྒྱ་ཆེན་པོ་བསྲེག་བྱ་ཟ་བའི་ཞལ། །སྲེག་རྫས་བདུད་རྩིའི་མཆོད་པས་མཉེས་གྱུར་ནས། །ཞི་བའི་ཕྲིན་ལས་ལྷུན་གྱིས་གྲུབ་པར་མཛོད། །ཅེས་སོགས་སོ་སོར་ཁ་བསྒྱུར་བཅས་ལན་གསུམ་དབུལ། གོས་ཟུང་། གང་ལ་རེག་ན་འཇམ་པའི་ལྷ་རྫས་ཀྱང་། །དབང་པོའི་ཚོན་གྱིས་བསྒྱུར་བའི་སྨིག་རྒྱུ་ཡི། །བར་སྣང་ཟ་འོག་བཅལ་དུ་བཀྲམ་པ་ལྟར། །འབར་བས་འགྲོ་ཀུན་བཟོད་པའི་གོས་ཐོབ་ཤོག །ཨོཾ་བཛྲ་ཝསྟྲ་ཡེ་སྭཱ་ཧཱ། །ཞེས་དང་། ཨོཾ་བཛྲ་ཏཾ་བུ་ལ་ཡེ་སྭཱ་ཧཱ། ཞེས་པས་རྡོ་ཐལ་མེད་པའི་སོ་རྩི་འཇམ་པོ་དབུལ། རྡོ་རྗེ་ལྷ་མོ་བཅུ་དྲུག་གིས་མཆོད། བསྟོད་པ་གང་འོས་མཐར། སྤྲོས་པ་ལ་དགའ་བས་བཟླས་པ་བྱ་བར་འདོད་ན། ལྷ་ཚོགས་རྣམས་ཐུགས་ཀར་པད་ཉིའི་སྟེང་རང་རང་གི་ས་བོན་སྔགས་ཕྲེང་དང་བཅས་པ་ལས་འོད་ཟེར་དཀར་པོས་སྣོད་བཅུད་ཐམས་ཅད་ཁྱབ་པར་འཕྲོས། །རྒྱལ་བ་ཐམས་ཅད་ལ་མཉེས་པའི་མཆོད་པ་ཕུལ། བདག་གཞན་ཐམས་ཅད་ཀྱི་སྒྲིབ་པ་གཉིས་རྒྱུ་དང་བཅས་བཅོམ་པར་བསམས་ལ། རྩ་སྔགས་མཐར། སརྦ་ཤཱནྟིཾ་ཀུ་རུ་ཡེ་སྭཱ་ཧཱ༔ ཞེས་བཏགས་པ་ཅུང་ཟད་བཟླ། དེ་བཞིན་ལས་བཞི་གཞན་བཞི་པོ་ལའང་འབྱིན་འཇུག་བྱ། ཚོགས་ཀྱི་འཁོར་ལོ་ཚིམ་པ་དྲུག་དང་ལྡན་པས་མཆོད། འཇིགས་པ་བརྒྱད་སྐྱོབས་ཞི་བའི་དངོས་གྲུབ་སྩོལ། །སོགས་ཀྱིས་བསྐུལ་ལ། རྩ་སྔགས་མཐར། ཀཱ་ཡ་ཝཱཀྐ་ཙིཏྟ་སརྦ་སིདྡྷི་ཕ་ལ་ཧོ༔ ཞེས་པས་དངོས་གྲུབ་བླང་རྗེས་བྱོན་སྐྱེམས་དགང་བླུག་གསུམ་ཕུལ། མ་འབྱོར་པ་དང་ཉམས་པ་དང་སོགས་ཀྱི་མཐར་ཡིག་བརྒྱ་དང་བཅས་ནོངས་པ་འཆགས། ཨོཾ་ཁྱེད་ཀྱི་སེམས་ཅན་དོན་ཀུན་མཛད་སོགས་མཐར། བཛྲ་མུས་ཡེ་ཤེས་པ་གཤེགས་སུ་གསོལ། གསུམ་པ་ནི། ཨ་མྲྀ་ཏས་བསང་། སྭ་བྷཱ་ཝས་སྦྱང་། དམ་ཚིག་མེ་ལྷ་རང་བཞིན་ཡོངས་སུ་རྫོགས་པར་གསལ་བའི་གནས་གསུམ་ལས་འོད་ཟེར་འཕྲོས་པས་ཡེ་ཤེས་པ་སྤྱན་དྲངས། །བཛྲ་ས་མཱ་ཡ་ཛཿ ཛཿཧཱུྃ་བྃ་ཧོཿ བྱོན་སྐྱེམ་དགང་བླུག་གསུམ་ཕུལ་ཞིང་། ཨོཾ་བི་མ་ལེ་ཨགྣ་ཡེ་སྭཱ་ཧཱ། ལན་གསུམ། གོས་ཟུང་དང་སོ་རྩི་དབུལ། མེ་བསོས་ཏེ་གཏོང་རག་གི་ཚུལ་དུ་རྫས་ལྷག་མ་རྣམས་སོ་སོའི་སྔགས་མཐར། ཨོཾ་ཨགྣ་ཡེ་རི་ཥི་རཱ་ཛཱ་ཡ། །བདག་ཅག་དཔོན་སློབ་ཡོན་མཆོད་ཐམས་ཅད་ཀྱི་ཆོ་ག་ལྷག་ཆད་འགལ་འཁྲུལ་ཉམ་ཆག་ཉེས་ལྟུང་ཐམས་ཅད་ཤཱིནྟཾ་ཀུ་རུ་ཡེ་སྭཱ་ཧཱ། ཞེས་པས་ཕུལ། སྔ་མ་ལྟར་མཆོད་ཅིང་བསྟོད། ཨ་ཀཱ་རོས་གཏོར་མ་བསྔོ་ལ་ཕྲིན་ལས་བཅོལ། ནོངས་པ་བཤགས། །གཤེགས་སུ་གསོལ་བ་ནི། དོན་གཉིས་བསྒྲུབས་པའི་མེ་ཡི་ལྷ། །རང་རང་ཡུལ་དུ་གཤེགས་ནས་ཀྱང་། །སླར་ཡང་ཕྲིན་ལས་སྒྲུབ་པའི་ཕྱིར། །དུས་སུ་འབྱོན་པར་མཛད་དུ་གསོལ། །བཛྲ་མུ། །ཡེ་ཤེས་པ་གཤེགས། དམ་ཚིག་པ་ལྟེ་བའི་ཨ་ཐུང་ལ་བསྡུ། རྗེས་ཀྱི་བྱ་བ་ནི། །དགེ་བ་བསྔོ་ཞིང་སྨོན་ལམ་གདབ། ཤིས་པ་བརྗོད་པས་མཐའ་བརྒྱན་པར་བྱ་ཤིང་། དྲག་པོའི་སྦྱིན་བསྲེག་དུག་ཁྲག་གི་ཆུས་གཞིལ་ལ་གཞན་བཞི་པོ་མེ་རང་ཞིར་འཇོག །ལོང་ཁྱབ་ཀྱིས་མ་ཁོམ་ན། ཞི་བ་ལ་འོ་མ། རྒྱས་པ་ལ་དྲི་སེར་པོ། དབང་ལ་ཙནྡ་དམར་པོའི་ཁུ་བའམ་ཆང་དང་བསྲེས་པའི་ཆུས་བསད། ཞི་བ་དང་མཆོག་དབང་གི་ལས་གསུམ་པོའི་ཐལ་བ་རི་རྩེ་མཐོན་པོའི་རླུང་ལ་བསྐྱལ། རྒྱས་པ་མཛོད་དུ་བུམ་གཏེར་རྩལ། །དྲག་པོའི་ཐལ་བ་གཞི་མདོར་མནན། །ལས་རྗེས་མི་མངོན་པར་བསྡུའོ། །དེ་ལྟར་ཕྱི་དོན་དུ་གཙོ་བོར་སྨོས་པའི་སྦྱིན་བསྲེགས་ཀྱི་ཆོ་ག་སྤྲོས་པ་ཉུང་ངུར་བསྡུས་པ་སྟེ། གཞན་དུ་ན་ཚིམ་པ་དྲུག་ལྡན་པའི་ཚོགས་ཀྱི་འཁོར་ལོའི་མཉེས་པར་བྱ་བ་དང་། རྡོ་རྗེའི་ལུས་ལ་གདོད་ནས་གྲུབ་པའི་ཉེ་བའི་འདུ་བ་ལྷན་སྐྱེས་བདེ་སྟོང་བདུད་རྩིའི་མཆོད་པར་བྱ་བ་དག་ནི་ནང་དང་གསང་བའི་བསྲེག་བླུག་སྟེ་སྐབས་འདིར་སྨོས་པར་བྱ་བའི་ཡུལ་མ་ཡིན་ནོ། །གོས་དཀར་ཌཱཀྐིས་འཁྱུད་པའི་ལྷའི་ཕྱག་རྒྱར། །མཆོད་པའི་སྤྲིན་གྱིས་མཉེས་པའི་བསོད་ནམས་ཚོགས། །བཟོད་ནས་དག་པའི་ཡེ་ཤེས་ཆེན་པོའི་ངང་། །མཉམ་སྦྱོར་མཆོག་ཐུན་ཕྲིན་ལས་སྦྱིན་གྱུར་ཅིག །ཅེས་ལྷག་པའི་ལྷ་ཀུན་ལ་ཉེ་བར་འཇུག་པའི་བསྲེག་བླུག་གི་ཆོ་ག་འདི་ནི་ཀུན་མཁྱེན་ཆེན་པོའི་མན་ངག་གཙོ་བོར་བཟུང་སྟེ་ཉུང་ངུར་བཀོད་པ་ཀུན་ཏུ་དགེ་བར་གྱུར་ཅིག །མངྒ་ལཾ། །དགེའོ། །

[edit]

lhag pa'i lha kun la 'jug pa'i bsreg blugs kyi cho ga phrin las dpal ster/ @#/__/lhag pa'i lha kun la 'jug pa'i bsreg blugs kyi cho ga phrin las dpal ster zhes bya ba bzhugs so//__// gdod nas 'gyur med rnam kun mchog ldan dbyings/__/zung 'jug sgyu 'phrul drwa ba'i phyag rgya can/__/lhag pa'i lha dang dbyer med bla ma la/__/btud nas phrin las dpal ster cho ga bshad/__/de la 'dir bla med kyi dkyil 'khor zab mo'i bsnyen par zhugs pa'i kha skong ngam/__/gzhan du dam tshig nyams chag zhi ba sogs phrin las myur du 'grub par 'dod pas rtsom par bya ba'i yan lag ste/__dpal gsang ba snying por/__/dbyib dang kha dog tshad ldan par/__/zhal du gyur pa'i me bus la/__/bza' btung bro ba'i tshogs rnams kyis/__/las bzhi'i mchod pa rab tu sbyin/__/zhes pa ltar gyi dgongs don dang 'brel bar bsreg blug gi cho ga'i rim pa zab cing rgya che ba'i tshogs rnams gzhan du shes la/__'dir spros pa nye bar bsdus pa'i tshul la sbyor dngos rjes gsum las/__dang po ni/__gzhi ma dul ba yin na a kA ros bzhi bdag la gtor ma bsngo zhing phrin las bcol/__he ru ka'i sngags kyis kun rdzob tsam du sbyangs rjes rang bzhin med pa'i chos nyid dran par bya ba ni don dam pa'i sbyang ba te shu n+yA ta'i sngags dang bcas pa brjod/__khyad par rdzas gsogs ni/__dmigs bsal rgyud lung man ngag rang rang gi gzhung las byung ba'i rjes su mthun par bya la/__spyi tsam du zhi ba la bkra shis pa'i sa la thab khung zlum po rdo rjes mtshan pa/__rgyas pa la rgyal po'i bang mdzod kyi sa la thab khung gru bzhi rin po ches mtshan pa/__dbang la tshong dus dang smad 'tshong ma gnas pa'i sa la zla gam pad+ma lcags kyus mtshan pa/__drag po la phung shul dang dur khrod kyi sa la gru gsum rdo rje sngon po rwa gdeng pas mtshan pa ste/__mchog gi las la zhi ba ltar ro/__/de yang shul sa de rnams kyis stegs dang /__/de steng rdul tshon gyis dbyibs dang mtshan ma bri ba ste/__/phyi rol gyi zung bzhi dang nang gi lte bar yang so so'i mtshan ma dang thugs srog sogs bri bar bya zhing kha dog kyang so sor bsgyur/__rtsig pa'i shing ni/__zhi ba la bal bu dang lcang ma sogs 'o ma can dang rung mthun/__rgyas pa la 'bras bu can/__dbang la tsan+da dmar po dang mdzo mo shing sogs ro skyur la mdog dmar ba/__/drag po la tsher ma can gyi dug shing dug khrag gis sbags pa dang /__gzhan rnams mar khus nyug par bya la dbyibs kyang so sor brtsig__/de bzhin yam shing yang rgyu bud shing dang 'dra ba la tshad mtho gang pa re bya zhing /__/khyad par bsreg rdzas g.yas dang /__/mchod rdzas g.yon du bsham pa'i dang po ni/__/zhi ba la/__/til dkar/__'bras sogs kha zas dkar po dang /__/tsan+da dkar po sogs dri dkar po'i rigs/__tsam pa ka sogs me tog dkar po rnams gtso bor gyur pa dang /__/rgyas pa la star_ ga sogs 'bru/__/gur gum sogs me tog__/durba dang rin po che dar zab sogs 'du bya/__dbang la tsan+da dmar po/__glang sna sogs kha dog dmar zhing /__ro skyur ba dang snum pa'i bza' bca'/__drag po la yungs dkar/__gu gul/__lcags phye sha chen dug sna'i rigs rnams 'du bya la gtso bor man ngag gi rdzas gcig pu brten kyang rung ngo /__/spyir yang dkar gsum mngar gsum dri bzang gis sbag pa'i zho zan dang /__/'bru dang rin po che dar zab sna tshogs pa/__/mar khu/__gos zung /__so rtsi sogs dang /__las mthun gyi me dar rnams 'du bya la/__de yang bsreg rdzas snga ma rnams 'jig 'das kyi phyir du tshar gnyis su bsham mo/__/mchod rdzas la/__/'jig rten 'das ma 'das kyi gtor ma dbyibs dang kha dog sogs so sor bya la/__de bzhin las bum/__nyer spyod/__spro na tshogs kyi yo byad kyang 'du bya la/__'dug stangs dang chos gos dus sogs kyang so sor nges pa'o/__/gnyis pa dngos gzhi la gsum/__'jig rten pa'i me lha mchod pa/__dkyil 'khor gyi 'khor lo mchod pa/__/me lhar gtong rag go/__/dang po spyir dkyil 'khor gyi bdag bskyed sngon du 'gro bas bya ba rdzogs rjes sam/__rab gnas dang sgrub mchod sogs la bdag bskyed logs su 'gro mi dgos shing /__rang byung du bdud rtsi 'khyil ba'i sngags kyis las bum sgrub/__khyad par nyer spyad byin gyis brlab pa ni rdor dril a mr-is tas bsang /__swa b+hA was sbyangs/__hUM/__thab shes zung 'jug chos nyid mtshon/__/'das dus 'gro rnams sad pa dang /__/'gro rnams smin par bya ba'i phyir/__/rdo rje gsor zhing dril bu dkrol/__/oM badz+ra g+han+De hU~M AH__zhes brjod cing 'khyud rgya bya/__yo byad thams cad la dmigs nas bsang sbyangs/__stong pa'i ngang las mchod rdzas dang bsreg rdzas thams cad rang rang gi ming yig dang po thig les brgyan pa 'od du zhu ba las byung ba'i rdzas so so'i dngos po bdud rtsi'i rang bzhin can zad mi shes par gyur/__oM badz+ra ar+g+haM sogs dang /__oM hU~MHtrAM hrI AH__mu~M lA~M ma~M pa~M ta~M:__sarba dz+nyA na pany+tsa a mr-i te rak+ta b+ha ling+ta ga Na tsakra b+ho d+hi tsit+ta AHhU~M:__zhes brjod/__de nas thab khung bsang sbyang /__chos rnams skye med rnam kun mchog ldan dbyings/__/sna tshogs sgyu 'phrul 'gags med rdo rje'i sprin/__/las bzhi rdzogs byed lhun grub thab kyi dbus/__/gos dkar DAk+ki'i ngo bor ro gcig pa'i/__/chags bral bde ba chen po'i me dpung 'bar/__/oM sarba dz+nyA na dz+wa la raM/__zhes las mthun gyi me sbar/__las bum gyi chus bsang la/__oM ku sha 'di ni gtsang zhing dge/__/sa la skyes pa'i snying po mchog__/dkon mchog gsum gyi dag byed yin/__/tshangs pa'i yang dag byed pa ste/__/de yis bdag cag thams cad la/__/bgegs rnams thams cad zhi bar mdzod/__/ces bkram/__de dbus ra~M las yongs gyur me lha ni/__/las mthun rgyan rdzogs 'od zer phreng bas dkrigs/__/zhal gcig phyag gnyis bgrang phreng gun+d+he bsnam/__/sku gsung thugs las rdo rje 'bru gsum mtshan/__/de las 'od 'phros dam tshig spyan drangs bstim/__/spyan 'dren pa ni/__hU~M/_dad pa dang ni dam tshig gis/__/tshur gshegs tshur gshegs 'byung po che/__/me lha drang srong bram ze mchog__/'di nyid du ni gshegs su gsol/__/ag+ni rA dza r-i Shi badz+ra sa ma ya dzaH__dzaHhU~M ba~M hoH__ar+g+haM sogs kyis nyer spyod phul/__bstod pa ni/__hU~M/__'jig rten dbang phyug tshangs dbang mgon gyi sras/__/me lha'i rgya po DAk+kis dbang bskur ba/__/shes rab mchog gis nyon mongs thams cad sreg__/'dzin byed me lha nyid la rnam par 'dud/__/me lha gdangs pa'i ljags rdo rje'i sbu gus sreg blug gi rgyun drangs te gsol bar bsams la/__oM bi ma le ag+ne ye swA hA/__/zhes mar khu blug gzar bdun gyis bkang ba'i dgang blug la sbyar la phul/__/oM ag+ne ye bdag dang sems can thams cad kyi sdig sgrib nyes ltung thams cad shAn+tIM ku ru ye swA hA:__de bzhin/__tshe bsod dpal 'byor thams cad puSh+tiM ku ru ye swA hA/__bdag sgrub pa po'i khams gsum snod bcud thams cad wa shaM ku ru ye swA hA/__gnod byed dgra bgegs thams cad mA ra ya phaT:__zhes 'dod gsol sbyar ba lan gsum gyis byon skyem phul rjes/__lag gis bzung du btub pa rnams mtheb srin gyis dbul/__/de las gzhan rnams blugs gzar gyis so sor dbul sngags ni/__/yam shing la/__oM se she ha sta badz+ra swA hA/__de bzhin mar khu la/__oM bi ma ye ag+ne/__til/__sarba pa paM da ha na badz+ra/__zas mchog__/sarba saM b+ha de/__'bras badz+ra puSh+ta ye/__sran ma/__ma hA bA la ya/__gro/__badz+ra g+ha sma ri/__durba/__badz+ra A yu She/__ku sha__/a pra ti ha ta badz+ra ye/__/rdzas gzhan rnams/__a ha ra a ha ra bu le ma hA da ra phe sha shAn+ti ku ru ye/__zhes so so'i thog ma la oM dang mthar swA hA sbyar ro/__/bsdu na thams cad bdud rtsi'i rang bzhin du shes pas sngags snga ma dag gis dbul bas kyang 'thus la/___/___!_de ltar bdun la sogs pa'i rjes 'dod gsol so sor sbyar ba nyer gcig la sogs ci rigs par phul nas a kA ro'i sngags kyis gtor ma phul zhing bstod par bya/__/yig brgyas nongs pa bshags/__na mo rig pa'i rgyal po khyod kyis bsreg blug gi rdzas rnams lha'i zhal du dbul ba dang /__ye shes kyi mer byin gyis brlabs nas phrin las thams cad yongs su 'grub par mdzad du gsol/__badz+ra mu/__/ye shes pa thab kyi shar lhor gshegs/__/dam tshig pa me 'bar ba'i rnam par gyur par bsgom/__/gnyis pa ni/__a mr-i tas bsang /__swA b+ha was sbyang /__me lha'i lto ba yangs shing rgya che ba dag chen ye shes kyi rol pa 'og min lhun gyis grub pa'i dkyil 'khor chen po'i dbus su ye shes pa'i lha tshogs thams cad skad cig gis gsal la ma 'dres par rdzogs pa'i gnas gsum las 'od zer 'phros pas rab 'byams rgyal ba'i dkyil 'khor thams cad yi dam lha'i rnam par badz+ra sa mA dza/__/zhes pa'am/__dmigs gsal so so'i sgrub dkyil mdun bskyed ltar ram bdag bskyed nyid kha bsgyur bas 'grub la/__spyan 'dren ni/__hU~M/__/dmigs med mkha' ltar khyab cing dag pa la/__/spyan 'dren gshegs su gsol bar mi dmigs kyang /__/thugs rje'i ngang nyid chos skur rol pa las/__/ye shes sgyu mar rol cing gshegs su gsol/__/badz+ra sa mA ya dzaH__bzhugs su gsol ba ni/__kun tu bzang mo gsang ba'i b+ha ga la/__/rgyal ba'i dkyil 'khor rab 'byams ma lus kun/__/'du 'bral med pa'i ngang du ro gcig pa'i/__/gnyis med byang chub sems kyis mnyes gyur cig__/dzaHhU~M ba~M ho:__ma hA su kha ho:__mchod pa ni/__hU~M__/bla med mchog gi mchod pa chen po ni/__/ye shes lnga yi 'od zer rnam par 'phro/__/'dod pa'i yon tan lnga yis rab brgyan te/__/dam tshig bzhin las ci bder bzhes su gsol/__/oM sarba ta thA ga ta rU pa sogs nas s+phaR+she'i bar dang /__sarba pany+tsa rak+ta ba liM ta b+ho d+hi tsit+ta ho:__bstod pa ni/__hU~M/__/rdo rje glu ma las kyi phyag rgya yis/__/dbyangs kyi yan lag chos kyi phyag rgya'i sprin/__/rigs lnga'i dam tshig phyag rgya la sbyar nas/_/lhar snang phyag rgya chen por bstod par bgyi/__/dgang blug kha sbyar la/__dkyil 'khor lha tshogs rnams kyi ljags rdo rje'i spu gu can gyis bsreg blugs kyi bdud rtsis rgyun drangs nas gsol bar bsams la/__so so'i rtsa sngags lan bdun dang bcas mar khu blug gzar bdun gyis bkang ba phul rjes/__rnal 'byor pa bdag dang yon gyi bdag po'i dam tshig nyams chag thams cad shAn+tiM ku ru ye swA hA/__zhes 'dod gsol sbyar ba lan gsum gyis byon skyems phul/__bsnyen sgrub kyi kha skong la rtsa sngags 'ba' zhig gis dbul ba dang /__/gzhan du snga ma ltar rdzas sngags sbrel ba ci nus dang /__/grangs gsog la/__/rtsa sngags kyi rjes su/__shin+taM ku ru ye swA hA:__sogs sngags kyi 'dod gsol sbyar ba kho nas dbul ba rgyud sde chen po'i dgongs pa yin zhing /__rdzas kyang zhi ba la til/__rgyas pa la rin po che dang dar zab/__dbang la me tog gam 'bru dmar po chang gis sbag pa/__drag po la yungs dkar dug khrag gis sbag pa bungs bskyed nas dbul la/__khyad par ting nge 'dzin kho na gtso che ba'i phyir dkyil 'khor gyi lha tshogs thams cad la bsreg blug gi mchod pa phul bas thugs dgyes pa chen po'i rang bzhin las byung ba'i 'od zer dkar pos 'jig rten gyi khams thams cad khyab/__sangs rgyas thams cad la mnyes pa'i mchod pa phul/__/sems can ma lus pa sgrib gnyis rgyu dang bcas pa zhi bar byas par bsam/__de bzhin gzhan bzhi po la yang dmigs pa'i bde kha bsgyur/__khyad par mchog gi phrin las la zhi rgyas gnyis ka'i rdzas 'bul zhing /__/chang gi snying khu lhag par dbul la 'dod gsol ni/__sarba ta thA ga ta ma hA mu tra pu dza ho:__zhes btags/__de ltar las bzhi gang yang rung ba la rdzas rdzogs nas/__ye shes me dang gnyis med 'bar ba yi/__/phyag rgya chen po bsreg bya za ba'i zhal/__/sreg rdzas bdud rtsi'i mchod pas mnyes gyur nas/__/zhi ba'i phrin las lhun gyis grub par mdzod/__/ces sogs so sor kha bsgyur bcas lan gsum dbul/__gos zung /__gang la reg na 'jam pa'i lha rdzas kyang /__/dbang po'i tshon gyis bsgyur ba'i smig rgyu yi/__/bar snang za 'og bcal du bkram pa ltar/_/'bar bas 'gro kun bzod pa'i gos thob shog__/oM badz+ra was+t+ra ye swA hA/__/zhes dang /__oM badz+ra taM bu la ye swA hA/__zhes pas rdo thal med pa'i so rtsi 'jam po dbul/__rdo rje lha mo bcu drug gis mchod/__bstod pa gang 'os mthar/__spros pa la dga' bas bzlas pa bya bar 'dod na/__lha tshogs rnams thugs kar pad nyi'i steng rang rang gi sa bon sngags phreng dang bcas pa las 'od zer dkar pos snod bcud thams cad khyab par 'phros/__/rgyal ba thams cad la mnyes pa'i mchod pa phul/__bdag gzhan thams cad kyi sgrib pa gnyis rgyu dang bcas bcom par bsams la/__rtsa sngags mthar/__sarba shAn+tiM ku ru ye swA hA:__zhes btags pa cung zad bzla/__de bzhin las bzhi gzhan bzhi po la'ang 'byin 'jug bya/__tshogs kyi 'khor lo tshim pa drug dang ldan pas mchod/__'jigs pa brgyad skyobs zhi ba'i dngos grub stsol/__/sogs kyis bskul la/__rtsa sngags mthar/__kA ya wAk+ka tsit+ta sarba sid+d+hi pha la ho:__zhes pas dngos grub blang rjes byon skyems dgang blug gsum phul/__ma 'byor pa dang nyams pa dang sogs kyi mthar yig brgya dang bcas nongs pa 'chags/__oM khyed kyi sems can don kun mdzad sogs mthar/__badz+ra mus ye shes pa gshegs su gsol/__gsum pa ni/__a mr-i tas bsang /__swa b+hA was sbyang /__dam tshig me lha rang bzhin yongs su rdzogs par gsal ba'i gnas gsum las 'od zer 'phros pas ye shes pa spyan drangs/__/badz+ra sa mA ya dzaH__dzaHhU~M ba~M hoH__byon skyem dgang blug gsum phul zhing /__oM bi ma le ag+na ye swA hA/__lan gsum/__gos zung dang so rtsi dbul/__me bsos te gtong rag gi tshul du rdzas lhag ma rnams so so'i sngags mthar/__oM ag+na ye ri Shi rA dzA ya/__/bdag cag dpon slob yon mchod thams cad kyi cho ga lhag chad 'gal 'khrul nyam chag nyes ltung thams cad shIn+taM ku ru ye swA hA/__zhes pas phul/__snga ma ltar mchod cing bstod/__a kA ros gtor ma bsngo la phrin las bcol/__nongs pa bshags/__/gshegs su gsol ba ni/__don gnyis bsgrubs pa'i me yi lha/__/rang rang yul du gshegs nas kyang /__/slar yang phrin las sgrub pa'i phyir/__/dus su 'byon par mdzad du gsol/__/badz+ra mu/__/ye shes pa gshegs/__dam tshig pa lte ba'i a thung la bsdu/__rjes kyi bya ba ni/__/dge ba bsngo zhing smon lam gdab/__shis pa brjod pas mtha' brgyan par bya shing /__drag po'i sbyin bsreg dug khrag gi chus gzhil la gzhan bzhi po me rang zhir 'jog__/long khyab kyis ma khom na/__zhi ba la 'o ma/__rgyas pa la dri ser po/__dbang la tsan+da dmar po'i khu ba'am chang dang bsres pa'i chus bsad/__zhi ba dang mchog dbang gi las gsum po'i thal ba ri rtse mthon po'i rlung la bskyal/__rgyas pa mdzod du bum gter rtsal/__/drag po'i thal ba gzhi mdor mnan/__/las rjes mi mngon par bsdu'o/__/de ltar phyi don du gtso bor smos pa'i sbyin bsregs kyi cho ga spros pa nyung ngur bsdus pa ste/__gzhan du na tshim pa drug ldan pa'i tshogs kyi 'khor lo'i mnyes par bya ba dang /__rdo rje'i lus la gdod nas grub pa'i nye ba'i 'du ba lhan skyes bde stong bdud rtsi'i mchod par bya ba dag ni nang dang gsang ba'i bsreg blug ste skabs 'dir smos par bya ba'i yul ma yin no/__/gos dkar DAk+kis 'khyud pa'i lha'i phyag rgyar/__/mchod pa'i sprin gyis mnyes pa'i bsod nams tshogs/__/bzod nas dag pa'i ye shes chen po'i ngang /__/mnyam sbyor mchog thun phrin las sbyin gyur cig__/ces lhag pa'i lha kun la nye bar 'jug pa'i bsreg blug gi cho ga 'di ni kun mkhyen chen po'i man ngag gtso bor bzung ste nyung ngur bkod pa kun tu dge bar gyur cig__/mang+ga laM/__/dge'o/__/