JKW-KABUM-17-TSA-003-014

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 17, sde tshan 3, Text 14, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 17: 451-. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

14 567-569	དཔལ་མགོན་གདོང་བཞི་པའི་བྲིས་ཐང་ཤིན་ཏུ་ཁུངས་བཙུན། dpal mgon gdong bzhi pa'i bris thang shin tu khungs btsun Art - rtsom rig / ri mo / bris cha   ·   Guides to Paintings - bri yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

དཔལ་མགོན་གདོང་བཞི་པའི་བྲིས་ཐང་ཤིན་ཏུ་ཁུངས་བཙུན། ༄༅། །རྡོ་རྗེ་འཆང་ཚར་པའི་སྐུ་རིང་ལ་བཞེངས་པའི་དཔལ་མགོན་གདོང་བཞི་པའི་བྲིས་ཐང་ཤིན་ཏུ་ཁུངས་བཙུན་པ་ཞིག་ལ། གོང་དུ་རྡོ་རྗེ་འཆང་། གཡས་སུ་ཀླུ་སྒྲུབ་དཀྱུས་ལྟར། གཡོན་དུ་གྲུབ་ཆེན་བ་ལིཾ་ཏ་པ་སྐུ་མདོག་དམར་སྐྱ། གཡས་བདུད་རྩི་འཐོར་ཚུལ། གཡོན་ཐོད་པ་ཐུགས་ཀར་འཛིན་པ། གྲུ་ཐོབ་གྱི་ཆ་ལུགས་ཅན། སངས་རྒྱས་ཡེ་ཤེས་ཞབས་ནས་རིན་ཆེན་གྲགས་པའི་བར་པཎ་གྲུབ་ཀྱི་ཆ་ལུགས་རབ་བྱུང་དང་། ཡང་པཎྜི་ཏའི་ཆ་ལུགས་ཅན་གཉིས་འདུག་པ་ཏ་ཐཱ་ག་ཏ་རཀྵི་ཏ་དང་འབུམ་ཕྲག་གསུམ་པ་གཉིས་ཡིན་འདྲ། རི་སུལ་གྱི་རྣལ་འབྱོར་མ་དམར་སྐྱ་གཡས་ཌཱ་མ་རུ་འཁྲོལ་བ། གཡོན་ཐོད་པ་འཛིན་པ། སེམས་དཔའི་སྐྱིལ་ཀྲུང་གིས་བཞུགས་པ། སྐུ་སྨད་ལ་རི་དྭགས་ཀྱི་པགས་པ། གསོལ་བ། དེའི་གདན་ཅན། མཁའ་འགྲོ་མའི་ཆ་ལུགས་ཅན། གཉན་ལོ་རབ་བྱུང་པཎ་ཞྭ་གསོལ་པ། གནམ་ཁའུ་པ་དགེ་བསྙེན་གྱི་ཆ་ལུགས་ན་བཟའ་དམར་པོ་ལྕང་ལོ་ཅན། གོང་མ་ལྔ་དཀྱུས་བཞིན། དམ་པ་ཀུན་གྲགས་རབ་བྱུང་ཞལ་རྒྱ་བོ། པད་འདབ་གསུམ་ཙམ་ཡོད་པའི་ཞྭ་མོ་མནབས་པ། མཉམ་གཞག་གི་སྟེང་དུ་ཐོད་པ་བསྣམས་པ། བདག་ཉིད་ཆེན་པོ་དང་། ནམ་མཁའ་ལེགས་པ། ཀུན་དགའ་རྒྱལ་མཚན། ནམ་མཁའ་རྒྱལ་མཚན་གསུམ་དགེ་བསྙེན་གྱི་ཆ་ལུགས་དབུ་རེག་ཀོང་སྟོད་དང་བེམ་པོ་གསོལ་བ། གཞན་རྣམས་རབ་བྱུང་དཀྱུས་ལྟར། ཀུན་སྤང་ཆེན་པོ་བསྒྲེས་པོ་སྤྱི་ཐེར། མགོན་པོ་རང་བྲམ་གཟུགས་སྔོ་བ་སངས། རྐང་གླིང་དང་ཐོད་པ་བསྣམ་པ། ཚངས་སྐུད་སྒྲིལ་མ་ཁྲ་བོ་ལ་གཡེར་ཁ་བརྒྱུས་པ། རོལ་སྟབས་ཀྱི་བཞུགས་པ། ཡུམ་བཞི་རྒྱུ་མའི་ག་ཤ་ཅན། ཁྱད་པར་གཡུང་མོ་ལ་གཡང་གཞི་ཨང་རག་ལྟར་བྱས་པ། མཐར་སྐོར་དུ་དུར་ཁྲོད་བརྒྱད་ན། ཞིང་སྐྱོང་བརྒྱད། གླང་པོ་ཆེ་སོགས་ཀྱི་གདོང་པ་ཅན་ཀྱེ་རྡོར་ལྟར་ལས་འཇིགས་སུ་རུང་བ། ཤིང་བརྒྱད་ནི་ཤར་གྱི་དུར་ཁྲོད་ན་ཤིང་དམར་སྐྱ། ལོ་མ་དང་འབྲས་བུ་གང་ཡང་མེད་པ་ལ་རོ་དང་མགོ་ལག་བཀལ་བ། ཤར་ལྷོའི་དུར་ཁྲོད་ན་བྲག་སེམས་ཅན་གྱི་གདོང་པ་འདྲ་བ་ཁ་མིག་གསལ་བ་ཡོད་པ། བྱང་ཤར་གྱི་དུར་ཁྲོད་ནི་བྲག་ལིངྒ་འདྲ་བ་ལ་མི་ཞིག་ལྕགས་ཐག་གིས་བཏགས་པ། དེ་དང་ཉེ་བར་ཁྲག་མཚོ་ཡོད་པ། རྣལ་འབྱོར་མ་རུས་རྒྱན་ཅན་ཌཱ་མ་རུ་དང་ཐོད་པ་ཐོག་ནས་གར་བྱེད་པ། ཡང་ཤར་ལྷོའི་དུར་ཁྲོད་ན། རྣལ་འབྱོར་པ་ཙོག་པུར་བསྡད་པ་བཞི་ཙམ་དང་། རྩའི་སྤྱིལ་བུ་ལ་གནས་པ་གཅིག །བྱང་གི་དུར་ཁྲོད་ན་མཚོ་ནག་པོ་ཞིག་ལས་ཤིང་སྐྱེས་པ། གཙོ་བོའི་མདུན་ངོས་སུ། མོན་པ་དམར་པོ་གཉིས། སྔོན་པོ་གཅིག །སེར་པོ་གཅིག །ནག་པོ་གཅིག་རྣམས་སྐྲ་ཐོར་ཅོག་ཅན། མདའ་དོང་རྐེད་ལ་བཏགས་པ། དེ་ཡང་དམར་པོ་གཅིག་གིས་སྤུ་གྲི་དང་ཐོད་པ་འཛིན་པ། གཞུ་གཉའ་བ་ལ་བཀལ་བ། དམར་པོ་གཅིག་གིས་མི་གཅེར་བུ་བཅིངས་ནས་ཁྲིད་པ། སྔོན་པོ་ནས་སྦྲུལ་ཞགས་དང་ཐོད་པ། སེར་པོས་གཡས་སྤུ་གྲི། གཡོན་གཞུ་དང་། བནྡྷ་སྡིག་པ། ནག་པོས་ལྕགས་ཀྱུས་ཉ་བོའི་སྙིང་ཁ་ནས་བཟུང་བ། གཡོན་ཐོད་པ། ཡང་ལས་མཁན་དམར་པོ་སེངྒེའི་མགོ་ཅན་སྤར་བ་གདེང་པ། རོའི་སྙིང་ཁ་ནས་ཁྲག་དྲོན་འཐུང་བ། དེ་རྣམས་ཀྱི་བར་དུ་ཁྱི་དང་ལྕེ་སྤྱང་སོགས་མང་པོ་བྲིས་འདུག་གོ ། ༈

[edit]

dpal mgon gdong bzhi pa'i bris thang shin tu khungs btsun/ @#/_/rdo rje 'chang tshar pa'i sku ring la bzhengs pa'i dpal mgon gdong bzhi pa'i bris thang shin tu khungs btsun pa zhig la/__gong du rdo rje 'chang /__g.yas su klu sgrub dkyus ltar/__g.yon du grub chen ba liM ta pa sku mdog dmar skya/__g.yas bdud rtsi 'thor tshul/__g.yon thod pa thugs kar 'dzin pa/__gru thob gyi cha lugs can/__sangs rgyas ye shes zhabs nas rin chen grags pa'i bar paN grub kyi cha lugs rab byung dang /__yang paN+Di ta'i cha lugs can gnyis 'dug pa ta thA ga ta rak+Shi ta dang 'bum phrag gsum pa gnyis yin 'dra/__ri sul gyi rnal 'byor ma dmar skya g.yas DA ma ru 'khrol ba/__g.yon thod pa 'dzin pa/__sems dpa'i skyil krung gis bzhugs pa/__sku smad la ri dwags kyi pags pa/__gsol ba/__de'i gdan can/__mkha' 'gro ma'i cha lugs can/__gnyan lo rab byung paN zhwa gsol pa/__gnam kha'u pa dge bsnyen gyi cha lugs na bza' dmar po lcang lo can/__gong ma lnga dkyus bzhin/__dam pa kun grags rab byung zhal rgya bo/__pad 'dab gsum tsam yod pa'i zhwa mo mnabs pa/__mnyam gzhag gi steng du thod pa bsnams pa/__bdag nyid chen po dang /__nam mkha' legs pa/__kun dga' rgyal mtshan/__nam mkha' rgyal mtshan gsum dge bsnyen gyi cha lugs dbu reg kong stod dang bem po gsol ba/__gzhan rnams rab byung dkyus ltar/__kun spang chen po bsgres po spyi ther/__mgon po rang bram gzugs sngo ba sangs/__rkang gling dang thod pa bsnam pa/__tshangs skud sgril ma khra bo la g.yer kha brgyus pa/__rol stabs kyi bzhugs pa/__yum bzhi rgyu ma'i ga sha can/__khyad par g.yung mo la g.yang gzhi ang rag ltar byas pa/__mthar skor du dur khrod brgyad na/__zhing skyong brgyad/__glang po che sogs kyi gdong pa can kye rdor ltar las 'jigs su rung ba/__shing brgyad ni shar gyi dur khrod na shing dmar skya/__lo ma dang 'bras bu gang yang med pa la ro dang mgo lag bkal ba/__shar lho'i dur khrod na brag sems can gyi gdong pa 'dra ba kha mig gsal ba yod pa/__byang shar gyi dur khrod ni brag ling+ga 'dra ba la mi zhig lcags thag gis btags pa/__de dang nye bar khrag mtsho yod pa/__rnal 'byor ma rus rgyan can DA ma ru dang thod pa thog nas gar byed pa/__yang shar lho'i dur khrod na/__rnal 'byor pa tsog pur bsdad pa bzhi tsam dang /__rtsa'i spyil bu la gnas pa gcig__/byang gi dur khrod na mtsho nag po zhig las shing skyes pa/__gtso bo'i mdun ngos su/__mon pa dmar po gnyis/__sngon po gcig__/ser po gcig__/nag po gcig rnams skra thor cog can/__mda' dong rked la btags pa/__de yang dmar po gcig gis spu gri dang thod pa 'dzin pa/__gzhu gnya' ba la bkal ba/__dmar po gcig gis mi gcer bu bcings nas khrid pa/__sngon po nas sbrul zhags dang thod pa/__ser pos g.yas spu gri/__g.yon gzhu dang /__ban+d+ha sdig pa/__nag pos lcags kyus nya bo'i snying kha nas bzung ba/__g.yon thod pa/__yang las mkhan dmar po seng+ge'i mgo can spar ba gdeng pa/__ro'i snying kha nas khrag dron 'thung ba/__de rnams kyi bar du khyi dang lce spyang sogs mang po bris 'dug go__/_!