JKW-KABUM-17-TSA-003-013

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 17, sde tshan 3, Text 13, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 17: 451-. Khams sde dge rdzong sar dgon: Rdzong sar blo gros phun tshogs, 2020.
Genre	Art - rtsom rig / ri mo / bris cha  ·  Guides to Paintings - bri yig

1 Texts in this Section (sde tshan or chos tshan)

13 560-567	ཀུན་རིག་རྩ་ལྷ་སོ་བདུན་གྱི་ཞལ་ཐང་། kun rig rtsa lha so bdun gyi zhal thang Art - rtsom rig / ri mo / bris cha   ·   Guides to Paintings - bri yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

ཀུན་རིག་རྩ་ལྷ་སོ་བདུན་གྱི་ཞལ་ཐང་། ༄༅། །ཨོཾ་སྭ་སྟི། ཀུན་རིག་རྩ་ལྷ་སོ་བདུན་གྱི་གཙོ་འཁོར་ཐམས་ཅད་ལ་དར་གྱི་རྒྱན་གཉིས་དང་། རིན་པོ་ཆེའི་རྒྱན་བརྒྱད་ཡོད་པ་ལས། དང་པོ་དར་གྱི་སྟོད་གཡོགས་ཆོས་གོས་མཐའ་སྐོར་མེད་པ་ལྟ་བུ་ཞིག་གིས་སྐུ་སྟོད་ཁེབས་ཤིང་། སྣེ་མོ་དཔུང་པའི་ཐད་ཀར་ལྷབ་ལྷུབ་ཏུ་གཡོ་བ། གཉིས་པ་སྨད་གཡོགས་དར་གྱི་ཤམ་ཐབས་ལྟ་བུ་མདུན་ནས་རྒྱབ་ཏུ་དཀྲིས་པ། གསུམ་པ་དབུ་སྐྲ་ཐོར་ཚུག་གྱེན་ཏུ་བཅིངས་པ་ལ་རིན་པོ་ཆེའི་ཏོག་གིས་མཚན་པར་རིན་པོ་ཆེའི་པྲོག་ཞུ་གྱོན་པ། རྣ་གོང་ཨུཏྤལ་མེ་ཏོག་པཉྩ་རིས། རྒྱས་པ་ལས་དར་དཔྱང་འཕྱང་བ། བཞི་པ་རིན་པོ་ཆེའི་རྣ་གོར་ལ་རིན་པོ་ཆེ་སྣ་ཚོགས་པའི་ཕྲས་མཛེས་པ། ལྔ་པ་མགུལ་རྒྱན་རིན་པོ་ཆེའི་གཞུང་གསུམ་པ་རིན་པོ་ཆེའི་དྲ་བས་སྦྲེལ་བ་ལ་རིན་པོ་ཆེའི་འཕྱང་འཕྲུལ་ཅུང་ཟད་དང་བཅས་པ། དྲུག་པ་ཕྱག་གདུབ་གཞུང་གསུམ་པ་རིན་པོ་ཆེའི་ཕྲེང་བས་སྦྲེལ་བ་ཆེ་བ་གཉིས་ཀྱིས་དཔུང་པ་དང་། ཆུང་བ་གཉིས་ཀྱིས་མཁྲིག་མར་བརྒྱན་པ། བདུན་པ་ཞབས་གདུབ་དེ་དང་འདྲ་བ་ལ་རིན་པོ་ཆེའི་ཟ་ར་ཚག་མང་དུ་འཕྱང་བ། བརྒྱད་པ་སྐ་རགས་རིན་པོ་ཆེའི་གཞུང་ལྔ་གྱེན་དུ་བྱས་པ་བར་མཚམས་རིན་པོ་ཆེའི་དྲ་བས་སྦྲེལ་ཞིང་སྨད་དུ་རིན་པོ་ཆེའི་ཟ་ར་ཚག་མང་དུ་འཕྱང་བ། དགུ་པ་རིན་པོ་ཆེའི་དོ་ཤལ་རིན་པོ་ཆེའི་ཕྲེང་བ་ལྟེ་བ་ཡན་ཆད་འཁོར་བ། བཅུ་པ་རིན་པོ་ཆེའི་ཕྲེང་བ་དེ་ལྟ་བུ་ནུ་མའི་བར་དུ་འཁོར་བའོ། ། ༈ གཙོ་བོ་ཀུན་རིག་རྣམ་སྣང་ཞལ་བཞི། ཕྱག་གཡོན་འོག་མ་དང་གཡས་སྟེང་དུ་བྱས་ཤིང་མཐེ་བོང་ལྟོ་སྦྱར་བའི་མཉམ་གཞག་ཅན། ཞབས་རྡོར་སྐྱིལ། ༡༽ སྦྱོང་པའི་རྒྱལ་པོ་ཞལ་གཅིག་ཕྱག་གཉིས་ཕྱག་རྒྱ་སོགས་གཙོ་བོ་དང་འདྲ། ༢༽ རྒྱལ་མཆོག་རིན་ཆེན་ཕྱག་རིན་འབྱུང་དང་འདྲ། ༣༽ ཤཱཀྱ་རིགས་དབང་ཆོས་འཆད། ༤༽ མེ་ཏོག་ཆེར་རྒྱས་གཡོན་མཉམ་གཞག །གཡས་ཐལ་མོ་བརྐྱང་བ་སྙིང་ག་ནས་ཁ་ཕྱིར་བསྟན་པ། ༥༽ ཡུམ་བཞི་ལས། སྤྱན་མ་ཕྱག་གཡས་ཐལ་མོ་སྙིང་གའི་ཐད་དུ་གན་རྐྱལ་དུ་མཐེ་མཛུབ་སྦྱར་བ་སྤྱན་གྱིས་མཚན་པའི་འཁོར་ལོ་འཛིན་པ། ༦༽ མ་མཱ་ཀཱི་གཡས་མཐེ་བོང་ལག་མཐིལ་དུ་བཞག་པའི་སྟེང་དུ་སོར་མོ་རྣམས་བཀུག་པས་མནན་ནས་ཐུགས་ཀར་བཞག་པས་རྡོ་རྗེ་འཛིན་པ། ༧༽ གོས་དཀར་གཡས་ཐལ་མོ་བརྐྱངས་ཏེ་ཐེབ་མཛུབ་སྦྱར་བ་སྙིང་གའི་ཐད་དུ་ཁ་ཕྱིར་བསྟན་པས་པདྨ་འཛིན་པ། ༨༽ སྒྲོལ་མ་གཡས་ཐལ་མོ་བརྐྱངས་ཏེ་ཐེབ་སྲིན་སྦྱར་བ་སྙིང་གའི་ཐད་དུ་ཁ་ཕྱིར་བསྟན་པས་ཨུཏྤལ་འཛིན་པ། ཡུམ་བཞི་ཀ་ཕྱག་གཡོན་པའི་མཐིལ་གདན་ཏུ་བརྟེན་ཅིང་། སོར་མོ་རྣམས་ཅུང་ཟད་བྱེ་བ། ནུ་འབུར་གྱིས་མཛེས་ཤིང་སྒེག་ཅིང་ཆགས་པའི་ཉམས་ཅན། ༩༽ རྡོར་སེམས་གཡས་མཐེ་བོང་ལག་མཐིལ་དུ་བཞག་པའི་སྟེང་དུ་སོར་མོ་རྣམས་བཀུག་པས་མནན་ཏེ་ཁ་གྱེན་ཏུ་བསྟན་པས་ཐུགས་ཀར་རྡོ་རྗེ་འཛིན་པ། ཕྱག་གཡོན་པ་མཐེ་བོང་ལག་མཐིལ་དུ་བཞག་པའི་སྟེང་དུ་སོར་མོ་རྣམས་བསྡམས་པས་དཀུ་གཡོན་པར་དྲིལ་བུ་འཛིན་པ། ༡༠༽ རྡོ་རྗེ་རྒྱལ་པོ་ལག་གཡས་རྡོ་རྗེ་ཁུ་ཚུར་ཁ་ནང་བསྟན་ནུ་མ་གཡས་པའི་སྟེང་ཐད་དུ་ལྕགས་ཀྱུ་འཛིན་པ། གཡོན་རྡོ་རྗེ་ཁུ་ཚུར་ཁ་ནང་བསྟན་སྙིང་གའི་ཐད་དུ་འཕྱར་བ། ༡༡༽ རྡོ་རྗེ་ཆགས་པ་གཡོན་ཁུ་ཚུར་ནུ་མ་གཡོན་པའི་ཐད་འཕྲེད་ལ་ཁ་ཅུང་ཟད་ཕྱིར་བསྟན་གྱིས་གཞུ་འཛིན་པ། གཡས་རྡོ་རྗེ་ཁུ་ཚུར་སྙིང་གའི་ཐད་ཁ་མཐུར་བསྟན་གྱིས་མདའ་འཛིན་ཅིང་གཞུ་བཀང་བ། ༡༢༽ རྡོ་རྗེ་ལེགས་པ་ཕྱག་གཉིས་རྡོ་རྗེ་ཁུ་ཚུར་སྙིང་གའི་ཐད་དུ་ཁ་གྱེན་དུ་བསྟན་ཅིང་མཛུབ་མོ་ཕྱིར་སྦྲེང་བ། ༡༣༽ རྡོ་རྗེ་རིན་ཆེན་གཡས་རྡོ་རྗེ་ཁུ་ཚུར་དཔྲལ་བའི་མཚམས་སུ་ཁ་ནང་དུ་བསྟན་པ་ཕྲེད་ལ་བཞག་པས་རིན་པོ་ཆེ་འབར་བ་འཛིན་ཅིང་། གཡོན་རྡོར་སེམས་འདྲ་བ་དྲིལ་བུ་དཀུར་བརྟེན་པ། ༡༤༽ རྡོ་རྗེ་གཟི་བརྗིད་ཕྱག་གཡས་རྡོ་རྗེ་ཁུ་ཚུར་ཁ་གྱེན་ཏུ་བསྟན་པས་སྙིང་གར་ཉི་མ་འཛིན་ཅིང་། གཡོན་གདན་ལ་བརྟེན་པ། ༡༥༽ རྡོ་རྗེ་རྒྱལ་མཚན་ལག་གཡས་རྡོ་རྗེ་ཁུ་ཚུར་ནང་བསྟན་གྱིས་ནུ་མ་གཡོན་པའི་ཐད་དུ་རྒྱལ་མཚན་འཛིན་པ། གཡོན་གདན་བརྟེན། ༡༦༽ རྡོ་རྗེ་བཞད་པ་ཕྱག་གཡས་རྡོ་རྗེ་ཁུ་ཚུར་ཞལ་གྱི་ཐད་ནས་སོ་ཡི་ཕྲེང་བ་འཛིན་པ། གཡོན་གདན་བརྟེན། ༡༧༽ རྡོ་རྗེ་ཆོས་ཕྱག་གཡོན་རྡོ་རྗེ་ཁུ་ཚུར་ཁ་གྱེན་བསྟན་གྱིས་དཀུ་གཡོན་པར་པདྨའི་རྩ་བ་འཛིན་ཅིང་། དེའི་མེ་ཏོག་ཐུགས་ཀར་ཁ་བྱེ་ལ་ཁད་པ་གཡས་པས་ཁུ་ཚུར་མཐེབ་མཛུབ་སྦྱར་བ་ཁ་ནང་བསྟན་གྱིས་མེ་ཏོག་ཁ་ཕྱེ་བའི་ཉམས་ཅན། ༡༨༽ རྡོ་རྗེ་རྣོན་པོ་ཕྱག་གཡས་རྡོ་རྗེ་ཁུ་ཚུར་དཔུང་པ་གཡས་པའི་ཐད་ནས་ཁ་ཕྱིར་བསྟན་པས་རལ་གྲི་མེ་འབར་བ་འཕྱར་བ། གཡོན་རྡོ་རྗེ་ཁུ་ཚུར་ཁ་གྱེན་དུ་བསྟན་པས་ཐུགས་ཀར་པུ་སྟི་འཛིན་པ། ༡༩༽ རྡོ་རྗེ་རྒྱུ་གཡས་རྡོ་རྗེ་ཁུ་ཚུར་ལྟེ་བའི་ཐད་དུ་ཁ་གྱེན་བསྟན་གུང་མོ་སྒྲེང་བའི་རྩེར་ཆོས་ཀྱི་འཁོར་ལོ་ལེབ་མོས་མཚན་པ། གཡོན་གདན་བརྟེན། ༢༠༽ རྡོ་རྗེ་སྨྲ་བ་གཡས་རྡོ་རྗེ་ཁུ་ཚུར་ཁ་གྱེན་བསྟན་སྙིང་གའི་ཐད་དུ་ལྗགས་རྡོ་རྗེའི་རི་མོས་མཚན་པ་འཛིན་པ། གཡོན་གདན་བརྟེན། ༢༡༽ རྡོ་རྗེ་ལས་གཡས་རྡོ་རྗེ་ཁུ་ཚུར་ཐུགས་ཀར་ཁ་གྱེན་ཏུ་བསྟན་པས་སྣ་ཚོགས་རྡོ་རྗེ་འཛིན་པ། གཡོན་སྣ་ཚོགས་རྡོ་རྗེས་ཡུ་བ་བྱས་པའི་དྲིལ་བུ་འཛིན་ལུགས་རྡོར་སེམས་དང་འདྲ་བ། ༢༢༽ རྡོ་རྗེ་གོ་ཆ་ཕྱག་གཉིས་རྡོ་རྗེ་ཁུ་ཚུར་གྱེན་བསླང་ཁ་ཕྱིར་བསྟན་རང་རང་གི་དཔུང་པའི་ཐད་ཀར་བཞག་པས་རྡོ་རྗེའི་གོ་ཆ་འཛིན་པ། ༢༣༽ རྡོ་རྗེ་གནོད་སྦྱིན་རྡོ་རྗེ་ཁུ་ཚུར་འཕྲིད་ལ་ནང་དུ་བསྟན་པས་ཞལ་འགྲམ་གཡས་གཡོན་གྱི་ཐད་དུ་གླང་པོ་ཆེའི་མཆེ་བ་འཛིན་པ། ༢༤༽ རྡོ་རྗེ་ཁུ་ཚུར་ཕྱག་གཡོན་རྡོ་རྗེ་ཁུ་ཚུར་བརླ་གཡོན་པའི་སྟེང་དུ་གྱེན་བསྟན་གྱིས་རྡོ་རྗེ་རྩེ་ལྔ་འཛིན་པ། དེ་ཡི་སྟེང་དུ་ཕྱག་གཡས་རྡོ་རྗེ་ཁུ་ཚུར་ཁ་སྦུབ་པས་རྡོ་རྗེ་རྩེ་ལྔ་འཛིན་པའི་ཕྱག་གཉིས་ཁ་སྦྱོར་གྱི་རྣམ་པ་ཅན། ༢༥༽ རྡོ་རྗེ་སྒེག་མོ་ལག་གཉིས་རྡོ་རྗེ་ཁུ་ཚུར་ཁ་གྱེན་བསྟན་གྱིས་དཔྱི་ཟུར་གཉིས་སུ་རྡོ་རྗེ་རེ་རེ་འཛིན་པ། ༢༦༽ རྡོ་རྗེ་ཕྲེང་བ་མ་ལག་གཉིས་རྡོ་རྗེ་ཁུ་ཚུར་གྱེན་བསླང་ཁ་ཕྱིར་བསྟན་གྱིས་དཔུང་པ་སོ་སོའི་སྟེང་ཐད་དུ་བསྒྲེང་བས་ཕྲེང་བ་འདྲེན་པ། ༢༧༽ པི་ཝཾ་མ་ལག་གཡོན་རྡོ་རྗེ་ཁུ་ཚུར་ཁ་གྱེན་བསྟན་གྱིས་མཁྲིག་མ་སྙིང་གའི་ཕྱོགས་སུ་ཅུང་ཟད་གུག་པས་དཔུང་གཡོན་ཐད་དུ་པི་ཝཾ་འཛིན་ཅིང་། གཡས་རྡོ་རྗེ་ཁུ་ཚུར་ཁ་གྱེན་བསྟན་ནུ་མ་གཡས་པའི་ཐད་དུ་པི་ཝཾ་སྒྲོགས་པའི་ཚུལ། ༢༨༽ གར་མ་ཕྱག་གཡས་པ་ཐལ་མོ་བརྐྱང་སྟེ་རྣ་བ་གཡས་པའི་ཐད་དུ་ཁ་ཕྱིར་བསྟན་གྱི་བསླང་བའི་ལག་ངར་ཐད་དུ་གཡོན་པའི་ཐལ་མོ་གྱེན་བསླང་ཁ་གཡས་པའི་ལག་ངར་ལ་བསྟན་པ། ཕྱག་གཉིས་ཀྱིས་རྡོ་རྗེ་རྩེ་གསུམ་པ་རེ་རེ་འཛིན་པའོ། ༢༩༽ བདུག་སྤོས་མ་ལག་གཉིས་རྡོ་རྗེ་ཁུ་ཚུར་སྙིང་གའི་ཐད་དུ་ཁ་སྦུབ་པས་སྤོས་ཕོར་འཛིན་པ། ༣༠༽ མེ་ཏོག་མ་ཕྱག་གཡོན་པ་རྡོ་རྗེ་ཁུ་ཚུར་གྱིས་སྙིང་གའི་ཐད་དུ་མེ་ཏོག་གི་སྣོད་བཟུང་བ། གཡས་པ་རྡོ་རྗེ་ཁུ་ཚུར་ཁ་གྱེན་བསྟན་གྱིས་དེ་ཡི་སྟེང་ནས་མེ་ཏོག་འཐོར་བའི་ཚུལ། ༣༡༽ མར་མེ་མ་ལག་གཉིས་རྡོ་རྗེ་ཁུ་ཚུར་ལས་མཐེ་བོང་གཉིས་གཤིབས་ཏེ་སྒྲེང་བས་ཐུགས་ཀར་མར་མེ་འཛིན་པ། ༣༨༽ དྲི་ཆབ་མ་ལག་གཡོན་རྡོ་རྗེ་ཁུ་ཚུར་ཁ་གྱེན་བསྟན་གྱིས་སྙིང་གའི་ཐད་དུ་དུང་ཆོས་དྲིས་གང་བ་འཛིན་ཅིང་། གཡས་རྡོ་རྗེ་ཁུ་ཚུར་ཁ་ཕྱིར་བསྟན་གྱིས་དེ་ཡི་སྟེང་ནས་དྲིས་བྱུག་པའི་ཚུལ་ཅན། ༣༣༽ རྡོ་རྗེ་ལྕགས་ཀྱུ་ཕྱག་གཡས་རྡོ་རྗེ་ཁུ་ཚུར་ཁ་ནང་བསྟན་གྱིས་ནུ་མ་གཡས་པའི་ཐད་དུ་ལྕགས་ཀྱུ་འཛིན་པ། གཡོན་རྡོ་རྗེ་ཁུ་ཚུར་ཁ་ནང་བསྟན་སྙིང་གའི་ཐད་དུ་ཕྱར་བ། ༣༤༽ རྡོ་རྗེ་ཞགས་པ་ཕྱག་གཉིས་རྡོ་རྗེ་ཁུ་ཚུར་པུས་མོ་གཉིས་ཀྱི་སྟེང་དུ་ཁ་སྦུབ་པས་ཞགས་པ་འཛིན་པ། ༣༥༽ རྡོ་རྗེ་ལྕགས་སྒྲོག་ཕྱག་གཉིས་རྡོ་རྗེ་ཁུ་ཚུར་པུས་མོ་གཉིས་ཀྱི་སྟེང་དུ་ཁ་གྱེན་དུ་བསྟན་པས་ལྕགས་སྒྲོག་འཛིན་པ། ༣༦༽ རྡོ་རྗེ་དྲིལ་བུ་ལག་གཡས་རྡོར་དྲིལ་བསྣོལ་མ་རྡོ་རྗེ་ཁུ་ཚུར་གྱིས་སྤྱི་བོར་དཀྲོལ་བ། གཡོན་གདན་ལ་བརྟེན་པའོ། ༣༧༽ དེ་རྣམས་ཀྱི་བཞུགས་སྟངས་རིགས་ལྔ་རྡོར་སྐྱིལ། སེམས་དཔའ་བཅུ་དྲུག་དང་སྒོ་བ་བཞི་རྣམས་སེམས་དཔའི་སྐྱིལ་ཀྲུང་བརླ་གཡོན་པའི་སྟེང་རྐང་པ་གཡས་པ་བཞག་ནས་གཡོན་པ་བརླ་གཡས་པའི་འོག་ཏུ་བཞག་པ། ཡུམ་བཞི་དང་སྒེག་སོགས་བརྒྱད་ནི་སེམས་མའི་སྐྱིལ་ཀྲུང་བརླ་གཡས་པའི་སྟེང་རྐང་པ་གཡོན་བཞག་ནས་གཡས་བརླ་གཡོན་པའི་འོག་ཏུ་བཞག་པ། སྐུ་ཡི་ཉམས་རིགས་ལྔ་སྐུ་ཤ་རྒྱས་ཤིང་། སྤྱན་གདངས་པ། ཞི་ཞིང་འཛུམ་པ། སེམས་དཔའ་བཅུ་དྲུག་ལས་རྡོ་རྗེ་གནོད་སྦྱིན་མ་གཏོགས་ཞི་འཛུམ་སྒེག་པའི་ཉམས་ལྡན། སྤྱན་ཟིམ་བུར་གཟིགས་པ་སྒོ་བ་བཞི་ཡང་དེ་དང་འདྲ། རྡོ་རྗེ་གནོད་སྦྱིན་ཞལ་རྒྱས་ཤིང་སྤྱན་ཟླུམ་པ། མཆེ་བ་བཞི་གཙིགས་ཤིང་ལྗགས་འདྲིལ་བ། ཁྲོ་གཉེར་ཅུང་ཟད་དང་བཅས་པའི་ཁྲོ་ཚུལ་ཅན། ཡུམ་བཞི་དང་། སྒེག་སོགས་བརྒྱད་ཞི་ཞིང་འཛུམ་ལ་སྒེག་ཅིང་ཆགས་པའི་ཉམས་དང་ལྡན་པའོ།། །། ༈

[edit]

kun rig rtsa lha so bdun gyi zhal thang / @#/_/oM swa sti/__kun rig rtsa lha so bdun gyi gtso 'khor thams cad la dar gyi rgyan gnyis dang /__rin po che'i rgyan brgyad yod pa las/__dang po dar gyi stod g.yogs chos gos mtha' skor med pa lta bu zhig gis sku stod khebs shing /__sne mo dpung pa'i thad kar lhab lhub tu g.yo ba/__gnyis pa smad g.yogs dar gyi sham thabs lta bu mdun nas rgyab tu dkris pa/__gsum pa dbu skra thor tshug gyen tu bcings pa la rin po che'i tog gis mtshan par rin po che'i prog zhu gyon pa/__rna gong ut+pal me tog pany+tsa ris/__rgyas pa las dar dpyang 'phyang ba/__bzhi pa rin po che'i rna gor la rin po che sna tshogs pa'i phras mdzes pa/__lnga pa mgul rgyan rin po che'i gzhung gsum pa rin po che'i dra bas sbrel ba la rin po che'i 'phyang 'phrul cung zad dang bcas pa/__drug pa phyag gdub gzhung gsum pa rin po che'i phreng bas sbrel ba che ba gnyis kyis dpung pa dang /__chung ba gnyis kyis mkhrig mar brgyan pa/__bdun pa zhabs gdub de dang 'dra ba la rin po che'i za ra tshag mang du 'phyang ba/__brgyad pa ska rags rin po che'i gzhung lnga gyen du byas pa bar mtshams rin po che'i dra bas sbrel zhing smad du rin po che'i za ra tshag mang du 'phyang ba/__dgu pa rin po che'i do shal rin po che'i phreng ba lte ba yan chad 'khor ba/__bcu pa rin po che'i phreng ba de lta bu nu ma'i bar du 'khor ba'o/____/_!_gtso bo kun rig rnam snang zhal bzhi/__phyag g.yon 'og ma dang g.yas steng du byas shing mthe bong lto sbyar ba'i mnyam gzhag can/__zhabs rdor skyil/__1)__sbyong pa'i rgyal po zhal gcig phyag gnyis phyag rgya sogs gtso bo dang 'dra/__2)__rgyal mchog rin chen phyag rin 'byung dang 'dra/__3)__shAkya rigs dbang chos 'chad/__4)__me tog cher rgyas g.yon mnyam gzhag__/g.yas thal mo brkyang ba snying ga nas kha phyir bstan pa/__5)__yum bzhi las/__spyan ma phyag g.yas thal mo snying ga'i thad du gan rkyal du mthe mdzub sbyar ba spyan gyis mtshan pa'i 'khor lo 'dzin pa/__6)__ma mA kI g.yas mthe bong lag mthil du bzhag pa'i steng du sor mo rnams bkug pas mnan nas thugs kar bzhag pas rdo rje 'dzin pa/__7)__gos dkar g.yas thal mo brkyangs te theb mdzub sbyar ba snying ga'i thad du kha phyir bstan pas pad+ma 'dzin pa/__8)__sgrol ma g.yas thal mo brkyangs te theb srin sbyar ba snying ga'i thad du kha phyir bstan pas ut+pal 'dzin pa/__yum bzhi ka phyag g.yon pa'i mthil gdan tu brten cing /__sor mo rnams cung zad bye ba/__nu 'bur gyis mdzes shing sgeg cing chags pa'i nyams can/__9)__rdor sems g.yas mthe bong lag mthil du bzhag pa'i steng du sor mo rnams bkug pas mnan te kha gyen tu bstan pas thugs kar rdo rje 'dzin pa/__phyag g.yon pa mthe bong lag mthil du bzhag pa'i steng du sor mo rnams bsdams pas dku g.yon par dril bu 'dzin pa/__10)__rdo rje rgyal po lag g.yas rdo rje khu tshur kha nang bstan nu ma g.yas pa'i steng thad du lcags kyu 'dzin pa/__g.yon rdo rje khu tshur kha nang bstan snying ga'i thad du 'phyar ba/__11)__rdo rje chags pa g.yon khu tshur nu ma g.yon pa'i thad 'phred la kha cung zad phyir bstan gyis gzhu 'dzin pa/__g.yas rdo rje khu tshur snying ga'i thad kha mthur bstan gyis mda' 'dzin cing gzhu bkang ba/__12)__rdo rje legs pa phyag gnyis rdo rje khu tshur snying ga'i thad du kha gyen du bstan cing mdzub mo phyir sbreng ba/__13)__rdo rje rin chen g.yas rdo rje khu tshur dpral ba'i mtshams su kha nang du bstan pa phred la bzhag pas rin po che 'bar ba 'dzin cing /__g.yon rdor sems 'dra ba dril bu dkur brten pa/__14)__rdo rje gzi brjid phyag g.yas rdo rje khu tshur kha gyen tu bstan pas snying gar nyi ma 'dzin cing /__g.yon gdan la brten pa/__15)__rdo rje rgyal mtshan lag g.yas rdo rje khu tshur nang bstan gyis nu ma g.yon pa'i thad du rgyal mtshan 'dzin pa/__g.yon gdan brten/__16)__rdo rje bzhad pa phyag g.yas rdo rje khu tshur zhal gyi thad nas so yi phreng ba 'dzin pa/__g.yon gdan brten/__17)__rdo rje chos phyag g.yon rdo rje khu tshur kha gyen bstan gyis dku g.yon par pad+ma'i rtsa ba 'dzin cing /__de'i me tog thugs kar kha bye la khad pa g.yas pas khu tshur mtheb mdzub sbyar ba kha nang bstan gyis me tog kha phye ba'i nyams can/__18)__rdo rje rnon po phyag g.yas rdo rje khu tshur dpung pa g.yas pa'i thad nas kha phyir bstan pas ral gri me 'bar ba 'phyar ba/__g.yon rdo rje khu tshur kha gyen du bstan pas thugs kar pu sti 'dzin pa/__19)__rdo rje rgyu g.yas rdo rje khu tshur lte ba'i thad du kha gyen bstan gung mo sgreng ba'i rtser chos kyi 'khor lo leb mos mtshan pa/__g.yon gdan brten/__20)__rdo rje smra ba g.yas rdo rje khu tshur kha gyen bstan snying ga'i thad du ljags rdo rje'i ri mos mtshan pa 'dzin pa/__g.yon gdan brten/__21)__rdo rje las g.yas rdo rje khu tshur thugs kar kha gyen tu bstan pas sna tshogs rdo rje 'dzin pa/__g.yon sna tshogs rdo rjes yu ba byas pa'i dril bu 'dzin lugs rdor sems dang 'dra ba/__22)__rdo rje go cha phyag gnyis rdo rje khu tshur gyen bslang kha phyir bstan rang rang gi dpung pa'i thad kar bzhag pas rdo rje'i go cha 'dzin pa/__23)__rdo rje gnod sbyin rdo rje khu tshur 'phrid la nang du bstan pas zhal 'gram g.yas g.yon gyi thad du glang po che'i mche ba 'dzin pa/__24)__rdo rje khu tshur phyag g.yon rdo rje khu tshur brla g.yon pa'i steng du gyen bstan gyis rdo rje rtse lnga 'dzin pa/__de yi steng du phyag g.yas rdo rje khu tshur kha sbub pas rdo rje rtse lnga 'dzin pa'i phyag gnyis kha sbyor gyi rnam pa can/__25)__rdo rje sgeg mo lag gnyis rdo rje khu tshur kha gyen bstan gyis dpyi zur gnyis su rdo rje re re 'dzin pa/__26)__rdo rje phreng ba ma lag gnyis rdo rje khu tshur gyen bslang kha phyir bstan gyis dpung pa so so'i steng thad du bsgreng bas phreng ba 'dren pa/__27)__pi waM ma lag g.yon rdo rje khu tshur kha gyen bstan gyis mkhrig ma snying ga'i phyogs su cung zad gug pas dpung g.yon thad du pi waM 'dzin cing /__g.yas rdo rje khu tshur kha gyen bstan nu ma g.yas pa'i thad du pi waM sgrogs pa'i tshul/__28)__gar ma phyag g.yas pa thal mo brkyang ste rna ba g.yas pa'i thad du kha phyir bstan gyi bslang ba'i lag ngar thad du g.yon pa'i thal mo gyen bslang kha g.yas pa'i lag ngar la bstan pa/__phyag gnyis kyis rdo rje rtse gsum pa re re 'dzin pa'o/__29)__bdug spos ma lag gnyis rdo rje khu tshur snying ga'i thad du kha sbub pas spos phor 'dzin pa/__30)__me tog ma phyag g.yon pa rdo rje khu tshur gyis snying ga'i thad du me tog gi snod bzung ba/__g.yas pa rdo rje khu tshur kha gyen bstan gyis de yi steng nas me tog 'thor ba'i tshul/__31)__mar me ma lag gnyis rdo rje khu tshur las mthe bong gnyis gshibs te sgreng bas thugs kar mar me 'dzin pa/__38)__dri chab ma lag g.yon rdo rje khu tshur kha gyen bstan gyis snying ga'i thad du dung chos dris gang ba 'dzin cing /__g.yas rdo rje khu tshur kha phyir bstan gyis de yi steng nas dris byug pa'i tshul can/__33)__rdo rje lcags kyu phyag g.yas rdo rje khu tshur kha nang bstan gyis nu ma g.yas pa'i thad du lcags kyu 'dzin pa/__g.yon rdo rje khu tshur kha nang bstan snying ga'i thad du phyar ba/__34)__rdo rje zhags pa phyag gnyis rdo rje khu tshur pus mo gnyis kyi steng du kha sbub pas zhags pa 'dzin pa/__35)__rdo rje lcags sgrog phyag gnyis rdo rje khu tshur pus mo gnyis kyi steng du kha gyen du bstan pas lcags sgrog 'dzin pa/__36)__rdo rje dril bu lag g.yas rdor dril bsnol ma rdo rje khu tshur gyis spyi bor dkrol ba/__g.yon gdan la brten pa'o/__37)__de rnams kyi bzhugs stangs rigs lnga rdor skyil/__sems dpa' bcu drug dang sgo ba bzhi rnams sems dpa'i skyil krung brla g.yon pa'i steng rkang pa g.yas pa bzhag nas g.yon pa brla g.yas pa'i 'og tu bzhag pa/__yum bzhi dang sgeg sogs brgyad ni sems ma'i skyil krung brla g.yas pa'i steng rkang pa g.yon bzhag nas g.yas brla g.yon pa'i 'og tu bzhag pa/__sku yi nyams rigs lnga sku sha rgyas shing /__spyan gdangs pa/__zhi zhing 'dzum pa/__sems dpa' bcu drug las rdo rje gnod sbyin ma gtogs zhi 'dzum sgeg pa'i nyams ldan/__spyan zim bur gzigs pa sgo ba bzhi yang de dang 'dra/__rdo rje gnod sbyin zhal rgyas shing spyan zlum pa/__mche ba bzhi gtsigs shing ljags 'dril ba/__khro gnyer cung zad dang bcas pa'i khro tshul can/__yum bzhi dang /__sgeg sogs brgyad zhi zhing 'dzum la sgeg cing chags pa'i nyams dang ldan pa'o//____//__!_