JKW-KABUM-14-PHA-023-007

🚧 This website is under continued development. We appreciate your patience!

Previous Text Back to Volume PageLast text in section.

Wylie title
Location	mkhyen brtse'i bka' 'bum Volume 14, sde tshan 23, Text 7, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	མཆོག་གྱུར་གླིང་པ་ (mchog gyur gling pa)
Citation	'jam dbyangs mkhyen brtse'i dbang po. yak+sha dzam+b+ha la ljang gu'i gtor 'bul 'dod rgu'i snying po. In 'jam dbyangs mkhyen brtse'i dbang po'i bka' 'bum, Vol. 14: 319-323. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

7 387-390	རྫོགས་པ་ཆེན་པོ་མན་ངག་སྡེ་སྙིང་ཏིག་ཆེན་མོའི་བརྒྱུད་པའི་གསོལ་འདེབས། rdzogs pa chen po man ngag sde snying tig chen mo'i brgyud pa'i gsol 'debs Lineage Supplications - brgyud 'debs	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

རྫོགས་པ་ཆེན་པོ་མན་ངག་སྡེ་སྙིང་ཏིག་ཆེན་མོའི་བརྒྱུད་པའི་གསོལ་འདེབས། ༄༅། །རྫོགས་པ་ཆེན་པོ་མན་ངག་སྡེ་སྙིང་ཏིག་ཆེན་མོའི་བརྒྱུད་པའི་གསོལ་འདེབས་ནི། ཨོཾ་ཨཱཿཧཱུྃ། གདོད་མའི་མགོན་པོ་ཀུན་བཟང་ཡབ་ཡུམ་དང་། །ལྷུན་གྲུབ་རྒྱལ་བ་ཞི་ཁྲོ་རབ་འབྱམས་དང་། །བདེ་ཆེན་རྒྱལ་བ་རྡོ་རྗེ་འཆང་ཆེན་ལ། །གསོལ་བ་འདེབས་སོ་ཐུགས་རྗེའི་སྤྱན་གྱིས་གཟིགས། །ཀ་དག་ལྷུན་གྲུབ་ཟབ་མོའི་གནས་ལུགས་མཆོག །ད་ལྟ་ཉིད་དུ་རྟོགས་པར་བྱིན་གྱིས་རློབས། །ཡེ་ཤེས་སྒྱུ་མ་རྡོ་རྗེ་སེམས་དཔའ་དང་། །དཀྱིལ་འཁོར་མངའ་བདག་ཕྱག་ན་རྡོ་རྗེ་དང་། །རྒྱལ་བའི་རྣམ་འཕྲུལ་དགའ་རབ་རྡོ་རྗེ་ལ། །གསོལ་བ་འདེབས་སོ༴ ཀ་དག་ལྷུན་གྲུབ༴ ད་ལྟ་ཉིད་དུ༴ མཁྱེན་རབ་སྤྲུལ་པ་འཇམ་དཔལ་བཤེས་གཉེན་དང་། །བློ་མཆོག་མངའ་བ་ཤྲཱི་སིཾ་ཧ་དང་། །དངོས་གྲུབ་མཆོག་བརྙེས་ཛྙཱ་ན་སཱུ་ཏྲ་ལ། །གསོལ་བ༴ ཀ་དག་༴ ད་ལྟ༴ མཁས་གྲུབ་ཆེན་པོ་བི་མ་མུ་དྲ་དང་། །རང་བྱུང་ཆེན་པོ་པདྨ་འབྱུང་གནས་དང་། །ཚོགས་ཆེན་གཉིས་རྫོགས་ཆོས་རྒྱལ་ཆེན་པོ་ལ། །གསོལ་བ༴ ཀ་དག༴ ད་ལྟ༴ སེམས་ཉིད་དབང་ཐོབ་ཏིང་འཛིན་བཟང་པོ་དང་། །ཐར་གླིང་སྣང་བྱེད་ལྡང་མ་ལྷུན་རྒྱལ་དང་། །འོད་གསལ་ལུས་གྲུབ་སེང་གེ་དབང་ཕྱུག་ལ། །གསོལ་བ༴ ཀ་དག༴ ད་ལྟ༴ ཆོས་ཉིད་མི་གཡོ་རྒྱལ་བ་ཞང་སྟོན་དང་། །གསུང་རབ་མཛོད་བརྙེས་མཁས་པ་ཉི་འབུམ་དང་། །དམ་ཆོས་རྒྱས་མཛད་གུ་རུ་ཇོ་འབེར་ལ། །གསོལ་བ༴ ཀ་དག༴ ད་ལྟ༴ གཟུང་འཛིན་འཁྲུལ་ཞིག་སེང་གེ་རྒྱབ་པ་དང་། །དངོས་གྲུབ་མཆོག་བརྙེས་གྲུབ་ཆེན་མེ་ལོང་དང་། །རིག་འཛིན་ཆེན་པོ་ཀུ་མཱ་རཱ་ཛ་ལ། །གསོལ་བ༴ ཀ་དག༴ ད་ལྟ༴ འོད་གསལ་སྒྱུ་མ་ཀློང་ཆེན་རབ་འབྱམས་དང་། །མཁས་གྲུབ་ཆེན་པོ་ཁྱབ་བརྡལ་ལྷུན་གྲུབ་དང་། །སྤྲུལ་པའི་སྐུ་མཆོག་གྲགས་པ་འོད་ཟེར་ལ། །གསོལ་བ༴ ཀ་དག༴ ད་ལྟ༴ འཁྲུལ་ཞིག་ཆེན་པོ་སངས་རྒྱས་དབོན་པོ་དང་། །རྒྱལ་བའི་གདུང་འཚོབ་ཟླ་བ་གྲགས་པ་དང་། །གྲུབ་པའི་དབང་ཕྱུག་ཀུན་བཟང་རྡོ་རྗེ་ལ། །གསོལ་བ༴ ཀ་དག༴ ད་ལྟ༴ སྙིང་པོའི་མངའ་བདག་རྒྱལ་མཚན་དཔལ་བཟང་དང་། །རྒྱལ་བས་ལུང་བསྟན་སྣ་ཚོགས་རང་གྲོལ་དང་། །འཁོར་འདས་རྒྱ་གྲོལ་བསྟན་འཛིན་གྲགས་པ་ལ། །གསོལ་བ༴ ཀ་དག༴ ད་ལྟ༴ ཤེས་བྱ་ཀུན་གཟིགས་མདོ་སྔགས་བསྟན་འཛིན་དང་། །གསང་བདག་དཔའ་བོ་ཕྲིན་ལས་ལྷུན་གྲུབ་དང་། །བརྒྱུད་སྲོལ་ཀུན་འདུས་གཏེར་ཆེན་བླ་མ་ལ། །གསོལ་བ༴ ཀ་དག༴ ད་ལྟ༴ བི་མའི་རྣམ་འཕྲུལ་རིན་ཆེན་རྣམ་རྒྱལ་དང་། །མཚོ་རྒྱལ་དངོས་སྣང་མི་འགྱུར་དཔལ་སྒྲོན་དང་། །ཐམས་ཅད་མཁྱེན་པ་ཨཽ་ཌཱི་ཡཱ་ན་ལ། །གསོལ་བ༴ ཀ་དག༴ ད་ལྟ༴ རིག་འཛིན་འགྱུར་མེད་ཕྲིན་ལས་རྣམ་རྒྱལ་དང་། །གདོད་མའི་མགོན་པོ་ཕྲིན་ལས་ཆོས་སྒྲོན་དང་། །རྡོ་རྗེ་འཆང་དངོས་རྩ་བའི་བླ་མ་ལ། །གསོལ་བ༴ ཀ་དག༴ ད་ལྟ༴ རེ་དོགས་བློ་ཟད་འཁོར་འདས་ཆོས་སྐུར་གྲོལ། །ལྷུན་གྲུབ་འོད་གསལ་ཟང་ཐལ་རིག་པར་ཤར། །སྐུ་གསུམ་རྩལ་རྫོགས་འཕོ་འགྱུར་མེད་པར་རྟོགས། །བདག་གཞན་ཡོངས་གྲོལ་ཀུན་བཟང་ཐོབ་པར་ཤོག །དེ་ལྟར་སོ་ཐར་སྡོམ་རྒྱུན་གསོལ་འདེབས་ཀུན་མཁྱེན་ལྔ་པས་མཛད་པ་སྨིན་གླིང་ཆོས་སྤྱོད་དུ་བཀོད་པ་དང་། སེམས་སྡེའི་བརྒྱུད་འདེབས་གཞུང་རྙིང་པ། སྙིང་ཏིག་བརྒྱུད་འདེབས་ཀུན་མཁྱེན་ཆེན་པོའི་གསུང་ལས་མདོར་བསྡུས་པ། གཞན་རྣམས་རིག་འཛིན་གཏེར་བདག་གླིང་པས་མཛད་པ་སྟེ། ཁ་སྐོང་རྣམས་རང་ཉིད་ཀྱིས་ཐོབ་པའི་བརྒྱུད་ཚུལ་དང་མཐུན་པར་མཚོ་སྐྱེས་བླ་མ་དགྱེས་པའི་འབངས་མཁྱེན་བརྩེའི་དབང་པོས་བྲིས་ཏེ་ཕྱོགས་གཅིག་ཏུ་བསྡེབས་པའི་དགེ་བས་རང་གཞན་ཀུན་གྱི་རྒྱུད་ལ་རྩ་བརྒྱུད་བླ་མའི་བྱིན་རླབས་མྱུར་དུ་འཇུག་པའི་རྒྱུར་གྱུར་ཅིག། །།སརྦ་དཱ་ཀ་ལྱཱ་ཎཾ་བྷ་བ་ཏུ།། །།

[edit]

rdzogs pa chen po man ngag sde snying tig chen mo'i brgyud pa'i gsol 'debs/ @#/_/rdzogs pa chen po man ngag sde snying tig chen mo'i brgyud pa'i gsol 'debs ni/__oM AHhU~M/__gdod ma'i mgon po kun bzang yab yum dang /__/lhun grub rgyal ba zhi khro rab 'byams dang /__/bde chen rgyal ba rdo rje 'chang chen la/__/gsol ba 'debs so thugs rje'i spyan gyis gzigs/__/ka dag lhun grub zab mo'i gnas lugs mchog__/da lta nyid du rtogs par byin gyis rlobs/__/ye shes sgyu ma rdo rje sems dpa' dang /__/dkyil 'khor mnga' bdag phyag na rdo rje dang /__/rgyal ba'i rnam 'phrul dga' rab rdo rje la/__/gsol ba 'debs so=__ka dag lhun grub=__da lta nyid du=__mkhyen rab sprul pa 'jam dpal bshes gnyen dang /__/blo mchog mnga' ba shrI siM ha dang /__/dngos grub mchog brnyes dz+nyA na sU tra la/__/gsol ba=__ka dag =__da lta=__mkhas grub chen po bi ma mu dra dang /__/rang byung chen po pad+ma 'byung gnas dang /__/tshogs chen gnyis rdzogs chos rgyal chen po la/__/gsol ba=__ka dag=__da lta=__sems nyid dbang thob ting 'dzin bzang po dang /__/thar gling snang byed ldang ma lhun rgyal dang /__/'od gsal lus grub seng ge dbang phyug la/__/gsol ba=__ka dag=__da lta=__chos nyid mi g.yo rgyal ba zhang ston dang /__/gsung rab mdzod brnyes mkhas pa nyi 'bum dang /__/dam chos rgyas mdzad gu ru jo 'ber la/__/gsol ba=__ka dag=__da lta=__gzung 'dzin 'khrul zhig seng ge rgyab pa dang /__/dngos grub mchog brnyes grub chen me long dang /__/rig 'dzin chen po ku mA rA dza la/__/gsol ba=__ka dag=__da lta=__'od gsal sgyu ma klong chen rab 'byams dang /__/mkhas grub chen po khyab brdal lhun grub dang /__/sprul pa'i sku mchog grags pa 'od zer la/__/gsol ba=__ka dag=__da lta=__'khrul zhig chen po sangs rgyas dbon po dang /__/rgyal ba'i gdung 'tshob zla ba grags pa dang /__/grub pa'i dbang phyug kun bzang rdo rje la/__/gsol ba=__ka dag=__da lta=__snying po'i mnga' bdag rgyal mtshan dpal bzang dang /__/rgyal bas lung bstan sna tshogs rang grol dang /__/'khor 'das rgya grol bstan 'dzin grags pa la/__/gsol ba=__ka dag=__da lta=__shes bya kun gzigs mdo sngags bstan 'dzin dang /__/gsang bdag dpa' bo phrin las lhun grub dang /__/brgyud srol kun 'dus gter chen bla ma la/__/gsol ba=__ka dag=__da lta=__bi ma'i rnam 'phrul rin chen rnam rgyal dang /__/mtsho rgyal dngos snang mi 'gyur dpal sgron dang /__/thams cad mkhyen pa au DI yA na la/__/gsol ba=__ka dag=__da lta=__rig 'dzin 'gyur med phrin las rnam rgyal dang /__/gdod ma'i mgon po phrin las chos sgron dang /__/rdo rje 'chang dngos rtsa ba'i bla ma la/__/gsol ba=__ka dag=__da lta=__re dogs blo zad 'khor 'das chos skur grol/__/lhun grub 'od gsal zang thal rig par shar/__/sku gsum rtsal rdzogs 'pho 'gyur med par rtogs/__/bdag gzhan yongs grol kun bzang thob par shog__/de ltar so thar sdom rgyun gsol 'debs kun mkhyen lnga pas mdzad pa smin gling chos spyod du bkod pa dang /__sems sde'i brgyud 'debs gzhung rnying pa/__snying tig brgyud 'debs kun mkhyen chen po'i gsung las mdor bsdus pa/__gzhan rnams rig 'dzin gter bdag gling pas mdzad pa ste/__kha skong rnams rang nyid kyis thob pa'i brgyud tshul dang mthun par mtsho skyes bla ma dgyes pa'i 'bangs mkhyen brtse'i dbang pos bris te phyogs gcig tu bsdebs pa'i dge bas rang gzhan kun gyi rgyud la rtsa brgyud bla ma'i byin rlabs myur du 'jug pa'i rgyur gyur cig/__//sarba dA ka l+yA NaM b+ha ba tu//__//