JKW-KABUM-12-NA-001-005

Previous Text Back to Volume PageNext Text

Wylie title
Location	mkhyen brtse'i bka' 'bum Volume 12, sde tshan 1, Text 5, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 12: 1-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

5 53-55	སྨན་བླའི་སྒོམ་བཟླས་ཤིན་ཏུ་བསྡུས་པ་ཕན་བདེའི་མྱུར་ལམ། sman bla'i sgom bzlas shin tu bsdus pa phan bde'i myur lam Activity Manual - las byang   ·   Liturgy - ngag 'don	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སྨན་བླའི་སྒོམ་བཟླས་ཤིན་ཏུ་བསྡུས་པ་ཕན་བདེའི་མྱུར་ལམ། ༄༅། །སྨན་བླའི་སྒོམ་བཟླས་ཤིན་ཏུ་བསྡུས་པ་ཕན་བདེའི་མྱུར་ལམ་ཞེས་བྱ་བ་བཞུགས་སོ། །ན་མོ་གུ་རུ་བྷཻཥ་ཛྱེ་རཱ་ཛཱ་ཡ། འདིར་སྨན་བླའི་སྒོམ་བཟླས་མདོར་བསྡུས་པའི་ཚུལ་གྱིས་ཉམས་སུ་ལེན་པར་འདོད་པས། སངས་རྒྱས་ཆོས་དང་ཚོགས་ཀྱི་མཆོག་རྣམས་ལ། །སོགས་སྐྱབས་སེམས་ལན་གསུམ་དང་། སེམས་ཅན་ཐམས་ཅད་བདེ་བ་དང་སོགས་ཚད་མེད་བཞི་བསྒོམ། ཨོཾ་སྭབྷཱ་བ་ཤུདྡྷཿསརྦ་དྷ་རྨཱཿསྭབྷཱ་བ་ཤུདྡྷོ྅་ཧྃ། སྟོང་པའི་ངང་ལས་པད་ཟླའི་གདན་གྱི་སྟེང་། །རང་སེམས་ཧཱུྃ་ཡིག་འོད་ཀྱིས་དོན་གཉིས་བསྒྲུབས། །ཚུར་འདུས་བདག་ཉིད་བཅོམ་ལྡན་སྨན་གྱི་བླ། །སྐུ་མདོག་མཐིང་ག་ཞལ་གཅིག་ཕྱག་གཉིས་པ། །ཕྱག་གཡས་མཆོག་སྦྱིན་ཕྱག་རྒྱས་ཨ་རུ་ར། །གཡོན་པས་མཉམ་གཞག་བདུད་རྩིའི་ལྷུང་བཟེད་བསྣམས། །མཚན་དཔེའི་དཔལ་འབར་ཆོས་གོས་རྣམ་གསུམ་གསོལ། །ཞབས་གཉིས་རྡོ་རྗེའི་སྐྱིལ་མོ་ཀྲུང་གིས་བཞུགས། །གཡས་སུ་རྒྱལ་སྲས་ཉི་ལྟར་སྣང་བྱེད་དམར། །ཕྱག་གཡོན་ཉི་མས་མཚན་པའི་པདྨ་བསྣམས། །གཡོན་དུ་ཟླ་ལྟར་སྣང་བྱེད་སྐུ་མདོག་དཀར། །ཕྱག་གཡོན་ཟླ་བས་མཚན་པའི་པདྨ་འཛིན། །གཉིས་ཀ་གཡས་པས་མཆོག་སྦྱིན་ཕྱག་རྒྱ་མཛད། །དར་དང་རིན་ཆེན་རྒྱན་རྫོགས་གཙོ་བོ་ལ། །འདུད་པའི་ཚུལ་གྱིས་པད་ཟླའི་གདན་ལ་བཞེངས། །གཙོ་འཁོར་ཀུན་གྱི་གནས་གསུམ་འབྲུ་གསུམ་མཚན། །དེ་ལས་འོད་འཕྲོས་ཕྱོགས་བཅུའི་རྒྱལ་བ་ཀུན། །བཅོམ་ལྡན་སྨན་གྱི་བླ་མའི་རྣམ་པ་རུ། །མདུན་གྱི་ནམ་མཁར་བཛྲ་ས་མཱ་ཛཿ ཛཿཧཱུྃ་བཾ་ཧོཿརང་ལ་གཉིས་མེད་ཐིམ། །ཐུགས་ཀར་ཟླ་སྟེང་ཧཱུྃ་མཐར་སྔགས་ཕྲེང་ལས། །འོད་འཕྲོས་འཕགས་མཆོད་འགྲོ་ཀུན་སྒྲིབ་གཉིས་སྦྱངས། །སྲས་བཅས་རྒྱལ་བའི་ཐུགས་རྗེ་བྱིན་རླབས་ཀུན། །ཚུར་འདུས་བདག་རྒྱུད་བྱིན་གྱིས་བརླབ་པར་གྱུར། ཏདྱ་ཐཱ། ཨོཾ་བྷཻ་ཥ་ཛྱ་མ་ཧཱ་བྷཻཥ་ཛྱེ་རཱ་ཛ་ས་མུངྒ་ཏེ་སྭཱ་ཧཱ། ཞེས་ཅི་ནུས་དང་། སྤྲོ་ན་གཟུངས་རིང་ཀྱང་བཟླ། མཐར་བདག་བསྐྱེད་ཀྱི་ཡེ་ཤེས་པ་མདུན་གྱི་ནམ་མཁར་བྱོན་པ་ལ། ཨོཾ་བྷཻཥ་ཛྱེ་རཱ་ཛ་ས་པ་རི་ཝཱ་ཨརྒྷཾ་སོགས་ཀྱིས་མཆོད། ཐུགས་རྗེ་ཀུན་ལ་སྙོམས་པའི་བཅོམ་ལྡན་འདས། །མཚན་ཙམ་ཐོས་པས་ངན་འགྲོའི་སྡུག་བསྔལ་སེལ། །དུག་གསུམ་ནད་སེལ་སངས་རྒྱས་སྨན་གྱི་བླ། །བཻཌཱུཪྻ་ཡི་འོད་ལ་ཕྱག་འཚལ་ལོ། །བཅོམ་ལྡན་དེ་བཞིན་གཤེགས་པ་དགྲ་བཅོམ་པ། །ཡང་དག་རྫོགས་པའི་སངས་རྒྱས་སྨན་གྱི་བླས། །བདག་དང་མཐའ་ཡས་སེམས་ཅན་ཐམས་ཅད་ལ། །མཆོག་དང་ཐུན་མོང་དངོས་གྲུབ་སྩལ་དུ་གསོལ། །ཞེས་བསྟོད་ཅིང་གསོལ་བ་གདབ་ལ། ཨོཾ་བཛྲ་མུཿས་གཤེགས་སུ་གསོལ། འཁོར་དང་གདན་འོད་དུ་ཞུ་ནས་རང་ལ་ཐིམ། རང་གི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པར་བསམ། དགེ་བ་འདི་ཡིས་མྱུར་དུ་བདག །སངས་རྒྱས་སྨན་བླ་འགྲུབ་གྱུར་ནས། སོགས་བསྔོ་སྨོན་བྱ། བསྙེན་པ་བྱེད་ན་ཁྲུས་དང་གཙང་སྦྲ་ལ་གནས་པས་གཟུངས་ཐུང་འབུམ་ཕྲག་གཅིག་ཁ་སྐོང་དང་བཅས་པ་བཟླ། ཐུན་མཚམས་སུ་ཕྱག་མཆོད་རྒྱས་བསྡུས་གང་རིགས་སམ། སྨན་མདོ་ཆེ་ཆུང་ཇི་ལྟར་ནུས་པ་བཀླག་པར་བྱའོ། །ཞེས་པའང་ཉེར་མཁོའི་སླད་དུ་མང་དུ་ཐོས་པའི་བྱ་བྲལ་བ་མཉྫུ་གྷོ་ཥས་སྦྱར་བ་སྟེ། དགེ་བས་འགྲོ་ཀུན་ཕན་བདེའི་རྒྱུར་གྱུར་ཅིག །མངྒ་ལཾ།། ༈ །།

[edit]

sman bla'i sgom bzlas shin tu bsdus pa phan bde'i myur lam/ @#/_/sman bla'i sgom bzlas shin tu bsdus pa phan bde'i myur lam zhes bya ba bzhugs so/__/na mo gu ru b+haiSha dz+ye rA dzA ya/__'dir sman bla'i sgom bzlas mdor bsdus pa'i tshul gyis nyams su len par 'dod pas/__sangs rgyas chos dang tshogs kyi mchog rnams la/__/sogs skyabs sems lan gsum dang /__sems can thams cad bde ba dang sogs tshad med bzhi bsgom/__oM swab+hA ba shud+d+haHsarba d+ha rmAHswab+hA ba shud+d+ho\u0f85 ha~M/__stong pa'i ngang las pad zla'i gdan gyi steng /__/rang sems hU~M yig 'od kyis don gnyis bsgrubs/__/tshur 'dus bdag nyid bcom ldan sman gyi bla/__/sku mdog mthing ga zhal gcig phyag gnyis pa/__/phyag g.yas mchog sbyin phyag rgyas a ru ra/__/g.yon pas mnyam gzhag bdud rtsi'i lhung bzed bsnams/__/mtshan dpe'i dpal 'bar chos gos rnam gsum gsol/__/zhabs gnyis rdo rje'i skyil mo krung gis bzhugs/__/g.yas su rgyal sras nyi ltar snang byed dmar/__/phyag g.yon nyi mas mtshan pa'i pad+ma bsnams/__/g.yon du zla ltar snang byed sku mdog dkar/__/phyag g.yon zla bas mtshan pa'i pad+ma 'dzin/__/gnyis ka g.yas pas mchog sbyin phyag rgya mdzad/__/dar dang rin chen rgyan rdzogs gtso bo la/__/'dud pa'i tshul gyis pad zla'i gdan la bzhengs/__/gtso 'khor kun gyi gnas gsum 'bru gsum mtshan/__/de las 'od 'phros phyogs bcu'i rgyal ba kun/__/bcom ldan sman gyi bla ma'i rnam pa ru/__/mdun gyi nam mkhar badz+ra sa mA dzaH__dzaHhU~M baM hoHrang la gnyis med thim/__/thugs kar zla steng hU~M mthar sngags phreng las/__/'od 'phros 'phags mchod 'gro kun sgrib gnyis sbyangs/__/sras bcas rgyal ba'i thugs rje byin rlabs kun/__/tshur 'dus bdag rgyud byin gyis brlab par gyur/__tad+ya thA/__oM b+hai Sha dz+ya ma hA b+haiSha dz+ye rA dza sa mung+ga te swA hA/__zhes ci nus dang /__spro na gzungs ring kyang bzla/__mthar bdag bskyed kyi ye shes pa mdun gyi nam mkhar byon pa la/__oM b+haiSha dz+ye rA dza sa pa ri wA ar+g+haM sogs kyis mchod/__thugs rje kun la snyoms pa'i bcom ldan 'das/__/mtshan tsam thos pas ngan 'gro'i sdug bsngal sel/__/dug gsum nad sel sangs rgyas sman gyi bla/__/baiDUR+Ya yi 'od la phyag 'tshal lo/__/bcom ldan de bzhin gshegs pa dgra bcom pa/__/yang dag rdzogs pa'i sangs rgyas sman gyi blas/__/bdag dang mtha' yas sems can thams cad la/__/mchog dang thun mong dngos grub stsal du gsol/__/zhes bstod cing gsol ba gdab la/__oM badz+ra muHsa gshegs su gsol/__'khor dang gdan 'od du zhu nas rang la thim/__rang gi gnas gsum du oM AHhU~M gis mtshan par bsam/__dge ba 'di yis myur du bdag__/sangs rgyas sman bla 'grub gyur nas/__sogs bsngo smon bya/__bsnyen pa byed na khrus dang gtsang sbra la gnas pas gzungs thung 'bum phrag gcig kha skong dang bcas pa bzla/__thun mtshams su phyag mchod rgyas bsdus gang rigs sam/__sman mdo che chung ji ltar nus pa bklag par bya'o/__/zhes pa'ang nyer mkho'i slad du mang du thos pa'i bya bral ba many+dzu g+ho Shas sbyar ba ste/__dge bas 'gro kun phan bde'i rgyur gyur cig__/mang+ga laM//__!_//