སྨན་བླ་གཙོ་འཁོར་གསུམ་གྱི་སྒོམ་བཟླས་ལ་བརྟེན་ནས་བསྙེན་པ་བྱ་ཚུལ་སོགས་ཉུང་གསལ་ཀུན་ཕན་བདུད་རྩི།

🚧 This website is under continued development. We appreciate your patience!

Previous Text Back to Volume PageNext Text

Wylie title	sman bla gtso 'khor gsum gyi sgom bzlas la brten nas bsnyen pa bya tshul sogs nyung gsal kun phan bdud rtsi
Location	mkhyen brtse'i bka' 'bum Volume 12, sde tshan 1, Text 4, Pages 48-53 (Folios 24b1 to 27a3)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. sman bla gtso 'khor gsum gyi sgom bzlas la brten nas bsnyen pa bya tshul sogs nyung gsal kun phan bdud rtsi. In 'jam dbyangs mkhyen brtse'i dbang po'i bka' 'bum, Vol. 12: 48-53. Khams sde dge rdzong sar dgon: Rdzong sar blo gros phun tshogs, 2020.
Genre	Recitation Manual - bsnyen yig
Deity	sman bla
Colophon	ཞེས་པའང་རང་གཞན་མང་པོ་ལ་ཕན་པའི་བསམ་པ་ཁོ་ནས་ཡིག་ཆ་སྔ་མ་འགའ་ཞིག་གི་དོན་མདོར་བསྡུས་ཏེ་ཤཱཀྱའི་དགེ་སློང་བྱ་བྲལ་བ་མཉྫུ་གྷོ་ཥས་སྦྱར་བའི་དགེ་བས་འགྲོ་ཀུན་འཁོར་བ་དང་ངན་སོང་གི་སྡུག་བསྔལ་ལས་གྲོལ་ཏེ་བྱང་ཆུབ་སྙིང་པོའི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིག །ཤུབྷཾ།།
	zhes pa'ang rang gzhan mang po la phan pa'i bsam pa kho nas yig cha snga ma 'ga' zhig gi don mdor bsdus te shAkya'i dge slong bya bral ba many+dzu g+ho Shas sbyar ba'i dge bas 'gro kun 'khor ba dang ngan song gi sdug bsngal las grol te byang chub snying po'i go 'phang myur du thob pa'i rgyur gyur cig__/shub+haM//

1 Texts in this Section (sde tshan or chos tshan)

4 48-53	སྨན་བླ་གཙོ་འཁོར་གསུམ་གྱི་སྒོམ་བཟླས་ལ་བརྟེན་ནས་བསྙེན་པ་བྱ་ཚུལ་སོགས་ཉུང་གསལ་ཀུན་ཕན་བདུད་རྩི། sman bla gtso 'khor gsum gyi sgom bzlas la brten nas bsnyen pa bya tshul sogs nyung gsal kun phan bdud rtsi Recitation Manual - bsnyen yig	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

༄༅། །སྨན་བླ་གཙོ་འཁོར་གསུམ་གྱི་སྒོམ་བཟླས་ལ་བརྟེན་ནས་བསྙེན་པ་བྱ་ཚུལ་སོགས་ཉུང་གསལ་ཀུན་ཕན་བདུད་རྩི་ཞེས་བྱ་བ་བཞུགས་སོ། །ན་མོ་གུ་རུ་བྷཻཥ་ཛྱེ་རཱ་ཛཱ་ཡ། བཅོམ་ལྡན་འདས་སྨན་པའི་རྒྱལ་པོ་གཙོ་འཁོར་གསུམ་གྱི་རྣལ་འབྱོར་ལ་བརྟེན་ནས་བསྙེན་པ་བྱ་བའི་ཚུལ་ནི། འདི་ཉིད་ཀྱི་རྗེས་གནང་དང་ལུང་ལེགས་པར་ཐོབ་ཅིང་། ཁས་བླངས་པའི་ཚུལ་ཁྲིམས་རྣམ་པར་དག་པ་ཁྲུས་དང་གཙང་སྦྲའི་ཀུན་སྤྱོད་ལ་གཙོ་བོར་གནས་པའི་སྒྲུབ་པ་པོས་གནས་དབེན་ཞིང་ཡིད་དང་མཐུན་པའི་བསམ་གཏན་གྱི་ཁང་བུར་ཕྱག་དར་བྱས་ཏེ། རང་གི་མདུན་དུ་སྨན་བླ་གཙོ་འཁོར་རྣམས་ཀྱི་བྲིས་འབུར་གྱི་སྐུ་གང་རིགས་བཤམས་པའི་སྤྱན་སྔར་གཏོར་མ་དཀར་ཟླུམ་ཆེ་ཆུང་གཉིས། གཞི་བདག་གཏོར་མ། ཆུ་གཉིས་སྔོན་འགྲོའི་ཉེར་སྤྱོད་སོགས་དགོས་པའི་ཡོ་བྱད་རྣམས་འདུ་བྱ། ཆ་གསུམ་བཏང་ལ་མཚམས་བཅད། སྐྱབས་འགྲོ་ནས་བཟླས་པའི་བར་པཎ་ཆེན་ནམ་མཁའ་དཔལ་བཟང་གིས་མཛད་པའི་སྒྲུབ་ཐབས་ལྟར་ཉམས་སུ་བླང་། བཟླས་པས་མཇུག་ཏུ་སྤྲོ་ན། མགོན་པོ་ཐུགས་རྗེ་ཆེན་པོ་དང་ལྡན་པས་བདག་དང་སེམས་ཅན་ཐམས་ཅད་གྱི་སྡིག་པ་དང་སྒྲིབ་པ་ནད་དང་སྡུག་བསྔལ་ཐམས་ཅད་ཞི་བ་དང་། ཚེ་དང་བསོད་ནམས་ཡེ་ཤེས་ལ་སོགས་པ་གོང་ནས་གོང་དུ་འཕེལ་ཞིང་རྒྱས་པར་བྱིན་གྱིས་བརླབ་ཏུ་གསོལ། ཞེས་གསོལ་བ་གདབ། བདག་བསྐྱེད་ཀྱི་ཡེ་ཤེས་པ་མདུན་གྱི་ནམ་མཁར་བྱོན་པ་ལ་མཆོད་བསྟོད་བྱས་ནས་འཁོར་དང་གདན་རང་ལ་ཐིམ་ཞེས་པའི་བར་དཀྱུས་ལྟར་ལ། རང་གི་དཔྲལ་བར་ཨོཾ། མགྲིན་པར་ཨཱཿ ཐུགས་ཀར་ཧཱུྃ། དགེ་བ་འདི་ཡིས་མྱུར་དུ་བདག །སངས་རྒྱས་སྨན་བླ་འགྲུབ་གྱུར་ནས། །སོགས་བསྔོ་སྨོན་བྱ། སྔ་ཐུན་གྱི་མཐར། འཁོར་དང་གདན་རང་ལ་ཐིམ་པའི་རྗེས་སུ། མཆོད་གཏོར་བསང་སྦྱང་བྱིན་རླབས་དཀྱུས་བཞིན་ལ། རང་གི་སྙིང་ག་ནས་འོད་ཟེར་འཕྲོས་པས་བཅོམ་ལྡན་འདས་བདེ་བར་གཤེགས་པ་བདུན་ལ་གཞན་ཡང་ཕྱོགས་བཅུའི་སངས་རྒྱས་དང་བྱང་ཆུབ་སེམས་དཔའ་ཆོས་སྐྱོང་བའི་སྲུང་མའི་ཚོགས་བསམ་གྱིས་མི་ཁྱབ་པས་བསྐོར་བ་མདུན་གྱི་ནམ་མཁར་ཨོཾ་བཛྲ་ས་མཱ་ཛཿས་གཏོར་མགྲོན་སྤྱན་དྲང་། པདྨ་ཀ་མ་ལཱ་ཡ་སྟྭཾ་གྱིས་གདན་འབུལ། གཏོར་མ་འབུལ་བ་དཀྱུས་བཞིན། གཞི་བདག་གཏོར་མ་རྒྱུན་དུ་མ་ཕུལ་ཀྱང་ཆོག །མཐར་ཡི་གེ་བརྒྱ་པ་ལན་གསུམ། མ་འབྱོར་པ་དང་སོགས། རྟེན་ཡོད་ན་བརྟན་བཞུགས་དང་མེད་པ་རྣམས། ཨོཾ་བཛྲ་མུཿས་གཤེགས་སུ་གསོལ། རང་གི་དཔྲལ་བར་ཨོཾ་སོགས་གོང་བཞིན་མཐར། ཤིས་བརྗོད་བཅས་བྱ། ཐུན་མཚམས་སུ་གྲུབ་ན་མདོ་ལུགས་ཀྱི་ཕྱག་མཆོད་རྒྱས་བསྡུས་གང་ཡང་རུང་བ་དང་། མ་གྲུབ་ཀྱང་སྨན་མདོ་ཆེ་ཆུང་ཇི་ལྟར་རིགས་པ་གདོན། དེ་ལྟ་བུའི་རིམ་པས་བསྙེན་ཚད་གཟུངས་ཐུང་འབུམ་ཕྲག་གཅིག་ཁ་སྐོང་དང་བཅས་པ་བཟླ་བ་ཡིན་ལ། ཐུན་སོ་སོའི་མཐར་གཟུངས་འབྲིང་པོ་ཅི་ནུས་དང་། ཁྱད་པར། ཏདྱ་ཐཱ། གྷུ་མེ་གྷུ་མེ། ཨི་མེ་ནི་མི་ཧི། མ་ཏི་མ་ཏི། སབྟ་ཏ་ཐཱ་ག་ཏ་ས་མདྷྱ་དྷཻཥྛི་ཏེ། ཨ་ཏི་མ་ཏེ། ས་ལེ། པཱ་པྃ་ཤོ་དྷ་ནི། སརྦ་པཱ་པཾ་ནཱ་ཤ་ཡ། མ་མ་བུདྡྷ། བུདྡྷོ་ཏྟ་མེ། ཨུ་མེ་ཀུ་མེ། བུདྡྷ་ཀྵེ་ཏྲ་པ་རི་ཤོདྷ་ནི། དྷ་མེ་ནི་དྷ་མེ། མེ་རུ་མེ་རུ། མེ་རུ་ཤི་ཁ་རེ། སརྦ་ཨ་ཀཱ་ལ་མྲྀ་ཏྱུ་ནི་པཱ་ར་ཎི། བུདྡྷེ་སུ་བུདྡྷེ་བུདྡྷ་དྷིཥྛ་ན། རཀྵནྟུ་མེ། སརྦ་དེ་བཱ་ས་མེ་ཨ་ས་མེ་ས་མནྟཱ་ཧ་རནྟུ་མེ། སརྦ་བུདྡྷ་བོདྷི་ས་ཏཱ་ནཱཾ། ཤ་མེ་ཤ་མེ། པྲ་ཤ་མནྟུ་མེ་སརྦ་ཨི་ཏྱུ་པདྲ་པ་བྱཱ་དྷ་ཡ། པཱུ་ར་ཎི་པཱུ་ར་ཎི། པཱུ་ར་ཡ་མེ། སརྦ་ཨཱ་ཀཱ་ཤཱ་ཡ། བཻཌཱུཪྻ་པྲ་ཏི་བྷཱ་སེ་སརྦ་པཱ་པཾ་ཀྵ་ཡཾ་ཀ་རི་སྭཱ་ཧཱ། ཞེས་པའི་གཟུངས་རིང་འདི་ཉེར་གཅིག་རེ་ལ་ཉུང་མཐའ་བྱས་པ་བཟླ་བ་ཤིན་ཏུ་གལ་ཆེ། གཞན་མཚམས་ཀྱི་སྐབས་སྤང་བླང་སོགས་བྱ་རྒྱུད་ཀྱི་བསྙེན་པ་སྤྱི་ལྟར་ཤེས་པར་བྱས་ལ་ཉམས་སུ་བླང་ངོ་། །དེ་ལྟར་འབད་པས་བསམ་པ་ཐམས་ཅད་ཡོངས་སུ་རྫོགས་པ་དང་། དེ་བཞིན་གཤེགས་པ་ཐམས་ཅད་གྱིས་དགོངས་ཤིང་དེ་བཞིན་གཤེགས་པ་ཐམས་ཅད་མཐོང་བར་འགྱུར་བ་དང་། ལས་ཀྱི་སྒྲིབ་པ་ཐམས་ཅད་རྣམ་པར་དག་པ་དང་། ཚེ་ཡི་མཐར་ཡང་བཅོམ་ལྡན་འཁོར་བཅས་མངོན་སུམ་དུ་མཐོང་ཞིང་དག་པའི་ཞིང་དུ་སྐྱེ་བར་འགྱུར་བ་སོགས་ཕན་ཡོན་མཐའ་ཡས་པར་གསུངས་སོ། །ཡང་རང་གཞན་ལ་ཕན་གདགས་པའི་སླད་དུ་གཟུངས་སྒྲུབ་བྱེད་པར་འདོད་ན། མདུན་དུ་བྲིས་སྐུའི་སྤྱན་སྔར་སྟེགས་ཀྱི་ཁར་བུམ་པ་དྲི་བཟང་གི་ཆུས་གང་བ་ཁ་རྒྱན་མགུལ་ཆིངས་དང་བཅས་པའི་སྟེང་དུ། དུང་ཆོས་མཆོད་ཡོན་གྱིས་བཀང་བ་དང་། གཟུངས་ཐག་རྡོ་རྗེ་བཅས་བཤམ། ཅི་འབྱོར་པའི་མཆོད་པ་ཚར་དུ་དངར་བས་མཛེས་པར་བྱ། བདག་གི་རྣལ་འབྱོར་སྔོན་དུ་འགྲོ་བས་བུམ་པ་བསང་སྦྱང་། སྟོང་པའི་ངང་ལས་བྷྲཱུྃ་ལས་རིན་པོ་ཆེའི་བུམ་པ་མཚན་ཉིད་ཐམས་ཅད་ཡོངས་སུ་རྫོགས་པའི་ནང་དུ། ཧྲཱིཿལས་པདྨ་དང་ཨ་ལས་ཟླ་བའི་དཀྱིལ་འཁོར་གྱི་སྟེང་དུ་གཟུངས་སྔགས་ཀྱི་ཕྲེང་བ་རང་སྒྲ་སྒྲོག་བཞིན་པས་འཁོད་པར་གྱུར། ཅེས་བརྗོད་ལ། མདོ་ཆོག་ལས་འབྱུང་བའི་འཕགས་པའི་ཚོགས་དེ་དག་ཐམས་ཅད་ལ་མཆོད་ཡོན་དང་བྱུག་པ་སོགས་ནས། འབུལ་ལོ་མཆོད་དོ་ཞེས་པའི་བར་གྱིས་མཆོད། དཔལ་བཻཌཱུཪྻའི་གཟུངས་སྔགས་མཐུ་དང་ནུས་པ་བསམ་གྱིས་མི་ཁྱབ་པ་དང་ལྡན་པ་ཁྱེད་ཀྱིས་བདག་དང་བསྒྲུབ་བྱ་དམིགས་བསལ་ཡོད་ན་དེའི་མིང་གཞུག །སེམས་ཅན་ཐམས་ཅད་ཀྱི་རྒྱུད་ལ་ཚོགས་རྫོགས་ཤིང་སྒྲིབ་པ་སྦྱང་བ་དང་། ཆོས་ཀྱི་རྟོགས་པ་ཁྱད་པར་ཅན་སྐྱེ་བར་བྱིན་གྱིས་བརླབ་ཏུ་གསོལ། ཞེས་གསོལ་བ་བཏབ། གཟུངས་ཐག་ནས་བཟུང་སྟེ། རང་གི་ཐུགས་ཀ་ནས་སྔགས་ཀྱི་ཕྲེང་བ་གཟུངས་ཐག་ལ་བརྟེན་ཏེ་སོང་བས་དུང་ཆོས་ཀྱི་ཆུ་ལ་ཕོག །དེ་ལུད་ནས་བུམ་པའི་ནང་དུ་ལྷུང་བ་ཡིག་འབྲུ་རྣམས་ལ་ཐིམ་པ་ལས་བདུད་རྩིའི་རྒྱུན་དཔག་ཏུ་མེད་པ་བབས་པས་བུམ་པ་གང་བར་གྱུར། ཞེས་པའི་དམིགས་པ་དང་སྦྱར་ཏེ་གཟུངས་རིང་གཙོ་བོར་བཟླ་ཞིང་། ཐུན་འཇོག་པ་ན་མཆོད་པ་གོང་ལྟར་དང་། དུང་ཆོས་ཀྱི་ཆུ་མཆོད་ཡོན་དུ་ཕུལ་ཏེ་གསོལ་བ་གདབ་པས་ཡིག་འབྲུ་རྣམས་འོད་དུ་ལྟེམ་གྱིས་ཞུ་བ་ལས་བུམ་པའི་ཆུ་གཟུངས་སྔགས་ཀྱི་ནུས་པ་མཐའ་དག་དང་ལྡན་པར་བསམ། དེ་ལྟར་ཐུན་དུ་བཅད་ནས་ཞག་བདུན་སོགས་ཇི་ལྟར་རིགས་པ་བསྒྲུབས་པའི་མཐར་རང་ཉིད་ཀྱིས་བཀྲུ་བ་དང་བཏུང་བ་སོགས་བྱ། བསྒྲུབ་བྱ་གཞན་ལ་བྱེད་ན་བཀྲུ་བྱབས་སྲུང་གསུམ་མམ་བཀྲུ་བ་དང་ཤིས་བརྗོད་རྒྱས་པར་བྱས་པས་ནད་གདོན་བར་ཆད་ཐམས་ཅད་ཞི་ཞིང་སྒྲིབ་གཉིས་ཡོངས་སུ་བྱང་བ་དང་། ཚེ་བསོད་དཔལ་འབྱོར་རྒྱས་པ་སོགས་གཟུངས་སྔགས་ཀྱི་ཕན་ཡོན་ཇི་སྐད་བཤད་པ་རྣམས་འཐོབ་བར་འགྱུར་ལ། གཤིན་པོའི་རུས་པ་དང་དུར་ཁྲོད་ཀྱི་ས་གཞི་སོགས་ལ་འཐོར་བས་དམིགས་ཡུལ་གྱི་ངན་སོང་དུ་སྐྱེ་བའི་ལས་ཀྱི་སྒྲིབ་པ་བྱང་པས་མཚོན་ཡོན་ཏན་མཐའ་ཡས་ཤིང་། ཚུལ་དེ་བཞིན་དུ་ཕྱེ་མའམ། ཡུངས་ཀར་སོགས་ལ་བསྔགས་ནས་འཐོར་བས་ཀྱང་རུང་བར་གསུངས་སོ། །ཞེས་པའང་རང་གཞན་མང་པོ་ལ་ཕན་པའི་བསམ་པ་ཁོ་ནས་ཡིག་ཆ་སྔ་མ་འགའ་ཞིག་གི་དོན་མདོར་བསྡུས་ཏེ་ཤཱཀྱའི་དགེ་སློང་བྱ་བྲལ་བ་མཉྫུ་གྷོ་ཥས་སྦྱར་བའི་དགེ་བས་འགྲོ་ཀུན་འཁོར་བ་དང་ངན་སོང་གི་སྡུག་བསྔལ་ལས་གྲོལ་ཏེ་བྱང་ཆུབ་སྙིང་པོའི་གོ་འཕང་མྱུར་དུ་ཐོབ་པའི་རྒྱུར་གྱུར་ཅིག །ཤུབྷཾ།། །། ༈

[edit]

sman bla gtso 'khor gsum gyi sgom bzlas la brten nas bsnyen pa bya tshul sogs nyung gsal kun phan bdud rtsi/_ @#/_/sman bla gtso 'khor gsum gyi sgom bzlas la brten nas bsnyen pa bya tshul sogs nyung gsal kun phan bdud rtsi zhes bya ba bzhugs so/__/na mo gu ru b+haiSha dz+ye rA dzA ya/__bcom ldan 'das sman pa'i rgyal po gtso 'khor gsum gyi rnal 'byor la brten nas bsnyen pa bya ba'i tshul ni/__'di nyid kyi rjes gnang dang lung legs par thob cing /__khas blangs pa'i tshul khrims rnam par dag pa khrus dang gtsang sbra'i kun spyod la gtso bor gnas pa'i sgrub pa pos gnas dben zhing yid dang mthun pa'i bsam gtan gyi khang bur phyag dar byas te/__rang gi mdun du sman bla gtso 'khor rnams kyi bris 'bur gyi sku gang rigs bshams pa'i spyan sngar gtor ma dkar zlum che chung gnyis/__gzhi bdag gtor ma/__chu gnyis sngon 'gro'i nyer spyod sogs dgos pa'i yo byad rnams 'du bya/__cha gsum btang la mtshams bcad/__skyabs 'gro nas bzlas pa'i bar paN chen nam mkha' dpal bzang gis mdzad pa'i sgrub thabs ltar nyams su blang /__bzlas pas mjug tu spro na/__mgon po thugs rje chen po dang ldan pas bdag dang sems can thams cad gyi sdig pa dang sgrib pa nad dang sdug bsngal thams cad zhi ba dang /__tshe dang bsod nams ye shes la sogs pa gong nas gong du 'phel zhing rgyas par byin gyis brlab tu gsol/__zhes gsol ba gdab/__bdag bskyed kyi ye shes pa mdun gyi nam mkhar byon pa la mchod bstod byas nas 'khor dang gdan rang la thim zhes pa'i bar dkyus ltar la/__rang gi dpral bar oM/__mgrin par AH__thugs kar hU~M/__dge ba 'di yis myur du bdag__/sangs rgyas sman bla 'grub gyur nas/__/sogs bsngo smon bya/__snga thun gyi mthar/__'khor dang gdan rang la thim pa'i rjes su/__mchod gtor bsang sbyang byin rlabs dkyus bzhin la/__rang gi snying ga nas 'od zer 'phros pas bcom ldan 'das bde bar gshegs pa bdun la gzhan yang phyogs bcu'i sangs rgyas dang byang chub sems dpa' chos skyong ba'i srung ma'i tshogs bsam gyis mi khyab pas bskor ba mdun gyi nam mkhar oM badz+ra sa mA dzaHsa gtor mgron spyan drang /__pad+ma ka ma lA ya s+t+waM gyis gdan 'bul/__gtor ma 'bul ba dkyus bzhin/__gzhi bdag gtor ma rgyun du ma phul kyang chog__/mthar yi ge brgya pa lan gsum/__ma 'byor pa dang sogs/__rten yod na brtan bzhugs dang med pa rnams/__oM badz+ra muHsa gshegs su gsol/__rang gi dpral bar oM sogs gong bzhin mthar/__shis brjod bcas bya/__thun mtshams su grub na mdo lugs kyi phyag mchod rgyas bsdus gang yang rung ba dang /__ma grub kyang sman mdo che chung ji ltar rigs pa gdon/__de lta bu'i rim pas bsnyen tshad gzungs thung 'bum phrag gcig kha skong dang bcas pa bzla ba yin la/__thun so so'i mthar gzungs 'bring po ci nus dang /__khyad par/__tad+ya thA/__g+hu me g+hu me/__i me ni mi hi/__ma ti ma ti/__sab+ta ta thA ga ta sa mad+h+ya d+haiSh+Thi te/__a ti ma te/__sa le/__pA pa~M sho d+ha ni/__sarba pA paM nA sha ya/__ma ma bud+d+ha/__bud+d+ho t+ta me/__u me ku me/__bud+d+ha k+She tra pa ri shod+ha ni/__d+ha me ni d+ha me/__me ru me ru/__me ru shi kha re/__sarba a kA la mr-i t+yu ni pA ra Ni/__bud+d+he su bud+d+he bud+d+ha d+hiSh+Tha na/__rak+Shan+tu me/__sarba de bA sa me a sa me sa man+tA ha ran+tu me/__sarba bud+d+ha bod+hi sa tA nAM/__sha me sha me/__pra sha man+tu me sarba i t+yu padra pa byA d+ha ya/__pU ra Ni pU ra Ni/__pU ra ya me/__sarba A kA shA ya/__baiDUR+Ya pra ti b+hA se sarba pA paM k+Sha yaM ka ri swA hA/__zhes pa'i gzungs ring 'di nyer gcig re la nyung mtha' byas pa bzla ba shin tu gal che/__gzhan mtshams kyi skabs spang blang sogs bya rgyud kyi bsnyen pa spyi ltar shes par byas la nyams su blang ngo /__/de ltar 'bad pas bsam pa thams cad yongs su rdzogs pa dang /__de bzhin gshegs pa thams cad gyis dgongs shing de bzhin gshegs pa thams cad mthong bar 'gyur ba dang /__las kyi sgrib pa thams cad rnam par dag pa dang /__tshe yi mthar yang bcom ldan 'khor bcas mngon sum du mthong zhing dag pa'i zhing du skye bar 'gyur ba sogs phan yon mtha' yas par gsungs so/__/yang rang gzhan la phan gdags pa'i slad du gzungs sgrub byed par 'dod na/__mdun du bris sku'i spyan sngar stegs kyi khar bum pa dri bzang gi chus gang ba kha rgyan mgul chings dang bcas pa'i steng du/__dung chos mchod yon gyis bkang ba dang /__gzungs thag rdo rje bcas bsham/__ci 'byor pa'i mchod pa tshar du dngar bas mdzes par bya/__bdag gi rnal 'byor sngon du 'gro bas bum pa bsang sbyang /__stong pa'i ngang las b+h+rU~M las rin po che'i bum pa mtshan nyid thams cad yongs su rdzogs pa'i nang du/__hrIHlas pad+ma dang a las zla ba'i dkyil 'khor gyi steng du gzungs sngags kyi phreng ba rang sgra sgrog bzhin pas 'khod par gyur/__ces brjod la/__mdo chog las 'byung ba'i 'phags pa'i tshogs de dag thams cad la mchod yon dang byug pa sogs nas/__'bul lo mchod do zhes pa'i bar gyis mchod/__dpal baiDUR+Ya'i gzungs sngags mthu dang nus pa bsam gyis mi khyab pa dang ldan pa khyed kyis bdag dang bsgrub bya dmigs bsal yod na de'i ming gzhug__/sems can thams cad kyi rgyud la tshogs rdzogs shing sgrib pa sbyang ba dang /__chos kyi rtogs pa khyad par can skye bar byin gyis brlab tu gsol/__zhes gsol ba btab/__gzungs thag nas bzung ste/__rang gi thugs ka nas sngags kyi phreng ba gzungs thag la brten te song bas dung chos kyi chu la phog__/de lud nas bum pa'i nang du lhung ba yig 'bru rnams la thim pa las bdud rtsi'i rgyun dpag tu med pa babs pas bum pa gang bar gyur/__zhes pa'i dmigs pa dang sbyar te gzungs ring gtso bor bzla zhing /__thun 'jog pa na mchod pa gong ltar dang /__dung chos kyi chu mchod yon du phul te gsol ba gdab pas yig 'bru rnams 'od du ltem gyis zhu ba las bum pa'i chu gzungs sngags kyi nus pa mtha' dag dang ldan par bsam/__de ltar thun du bcad nas zhag bdun sogs ji ltar rigs pa bsgrubs pa'i mthar rang nyid kyis bkru ba dang btung ba sogs bya/__bsgrub bya gzhan la byed na bkru byabs srung gsum mam bkru ba dang shis brjod rgyas par byas pas nad gdon bar chad thams cad zhi zhing sgrib gnyis yongs su byang ba dang /__tshe bsod dpal 'byor rgyas pa sogs gzungs sngags kyi phan yon ji skad bshad pa rnams 'thob bar 'gyur la/__gshin po'i rus pa dang dur khrod kyi sa gzhi sogs la 'thor bas dmigs yul gyi ngan song du skye ba'i las kyi sgrib pa byang pas mtshon yon tan mtha' yas shing /__tshul de bzhin du phye ma'am/__yungs kar sogs la bsngags nas 'thor bas kyang rung bar gsungs so/__/zhes pa'ang rang gzhan mang po la phan pa'i bsam pa kho nas yig cha snga ma 'ga' zhig gi don mdor bsdus te shAkya'i dge slong bya bral ba many+dzu g+ho Shas sbyar ba'i dge bas 'gro kun 'khor ba dang ngan song gi sdug bsngal las grol te byang chub snying po'i go 'phang myur du thob pa'i rgyur gyur cig__/shub+haM//___//__!_