JKW-KABUM-05-CA-002-013

🚧 This website is under continued development. We appreciate your patience!

Previous Text Back to Volume PageNext Text

སློབ་དཔོན་ནཱ་ག་བོ་དྷིས་མཛད་པའི་གསང་བ་འདུས་པའི་མན་ངག་རྣམས་ལས་ཁོལ་ཕྱུང་།

Wylie title	slob dpon nA ga bo d+his mdzad pa'i gsang ba 'dus pa'i man ngag rnams las khol phyung
Location	mkhyen brtse'i bka' 'bum Volume 5, sde tshan 2, Text 13, Pages (Folios 207a5 to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. slob dpon nA ga bo d+his mdzad pa'i gsang ba 'dus pa'i man ngag rnams las khol phyung. In 'jam dbyangs mkhyen brtse'i dbang po'i bka' 'bum, Vol. 5: 481-. Khams sde dge rdzong sar dgon: Rdzong sar blo gros phun tshogs, 2020.
Genre
Cycle	དཔལ་གསང་བ་འདུས་པ་ (dpal gsang ba 'dus pa)

1 Texts in this Section (sde tshan or chos tshan)

13 481-491	སློབ་དཔོན་ནཱ་ག་བོ་དྷིས་མཛད་པའི་གསང་བ་འདུས་པའི་མན་ངག་རྣམས་ལས་ཁོལ་ཕྱུང་། slob dpon nA ga bo d+his mdzad pa'i gsang ba 'dus pa'i man ngag rnams las khol phyung Commentaries - 'grel pa	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

སློབ་དཔོན་ནཱ་ག་བོ་དྷིས་མཛད་པའི་དཀྱིལ་ཆོག་ཉི་ཤུ་པར། དང་པོར་ས་ནི་སྦྱོང་བ་༡དང་། །དེ་ནས་ས་ཡོངས་འཛིན་པ་དང་། །ཕྱི་ནས་བགེགས་ནི་ཉེར་ཞི་དང་། །ཐོད་ལེ་དཀར་པོས་ཐིག་གདབ་༤དང་། །དེ་ནས་ས་ལྷ་སོགས་ལྷག་པར༦། །གནས་དང་དེ་ནས་གསོལ་གདབ་དང་། །ཕྱི་ནས་སློབ་མ་ལྷར་གནས་དང་། །ནམ་མཁའི་ཐིག་ནི་གདབ་པ་དང་། །ཚོན་སྣ་ལྔ་ཡི་ཆོ་ག་དང་། །ཚོན་རྩི་རྣམས་ནི་དགྱེ་བ་དང་། །ལྷ་རྣམས་སྤྱན་དྲངས་ཉིད་དང་ནི། །དེ་ནས་སློབ་མ་གཞུག་པ་དང་། །ཁྲུས་ཀྱི་དཀྱིལ་འཁོར་ཆོ་ག་དང་། །དེ་ནས་སངས་རྒྱས་དབང་བསྐུར་དང་། །དེ་ནས་ཕྱག་མཚན་དབང་བསྐུར་དང་། །བླ་མ་ལྷ་དང་ཡོན་གཉིས་དང་། །རྗེས་སུ་གནང་བ་སྦྱིན་པ་དང་། །དེ་ནས་གཤེགས་གསོལ་ཆོ་ག་དང་། །དཀྱིལ་འཁོར་ལས་ཆེད་ཕུར་པ་དང་། །སྐུད་པ་ཉིད་ཀྱང་བསྡུ་བ་སྟེ། །རབ་བཤད་ཆོ་ག་ཉི་ཤུ་ཡིས། །ཇི་ལྟ་ཇི་ལྟར་རྒྱས་ཤེས་པའི། །རྡོ་རྗེ་སློབ་དཔོན་མཁས་པ་ཡིས། །རྡུལ་ཚོན་དཀྱིལ་འཁོར་བྲི་བར་བྱ། །ཞེས་སོ། །ཡང་། རིན་ཆེན་ས་བོན་དེ་བཞིན་དང་། །མེ་ཏོག་ཚོན་དང་དེ་བཞིན་དུ། །བྱེ་མ་གསོ་དང་ཕྱེ་མ་སྟེ། །དེ་བཞིན་ཉིད་ཀྱི་དཀྱིལ་འཁོར་བདེན། །ཅེས་དང་། དེ་བཞིན་གཤེགས་པས་རྡོ་རྗེ་ཡི། །ཐེག་པར་སློབ་དཔོན་རྣམ་གཉིས་གསུངས། །གཅིག་ནི་གསང་སྔགས་གཙོར་བྱེད་འགྱུར། །གཅིག་ནི་བསམ་གཏན་ལ་གཞོལ་བ། །གསང་སྔགས་སྒྲ་གནས་རྣལ་འབྱོར་བ། །ལྷ་ལ་དམིགས་པ་ལྷུར་ལེན་པས། །དེ་ལ་མཚན་མ་རྙེད་གྱུར་ཏེ། །རྡུལ་ཚོན་དཀྱིལ་འཁོར་བྲི་བར་བྱ། །གསང་སྔགས་ཚུལ་གནས་རྣལ་འབྱོར་པ། །གཉིས་མེད་ཡེ་ཤེས་སྦྱོར་ལྡན་པས། །སྒྱུ་མ་ལྟ་བུའི་ཚུལ་གྱིས་ནི། །འཁོར་ལོ་སྒྱུ་མ་བྲི་བར་བྱ། །ཞེས་དང་། ། ༈ ཡང་དེས་མཛད་པའི་ལས་ཀྱི་མཐའ་རྣམ་པར་འབྱེད་པར། ཡེ་ཤེས་གསུམ་ལས་རྣམ་བྱུང་བ། །ཁམས་བཞི་དང་ནི་དབང་པོ་དྲུག །ཕུང་པོ་ལྔ་དང་སྒོ་དགུ་དང་། །འགྲོ་བ་གསུམ་པོ་ཕལ་ཆེར་ནི། །སྐྱེ་གནས་རྣམ་པ་བཞི་ཡིན་ཏེ། །སྒོང་སྐྱེས་དང་ནི་མངལ་སྐྱེས་དང་། །དྲོད་གཤེར་སྐྱེས་ནི་གསུམ་པ་ཡིན། །བཞི་པ་ཡང་ནི་རྫུས་སྐྱེས་སོ། །ཞེས་དང་། དང་པོ་མ་རིག་ཤེས་པར་བྱ། །གཉིས་པ་དེ་བཞིན་སེམས་ལས་བྱུང་། །གསུམ་པ་སེམས་ཞེས་བྱ་འདི་རྣམས། །སྟོང་ཉིད་གསུམ་དུ་བརྗོད་པ་ཡིན། །སོགས་དང་། སྟོང་ཉིད་གསུམ་ལུས་བྱུང་བའི་རླུང་། །དེ་ཉིད་དང་ནི་ཀུན་ཏུ་གནས། །དེ་ཡི་བཞོན་པ་ཉིད་འགྱུར་ཏེ། །བདག་ཉིད་ཀྱང་ནི་སྟོང་པའི་ཕྱིར། །རྣམ་ཤེས་ལས་ནི་རླུང་འབྱུང་སྟེ། །དེ་ལས་མེ་ནི་ཡང་དག་འབྱུང་། །དེ་ལས་ཆུ་ནི་འབྱུང་བར་འགྱུར། །དེ་ལས་ཡང་ནི་ས་འབྱུང་ངོ་། །དེ་ལས་ཡང་ནི་ཕུང་པོ་འབྱུང་། །དེ་ལས་ཡང་ནི་སྐྱེ་མཆེད་འབྱུང་། །དེ་ལས་ཡེ་ཤེས་རང་བཞིན་རྣམས། །བརྒྱ་དང་དྲུག་ཅུ་བཅས་དང་སླར། །སྐད་ཅིག་འདོད་ཆགས་བྲལ་དང་འཇིགས། །སོགས་དང་། སྔོན་ནི་ཇི་ལྟར་འོངས་པ་བཞིན། །རིམ་པ་འདི་ཡིས་ཐིམ་འགྱུར་ཏེ། །དང་པོ་ས་ནི་ཆུ་ལ་འཇུག །ཆུ་ནི་མེ་ལ་ཐིམ་འགྱུར་ཞིང་། །མེ་ནི་རླུང་ལ་ཐིམ་པར་འགྱུར། །རླུང་ནི་རྣམ་པར་ཤེས་ལ་འཇུག །རྣམ་ཤེས་འཛིན་པར་གཤེགས་ནས་སུ། །འོད་གསལ་བར་ནི་དེ་ལ་ཞུགས། །དེ་ལས་དྲི་ཟ་ཉིད་གྱུར་ནས། །ལས་ཀྱིས་བསྐུལ་ལས་སྐྱེ་བར་འགྱུར། །ཞེས་དང་། ། ༈ ཡང་དེས་མཛད་པའི་རིམ་པའི་ཁོངས་སུ་བསྡུ་བའི་མན་ངག་ཅེས་པར། མི་ཕམ་འཕགས་པས་སྦྱིན་སོགས་ལ། །དབྱེ་བ་སུམ་ཅུ་དྲུག་བདག་ཉིད། །ཇི་སྐད་གསུངས་པ་དེ་བཞིན་འདིར། །རིམ་རྣམས་དབྱེ་བསལ་འདིར་བརྗོད་བྱ། །ཞེས་སོགས་ཀྱིས་བསྐྱེད་རིམ་དང་། རྡོར་བཟླས། སེམས་དམིགས་བདག་བྱིན་རླབས། མངོན་པར་བྱང་ཆུབ། ཟུང་དུ་འཇུག་པ་རྣམས་ལ་སོ་སོའི་རིམ་པ་ལྔ་རེ་སྟེ་སུམ་ཅུར་ཕྱེ་བར་སྣང་ངོ་། ། ༈ སློབ་དཔོན་ཀླུས་མཛད་པའི་སྒྲུབ་ཐབས་མདོ་བསྲེར་ལུང་དྲངས་པ། ནམ་མཁའི་དཀྱིལ་འཁོར་དབུས་གནས་པར། །སངས་རྒྱས་དཀྱིལ་འཁོར་བསྒོམ་པ་ནི། །འོད་ཟེར་སྤྲིན་གྱི་ཚོགས་ཆེན་པོ། །སངས་རྒྱས་འབར་བའི་འོད་དང་ལྡན། །འོད་ཟེར་སྣ་ལྔས་ཀུན་ཏུ་ཁྱབ། །ཀུན་ནས་ཡོངས་སུ་ཟླུམ་པོ་དེ། །འདོད་པའི་ཡོན་ཏན་ལྔ་ཡིས་བརྒྱན། །མཆོད་པ་རྣམ་པ་ལྔས་བརྒྱན་པ། །མདོར་ན་དེ་ལྟར་བསྒོམས་ནས་སུ། །གཟུགས་ནི་དབུས་སུ་བསྒོམ་པར་བྱ། །ཞེས་དང་། ཡི་དམ་བཅས་པ་རྫོགས་ནས་ཀྱང་། །སྔགས་ཀྱི་གནས་ནི་བསྲུང་བར་བྱ། །བསམ་གཏན་སྦྱོར་བ་འདི་ཡིས་ནི། །གནས་ནས་སངས་རྒྱས་བྱིན་གྱིས་རློབས། །ཞེས་དང་། ད་ནི་མདོར་བསྡུ་ནས་བཤད་པར་བྱ་སྟེ། དེ་ལ་ཐོག་མར་གནས་ངེས་པ་དང་། སྙིང་རྗེ་ཆེན་པོ་ལ་དམིགས་པ་དང་། སྲུང་བའི་འཁོར་ལོ་བསྒོམ་པ་དང་། སྟོང་དེ་ཏིང་། པ་ཉིད་ལ་དམིགས་པ་དང་། སའི་ཆ་བསྐྱེད་པ་དང་། འཁོར་སྣོད། གཞལ་ཡས་ཁང་དང་། དཀྱིལ་འཁོར་བཅུད། དགོད་པ་དང་། དོན་དམ་པའི་དཀྱིལ་འཁོར་ལ་འཇུག་པ་དང་། ལྡང་བ་དང་། ཉི་མའི་དཀྱིལ་འཁོར་ལ་དམིགས་པ་དང་། མཐར་ཟླ་བའི་དཀྱིལ། འབྱུང་རིམ་དང་། རྡོ་རྗེ་འཆང་ཆེན་པོ་བསྐྱེད་པ་དང་། སྔགས་ཀྱི་བྱིན་གྱིས་བརླབས་པས་ཕུང་པོ་ལ་སོགས་པ་དགང་བ་དང་། སྐུ་གསུང་ཐུགས་བྱིན་གྱིས་བརླབས་པ་དང་ལྡན་པའི་འདུས་བྱས་པ་དང་། རྡོ་རྗེ་དང་པདྨ་འདུས་བྱས་པ་དང་། རྗེས་སུ་ཆགས་པའི་རྡོ་རྗེ་བྱིན་གྱིས་བརླབས་པ་དང་། དཀྱིལ་འཁོར་འབྱུང་བ་དང་། ཕྲ་མོའི་སྦྱོར་བ་དང་། རྡོ་རྗེའི་བཟླས་པ་དང་། ངག་གི་བཟླས་པ་དང་། དོན་དམ་པ་ལ་ཞུགས་པ་དང་། རབ་ཏུ་བསྐུལ་ནས་བསླང་བ་དང་། བསྟོད་པ་བྱ་བ་དང་། ཉེ་བར་བསྡུ་བ་དང་། ལས་ཀྱི་རབ་ཏུ་དབྱེ་བ་རྣམས་སུ་ཤེས་པར་བྱའོ། །ཞེས་སོ། ། ༈ དེས་མཛད་པའི་དཀྱིལ་འཁོར་གྱི་ཆོ་གར། སྔོན་དུ་བསྙེན་པ་བྱས་ནས་སུ། །དེ་ནས་དཀྱིལ་འཁོར་བྲི་བར་བྱ། །གང་ཞིག་ཡིད་འོང་གནས་སུ་ནི། །དྲི་བཟང་ཙནྡན་སོགས་ཀྱིས་བྱུགས། །དྲི་ཞིམ་མེ་ཏོག་མཆོག་བཀྲམ་ནས། །ཤར་ཕྱོགས་སུ་ནི་ཁ་བལྟས་ལ། །སེམས་དཔའི་སྐྱིལ་མོ་ཀྲུང་གནས་ཏེ། །འཁོར་བའི་འདམ་དུ་བྱིང་བ་ཡི། །འགྲོ་ལ་ཕན་དང་བསྐྱབ་པའི་ཕྱིར། །སྙིང་རྗེ་ཆེན་པོས་དམིགས་པར་བྱ། །བཀའ་ཡི་འཁོར་ལོ་སྔོན་འགྲོ་བའི། །བསྙེན་དང་ཉེར་སྒྲུབ་སྒྲུབ་པ་དང་། །སྒྲུབ་ཆེན་ལ་ནི་མཁས་པ་ཡིས། །སྦྱོར་བ་གསུམ་གྱི་མཐར་ཐུག་པར། །རྡོ་རྗེའི་བཟླས་དང་རྗེས་མཐུན་པར། །ངག་གི་བཟླས་པའི་ཚུལ་ཉིད་ཀྱིས། །དཀྱིལ་འཁོར་གཙོ་བོའི་འབུམ་དུ་བཟླས། །དེ་བཞིན་གཞན་པའི་ཁྲི་རུ་བཟླས། །མཚན་མ་ངེས་པར་ཐོབ་པའམ། །ཡང་ན་བསྙེན་པའི་སྦྱོར་གོམས་པས། །དཀྱིལ་འཁོར་ཡོངས་སུ་བྲི་བར་བྱ། དེ་ལ་དཀྱིལ་འཁོར་ཆོ་ག་ནི། །ཡན་ལག་རྣམ་ཕྱེད་ཉི་ཤུ་སྟེ། །ས་གཞི་སྦྱོང་དང་བྱིན་རླབས་པ། །ཡོངས་སུ་བཟུང་དང་སྲུང་བ་དང་། །ས་ཡི་ལྷ་དང་དཀྱིལ་འཁོར་དང་། །བུམ་པ་རྣམས་དང་སློབ་མ་དག །སྟ་གོན་དུ་ནི་གནས་པ་དང་། །ཐིག་གདབ་པ་ཡི་ཆོ་ག་དང་། །དེ་བཞིན་རྡུལ་ཚོན་དབྱེ་བ་དང་། །དཀྱིལ་འཁོར་བྱིན་གྱིས་བརླབས་པ་དང་། །དེ་ལ་མཆོད་པའི་བྱེ་བྲག་དང་། །སློབ་དཔོན་བདག་ཉིད་འཇུག་པ་དང་། །དེ་བཞིན་སློབ་མ་གཞུག་པ་དང་། །བུམ་པའི་དབང་དང་གསང་དབང་དང་། །ཤེས་རབ་ཡེ་ཤེས་དབང་དང་ནི། །དེ་བཞིན་དུ་ནི་བཞི་པ་དང་། །རབ་གནས་དང་ནི་སྦྱིན་སྲེག་སྟེ། །དཀྱིལ་འཁོར་གྱི་ནི་ཡན་ལག་མཆོག །འདི་དག་ཆོ་ག་ཉི་ཤུའོ། །ཞེས་དང་། བདེ་བ་ཆེན་པོའི་གཞལ་ཡས་ཁང་ཡིན་པས་ན་གཞལ་ཡས་ཁང་ངོ་། །དཀྱིལ་ནི་སྙིང་པོའི་དོན་ཏོ། །འཁོར་ནི་རྫོགས་པའི་དོན་ཏོ། །དེ་ནི་དཀྱིལ་འཁོར་རོ། །དེ་དག་ཀུན་ཀྱང་ཚིག་གི་དོན་དང་རྒྱ་ཆེར་སྦྱར་རོ། །ཞེས་དང་། ། ༈ ཡང་སྒྲུབ་ཐབས་མདོར་བྱས་སུ། ལྷ་ནི་སུམ་ཅུ་གཉིས་རང་བཞིན། །དཀྱིལ་འཁོར་ཐམས་ཅད་བསྐྱེད་ནས་ནི། །འཁོར་ལོའི་དབུས་སུ་གནས་གྱུར་ན། །དེར་ནི་ཕྲ་མོའི་རྣལ་འབྱོར་བརྩམས། །སྣ་ཡི་རྩེ་མོར་ཡུངས་ཀར་བསམ། །འགྲོ་དང་མི་འགྲོ་ཡུངས་ཀར་ལ། །གསང་བའི་སྔགས་ཀྱི་བརྟག་པ་ཡི། །ཡེ་ཤེས་མཆོག་གི་གནས་བསྒོམ་མོ། །རིན་ཆེན་ཁ་དོག་སྣ་ལྔ་པ། །ཡུངས་ཀར་གྱི་ནི་འབྲུ་ཚད་ཙམ། །སྣ་ཡི་རྩེ་མོར་ནན་ཏན་དུ། །རྣལ་འབྱོར་རིག་པས་རྟག་ཏུ་བསྒོམ། །རིན་ཆེན་བརྟན་པར་གྱུར་ནས་སྤྲོ། །བརྟན་པར་མ་གྱུར་དེ་མི་སྤྲོ། །སངས་རྒྱས་འབར་བའི་འོད་མཉམ་པ། །རབ་མཆོག་སྤྲིན་ནི་སྤྲོ་བར་བྱ། །སློང་མོ་ཟ་ཞིང་མི་བཟླ་སྟེ། །མ་བསླངས་པ་ལའང་ཆགས་མི་བྱ། །འདོད་པ་ཀུན་ལ་ལོངས་སྤྱོད་ཅིང་། །སྔགས་ཀྱི་ཡན་ལག་མ་ཉམས་བཟླས། །བརྗོད་ནས་རྡོ་རྗེ་སྤྲོ་བ་ནི། རྫོགས་ནས་རབ་ཏུ་བསྡུ་བར་བྱ། །འདི་ནི་སངས་རྒྱས་ཐམས་ཅད་ཀྱི། །དོན་དམ་པ་ཡི་བཟླས་པར་བཤད། །ཕྲ་མོའི་རྣལ་འབྱོར་བཟླས་པ་ཡང་། །ཅི་འདོད་པར་ནི་རྣམ་གཉིས་བྱ། །སླར་ཡང་སྔགས་པས་བདག་ཉིད་ནི། །དེ་བཞིན་ཉིད་ལ་གཞུག་པར་བྱ། །སོགས་གསུངས་སོ། ། ༈ སློབ་དཔོན་ཀླུའི་བློས། དེ་ལ་སྐྱེ་གནས་ནི་རྣམ་པ་བཞི་སྟེ། སྒོ་ང་ལས་སྐྱེས་པ་དང་། མངལ་ལས་སྐྱེས་པ་དང་། དྲོད་གཤེར་ལས་སྐྱེས་པ་དང་། བརྫུས་ཏེ་སྐྱེས་པ་དང་། སྒོ་ང་ལས་སྐྱེས་པ་གང་ཞེ་ན། སེམས་ཅན་གང་དག་སྒོ་ང་ལས་སྐྱེ་བར་འགྱུར་རོ། །དེ་དག་ཀྱང་གང་ཞེ་ན། ངང་པ་དང་། ཁྲུང་ཁྲུང་དང་། རྨ་བྱ་དང་། ནེ་ཙོ་དང་། ཤ་རི་ཀ་ལ་སོགས་པའོ། །མངལ་ནས་སྐྱེས་པ་གང་ཞེ་ན། སེམས་ཅན་མངལ་ནས་སྐྱེ་བ་སྟེ། དེ་དག་ཀྱང་གང་ཞེ་ན། གླང་པོ་དང་། རྟ་དང་། བ་ལང་དང་། མ་ཧེ་དང་། བོང་བུ་དང་། ཕག་དང་། མི་ལ་སོགས་པའོ། །དྲོད་གཤེར་ལས་སྐྱེས་པ་གང་ཞེ་ན། སེམས་ཅན་གང་དག་འབྱུང་བའི་དྲོད་ལས་སྐྱེས་པ་སྟེ། དེ་དག་ཀྱང་གང་ཞེ་ན། སྲིན་བུ་དང་། ཕྱེ་མ་ལེབ་དང་། མཆུ་སྦྲང་ལ་སོགས་པའོ། །བརྫུས་ཏེ་སྐྱེས་པ་གང་ཞེ་ན། སེམས་ཅན་གང་དག་དབང་པོ་མ་ཚང་བ་མེད་ཅིང་མ་རྫོགས་པ་མེད་པ་ཡན་ལག་དང་ཉིད་ལག་ཐམས་ཅད་དང་ལྡན་པ་གཅིག་ཅར་སྐྱེས་པ་སྟེ། དེ་དག་ཀྱང་གང་ཞེ་ན། ལྷ་དང་། དམྱལ་བ་དང་། སྲིད་པ་བར་མ་དང་། བསྐལ་པ་དང་པོའི་མི་ལ་སོགས་པའོ། །འདིར་གསོལ་བ་སོགས་སྔར་དྲངས་པ་ལྟར་རོ། །དེའི་འོག་ཏུ་རྣལ་འབྱོར་དང་། རྗེས་སུ་རྣལ་འབྱོར་དང་། ཤིན་ཏུ་རྣལ་འབྱོར་དང་། རྣལ་འབྱོར་ཆེན་པོའི་རིམ་པས་རྡོ་རྗེ་འཆང་ཆེན་པོའི་བདག་ཉིད་དུ་བསྐྱེད་དེ། ཞེས་དང་། གནས་ནི་བསྒོམ་པ་སྔོན་འགྲོ་བས། །རྡོ་རྗེ་གསུམ་བསྐྱེད་བསྒོམ་པར་བྱ། ། ༈གསང་བ་འདུས་པའི་རོ་སྲེག་གི་ཆོ་ག་འཕགས་ལྷས་མཛད་པར། ཆོས་སྐུ་མཁའ་དང་འདྲ་བ་ལས། །ཟུང་འཇུག་ལོངས་སྤྱོད་རྫོགས་པའི་སྐུ། །སྤྲིན་ལྟ་བུ་ནི་འབྱུང་གྱུར་ཅིག །དེ་ལས་སྤྲུལ་སྐུ་ཆར་ལྟ་བུས། །སྲིད་པའི་རྒྱ་མཚོར་སྤྲུལ་གྱུར་ནས། །སེམས་ཅན་ཐམས་ཅད་སྒྲོལ་བར་ཤོག །ཅེས་དང་། ། ༈ འདུས་པའི་རྫོགས་རིམ་མཐར་ཕྱིན་པ་དེ་ཉིད་ཀྱིས་མཛད་པར། །སྟོབས་དབྱེར་མེད། དང་མི་འཇིགས་ལ་སོགས་པའི། །ཆེ་བའི་ཡོན་ཏན་རྣམ་བརྒྱན་པ། །བདེན་གཉིས་སྦྱོར་བའི་ཟུང་འཇུག་སྐུ། །བདེ་བ་ཆེན་པོ་དེས་ཐོབ་འགྱུར། །ཞེས་དང་། ཆོས་སྐུ་སྟོང་རྣམ་ཀུན། པ་མཁའ་འདྲ་ལས། །རྟོག་མེད་ཡེ་ཤེས་འཇའ་ལྟ་བུ། །ཚོགས་དང་སྨོན་ལམ་སྟོབས་དག་གིས། །འབད་པ་མེད་པར་ལྷུན་གྱིས་གྲུབ། །ཅེས་དང་། ཟུང་དུ་འཇུག་སླར་ཡང་རྡོ་རྗེ་ལྟ་བུ། པའི་ཏིང་འཛིན་གྱིས། །ཉོན་སྒྲིབ་ལ་སོགས་རྣམ་སྤངས་ཤིང་། །ཕུན་སུམ་ཚོགས་པ་ཐོབ་འགྱུར་ཏེ། །འདོད་པ་ཙམ་གྱིས་འགྲོ་འོང་སྟོན། །འཇའ་ཚོན་འདྲ་བའི་ལོངས་སྐུ་ལས། །འབད་པ་མེད་པ་སྤྲུལ་པའི་སྐུ། །མཐའ་ཡས་རྡུལ་ཕྲན་ཇི་བཞིན་དུ། །སེམས་ཅན་དོན་ཀུན་མྱུར་བར་མཛད། །ཅེས་དང་། གང་དང་མཁའ་ཁྱབ། གང་གིས་འདུལ་གྱུར་པ། །དེ་དེ་བཞིན་དུ་སོ་སོར་སྣང་། །མོས་པའི་དབང་གིས་ཐ་དད་པར། །སེམས་ཅན་རྣམས་ནི་འདུལ་བར་འགྱུར། །དང་། ལྷུན་གྲུབ་བདེ་བ་ཆེན་པོའི་སྐུ། །རང་སྣང་རིག་མས་ཉེར་བརྒྱན་པ། །འོག་མིན་གནས་སུ་དུས་རྟག་ཏུ། །མཚན་དང་དཔེ་བྱད་བརྒྱན་པས་བཞུགས། །ཞེས་དང་། ཡིད་བཞིན་ནོར་ལྟར་བསམ་ཙམ་གྱིས། །འབད་མེད་བདག་དང་གཞན་གྱི་དོན། །ཆེ་བའི་ཡོན་ཏན་རྣམ་བརྒྱན་སྐུ། །བདེ་བ་ཆེ་ལས་འབྱུང་བར་འགྱུར། །ཞེས་གསུངས་སོ། ། ༈ ཡང་སློབ་དཔོན་ཀླུ་བྱང་གིས། དེ་ཡང་རྟེན་ཅིང་འབྲེལ་བར་འབྱུང་བའི་རྒྱུན་གྱི་སྟོབས་ལས་ཁད་ཀྱིས་རླུང་རྣམས་གཡོས་ཏེ། རླུང་དེ་རྣམས་འཕེལ་བར་གྱུར་པ་ནི། རྔམས་སུ་དཔག་ཚད་འབུམ་ཕྲག་བཅུ་དྲུག་གོ། །རྒྱར་གྲངས་མེད་པའི་རླུང་གི་དཀྱིལ་འཁོར་དེ་ནམ་མཁའི་སྟེང་དུ་ཆགས་པར་གྱུར་ནས། རླུང་གི་དཀྱིལ་འཁོར་དེ་ལས་བྱུང་བའི་ཤིང་རྟའི་འཕང་ལོ་ཙམ་གྱི་ཆར་རྒྱུན་བབས་པར་གྱུར་ཏེ། དེ་ལས་ཆུའི་དཀྱིལ་འཁོར་དུ་གྱུར་ཏེ། དེའི་ཚད་ནི་རྔམས་སུ་འབུམ་ཕྲག་བཅུ་གཅིག་དང་སྟོང་ཕྲག་ཉི་ཤུའོ། །དེ་ཡང་སླར་ཆུ་ལས་རླུང་གིས་བསྲུབས་པས་གསེར་གྱི་རང་བཞིན་གྱི་ས་གཞི་ཆུའི་སྟེང་དུ་ཆགས་ཏེ། དེའི་ཚད་ནི་འབུམ་ཕྲག་གསུམ་དང་སྟོང་ཕྲག་ཉི་ཤུའོ། །མེའི་དཀྱིལ་འཁོར་ཡང་དེ་དག་གི་ནང་ཉིད་དུ་གནས་སོ། །དེ་ལྟར་ཡང་དག་པར་སྒྲུབ་ཅིང་བསྐྱེད་ཅིང་རྣལ་འབྱོར་པས་ནམ་མཁའི་དབྱིངས་ཀྱི་དབུས་གནས་པར། །རླུང་གི་དཀྱིལ་འཁོར་བསྒོམ་པར་བྱ། །ཞེས་པ་ལ་སོགས་པས་དཀྱིལ་འཁོར་བཞིའི་རིམ་པས་སའི་ཆ་བསྐྱེད་པར་བྱའོ། །དེ་ལྟར་སེམས་ཅན་རྣམས་ཀྱི་ལས་ཀྱི་དབང་གིས་ཡང་དག་པར་འབྱུང་བའི་རླུང་རྣམས་ཀྱིས་ཡང་དག་པར་བསྲུབས་པས་གསེར་ལ་སོགས་པའི་ཚོགས་ཀྱིས་བྱས་པའི་རི་རབ་ལ་སོགས་པའི་རི་དང་། ལྷའི་གཞལ་མེད་ཁང་དང་། གླིང་ལྕགས་རིས་བསྐོར་བ་ཚུན་ཆད་དུ་ཤིང་དང་། ལྗོན་པ་དང་། ལྕུགས་མ་ལ་སོགས་པ་འབྱུང་བར་འགྱུར་རོ། །སྲིད་པའི་རིམ་པ་དེ་ལྟར་སྒོམ་པར་བྱེད་པ་རྣམས་ཀྱིས་དེར་ནི་ཞེས་བྱ་བ་ལ་སོགས་པའི་གཞུང་གིས་སྟོང་པ་ཉིད་དམིགས་པ་སྔོན་དུ་སོང་བས་དཀྱིལ་འཁོར་བཞིའི་རིམ་པས་སའི་ཆ་བསྐྱེད་ལ། དེའི་སྟེང་དུ་གཞལ་ཡས་ཁང་བསྐྱེད་པར་བྱའོ། །ཞེས་བསྟན་པར་འགྱུར་རོ། །དེ་ནས་རྣམ་པར་ཤེས་པའི་བདག་པོ་རྡོ་རྗེ་འཆང་ཆེན་པོ་སེམས་ཅན་སྐྱེད་པར་མཛད་པ་པོས་སྣོད་ཀྱི་འཇིག་རྟེན་བསྐྱེད་པའི་འོག་ཏུ་སེམས་ཅན་གྱི་ཁམས་ངེས་པར་སྤྲུལ་པར་མཛད་དེ། གནས༴ རྡོ་རྗེ༴ ཞེས་གསུངས་པའི་ཕྱིར་རོ། །དེར་སྐྱེ་གནས་བཞི་པོ་འདི་ལྟ་སྟེ། སོགས་སྔར་དྲངས་པ་ལྟར་རོ། ། ༈

[edit]

slob dpon nA ga bo d+his mdzad pa'i gsang ba 'dus pa'i man ngag rnams las khol phyung / slob dpon nA ga bo d+his mdzad pa'i dkyil chog nyi shu par/__dang por sa ni sbyong ba 1dang /__/de nas sa yongs 'dzin pa dang /__/phyi nas bgegs ni nyer zhi dang /__/thod le dkar pos thig gdab 4dang /__/de nas sa lha sogs lhag par6/__/gnas dang de nas gsol gdab dang /__/phyi nas slob ma lhar gnas dang /__/nam mkha'i thig ni gdab pa dang /__/tshon sna lnga yi cho ga dang /__/tshon rtsi rnams ni dgye ba dang /__/lha rnams spyan drangs nyid dang ni/__/de nas slob ma gzhug pa dang /__/khrus kyi dkyil 'khor cho ga dang /__/de nas sangs rgyas dbang bskur dang /__/de nas phyag mtshan dbang bskur dang /__/bla ma lha dang yon gnyis dang /__/rjes su gnang ba sbyin pa dang /__/de nas gshegs gsol cho ga dang /__/dkyil 'khor las ched phur pa dang /__/skud pa nyid kyang bsdu ba ste/__/rab bshad cho ga nyi shu yis/__/ji lta ji ltar rgyas shes pa'i/__/rdo rje slob dpon mkhas pa yis/__/rdul tshon dkyil 'khor bri bar bya/__/zhes so/__/yang /__rin chen sa bon de bzhin dang /__/me tog tshon dang de bzhin du/__/bye ma gso dang phye ma ste/__/de bzhin nyid kyi dkyil 'khor bden/__/ces dang /__de bzhin gshegs pas rdo rje yi/__/theg par slob dpon rnam gnyis gsungs/__/gcig ni gsang sngags gtsor byed 'gyur/__/gcig ni bsam gtan la gzhol ba/__/gsang sngags sgra gnas rnal 'byor ba/__/lha la dmigs pa lhur len pas/__/de la mtshan ma rnyed gyur te/__/rdul tshon dkyil 'khor bri bar bya/__/gsang sngags tshul gnas rnal 'byor pa/__/gnyis med ye shes sbyor ldan pas/__/sgyu ma lta bu'i tshul gyis ni/__/'khor lo sgyu ma bri bar bya/__/zhes dang /____/_!_yang des mdzad pa'i las kyi mtha' rnam par 'byed par/__ye shes gsum las rnam byung ba/__/khams bzhi dang ni dbang po drug__/phung po lnga dang sgo dgu dang /__/'gro ba gsum po phal cher ni/__/skye gnas rnam pa bzhi yin te/__/sgong skyes dang ni mngal skyes dang /__/drod gsher skyes ni gsum pa yin/__/bzhi pa yang ni rdzus skyes so/__/zhes dang /__dang po ma rig shes par bya/__/gnyis pa de bzhin sems las byung /__/gsum pa sems zhes bya 'di rnams/__/stong nyid gsum du brjod pa yin/__/sogs dang /__stong nyid gsum lus byung ba'i rlung /__/de nyid dang ni kun tu gnas/__/de yi bzhon pa nyid 'gyur te/__/bdag nyid kyang ni stong pa'i phyir/__/rnam shes las ni rlung 'byung ste/__/de las me ni yang dag 'byung /__/de las chu ni 'byung bar 'gyur/__/de las yang ni sa 'byung ngo /__/de las yang ni phung po 'byung /__/de las yang ni skye mched 'byung /__/de las ye shes rang bzhin rnams/__/brgya dang drug cu bcas dang slar/__/skad cig 'dod chags bral dang 'jigs/__/sogs dang /__sngon ni ji ltar 'ongs pa bzhin/__/rim pa 'di yis thim 'gyur te/__/dang po sa ni chu la 'jug__/chu ni me la thim 'gyur zhing /__/me ni rlung la thim par 'gyur/__/rlung ni rnam par shes la 'jug__/rnam shes 'dzin par gshegs nas su/__/'od gsal bar ni de la zhugs/__/de las dri za nyid gyur nas/__/las kyis bskul las skye bar 'gyur/__/zhes dang /____/_!_yang des mdzad pa'i rim pa'i khongs su bsdu ba'i man ngag ces par/__mi pham 'phags pas sbyin sogs la/__/dbye ba sum cu drug bdag nyid/__/ji skad gsungs pa de bzhin 'dir/__/rim rnams dbye bsal 'dir brjod bya/__/zhes sogs kyis bskyed rim dang /__rdor bzlas/__sems dmigs bdag byin rlabs/__mngon par byang chub/__zung du 'jug pa rnams la so so'i rim pa lnga re ste sum cur phye bar snang ngo /____/_!_slob dpon klus mdzad pa'i sgrub thabs mdo bsrer lung drangs pa/__nam mkha'i dkyil 'khor dbus gnas par/__/sangs rgyas dkyil 'khor bsgom pa ni/__/'od zer sprin gyi tshogs chen po/__/sangs rgyas 'bar ba'i 'od dang ldan/__/'od zer sna lngas kun tu khyab/__/kun nas yongs su zlum po de/__/'dod pa'i yon tan lnga yis brgyan/__/mchod pa rnam pa lngas brgyan pa/__/mdor na de ltar bsgoms nas su/__/gzugs ni dbus su bsgom par bya/__/zhes dang /__yi dam bcas pa rdzogs nas kyang /__/sngags kyi gnas ni bsrung bar bya/__/bsam gtan sbyor ba 'di yis ni/__/gnas nas sangs rgyas byin gyis rlobs/__/zhes dang /__da ni mdor bsdu nas bshad par bya ste/__de la thog mar gnas nges pa dang /__snying rje chen po la dmigs pa dang /__srung ba'i 'khor lo bsgom pa dang /__stong de ting /__pa nyid la dmigs pa dang /__sa'i cha bskyed pa dang /__'khor snod/__gzhal yas khang dang /__dkyil 'khor bcud/__dgod pa dang /__don dam pa'i dkyil 'khor la 'jug pa dang /__ldang ba dang /__nyi ma'i dkyil 'khor la dmigs pa dang /__mthar zla ba'i dkyil/__'byung rim dang /__rdo rje 'chang chen po bskyed pa dang /__sngags kyi byin gyis brlabs pas phung po la sogs pa dgang ba dang /__sku gsung thugs byin gyis brlabs pa dang ldan pa'i 'dus byas pa dang /__rdo rje dang pad+ma 'dus byas pa dang /__rjes su chags pa'i rdo rje byin gyis brlabs pa dang /__dkyil 'khor 'byung ba dang /__phra mo'i sbyor ba dang /__rdo rje'i bzlas pa dang /__ngag gi bzlas pa dang /__don dam pa la zhugs pa dang /__rab tu bskul nas bslang ba dang /__bstod pa bya ba dang /__nye bar bsdu ba dang /__las kyi rab tu dbye ba rnams su shes par bya'o/__/zhes so/____/_!_des mdzad pa'i dkyil 'khor gyi cho gar/__sngon du bsnyen pa byas nas su/__/de nas dkyil 'khor bri bar bya/__/gang zhig yid 'ong gnas su ni/__/dri bzang tsan+dan sogs kyis byugs/__/dri zhim me tog mchog bkram nas/__/shar phyogs su ni kha bltas la/__/sems dpa'i skyil mo krung gnas te/__/'khor ba'i 'dam du bying ba yi/__/'gro la phan dang bskyab pa'i phyir/__/snying rje chen pos dmigs par bya/__/bka' yi 'khor lo sngon 'gro ba'i/__/bsnyen dang nyer sgrub sgrub pa dang /__/sgrub chen la ni mkhas pa yis/__/sbyor ba gsum gyi mthar thug par/__/rdo rje'i bzlas dang rjes mthun par/__/ngag gi bzlas pa'i tshul nyid kyis/__/dkyil 'khor gtso bo'i 'bum du bzlas/__/de bzhin gzhan pa'i khri ru bzlas/__/mtshan ma nges par thob pa'am/__/yang na bsnyen pa'i sbyor goms pas/__/dkyil 'khor yongs su bri bar bya/__de la dkyil 'khor cho ga ni/__/yan lag rnam phyed nyi shu ste/__/sa gzhi sbyong dang byin rlabs pa/__/yongs su bzung dang srung ba dang /__/sa yi lha dang dkyil 'khor dang /__/bum pa rnams dang slob ma dag__/sta gon du ni gnas pa dang /__/thig gdab pa yi cho ga dang /__/de bzhin rdul tshon dbye ba dang /__/dkyil 'khor byin gyis brlabs pa dang /__/de la mchod pa'i bye brag dang /__/slob dpon bdag nyid 'jug pa dang /__/de bzhin slob ma gzhug pa dang /__/bum pa'i dbang dang gsang dbang dang /__/shes rab ye shes dbang dang ni/__/de bzhin du ni bzhi pa dang /__/rab gnas dang ni sbyin sreg ste/__/dkyil 'khor gyi ni yan lag mchog__/'di dag cho ga nyi shu'o/__/zhes dang /__bde ba chen po'i gzhal yas khang yin pas na gzhal yas khang ngo /__/dkyil ni snying po'i don to/__/'khor ni rdzogs pa'i don to/__/de ni dkyil 'khor ro/__/de dag kun kyang tshig gi don dang rgya cher sbyar ro/__/zhes dang /____/_!_yang sgrub thabs mdor byas su/__lha ni sum cu gnyis rang bzhin/__/dkyil 'khor thams cad bskyed nas ni/__/'khor lo'i dbus su gnas gyur na/__/der ni phra mo'i rnal 'byor brtsams/__/sna yi rtse mor yungs kar bsam/__/'gro dang mi 'gro yungs kar la/__/gsang ba'i sngags kyi brtag pa yi/__/ye shes mchog gi gnas bsgom mo/__/rin chen kha dog sna lnga pa/__/yungs kar gyi ni 'bru tshad tsam/__/sna yi rtse mor nan tan du/__/rnal 'byor rig pas rtag tu bsgom/__/rin chen brtan par gyur nas spro/__/brtan par ma gyur de mi spro/__/sangs rgyas 'bar ba'i 'od mnyam pa/__/rab mchog sprin ni spro bar bya/__/slong mo za zhing mi bzla ste/__/ma bslangs pa la'ang chags mi bya/__/'dod pa kun la longs spyod cing /__/sngags kyi yan lag ma nyams bzlas/__/brjod nas rdo rje spro ba ni/__rdzogs nas rab tu bsdu bar bya/__/'di ni sangs rgyas thams cad kyi/__/don dam pa yi bzlas par bshad/__/phra mo'i rnal 'byor bzlas pa yang /__/ci 'dod par ni rnam gnyis bya/__/slar yang sngags pas bdag nyid ni/__/de bzhin nyid la gzhug par bya/__/sogs gsungs so/____/_!_slob dpon klu'i blos/__de la skye gnas ni rnam pa bzhi ste/__sgo nga las skyes pa dang /__mngal las skyes pa dang /__drod gsher las skyes pa dang /__brdzus te skyes pa dang /__sgo nga las skyes pa gang zhe na/__sems can gang dag sgo nga las skye bar 'gyur ro/__/de dag kyang gang zhe na/__ngang pa dang /__khrung khrung dang /__rma bya dang /__ne tso dang /__sha ri ka la sogs pa'o/__/mngal nas skyes pa gang zhe na/__sems can mngal nas skye ba ste/__de dag kyang gang zhe na/__glang po dang /__rta dang /__ba lang dang /__ma he dang /__bong bu dang /__phag dang /__mi la sogs pa'o/__/drod gsher las skyes pa gang zhe na/__sems can gang dag 'byung ba'i drod las skyes pa ste/__de dag kyang gang zhe na/__srin bu dang /__phye ma leb dang /__mchu sbrang la sogs pa'o/__/brdzus te skyes pa gang zhe na/__sems can gang dag dbang po ma tshang ba med cing ma rdzogs pa med pa yan lag dang nyid lag thams cad dang ldan pa gcig car skyes pa ste/__de dag kyang gang zhe na/__lha dang /__dmyal ba dang /__srid pa bar ma dang /__bskal pa dang po'i mi la sogs pa'o/__/'dir gsol ba sogs sngar drangs pa ltar ro/__/de'i 'og tu rnal 'byor dang /__rjes su rnal 'byor dang /__shin tu rnal 'byor dang /__rnal 'byor chen po'i rim pas rdo rje 'chang chen po'i bdag nyid du bskyed de/__zhes dang /__gnas ni bsgom pa sngon 'gro bas/__/rdo rje gsum bskyed bsgom par bya/___/_!gsang ba 'dus pa'i ro sreg gi cho ga 'phags lhas mdzad par/__chos sku mkha' dang 'dra ba las/__/zung 'jug longs spyod rdzogs pa'i sku/__/sprin lta bu ni 'byung gyur cig__/de las sprul sku char lta bus/__/srid pa'i rgya mtshor sprul gyur nas/__/sems can thams cad sgrol bar shog__/ces dang /____/_!_'dus pa'i rdzogs rim mthar phyin pa de nyid kyis mdzad par/__/stobs dbyer med/__dang mi 'jigs la sogs pa'i/__/che ba'i yon tan rnam brgyan pa/__/bden gnyis sbyor ba'i zung 'jug sku/__/bde ba chen po des thob 'gyur/__/zhes dang /__chos sku stong rnam kun/__pa mkha' 'dra las/__/rtog med ye shes 'ja' lta bu/__/tshogs dang smon lam stobs dag gis/__/'bad pa med par lhun gyis grub/__/ces dang /__zung du 'jug slar yang rdo rje lta bu/__pa'i ting 'dzin gyis/__/nyon sgrib la sogs rnam spangs shing /__/phun sum tshogs pa thob 'gyur te/__/'dod pa tsam gyis 'gro 'ong ston/__/'ja' tshon 'dra ba'i longs sku las/__/'bad pa med pa sprul pa'i sku/__/mtha' yas rdul phran ji bzhin du/__/sems can don kun myur bar mdzad/__/ces dang /__gang dang mkha' khyab/__gang gis 'dul gyur pa/__/de de bzhin du so sor snang /__/mos pa'i dbang gis tha dad par/__/sems can rnams ni 'dul bar 'gyur/__/dang /__lhun grub bde ba chen po'i sku/__/rang snang rig mas nyer brgyan pa/__/'og min gnas su dus rtag tu/__/mtshan dang dpe byad brgyan pas bzhugs/__/zhes dang /__yid bzhin nor ltar bsam tsam gyis/__/'bad med bdag dang gzhan gyi don/__/che ba'i yon tan rnam brgyan sku/__/bde ba che las 'byung bar 'gyur/__/zhes gsungs so/__/_!_yang slob dpon klu byang gis/__de yang rten cing 'brel bar 'byung ba'i rgyun gyi stobs las khad kyis rlung rnams g.yos te/__rlung de rnams 'phel bar gyur pa ni/__rngams su dpag tshad 'bum phrag bcu drug go/__/rgyar grangs med pa'i rlung gi dkyil 'khor de nam mkha'i steng du chags par gyur nas/__rlung gi dkyil 'khor de las byung ba'i shing rta'i 'phang lo tsam gyi char rgyun babs par gyur te/__de las chu'i dkyil 'khor du gyur te/__de'i tshad ni rngams su 'bum phrag bcu gcig dang stong phrag nyi shu'o/__/de yang slar chu las rlung gis bsrubs pas gser gyi rang bzhin gyi sa gzhi chu'i steng du chags te/__de'i tshad ni 'bum phrag gsum dang stong phrag nyi shu'o/__/me'i dkyil 'khor yang de dag gi nang nyid du gnas so/__/de ltar yang dag par sgrub cing bskyed cing rnal 'byor pas nam mkha'i dbyings kyi dbus gnas par/__/rlung gi dkyil 'khor bsgom par bya/__/zhes pa la sogs pas dkyil 'khor bzhi'i rim pas sa'i cha bskyed par bya'o/__/de ltar sems can rnams kyi las kyi dbang gis yang dag par 'byung ba'i rlung rnams kyis yang dag par bsrubs pas gser la sogs pa'i tshogs kyis byas pa'i ri rab la sogs pa'i ri dang /__lha'i gzhal med khang dang /__gling lcags ris bskor ba tshun chad du shing dang /__ljon pa dang /__lcugs ma la sogs pa 'byung bar 'gyur ro/__/srid pa'i rim pa de ltar sgom par byed pa rnams kyis der ni zhes bya ba la sogs pa'i gzhung gis stong pa nyid dmigs pa sngon du song bas dkyil 'khor bzhi'i rim pas sa'i cha bskyed la/__de'i steng du gzhal yas khang bskyed par bya'o/__/zhes bstan par 'gyur ro/__/de nas rnam par shes pa'i bdag po rdo rje 'chang chen po sems can skyed par mdzad pa pos snod kyi 'jig rten bskyed pa'i 'og tu sems can gyi khams nges par sprul par mdzad de/__gnas=_rdo rje=__zhes gsungs pa'i phyir ro/__/der skye gnas bzhi po 'di lta ste/__sogs sngar drangs pa ltar ro/____/_!