ཨཱརྻ་དེ་ཝའི་སྤྱོད་བསྡུས་སྒྲོན་མ་ལས་ཟབ་གནད་གཅེས་བཏུས་སོགས་དང་།

🚧 This website is under continued development. We appreciate your patience!

Previous Text Back to Volume PageNext Text

Wylie title	Ar+Ya de wa'i spyod bsdus sgron ma las zab gnad gces btus sogs dang
Location	mkhyen brtse'i bka' 'bum Volume 5, sde tshan 2, Text 12, Pages 423-481 (Folios 178a5 to 207a5)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. Ar+Ya de wa'i spyod bsdus sgron ma las zab gnad gces btus sogs dang. In 'jam dbyangs mkhyen brtse'i dbang po'i bka' 'bum, Vol. 5: 423-481. Khams sde dge rdzong sar dgon: Rdzong sar blo gros phun tshogs, 2020.
Genre	Completion Stage - rdzogs rim  ·  Detailed Explanation - rnam bshad

1 Texts in this Section (sde tshan or chos tshan)

12 423-481	ཨཱརྻ་དེ་ཝའི་སྤྱོད་བསྡུས་སྒྲོན་མ་ལས་ཟབ་གནད་གཅེས་བཏུས་སོགས་དང་། Ar+Ya de wa'i spyod bsdus sgron ma las zab gnad gces btus sogs dang Completion Stage - rdzogs rim   ·   Detailed Explanation - rnam bshad	Text page View PDF
	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)

Tibetan Text

Wylie

[edit]

སློབ་དཔོན་ཨཱརྻ་དེ་ཝས་མཛད་པའི་རིམ་ལྔའི་དོན་གསལ་བར་བྱེད་པའི་བསྟན་བཅོས་སྤྱོད་བསྡུས་སྒྲོན་མར། དངོས་མེད་རྣམ་དག་ནམ་མཁའ་མཉམ་ལ་ཕྱག་འཚལ་ལོ། །མ་ལུས་ཚིག་མེད་ཡི་གེ་བྲལ་ལ་ཕྱག་འཚལ་ལོ། །འདས་དང་མ་བྱོན་ཀུན་ཏུ་སོན་ལ་ཕྱག་འཚལ་ལོ། །ཀུན་ཏུ་མ་ལུས་ཐམས་ཅད་སྟོང་ལ་ཕྱག་འཚལ་ལོ། །ཞེས་དང་། སྔགས་ཀྱི་དེ་ཁོ་ན་ཉིད་དང་། ཕྱག་རྒྱའི་དེ་ཁོ་ན་ཉིད་དང་། བདག་གི་དེ་ཁོ་ན་ཉིད་དང་། ཆོས་ཀྱི་དེ་ཁོ་ན་ཉིད་དང་། ལྷའི་དེ་ཁོ་ན་ཉིད་དེ། གོ་རིམ་རྣམ་པ་ལྔ་གསལ་བར་བྱ་བའི་ཕྱིར། ཞེས་དང་། རྡོ་རྗེ་གཙུག་ཏོར་གྱི་རྒྱུད་ལས་དྲངས་པ། ཕྱག་ན་རྡོ་རྗེས་གསོལ་བ། བཅོམ་ལྡན་འདས་ཆོས་ཐམས་ཅད་ཀྱི་གནས་དོན་དམ་པའི་བདེན་པ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ། ཆོས་ཐམས་ཅད་ནི་ཕུང་པོ་ཁམས་དང་སྐྱེ་མཆེད་རྣམས་དང་། འགྲོ་བ་རྒྱུ་བ་དང་མི་རྒྱུ་བ་རྣམས་ཏེ། དེ་ཡང་དོན་དམ་པའི་བདེན་པ་ལ་གནས་མེད་པའི་ཚུལ་གྱིས་དོན་དམ་པའི་བདེན་པ་ནི་བདག་མེད་པ། ཟིལ་གྱིས་མི་ནོན་པ། ཐམས་ཅད་སྟོང་པ་སྟེ། འཕེལ་བ་མེད་པ། འགྲིབ་པ་མེད་པ། རྣམ་པར་དག་པ། ནམ་མཁའ་དང་མཉམ་པ་དྲི་མ་མེད་པའི་ངོ་བོ་ཉིད། ཡི་གེ་མེད་པ། ཚིག་མེད་པ། ལུས་དང་ངག་དང་ཡིད་དང་བྲལ་བ། ཡོད་པ་མ་ཡིན། མེད་པ་མ་ཡིན། རྒྱུ་བ་མ་ཡིན། མི་རྒྱུ་བ་མ་ཡིན། ཐག་རིང་བ་མ་ཡིན། ཐག་ཉེ་བ་མ་ཡིན། སྟོང་པ་མ་ཡིན། མི་སྟོང་པ་མ་ཡིན། དབུ་མ་ཡང་མ་ཡིན་པ་འདི་ནི་དོན་དམ་པའི་བདེན་པའོ། །དེ་བས་ནི་ཆེས་མཆོག་ཏུ་ཟབ་པ་དང་། འཇུག་པར་དཀའ་བ་དང་། སྐྱེ་བ་མེད་པ་དང་། འགག་པ་མེད་པའོ། །རྒྱུ་རྐྱེན་གྱིས་འབྱུང་བ་ནི་ཀུན་རྫོབ་ཀྱི་བདེན་པ་སྟེ། དེ་ནི་ཇི་སྲིད་དུ་རྨི་ལམ་དང་། མིག་འཕྲུལ་དང་། གཟུགས་བརྙན་ལྟར་སྣང་བ་ལྡན་པ་སྒྱུ་མ་ལྟ་བུའི་ཏིང་ངེ་འཛིན་ཏེ། རང་གི་མཚན་ཉིད་ཚངས་པའི་གནས་པ་བཞིའི་རྒྱུར་གྱུར་པ་ནི་ཀུན་རྫོབ་ཀྱི་བདེན་པའོ། །དེ་གཉིས་ཟུང་དུ་འབྲེལ་བར་འཇུག་པའི་རིམ་པ་འདི་ནི་ཡང་དག་པའི་ཚུལ་གྱི་བདག་ཉིད་ཀྱི་ཏིང་ངེ་འཛིན་ཏེ། དམིགས་པ་ཐམས་ཅད་ཉེ་བར་ཞི་བ་གང་ཡིན་པའི་དེ་ཁོ་ན་ཉིད་ཅེས་བྱའོ། །ཞེས་དང་། ལང་གཤེགས་ལས་དྲངས་པ། བཅོམ་ལྡན་འདས་རང་གི་སེམས་སྣང་བའི་རྒྱུད་གཅིག་ཅར་རམ། རིམ་གྱིས་འཇུག་པས་སམ། ཇི་ལྟར་རྣམ་པར་དག་པར་འགྱུར། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་ཆེན་པོ་རང་གི་སེམས་སྣང་བའི་རྒྱུད་རིམ་གྱིས་འཇུག་པས་རྣམ་པར་དག་སྟེ་གཅིག་ཅར་ནི་མ་ཡིན་ནོ། །འདི་ལྟ་སྟེ། བློ་གྲོས་ཆེན་པོ་ཤིང་ཨ་མྲའི་འབྲས་བུ་རིམ་གྱིས་སྨིན་པར་འགྱུར་གྱི་གཅིག་ཅར་ནི་མ་ཡིན་ནོ། །ཞེས་སོགས་འཕང་སློབ་པའི་དཔེ་དང་བཅས་པས་རྒྱས་པར་བཤད་མཐར། ཡང་ཚུལ་འདི་ཉིད་ཀྱིས་རྡོ་རྗེའི་ཐེག་པ་ལ་གནས་པའི་དཔའ་བར་འགྲོ་བའི་ཏིང་ངེ་འཛིན་ལ་སློབ་པར་འདོད་པས་ཀྱང་རིམ་པ་འདི་ཉིད་ལ་བསླབ་པར་བྱའོ། །དེའི་རིམ་པའང་འདི་ཡིན་ཏེ། ཐོག་མ་ཉིད་དུ་སངས་རྒྱས་ཀྱི་ཐེག་པའི་བསམ་པ་ལ་སློབ་བོ། །གང་གི་ཚེ་སངས་རྒྱས་ཀྱི་ཐེག་པའི་བསམ་པ་ལོབས་པར་གྱུར་པ་དེའི་ཚེ་ཐེག་པ་སར་པ་དྲན་པ་གཅིག་པའི་ཏིང་ངེ་འཛིན་ལ་སློབ་བོ། །གང་གིས་ཐེག་པ་གསར་པ་དྲན་པ་གཅིག་བའི་ཏིང་ངེ་འཛིན་ལ་ལོབས་པ་དེའི་ཚེ་རྟོག་པའི་རྣལ་འབྱོར་ལ་སློབ་བོ། །གང་གི་ཚེ་རྟོག་པའི་རྣལ་འབྱོར་ལ་ལོབས་པ་དེའི་ཚེ་ལས་དང་པོ་པའི་ཏིང་ངེ་འཛིན་ལ་རབ་ཏུ་གནས་པར་འགྱུར་རོ། །གང་གི་ཚེ་ལས་དང་པོ་པའི་ཏིང་ངེ་འཛིན་ལ་གནས་པ་དེའི་ཚེ་རིགས་བརྒྱའི་དབྱེ་བ་ལ་འཇུག་གོ །གང་གི་ཚེ་རིགས་བརྒྱའི་དབྱེ་བ་ལ་མཁས་པས་ལུས་རྣམ་པར་དབེན་པ་ཤེས་པ་དེའི་ཚེ་སྐུ་རྡོ་རྗེའི་ཏིང་ངེ་འཛིན་ལ་གནས་པར་འགྱུར་རོ། །ལུས་རྣམ་པར་དབེན་པ་ལ་གནས་ནས་ཨཱ་ལི་ཀཱ་ལིའི་སྒོ་ནས་ངག་རྣམ་པར་དབེན་པ་ལ་འཇུག་གོ །གང་གི་རྡོ་རྗེའི་བཟླས་པའི་རིམ་གྱིས་སྲོག་དང་རྩོལ་བ་ཤེས་པ་དེའི་ཚེ་གསུང་རྡོ་རྗེའི་ཏིང་ངེ་འཛིན་ལ་རབ་ཏུ་གནས་པར་འགྱུར་རོ། །ངག་རྣམ་པར་དབེན་པ་ལ་གནས་ནས་རང་བཞིན་གྱིས་སྣང་བའི་རིམ་གྱིས་སེམས་རྣམ་པར་དབེན་པ་ལ་འཇུག་གོ །གང་གི་ཚེ་རང་བཞིན་གྱིས་སྣང་བ་ལ་རླུང་གི་བཞོན་པའི་རབ་ཏུ་དབྱེ་བས་ཡང་དག་པ་ཇི་ལྟ་བ་བཞིན་དུ་ལོབས་པ་དེའི་ཚེ་སེམས་ཀྱི་ཏིང་ངེ་འཛིན་ལ་སྙོམས་པར་འཇུག་པར་འགྱུར་རོ། །སེམས་ཡང་དག་པ་ཇི་ལྟ་བ་བཞིན་ཡོངས་སུ་ཤེས་པ་ལ་གནས་ནས་སྒྱུ་མའི་དཔེ་བཅུ་གཉིས་ཀྱིས་ཀུན་རྫོབ་ཀྱི་བདེན་པ་ལ་འཇུག་གོ། །གང་གི་ཚེ་སྒྱུ་མ་ལྟ་བུའི་ཏིང་ངེ་འཛིན་ལ་སྙོམས་པར་འཇུག་པ་དེའི་ཚེ་སངས་རྒྱས་ཀྱི་དབང་བསྐུར་བ་ཐོབ་བོ། །གང་གི་ཚེ་དབང་བསྐུར་བ་ཐོབ་པ་དེའི་ཚེ་སྒྱུ་མ་ལྟ་བུའི་ཏིང་ངེ་འཛིན་ལ་གནས་ནས་སྟོང་པ་ཆེན་པོ་བཅོ་བརྒྱད་ཀྱི་རིམ་གྱིས་དོན་དམ་པའི་བདེན་པ་ལ་འཇུག་གོ །གང་གི་ཚེ་རིལ་པོར་འཛིན་པ་དང་རྗེས་སུ་གཞིག་པའི་ཏིང་ངེ་འཛིན་གྱིས་ཡང་དག་པའི་མཐའ་ལ་འཇུག་པ་དེའི་ཚེ་ཉོན་མོངས་པ་ཐམས་ཅད་རྣམ་པར་དག་པར་འགྱུར་རོ། །གང་གི་ཚེ་ཡེ་ཤེས་ཀྱིས་རིམ་གྱིས་ལྡང་བའི་ཕྱིར་རང་བཞིན་གྱིས་འོད་གསལ་བའི་བདེན་པ་གཉིས་ལ་གཉིས་སུ་མེད་པའི་རྣམ་པས་བདག་ཉིད་མངོན་པར་རྫོགས་པར་སངས་རྒྱས་པ་དེའི་ཚེ་རྫོགས་པའི་ཏིང་ངེ་འཛིན་ལ་ལོབས་པར་འགྱུར་བ་ཡིན་ནོ། །གང་གི་ཚེ་རྫོགས་པའི་ཏིང་ངེ་འཛིན་ལ་སྙོམས་པར་ཞུགས་པའི་རྣལ་འབྱོར་པས་ནི་ཕྱིས་ཆོས་གང་ཡང་མི་སློབ་བོ། །དེ་ཅིའི་ཕྱིར་ཞེ་ན། སྔོན་ལེགས་པར་བསླབས་པའི་ཕྱིར་ཏེ་ཇི་ལྟར་འཕང་གི་སློབ་དཔོན་ནི་སྒྲས་མཚོན་པ་ལ་འཕོག་པར་བྱེད་པར་གནས་པས་ཕྱིས་གང་དུ་ཡང་མི་སློབ་བོ། །དེ་ཅིའི་ཕྱིར་ཞེ་ན། སྔོན་ལེགས་པར་བསླབས་པའི་ཕྱིར་སྔོན་གྱི་འཕེན་ཤུགས་ཀྱི་སྟོབས་ཀྱིས་མངོན་དུ་འགྱུར་རོ། །དེ་བཞིན་དུ་རྫོགས་པའི་ཏིང་ངེ་འཛིན་ལ་རབ་ཏུ་གནས་པ་ནི་ཕྱིས་གང་ལ་ཡང་སློབ་པར་མི་འགྱུར་ཏེ། སྔོན་ཤིན་ཏུ་ལེགས་པར་བསླབས་པའི་ཕྱིར་དེ་ཡིས་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་དག་ནི་ལྷུན་གྱིས་གྲུབ་པ་ཉིད་དུ་མངོན་སུམ་དུ་འགྱུར་རོ། །དེ་བཞིན་དུ་རྫོགས་པའི་རིམ་པའི་ཏིང་ངེ་འཛིན་ལ་སློབ་པར་བྱེད་པས་ཀྱང་རིམ་གྱིས་འཇུག་པས་བསླབ་པར་བྱའི། གཅིག་ཅར་ནི་མ་ཡིན་ནོ། །དེ་བས་ན་ལུས་རྣམ་པར་དབེན་པ་མེད་པར་ངག་རྣམ་པར་དབེན་པ་ཤེས་པར་མི་ནུས་སོ། །ངག་རྣམ་པར་དབེན་པ་དང་བྲལ་བས་ནི་སེམས་རྣམ་པར་དབེན་པ་རྟོགས་མི་ནུས་སོ། །སེམས་ཀྱི་རང་བཞིན་སྣང་བའི་ཏིང་ངེ་འཛིན་མེད་པར་ཀུན་རྫོབ་ཀྱི་བདེན་པ་མངོན་སུམ་དུ་བྱ་བར་མི་ནུས་སོ། །ཀུན་རྫོབ་ཀྱི་བདེན་པ་རྟོགས་པ་དང་བྲལ་བས་ནི་དོན་དམ་པའི་བདེན་པ་མངོན་སུམ་དུ་བྱ་མི་ནུས་སོ། །དོན་དམ་པའི་བདེན་པ་རྟོགས་པ་མེད་པར་ནི་ཟུང་དུ་འཇུག་པའི་རིམ་པ་མངོན་སུམ་དུ་བྱ་བར་མི་ནུས་སོ། །བཅོམ་ལྡན་འདས་ཀྱིས་ཀྱང་དོན་གྱི་དབང་གིས་འདི་གཟིགས་ནས་རིམ་གྱིས་འཇུག་པར་བསླབ་པར་བྱའི། གཅིག་ཅར་ནི་མ་ཡིན་ནོ། །རིམ་གྱིས་འཇུག་པས་རྫོགས་པའི་རིམ་པ་ལ་བསླབས་པས་གཅིག་ཅར་རང་གི་རྒྱུད་རྣམ་པར་དག་པར་འགྱུར་ཏེ། ཞེས་སོགས་ལུང་དང་བཅས་པར་གསུངས་སོ།

།ལེའུ་གཉིས་པ་ལུས་རྣམ་པར་དབེན་པར། ཟླ་གསང་ཐིག་ལེར། རིགས་ནི་རྣམ་པ་བརྒྱར་བསྟན་ཏེ། །མདོ་རུ་བསྡུ་ན་རྣམ་པ་ལྔ། །ལུས་དང་ངག་ཡིད་སྦྱོར་བ་ཡིས། །གསུམ་དུ་ཡང་ནི་འགྱུར་བ་ཡི། །ཞེས་པའི་དོན་རྒྱས་པར་བཤད་དེ། དེ་ཡང་ཕུང་༥པོ། ཁམས༤། དབང་༥པོ། ཡུལ་༥རྣམས་རིགས་ལྔས་བྱིན་གྱིས་བརླབས་༩༥པས་དང་། ཐུན་མོང་དུ་ཡེ་ཤེས་ལྔས་བྱིན་གྱིས་བརླབས་༡༠༠པའི་ཚུལ་གྱིས་ཕྱེ་ཚུལ་རྒྱས་པར་བསྟན་མཐར། ཕུང་པོ་ཁམས་དང་དེ་བཞིན་སྐྱེ་མཆེད་རྣམས། །ལྔ་པོ་དབྱེ་བ་ལྔ་རུ་བྱས་པ་ལ། །དེ་བཞིན་གཤེགས་པས་སོ་སོར་བྱིན་བརླབས་ན། །འཁོར་བའི་ལས་རྣམས་དག་ནི་ངག་ལས་འབྱུང་། །དེ་བཞིན་དབང་པོ་ཕྱི་རོལ་ཡུལ་བཅས་ལྔ། །རེ་རེ་ཞིང་ཡང་བདེ་གཤེགས་ལྔ་རྣམས་ཀྱིས། །དེ་ལ་རང་རང་རྟག་ཏུ་བྱིན་རློབ་ཅིང་། །ཡེ་ཤེས་ལྔ་དང་གསུམ་དུའང་ཡང་དག་གནས། །ཞེས་གསུངས་པའི་ཕྱིར་རོ། །ཞེས་དང་། དེ་ཉིད་མདོར་བསྡུ་ན་ལུས་ཀྱི་དཀྱིལ་འཁོར་ནི་འབྱུང་བ་ལྔ་ལས་གྲུབ་པ་སྟེ་དེ་ཉིད་རིགས་ལྔས་བྱིན་གྱིས་བརླབས་ཚུལ་དང་། རིན་འབྱུང་སྐུ་རྡོ་རྗེ། དོན་གྲུབ་གསུང་རྡོ་རྗེ། མི་བསྐྱོད་པ་ནི་དྲུག་པ་དེ་བཞིན་གཤེགས་པར་བསྡུ་བས་གསུམ་དུ་འདུ་ཚུལ་དང་། དེ་ཡང་། སྐུ་རྡོ་རྗེ་གྱུར་ནས་རྐན་དང་མཆུ་སྦྱོར་བ་དང་། ལྕེའི་ཚོགས་རྣམ་པར་གྱུར་པ་ལས་གསུང་རྡོ་རྗེ་ལ་འཇུག་པར་འགྱུར་རོ། །ཐུགས་རྡོ་རྗེ་ནི་དེ་ལ་སྐུལ་བར་བྱེད་པ་ཡིན་ཏེ། དེ་ལྟར་གསུམ་ཚོགས་པ་ལས་ཡིད་དགའ་ཞིང་ཚིམ་པར་བྱེད་པའི་དངོས་གྲུབ་རྫོགས་པར་བྱེད་པའི་དོན་ཏོ། །དེ་ལྟར་ལུས་དང་ངག་དང་ཡིད་ལ་སོགས་པའི་བསྒོམ་པའི་མཚན་ཉིད་བརྟགས་ནས་ད་ནི་རྡོ་རྗེ་གསུམ་མི་ཕྱེད་པའི་མཚན་ཉིད་བཞག་པར་བྱ་སྟེ། གསང་བ་འདུས་པ་ལས། ཁྱེད་ཀྱི་སེམས་ལུས་ལྟ་བུ་དང་། ལུས་སེམས་ལྟ་བུ་དང་། སེམས་ཚིག་ཏུ་བརྗོད་པ་ལྟ་བུར་སྐྱེད་ཅིག །ཅེས་གསུངས་པས་བདག་ནི་རང་བཞིན་གྱིས་བདག་པོའོ་ཞེས་བདག་ཉིད་བརྟན་པ་བསྐྱེད་ལ་རྡོ་རྗེ་གསུམ་གྱི་བདག་ཉིད་རྡོ་རྗེ་འཆང་ཆེན་པོར་ལྷག་པར་མོས་པར་བྱས་པ་ནི་བྱིན་གྱིས་བརླབས་པ་ཞེས་བཤད་དོ། །ཞེས་གསུངས་ཤིང་། མཐར་ཐུག་རྡོ་རྗེ་མི་ཕྱེད་པའི་རིགས་གཅིག་ཏུ་བསྡུ་བར་བསྟན་ཏོ།

།ལེའུ་གསུམ་པ་ངག་རྣམ་པར་དབེན་པར། དེ་ལ་ངག་རྣམ་པར་དབེན་པ་ཞེས་བྱ་བ་ནི་སྔགས་ཀྱི་དེ་ཁོ་ན་ཉིད་དོ། །དེ་ཡང་རླུང་གི་དེ་ཁོ་ན་ཉིད་དང་བྲལ་བས་དེ་ཤེས་པར་མི་འགྱུར་རོ། །རླུང་གི་དེ་ཁོ་ན་ཉིད་ཅེས་བྱ་བ་ནི་སྲོག་དང་རྩོལ་བའོ། །དེ་བས་ན་རླུང་གི་དེ་ཁོ་ན་ཉིད་བསྟན་པའི་ཚིག་དཔལ་གསང་བ་འདུས་པ་ལས། རིན་ཆེན་ཁ་དོག་སྣ་ལྔ་པ། །ཡུངས་ཀར་གྱི་ནི་འབྲུ་ཚད་ཙམ། །སྣ་ཡི་རྩེ་མོར་ནན་ཏན་དུ། །དེ་ཉིད་སྦྱོར་བས་རྟག་ཏུ་བསྒོམ། །ཞེས་གསུངས་ཏེ། རྡོ་རྗེའི་ཚིག་འདི་ངེས་པ་དྲངས་པའི་དོན་གྱིས་དབྱེ་བས་ལྷའི་རྣལ་འབྱོར་རྣམ་པ་གཉིས་ལ་ཡང་སྦྱར་ཏེ། དེ་ལ་བསྐྱེད་པའི་རིམ་པ་སྒོམ་པར་བྱེད་པས་ནི་སྣའི་རྩེ་མོར་ཡུངས་ཀར་གྱི་འབྲུ་ཚད་ཙམ་གྱི་རང་ལྷའི་མཚན་མ་རང་སེམས་བརྟན་པར་བྱ་བའི་ཕྱིར་བསྒོམ་པར་བྱའོ། །ཞེས་བསྟན་པ་འདི་ནི་ཕྲ་མོའི་རྣལ་འབྱོར་བཤད་པ་ཡིན་ནོ། །འདི་ཉིད་རྫོགས་པའི་རིམ་པ་ལ་གནས་པ་རྣམས་ཀྱི་ཕྲ་མོའི་རྣལ་འབྱོར་བཤད་པ་ནི་ཨཱ་ལི་ཀཱ་ལི་རྣམས་ཀྱིས་བུད་མེད་དང་སྐྱེས་པ་དང་མ་ནིང་གི་ཚུལ་གྱི་ཡི་གེ་གསུམ་བསྐྱེད་ལ། ཡི་གེ་གསུམ་ཡང་འཇུག་པ་དང་གནས་པ་དང་ལྡང་བར་ངེས་པར་སྦྱར་ལ་དཀྱིལ་འཁོར་བཞིའི་རིམ་གྱིས་སྲོག་དང་རྩོལ་བའི་བདག་ཉིད་ཅན་གྱི་རྡོ་རྗེའི་བཟླས་པ་བྱའོ། །ཞེས་སོགས་དང་། དགོངས་པ་ལུང་སྟོན་པའི་རྒྱུད་ལས་དྲངས་པ། སྲོག་དང་ཐུར་སེལ་གྱེན་རྒྱུ་དང་། །ཁྱབ་དང་མཉམ་གནས་ཞེས་བཤད་དང་། །ཀླུ་དང་རུས་སྦལ་གཙང་པ་དང་། །ལྷས་སྦྱིན་དང་ནི་གཞུ་ལས་རྒྱལ། །ཞེས་དང་། རླུང་བཅུ་པོ་འདི་དག་སངས་རྒྱས་ཐམས་ཅད་དང་མཉམ་པར་སྦྱོར་བ་མཁའ་འགྲོ་སྒྱུ་མ་བདེ་བའི་མཆོག་གི་ཚུལ་ལས་ནི་སྒྲ་ཇི་བཞིན་མ་ཡིན་པར་གསུངས་ཏེ། ཀོ་ཊ་ཁྱ། ཀོ་ཊ་བ། ཀོ་ཊ། ཀོ་ཊ་བཤྩ་ཤ །ཀོ་ཊཱི་ར་བ། ཀོ་ལ་ཁྱ། ཀོ་ལ་བཱ། ཀོ་ལ། ཀོ་ལ་བཤྩ། ཀོ་ལ་ཏ་ཐཱ། མིང་འདི་དག་ནི་རྡོ་རྗེའི་སྒོ་ཞེས་བྱ་བའི་རྣལ་འབྱོར་ཆེན་པོའི་རྒྱུད་ལས་ཀྱང་སྒྲ་ཇི་བཞིན་པའི་དོན་གྱིས་རླུང་བཅུར་གསུངས་ཏེ། སྲོག་དང་། ཐུར་དུ་སེལ་བ་དང་། མེ་དང་མཉམ་དུ་གནས་པ་དང་། གྱེན་དུ་རྒྱུ་བ་དང་། ཁྱབ་བྱེད་དང་། རྒྱུ་བ་དང་། རྣམ་པར་རྒྱུ་བ་དང་། ཡང་དག་པར་རྒྱུ་བ་དང་། རབ་ཏུ་རྒྱུ་བ་དང་། ངེས་པར་རྒྱུ་བ་ཞེས་བྱའོ། །རྡོ་རྗེའི་སློབ་མས་གསོལ་བ། སྲོག་ཅེས་བྱ་བ་ལ་སོགས་པའི་རླུང་བཅུ་པོ་ལུས་འདི་ལ་གང་ཞིག་རབ་ཏུ་གནས་ནས་ཅི་ཞིག་བགྱིད་པ་བཅོམ་ལྡན་འདས་རྡོ་རྗེ་སློབ་དཔོན་སྟོན་པས་བཤད་དུ་གསོལ། །རྡོ་རྗེ་སློབ་དཔོན་གྱིས་སྨྲས་པ། རླུང་ལྔ་ནི་ལུས་ཀྱི་ཆ་ལ་གནས་ནས་ལུས་ཀྱི་བྱ་བ་རྣམས་བྱེད་དོ། །རླུང་ལྔ་ནི་མིག་ལ་སོགས་པའི་སྐྱེ་མཆེད་ལ་གནས་ནས་དབང་པོ་རྣམས་ཀྱི་བྱ་བ་རྣམས་བྱེད་དོ། །དེ་ལ་སྲོག་ཅེས་བྱ་བའི་རླུང་སྙིང་གར་གནས་པ་ནི་དེ་བཞིན་གཤེགས་པ་མི་བསྐྱོད་པའོ། །ཐུར་དུ་སེལ་བ་འདོམས་ན་གནས་པ་ནི་དེ་བཞིན་གཤེགས་པ་རིན་ཆེན་འབྱུང་ལྡན་ནོ། །གྱེད་དུ་རྒྱུ་བ་ལྐོག་མ་ལ་གནས་བ་ནི་དེ་བཞིན་གཤེགས་པ་འོད་དཔག་ཏུ་མེད་པའོ། །མེ་དང་མཉམ་དུ་གནས་པ་ལྟེ་བར་གནས་པ་ནི་དེ་བཞིན་གཤེགས་པ་དོན་ཡོད་གྲུབ་པའོ། །ཁྱབ་བྱེད་ཚིགས་ཐམས་ཅད་ལ་གནས་པ་ནི་དེ་བཞིན་གཤེགས་པ་རྣམ་པར་སྣང་མཛད་དོ། །རྒྱུ་བའི་རླུང་ནི་གཟུགས་སོ། །རྣམ་པར་རྒྱུ་བ་ནི་སྒྲའོ། །ཡང་དག་པར་རྒྱུ་བ་ནི་དྲིའོ། །རབ་ཏུ་རྒྱུ་བ་ནི་རོའོ། །ངེས་པར་རྒྱུ་བ་ནི་རེག་བྱའོ། །ཡང་རླུང་བཅུ་པོ་འདི་དག་ནི་དབུགས་དབྱུང་བ་དང་རྔུབས་པར་འགྱུར་བ་དང་། དེ་རྣམས་ཀྱང་རླུང་ལ་སོགས་པའི་དཀྱིལ་འཁོར་བཞིའི་བདག་ཉིད་ཅན་དུ་འགྱུར་བ་དང་། ཡང་དེ་རྣམས་ལྷ་མོ་བཞིའི་བདག་ཉིད་ཅན་དུ་འགྱུར་བ་དང་། ཡང་དེ་རྣམས་འབྱུང་བ་རྣམ་པ་ལྔར་འགྱུར་བ་དང་། ཡང་དེ་རྣམས་མེ་ལོང་ལྟ་བུ་ལ་སོགས་པའི་ཡེ་ཤེས་རྣམ་པ་ལྔར་འགྱུར་བ་དང་། ཡང་དེ་རྣམས་ལས་གོས་དཀར་མོ་ལ་སོགས་པ་འོད་ཟེར་རྣམ་པ་ལྔའི་བདག་ཉིད་ཅན་དུ་འགྱུར་བ་དང་། ཡང་དེ་རྣམས་དེ་བཞིན་གཤེགས་པ་ལྔའི་བདག་ཉིད་ཅན་དུ་འགྱུར་བ་དང་། ཡང་དེ་རྣམས་ཡི་གེ་གསུམ་གྱི་གཞིར་གྱུར་ནས་འཇུག་པ་དང་། གནས་པ་དང་། ལྡང་བའི་རིམ་གྱིས་རྡོ་རྗེའི་བཟླས་པ་བྱེད་པར་འགྱུར་བ་དང་། ཡང་རླུང་དེ་རྣམས་ཨའི་གཞིར་གྱུར་ནས་ཚིག་མ་ལུས་པ་སྨྲ་བར་བྱེད་པ་དང་། ཡང་དེ་རྣམས་མི་ཤིགས་པ་ཐོབ་ནས་དངོས་པོ་མེད་པར་འགྱུར་རོ། །རྡོ་རྗེ་སློབ་མས་གསོལ་པ། ཇི་ལྟར་ན་རླུང་བཅུ་པོ་འདི་དག་གཅིག་དང་དུ་མའི་དངོས་པོ་རང་གི་ལུས་ལ་ཉིན་དང་མཚན་དུ་སྤྲོ་བ་སྡུད་པར་བགྱིད། བཅོམ་ལྡན་འདས་རྡོ་རྗེ་སློབ་དཔོན་གྱིས་སྨྲས་པ། སེམས་དཔའ་ཆེན་པོ་ལེགས་སོ་ལེགས་སོ། །དཔལ་དེ་ཁོ་ན་ཉིད་བསྡུས་པ་ལ་སོགས་པ་རྩ་བའི་རྒྱུད་བླ་མ་ལས་ཇི་ལྟར་རླུང་གི་དེ་ཁོ་ན་ཉིད་དགོངས་པར་བཤད་ཀྱིས་གསལ་བར་མ་གསུངས་ལ། དེ་བཤད་པའི་རྒྱུད་ལས་སྒྲ་ཇི་བཞིན་པར་གསུངས་པ་དེ་ལ་འཇུག་པར་བྱའོ། །སངས་རྒྱས་ལྔ་ཡི་རིག་གནས་པ། །སྣ་རྩེའི་བུ་ག་ལས་བྱུང་ཞིང་། །རླུང་ལྔ་སྟེང་དུ་ཡང་དག་རྒྱུ། །ལུས་ལ་རྟག་ཏུ་སྤྱོད་པར་འགྱུར། །ཀུན་རྫོབ་སྣ་ནི་སྤྱོད་པ་ནི། །སྒོ་དེ་ལས་ནི་རྣམ་པར་འབྱུང་། །གཡོན་དང་ཊཱི་ཀར་འདིའི་དོན་ནི་འདི་ཡིན་ཏེ། པདྨ་དང་རྡོ་རྗེའི་སྣ་ལས་འོད་ཟེར་རྣམས་བྱུང་ནས་སྟེང་དུ་སོང་སྟེ། ཀུན་རྫོབ་ཀྱི་སྣ་སྒོ་ལས་གཡས་པ་དང་གཡོན་པ་དང་གཉིས་ཀ་དང་དལ་གྱིས་རྒྱུ་བའི་རིམ་གྱིས་འབྱུང་ངོ་། །ཞེས་སོགས་སོ། །གཡས་དང་གཉིས་ཀ་དང་། །དལ་བར་རྒྱུ་དང་རྣམ་པ་བཞི། །གཡས་པ་ནས་ནི་འབྱུང་བའི་ཁམས། །མེ་ཡི་དཀྱིལ་འཁོར་ཉིད་ཡིན་ཏེ། །ཁ་དོག་དམར་བའི་མཆོག་འདི་ནི། །པདྨ་མགོན་པོ་རྒྱུ་བའོ། །གཡོན་པ་ནས་ནི་འབྱུང་བའི་ཁམས། །རླུང་གི་དཀྱིལ་འཁོར་འབྱུང་བ་དག །ལྗང་སེར་དག་ཏུ་སྣང་བ་སྟེ། །ལས་ཀྱི་མགོན་པོ་རྒྱུ་བའོ། །གཉིས་ཀ་ལས་ནི་འབྱུང་བའི་ཁམས། །གསེར་གྱི་མདོག་ཏུ་སྣང་བ་སྟེ། །དབང་ཆེན་གྱི་ནི་དཀྱིལ་འཁོར་ཉིད། །རིན་ཆེན་མགོན་པོ་རྒྱུ་བའོ། །དལ་ཞིང་རྒྱུ་བ་མེད་པའི་ཁམས། །དག་པའི་ཤེལ་ལྟར་སྣང་བ་སྟེ། །སྐད་ཅིག་ཆུ་ཡི་དཀྱིལ་འཁོར་ཏེ། །རྡོ་རྗེ་མགོན་པོ་རྒྱུ་བའོ། །ཁམས་གསུམ་ཡང་དག་འབྱུང་བ་ནི། །རྟེན་དང་བརྟེན་པར་བཟུང་བ་ནི། །རྣམ་སྣང་ཊཱི་ཀར། ཁྱབ་བྱེད་ཀྱིས་ནི་ཁམས་ཀྱི་དཀྱིལ་འཁོར་བཞི་ཆར་ལ་ཁྱབ་པའི་རླུང་སྟེ་མི་འབྱུང་ཞིང་ཁྱབ་པའི་འོད་ཟེར་ཅན་ནི་དེ་བཞིན་གཤེགས་པ་རྣམ་པར་སྣང་མཛད་དེ་ནམ་མཁའ་དང་མཉམ་པའི་ངོ་བོ་ཉིད་དོ། །ཞེས་སོ། །མཛད་ཆེན་སྐུ་ཡིན་ནོ། །འཆི་བའི་མཐར་ནི་འབྱུང་བར་འགྱུར། །དཀྱིལ་འཁོར་བཞི་པོ་འདི་དག་ནི། །མཉམ་པར་བཞག་པས་རྟག་ཏུ་ཟློས། །སྔགས་བཟླས་པ་ཡི་གྲངས་ཀྱིས་ནི། །ཉིན་དང་མཚན་དུ་རྟག་པར་ཟློས། །ཞེས་བཅོམ་ལྡན་འདས་ཀྱིས་དཔལ་རྡོ་རྗེ་ཕྲེང་བ་ཞེས་བྱ་བ་རྣལ་འབྱོར་གྱི་རྒྱུད་ཆེན་པོ་ལས་གསུངས་སོ། །ཞེས་སོགས་དང་དེའི་དོན་རྒྱས་པར་བཤད་དོ། །སྔགས་ཀྱི་དེ་ཁོ་ན་ཉིད་བཤད་པར། །དེ་ལ་སྤྲུལ་པ་ལ་སོགས་པའི་སྔགས་རྣམས་ནི་ཨཱ་ལི་ཀཱ་ལི་ལས་ཡང་དག་པར་བྱུང་བ་རྣམས་སོ། །དེ་རྣམས་ཀྱི་དེ་ཁོ་ན་ཉིད་མི་ཤིགས་པ་ལས་བྱུང་བའི་ཡི་གེ་གསུམ་སྟེ། གང་གི་ཕྱིར་སྔགས་ཐམས་ཅད་ནི་བུད་མེད་དང་སྐྱེས་པ་དང་མ་ནིང་གི་ངོ་བོ་ཉིད་ཀྱི་མན་ངག་ཇི་ལྟར་ཐོས་པས་ཡི་གེ་གསུམ་ལ་རབ་ཏུ་འཇུག་གོ། །དེ་བས་ན་ཡི་གེ་གསུམ་ནི་སྔགས་ཐམས་ཅད་ཀྱི་བདག་པོའོ། །དེ་ཡང་རེ་རེ་ཞིང་མི་ཤིགས་པ་དང་ལྷན་ཅིག་ཡི་གེ་གསུམ་ལས་འབྱུང་བ་ཡིན་ནོ། །ད་ནི་ཡི་གེ་གསུམ་གྱི་བྱ་བ་བསྟན་པར་བྱ་སྟེ། དེ་དང་པོར་གསུམ་ཡང་དག་པར་སྦྱོར་བ་ལས་ལྷའི་སྐུ་འབྱུང་བར་འགྱུར་རོ། །དེ་ཉིད་འཇུག་པ་དང་། གནས་པ་དང་། ལྡང་བའི་རིམ་གྱིས་ལུས་ཉིན་མཚན་དུ་འཛིན་པར་བྱེད་དོ། །དེ་ཉིད་ཨཱ་ལི་ཀཱ་ལི་རྣམས་དང་ལྷན་ཅིག་དབང་པོ་གཉིས་མཉམ་པར་སྦྱོར་བའི་དུས་སུ་ཁ་ཐུར་དུ་བལྟས་པར་གྱུར་པས་གསང་བའི་སྣ་ཡི་བུ་ག་ནས་ས་བོན་གྱི་གཟུགས་ཀྱིས་བྱུང་ནས་སེམས་ཅན་གྱི་ཁམས་སྐྱེད་པར་བྱེད་དོ། །དེ་ཉིད་སྲོག་དང་རྩོལ་བ་ཡང་ལྷན་ཅིག་སྟེང་དུ་སོང་ནས་དབང་པོའི་སྒོ་རྣམས་སད་པར་བྱེད་ཅིང་ཀུན་རྫོབ་ཀྱི་སྣའི་གཡོན་དང་གཡས་ལ་སོགས་པའི་རིམ་པས་བྱུང་ནས་ལྷུན་གྱིས་གྲུབ་པས་རྡོ་རྗེའི་བཟླས་པ་བྱ་སྟེ། སྔོན་གྱི་ལས་ཀྱི་སྒྲིབ་པ་རྣམ་པར་སྦྱོང་བར་བྱེད་དོ། །དེ་ཉིད་ཉིན་མོ་དང་མཚན་མོའི་རིམ་གྱིས་བཟླས་པའི་གྲངས་ཉེ་བར་བཟུང་ནས་ཆུ་ལ་སོགས་པའི་དཀྱིལ་འཁོར་བྱུང་སྟེ། དཀར་པོ་ལ་སོགས་པའི་གནས་ནས་ཞི་བ་ལ་སོགས་པའི་ལས་རྣམས་བྱེད་དོ། །དེ་ཉིད་ཡི་གེའི་གཟུགས་སུ་ཡོངས་སུ་བརྟག་ལ། ལྕེ་རྩེ་ཤིན་ཏུ་མི་བསྐྱོད་ཅིང་། །ཞེས་བྱ་བ་ལ་སོགས་པའི་ངག་གི་བཟླས་བརྗོད་ཀྱི་མཚན་ཉིད་ཀྱི་བཟླས་བརྗོད་བྱས་ནས་ཕྱིའི་ཁ་དོག་ལ་སོགས་པའི་བྱ་བ་ལ་བརྟེན་ཏེ་ཞི་བ་ལ་སོགས་པའི་ལས་རྣམས་བྱེད་དོ། །ཡི་གེ་གསུམ་པོ་དེ་ཉིད་སྦྱང་བར་བྱ་བ་དང་། རྟོགས་པར་བྱ་བ་དང་། འབར་བར་བྱ་བའི་རིམ་གྱིས་ཁ་ཟས་རྣམས་སྦྱངས་ཏེ་སྐྱོན་མེད་པར་བྱེད་དོ། །དེ་ལྟར་ལུས་ལ་གནས་པའི་སྐབས་ཐམས་ཅད་དུ་བྱ་སྟེ་མཐར་མི་ཤིགས་པར་ཞུགས་ནས། ཡང་ཐ་མལ་པའི་ལུས་ལ་བརྟེན་ཏེ། དེ་བཞིན་དུ་ཐམས་ཅད་བྱེད་དོ། །ཞེས་དང་། གང་གི་ཕྱིར་ཨ་དང་ཡང་དག་པར་ལྡན་པར་མ་གྱུར་པའི་ཀ་ལ་སོགས་པའི་ཡི་གེ་ནི་ཡོད་པ་མ་ཡིན་ཏེ། མཐའ་ཅན་ཡིན་པའི་ཕྱིར་ཚིག་ཏུ་མི་འགྱུར་རོ། །ཇི་སྐད་དུ། བཅོམ་ལྡན་འདས་ཀྱིས་མཚན་ཡང་དག་པར་བརྗོད་པ་ལས། །ཨ་ནི་ཡིག་འབྲུ་སོགས༴ བྱེད། །ཅེས་གསུངས་ཏེ། དེ་བས་ན་བཅོམ་ལྡན་འདས་ཀྱིས་བསམ་གཏན་མ་ལུས་པ་སྒོའི་ས་བོན་གྱི་ཚིག །ཨ་ནི་སྐྱེ་བ་མེད་པའི་ཕྱིར་ཆོས་ཐམས་ཅད་ཀྱི་སྒོའོ། །ཞེས་གསུངས་པ་དང་། ལྷན་ཅིག་སྐྱེས་པའི་ཡི་གེ་ཡིན་པ་ཡང་གསུངས་ཏེ། རྡོ་རྗེ་དཀྱིལ་འཁོར་རྒྱན་ཞེས་བྱ་བའི་རྒྱུད་ལས། །ཨ་ནི་གསལ་བར་བསྟན་པའི་ཕྱིར། །སྙིང་གི་དབུས་ན་མི་ཤིགས་པ། །འབར་ཞིང་མར་མེ་དག་དང་མཚུངས། །མི་འགྱུར་མཆོག་ཏུ་ཕྲ་བ་སྟེ། །ཨ་ནི་གཙོ་བོ་དམ་པའོ། །ཞེས་གསུངས་སོ། །དེ་ལྟར་ན་དེ་བཞིན་གཤེགས་པ་ཐམས་ཅད་ཨའི་རིགས་སུ་གྱུར་པ་དང་། ཨ་རྒྱུར་གྱུར་པ་དང་། ཨ་ལས་ངེས་པར་འབྱུང་བ་སྟེ། བརྗོད་བཞིན་པ་ན་འགགས་པའི་རང་གི་ངོ་བོ་ཉིད་ངག་གི་རྣམ་པར་རྟོག་པའི་མཚན་ཉིད་ཅན་ཡང་དག་པ་ཇི་ལྟ་བ་ཉིད་ཤེས་ན་སྒྲ་དང་སྒྲ་མ་ཡིན་པ་ལ་ལྟོས་པ་མེད་པར་སེམས་ཅན་གྱི་བསམ་པའི་དབྱེ་བས་གདུལ་བྱའི་སྐྱེ་བོ་རྣམས་ལ་ཆོས་བསྟན་པར་མཛད་པ་ཡིན་ནོ། །དེ་བས་ན་བཅོམ་ལྡན་འདས་ཀྱིས་ལངྐར་གཤེགས་པའི་མདོ་ལས། བློ་གྲོས་ཆེན་པོ་བྱང་ཆུབ་སེམས་དཔའ་ཆེན་པོ་དོན་ལ་རྟོན་པར་བྱའི། ཡི་གེ་ལ་རྟོན་པར་མི་བྱའོ། །བློ་གྲོས་ཆེན་པོ་ཡི་གེའི་ཕྱིར་འབྲང་བའི་རིགས་ཀྱི་བུའམ། རིགས་ཀྱི་བུ་མོ་དག་ཀྱང་དོན་དམ་པ་ལས་ཉམས་པར་བྱེད་ཅིང་གཞན་ཡང་ཁོང་དུ་ཆུད་པར་མི་བྱེད་དོ། །ཞེས་སོགས་རྒྱས་པར་དྲངས་སོ། །མིའམ་ཅིའི་རྒྱལ་པོས་ཞུས་པའི་མདོ་ལས་དྲངས་པ། གང་བཟོད་པ་ཐོབ་པ་དེས་ནི་ཐམས་ཅད་བཟོད་དོ། །དེས་སྟོང་པ་ཡང་བཟོད་དོ། །གང་ཟག་ཏུ་ཡང་བཟོད་དོ། །དེ་ཅིའི་ཕྱིར་ཞེ་ན། གང་ཟག་ལུས་སྟོང་པ་གཞན་མ་ཡིན་ཏེ། གང་ཟག་ཉིད་སྟོང་པའོ། །དེས་མཚན་མར་ཡང་བཟོད་དོ། །མཚན་མ་མེད་པ་ཡང་བཟོད་དོ། །དེ་ཅིའི་ཕྱིར་ཞེ་ན། མཚན་མའི་ངོ་བོ་ཉིད་མཚན་མ་མེད་པའོ། །དེས་སྨོན་པར་ཡང་བཟོད་དོ། །སྨོན་པ་མེད་པར་ཡང་བཟོད་དོ། །དེ་ཅིའི་ཕྱིར་ཞེ་ན། སྨོན་ལམ་གྱི་ངོ་བོ་ཉིད་ཀྱི་མཚན་ཉིད་ནི་སྨོན་པ་མེད་པའོ། །དེས་སེམས་ཅན་ཐམས་ཅད་རང་བཞིན་གྱིས་ཡོངས་སུ་མྱ་ངན་ལས་འདའ་བར་ཡང་བཟོད་དོ། །དེས་སེམས་ཅན་ཐམས་ཅད་འཆི་འཕོ་དང་སྐྱེ་བར་ཡང་བཟོད་དོ། །དེ་ཅིའི་ཕྱིར་ཞེ་ན། འཆི་འཕོ་དང་སྐྱེ་བ་ནི་སྒྱུ་མའི་ངོ་བོ་ཉིད་དོ། །རིགས་ཀྱི་བུ་དེ་ལྟར་མི་སྐྱེ་བའི་ཆོས་ལ་བཟོད་པ་ཐོབ་པ་ནི་འགལ་བ་མེད་པ་སྟེ། ཆོས་ཐམས་ཅད་ལ་འགལ་བ་མེད་པ་ཡིན་ནོ། །ཞེས་སོགས་དྲངས་སོ། །ཡང་གོང་གི་ལུས་དབེན་སྐབས། དབང་པོའི་སྒོ་ཡི་རྒྱུན་ལས་ནི། །སྲོག་དང་རྩོལ་བ་རྒྱུ་བ་དང་། །རྟག་པའི་དུས་སུ་རྒྱུ་བ་ནི། །སྲོག་ཅེས་བྱ་བ་ཡིན་པར་བཤད། །རླུང་དང་གཅིན་དང་ཕྱི་ས་དང་། །དེ་བཞིན་དུ་ནི་ཁུ་བ་རྣམས། །འོག་འདྲེན་འདི་ནི་ཐུར་སེལ་བ། །རྟག་ཏུ་རྣལ་འབྱོར་པས་ཤེས་བྱ། །མྱང་དང་ཟ་དང་བལྡག་པ་དང་། །ཀུན་ཏུ་འཐུང་དང་འཇིབ་པར་ནི། །གང་ཞིག་རྟག་ཏུ་མཉམ་གནས་པ། །མཉམ་དུ་གནས་ཞེས་བྱ་བ་ཡིན། །གྱེན་དུ་འགྲོ་ཞིང་སྡུད་པ་དང་། །བཟའ་དང་མྱང་སོགས་ཟ་བ་ནི། །ཤེས་དང་ལྷན་ཅིག་འབྱོར་བ་དག །གྱེན་རྒྱུའི་ལས་སུ་ཤེས་པར་བྱ། །ཁྱབ་པ་འཛིན་པ་ཉིད་དང་ནི། །འགྲོ་དང་དེ་བཞིན་ལྡོག་པ་དང་། །ཚིགས་རྣམས་ཀུན་ལ་ཁྱབ་པས་ན། །ཁྱབ་བྱེད་ཅེས་ནི་བྱ་བར་བཤད། །ཅེས་གསུངས་སོ། ། ༈

ལེའུ་བཞི་པ་སེམས་དབེན་སྐབས། དེ་བཞིན་གཤེགས་པ་རྣམས་ཀྱི་མན་ངག་ཡང་དག་པ་འགྲོ་བ་ལ་ཁ་ཕྱིར་བལྟས་པ་རྣམས་ཀྱི་སྤྱོད་ཡུལ་མ་ཡིན་པ། ཤིན་ཏུ་ཟབ་པ། མཆོག་ཏུ་བཟུང་དཀའ་བ། སངས་རྒྱས་རྣམས་ཀྱི་སྤྱོད་ཡུལ་ཡོངས་སུ་དྲིས་པའི་སེམས་གང་ཡིན་པ་དེའི་ངོ་བོ་ཉིད་ནི་རྩ་བ་མེད་པ། གནས་མེད་པ། གཞི་མེད་པ། མཚན་མ་མེད་པ། དབྱིབས་མེད་པ། ཁ་དོག་མེད་པ། དབང་པོ་ལས་འདས་པ། རྟོག་གེ་བ་རྣམས་ཀྱི་ཡུལ་མ་ཡིན་པའོ་ཞེས་བཅོམ་ལྡན་འདས་ཀྱིས་རྒྱུད་ཐམས་ཅད་ལས་བསྟན་པའི་ཚིག་ལས་གསུངས་སོ། །དེ་ལྟ་བས་ན་རྡོ་རྗེ་ཐེག་པ་ལ་གནས་ནས་སངས་རྒྱས་ཉིད་ཐོབ་པར་འདོད་པས་དགེ་བའི་བཤེས་གཉེན་མཉེས་པར་བྱས་ནས་རང་གི་སེམས་ཀྱི་ངོ་བོ་ཉིད་བཙལ་བར་བྱའོ། །ཇི་སྐད་དུ་བཅོམ་ལྡན་འདས་ཀྱིས་དེ་ཁོ་ན་ཉིད་བསྡུས་པའི་རྒྱུད་ལས། རིགས་ཀྱི་བུ་མཉམ་པར་བཞག་པས་རང་གི་སེམས་སོ་སོར་རྟོག་ཅིག །ཅེས་གསུངས་པ་དང་། དཔལ་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ལས་ཀྱང་། བྱང་ཆུབ་ནི་རང་གི་སེམས་ཡང་དག་པ་ཇི་ལྟ་བ་བཞིན་དུ་ཡོངས་སུ་ཤེས་པའོ། །ཞེས་གསུངས་པ་དང་། ཞེས་སོགས་འཐད་པའི་ལུང་རྒྱས་པར་དྲངས་སོ། །ཡེ་ཤེས་རྡོ་རྗེ་ཀུན་ལས་བཏུས་པ་ནས་དྲངས་པ། བཅོམ་ལྡན་འདས་ཀྱིས་བཀའ་སྩལ་པ། རྣམ་པར་ཤེས་པ་ནི་འོད་གསལ་བ་ལས་བྱུང་བའོ། །དེ་ཉིད་ནི་སེམས་དང་ཡིད་ཅེས་བྱ་སྟེ། ཀུན་ནས་ཉོན་མོངས་པ་དང་། རྣམ་པར་བྱང་བའི་བདག་ཉིད་ཅན་གྱི་ཆོས་ཐམས་ཅད་ནི་དེའི་རྩ་བ་ཅན་ཡིན་ནོ། །དེ་ལས་བདག་དང་གཞན་དུ་རྟོག་པ་རྣམ་པ་གཉིས་འབྱུང་བར་འགྱུར་རོ། །རྣམ་པར་ཤེས་པ་དེ་རླུང་ལ་ཞོན་ཏེ་བྱུང་། རླུང་ལས་ནི་མེའོ། །མེ་ལས་ནི་ཆུའོ། །ཆུ་ལས་ནི་སའོ། །དེ་རྣམས་ལས་ནི་ཕུང་པོ་ལྔ་དང་། སྐྱེ་མཆེད་དྲུག་དང་། དབང་པོ་ལྔ་རྣམས་ཏེ། དེ་དག་ཐམས་ཅད་ནི་རླུང་དང་རྣམ་པར་ཤེས་པ་ཡང་དག་པར་འདྲའོ། །དེ་ནས་རྣམ་པར་ཤེས་པ་གསུམ་གྱི་རང་བཞིན་སྣང་བ་རབ་ཏུ་སྤྱོད་པ་ཡོངས་སུ་གསལ་བར་ཉམས་སུ་མྱོང་བར་འགྱུར་ཞིང་སྣང་བའི་རྒྱུས་རང་བཞིན་རྣམས་འབྱུང་བར་འགྱུར་རོ། །མདོར་བསྟན་པའི་ཚིག་དེ་རྣམས་རྒྱས་བར་བཤད་པའི་བསྡུས་པ་བསྟན་པར་བྱ་སྟེ། དེ་ལ་དང་པོ་ཁོ་ནར་རྣམ་པར་ཤེས་པ་གསུམ་གྱི་རྣམ་གྲངས་གཞན་དག་བཤད་པར་བྱའོ། །དེ་ཡང་བཅོམ་ལྡན་འདས་ཀྱིས་ཤེས་རབ་དང་ཐབས་ཤེས་བྱ་བའི་མིང་གསལ་བའི་དགོངས་པས་བཤད་པ་འདིས་མ་ནིང་གི་ཚིག་ཉེ་བར་མཚོན་པ་ཡིན་ལ། ཉེ་བར་ཐོབ་པའི་ཡེ་ཤེས་ནི་གསལ་བ་མ་ཡིན་ནོ། །དེ་བས་ན་སེམས་དང་ཡིད་དང་རྣམ་པར་ཤེས་པ་ཞེས་བྱ་བ་དང་། ཀུན་ཏུ་བརྟག་པ་དང་། གཞན་དབང་དང་། ཡོངས་སུ་གྲུབ་པ་དང་། འདོད་ཆགས་དང་། ཞེ་སྡང་དང་། གཏི་མུག་ཅེས་བྱ་བ་དང་། ངོ་བོ་ཉིད་གསུམ་ཞེས་བྱ་བ་ལ་སོགས་པའི་རྣམ་གྲངས་ཐེག་པ་ཆེན་པོ་དང་ཐུན་མོང་དུ་གྱུར་པའོ། །རྡོ་རྗེ་ཐེག་པ་འདིར་རྣམ་གྲངས་གསུངས་པ། སྣང་བ་དང་། སྣང་བ་མཆེད་པ་དང་། སྣང་བ་ཐོབ་པ་དང་། སྟོང་པ་དང་། ཤིན་ཏུ་སྟོང་པ་དང་། སྟོང་པ་ཆེན་པོ་དང་། སེམས་དང་སེམས་ལས་བྱུང་བ་དང་། མ་རིག་པ་དང་། འདོད་ཆགས་དང་། འདོད་ཆགས་བྲལ་བ་དང་། འདོད་ཆགས་བར་མ་ཞེས་བྱའོ། །དེ་ལྟར་སེམས་ཀྱི་རྣམ་གྲངས་བསྟན་ནས། ད་ནི་སོ་སོ་རང་རིག་པའི་ངོ་བོ་ཉིད་ཀྱི་མཚན་ཉིད་དག་གི་སྒོ་ལ་བརྟེན་ནས་བསྟན་པར་བྱ་སྟེ། བཅོམ་ལྡན་འདས་ཀྱིས་སེམས་ནི་དབྱིབས་དང་ཁ་དོག་དང་བྲལ་བ་ནམ་མཁའི་མཚན་ཉིད་ཅན་ནོ། །ཞེས་གསུངས་པ་དང་། ཡང་བཅོམ་ལྡན་འདས་ཀྱིས་སྣང་བའི་མཚན་ཉིད་ཅན་དང་། རྗེས་སུ་མྱོང་བའི་མཚན་ཉིད་དུ་སོ་སོར་རྟོག་པར་བྱའོ་ཞེས་ལུང་ལས་བསྟན་ཏོ། །དེ་བས་ན་དེའི་མན་ངག་ལ་འཇུག་པར་བྱ་སྟེ། འདི་ལྟ་སྟེ། དང་པོ་ཀུན་ཏུ་སྣང་བ་དང་། ཕྱི་ནས་རང་བཞིན་ནོ། །དེ་ལ་སྣང་བ་དང་། སྣང་བ་མཆེད་པ་དང་། སྣང་བ་ཐོབ་པ་ཞེས་བྱ་སྟེ་སྣང་བ་གསུམ་མོ། །དེ་ལ་སྣང་བའི་མཚན་ཉིད་གང་ཞེ་ན། རྣམ་པ་མེད་པའི་རང་བཞིན་ལུས་དང་ངག་མེད་པ་སྟེ། ཇི་ལྟར་སྟོན་གྱི་དུས་སུ་ནམ་མཁའ་དྲི་མ་མེད་པ་ལ་ཟླ་བའི་དཀྱིལ་འཁོར་གྱི་འོད་ཟེར་སྣང་བར་བྱེད་པས་ཁྱབ་པར་བྱེད་པ་བཞིན་ཏུ་རང་བཞིན་གྱིས་གསལ་བའི་རྣམ་པས་དངོས་པོ་མ་ལུས་པ་ཐམས་ཅད་ལ་དམིགས་པས་ན་སྣང་བ་སྟེ། འདི་དོན་དམ་པའི་བྱང་ཆུབ་ཀྱི་སེམས་ཤེས་རབ་ཀྱི་སྣང་བ་སྟོང་པ་དང་པོ་སྟེ། ཨོཾ་ཞེས་བྱ་བ་ངག་གི་སྒོ་ལ་བརྟེན་པའི་ས་བོན་བརྟན་པར་བྱེད་པའི་རྒྱུ་སྟེ། མོས་པ་ཆུང་བའི་སེམས་ཅན་རྣམས་ཀྱིས་དེ་བཞིན་གཤེགས་པས་དགོངས་ཏེ་གསུངས་པ་རྟོགས་པར་མི་འགྱུར་བས་དེ་ཟླ་བའི་དཀྱིལ་འཁོར་གྱི་གཟུགས་སོ་ཞེས་དམིགས་པར་བྱེད་ཅིང་། པདྨའམ། བུད་མེད་ཀྱི་གཟུགས་སམ། གཡོན་པའི་མིང་ངམ། མཚན་མོའི་མིང་དང་། འཇམ་པའི་དངོས་པོར་སེམས་ཀྱི་ཀུན་རྗོབ་ཀྱི་གཟུགས་གསལ་བའོ། །སྣང་བ་མཆེད་པའི་མཚན་ཉིད་གང་ཞེ་ན། དེ་ཡང་གཟུང་བ་དང་འཛིན་པ་བྲལ་བའི་རྣམ་པ་མེད་པའི་རང་བཞིན་ཅན་ལུས་དང་ངག་མེད་པ་སྟེ། ཇི་ལྟར་སྟོན་ཀའི་དུས་སུ་ཉི་མའི་འོད་ཟེར་གྱིས་ཁྱབ་པ་བཞིན་དུ་ཤིན་ཏུ་གསལ་ཞིང་དྲི་མ་མེད་པའི་ངོ་བོ་ཉིད་དུ་དངོས་པོ་མ་ལུས་པར་དམིགས་པ་བྱང་ཆུབ་ཀྱི་སེམས་ཀུན་ཏུ་བཟང་པོ་གཉིས་པ་སྟེ། རིམ་པ་གཉིས་པ་ཤིན་ཏུ་སྟོང་པའི་མཚན་ཉིད་ཨཱཿཞེས་བྱ་བའི་ངག་གི་སྒོ་ལ་བརྟེན་པའི་ས་བོན་བརྟན་པར་བྱེད་པའི་རྒྱུ་སྟེ། མོས་པ་ཆུང་བའི་སེམས་ཅན་རྣམས་ཀྱིས་དེ་བཞིན་གཤེགས་པས་དགོངས་ཏེ་གསུངས་པ་རྟོགས་པར་མི་འགྱུར་པས་ཉི་མའི་དཀྱིལ་འཁོར་ལ་བརྟེན་ནས་དམིགས་པར་བྱེད་ཅིང་། རྡོ་རྗེ་རྩེ་ལྔ་པའམ། རིན་པོ་ཆེའམ། ཉིན་མོའམ། སྐྱེས་པའི་གཟུགས་སམ། གཡས་པ་ཞེས་བྱའམ། རྩུབ་པའི་རྣམ་པ་ནི་སེམས་ལས་བྱུང་བའི་ཀུན་རྫོབ་ཀྱི་གཟུགས་སོ། །སྣང་བ་ཐོབ་པ་གང་ཞེ་ན། དེ་བཞིན་དུ་ནམ་མཁའི་མཚན་ཉིད་དངོས་པོ་མེད་པའི་གཟུགས་ཅན་ལུས་དང་ངག་མེད་པ་སྟེ། ཇི་ལྟར་མཚམས་ཀྱི་སྨག་ལ་བབས་པའི་ངོ་བོར་ཁྱབ་པ་ཕྲ་ཞིང་བདག་མེད་པ་སྲོག་དང་རྩོལ་བ་མི་རྒྱུ་བས་རྒྱུ་བ་མེད་པ་སྟེ། སེམས་མེད་པ་མི་གཡོ་བ་དག་གིས་ས་བོན་ལ་བརྟེན་པའི་སྒོ་ཡོངས་སུ་གྲུབ་པ་ཞེས་བྱ་བ་འདི་ནི་སྣང་བ་ཐོབ་པ་མ་རིག་པའི་མཚན་ཉིད་ཅན་སྟོང་པ་ཆེན་པོ་སྟེ་རྣམ་པར་ཤེས་པ་གསུམ་དུ་བཤད་དོ། །དེ་ལྟར་སངས་རྒྱས་ཐམས་ཅད་ཀྱི་མན་ངག་སྟོང་པ་གསུམ་གྱི་མཚན་ཉིད་བསྟན་ནས། ད་ནི་ཡེ་ཤེས་རེ་རེ་འབྱུང་བ་ལ་རང་བཞིན་འབྱུང་བ་རྣམ་པར་བཞག་པར་བྱ་སྟེ། དེ་ལ་ཤེས་རབ་ཡེ་ཤེས་ཀྱི་རང་བཞིན་ནི་འདོད་ཆགས་དང་བྲལ་བར་དང་། འདོད་ཆགས་དང་བྲལ་བ་བར་མ་དང་། ཤིན་ཏུ་འདོད་ཆགས་དང་བྲལ་བ་དང་། གང་ཡིད་ཀྱིས་འགྲོ་བ་དང་འོང་བ་དག་དང་། མྱ་ངན་དང་། མྱ་ངན་བར་མ་དང་། ཤིན་ཏུ་མྱ་ངན་དུ་གྱུར་པ་དང་། ཞི་བ་དང་། རྣམ་པར་རྟོག་པ་དང་། འཇིགས་པ་དང་། འཇིགས་པ་བར་མ་དང་། ཤིན་ཏུ་འཇིགས་པ་དང་། སྲེད་པ་དང་། སྲེད་པ་བར་མ་དང་། ཤིན་ཏུ་སྲེད་པ་དང་། ཉེ་བར་ལེན་པ་དང་། མི་དགེ་བ་དང་། བཀྲེས་པ་དང་། སྐོམ་པ་དང་། ཚོར་བ་དང་། ཚོར་བ་བར་མ་དང་། ཤིན་ཏུ་ཚོར་བ་དང་། རིག་པ་པོ་དང་། རིག་པ་དང་། འཛིན་པའི་གཞི་དང་། སོ་སོར་རྟོག་པ་དང་། ངོ་ཚ་ཤེས་པ་དང་། སྙིང་རྗེ་དང་། བརྩེ་བ་དང་། བརྩེ་བ་བར་མ་དང་། ཤིན་ཏུ་བརྩེ་བ་དང་། དོགས་པ་དང་བཅས་པ་དང་། སྡུད་པ་དང་། ཕྲག་དོག་སྟེ་མཚན་ཉིད་སུམ་ཅུ་རྩ་གསུམ་མོ། །ཐབས་ཀྱི་ཡེ་ཤེས་ཀྱི་རང་བཞིན་ཆགས་པ་དང་། །ཀུན་ཏུ་ཆགས་པ་དང་། དགའ་བ་དང་། དགའ་བ་བར་མ་དང་། ཤིན་ཏུ་དགའ་བ་དང་། རངས་པ་དང་། རབ་ཏུ་མགུ་བ་དང་། ངོ་མཚར་བ་དང་། རྒོད་པ་དང་། ཚིམ་པ་དང་། འཁྱུད་པ་དང་། འོ་བྱེད་པ་དང་། འཇིབས་པ་དང་། བརྟན་པ་དང་། བརྩོན་པ་དང་། ཁེངས་པ་དང་། བྱ་བ་དང་། དབྲོག་པ་དང་། སྟོབས་དང་། སྤྲོ་བ་དང་། དཀའ་བ་ལ་སྦྱོར་བ་དང་། །དཀའ་བ་ལ་སྦྱོར་བ་བར་མ་དང་། ཤིན་ཏུ་དཀའ་བ་ལ་སྦྱོར་བ་དང་། དྲག་པ་དང་། རྣམ་པར་སྒེག་པ་དང་། འགྲོས་དང་། དགེ་བ་དང་། ཚིག་གསལ་བ་དང་། བདེན་པ་དང་། མི་བདེན་པ་དང་། ངེས་པ་དང་། ཉེ་བར་མི་ལེན་པ་དང་། སྦྱིན་པ་པོ་དང་། བསྐུལ་བ་དང་། དཔའ་བ་དང་། ངོ་ཚ་མེད་པ་དང་། སྒྱུ་ཟིན་པ་དང་། གདུག་པ་དང་། མི་བསྲུན་པ་དང་། གྱ་གྱུ་ཆེ་བ་སྟེ་མཚན་ཉིད་བཞི་བཅུ་ཐམ་བའོ། །སྣང་བ་ཐོབ་པའི་ཡེ་ཤེས་ཀྱི་རང་བཞིན་ནི་འདི་ལྟ་སྟེ། ཆགས་པ་བར་མ་དང་། བརྗེད་ངས་པ་དང་། འཁྲུལ་པ་དང་། མི་སྨྲ་བ་དང་། སྐྱོ་བ་དང་། ལེ་ལོ་དང་། ཐེ་ཚོམ་དང་བཅས་པ་སྟེ། འདིའི་རང་བཞིན་གྱི་མཚན་ཉིད་ནི་བདུན་པོ་འདི་དག་གོ། །རང་བཞིན་རྣམ་པ་བརྒྱད་ཅུ་པོ་དེ་དག་གི་མཚན་ཉིད་ནི་མངོན་སུམ་དུ་ཕྱེ་བར་གྱུར་ན་བརྒྱ་དྲུག་ཅུ་སྟེ། ཉིན་དང་མཚན་དུ་སྒོ་ང་ལས་སྐྱེས་པ་ལ་སོགས་པ་རྣམས་ཀྱང་ཉིན་དང་མཚན་དུ་སྤྱོད་དེ། ཕོ་དང་མོའི་སྐྱེ་གནས་ཀྱི་དབྱེ་བས་ཕྱེ་བའི་ཕྱིར་ནི་མ་ཡིན་ནོ། །ཞེས་དང་། རྣམ་པར་ཤེས་པ་གསུམ་ནི་རྩ་བ་མེད་པ། གནས་མེད་པ། གཞི་མེད་པ། མཚན་ཉིད་མེད་པ། ཁ་དོག་དང་དབྱིབས་མེད་པ། དབང་པོ་ལས་འདས་པ་ཡིན་པར་ནི་བདེན་ཏེ། དེ་ལྟ་མོད་ཀྱི་སྣང་བ་དང་བཅས་པ་ཡིན་ལ། དེས་ན་རླུང་གི་ཁམས་དང་ལྷན་ཅིག་མེལ་ཚེ་དེ་གང་གི་ཕྱིར་རླུང་གི་ཁམས་ནི་གཟུགས་མེད་ཀྱང་གཡོ་ཞིང་བསྐྱོད་པ་ལ་སོགས་པའི་བྱ་བ་སྟོན་པས་རྗེས་སུ་དཔག་པར་ཤེས་པར་བྱའོ། །ཞེས་སོགས་འཐད་པའི་ལུང་བཅས་རྒྱས་པར་བཤད་མཐར། དེ་ལྟར་བཤད་པའི་རྒྱུད་ལ་བརྟེན་ནས་རང་གི་རང་བཞིན་སྣང་བའི་རྗེས་སུ་འབྲངས་ནས་རང་གི་སེམས་ཡང་དག་པ་ཇི་ལྟ་བ་བཞིན་དུ་མ་རྟོགས་པར་ལས་སུ་སྨྲ་བའི་སེམས་ཅན་རྣམས་འཁོར་བ་ཐོག་མ་མེད་པ་ནས་རང་གི་སེམས་རྣམ་པར་རྟོག་པ་ལས་བྱུང་བའི་ལས་དང་ཉོན་མོངས་པའི་འཆིང་བས་དར་གྱི་སྲིན་བུ་བཞིན་དུ་རང་ཉིད་ཀྱིས་སྡུག་བསྔལ་གྱི་ཕུང་པོ་ཆེན་པོ་མངོན་པར་འདུ་བྱས་ནས། སྐྱེ་བ་གཅིག་ནས་གཅིག་ཏུ་ཉེ་བར་བསགས་པའི་དགེ་བ་དང་མི་དགེ་བའི་ལས་རྣམས་ཀྱི་འབྲས་བུ་རྣམ་པར་སྨིན་པ་མྱོང་ན་ཡང་དོན་དམ་པའི་བདེན་པའི་དཀྱིལ་འཁོར་ལ་འཇུག་པའི་རིམ་གྱིས་ཕུང་པོ་ཡོངས་སུ་སྤངས་ཏེ། རླུང་གི་ཁམས་བླངས་ནས་ཚོར་བ་དང་ལྡན་ཞིང་སྲེད་པས་རྗེས་སུ་བཅིངས་ལ། ཆོས་ཀྱི་དབྱིངས་རྒྱུ་མཐུན་པ་ལས་བྱུང་བའི་དྲན་པས་ཡོངས་སུ་བཟུང་བ། དགེ་བ་དང་མི་དགེ་བའི་རྣམ་པའི་ཡིད་དང་ལྡན་པ། བྱིས་པ་ལོ་ལྔ་པ་དང་མཉམ་པ་ཐམས་ཅད་མཐོང་བ། དབང་པོ་ཐམས་ཅད་ཚང་བ། དྲིའི་ཟས་ལ་སྤྱོད་པ། རྡོ་རྗེ་ལ་སོགས་པས་ཀྱང་མི་བཟློག་ལ། མཚན་ཉིད་ཐམས་ཅད་དང་ལྡན་པ། ལས་ཀྱི་རྫུ་འཕྲུལ་གྱི་ཤུགས་དང་ལྡན་པ། ཉི་མ་བདུན་གྱིས་འོང་བའི་བར་ལ་གནས་ནས་རང་གི་རྣམ་པར་རྟོག་པ་ལས་བྱུང་བའི་ལས་དགེ་བ་དང་མི་དགེ་བས་བསྐུལ་བར་གྱུར་པས་རྒྱུ་དང་རྐྱེན་ཐོབ་ནས་འགྲོ་བ་ལྔ་རྣམས་སུ་ཟོ་ཆུན་གྱི་འཁྲུལ་འཁོར་གྱི་ཚུལ་གྱིས་ཡང་དང་ཡང་དུ་ཉིང་མཚམས་སྦྱོར་བ་ལེན་པར་བྱེད་ཅིང་། འཁོར་བའི་སྡུག་བསྔལ་རྗེས་སུ་མྱོང་བར་འགྱུར་རོ། །ཞེས་དང་།

ལེའུ་ལྔ་པ་ལས་ཀྱི་མཐའ་རྣམ་པར་འབྱེད་པའི་བསྡུས་པའི་ཐེ་ཚོམ་གཅོད་པ་ལས། ལས་ཀྱི་སྒྲིབ་པ་རྣམ་པར་དག་པའི་མདོ་ལས་ལུང་དྲངས་པ། བཅོམ་ལྡན་འདས་ཀྱིས་བཀའ་སྩལ་བ། དགེ་སློང་དེ་ལྟར་ཆོས་ཐམས་ཅད་ནི་འོད་གསལ་བ་ཡིན་ནའང་བྱིས་པ་སོ་སོའི་སྐྱེ་བོ་རྣམས་ནི་ཡང་དག་པ་མ་ཡིན་པའི་ཆོས་རྣམས་ལ་བརྟགས། ཕྱིན་ཅི་ལོག་ལ་བརྟགས། གསོ་བ་དང་། གསོག་ལྟ་བུའི་ཆོས་རྣམས་ལ་བརྟགས་པས་སེམས་ཅན་དམྱལ་བ་དང་། དུད་འགྲོའི་སྐྱེ་གནས་དང་། གཤིན་རྗེའི་འཇིག་རྟེན་དུ་འགྲོ་བར་འགྱུར་རོ། །དགེ་སློང་དེ་ལྟར་སེམས་ཀུན་ནས་ཉོན་མོངས་པས་སེམས་ཅན་རྣམས་ཀུན་ནས་ཉོན་མོངས་པ་ཅན་དུ་འགྱུར་རོ། །སེམས་རྣམ་པར་དག་པས་སེམས་ཅན་རྣམས་རྣམ་པར་དག་པར་འགྱུར་རོ། །ཞེས་དང་། དགོངས་པ་བླ་ན་མེད་པ་ལས། ཇི་ལྟར་སྤྲིན་ནི་སྣ་ཚོགས་སོགས༴ ཡང་དེ་ལྟར་ན་རིག་པ་འདིས་ལུང་དང་རིགས་པ་དག་གིས་དེ་བཞིན་གཤེགས་པ་སྙིང་རྗེ་ཆེན་པོའི་བདག་ཉིད་ཅན་ཐམས་ཅད་ཀྱིས་སེམས་ཅན་ཐམས་ཅད་སྡུག་བསྔལ་གྱི་རྦ་ཀློང་དུ་ལྟུང་བར་གྱུར་ཅིང་། སྐྱབས་མེད་པ་དཔུང་གཉེན་མེད་པ་རྣམས་ལ་གཟིགས་ནས་ཀུན་རྫོབ་ཀྱི་བདེན་པའི་ཚུལ་གྱིས་ཉོན་མོངས་པའི་ངོ་བོ་ཉིད་ཡོངས་སུ་ཤེས་པས་ཉོན་མོངས་པ་རྣམ་པར་དག་པར་མཛད་ཅིང་། ཀུན་རྫོབ་ཀྱི་བདེན་པ་ཡང་དོན་དམ་པའི་བདེན་པས་རྣམ་པར་སྦྱངས་ནས་ཡང་དག་པའི་ཚུལ་གྱི་བདག་ཉིད་ཅན་གྱི་ཏིང་ངེ་འཛིན་ལ་ཡང་དག་པར་འཇོག་པར་མཛད་པ་ཡིན་ནོ། །ཞེས་སོ།

།ལེའུ་དྲུག་པ་ཀུན་རྫོབ་ཀྱི་བདེན་པས་བསྡུས་པའི་ཐེ་ཚོམ་གཅོད་པར། ལུས་རྣམ་པར་དབེན་པ་ནི་ལྷའི་གཟུགས་མེད་དེ། ལུས་ནི་རྡུལ་ཕྲ་རབ་བསགས་པ་ཙམ་ཡིན་པའི་ཕྱིར་རོ། །ངག་རྣམ་པར་དབེན་པའི་མཐར་ཐུག་པ་ཡང་འཇུག་པ་ལ་སོགས་པའི་རིམ་གྱིས་རྡོ་རྗེའི་བཟླས་པ་ཙམ་ཡོངས་སུ་ཤེས་པ་སྟེ། དེ་ལ་ཡང་ལྷའི་རྣམ་པ་མེད་དེ། སྒྲ་རྣམས་ནི་བྲག་ཅ་ལྟ་བུ་ཡིན་པའི་ཕྱིར་རོ། །སེམས་རྣམ་པར་དབེན་པའི་མཐར་ཐུག་པ་ཡང་རང་བཞིན་གྱིས་སྣང་བ་ཙམ་ཡོངས་སུ་ཤེས་པར་ཟད་པས། དེར་ཡང་རྣམ་པ་ཐམས་ཅད་ཀྱི་མཆོག་དང་ལྡན་པའི་ལྷའི་སྐུའི་ངོ་བོ་རྙེད་པར་མི་འགྱུར་ཏེ། སེམས་ནི་སྣང་བ་ཙམ་ཡིན་པའི་ཕྱིར་རོ། །ཞེས་སོགས་ཀྱིས་དྲིས་པའི་ལན། རང་གི་སེམས་ཇི་ལྟ་བ་བཞིན་ཡོངས་སུ་ཤེས་པར་ཞེས་བྱ་བ། ཕུང་པོ་ཁམས་དང་སྐྱེ་མཆེད་རྣམས་ལ་ཡང་མེད་པ། ཡེ་ཤེས་ཙམ་དུ་ཡོངས་སུ་སྣང་བ་ཙམ་གྱིས་མཚན་ཐམས་ཅད་དང་ལྡན་པའི་ལྷའི་སྐུར་བཟུང་བ་དེ་ཡང་སྒྱུ་མ་དང་། རྨི་ལམ་ལ་སོགས་པའི་དཔེ་རྣམ་པ་བཅུ་གཉིས་ཀྱིས་མཚོན་པ་འདི་ནི་སངས་རྒྱས་རྣམས་ཀྱི་ཡིད་ཀྱི་རང་བཞིན་ཅན་གྱི་སྐུ་ཡིན་ནོ། །ཞེས་སོགས་དང་། བདག་ལ་བྱིན་གྱིས་བརླབས་པ་ཞེས་བྱ་བ་འདི་ལྟར་རྩིག་པའི་རས་རིས་མེ་ལོང་གི་ནང་དུ་ཉེ་བར་སྣང་བ་དེ་བཞིན་དུ་རྡོ་རྗེ་སེམས་དཔའི་སྐུའི་ངོ་བོ་ཉིད་ཀྱིས་བདག་ཉིད་སྤྲུལ་ཏེ། རྣམ་པ་ཐམས་ཅད་ཀྱི་མཆོག་དང་ལྡན་པ་སྐུ་བལྟ་བས་ཆོག་མི་ཤེས་པ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་ལ་སོགས་པས་ལུས་ལ་བརྒྱན་པ་སྟེ། མདོར་ན་སངས་རྒྱས་ཐམས་ཅད་ཀྱི་ཡོན་ཏན་གྱིས་བརྒྱན་པ་ཞེས་པའི་བར་དུའོ། །ཇི་སྐད་དུ་བཅོམ་ལྡན་འདས་ཀྱིས་མངོན་པར་བྱང་ཆུབ་པའི་རྒྱུད་ལས། འཇའ་ཚོན་ལྟ་བུའི་ལུས་དག་ནི། །དེ་ཉིད་བསྒོམས་པས་འཐོབ་པར་འགྱུར། ཞེས་གསུངས་སོ། །འདིའི་དོན་ནི་འདི་ཡིན་ཏེ། འཇའ་ཚོན་ཞེས་བྱ་བ་ནི་ལྷའི་དབང་པོའི་གཞུའོ། །དེ་ཡང་གང་ཞེ་ན། དངོས་སུ་འོད་ཟེར་ལྔས་ཉེ་བར་མཚོན་པ་སྟེ། ཇི་ལྟར་འཇའ་ཚོན་ནམ་མཁའི་དཀྱིལ་ན་ཁ་དོག་ལྔའི་དབྱེ་བ་ཡོངས་སུ་གསལ་བ་ཡིན་ཏེ། ལུས་ཀྱང་དེ་དང་འདྲ་བར་ཉེ་བར་མཚོན་པའི་ཕྱིར། འཇའ་ཚོན་ལྟ་བུའི་ལུས་ངག་ནི། །ཞེས་བྱ་བའི་དོན་ཏོ། །དེ་ཉིད་བསྒོམས་པས་འཐོབ་པར་འགྱུར། །ཞེས་བྱ་བ་ནི་བླ་མ་ལས་མན་ངག་ཡང་དག་པར་ཐོབ་ནས་དེ་ཁོ་ན་ཉིད་བསྒོམས་ཤིང་དོན་དམ་པའི་བདེན་པ་ལ་དམིགས་པས་འཐོབ་པའི་དོན་ཏོ། །ཞེས་གསུངས་སོ།

།ལེའུ་བདུན་པ་དོན་དམ་པའི་བདེན་པས་བསྡུས་པའི་ཐེ་ཚོམ་གཅོད་པར། དེ་ལ་མངོན་པར་བྱང་ཆུབ་པའི་རིམ་པ་ནི་རྣམ་པ་གཉིས་ཏེ། འདི་ལྟ་སྟེ་ཕྱི་དང་ནང་གིའོ། །དེ་ལ་དང་པོར་ཕྱིའི་བསྟན་པར་བྱ་སྟེ། ཐོ་རངས་ཀྱི་ཐུན་མཚམས་སུ་མ་རིག་པའི་སྣང་བ་འདས་ནས་ཇི་སྲིད་ཉི་མ་གསལ་བར་མ་གྱུར་པ་སྟེ། འདི་ལ་ནི་འོད་གསལ་དྲི་མ་མེད་པའི་རྣམ་པ་གསལ་ཞིང་ལུས་དང་ངག་དང་ཡིད་དང་བྲལ་བ་ཐམས་ཅད་སྟོང་པའི་མཚན་ཉིད་ཅན་ནོ། །ཉི་མ་ཤར་བ་ནི་སྣང་བ་མཆེད་པའོ། །ཉི་མ་ནུབ་པའི་ཐུན་མཚམས་སུ་མ་རིག་པའོ། །ཟླ་བ་ཤར་བའི་ཚེ་ནི་སྣང་བའོ། །དེ་ལྟར་སྟོང་པ་ཉིད་རྣམ་པ་བཞི་ཕྱི་རོལ་ལ་ངེས་པར་བསྟན་པར་བཤད་ནས། ད་ནི་ནང་གི་མངོན་པར་བྱང་ཆུབ་པ་སོ་སོ་རང་གིས་རིག་པའི་མཚན་ཉིད་ཅན་རིམ་པ་འདིས་བསྟན་པར་བྱ་སྟེ། དང་པོར་སྨིག་རྒྱུ་ལྟ་བུ་ལ་འོད་ཟེར་ལྔའི་ཚོགས་དང་ལྡན་པར་མཐོང་ངོ་། །གཉིས་པ་ནི། སྣང་བ་སྟེ་ཟླ་བའི་འོད་ཟེར་ལྟ་བུའོ། །གསུམ་པ་ནི་སྣང་བ་མཆེད་པ་སྟེ་ཉི་མའི་འོད་ཟེར་ལྟ་བུའོ། །བཞི་པ་ནི་སྣང་བ་ཐོབ་པ་སྟེ་མུན་པ་ལྟ་བུའོ། །དེ་ནས་མུན་པ་དང་བྲལ་བའི་སྐད་ཅིག་ལ་འོད་གསལ་བ་སྟེ། ཤིན་ཏུ་གསལ་བ་རྟག་ཏུ་སྣང་བའི་མཚན་ཉིད་ཅན་དོན་དམ་པའི་བདེན་པའི་རང་གི་མཚན་ཉིད་ཡེ་ཤེས་ཀྱི་མིག་གིས་མཐོང་བའོ། །དེ་ལྟར་ཐམས་ཅད་སྟོང་པ་ཉིད་མངོན་སུམ་དུ་བྱས་ནས་རིམ་པ་འདིས་བསམ་གཏན་མཉམ་པ་ཉིད་ལ་དམིགས་པར་བྱེད་དོ། །དེའི་རིམ་པ་ནི་འདི་ཡིན་ཏེ། ཆུ་བོའམ་ལྟེང་ཀའི་ཆུ་ནི་དྲི་མེད་དག་པ་གོང་བུ་གནས་པ་ལྟར། །དེ་བཞིན་དེ་ལ་རིམ་གྱིས་རྗེས་སུ་གཞིག་པར་བྱེད་པའི་རྣལ་འབྱོར་པས་ནི་རྟག་ཏུ་བསམ། །མེ་ལོང་ལ་ནི་རླུང་དག་རིམ་གྱིས་ཟད་པར་བྱེད་པ་བཞིན་དུ་བལྟ་བྱ་སྟེ། །རིལ་པོར་འཛིན་ལའང་བྱ་བའི་རིམ་པ་འདི་ཡིས་དེ་ཉིད་ཡང་དག་བརྟག །ད་ནི་མིང་ལ་མངོན་པར་ཞེན་པ་རྣམས་ཀྱི་འཁྲུལ་པ་བསལ་བའི་ཕྱིར་དོན་དམ་པའི་བདེན་པའི་མིང་གི་རྣམ་གྲངས་འགའ་ཞིག་ལ་འཇུག་པར་བྱ་སྟེ། དེ་ལ་དང་པོར་ནི་འོད་གསལ་བ་དང་། ཐམས་ཅད་སྟོང་པ་དང་། སངས་རྒྱས་ཡེ་ཤེས་དང་། རྡོ་རྗེའི་ཡེ་ཤེས་དང་། བླ་ན་མེད་པའི་ཡེ་ཤེས་དང་། དྲི་མ་མེད་པ་དང་། སོགས་ནས། ཉོན་མོངས་པ་ཐམས་ཅད་ཟད་པར་བྱེད་པ་ཞེས་བྱའོ། །ཞེས་སོགས་ཤིན་ཏུ་རྒྱས་པར་བསྟན་ཏོ།

།ལེའུ་བརྒྱད་པ་མི་གནས་པའི་མྱ་ངན་ལས་འདས་པའི་ཁམས་བསྡུས་པའི་ཐེ་ཚོམ་གཅོད་པར། རྡོ་རྗེ་ཐེག་པ་འདི་ལ་བསྐྱེད་པའི་རིམ་པ་ལ་བསླབས་ནས་ས་བརྒྱད་པ་ཐོབ་སྟེ། ཡང་ནས་ཡང་དུ་བདེ་འགྲོར་སྐྱེ་ཞིང་ཇི་སྲིད་རྫོགས་པའི་རིམ་པ་མ་ཐོབ་པ་དེ་སྲིད་དུ་དགེ་བའི་བཤེས་གཉེན་མཉེས་པར་བྱའོ། །སྐུ་དང་གསུང་དང་ཐུགས་མངོན་པར་རྟོགས་ནས་ས་བཅུ་ཐོབ་པ། སྒྱུ་མ་ལྟ་བུའི་ཏིང་ངེ་འཛིན་སོ་སོར་ཐོབ་ཅིང་། སྒྱུ་མ་ལྟ་བུའི་ཏིང་ངེ་འཛིན་ཡང་དག་པར་རྟོགས་ནས་སྣང་བ་རྣམ་པར་དག་པ་སོ་སོར་ཐོབ་ཅིང་། སྣང་བ་མེད་པ་ལས་ལངས་ནས་ཟུང་དུ་འཇུག་པར་གནས་པའི་རིམ་གྱིས་སངས་རྒྱས་ཀྱི་བྱ་བ་མངོན་སུམ་དུ་བྱས་ནས། རྡོ་རྗེ་ལྟ་བུའི་ཏིང་ངེ་འཛིན་གྱི་ཡོན་ཏན་ཐམས་ཅད་ཀྱིས་བརྒྱན་ནས་གནས་པར་འགྱུར་རོ། །ཞེས་སོགས་ལུང་དང་བཅས་པ་དྲངས་མཐར། གང་རིགས་པ་འདིས་མངོན་པར་བྱང་ཆུབ་པའི་རིམ་པ་འདིས་འོད་གསལ་བ་ཡང་དག་པར་ཐོབ་པར་གྱུར་པ་དེའི་ལུས་དང་ངག་དང་སེམས་དྲི་མ་མེད་པའི་ངོ་བོ་ཉིད་ཐམས་ཅད་སྟོང་པ་ཉིད་ཡིན་པས། རྣམ་པར་ཤེས་པ་གསུམ་རྣམ་པར་དག་པའི་ཤེས་རབ་ཀྱི་ཕ་རོལ་ཏུ་ཕྱིན་པའི་ངོ་བོ་ཉིད་ལ་ནི་སེམས་པ་མེད་ཅིང་སྨྲ་བ་མེད་པ་གང་ཡིན་པ་འདི་ནི་མྱ་ངན་ལས་འདས་པའི་ཁམས་ཏེ། གཟུགས་མེད་པ་དང་། རེག་པར་དཀའ་བ་དང་། ལས་དང་སྐྱེ་བ་ལས་རྣམ་པར་གྲོལ་བ་དང་། ཉི་མ་དང་། ཟླ་བ་དང་། མེ་དང་། ནོར་བུའི་འོད་ཀྱིས་ངོ་བོ་ཉིད་བཞིན་དུ་གསལ་བའོ། །དེ་ལས་ནི་མུན་པའི་སྣང་བ་སྟེ་སྣང་བ་ཉེ་བར་ཐོབ་པ་ལ་སོགས་པར་འགྱུར་རོ། །སྣང་བ་ཉེ་བར་ཐོབ་པ་ལས་གསལ་བའི་ཉི་མའི་འོད་ཀྱིས་སྣང་བའི་ཚ་བའི་ངོ་བོ་སྣང་བ་མཆེད་པ་འབྱུང་བར་འགྱུར་རོ། །དེ་ལས་ནི་གསལ་བ་ཟླ་བའི་འོད་ཟེར་བསིལ་བའི་ངོ་བོ་ཉིད་ཀྱིས་སྣང་བས་ཁྱབ་པ་ཤེས་རབ་ཀྱི་ཡེ་ཤེས་འབྱུང་བར་འགྱུར་རོ། །དཔལ་མཆོག་དང་པོ་ལས་ཀྱང་། ནམ་མཁའ་ལས་ནི་ནམ་མཁའ་འབྱུང་། །ཐམས་ཅད་སྟོང་པ་ནམ་མཁའ་ཆེ། །ཞེས་གསུངས་སོ། །དེ་བས་ན་སྟོང་པ་ཉིད་གཞི་གཅིག་ཏུ་གྱུར་པའི་སྣང་བའི་ཚོགས་ནམ་མཁའ་སྣང་བྱེད་ལྟ་བུའི་འཇིག་རྟེན་གྱི་ཁམས་ཐམས་ཅད་སྣང་བར་བྱས་ཏེ། ཁམས་ཕྲ་བ་དང་ལྷན་ཅིག་ཏུ་གྲིབ་མ་དང་འདྲ་བར་གཅད་དུ་མེད་པ་དང་གཞིག་ཏུ་མེད་པའི་རྡོ་རྗེའི་སྐུའི་ངོ་བོ་ཉིད་འཕོ་བ་མེད་ཅིང་། ཟག་པ་མེད་པས་ཉོན་མོངས་པའི་བག་ཆགས་ཐམས་ཅད་ལས་རྣམ་པར་གྲོལ་བ་འདོད་པ་ཙམ་གྱིས་དབང་དུ་གྱུར་པ་ཐོབ་པ་ཆུ་ལ་ཉ་ལྟ་བུའམ། མྱུར་བར་གཉིད་ལོག་ཅིང་སད་པ་བཞིན་དུ་མཆོག་ཏུ་དགའ་བའི་ལུས་ཀྱིས་ངོ་བོ་ཉིད་ཀྱི་གཟུགས་འབྱུང་བར་འགྱུར་བའི་གཟུགས་ཀྱི་བདག་ཉིད་ཅན་གྱི་མིང་ནི་རྡོ་རྗེ་འཆང་ཆེན་པོ་ཞེས་བྱའོ། །འཁོར་བའི་འཆིང་བ་ལས་ངེས་པར་གྲོལ་བས་ན་ཐར་པ་ཞེས་བྱའོ། །སོགས་དང་། རྩ་རྒྱུད་ལུང་ལས། ཨེ་མའོ་རྡོ་རྗེ་ཨེ་རྡོ་རྗེ། །ཨེ་མའོ་རྡོ་རྗེ་ཆོས་བསྟན་པ། །གང་དུ་ལུས་ངག་སེམས་མེད་པ། །དེ་ནི་གཟུགས་སུ་རྣམ་པར་བསྒོམ། །ཞེས་དང་། རྗེ་བཙུན་གྱིས། ཁོང་སྟོང་ཁྱོད་ཀྱི་སྐུ་ལ་མེད། །ཤ་དང་རུས་པ་ཁྲག་ཀྱང་མེད། །ནམ་མཁའ་ལས་ནི་འཇའ་ཚོན་ལྟར། །ཁྱེད་ཀྱི་སྐུ་ནི་སྟོན་པར་མཛད། །སོགས་དང་། ཟུང་དུ་འཇུག་པའི་སྐུ་ཡོངས་སུ་རྫོགས་པ་འདི་མིང་གི་རྣམ་གྲངས་འགའ་ཞིག་ལ་འཇུག་པར་བྱ་སྟེ། རིག་པ་ཆེན་པོའི་སྐྱེས་བུའི་གཟུགས་དང་། བདེན་པ་གཉིས་ཀྱི་ཚུལ་ལ་གནས་པ་དང་། རང་བཞིན་གྱིས་འོད་གསལ་བའི་བདག་ཉིད་ཅན་དང་། ཐབས་དང་ཤེས་རབ་ཀྱི་བདག་ཉིད་ཅན་དང་། འཇིག་རྟེན་གསུམ་གྱི་བདག་ཉིད་ཅན་དང་། དུས་གསུམ་གྱི་བདག་ཉིད་ཅན་དང་། ཐེག་པ་གསུམ་གྱི་བདག་ཉིད་ཅན་དང་། དཀྱིལ་འཁོར་གསུམ་གྱི་བདག་ཉིད་ཅན་དང་། སོགས་ནས། འཁོར་བའི་ཕ་རོལ་གྱི་མཐའ་ལ་གནས་པ་དང་། ཡེ་ཤེས་ཀྱི་སྐུ་དང་། རང་བྱུང་ཞེས་བཤད་དོ། །རྡོ་རྗེ་ལྟ་བུའི་ཏིང་འཛིན་གྱི་ཁྱད་པར་འདི་ཉིད་བཅོམ་ལྡན་འདས་ཀྱིས་དཔའ་བར་འགྲོ་བའི་ཏིང་ངེ་འཛིན་གྱི་མདོ་ལས་ཀྱང་། གང་གིས་དཔའ་བར་འགྲོ་བའི་ཏིང་ངེ་འཛིན་འདི་དག་ཐོབ་པའི་སྐྱེས་བུ་དམ་པ་ནི་སངས་རྒྱས་ཐམས་ཅད་ཀྱི་ཡུལ་དུ་མཆིས་པ་ལགས་སོ། །རང་དབང་གི་ཡེ་ཤེས་ལ་དབང་བགྱིད་པ་ལགས་སོ། །ཞེས་སོགས་རྒྱས་པར་དྲངས་སོ།

།ལེའུ་དགུ་པ་སྤྱོད་པ་མངོན་པར་བྱང་ཆུབ་པའི་སྤྲོས་པ་དང་བཅས་པ་བསྡུས་པའི་ཐེ་ཚོམ་གཅོད་པར། སེམས་དཔའ་ཆེན་པོ་ལེགས་སོ་ལེགས་སོ། །ཁྱད་པར་གྱི་རྒྱུ་ཐོབ་ཅིང་བརྩོན་འགྲུས་འབར་བ་རྣམས་དང་། ལུས་དང་སྲོག་ལ་ལྟོས་པ་མེད་པ་རྣམས་ཀྱིས་ཚེ་འདི་ཉིད་ལ་རང་གི་གཟུགས་སུ་འཛིན་པ་ཡོངས་སུ་ལོག་ནས། ཡོན་ཏན་གྱི་དབང་ཕྱུག་བརྒྱད་ཀྱི་འབྲས་བུ་ཡོངས་སུ་རྫོགས་པར་བྱེད་པར་འདོད་པ་རྣམས་ཀྱི་ཐེ་ཚོམ་མེད་པར་བྱ་བའི་ཕྱིར་ཡོངས་སུ་འདྲི་བ་ལེགས་སོ་ལེགས་སོ། །དངོས་པོར་འཛིན་པ་རྣམས་བསལ་ནས་ཐར་པ་འདོད་པ་རྣམས་ཀྱི་སྒོམ་པ་རྣམ་པར་དག་པ་དང་། སྤྱོད་པ་རྣམ་པར་དག་པ་ཁྱེད་ལ་རིམ་བཞིན་དུ་བཤད་ཀྱིས་ཉོན་ཅིག །འདི་ལ་བདེན་པ་གཉིས་གཉིས་སུ་མེད་པས་རྒྱུ་དང་འབྲས་བུ་དག་ཀྱང་གཉིས་སུ་མེད་པ་ཡིན་ལ། །རྒྱུ་དང་འབྲས་བུ་གཉིས་སུ་མེད་པས་ཐོབ་པ་དང་ཐོབ་པར་བྱ་བ་དག་ཀྱང་གཉིས་སུ་མེད་པ་ཡིན་ལ། ཐོབ་པ་དང་ཐོབ་པར་བྱ་བ་གཉིས་སུ་མེད་པས་སྒོམ་པ་དང་བསྒོམ་པར་བྱ་བ་དག་ཀྱང་གཉིས་སུ་མེད་པ་སྟེ། གཉིས་སུ་མེད་པ་ལ་ནི་སྒྲུབ་པ་པོ་དང་། སྒྲུབ་པ་དང་། བསྒྲུབ་པར་བྱ་བ་དམིགས་པར་མི་འགྱུར་རོ། །ཞེས་དང་། འདིར་སྒྲུབ་པ་པོ་ནི་ཀུན་རྫོབ་ཀྱི་བདེན་པ་རྟོགས་པའོ། །སྒྲུབ་པ་ནི་དོན་དམ་པའི་བདེན་པའོ། །བསྒྲུབ་པར་བྱ་བ་ནི་གཉིས་སུ་མེད་པའི་ཡེ་ཤེས་སོ། །དེ་བས་ན་རྒྱུ་དང་འབྲས་བུ་གཉིས་སུ་དབྱེ་བ་མེད་པར་ཡོངས་སུ་ཤེས་པ་ནི་འདིར་སྒོམ་པ་ཉིད་དུ་བཤད་དོ། །ཞེས་སོགས་དང་། སྤྱོད་པ་རྣམ་པར་དག་པ་བཤད་པ་ནི། གཉིས་སུ་མེད་པའི་ཡེ་ཤེས་རྟོགས་པར་གྱུར་ནས་མཉམ་པར་བཞག་པ་དང་མ་བཞག་པའི་གནས་སྐབས་གཉིས་སུ་མེད་པར་འགྱུར་ལ། དེ་གཉིས་སུ་མེད་ན་སུ་ཞིག་སྤྱོད་པ་རྣམ་པར་སྤྱོད་དེ། ཇི་ལྟར་བྱེད་པ་པོ་མེད་པར་གྱུར་པས་བྱ་བ་རྣམས་ཀྱང་མེད་པར་འགྱུར་བ་འཇིག་རྟེན་ན་ངེས་པ་ཡིན་ནོ། །ཡང་བརྟུལ་ཞུགས་ཀྱི་སྤྱོད་པ་མེད་པར་ཐོག་མ་མེད་པའི་ཉོན་མོངས་བག་ཆགས་ཟད་པར་མི་ནུས་སོ། །ཞེས་ལུང་ལས་བཤད་པ་དང་འཇིག་རྟེན་དུ་གྲགས་སོ། །ཞེས་སོགས་དང་། དེ་ལ་ཐོག་མ་ཁོ་ནར་བཅོམ་ལྡན་འདས་སྤྱོད་པ་མཛད་པའི་སྤྱོད་པ་བྱང་ཆུབ་སེམས་དཔའི་གནས་སྐབས་སུ་གླིང་ལ་སོགས་པ་ལ་གཟིགས་པར་མཛད་དེ། དགའ་ལྡན་གྱི་གནས་ནས་བབ་པར་མཛད་ནས་རྒྱུད་ལ་སོགས་པའི་ཚུལ་རྣམ་པ་བཞིར་བསྟན་ཏེ། འདོད་ཆགས་དང་བྲལ་བའི་གཟུགས་སུ་མངོན་པར་སྤྲུལ་ནས་དམན་པ་ལ་མོས་པ་རྣམས་ལ་འཕགས་པའི་བདེན་པ་བཞི་རྟོགས་པར་མཛད་ཅིང་འདོད་ཆགས་དང་བྲལ་བའི་སྤྱོད་པ་བསྟན་པ་དང་། ཡང་རྒྱ་ཆེན་པོ་ལ་མངོན་པར་ཞེན་པ་རྣམས་ལ་རྣམ་པར་ཤེས་པའི་ཚོགས་བརྒྱད་ལ་སོགས་པ་ཆོས་བདག་མེད་པར་རྟོགས་པར་མཛད་ཅིང་། ས་དང་ཕ་རོལ་ཏུ་ཕྱིན་པའི་སྤྱོད་པ་སྟོན་པར་མཛད་པ་དང་། ཡང་འཁོར་ལོས་སྒྱུར་བའི་གཟུགས་སུ་མངོན་པར་སྤྲུལ་ནས། ཟབ་མོ་ལ་ལྷག་པར་མོས་པ་རྣམས་ལ་འདོད་ཆགས་ཀྱིས་བདེན་པ་གཉིས་རྟོགས་པར་བྱ་བའི་ཕྱིར་འདོད་ཆགས་ཀྱི་ཆོས་བསྟན་པར་མཛད་པ་ཡིན་ནོ། །སོགས་དང་། ཉོན་མོངས་པ་རྣམས་ནི་ཉན་ཐོས་ལ་སོགས་པ་དམིགས་པར་ལྟ་བ་རྣམས་ཀྱི་ཉོན་མོངས་པ་རྣམས་ཀྱི་རྐྱེན་དུ་འགྱུར་ཏེ། ཉོན་མོངས་པའི་ངོ་བོ་ཉིད་ཡོངས་སུ་ཤེས་པའི་ཕྱིར་རོ། །ངོ་བོ་ཉིད་ཡོངས་སུ་ཤེས་ན་ནི་བྱང་ཆུབ་ཀྱི་སྐུར་འགྱུར་རོ་ཞེས་བཅོམ་ལྡན་འདས་ཀྱིས་མདོ་སྡེ་ལས་གསུངས་ཏེ། ཇི་སྐད་དུ། དཔལ་མཆོག་དང་པོ་ཞེས་བྱ་བའི་རྣལ་འབྱོར་ཆེན་པོའི་རྒྱུད་ལས་ཀྱང་། འདོད་ཆགས་ཞེ་སྡང་གཏི་མུག་གསུམ། །འཛིན་པས་དུག་ཏུ་འགྱུར་བ་ཡིན། །དུག་ཉིད་ཉེ་བར་ཞི་གྱུར་ན། །དུག་ནི་དུག་མེད་བྱས་པ་ཡིན། །བདུད་རྩི་རིམ་གྱིས་བསྟེན་ན་ནི། །བདུད་རྩི་ཉིད་དུ་འགྱུར་བའང་ཡིན། །ཞེས་གསུངས་པ་དང་། སོགས་ལུང་མང་དུ་དྲངས་མཐར། དེ་ལ་འདོད་ཆགས་ལས་བྱུང་བའི་བྱང་ཆུབ་སེམས་དཔའི་སྤྱོད་པ་ནི་རྣམ་པ་གསུམ་སྟེ། འདི་ལྟ་སྟེ། སྤྲོས་པ་དང་བཅས་པ་དང་། སྤྲོས་པ་མེད་པ་དང་། ཤིན་ཏུ་སྤྲོས་པ་མེད་པ་ཞེས་བྱའོ། །དེ་ལ་སྤྲོས་པ་དང་བཅས་པའི་སྤྱོད་པ་གང་ཞེ་ན། འདི་ལྟ་སྟེ། དེ་བཞིན་གཤེགས་པས་དབུགས་དབྱུང་བ་དང་། རྡོ་རྗེ་འཆང་གིས་དབུགས་དབྱུང་བ་དང་། ཇི་སྐད་དུ་བསྟན་པའི་དེ་བཞིན་གཤེགས་པ་ཐམས་ཅད་ཀྱི་ཚོགས་སྤྱོད་དེ་ཤིན་ཏུ་འདྲེས་པ་ཆོས་སྐུ་དང་བཅས་པ་འདོད་པའི་ཡོན་ཏན་མ་སྤངས་པར་རྡོ་རྗེ་འཆང་གྲུབ་པ་ཨིནྡྲ་བྷཱུ་ཏི་ལྟ་བུ། ཨ་རལླི་རྒྱས་པ་དེ་ནི་སྤྲོས་པ་དང་བཅས་པའོ། །དེ་ལ་སྤྲོས་པ་མེད་པ་གང་ཡིན་ཞེ་ན། རྟག་ཏུ་ཁྱབ་པ་ལས་དགོས་པའི་དབང་དུ་འགའ་ཞིག་ཉེ་རྒྱུའི་སྤྱོད་པ་སྟེ་རིག་མ་ལ་བརྟེན་པ་དྲིལ་བུ་པ་ལྟ་བུ། ལ་རོལ་པ་དེ་མི་སྤྲོས་པ་མེད་པའོ། །ཤིན་ཏུ་སྤྲོས་པ་མེད་པ་གཉིས་སྤང་མ་བྷཱུ་སུ་ཀུའི་སྤྱོད་པ་སྟེ་ཨ་བ་བྷཱུ་ཏི་དང་ལྭ་བ་པ་ལྟ་བུའོ། །གང་ཡིན་ཞེ་ན། འདུ་འཛི་ཐམས་ཅད་རྣམ་པར་སྤངས་ནས། བསམ་གཏན་གྱི་ཟས་དང་། །གནས་དབེན་པ་འབའ་ཞིག་དང་། ཡེ་ཤེས་ཀྱི་ཕྱག་རྒྱ་ལ་སྙོམས་པར་འཇུག་པ་གོམས་པ་དེ་ནི་ཤིན་ཏུ་སྤྲོས་པ་མེད་པ་སྟེ། དཔེར་ན་ཤིང་ཚིག་པས་ཀྱང་ཐལ་བར་འགྱུར་རོ། །ཏཱ་ལའི་ལོ་མ་ཚིག་པས་ཀྱང་ཐལ་བར་འགྱུར་རོ། །རས་བལ་གྱི་ལོ་མ་ཚིག་པས་ཀྱང་ཐལ་བར་འགྱུར་ཏེ་ཐམས་ཅད་ཀྱང་ཐལ་བར་འགྱུར་རོ། །དེ་བཞིན་དུ་སྤྱོད་པ་གསུམ་ཆར་གྱིས་ཀྱང་རྡོ་རྗེ་འཛིན་པའི་གོ་འཕང་མངོན་པར་འདོད་པ་ཉིད་སྐྱེ་བར་འགྱུར་རོ། །ཞེས་སོགས་ནས། སྤྲོས་བཅས་ཀྱི་སྤྱོད་པ་སངས་རྒྱས་མཉམ་སྦྱོར་གྱི་རྗེས་སུ་འབྲངས་ཏེ་རྒྱས་པར་བཤད་དོ། །ལེའུ་བཅུ་པ་སྤྲོས་པ་མེད་པའི་སྤྱོད་པ་བསྡུས་པའི་ཐེ་ཚོམ་བཅོད་པར། དེ་ལྟར་ན་འདོད་པ་ན་སྤྱོད་པ་དྲུག་སྟེ། གཉིས་གཉིས་འཁྱུད་པ་དང་། ལག་པ་བཅངས་པ་དང་། བལྟས་དང་རྒོད་པའི་བདེ་བས་མཆོག་ཏུ་དགའ་བའི་བདེ་བ་སྐད་ཅིག་སྐད་ཅིག་ལ་ཉམས་སུ་མྱོང་བར་བྱེད་དོ། །རྫོགས་པའི་གནས་ནའང་འཁོར་བདག་ལས་རྟག་ཏུ་དགའ་བའི་གཟུགས་ཅན་དུ་འགྱུར་རོ། །དོན་འདི་ཉིད་གསལ་བར་བྱ་བའི་ཕྱིར། ལྷ་ཐམས་ཅད་ཡང་དག་པར་འདུས་པའི་རྒྱུད་ལས། དབང་པོ་གཉིས་ནི་མཉམ་སྦྱར་ཏེ། །རྩོལ་བའི་ཆོ་གའི་འོག་ཏུ་ནི། །དགའ་བའི་སེམས་ཀྱིས་ཐུགས་འགྲུབ་པ། །བདེ་བ་ཆེན་པོ་ཞེས་བྱའོ། །ཞེས་སོགས་གསུངས་སོ།

།ལེའུ་བཅུ་གཅིག་པ་ཤིན་ཏུ་སྤྲོས་པ་མེད་པའི་སྤྱོད་པ་བསྡུས་པའི་ཐེ་ཚོམ་གཅོད་པར། དེ་ལ་དང་པོ་ཁོ་ནར་སྒྲུབ་པ་པོས་འཁོར་བ་ཐོག་མ་མེད་པ་ཅན་གྱི་སྡུག་བསྔལ་དྲན་པར་བྱས་ཏེ། མྱ་ངན་ལས་འདས་པའི་བདེ་བ་འདོད་པས་འདུ་འཛི་ཐམས་ཅད་ཡོངས་སུ་སྤང་བར་བྱ་ཞིང་། ཐ་ན་རྒྱལ་སྲིད་ཀྱི་དབང་ཕྱུག་ལའང་སྡུག་བསྔལ་གྱི་འདུ་ཤེས་བསྒོམ་པར་བྱའོ། །གཉིས་པ་ཏིལ་འབྲུ་ཙམ་ལའང་དངོས་པོར་འཛིན་པའི་བློ་སྤང་བར་བྱའོ། །གསུམ་པ་དོན་དམ་པའི་བདེན་པ་ལ་དད་པས་ལུས་དང་སྲོག་ལའང་ལྟོས་པ་མེད་པར་བྱའོ། །ཞེས་སོགས་དང་། དེ་བས་ན་ཕྱི་རོལ་གྱི་བུད་མེད་རྣམ་པར་སྤངས་ནས་སྙིང་གར་གནས་པའི་ཡེ་ཤེས་ཀྱི་ཕྱག་རྒྱ་དང་ལྷན་ཅིག་ཏུ་ཤིན་ཏུ་མྱུར་བར་རྡོ་རྗེ་འཆང་གི་གོ་འཕང་རྫོགས་པར་བྱའོ། །ཞེས་སྤྲོས་པས་དམིགས་ཏེ། གཅིག་པུ་ཁོ་ནར་ལོགས་ནས་བཤད་པའི་རིམ་པ་བཞིན་དུ་བསམ་པར་བྱའོ། །ཞེས་སོགས་དང་། ཕུང་པོ་སོགས་ནི་ཁམས་ཕྲ་བ་ལ་གཞུག་གོ །ཁམས་ཕྲ་བ་ནི་ཡང་སེམས་ལ་གཞུག་གོ། སེམས་ནི་ཡང་མ་རིག་པ་ལ་གཞུག་སྟེ། དེ་ལྟར་སྦྱར་ནས་གཉིད་ལོག་པར་བྱེད་དོ། །དེ་ལ་དུས་འདིར་ནི་སེམས་ཅན་མ་རིག་པ་ལ་རབ་ཏུ་ཞུགས་པའི་སྐད་ཅིག་ལ་དྲན་པ་བརྗེད་པའོ། །ཕྱིས་ནི་བརྗོད་པའང་མེད་པའི་ཡེ་ཤེས་ཀྱི་ངོ་བོ་ཉིད་ནི་འོད་གསལ་པའོ། །ཡང་གྲོལ་བ་ན་རླུང་གི་རང་བཞིན་རྙེད་དེ། །གང་གི་ཚེ་རྨི་ལམ་གཞན་དག་འབྱུང་བ་ནི་ཇི་སྲིད་དུ་རྣམ་པར་ཤེས་པ་མི་གཡོ་བ་དེ་སྲིད་དུ་གཉིད་ལོག་ནས་འོད་གསལ་ལ་བལྟ་སྟེ། དེ་ནི་སོ་སོ་རང་གིས་རིག་པ་ལུས་དང་ངག་དང་སེམས་བྲལ་བའི་དོན་དམ་པའི་བདེན་པ་ནི་ནང་གི་མངོན་པར་བྱང་ཆུབ་པ་ཞེས་བྱའོ། །རིམ་པ་འདིས་ལུས་ཀྱི་དཀྱིལ་འཁོར་ལ་གནས་པའི་དེ་བཞིན་གཤེགས་པའི་ཚོགས་རྣམས་སད་པར་བྱ་ཞིང་། དེ་བཞིན་ཉིད་ལ་གཞུག་པར་བྱས་ནས་སྐལ་པ་བཟང་པོའི་དངོས་གྲུབ་ཐོབ་པར་འགྱུར་ཏེ། སྤྲོས་པ་དང་བཅས་པ་དང་། སྤྲོས་པ་མེད་པའི་སྤྱོད་པ་ལྟོས་པ་མེད་པར་ཤིན་ཏུ་མྱུར་བར་འདིར་རང་གི་གཟུགས་ཡོངས་སུ་བརྗེད་པར་འགྱུར་རོ། །ཞེས་སོགས་ལུང་དང་བཅས་པ་དང་། ཡུལ་ལ་ཞེན་པ་དང་རོལ་པ་ཐམས་ཅད་སྤངས་ཏེ། རིམ་པ་འདིས་བྷུ་སུ་ཀུ་ཙམ་གྱི་སྤྱོད་པ་ལ་སྤྱད་དེ། བྷུ་ཞེས་བྱ་བ་ནི་ཟས་ལ་སྤྱོད་པ་སྟེ་དེ་ཙམ་ཞིག་རྗེས་སུ་དྲན་པ་དང་འདུ་འཛི་སྤོང་བར་བྱེད་ཅིང་། དཀའ་ཐུབ་དང་བརྟུལ་ཞུགས་སོ་ཞེས་གང་ལའང་བསམ་པར་མི་བྱའོ། །སུ་ཞེས་བྱ་བ་ནི་གཉིད་ལོག་པ་སྟེ་རྣམ་པར་ཤེས་པ་འདི་དག་མ་རིག་པས་ཉེ་བར་མཚོན་པས་མངོན་སུམ་དུ་བྱེད་དོ། །མ་རིག་པ་ལྕགས་ཀྱུ་དེ་ཉིད་ཀྱིས་རྣམ་པར་ཤེས་པ་ལའང་འགྲེ་བར་མི་བྱེད་དེ། འོད་གསལ་བ་ཉིད་མངོན་པར་འདུ་བྱེད་ཅིང་དྲི་མ་མེད་པའི་ངོ་བོ་ཉིད་དོ། །ཀུ་ཞེས་བྱ་བ་བཤང་སར་འགྲོ་བ་སྟེ། བཤང་བ་གཅི་བ་འདོར་བའི་ཕྱིར་དེ་ཙམ་ཞིག་རྗེས་སུ་དྲན་པར་བྱེད་ཅིང་འདུ་འཛི་སྤོང་བར་བྱེད་ལ། ལུས་དང་ཚོར་བ་དབང་པོའི་ཡུལ་དང་ངོ་བོ་ཉིད་སེམས་པར་མི་བྱེད་དོ། །ཞེས་སོགས་ལུང་དང་བཅས་པ་དང་། དེ་ལྟར་ཆུང་ངུ་དང་། འབྲིང་དང་། ཆེན་པོ་ཉིད་དབྱེ་བས་ན་ཚོད་དང་རྗེས་སུ་མཐུན་པས་སྤྱོད་པ་རྣམ་གསུམ་ཟླ་བ་ཕྱེད་དམ། ཟླ་བ་དྲུག་བཟླས་པར་འགྱུར་བས་ཕྱག་རྒྱ་ཆེན་པོའི་དངོས་གྲུབ་ཐོབ་པའི་མཚན་མ་ཉེ་བར་འབྱུང་བར་འགྱུར་ཏེ། དེ་ལ་མཚན་མ་འདི་དག་ཡིན་ནོ། །གཟུགས་ཕྲ་བ་དང་། རེག་པ་ཡང་བ་དང་། ཁྱབ་པ་དང་། ཡང་དག་པར་ཐོབ་པ་ཉིད་དང་། རབ་ཏུ་སྣང་བ་ཉིད་དང་། བརྟན་པ་དང་། དབང་དུ་གྱུར་པ་དང་། འདོད་དགུར་བསྒྱུར་བ་ཞེས་བྱའོ། །ཞེས་སོགས་དང་། རྡོ་རྗེ་སློབ་མས་གསོལ་བ། གལ་ཏེ་སྒྲུབ་པ་པོ་བདེན་པ་མཐོང་ཡང་སྔོན་གྱི་བག་ཆགས་ལ་གོམས་པའི་སྟོབས་ཀྱིས་ཞིང་དང་། ལས་དང་། ཚོང་དང་བསྙེན་བཀུར་ལ་སོགས་པས་གཡེངས་ནས་སྤྱོད་པ་རྣམ་པ་གསུམ་སྤྱོད་པར་མི་བྱེད་པ་དང་། སྒྲུབ་པ་པོ་གཞན་དག་འབྱོར་པ་མ་ཚང་བས་རྒྱུད་ལས་ཇི་སྐད་གསུངས་པའི་ཆོ་ག་རྫོགས་པར་བྱེད་མི་ནུས་པའི་ཕྱིར། མི་སྤྱོད་པ་དེ་དག་ནི་འཆི་བའི་དུས་བྱས་ན་ཡང་སྲིད་པ་གཞན་དུ་འགྲོ་བར་འགྱུར་རམ། ཡང་ན་རྡོ་རྗེ་འཆང་བ་ཉིད་འཐོབ་པར་འགྱུར། ཞེས་སོགས་དང་། དེ་བས་ན་དེ་ཁོ་ན་ཉིད་ཤེས་པའི་རྐྱེན་མ་ཚང་བས་ཇི་སྐད་དུ་བཤད་པའི་སྤྱོད་པ་གལ་ཏེ་མ་སྤྱད་དུ་ཟིན་ཀྱང་། ལྟ་བ་ངན་རྟག་ཆད་འཆི་འཕོ་སོགས། པ་ཐམས་ཅད་རྣམ་པར་སྤངས་ནས་འཆི་བར་འགྱུར་བ་དོན་དམ་པའི་བདེན་པ་ཡིན་ལ། སྐྱེ་བ་ནི་ཀུན་རྫོབ་ཀྱི་བདེན་པའོ་ཞེས་ཡང་དག་པར་མངོན་པར་རྟོགས་ནས་བརྒྱ་ལམ་ན་འོད་གསལ་བར་ཞུགས་ནས། ཐ་མལ་གྱི་ཕུང་པོ་བོར་ནས་བདག་ལ་བྱིན་གྱིས་བརླབས་པའི་རིམ་གྱིས་ལྡང་བར་བྱའོ་ཞེས་པ་བརྟན་པའི་སེམས་བསྐྱེད་དེ། དེ་ཡིད་ལ་བྱེད་པས་གནས་པར་བྱེད་ན། དེ་སྐྱེ་བ་གཞན་དུ་ཡིད་ལ་བྱེད་པ་དེ་འདོར་བར་མི་འགྱུར་ཏེ། དེ་བས་ན་ཐམས་ཅད་མཁྱེན་པར་འགྱུར་རོ། །དེ་བས་ན། བསམ་པ་གང་དང་གང་གིས་ནི། །མི་རྣམས་ཡིད་ནི་ཡང་དག་སྦྱོར། །དེས་ནི་དེ་ཡི་རང་བཞིན་འགྱུར། །སྣ་ཚོགས་ནོར་བུ་ཇི་བཞིན་ནོ། །ཞེས་གསུངས་སོ། །དེ་བས་ན་འདི་ཐམས་ཅད་ནི་ཁྱད་པར་ཅན་ཡོངས་སུ་བསྒྱུར་བས་ཡོངས་སུ་འགྱུར་བཞིན་པས། ཁྱད་པར་ཅན་གྱི་འབྲས་བུ་འབྱུང་བར་འགྱུར་རོ། །འདིར་བཤད་པ། གང་ཞིག་སྐྱེ་བ་ཀུན་རྫོབ་བདེན་ཞེས་བྱ། །འཆི་བའི་མིང་ཡང་དོན་དམ་བདེན་པ་ཡིན། །རིམ་གཉིས་དེ་དག་བླ་མའི་དྲིན་གྱིས་ནི། །རྙེད་པ་འདི་ནི་མ་འོངས་སངས་རྒྱས་ཡིན། །བདེན་གཉིས་དེ་ལ་ཟུང་དུ་འཇུག་པ་ནི། །མི་འཆད་བཞིན་དུ་དེ་དག་ཁྱད་པར་མེད། །མིང་གཉིས་ཐ་མ་གཅིག་པུ་ཁོ་ནར་ནི། །ཤེས་པ་དེ་འདིར་བཅིངས་ནས་གྲོལ་བ་ཡིན། །ཞེས་སོགས་གསུངས་སོ། །འདིར་སྨྲས་པ། དབེན་གསུམ་༥བདུད་རྩིས་བརླན་པའི་འཁྲི་ཤིང་ལས། །ཀུན་རྫོབ་སྒྱུ་༦མའི་ཡལ་འདབ་རབ་རྒྱས་ཤིང་། །དོན་དམ་འོད་གསལ་༧མེ་ཏོག་མཛེས་འབར་བར། །སྤྱོད་པ་༡༠གསུམ་གྱི་ཟུང་༡༠འཇུག་འབྲས་བུར་ཤོག །ཅེས་པའང་སྨྲས་སོ། ། ༈

སློབ་དཔོན་དེ་ཉིད་ཀྱིས་མཛད་པའི་སེམས་ཀྱི་སྒྲིབ་པ་རྣམ་པར་སྦྱོང་བའི་རབ་ཏུ་བྱེད་པར། ལས་དྲག་གིས་ནི་འགྲོ་བ་རྣམས། །གང་དང་གང་དུ་འཆིང་འགྱུར་བ། །ཐབས་དང་བཅས་ན་དེ་ཉིད་ཀྱིས། །སྲིད་པའི་འཆིང་ལས་གྲོལ་བར་འགྱུར། །སེམས་ཙམ་རྣམ་པར་དག་བྱའི་ཕྱིར། །འབྲས་བུ་རྣམ་པར་དག་པར་འགྱུར། །འདི་དག་ཤིན་ཏུ་རྒྱས་པར་ནི། །ཐེག་པ་ཆེན་པོར་གསལ་བར་བསྟན། །ཆོས་དང་གང་ཟག་དབྱེར་མེད་པ། །ཡེ་ཤེས་ཙམ་དུ་ཐུབ་པས་གསུངས། །དེ་ལྟར་ན་ཡང་འདི་ལྟར་འབྱུང་། །རིགས་པ་དང་ཡང་རབ་ཏུ་མཐུན། །དངོས་འཛིན་གདོན་གྱིས་ཟིན་པ་ཡི། །ཞེན་བ་རབ་ཏུ་བསལ་བྱའི་ཕྱིར། །ལུང་ལས་ཀྱང་ནི་གསལ་པོ་རུ། །རྒྱལ་བ་སྙིང་རྗེའི་བདག་ཉིད་གསུངས། །ཆོས་རྣམས་སྔོན་དུ་འགྲོ་བའི་ཡིད། །ཡིད་གཙོ་ཡིད་ནི་མགྱོགས་པ་སྟེ། །ཡིད་གཉིས་ཀྱི་ནི་འབད་པ་ཡང་། །སྨྲ་བའམ་ནི་བྱེད་པའོ། །ཞེས་དང་། བསམ་པ་བཟང་པོས་མཆིལ་ལྷྭམ་གཉིས། །ཐུབ་པའི་དབུ་ལ་བཞག་པ་དང་། །དེ་ཉིད་གཞན་གྱིས་བསལ་བ་ཡིས། །གཉིས་ཀས་རྒྱལ་སྲིད་ཐོབ་པར་འགྱུར། །དེ་ཕྱིར་བསམ་པའི་རྩ་བ་ལ། །བསོད་ནམས་སྡིག་པ་རྣམ་པར་གནས། །ལུང་ལས་འདི་ལྟར་གསུངས་པའི་ཕྱིར། །སེམས་དགེ་བ་ལ་ཉེས་པ་མེད། །རང་ལྷར་སྦྱོར་བའི་བདག་ཉིད་ཀྱིས། །འགྲོ་བའི་དོན་ནི་བྱེད་བརྩོན་པས། །རྣལ་འབྱོར་འདོད་ཡུལ་ལོངས་སྤྱོད་ཀྱང་། གྲོལ་འགྱུར་དགོས་པར་མི་འགྱུར་རོ། །དང་། བྱིས་པ་རྣམས་ནི་གཟུགས་ལ་ཆགས། །འབྲིང་པོ་རྣམས་ནི་ཆགས་བྲལ་འགྱུར། །གཟུགས་སོགས་ངོ་བོ་ཉིད་ཤེས་ན། །བློ་མཆོག་རྣམས་ནི་གྲོལ་བར་འགྱུར། །དམ་ཚིག་ཐམས་ཅད་རྣམ་བསམས་ལ། །ལྷ་ལ་མཆོད་པའི་ཆོ་ག་ཡིས། །ཐེ་ཚོམ་མེད་པར་བཟང་པོར་བལྟ། །སྔགས་ཀྱིས་བསྐུལ་ལ་ལོངས་སྤྱོད་བྱ། །ཡི་གེ་གསུམ་གྱི་སྦྱོར་བ་ཡིས། །སྤྱོད་དང་དེ་རྟོགས་དེ་བཞིན་སྦར། །སྲིན་ལག་མཐེ་བོང་རྩེ་མོ་ཡིས། །དེ་བཞིན་གཤེགས་རྣམས་ཚིམ་པར་བྱ། །བྱིས་པ་རྣམས་ལ་འདི་བདེན་པ། །དེ་ནི་རྣལ་འབྱོར་པ་ལ་བརྫུན། །ད་ཙམ་ཞིག་ཏུ་ལོངས་སྤྱོད་པ། །བཅིངས་པ་མེད་ཅིང་གྲོལ་བ་མེད། །འཁོར་བ་མྱ་ངན་འདས་པ་ཞེས། །དེ་ཉིད་མ་མཐོང་བ་ཡི་སེམས། །འཁོར་མེད་མྱ་ངན་འདས་མེད་ཅེས། །དེ་ཉིད་མཐོང་བ་རྣམས་ཀྱི་སེམས། །རྣམ་པར་རྟོག་པའི་གདོན་ཆེན་པོ། །འཁོར་བའི་རྒྱ་མཚོར་ལྟུང་བྱེད་ཡིན། །རྣམ་པར་མི་རྟོག་བདག་ཉིད་ཆེས། །སྲིད་པའི་འཆིང་ལས་གྲོལ་བར་འགྱུར། །དང་། དཔེར་ན་ཤེལ་སྒོང་དག་པ་ནི། །ཁ་དོག་གཞན་གྱིས་སྒྱུར་བར་བྱེད། །དེ་བཞིན་རིན་ཆེན་སེམས་འདི་ཡང་། །རྟོག་པའི་ཚོན་གྱིས་བསྒྱུར་བ་ཉིད། །ཐ་མལ་རྟོག་པའི་ཚོན་གྱིས་ནི། །རིན་ཆེན་སེམས་ནི་དབེན་གྱུར་ན། །ཐོག་མ་དག་ནས་མ་སྐྱེས་པ། །གཉུག་མའི་རང་བཞིན་དེ་ཉིད་གང་། །ཞེས་དང་། འཁོར་ལོ་དཔག་ཚད་བཅུ་གཉིས་པ། །ལྕགས་བྱས་མགོ་ལ་འཁོར་བ་ཡང་། །བྱང་ཆུབ་སེམས་ནི་བསྐྱེད་མ་ཐག །མེད་པར་གྱུར་ཅེས་ཐོས་པ་ཡིན། །སོགས་དང་། ཇི་ལྟར་དུག་གིས་ཟིན་པ་འགའ། །དུག་ཉིད་ཀྱིས་ནི་དུག་མེད་བྱེད། །རྣ་བའི་ཆུ་ལ་ཆུ་ཉིད་དང་། །ཚེར་མ་ཟུག་ལ་ཚེར་མ་ལྟར། །དེ་བཞིན་ཆགས་ལ་ཆགས་ཉིད་ཀྱིས། །མཁས་པ་རྣམས་ཀྱིས་འཛིན་པར་བྱེད། །ཅེས་དང་། དངུལ་ཆུས་རེག་པའི་ཟངས་ལ་ནི། །ཇི་ལྟར་སྐྱོན་མེད་གསེར་དུ་འགྱུར། །དེ་བཞིན་ཡང་དག་ཡེ་ཤེས་ནི། །སྦྱངས་པས་ཉོན་མོངས་བཟང་པོར་བྱེད། །ཐེག་པ་དམན་ལ་ཞོན་པ་རྣམས། །སྐད་ཅིག་སྐད་ཅིག་འཆིང་བར་བྱེད། །གཡུལ་ལས་རྒྱལ་བར་བྱེད་པའི་སེམས། །རིང་པ་ཉིད་དུ་རྣམ་པར་གནས། །ཐེག་པ་ཆེ་ལ་ཞོན་ནས་ནི། །སྙིང་རྗེའི་གོ་ཆ་བགོ་བྱས་ནས། །ཤེས་རབ་རྒྱུད་བཅས་མདའ་དང་གཞུས། །འགྲོ་བ་བཟུང་བའི་བསམ་པ་ཡིས། །སེམས་དཔའ་ཆེ་དང་ཐབས་ཆེ་བ། །བརྟན་པའི་བློ་ནི་གཉིད་སངས་ནས། །བརྒལ་དཀའི་གཡུལ་ལས་རྒྱལ་བྱས་ཏེ། །གཞན་དག་ཀྱང་ནི་སྒྲོལ་བར་བྱེད། །ཅེས་དང་། འདོད་ཆགས་ཞེ་སྡང་གཏི་མུག་དང་། །ང་རྒྱལ་ལོག་ལྟ་ཐེ་ཚོམ་རྣམས། །སྡིག་པའི་རྩ་བར་རབ་ཏུ་གྲགས། །འདི་དག་སྦྱང་བྱ་ཁྲུས་ཀྱིས་མིན། །ཞེས་དང་། བདག་དང་བདག་གིར་འཛིན་པ་ལས། །སྲོག་ཆགས་རྣམས་ནི་བྱུང་བ་ཡིན། །དེ་ཡང་རྩ་བ་མ་རིག་ལས། །མ་རིག་དེ་ཡང་འཁྲུལ་པར་འདོད། །ཅེས་དང་། དཀྱིལ་འཁོར་དུ་ནི་མ་ཞུགས་པ། །སྒྲིབ་པ་ཀུན་དང་ལྡན་པས་ཀྱང་། །རང་གི་ལྷ་སྦྱོར་བདག་ཉིད་ཀྱིས། །བསོད་ནམས་ཆུང་ཡང་འགྲུབ་པར་འགྱུར། །འདིས་ནི་སངས་རྒྱས་ཐམས་ཅད་དང་། །དབང་པོ་དག་ནི་ཐམས་ཅད་ཉིད། །ཚེ་འདི་ཉིད་ལ་འང་འདི་རིག །ཐོབ་འགྱུར་འདི་ལ་ཐེ་ཚོམ་མེད། །ཇི་ལྟར་འཇིག་རྟེན་ཕལ་པ་ལས། །རྣལ་འབྱོར་པ་ཡི་ཏིང་འཛིན་རྒྱལ། །གོང་མ་གོང་མའི་བློ་ཁྱད་ཀྱིས། །རྣལ་འབྱོར་པ་ཡང་རྒྱལ་བར་འགྱུར། །ཞེས་དང་། གང་ཞིག་བསྐལ་པ་གྲངས་མེད་ནི། །མང་པོས་མི་འཐོབ་པར་འདོད་པའི། །སངས་རྒྱས་ཚེ་འདི་ཉིད་ཀྱིས་ནི། །ཐོབ་འགྱུར་འདི་ལ་ཐེ་ཚོམ་མེད། །དང་། ས་བོན་སྐྱེས་བུ་ལྡན་པ་ལས། །མེ་ཏོག་འབྲས་བུ་ལྡན་པ་ཡི། །འཁྲི་ཤིང་ཀུན་ཏུ་འབྱུང་བ་ལྟར། །དེ་བཞིན་ཚོགས་གཉིས་དང་ལྡན་པའི། །སྐད་ཅིག་གིས་ནི་མངོན་བྱང་ཆུབ། །དང་། ཁྲུས་དང་བཀུ་མཉེ་གོས་ལ་སོགས། །བཟའ་དང་བཏུང་སོགས་འབད་པ་ཉིད། །རང་འདོད་ལྷ་ཡི་བདག་ཉིད་དུ། །བསམས་ལ་ཆོ་གས་མཆོད་པར་བྱ། །གླུ་དང་བརྡུང་བ་དེ་བཞིན་གར། །ཐམས་ཅད་བརྟུལ་ཞུགས་ཅན་གྱིས་སྤྱད། །འདིར་ནི་དངོས་པོ་ཐམས་ཅད་ལ། །ལྷག་པར་ཆགས་པར་མི་བྱའོ། །རང་གི་བདག་ཉིད་ཡོངས་སྤངས་ནས། །དཀའ་ཐུབ་ཀྱིས་ནི་གདུང་མི་བྱ། །ཇི་ལྟར་བདེ་བས་བདེ་བ་བཟུང་། །འདི་ནི་མ་འོངས་རྫོགས་སངས་རྒྱས། །ཞེས་སོགས་དང་། རབ་ཏུ་གསལ་བའི་འབྱུང་བ་རྣམས། །ས་དང་ཆུ་དང་མེ་དང་རླུང་། །སྔགས་ཀྱི་སྦྱོར་བ་ནུས་པ་ཡི། །གཞན་ཉིད་དུ་ནི་འབྱུང་བར་བྱེད། །བརྗོད་པ་ཐམས་ཅད་ཡོངས་སྤངས་ལ། །སྔགས་ཀྱི་བརྗོད་པ་ཡང་དག་སྤྱོད། །བདེ་བའི་དངོས་གྲུབ་སྦྱིན་པ་ཡིས། །སྔགས་ཀྱི་ནུས་པ་འདི་ལ་ལྟོས། །ཞེས་སོགས་དང་། སློབ་དཔོན་ལྷ་ཡི་མཆོག་ཡིན་ཏེ། །འབད་པས་མཆོད་པར་བྱ་བ་ཉིད། །དེ་ཉིད་རྡོ་རྗེ་འཛིན་རྒྱལ་པོ། །མངོན་སུམ་གཟུགས་ཀྱི་རྣམ་པར་གནས། །ཤེས་རབ་མིག་དང་བྲལ་གྱུར་ན། །དད་པའི་བདག་ཉིད་ཅན་རྨོངས་འགྱུར། །དེ་འདྲའི་ལུང་རྟོགས་བདག་ཉིད་ཅན། །ཤེས་རབ་ཉེ་བར་བསྐྱེད་པར་བྱ། །དད་ལྡན་མང་ཐོས་ཤེས་རབ་ལྡན། །རང་བཞིན་སྙིང་རྗེའི་བདག་ཉིད་ཅན། །འགྲོ་བའི་སྡུག་བསྔལ་བསལ་བའི་ཕྱིར། །དེ་ཡིས་བདེ་བའི་ཐབས་ཤེས་བྱ། །ཞེས་སོགས་ཚིག་དོན་ཕུན་སུམ་ཚོགས་པའི་སྒོ་ནས་སེམས་ཇི་ལྟར་སྦྱོང་བའི་ཚུལ་དང་དགོས་པ་སོགས་བསྟན་ཏོ། ། ༈

ཡང་དེས་མཛད་པའི་བདག་བྱིན་གྱིས་བརླབས་པའི་རིམ་པ་རྣམ་པར་དབྱེ་བར། ཀུན་རྫོབ་བདེན་པར་གང་གསུངས་པའི། །སངས་རྒྱས་རྣམས་ཀྱི་སྐུ་མཚན་ཉིད། །དེ་འདིར་སྒྱུ་མར་བསྟན་པ་སྟེ། །བདག་བྱིན་བརླབས་པ་ཞེས་བརྗོད་དོ། །ཞེས་དང་། ཆོས་ཀུན་རྨི་ལམ་སྒྱུ་འདྲ་ཞེས། །སངས་རྒྱས་པ་ཀུན་སྨྲ་མོད་ཀྱི། །བདག་བྱིན་བརླབས་ལས་ཕྱིར་ཕྱོགས་པས། །དེ་ཡིས་བདེན་པ་མཐོང་མི་ནུས། །གཞུ་ཡི་རྣམ་པའི་ཡིད་རང་བཞིན། །རྣམ་ཤེས་རླུང་དང་ཡང་དག་ལྡན། །སྒྱུ་མའི་དཔེ་ལ་རྨོངས་པས་ནི། །རང་གི་ཡེ་ཤེས་དེ་མི་མཐོང་། །བསྐལ་བ་བྱེ་བ་མཐའ་ཡས་པར། །ཐོས་པའི་ཕ་རོལ་སོན་གྱུར་ཀྱང་། །བླ་མའི་ལུང་དང་བྲལ་བ་ཡིས། །བདག་བྱིན་བརླབས་པ་རྙེད་མི་འགྱུར། །དེ་བས་ང་རྒྱལ་ཡོངས་སྤངས་ནས། །སངས་རྒྱས་འབྲས་བུ་འདོད་པ་ཡིས། །རྡོ་རྗེ་ཐེག་ལ་ཞོན་པ་ཡི། །བླ་མ་བསྒྲིམས་ཏེ་མཉེས་པར་བྱ། །ཞེས་དང་། ས་ལ་སོགས་པ་རྣམ་བཞི་དང་། །དེ་བཞིན་དུ་ནི་སྟོང་པ་བཞི། །གནས་ནི་རྣམ་པ་བརྒྱད་པོ་དང་། །སྐྱེ་དང་འཇུག་པའི་རྒྱུར་ཤེས་བྱ། །འོད་གསལ་ལས་ནི་སྟོང་ཆེན་ཏེ། །དེ་ལ་ཐབས་ནི་ཡང་དག་འབྱུང་། །དེ་ལུས་སྐྱེས་པ་ཤེས་རབ་སྟེ། །དེ་ལས་རླུང་ནི་འབྱུང་བར་འགྱུར། །རླུང་ལས་མེ་ནི་ཡང་དག་སྐྱེས། །མེ་ལས་ཆུ་ནི་འབྱུང་བར་འགྱུར། །ཆུ་ལས་སྐྱེས་པ་ས་ཡིན་ཏེ། །དེ་རྣམས་ལས་ནི་སེམས་ཅན་འབྱུང་། །ས་ནི་ཆུ་ལ་ཐིམ་འགྱུར་ཏེ། །ཆུ་ནི་མེ་ལ་ཐིམ་པར་འགྱུར། །མེ་ནི་ཕྲ་བའི་ཁམས་སུ་ཞུགས། །རླུང་ཡང་སེམས་ལ་ཐིམ་འགྱུར་ཏེ། །སེམས་ནི་སེམས་ལས་བྱུང་ལ་འགྱུར། །སེམས་བྱུང་མ་རིག་པར་ཞུགས་ནས། །དེ་ཡང་འོད་གསལ་བར་སོང་ནས། །སྲིད་པ་གསུམ་པོ་འགག་པར་འགྱུར། །སྒྱུ་མ་ལྟ་བུའི་ཏིང་འཛིན་གྱིས། །ཇི་སྲིད་བདག་ཉིད་མ་མཐོང་བ། །དེ་སྲིད་ཐོག་མའི་དུས་ཅན་གྱི། །སྲིད་པའི་འཁོར་ལོར་འཇུག་པར་འགྱུར། །རང་རིག་སྒྱུ་མ་ལྟ་བུ་སྟེ། །རྟོག་གེ་པ་ཡི་ཡུལ་མིན་ཅིང་། །རང་གི་ལུས་ལ་གནས་མོད་ཀྱི། །བསོད་ནམས་དམན་པས་རྙེད་མི་འགྱུར། །རང་ལུས་འགྱུར་བ་མེད་པ་དེ། །མཆོག་གཅིག་གིས་ནི་ཤེས་བྱས་ཏེ། །དེ་ནི་དཔེ་ཡིས་ཉེར་མཚོན་ནས། །བླ་མའི་ཞལ་གྱི་དྲིན་ལས་སོ། །ས་དང་དེ་བཞིན་ཆུ་ལ་སོགས། །གཏེར་དང་ནོར་བུ་སྦས་པ་ལྟར། །དེ་བཞིན་ལུས་ལ་ཀུན་མཁྱེན་པའང་། །རྨོངས་དང་ལྡན་པས་མཐོང་མི་འགྱུར། །སྒྱུ་མ་སྨིག་རྒྱུ་དྲི་ཟ་ཡི། །གྲོང་ཁྱེར་དང་ནི་བརྒྱ་བྱིན་གཞུ། །མེ་ལོང་གི་ནི་གཟུགས་བརྙན་དང་། །ཆུ་ཟླ་དང་ནི་བྲག་ཅ་དང་། །རྨི་ལམ་མིག་ཡོར་སྤྲིན་དང་གློག །ཆུ་ཡི་ཆུ་བུར་ཞེས་བྱ་བ། །སྒྱུ་མའི་དཔེ་ནི་བཅུ་དང་གཉིས། །རྣམ་པ་དུ་མར་ཡོངས་མཚོན་པ། །དེ་འདི་ཤིན་ཏུ་གསལ་བའི་གཟུགས། །ལྟ་བའི་གཟུགས་ལ་དམིགས་པར་བྱེད། །སྒྱུ་མ་གསུམ་དུ་བསྟན་པ་ཡིས། །ནན་ཏན་དུ་ནི་རབ་ཏུ་བསྒྲགས། །མེ་ལོང་གི་ནི་གཟུགས་བརྙན་དང་། །འཇའ་ཚོན་དང་ནི་དེ་ལས་གཞན། །གསུམ་པ་ཆུ་ཟླ་ལྟ་བུ་ཡིས། །དེ་ཡི་སྐུ་ནི་བསྒོམ་པར་བྱ། །ཞེས་དང་། འདོད་ཡོན་ལྔ་ཡི་བདེ་བ་ཡིས། །བྱིས་པ་རྣམས་ནི་འཆིང་བརྗོད་དེ། །ཆོས་དེ་ཉིད་ཀྱིས་རྣལ་འབྱོར་པ། །སངས་རྒྱས་ཉིད་ཀྱང་འགྲུབ་པར་འགྱུར། །ཞེས་དང་། གཟུགས་དང་སྒྲ་དང་དེ་བཞིན་དྲི། །རོ་དང་རེག་བྱ་སྡུག་པ་རྣམས། །བདེ་ཆེན་གོ་འཕང་གནས་ནས་ཀྱང་། །རྣལ་འབྱོར་པ་ཡིས་རྟག་ཏུ་མྱོང་། །ཞེས་དང་། ཕྱག་རྒྱ་གཅིག་དང་ལྡན་པའམ། །ཡང་ན་ཕྱག་རྒྱ་བཞི་དང་ལྡན། །བཙུན་མོའི་འཁོར་ན་བཞུགས་པས་ཀྱང་། །བདག་བྱིན་བརླབས་པ་རྗེས་དྲན་བྱ། །ཞེས་སོགས་དང་། ཇི་ལྟར་མེ་ལོང་དྲི་མ་མེད་པ་ལ། །ཡན་ལག་ཀུན་དང་ལྡན་གཟུགས་སྣང་བ་ལྟར། །དཔེ་བྱད་བརྒྱད་ཅུ་མཚན་བཟང་སུམ་ཅུ་གཉིས། །དེ་བཞིན་རྟག་ཏུ་རྡོ་རྗེ་འཛིན་ལུས་ཉིད། །མཁའ་དབྱིངས་དབང་པོའི་མཚོན་ཆ་ཁ་དོག་སྣང་བ་ལྟར། །དེ་བཞིན་རྡོ་རྗེ་འཛིན་པའང་ཁ་དོག་དཀར་པོ་ལ་སོགས་པས། །དགེ་སོགས་ལས་རྣམས་ཇི་བཞིན་དེ་བཞིན་དུ་ནི་འཇིག་རྟེན་ལ། །ཡན་ལག་མ་ཉམས་ཕུན་སུམ་ཚོགས་པའི་གཟུགས་ནི་སྟོན་པར་མཛད། །དང་། རང་དངོས་སྣ་ཚོགས་གཟུགས་ཅན་ཟག་མེད་གང་། །འཇིག་རྟེན་ཀུན་ཁྱབ་སྒྱུ་མའི་རང་བཞིན་ཉིད། །རྣམ་པ་སྣ་ཚོགས་འགྲོ་བའི་སྡེར་གནས་པའི། །སེམས་མགོན་རྡོ་རྗེ་དེ་ཡང་དེ་བཞིན་ནོ། །གཟུགས་ལ་སོགས་པ་རྣམ་པ་ལྔ་དང་གང་ཡང་སྐྱེ་མཆེད་རྣམས་དེ་ནས། །བཅོ་བརྒྱད་ཅེས་བྱར་གསུངས་དང་ཁམས་ནི་རྣམ་པ་ལྔ་དང་ཡང་། །ཡེ་ཤེས་ལྔ་པོ་དང་ནི་ཡུལ་དེ་འགྲོ་བ་མ་ལུས་ཀུན། །སྒྱུ་མ་ལས་བྱུང་དེ་འདིར་རྡོ་རྗེ་འཛིན་དེ་གཞན་མ་ཡིན། །རི་རྣམས་དང་ནི་རྒྱ་མཚོ་ཆེན་པོ་བརྒྱད་གང་ཡིན། །གླིང་རྣམས་དང་ནི་དམྱལ་བ་ལ་སོགས་དབྱེ་བ་རྣམས། །རྒྱུ་བ་དང་ནི་མི་རྒྱུ་བ་ཉིད་གང་ཡིན་པ། །དེ་དེའི་རང་བཞིན་རྡོ་རྗེ་འཛིན་དེ་གཞན་མི་བལྟ། །ཞེས་སོགས་རྒྱ་ཆེར་གསུངས་སོ། ། ༈ ཡང་དེས་མཛད་པའི་མངོན་པར་བྱང་ཆུབ་པའི་རིམ་པར། ཐུབ་པ་ཆེན་པོས་ཆོས་ཕུང་པོ། །བརྒྱད་ཁྲི་བཞི་སྟོང་གསུངས་པ་ལས། །མངོན་པར་བྱང་ཆུབ་མཚན་ཉིད་ནི། །སྙིང་པོ་ལས་ཀྱང་སྙིང་པོར་གསུངས། །མངོན་པར་བྱང་ཆུབ་རྣམ་གཉིས་ཏེ། །ཕྱི་དང་ནང་གི་ཞེས་སུ་བཤད། །ཕྱི་ནི་མདོ་སྡེ་རྣལ་འབྱོར་རྒྱུད། །ཅེས་སོགས་དང་། ནང་ནི་གསང་སྔགས་ཚུལ་ཆེན་ཏེ། །སོགས་དང་། ཡང་ན་ནང་གི་ཕྱི་ཉིད་ནི། །ཕྱག་རྒྱ་མོ་ལ་རབ་བརྟེན་ཏེ། །སྣང་གསུམ་རིམ་མྱོང་ལས་འདས་པའོ། །ཐམས་ཅད་སྟོང་པའི་འོད་གསལ་བ། །དེ་ནི་ནང་གི་ཕྱི་ཞེས་བཤད། །ནང་གི་ནང་ནི་ཕྱག་རྒྱ་བྲལ། །དང་པོ་སྨིག་རྒྱུ་འོད་ལྔའི་ཚུལ། །བདེ་བ་རྟོག་བྲལ་ཉམས་མྱོང་གསུམ། །གསུམ་པོ་ལས་འདས་གསུམ་པོ་ཉིད། །ཐམས་ཅད་སྟོང་པའི་རང་བཞིན་དག །བླ་མའི་མན་ངག་ལས་རྙེད་པའོ། །དེ་བཞིན་རྗེས་འཇུག་རྣལ་འབྱོར་པའི། །ཉམས་སུ་བླངས་པའི་བསམ་གཏན་ནི། །སྟོང་པ་གསུམ་གྱི་རྣམ་གཞག་དང་། །འོད་གསལ་ཐམས་ཅད་སྟོང་པ་སྟེ། །རྒྱུ་བ་དང་ནི་མི་རྒྱུ་བ། །ལུང་དང་རིག་པའི་གཏན་ཚིག་གིས། །གཞིག་སྟེ་འོད་གསལ་བར་བྱས་ནས། །ཕྱིས་ནས་རང་ཉིད་དེ་བཞིན་བྱེད། །རྗེས་གཞིག་རིམ་གྱིས་ཐུན་མོང་ངོ་། །སོགས་དབྱེ་བ་རྒྱས་པ་དང་། ཐམས་ཅད་སྟོང་པ་འོད་གསལ་བ། །སྤྲོས་པ་ཀུན་བྲལ་གང་ཡང་ཡིན། །ཆད་པར་ལྟ་བ་ག་ལ་ཡིན། །དེ་ཡི་མཚན་ཉིད་ཡོད་མེད་དང་། །སྣང་དང་མི་སྣང་རྟག་ཆད་སོགས། །སོ་སོ་མ་ནིང་ཁ་དོག་དབྱིབས། །བསྐྱེད་དང་སྔགས་དང་སེམས་ལ་དམིགས། །བདེན་གཉིས་འཁོར་འདས་ལ་སོགས་དང་། །བསོད་ནམས་གཟུགས་མིན་སྡིག་གཟུགས་མིན། །སྐུ་དང་ཡོན་ཏན་གང་ཡང་མིན། །བརྗོད་པའི་ཐ་སྙད་ཀུན་དང་བྲལ། །ཨེ་མའོ་ཀུན་ཏུ་བཟང་པོ་ཡི། །རྡོ་རྗེ་སྐུ་དང་གསུང་ཐུགས་སོགས། །སྐྱེ་བ་མེད་པའི་ཚུལ་གྱིས་ནི། །སྐྱེ་བ་དག་ཏུ་རབ་ཏུ་བསྒྲགས། །སྐྱེས་པ་ཉིད་ནས་སྐྱེ་བ་ཉིད། །སྐྱེས་དང་མ་སྐྱེས་གཉིས་སུ་མེད། །སོགས་དང་། མ་སྐྱེས་པ་ཡི་ཆོས་རྣམས་ལ། །ངོ་བོ་མེད་དེ་བསྒོམ་པའང་མེད། །ནམ་མཁའི་ཚུལ་དུ་སྦྱོར་བ་ཡིས། །དངོས་པོ་ཀུན་ཏུ་རབ་གྲགས་པའོ། །ཆོས་རྣམས་རང་བཞིན་འོད་གསལ་བ། །གདོད་ནས་དག་པ་ནམ་མཁའ་བཞིན། །བྱང་ཆུབ་མེད་ཅིང་རྟོག་པའང་མེད། །བྱང་ཆུབ་ཚུལ་འདི་བསྟན་པའོ། །མངོན་པར་བྱང་ཆུབ་མངོན་སངས་རྒྱས། །བདག་གི་དེ་ཉིད་ཆོས་ཀྱི་དབྱིངས། །དེ་བཞིན་ཉིད་ལ་སོགས་པའི་ཚིག །ཐམས་ཅད་དེ་ཡི་རྣམ་གྲངས་སོ། །སུས་ཀྱང་མ་བྱས་མ་བཅོས་པ། །མ་བསླད་མི་འགྱུར་དེ་བཞིན་གཤེགས། །བྱང་ཆུབ་ནམ་མཁའི་མཚན་ཉིད་པས། །མངོན་པར་བྱང་ཆུབ་ཅེས་བརྗོད་དོ། །དེ་ཉིད་རྟོགས་ཏེ་མཐོང་སྒོམ་ཚེ། །གཞན་གྱི་དོན་དུ་ལན་འགའ་ཞིག །ཆུ་ལས་ཉ་ལྡང་ཇི་བཞིན་དུ། །བདག་བྱིན་བརླབས་པའི་རིམ་གྱིས་ནི། །རྩོལ་བས་སྐུར་བཞེངས་དོན་མཛད་དོ། །ད་དུང་བདེན་གཉིས་ཕྲ་མོར་སྣང་། །དེ་ནས་ཟུང་འཇུག་ཡེ་ཤེས་སྐྱེད། །ཆོས་རྣམས་གང་ལའང་མི་བཟོད་དང་། །འཇིགས་སྐྲག་ཉམ་པའི་རྟོག་པ་མེད། །གཉིས་པ་ཐམས་ཅད་རྣམ་སྤངས་པའི། །དབྱེར་མེད་ཟུང་དུ་འཇུག་པ་ཉིད། །དེ་ལྟར་རྟོགས་པས་ཐམས་ཅད་དེ། །སྤྱོད་པའང་དེ་བཞིན་གཉིས་མེད་པའོ། །སྔགས་པས་སེང་གེ་བཞིན་དུ་སྤྱོད། །ཟུང་འཇུག་ཏིང་ངེ་འཛིན་བསླབས་པས། །མི་སློབ་ཟུང་འཇུག་ཆོས་སྐུ་ཐོབ། །ཡིད་བཞིན་ནོར་བུ་རིན་ཆེན་ལྟར། །མི་རྟོག་སྨོན་ལམ་དབང་གིས་ནི། །གཟུགས་སྐུ་ལ་སོགས་ཡོན་ཏན་རྣམས། །གདུལ་བྱ་དག་པའི་ངོ་ལ་སྣང་། །མ་འོངས་ཕྱི་མའི་དུས་སུ་ནི། །ལུང་ཟབ་མན་ངག་མི་བརྟེན་པར། །འཐད་སྒྲུབ་རིགས་པ་གཙོར་བྱེད་པས། །རང་རང་གྲུབ་མཐའ་དམ་པར་འཛིན། །སྦས་དོན་ཙམ་གྱིས་ཆོག་བྱེད་ཅིང་། །མཐར་ཐུག་ལྟ་བ་ཟབ་མོ་ལ། །མི་མོས་སླར་ཡང་སུན་འབྱིན་བྱེད། །དེས་ནི་བདག་གཞན་དོན་བརླག་འགྱུར། །སོགས་དཔེ་དང་བཅས་པ་རྒྱས་པ་དང་། གསང་སྔགས་མཐར་ཐུག་ལྟ་དུས་སུ། །ཡིད་དང་དབང་པོ་མངོན་སུམ་དང་། །རྗེས་སུ་དཔག་པ་མི་ཚད་དེ། །ལུང་ཟབ་མན་ངག་ཚད་མར་བྱ། །གང་ཞིག་ང་རྒྱལ་གྱིས་སྦགས་ཤིང་། །དེ་ཉིད་ཆོས་ལ་བརྙས་བྱས་ཏེ། །ཡང་དག་རིག་པ་སུན་འབྱིན་པ། །མནར་མེད་སེམས་ཅན་དམྱལ་བར་ལྟུང་། །སོགས་དང་། ཐ་སྙད་ཚིག་གི་ང་རྒྱལ་གྱིས། །བླ་མ་མི་བསྟེན་བསྙེན་བཀུར་མེད། །དམན་པའི་ལྟ་བ་ལ་མོས་ཏེ། །སྦས་གསུམ་ལྟ་ཞེན་མི་གཏོང་ཞིང་། །མཐར་ཐུག་དོན་ལ་མི་མོས་ཏེ། །རིག་པ་གཙོར་བྱེད་ཤེས་རབ་ཀྱིས། །མཐར་ཐུག་ཟབ་མོ་སུན་འབྱིན་བྱེད། །དེ་ལ་དེ་ཉིད་བསྟན་མི་བྱ། །གང་ཞིག་བླ་མ་བསྙེན་བཀུར་ཞིང་། །ཐམས་ཅད་སྟོང་པས་མི་སྐྲག་བཟོད། །མཐར་ཐུག་དོན་ལ་མི་མོས་པ། །དེ་ལ་བླ་མའི་དྲིན་སྦྱིན་བྱ། །ཞེས་སོ། ། ༈

སློབ་དཔོན་ཀླུའི་བྱང་ཆུབ་ཀྱིས་མཛད་པའི་འདུས་པའི་སྒྲུབ་པའི་ཐབས་རྣམ་པར་བཞག་པའི་རིམ་པར། །འདིར་གསོལ་པ། གླིང་གསུམ་གྱི་མི་རྣམས་ཀྱང་སོ་སོར་གནས་པ་མ་ལགས་སམ། ཅིའི་སླད་དུ་སྐྱེ་བ་གཅིག་གིས་ཐོབ་པའི་བྱང་ཆུབ་སེམས་དཔའ་ཆེན་པོ་དགའ་ལྡན་གྱི་གནས་མཆོག་ནས་དེར་འཇུག་བར་མི་མཛད་པར་འདིར་ངེས་པ་ཁོ་ནར་འཛམ་བུའི་གླིང་དུ་འཇུག་ཅིང་། མི་རྣམས་ལ་ཆོས་སྟོན་པའི་རྒྱུ་ཉིད་བཅོམ་ལྡན་འདས་རྡོ་རྗེ་སློབ་དཔོན་སྟོན་པས་བཤད་དུ་གསོལ། །རྡོ་རྗེ་སློབ་དཔོན་གྱིས་སྨྲས་པ། ཤར་གྱི་ལུས་འཕགས་དང་། ནུབ་ཀྱི་བ་ལང་སྤྱོད་དང་། བྱང་གི་སྒྲ་མི་སྙན་རྣམས་ཀྱི་མི་རྣམས་ལོངས་སྤྱོད་ཆེན་པོ་དང་ལྡན་ཏེ། དེ་ལྟ་མོད་ཀྱི་བླུན་ཞིང་རྨོངས་པས་མི་སྤྱོད་ཅིང་མི་འབྱེད་དོ། །འཛམ་བུའི་གླིང་འདི་ནི་ལས་ཀྱི་ས་པ་ཡིན་ཏེ། དེ་ན་ལེགས་པར་སྤྱོད་པ་དང་ཉེས་པར་སྤྱད་པས་མཆོག་དང་འབྲིང་དང་ཐ་མའི་སེམས་ཅན་རྣམས་སུ་ལས་ཀྱི་འབྲས་བུ་རྣམ་པར་སྨིན་པས་འདིར་སྣང་བར་འགྱུར་རོ། །འདི་ལྟ་སྟེ། འཛམ་བུ་གླིང་པའི་མི་རྣམས་གཡོ་དང་། སྒྱུ་དང་། དྲེགས་པ་དང་། ཕྲག་དོག་དང་གདུག་པའི་བསམ་པས་རིམས་ནད་ལ་སོགས་པས་ཡོངས་སུ་གཟིར་བར་འགྱུར་རོ། །འོན་ཀྱང་མགོ་སྨོས་པས་གོ་བ་དང་། དབང་པོ་རྣོ་ཞིང་སྒྲིན་པ་སྟེ། དེས་ན་བྱང་ཆུབ་སེམས་དཔའ་རྣམས་འཛམ་བུའི་གླིང་གི་སྐྱེ་བོའི་གནས་ཀྱི་དབུས་སུ་འཁྲུངས་ཤིང་ཆོས་སྟོན་པར་འགྱུར་རོ། །དེའི་ཕྱིར་གསུངས་པ། མི་རུ་འཁྲུངས་པ་ངེས་ཚུལ་དང་པོ་སྟེ། །རབ་ཏུ་བྱུང་བ་ཚུལ་ནི་གཉིས་པའོ། །འདུལ་བ་བསྲུངས་པ་ཚུལ་ཆེན་གསུམ་པ་སྟེ། །ཏིང་འཛིན་མཉེས་པ་ཚུལ་མཆོག་བཞི་པ་ཡིན། །ཞེས་དང་། དབང་པོ་གཉིས་མཉམ་པར་སྦྱོར་བ་མཐོང་བས་འདོད་པ་ཉེ་བར་ལེན་པའི་ཕྱིར་སྲིད་པ་བར་མ་སྤངས་ཏེ་རྟ་ཞོན་པ་བཞིན་རྣམ་པར་ཤེས་པའི་བདག་པོ་ཐུགས་རྡོ་རྗེ་རླུང་གི་གཞོན་པ་ལ་ཡང་དག་པར་ཞོན་ནས་ཤིན་ཏུ་མྱུར་བར་སོང་ཞིང་སྐད་ཅིག་ཐང་གཅིག་ཡུད་ཙམ་གྱིས་ཡེ་ཤེས་སེམས་དཔའ་ལྟར་རྣམ་པར་སྣང་མཛད་ཀྱི་སྒོ་ནས་ཞུགས་ཏེ། ཡེ་ཤེས་ཀྱིས་ཐོབ་ནས་ཐབས་ཀྱི་ཡེ་ཤེས་དང་ལྷན་ཅིག་གཉིས་སུ་མེད་པར་གྱུར་ནས་ཤིན་ཏུ་དགའ་བར་ཆུད་པའི་སྙིང་པོ་ཅན་ཡིན་ཏེ། རྒྱུད་ལས། དེ་བཞིན་གཤེགས་པ་ཐམས་ཅད་ཟིལ་གྱིས་གནོན་པའི་ཏིང་ངེ་འཛིན་གསུངས་པའི་རིགས་པ་དང་། ཤེས་རབ་ཀྱི་མདོ་ལས་གཉིས་ཀ་མཆོག་ཏུ་དགའ་བའི་བདེ་བས་ཚིམ་པར་བྱས་པས་རྩ་སྟོང་ཕྲག་བདུན་ཅུ་རྩ་གཉིས་ཡང་དག་པར་བསྐུལ་ཏེ། གཉིས་ཀའང་མཆོག་ཏུ་དགའ་བའི་བདེ་བས་ཚིམ་པར་བྱའོ། །ཨཱ་ལི་དང་ཀཱ་ལི་རྣམས་གཅིག་ཏུ་གྱུར་ནས་ཁམས་ཕྲ་བ་ལ་ཞུགས་པའི་ཤེས་རབ་དང་། ཡེ་ཤེས་ཀྱི་འོད་ཟེར་ཤར་བས་གཉི་ག་ཡང་ཞུ་བར་གྱུར་ཏེ། ཁུ་བ་དང་ཁྲག་ཡང་དག་པར་འདྲེས་ནས་སྐྱེ་གནས་ཀྱི་དབུས་སུ་ཐིག་ལེའི་གཟུགས་སུ་བབས་སོ། །ཞེས་གསུངས་སོ། །ཞེས་དང་། དེའི་འོག་ཏུ་རིམ་གྱིས་འཕེལ་ཏེ། དང་པོར་མེར་མི། མེར་པོའི་རྣམ་པའོ། །མེར་རི། མེར་པོ་ལས་ལྟར་ལྟར་པོར་འགྱུར། ལྟར་འོད། ལྟར་པོ་ལས་གོར་གོར་པོའོ། །གོར་གོར་པོ་ལས་མཁྲང་དོན། འགྱུར། མཁྲང་འགྱུར་ལ་ཡང་རླུང་གིས་བསྐུལ་ཏེ། དེས་རྐང་ལག་རྣམ། འགྱུས་ཏེ་གནས་སྐབས་ལྔ་གསལ་བར་འགྱུར་རོ། །དེའི་འོག་ཏུ་སྐྲ་དང་། །ཁ་སྤུ་དང་། སེན་མོ་ལ་སོགས་པ་དང་། དབང་པོ་རྣམས་དང་གཟུགས་དང་མཚན་མ་རྣམས་རིམ་གྱིས་སྐྱེའོ། །དེ་ཡང་དེ་བཞིན་གཤེགས་པ་ལྔས་བྱིན་གྱིས་བརླབས་པ་ལས་ས་བོན་གྱི་གནས་སྐབས་ནས་བརྩམས་ཏེ་གནས་སྐབས་ལྔ་ངེས་པར་སྐྱེའོ། །སོགས་དང་། དེ་ལྟར་མེར་མེར་པོ་ལ་སོགས་པས་ས་བོན་དང་མྱུ་གུ་བཞིན་ཡོངས་སུ་སྨིན་པ་ཐོབ་སྟེ། མངལ་གྱི་སྣོད་དུ་ལས་ཀྱི་རྣམ་པར་སྨིན་པ་ལས་སྐྱེས་པའི་རླུང་རྒྱུ་བ་གང་དག་གིས་མངལ་གྱི་སྣོད་ཡོངས་སུ་བསྒྱུར་ནས་མའི་རུམ་ནས་ཆོས་ཀྱི་འབྱུང་གནས་ཀྱི་སྒོར་མངོན་པར་ཕྱོགས་ཤིང་གནས་པར་འགྱུར་རོ། །དེ་ཡང་ཕོ་ཡིན་ན་མའི་མངལ་རུམ་གྱི་གཡས་སུ་བརྟེན་ཅིང་རྒྱབ་ཏུ་མངོན་པར་བལྟས་ཏེ་ཙོག་ཙོག་པོར་གནས་སོ། །གལ་ཏེ་མོ་ཡིན་ན་དེའི་ཕྱིར་མངལ་གྱི་གཡོན་དུ་བརྟེན་ཏེ་ལྟེ་བར་མངོན་པར་བལྟས་ཏེ་གནས་སོ། །དེའི་འོག་ཏུ་ཟླ་བ་བཅུའི་ཐ་མར་རྩ་བའི་རྒྱུད་ལས་གསུངས་པའི་དམ་ཚིག་འབྱུང་བའི་རྡོ་རྗེའི་ཏིང་ངེ་འཛིན་ལ་ཡང་དག་པར་བསྟན་པའི་རིམ་པས་མའི་མངལ་ནས་ཐོན་པར་གྱུར་ཏེ། །དེའི་ཕྱིར་དྲི་ཟ་ཉེ་བར་འཁོར་སེམས་ཅན་གྱི་ཤའི་མིག་གི་ཡུལ་དུ་གྱུར་ཏོ། །ཞེས་དང་ས་ལྟར་མི་གཡོ་བའི་ཏིང་ངེ་འཛིན་དེ་ཉིད་ནི་སྙིང་པོ་སྟེ། ནང་གི་བདག་ཉིད་གང་ལ་ཡོད་པ་དེ་ནི་སའི་སྙིང་པོའོ། །ཡེ་ཤེས་ལྔ་ཡི་རང་བཞིན་གྱི་རྡོ་རྗེ་འཆང་བར་མཛད་པས་ན་ཕྱག་ན་རྡོ་རྗེའོ། །ནམ་མཁའ་ནི་སྒྲིབ་པ་དང་བྲལ་བའི་ཡེ་ཤེས་ཏེ་དེ་ཉིད་སྙིང་པོ་སྟེ་ནམ་མཁའི་སྙིང་པོའོ། །ཏིང་ངེ་འཛིན་གྱི་སྟོབས་ཀྱིས་འཇིག་རྟེན་རྣམས་དབང་དུ་བྱེད་པས་ན་འཇིག་རྟེན་དབང་ཕྱུག་གོ། །འོད་གསལ་ཞིང་ཡིད་དུ་འོང་བའི་ཏིང་ངེ་འཛིན་གྱིས་བསྐུལ་བའི་དཔལ་ཡོད་པས་ན་འཇམ་དཔལ་ལོ། །སྒྲིབ་པ་ཐམས་ཅད་དང་ཉོན་མོངས་པ་རྣམས་སྒྱུ་མ་ལྟ་བུའི་ཏིང་ངེ་འཛིན་གྱི་སྟོབས་ཀྱིས་མནན་པས་ན་སྒྲིབ་པ་ཐམས་ཅད་སེལ་བའོ། །ཀུན་ནས་མཛེས་པས་ན་ཀུན་ཏུ་བཟང་པོའོ། །བྱམས་པའི་ཡོན་ཏན་གང་ལ་ཡོད་པས་ན་བྱམས་པའོ། །ཞེས་དང་། དེ་ལ་གཟུགས་ཀྱི་ཕུང་པོ་འོད་གསལ་དུ་ཞུགས་པའི་མཚན་མ་མཁས་པས་ཤེས་པར་བྱ་སྟེ། ཡན་ལག་ཐམས་ཅད་ཕྲ་བ་དང་། ལུས་ཀྱི་ཉམ་ཆུང་ཞིང་ལྷོད་པར་འགྱུར་རོ། །མེ་ལོང་ལྟ་བུའི་ཡེ་ཤེས་ཐིམ་པ་ན་རབ་རིབ་ཏུ་འགྱུར་རོ། །སའི་ཁམས་འགགས་པ་ན་ལུས་བསྐམ་པར་འགྱུར་རོ། །མིག་གི་དབང་པོ་འགགས་པ་ན་མིག་འགྱུར་ཞིང་ཟུམ་པར་འགྱུར་རོ། །གཟུགས་ཀྱི་ཡུལ་འགགས་པ་ན་རང་གི་ལུས་ཀྱི་མདངས་མེད་ཅིང་ཉམས་ཟད་པ་ཉིད་དུ་འགྱུར་རོ། །དེ་ལྟར་འཁོར་བ་ཐོག་མ་མེད་པ་ནས་རྐང་མེད་དང་། རྐང་གཉིས་དང་། རྐང་བཞི་དང་། རྐང་མང་ལ་སོགས་པའི་སེམས་ཅན་རྣམ་པར་སྣང་མཛད་ཀྱི་རིགས་ཅན་རྣམས་སྐུའི་དཀྱིལ་འཁོར་ལ་གནས་ཏེ། དོན་དམ་པའི་དཀྱིལ་འཁོར་དུ་སྐད་ཅིག་པའི་རིམ་གྱིས་འཇུག་གོ། །གང་དག་ཆ་ཤས་ལ་གནས་པ་དེ་དག་ནི་འདིར་རྣམ་པར་བཞག་པ་མེད་མོད་ཀྱི། འོན་ཀྱང་རིམ་གྱིས་དོན་དམ་པའི་བདེན་པར་རབ་ཏུ་འཇུག་གོ། །དེ་བཞིན་དུ་གཉེས་པ་རིན་པོ་ཆེའི་རིགས་ཀྱི་ལྷ་རྣམས་དོན་དམ་པའི་བདེན་པར་འཇུག་པ་དེའི་ཚེ་མཚན་མ་མཁས་པས་ཤེས་པར་བྱ་སྟེ། ཚོར་བའི་ཕུང་པོ་ཐིམ་པ་ན་རླུང་དང་མཁྲིས་པ་བད་ཀན་ལ་སོགས་པ་ལུས་ཚོར་བ་ཉམས་སུ་མྱོང་བར་མི་འགྱུར་རོ། །མཉམ་པ་ཉིད་ཀྱི་ཡེ་ཤེས་ཐིམ་པ་ན་ཡིད་ཀྱི་ཚོར་བ་རྣམ་པ་གསུམ་དྲན་པར་མི་འགྱུར་རོ། །ཆུའི་ཁམས་བསྐམ་པ་ན་རང་གི་ལུས་ལ་ཁ་ཆུ་དང་ཁྲག་དང་ཁུ་བ་ལ་སོགས་པ་བསྐམ་པར་འགྱུར་རོ། །རྣ་བའི་དབང་པོ་ཐིམ་པ་ན་ཕྱི་དང་ནང་དུ་བཅས་པའི་སྒྲ་ཐོས་པར་མི་འགྱུར་རོ། །སྒྲའི་ཡུལ་ཐིམ་པ་ན་རང་གི་ལུས་ཀྱི་སྒྲ་ཐོས་པར་མི་འགྱུར་རོ། །གཉིས་པ་རིན་པོ་ཆེའི་རིགས་ཀྱི་ལྷ་རྗེས་སུ་གཞུག་གོ། །གསུམ་པ་པདྨའི་རིགས་ཀྱི་ལྷ་རྣམས་འཇུག་པའི་དུས་སུ་མཚན་མ་མཁས་པས་ཤེས་པར་བྱ་སྟེ། འདུ་ཤེས་ཀྱི་ཕུང་པོ་ཐིམ་པ་ན་རྐང་གཉིས་ལ་སོགས་པའི་སེམས་ཅན་རྣམས་དྲན་པར་མི་འགྱུར་རོ། །སོ་སོར་རྟོག་པའི་ཡེ་ཤེས་ཐིམ་པ་ན་ཕ་དང་། མ་དང་། བུ་དང་། གཉེན་ལ་སོགས་པའི་འགྲོ་བ་ཐམས་ཅད་ཀྱི་མིང་མི་དྲན་ནོ། །མེའི་ཁམས་ཐིམ་པ་ན་བཟའ་བ་ཐམས་ཅད་མི་འཇུའོ། །སྣའི་དབང་པོ་ཐིམ་པ་ན་སྟེང་གི་རླུང་བརྩེགས་ཤིང་འགྲོ་བར་འགྱུར་རོ། །དྲིའི་ཡུལ་ཐིམ་པ་ན་རང་གི་ལུས་ལ་དྲིའི་ཡུལ་བྲོ་བར་མི་འགྱུར་རོ། །གསུམ་པ་པདྨའི་རིགས་ཀྱི་ལྷ་རྣམས་རྗེས་སུ་གཞུག་པའོ། །བཞི་པ་ལས་ཀྱི་རིགས་ཀྱི་ལྷ་རྣམས་ཀྱི་ཡང་དག་པའི་མཐར་འཇུག་པའི་མཚན་མ་མཁས་པས་ཤེས་པར་བྱ་སྟེ། དེ་ལ་འདུ་བྱེད་ཀྱི་ཕུང་པོ་ཐིམ་པ་ན་ལུས་ཀྱི་བྱ་བ་ཐམས་ཅད་ལ་འཇུག་པར་མི་འགྱུར་རོ། །བྱ་བ་གྲུབ་པའི་ཡེ་ཤེས་ཐིམ་པ་ན་འཇིག་རྟེན་པའི་བྱ་བ་དང་དགོས་པ་ཐམས་ཅད་དྲན་པར་མི་འགྱུར་རོ། །རླུང་གི་ཁམས་ཐིམ་པ་ན་སྲོག་ལ་སོགས་པའི་རླུང་བཅུ་རང་གི་གནས་ནས་འཕོ་བའོ། །ལྕེའི་དབང་པོ་ཐིམ་པ་ན་ལྕེ་སྦོམ་པ་དང་། ཐུང་བ་དང་། རྩ་བ་སྔོན་པོར་འགྱུར་རོ། །རོའི་ཡུལ་ཐིམ་པ་ན་རོ་དྲུག་ཉམས་སུ་མི་མྱོང་ངོ་། །བཞི་པ་ལས་ཀྱི་རིགས་ཀྱི་ལྷ་རྣམས་རྗེས་སུ་གཞུག་པའོ། །ལྷག་མ་རང་བཞིན་གྱི་སྣང་བ་འཇམ་དཔལ་གྱི་ཡེ་ཤེས་རིམ་པ་གཉིས་པ་བྱ་སྟེ། དེ་ཡང་སྲོག་དང་རྩོལ་བ་དང་བཅས་པ་རྡོ་རྗེ་བཟླས་པའི་རིམ་པས་གནས་ཏེ། རིལ་པོར་འཛིན་པ་དང་རྗེས་སུ་གཞིག་པའི་རིམ་པས་མི་ཤིགས་པ་མངོན་དུ་བྱ་སྟེ། འཛིན་པ་ཉེ་བར་བསྡུས་པ་དེའི་ཚེ། ཨོཾ་ཤཱུནྱ་ཏཱ་ནས། ཀོ྅ཧཾ། ཞེས་བྱ་བའི་སྔགས་ཀྱི་དོན་མངོན་སུམ་དུ་བྱེད་པར་འགྱུར་རོ། །ཞེས་གསུངས་སོ། ། ༈

[edit]

AR+Ya de wa'i spyod bsdus sgron ma las zab gnad gces btus sogs dang / slob dpon AR+Ya de was mdzad pa'i rim lnga'i don gsal bar byed pa'i bstan bcos spyod bsdus sgron mar/__dngos med rnam dag nam mkha' mnyam la phyag 'tshal lo/__/ma lus tshig med yi ge bral la phyag 'tshal lo/__/'das dang ma byon kun tu son la phyag 'tshal lo/__/kun tu ma lus thams cad stong la phyag 'tshal lo/__/zhes dang /__sngags kyi de kho na nyid dang /__phyag rgya'i de kho na nyid dang /__bdag gi de kho na nyid dang /__chos kyi de kho na nyid dang /__lha'i de kho na nyid de/__go rim rnam pa lnga gsal bar bya ba'i phyir/__zhes dang /__rdo rje gtsug tor gyi rgyud las drangs pa/__phyag na rdo rjes gsol ba/__bcom ldan 'das chos thams cad kyi gnas don dam pa'i bden pa ji lta bu lags/__bcom ldan 'das kyis bka' stsal pa/__gsang ba'i bdag po/__chos thams cad ni phung po khams dang skye mched rnams dang /__'gro ba rgyu ba dang mi rgyu ba rnams te/__de yang don dam pa'i bden pa la gnas med pa'i tshul gyis don dam pa'i bden pa ni bdag med pa/__zil gyis mi non pa/__thams cad stong pa ste/__'phel ba med pa/__'grib pa med pa/__rnam par dag pa/__nam mkha' dang mnyam pa dri ma med pa'i ngo bo nyid/__yi ge med pa/__tshig med pa/__lus dang ngag dang yid dang bral ba/__yod pa ma yin/__med pa ma yin/__rgyu ba ma yin/__mi rgyu ba ma yin/__thag ring ba ma yin/__thag nye ba ma yin/__stong pa ma yin/__mi stong pa ma yin/__dbu ma yang ma yin pa 'di ni don dam pa'i bden pa'o/__/de bas ni ches mchog tu zab pa dang /__'jug par dka' ba dang /__skye ba med pa dang /__'gag pa med pa'o/__/rgyu rkyen gyis 'byung ba ni kun rdzob kyi bden pa ste/__de ni ji srid du rmi lam dang /__mig 'phrul dang /__gzugs brnyan ltar snang ba ldan pa sgyu ma lta bu'i ting nge 'dzin te/__rang gi mtshan nyid tshangs pa'i gnas pa bzhi'i rgyur gyur pa ni kun rdzob kyi bden pa'o/__/de gnyis zung du 'brel bar 'jug pa'i rim pa 'di ni yang dag pa'i tshul gyi bdag nyid kyi ting nge 'dzin te/__dmigs pa thams cad nye bar zhi ba gang yin pa'i de kho na nyid ces bya'o/__/zhes dang /__lang gshegs las drangs pa/__bcom ldan 'das rang gi sems snang ba'i rgyud gcig car ram/__rim gyis 'jug pas sam/__ji ltar rnam par dag par 'gyur/__bcom ldan 'das kyis bka' stsal pa/__blo gros chen po rang gi sems snang ba'i rgyud rim gyis 'jug pas rnam par dag ste gcig car ni ma yin no/__/'di lta ste/__blo gros chen po shing a mra'i 'bras bu rim gyis smin par 'gyur gyi gcig car ni ma yin no/__/zhes sogs 'phang slob pa'i dpe dang bcas pas rgyas par bshad mthar/__yang tshul 'di nyid kyis rdo rje'i theg pa la gnas pa'i dpa' bar 'gro ba'i ting nge 'dzin la slob par 'dod pas kyang rim pa 'di nyid la bslab par bya'o/__/de'i rim pa'ang 'di yin te/__thog ma nyid du sangs rgyas kyi theg pa'i bsam pa la slob bo/__/gang gi tshe sangs rgyas kyi theg pa'i bsam pa lobs par gyur pa de'i tshe theg pa sar pa dran pa gcig pa'i ting nge 'dzin la slob bo/__/gang gis theg pa gsar pa dran pa gcig ba'i ting nge 'dzin la lobs pa de'i tshe rtog pa'i rnal 'byor la slob bo/__/gang gi tshe rtog pa'i rnal 'byor la lobs pa de'i tshe las dang po pa'i ting nge 'dzin la rab tu gnas par 'gyur ro/_/gang gi tshe las dang po pa'i ting nge 'dzin la gnas pa de'i tshe rigs brgya'i dbye ba la 'jug go__/gang gi tshe rigs brgya'i dbye ba la mkhas pas lus rnam par dben pa shes pa de'i tshe sku rdo rje'i ting nge 'dzin la gnas par 'gyur ro/__/lus rnam par dben pa la gnas nas A li kA li'i sgo nas ngag rnam par dben pa la 'jug go__/gang gi rdo rje'i bzlas pa'i rim gyis srog dang rtsol ba shes pa de'i tshe gsung rdo rje'i ting nge 'dzin la rab tu gnas par 'gyur ro/__/ngag rnam par dben pa la gnas nas rang bzhin gyis snang ba'i rim gyis sems rnam par dben pa la 'jug go__/gang gi tshe rang bzhin gyis snang ba la rlung gi bzhon pa'i rab tu dbye bas yang dag pa ji lta ba bzhin du lobs pa de'i tshe sems kyi ting nge 'dzin la snyoms par 'jug par 'gyur ro/__/sems yang dag pa ji lta ba bzhin yongs su shes pa la gnas nas sgyu ma'i dpe bcu gnyis kyis kun rdzob kyi bden pa la 'jug go/__/gang gi tshe sgyu ma lta bu'i ting nge 'dzin la snyoms par 'jug pa de'i tshe sangs rgyas kyi dbang bskur ba thob bo/__/gang gi tshe dbang bskur ba thob pa de'i tshe sgyu ma lta bu'i ting nge 'dzin la gnas nas stong pa chen po bco brgyad kyi rim gyis don dam pa'i bden pa la 'jug go__/gang gi tshe ril por 'dzin pa dang rjes su gzhig pa'i ting nge 'dzin gyis yang dag pa'i mtha' la 'jug pa de'i tshe nyon mongs pa thams cad rnam par dag par 'gyur ro/__/gang gi tshe ye shes kyis rim gyis ldang ba'i phyir rang bzhin gyis 'od gsal ba'i bden pa gnyis la gnyis su med pa'i rnam pas bdag nyid mngon par rdzogs par sangs rgyas pa de'i tshe rdzogs pa'i ting nge 'dzin la lobs par 'gyur ba yin no/__/gang gi tshe rdzogs pa'i ting nge 'dzin la snyoms par zhugs pa'i rnal 'byor pas ni phyis chos gang yang mi slob bo/__/de ci'i phyir zhe na/__sngon legs par bslabs pa'i phyir te ji ltar 'phang gi slob dpon ni sgras mtshon pa la 'phog par byed par gnas pas phyis gang du yang mi slob bo/__/de ci'i phyir zhe na/__sngon legs par bslabs pa'i phyir sngon gyi 'phen shugs kyi stobs kyis mngon du 'gyur ro/_/de bzhin du rdzogs pa'i ting nge 'dzin la rab tu gnas pa ni phyis gang la yang slob par mi 'gyur te/__sngon shin tu legs par bslabs pa'i phyir de yis 'jig rten dang 'jig rten las 'das pa'i dngos grub dag ni lhun gyis grub pa nyid du mngon sum du 'gyur ro/__/de bzhin du rdzogs pa'i rim pa'i ting nge 'dzin la slob par byed pas kyang rim gyis 'jug pas bslab par bya'i/__gcig car ni ma yin no/__/de bas na lus rnam par dben pa med par ngag rnam par dben pa shes par mi nus so/__/ngag rnam par dben pa dang bral bas ni sems rnam par dben pa rtogs mi nus so/__/sems kyi rang bzhin snang ba'i ting nge 'dzin med par kun rdzob kyi bden pa mngon sum du bya bar mi nus so/__/kun rdzob kyi bden pa rtogs pa dang bral bas ni don dam pa'i bden pa mngon sum du bya mi nus so/__/don dam pa'i bden pa rtogs pa med par ni zung du 'jug pa'i rim pa mngon sum du bya bar mi nus so/__/bcom ldan 'das kyis kyang don gyi dbang gis 'di gzigs nas rim gyis 'jug par bslab par bya'i/__gcig car ni ma yin no/__/rim gyis 'jug pas rdzogs pa'i rim pa la bslabs pas gcig car rang gi rgyud rnam par dag par 'gyur te/__zhes sogs lung dang bcas par gsungs so/__/le'u gnyis pa lus rnam par dben par/__zla gsang thig ler/__rigs ni rnam pa brgyar bstan te/__/mdo ru bsdu na rnam pa lnga/__/lus dang ngag yid sbyor ba yis/__/gsum du yang ni 'gyur ba yi/__/zhes pa'i don rgyas par bshad de/__de yang phung 5po/__khams4/__dbang 5po/__yul 5rnams rigs lngas byin gyis brlabs 95pas dang /__thun mong du ye shes lngas byin gyis brlabs 100pa'i tshul gyis phye tshul rgyas par bstan mthar/__phung po khams dang de bzhin skye mched rnams/__/lnga po dbye ba lnga ru byas pa la/__/de bzhin gshegs pas so sor byin brlabs na/__/'khor ba'i las rnams dag ni ngag las 'byung /__/de bzhin dbang po phyi rol yul bcas lnga/__/re re zhing yang bde gshegs lnga rnams kyis/__/de la rang rang rtag tu byin rlob cing /__/ye shes lnga dang gsum du'ang yang dag gnas/__/zhes gsungs pa'i phyir ro/__/zhes dang /__de nyid mdor bsdu na lus kyi dkyil 'khor ni 'byung ba lnga las grub pa ste de nyid rigs lngas byin gyis brlabs tshul dang /__rin 'byung sku rdo rje/__don grub gsung rdo rje/__mi bskyod pa ni drug pa de bzhin gshegs par bsdu bas gsum du 'du tshul dang /__de yang /__sku rdo rje gyur nas rkan dang mchu sbyor ba dang /__lce'i tshogs rnam par gyur pa las gsung rdo rje la 'jug par 'gyur ro/__/thugs rdo rje ni de la skul bar byed pa yin te/__de ltar gsum tshogs pa las yid dga' zhing tshim par byed pa'i dngos grub rdzogs par byed pa'i don to/__/de ltar lus dang ngag dang yid la sogs pa'i bsgom pa'i mtshan nyid brtags nas da ni rdo rje gsum mi phyed pa'i mtshan nyid bzhag par bya ste/__gsang ba 'dus pa las/__khyed kyi sems lus lta bu dang /__lus sems lta bu dang /__sems tshig tu brjod pa lta bur skyed cig__/ces gsungs pas bdag ni rang bzhin gyis bdag po'o zhes bdag nyid brtan pa bskyed la rdo rje gsum gyi bdag nyid rdo rje 'chang chen por lhag par mos par byas pa ni byin gyis brlabs pa zhes bshad do/__/zhes gsungs shing /__mthar thug rdo rje mi phyed pa'i rigs gcig tu bsdu bar bstan to/__/le'u gsum pa ngag rnam par dben par/__de la ngag rnam par dben pa zhes bya ba ni sngags kyi de kho na nyid do/__/de yang rlung gi de kho na nyid dang bral bas de shes par mi 'gyur ro/__/rlung gi de kho na nyid ces bya ba ni srog dang rtsol ba'o/__/de bas na rlung gi de kho na nyid bstan pa'i tshig dpal gsang ba 'dus pa las/__rin chen kha dog sna lnga pa/__/yungs kar gyi ni 'bru tshad tsam/__/sna yi rtse mor nan tan du/__/de nyid sbyor bas rtag tu bsgom/__/zhes gsungs te/__rdo rje'i tshig 'di nges pa drangs pa'i don gyis dbye bas lha'i rnal 'byor rnam pa gnyis la yang sbyar te/__de la bskyed pa'i rim pa sgom par byed pas ni sna'i rtse mor yungs kar gyi 'bru tshad tsam gyi rang lha'i mtshan ma rang sems brtan par bya ba'i phyir bsgom par bya'o/__/zhes bstan pa 'di ni phra mo'i rnal 'byor bshad pa yin no/__/'di nyid rdzogs pa'i rim pa la gnas pa rnams kyi phra mo'i rnal 'byor bshad pa ni A li kA li rnams kyis bud med dang skyes pa dang ma ning gi tshul gyi yi ge gsum bskyed la/__yi ge gsum yang 'jug pa dang gnas pa dang ldang bar nges par sbyar la dkyil 'khor bzhi'i rim gyis srog dang rtsol ba'i bdag nyid can gyi rdo rje'i bzlas pa bya'o/__/zhes sogs dang /__dgongs pa lung ston pa'i rgyud las drangs pa/__srog dang thur sel gyen rgyu dang /__/khyab dang mnyam gnas zhes bshad dang /__/klu dang rus sbal gtsang pa dang /__/lhas sbyin dang ni gzhu las rgyal/__/zhes dang /__rlung bcu po 'di dag sangs rgyas thams cad dang mnyam par sbyor ba mkha' 'gro sgyu ma bde ba'i mchog gi tshul las ni sgra ji bzhin ma yin par gsungs te/__ko Ta khya/__ko Ta ba/__ko Ta/__ko Ta bash+tsa sha__/ko TI ra ba/__ko la khya/__ko la bA/__ko la/__ko la bash+tsa/__ko la ta thA/__ming 'di dag ni rdo rje'i sgo zhes bya ba'i rnal 'byor chen po'i rgyud las kyang sgra ji bzhin pa'i don gyis rlung bcur gsungs te/__srog dang /__thur du sel ba dang /__me dang mnyam du gnas pa dang /__gyen du rgyu ba dang /__khyab byed dang /__rgyu ba dang /__rnam par rgyu ba dang /__yang dag par rgyu ba dang /__rab tu rgyu ba dang /__nges par rgyu ba zhes bya'o/__/rdo rje'i slob mas gsol ba/__srog ces bya ba la sogs pa'i rlung bcu po lus 'di la gang zhig rab tu gnas nas ci zhig bgyid pa bcom ldan 'das rdo rje slob dpon ston pas bshad du gsol/__/rdo rje slob dpon gyis smras pa/__rlung lnga ni lus kyi cha la gnas nas lus kyi bya ba rnams byed do/__/rlung lnga ni mig la sogs pa'i skye mched la gnas nas dbang po rnams kyi bya ba rnams byed do/__/de la srog ces bya ba'i rlung snying gar gnas pa ni de bzhin gshegs pa mi bskyod pa'o/__/thur du sel ba 'doms na gnas pa ni de bzhin gshegs pa rin chen 'byung ldan no/__/gyed du rgyu ba lkog ma la gnas ba ni de bzhin gshegs pa 'od dpag tu med pa'o/__/me dang mnyam du gnas pa lte bar gnas pa ni de bzhin gshegs pa don yod grub pa'o/__/khyab byed tshigs thams cad la gnas pa ni de bzhin gshegs pa rnam par snang mdzad do/__/rgyu ba'i rlung ni gzugs so/__/rnam par rgyu ba ni sgra'o/__/yang dag par rgyu ba ni dri'o/__/rab tu rgyu ba ni ro'o/__/nges par rgyu ba ni reg bya'o/__/yang rlung bcu po 'di dag ni dbugs dbyung ba dang rngubs par 'gyur ba dang /__de rnams kyang rlung la sogs pa'i dkyil 'khor bzhi'i bdag nyid can du 'gyur ba dang /__yang de rnams lha mo bzhi'i bdag nyid can du 'gyur ba dang /__yang de rnams 'byung ba rnam pa lngar 'gyur ba dang /__yang de rnams me long lta bu la sogs pa'i ye shes rnam pa lngar 'gyur ba dang /__yang de rnams las gos dkar mo la sogs pa 'od zer rnam pa lnga'i bdag nyid can du 'gyur ba dang /__yang de rnams de bzhin gshegs pa lnga'i bdag nyid can du 'gyur ba dang /__yang de rnams yi ge gsum gyi gzhir gyur nas 'jug pa dang /__gnas pa dang /__ldang ba'i rim gyis rdo rje'i bzlas pa byed par 'gyur ba dang /__yang rlung de rnams a'i gzhir gyur nas tshig ma lus pa smra bar byed pa dang /__yang de rnams mi shigs pa thob nas dngos po med par 'gyur ro/__/rdo rje slob mas gsol pa/__ji ltar na rlung bcu po 'di dag gcig dang du ma'i dngos po rang gi lus la nyin dang mtshan du spro ba sdud par bgyid/__bcom ldan 'das rdo rje slob dpon gyis smras pa/__sems dpa' chen po legs so legs so/__/dpal de kho na nyid bsdus pa la sogs pa rtsa ba'i rgyud bla ma las ji ltar rlung gi de kho na nyid dgongs par bshad kyis gsal bar ma gsungs la/__de bshad pa'i rgyud las sgra ji bzhin par gsungs pa de la 'jug par bya'o/__/sangs rgyas lnga yi rig gnas pa/__/sna rtse'i bu ga las byung zhing /__/rlung lnga steng du yang dag rgyu/__/lus la rtag tu spyod par 'gyur/__/kun rdzob sna ni spyod pa ni/__/sgo de las ni rnam par 'byung /__/g.yon dang TI kar 'di'i don ni 'di yin te/__pad+ma dang rdo rje'i sna las 'od zer rnams byung nas steng du song ste/__kun rdzob kyi sna sgo las g.yas pa dang g.yon pa dang gnyis ka dang dal gyis rgyu ba'i rim gyis 'byung ngo /__/zhes sogs so/__/g.yas dang gnyis ka dang /__/dal bar rgyu dang rnam pa bzhi/__/g.yas pa nas ni 'byung ba'i khams/__/me yi dkyil 'khor nyid yin te/__/kha dog dmar ba'i mchog 'di ni/__/pad+ma mgon po rgyu ba'o/__/g.yon pa nas ni 'byung ba'i khams/__/rlung gi dkyil 'khor 'byung ba dag__/ljang ser dag tu snang ba ste/__/las kyi mgon po rgyu ba'o/__/gnyis ka las ni 'byung ba'i khams/__/gser gyi mdog tu snang ba ste/__/dbang chen gyi ni dkyil 'khor nyid/__/rin chen mgon po rgyu ba'o/__/dal zhing rgyu ba med pa'i khams/__/dag pa'i shel ltar snang ba ste/__/skad cig chu yi dkyil 'khor te/__/rdo rje mgon po rgyu ba'o/__/khams gsum yang dag 'byung ba ni/__/rten dang brten par bzung ba ni/__/rnam snang TI kar/__khyab byed kyis ni khams kyi dkyil 'khor bzhi char la khyab pa'i rlung ste mi 'byung zhing khyab pa'i 'od zer can ni de bzhin gshegs pa rnam par snang mdzad de nam mkha' dang mnyam pa'i ngo bo nyid do/__/zhes so/__/mdzad chen sku yin no/__/'chi ba'i mthar ni 'byung bar 'gyur/__/dkyil 'khor bzhi po 'di dag ni/__/mnyam par bzhag pas rtag tu zlos/__/sngags bzlas pa yi grangs kyis ni/__/nyin dang mtshan du rtag par zlos/__/zhes bcom ldan 'das kyis dpal rdo rje phreng ba zhes bya ba rnal 'byor gyi rgyud chen po las gsungs so/__/zhes sogs dang de'i don rgyas par bshad do/__/sngags kyi de kho na nyid bshad par/__/de la sprul pa la sogs pa'i sngags rnams ni A li kA li las yang dag par byung ba rnams so/__/de rnams kyi de kho na nyid mi shigs pa las byung ba'i yi ge gsum ste/__gang gi phyir sngags thams cad ni bud med dang skyes pa dang ma ning gi ngo bo nyid kyi man ngag ji ltar thos pas yi ge gsum la rab tu 'jug go/__/de bas na yi ge gsum ni sngags thams cad kyi bdag po'o/__/de yang re re zhing mi shigs pa dang lhan cig yi ge gsum las 'byung ba yin no/__/da ni yi ge gsum gyi bya ba bstan par bya ste/__de dang por gsum yang dag par sbyor ba las lha'i sku 'byung bar 'gyur ro/__/de nyid 'jug pa dang /__gnas pa dang /__ldang ba'i rim gyis lus nyin mtshan du 'dzin par byed do/__/de nyid A li kA li rnams dang lhan cig dbang po gnyis mnyam par sbyor ba'i dus su kha thur du bltas par gyur pas gsang ba'i sna yi bu ga nas sa bon gyi gzugs kyis byung nas sems can gyi khams skyed par byed do/__/de nyid srog dang rtsol ba yang lhan cig steng du song nas dbang po'i sgo rnams sad par byed cing kun rdzob kyi sna'i g.yon dang g.yas la sogs pa'i rim pas byung nas lhun gyis grub pas rdo rje'i bzlas pa bya ste/__sngon gyi las kyi sgrib pa rnam par sbyong bar byed do/__/de nyid nyin mo dang mtshan mo'i rim gyis bzlas pa'i grangs nye bar bzung nas chu la sogs pa'i dkyil 'khor byung ste/__dkar po la sogs pa'i gnas nas zhi ba la sogs pa'i las rnams byed do/__/de nyid yi ge'i gzugs su yongs su brtag la/__lce rtse shin tu mi bskyod cing /__/zhes bya ba la sogs pa'i ngag gi bzlas brjod kyi mtshan nyid kyi bzlas brjod byas nas phyi'i kha dog la sogs pa'i bya ba la brten te zhi ba la sogs pa'i las rnams byed do/__/yi ge gsum po de nyid sbyang bar bya ba dang /__rtogs par bya ba dang /__'bar bar bya ba'i rim gyis kha zas rnams sbyangs te skyon med par byed do/__/de ltar lus la gnas pa'i skabs thams cad du bya ste mthar mi shigs par zhugs nas/__yang tha mal pa'i lus la brten te/__de bzhin du thams cad byed do/__/zhes dang /__gang gi phyir a dang yang dag par ldan par ma gyur pa'i ka la sogs pa'i yi ge ni yod pa ma yin te/__mtha' can yin pa'i phyir tshig tu mi 'gyur ro/__/ji skad du/__bcom ldan 'das kyis mtshan yang dag par brjod pa las/__/a ni yig 'bru sogs=__byed/__/ces gsungs te/__de bas na bcom ldan 'das kyis bsam gtan ma lus pa sgo'i sa bon gyi tshig__/a ni skye ba med pa'i phyir chos thams cad kyi sgo'o/__/zhes gsungs pa dang /__lhan cig skyes pa'i yi ge yin pa yang gsungs te/__rdo rje dkyil 'khor rgyan zhes bya ba'i rgyud las/__/a ni gsal bar bstan pa'i phyir/__/snying gi dbus na mi shigs pa/__/'bar zhing mar me dag dang mtshungs/__/mi 'gyur mchog tu phra ba ste/__/a ni gtso bo dam pa'o/__/zhes gsungs so/__/de ltar na de bzhin gshegs pa thams cad a'i rigs su gyur pa dang /__a rgyur gyur pa dang /__a las nges par 'byung ba ste/__brjod bzhin pa na 'gags pa'i rang gi ngo bo nyid ngag gi rnam par rtog pa'i mtshan nyid can yang dag pa ji lta ba nyid shes na sgra dang sgra ma yin pa la ltos pa med par sems can gyi bsam pa'i dbye bas gdul bya'i skye bo rnams la chos bstan par mdzad pa yin no/__/de bas na bcom ldan 'das kyis lang+kar gshegs pa'i mdo las/__blo gros chen po byang chub sems dpa' chen po don la rton par bya'i/__yi ge la rton par mi bya'o/__/blo gros chen po yi ge'i phyir 'brang ba'i rigs kyi bu'am/__rigs kyi bu mo dag kyang don dam pa las nyams par byed cing gzhan yang khong du chud par mi byed do/__/zhes sogs rgyas par drangs so/__/mi'am ci'i rgyal pos zhus pa'i mdo las drangs pa/__gang bzod pa thob pa des ni thams cad bzod do/__/des stong pa yang bzod do/__/gang zag tu yang bzod do/__/de ci'i phyir zhe na/__gang zag lus stong pa gzhan ma yin te/__gang zag nyid stong pa'o/__/des mtshan mar yang bzod do/__/mtshan ma med pa yang bzod do/__/de ci'i phyir zhe na/__mtshan ma'i ngo bo nyid mtshan ma med pa'o/__/des smon par yang bzod do/__/smon pa med par yang bzod do/__/de ci'i phyir zhe na/__smon lam gyi ngo bo nyid kyi mtshan nyid ni smon pa med pa'o/__/des sems can thams cad rang bzhin gyis yongs su mya ngan las 'da' bar yang bzod do/__/des sems can thams cad 'chi 'pho dang skye bar yang bzod do/__/de ci'i phyir zhe na/__'chi 'pho dang skye ba ni sgyu ma'i ngo bo nyid do/__/rigs kyi bu de ltar mi skye ba'i chos la bzod pa thob pa ni 'gal ba med pa ste/__chos thams cad la 'gal ba med pa yin no/__/zhes sogs drangs so/__/yang gong gi lus dben skabs/__dbang po'i sgo yi rgyun las ni/__/srog dang rtsol ba rgyu ba dang /__/rtag pa'i dus su rgyu ba ni/__/srog ces bya ba yin par bshad/__/rlung dang gcin dang phyi sa dang /__/de bzhin du ni khu ba rnams/__/'og 'dren 'di ni thur sel ba/__/rtag tu rnal 'byor pas shes bya/__/myang dang za dang bldag pa dang /__/kun tu 'thung dang 'jib par ni/__/gang zhig rtag tu mnyam gnas pa/__/mnyam du gnas zhes bya ba yin/__/gyen du 'gro zhing sdud pa dang /__/bza' dang myang sogs za ba ni/__/shes dang lhan cig 'byor ba dag__/gyen rgyu'i las su shes par bya/__/khyab pa 'dzin pa nyid dang ni/__/'gro dang de bzhin ldog pa dang /__/tshigs rnams kun la khyab pas na/__/khyab byed ces ni bya bar bshad/__/ces gsungs so/____/__!_le'u bzhi pa sems dben skabs/__de bzhin gshegs pa rnams kyi man ngag yang dag pa 'gro ba la kha phyir bltas pa rnams kyi spyod yul ma yin pa/__shin tu zab pa/__mchog tu bzung dka' ba/__sangs rgyas rnams kyi spyod yul yongs su dris pa'i sems gang yin pa de'i ngo bo nyid ni rtsa ba med pa/__gnas med pa/__gzhi med pa/__mtshan ma med pa/__dbyibs med pa/__kha dog med pa/__dbang po las 'das pa/__rtog ge ba rnams kyi yul ma yin pa'o zhes bcom ldan 'das kyis rgyud thams cad las bstan pa'i tshig las gsungs so/__/de lta bas na rdo rje theg pa la gnas nas sangs rgyas nyid thob par 'dod pas dge ba'i bshes gnyen mnyes par byas nas rang gi sems kyi ngo bo nyid btsal bar bya'o/__/ji skad du bcom ldan 'das kyis de kho na nyid bsdus pa'i rgyud las/__rigs kyi bu mnyam par bzhag pas rang gi sems so sor rtog cig__/ces gsungs pa dang /__dpal rnam par snang mdzad mngon par byang chub pa'i rgyud las kyang /__byang chub ni rang gi sems yang dag pa ji lta ba bzhin du yongs su shes pa'o/__/zhes gsungs pa dang /__zhes sogs 'thad pa'i lung rgyas par drangs so/__/ye shes rdo rje kun las btus pa nas drangs pa/__bcom ldan 'das kyis bka' stsal pa/__rnam par shes pa ni 'od gsal ba las byung ba'o/__/de nyid ni sems dang yid ces bya ste/__kun nas nyon mongs pa dang /__rnam par byang ba'i bdag nyid can gyi chos thams cad ni de'i rtsa ba can yin no/__/de las bdag dang gzhan du rtog pa rnam pa gnyis 'byung bar 'gyur ro/__/rnam par shes pa de rlung la zhon te byung /__rlung las ni me'o/__/me las ni chu'o/__/chu las ni sa'o/__/de rnams las ni phung po lnga dang /__skye mched drug dang /__dbang po lnga rnams te/__de dag thams cad ni rlung dang rnam par shes pa yang dag par 'dra'o/__/de nas rnam par shes pa gsum gyi rang bzhin snang ba rab tu spyod pa yongs su gsal bar nyams su myong bar 'gyur zhing snang ba'i rgyus rang bzhin rnams 'byung bar 'gyur ro/__/mdor bstan pa'i tshig de rnams rgyas bar bshad pa'i bsdus pa bstan par bya ste/__de la dang po kho nar rnam par shes pa gsum gyi rnam grangs gzhan dag bshad par bya'o/__/de yang bcom ldan 'das kyis shes rab dang thabs shes bya ba'i ming gsal ba'i dgongs pas bshad pa 'dis ma ning gi tshig nye bar mtshon pa yin la/__nye bar thob pa'i ye shes ni gsal ba ma yin no/__/de bas na sems dang yid dang rnam par shes pa zhes bya ba dang /__kun tu brtag pa dang /__gzhan dbang dang /__yongs su grub pa dang /__'dod chags dang /__zhe sdang dang /__gti mug ces bya ba dang /__ngo bo nyid gsum zhes bya ba la sogs pa'i rnam grangs theg pa chen po dang thun mong du gyur pa'o/__/rdo rje theg pa 'dir rnam grangs gsungs pa/__snang ba dang /__snang ba mched pa dang /__snang ba thob pa dang /__stong pa dang /__shin tu stong pa dang /__stong pa chen po dang /__sems dang sems las byung ba dang /__ma rig pa dang /__'dod chags dang /__'dod chags bral ba dang /__'dod chags bar ma zhes bya'o/__/de ltar sems kyi rnam grangs bstan nas/__da ni so so rang rig pa'i ngo bo nyid kyi mtshan nyid dag gi sgo la brten nas bstan par bya ste/__bcom ldan 'das kyis sems ni dbyibs dang kha dog dang bral ba nam mkha'i mtshan nyid can no/__/zhes gsungs pa dang /__yang bcom ldan 'das kyis snang ba'i mtshan nyid can dang /__rjes su myong ba'i mtshan nyid du so sor rtog par bya'o zhes lung las bstan to/__/de bas na de'i man ngag la 'jug par bya ste/__'di lta ste/__dang po kun tu snang ba dang /__phyi nas rang bzhin no/__/de la snang ba dang /__snang ba mched pa dang /__snang ba thob pa zhes bya ste snang ba gsum mo/__/de la snang ba'i mtshan nyid gang zhe na/__rnam pa med pa'i rang bzhin lus dang ngag med pa ste/__ji ltar ston gyi dus su nam mkha' dri ma med pa la zla ba'i dkyil 'khor gyi 'od zer snang bar byed pas khyab par byed pa bzhin tu rang bzhin gyis gsal ba'i rnam pas dngos po ma lus pa thams cad la dmigs pas na snang ba ste/__'di don dam pa'i byang chub kyi sems shes rab kyi snang ba stong pa dang po ste/__oM zhes bya ba ngag gi sgo la brten pa'i sa bon brtan par byed pa'i rgyu ste/__mos pa chung ba'i sems can rnams kyis de bzhin gshegs pas dgongs te gsungs pa rtogs par mi 'gyur bas de zla ba'i dkyil 'khor gyi gzugs so zhes dmigs par byed cing /__pad+ma'am/__bud med kyi gzugs sam/__g.yon pa'i ming ngam/__mtshan mo'i ming dang /__'jam pa'i dngos por sems kyi kun rjob kyi gzugs gsal ba'o/__/snang ba mched pa'i mtshan nyid gang zhe na/__de yang gzung ba dang 'dzin pa bral ba'i rnam pa med pa'i rang bzhin can lus dang ngag med pa ste/__ji ltar ston ka'i dus su nyi ma'i 'od zer gyis khyab pa bzhin du shin tu gsal zhing dri ma med pa'i ngo bo nyid du dngos po ma lus par dmigs pa byang chub kyi sems kun tu bzang po gnyis pa ste/__rim pa gnyis pa shin tu stong pa'i mtshan nyid AHzhes bya ba'i ngag gi sgo la brten pa'i sa bon brtan par byed pa'i rgyu ste/__mos pa chung ba'i sems can rnams kyis de bzhin gshegs pas dgongs te gsungs pa rtogs par mi 'gyur pas nyi ma'i dkyil 'khor la brten nas dmigs par byed cing /__rdo rje rtse lnga pa'am/__rin po che'am/__nyin mo'am/__skyes pa'i gzugs sam/__g.yas pa zhes bya'am/__rtsub pa'i rnam pa ni sems las byung ba'i kun rdzob kyi gzugs so/__/snang ba thob pa gang zhe na/__de bzhin du nam mkha'i mtshan nyid dngos po med pa'i gzugs can lus dang ngag med pa ste/__ji ltar mtshams kyi smag la babs pa'i ngo bor khyab pa phra zhing bdag med pa srog dang rtsol ba mi rgyu bas rgyu ba med pa ste/__sems med pa mi g.yo ba dag gis sa bon la brten pa'i sgo yongs su grub pa zhes bya ba 'di ni snang ba thob pa ma rig pa'i mtshan nyid can stong pa chen po ste rnam par shes pa gsum du bshad do/__/de ltar sangs rgyas thams cad kyi man ngag stong pa gsum gyi mtshan nyid bstan nas/__da ni ye shes re re 'byung ba la rang bzhin 'byung ba rnam par bzhag par bya ste/__de la shes rab ye shes kyi rang bzhin ni 'dod chags dang bral bar dang /__'dod chags dang bral ba bar ma dang /__shin tu 'dod chags dang bral ba dang /__gang yid kyis 'gro ba dang 'ong ba dag dang /__mya ngan dang /__mya ngan bar ma dang /__shin tu mya ngan du gyur pa dang /__zhi ba dang /__rnam par rtog pa dang /__'jigs pa dang /__'jigs pa bar ma dang /__shin tu 'jigs pa dang /__sred pa dang /__sred pa bar ma dang /__shin tu sred pa dang /__nye bar len pa dang /__mi dge ba dang /__bkres pa dang /__skom pa dang /__tshor ba dang /__tshor ba bar ma dang /__shin tu tshor ba dang /__rig pa po dang /__rig pa dang /__'dzin pa'i gzhi dang /__so sor rtog pa dang /__ngo tsha shes pa dang /__snying rje dang /__brtse ba dang /__brtse ba bar ma dang /__shin tu brtse ba dang /__dogs pa dang bcas pa dang /__sdud pa dang /__phrag dog ste mtshan nyid sum cu rtsa gsum mo/__/thabs kyi ye shes kyi rang bzhin chags pa dang /__/kun tu chags pa dang /__dga' ba dang /__dga' ba bar ma dang /__shin tu dga' ba dang /__rangs pa dang /__rab tu mgu ba dang /__ngo mtshar ba dang /__rgod pa dang /__tshim pa dang /__'khyud pa dang /__'o byed pa dang /__'jibs pa dang /__brtan pa dang /__brtson pa dang /__khengs pa dang /__bya ba dang /__dbrog pa dang /__stobs dang /__spro ba dang /__dka' ba la sbyor ba dang /__/dka' ba la sbyor ba bar ma dang /__shin tu dka' ba la sbyor ba dang /__drag pa dang /__rnam par sgeg pa dang /__'gros dang /__dge ba dang /__tshig gsal ba dang /__bden pa dang /__mi bden pa dang /__nges pa dang /__nye bar mi len pa dang /__sbyin pa po dang /__bskul ba dang /__dpa' ba dang /__ngo tsha med pa dang /__sgyu zin pa dang /__gdug pa dang /__mi bsrun pa dang /__gya gyu che ba ste mtshan nyid bzhi bcu tham ba'o/__/snang ba thob pa'i ye shes kyi rang bzhin ni 'di lta ste/__chags pa bar ma dang /__brjed ngas pa dang /__'khrul pa dang /__mi smra ba dang /__skyo ba dang /__le lo dang /__the tshom dang bcas pa ste/__'di'i rang bzhin gyi mtshan nyid ni bdun po 'di dag go/__/rang bzhin rnam pa brgyad cu po de dag gi mtshan nyid ni mngon sum du phye bar gyur na brgya drug cu ste/__nyin dang mtshan du sgo nga las skyes pa la sogs pa rnams kyang nyin dang mtshan du spyod de/__pho dang mo'i skye gnas kyi dbye bas phye ba'i phyir ni ma yin no/__/zhes dang /__rnam par shes pa gsum ni rtsa ba med pa/__gnas med pa/__gzhi med pa/__mtshan nyid med pa/__kha dog dang dbyibs med pa/__dbang po las 'das pa yin par ni bden te/__de lta mod kyi snang ba dang bcas pa yin la/__des na rlung gi khams dang lhan cig mel tshe de gang gi phyir rlung gi khams ni gzugs med kyang g.yo zhing bskyod pa la sogs pa'i bya ba ston pas rjes su dpag par shes par bya'o/__/zhes sogs 'thad pa'i lung bcas rgyas par bshad mthar/__de ltar bshad pa'i rgyud la brten nas rang gi rang bzhin snang ba'i rjes su 'brangs nas rang gi sems yang dag pa ji lta ba bzhin du ma rtogs par las su smra ba'i sems can rnams 'khor ba thog ma med pa nas rang gi sems rnam par rtog pa las byung ba'i las dang nyon mongs pa'i 'ching bas dar gyi srin bu bzhin du rang nyid kyis sdug bsngal gyi phung po chen po mngon par 'du byas nas/__skye ba gcig nas gcig tu nye bar bsags pa'i dge ba dang mi dge ba'i las rnams kyi 'bras bu rnam par smin pa myong na yang don dam pa'i bden pa'i dkyil 'khor la 'jug pa'i rim gyis phung po yongs su spangs te/__rlung gi khams blangs nas tshor ba dang ldan zhing sred pas rjes su bcings la/__chos kyi dbyings rgyu mthun pa las byung ba'i dran pas yongs su bzung ba/__dge ba dang mi dge ba'i rnam pa'i yid dang ldan pa/__byis pa lo lnga pa dang mnyam pa thams cad mthong ba/__dbang po thams cad tshang ba/__dri'i zas la spyod pa/__rdo rje la sogs pas kyang mi bzlog la/__mtshan nyid thams cad dang ldan pa/__las kyi rdzu 'phrul gyi shugs dang ldan pa/__nyi ma bdun gyis 'ong ba'i bar la gnas nas rang gi rnam par rtog pa las byung ba'i las dge ba dang mi dge bas bskul bar gyur pas rgyu dang rkyen thob nas 'gro ba lnga rnams su zo chun gyi 'khrul 'khor gyi tshul gyis yang dang yang du nying mtshams sbyor ba len par byed cing /__'khor ba'i sdug bsngal rjes su myong bar 'gyur ro/__/zhes dang /__le'u lnga pa las kyi mtha' rnam par 'byed pa'i bsdus pa'i the tshom gcod pa las/__las kyi sgrib pa rnam par dag pa'i mdo las lung drangs pa/__bcom ldan 'das kyis bka' stsal ba/__dge slong de ltar chos thams cad ni 'od gsal ba yin na'ang byis pa so so'i skye bo rnams ni yang dag pa ma yin pa'i chos rnams la brtags/__phyin ci log la brtags/__gso ba dang /__gsog lta bu'i chos rnams la brtags pas sems can dmyal ba dang /__dud 'gro'i skye gnas dang /__gshin rje'i 'jig rten du 'gro bar 'gyur ro/__/dge slong de ltar sems kun nas nyon mongs pas sems can rnams kun nas nyon mongs pa can du 'gyur ro/__/sems rnam par dag pas sems can rnams rnam par dag par 'gyur ro/__/zhes dang /__dgongs pa bla na med pa las/__ji ltar sprin ni sna tshogs sogs=__yang de ltar na rig pa 'dis lung dang rigs pa dag gis de bzhin gshegs pa snying rje chen po'i bdag nyid can thams cad kyis sems can thams cad sdug bsngal gyi rba klong du ltung bar gyur cing /_skyabs med pa dpung gnyen med pa rnams la gzigs nas kun rdzob kyi bden pa'i tshul gyis nyon mongs pa'i ngo bo nyid yongs su shes pas nyon mongs pa rnam par dag par mdzad cing /__kun rdzob kyi bden pa yang don dam pa'i bden pas rnam par sbyangs nas yang dag pa'i tshul gyi bdag nyid can gyi ting nge 'dzin la yang dag par 'jog par mdzad pa yin no/__/zhes so/__/le'u drug pa kun rdzob kyi bden pas bsdus pa'i the tshom gcod par/__lus rnam par dben pa ni lha'i gzugs med de/__lus ni rdul phra rab bsags pa tsam yin pa'i phyir ro/__/ngag rnam par dben pa'i mthar thug pa yang 'jug pa la sogs pa'i rim gyis rdo rje'i bzlas pa tsam yongs su shes pa ste/__de la yang lha'i rnam pa med de/__sgra rnams ni brag ca lta bu yin pa'i phyir ro/__/sems rnam par dben pa'i mthar thug pa yang rang bzhin gyis snang ba tsam yongs su shes par zad pas/__der yang rnam pa thams cad kyi mchog dang ldan pa'i lha'i sku'i ngo bo rnyed par mi 'gyur te/__sems ni snang ba tsam yin pa'i phyir ro/__/zhes sogs kyis dris pa'i lan/__rang gi sems ji lta ba bzhin yongs su shes par zhes bya ba/__phung po khams dang skye mched rnams la yang med pa/__ye shes tsam du yongs su snang ba tsam gyis mtshan thams cad dang ldan pa'i lha'i skur bzung ba de yang sgyu ma dang /__rmi lam la sogs pa'i dpe rnam pa bcu gnyis kyis mtshon pa 'di ni sangs rgyas rnams kyi yid kyi rang bzhin can gyi sku yin no/__/zhes sogs dang /__bdag la byin gyis brlabs pa zhes bya ba 'di ltar rtsig pa'i ras ris me long gi nang du nye bar snang ba de bzhin du rdo rje sems dpa'i sku'i ngo bo nyid kyis bdag nyid sprul te/__rnam pa thams cad kyi mchog dang ldan pa sku blta bas chog mi shes pa skyes bu chen po'i mtshan sum cu rtsa gnyis la sogs pas lus la brgyan pa ste/__mdor na sangs rgyas thams cad kyi yon tan gyis brgyan pa zhes pa'i bar du'o/__/ji skad du bcom ldan 'das kyis mngon par byang chub pa'i rgyud las/__'ja' tshon lta bu'i lus dag ni/__/de nyid bsgoms pas 'thob par 'gyur/__zhes gsungs so/__/'di'i don ni 'di yin te/__'ja' tshon zhes bya ba ni lha'i dbang po'i gzhu'o/__/de yang gang zhe na/__dngos su 'od zer lngas nye bar mtshon pa ste/__ji ltar 'ja' tshon nam mkha'i dkyil na kha dog lnga'i dbye ba yongs su gsal ba yin te/__lus kyang de dang 'dra bar nye bar mtshon pa'i phyir/__'ja' tshon lta bu'i lus ngag ni/__/zhes bya ba'i don to/__/de nyid bsgoms pas 'thob par 'gyur/__/zhes bya ba ni bla ma las man ngag yang dag par thob nas de kho na nyid bsgoms shing don dam pa'i bden pa la dmigs pas 'thob pa'i don to/__/zhes gsungs so/__/le'u bdun pa don dam pa'i bden pas bsdus pa'i the tshom gcod par/__de la mngon par byang chub pa'i rim pa ni rnam pa gnyis te/__'di lta ste phyi dang nang gi'o/__/de la dang por phyi'i bstan par bya ste/__tho rangs kyi thun mtshams su ma rig pa'i snang ba 'das nas ji srid nyi ma gsal bar ma gyur pa ste/__'di la ni 'od gsal dri ma med pa'i rnam pa gsal zhing lus dang ngag dang yid dang bral ba thams cad stong pa'i mtshan nyid can no/__/nyi ma shar ba ni snang ba mched pa'o/__/nyi ma nub pa'i thun mtshams su ma rig pa'o/__/zla ba shar ba'i tshe ni snang ba'o/__/de ltar stong pa nyid rnam pa bzhi phyi rol la nges par bstan par bshad nas/__da ni nang gi mngon par byang chub pa so so rang gis rig pa'i mtshan nyid can rim pa 'dis bstan par bya ste/__dang por smig rgyu lta bu la 'od zer lnga'i tshogs dang ldan par mthong ngo /__/gnyis pa ni/__snang ba ste zla ba'i 'od zer lta bu'o/__/gsum pa ni snang ba mched pa ste nyi ma'i 'od zer lta bu'o/__/bzhi pa ni snang ba thob pa ste mun pa lta bu'o/__/de nas mun pa dang bral ba'i skad cig la 'od gsal ba ste/__shin tu gsal ba rtag tu snang ba'i mtshan nyid can don dam pa'i bden pa'i rang gi mtshan nyid ye shes kyi mig gis mthong ba'o/__/de ltar thams cad stong pa nyid mngon sum du byas nas rim pa 'dis bsam gtan mnyam pa nyid la dmigs par byed do/__/de'i rim pa ni 'di yin te/__chu bo'am lteng ka'i chu ni dri med dag pa gong bu gnas pa ltar/__/de bzhin de la rim gyis rjes su gzhig par byed pa'i rnal 'byor pas ni rtag tu bsam/__/me long la ni rlung dag rim gyis zad par byed pa bzhin du blta bya ste/__/ril por 'dzin la'ang bya ba'i rim pa 'di yis de nyid yang dag brtag__/da ni ming la mngon par zhen pa rnams kyi 'khrul pa bsal ba'i phyir don dam pa'i bden pa'i ming gi rnam grangs 'ga' zhig la 'jug par bya ste/__de la dang por ni 'od gsal ba dang /__thams cad stong pa dang /__sangs rgyas ye shes dang /__rdo rje'i ye shes dang /__bla na med pa'i ye shes dang /__dri ma med pa dang /__sogs nas/__nyon mongs pa thams cad zad par byed pa zhes bya'o/__/zhes sogs shin tu rgyas par bstan to/__/le'u brgyad pa mi gnas pa'i mya ngan las 'das pa'i khams bsdus pa'i the tshom gcod par/__rdo rje theg pa 'di la bskyed pa'i rim pa la bslabs nas sa brgyad pa thob ste/__yang nas yang du bde 'gror skye zhing ji srid rdzogs pa'i rim pa ma thob pa de srid du dge ba'i bshes gnyen mnyes par bya'o/__/sku dang gsung dang thugs mngon par rtogs nas sa bcu thob pa/__sgyu ma lta bu'i ting nge 'dzin so sor thob cing /__sgyu ma lta bu'i ting nge 'dzin yang dag par rtogs nas snang ba rnam par dag pa so sor thob cing /__snang ba med pa las langs nas zung du 'jug par gnas pa'i rim gyis sangs rgyas kyi bya ba mngon sum du byas nas/__rdo rje lta bu'i ting nge 'dzin gyi yon tan thams cad kyis brgyan nas gnas par 'gyur ro/__/zhes sogs lung dang bcas pa drangs mthar/__gang rigs pa 'dis mngon par byang chub pa'i rim pa 'dis 'od gsal ba yang dag par thob par gyur pa de'i lus dang ngag dang sems dri ma med pa'i ngo bo nyid thams cad stong pa nyid yin pas/__rnam par shes pa gsum rnam par dag pa'i shes rab kyi pha rol tu phyin pa'i ngo bo nyid la ni sems pa med cing smra ba med pa gang yin pa 'di ni mya ngan las 'das pa'i khams te/__gzugs med pa dang /__reg par dka' ba dang /__las dang skye ba las rnam par grol ba dang /__nyi ma dang /__zla ba dang /__me dang /__nor bu'i 'od kyis ngo bo nyid bzhin du gsal ba'o/__/de las ni mun pa'i snang ba ste snang ba nye bar thob pa la sogs par 'gyur ro/__/snang ba nye bar thob pa las gsal ba'i nyi ma'i 'od kyis snang ba'i tsha ba'i ngo bo snang ba mched pa 'byung bar 'gyur ro/__/de las ni gsal ba zla ba'i 'od zer bsil ba'i ngo bo nyid kyis snang bas khyab pa shes rab kyi ye shes 'byung bar 'gyur ro/__/dpal mchog dang po las kyang /__nam mkha' las ni nam mkha' 'byung /__/thams cad stong pa nam mkha' che/__/zhes gsungs so/__/de bas na stong pa nyid gzhi gcig tu gyur pa'i snang ba'i tshogs nam mkha' snang byed lta bu'i 'jig rten gyi khams thams cad snang bar byas te/__khams phra ba dang lhan cig tu grib ma dang 'dra bar gcad du med pa dang gzhig tu med pa'i rdo rje'i sku'i ngo bo nyid 'pho ba med cing /__zag pa med pas nyon mongs pa'i bag chags thams cad las rnam par grol ba 'dod pa tsam gyis dbang du gyur pa thob pa chu la nya lta bu'am/__myur bar gnyid log cing sad pa bzhin du mchog tu dga' ba'i lus kyis ngo bo nyid kyi gzugs 'byung bar 'gyur ba'i gzugs kyi bdag nyid can gyi ming ni rdo rje 'chang chen po zhes bya'o/__/'khor ba'i 'ching ba las nges par grol bas na thar pa zhes bya'o/__/sogs dang /__rtsa rgyud lung las/__e ma'o rdo rje e rdo rje/__/e ma'o rdo rje chos bstan pa/__/gang du lus ngag sems med pa/__/de ni gzugs su rnam par bsgom/__/zhes dang /__rje btsun gyis/__khong stong khyod kyi sku la med/__/sha dang rus pa khrag kyang med/__/nam mkha' las ni 'ja' tshon ltar/__/khyed kyi sku ni ston par mdzad/__/sogs dang /__zung du 'jug pa'i sku yongs su rdzogs pa 'di ming gi rnam grangs 'ga' zhig la 'jug par bya ste/__rig pa chen po'i skyes bu'i gzugs dang /__bden pa gnyis kyi tshul la gnas pa dang /__rang bzhin gyis 'od gsal ba'i bdag nyid can dang /__thabs dang shes rab kyi bdag nyid can dang /__'jig rten gsum gyi bdag nyid can dang /__dus gsum gyi bdag nyid can dang /__theg pa gsum gyi bdag nyid can dang /__dkyil 'khor gsum gyi bdag nyid can dang /__sogs nas/__'khor ba'i pha rol gyi mtha' la gnas pa dang /__ye shes kyi sku dang /__rang byung zhes bshad do/__/rdo rje lta bu'i ting 'dzin gyi khyad par 'di nyid bcom ldan 'das kyis dpa' bar 'gro ba'i ting nge 'dzin gyi mdo las kyang /__gang gis dpa' bar 'gro ba'i ting nge 'dzin 'di dag thob pa'i skyes bu dam pa ni sangs rgyas thams cad kyi yul du mchis pa lags so/__/rang dbang gi ye shes la dbang bgyid pa lags so/__/zhes sogs rgyas par drangs so/__/le'u dgu pa spyod pa mngon par byang chub pa'i spros pa dang bcas pa bsdus pa'i the tshom gcod par/__sems dpa' chen po legs so legs so/__/khyad par gyi rgyu thob cing brtson 'grus 'bar ba rnams dang /__lus dang srog la ltos pa med pa rnams kyis tshe 'di nyid la rang gi gzugs su 'dzin pa yongs su log nas/__yon tan gyi dbang phyug brgyad kyi 'bras bu yongs su rdzogs par byed par 'dod pa rnams kyi the tshom med par bya ba'i phyir yongs su 'dri ba legs so legs so/__/dngos por 'dzin pa rnams bsal nas thar pa 'dod pa rnams kyi sgom pa rnam par dag pa dang /__spyod pa rnam par dag pa khyed la rim bzhin du bshad kyis nyon cig__/'di la bden pa gnyis gnyis su med pas rgyu dang 'bras bu dag kyang gnyis su med pa yin la/__/rgyu dang 'bras bu gnyis su med pas thob pa dang thob par bya ba dag kyang gnyis su med pa yin la/__thob pa dang thob par bya ba gnyis su med pas sgom pa dang bsgom par bya ba dag kyang gnyis su med pa ste/__gnyis su med pa la ni sgrub pa po dang /__sgrub pa dang /__bsgrub par bya ba dmigs par mi 'gyur ro/__/zhes dang /__'dir sgrub pa po ni kun rdzob kyi bden pa rtogs pa'o/__/sgrub pa ni don dam pa'i bden pa'o/__/bsgrub par bya ba ni gnyis su med pa'i ye shes so/__/de bas na rgyu dang 'bras bu gnyis su dbye ba med par yongs su shes pa ni 'dir sgom pa nyid du bshad do/__/zhes sogs dang /__spyod pa rnam par dag pa bshad pa ni/__gnyis su med pa'i ye shes rtogs par gyur nas mnyam par bzhag pa dang ma bzhag pa'i gnas skabs gnyis su med par 'gyur la/__de gnyis su med na su zhig spyod pa rnam par spyod de/__ji ltar byed pa po med par gyur pas bya ba rnams kyang med par 'gyur ba 'jig rten na nges pa yin no/_/yang brtul zhugs kyi spyod pa med par thog ma med pa'i nyon mongs bag chags zad par mi nus so/__/zhes lung las bshad pa dang 'jig rten du grags so/__/zhes sogs dang /__de la thog ma kho nar bcom ldan 'das spyod pa mdzad pa'i spyod pa byang chub sems dpa'i gnas skabs su gling la sogs pa la gzigs par mdzad de/__dga' ldan gyi gnas nas bab par mdzad nas rgyud la sogs pa'i tshul rnam pa bzhir bstan te/__'dod chags dang bral ba'i gzugs su mngon par sprul nas dman pa la mos pa rnams la 'phags pa'i bden pa bzhi rtogs par mdzad cing 'dod chags dang bral ba'i spyod pa bstan pa dang /__yang rgya chen po la mngon par zhen pa rnams la rnam par shes pa'i tshogs brgyad la sogs pa chos bdag med par rtogs par mdzad cing /__sa dang pha rol tu phyin pa'i spyod pa ston par mdzad pa dang /__yang 'khor los sgyur ba'i gzugs su mngon par sprul nas/__zab mo la lhag par mos pa rnams la 'dod chags kyis bden pa gnyis rtogs par bya ba'i phyir 'dod chags kyi chos bstan par mdzad pa yin no/__/sogs dang /__nyon mongs pa rnams ni nyan thos la sogs pa dmigs par lta ba rnams kyi nyon mongs pa rnams kyi rkyen du 'gyur te/__nyon mongs pa'i ngo bo nyid yongs su shes pa'i phyir ro/__/ngo bo nyid yongs su shes na ni byang chub kyi skur 'gyur ro zhes bcom ldan 'das kyis mdo sde las gsungs te/__ji skad du/__dpal mchog dang po zhes bya ba'i rnal 'byor chen po'i rgyud las kyang /__'dod chags zhe sdang gti mug gsum/__/'dzin pas dug tu 'gyur ba yin/__/dug nyid nye bar zhi gyur na/__/dug ni dug med byas pa yin/__/bdud rtsi rim gyis bsten na ni/__/bdud rtsi nyid du 'gyur ba'ang yin/__/zhes gsungs pa dang /__sogs lung mang du drangs mthar/__de la 'dod chags las byung ba'i byang chub sems dpa'i spyod pa ni rnam pa gsum ste/__'di lta ste/__spros pa dang bcas pa dang /__spros pa med pa dang /__shin tu spros pa med pa zhes bya'o/__/de la spros pa dang bcas pa'i spyod pa gang zhe na/__'di lta ste/__de bzhin gshegs pas dbugs dbyung ba dang /__rdo rje 'chang gis dbugs dbyung ba dang /__ji skad du bstan pa'i de bzhin gshegs pa thams cad kyi tshogs spyod de shin tu 'dres pa chos sku dang bcas pa 'dod pa'i yon tan ma spangs par rdo rje 'chang grub pa in+d+ra b+hU ti lta bu/__a ral+li rgyas pa de ni spros pa dang bcas pa'o/__/de la spros pa med pa gang yin zhe na/__rtag tu khyab pa las dgos pa'i dbang du 'ga' zhig nye rgyu'i spyod pa ste rig ma la brten pa dril bu pa lta bu/__la rol pa de mi spros pa med pa'o/__/shin tu spros pa med pa gnyis spang ma b+hU su ku'i spyod pa ste a ba b+hU ti dang l+wa ba pa lta bu'o/__/gang yin zhe na/__'du 'dzi thams cad rnam par spangs nas/__bsam gtan gyi zas dang /__/gnas dben pa 'ba' zhig dang /__ye shes kyi phyag rgya la snyoms par 'jug pa goms pa de ni shin tu spros pa med pa ste/__dper na shing tshig pas kyang thal bar 'gyur ro/__/tA la'i lo ma tshig pas kyang thal bar 'gyur ro/__/ras bal gyi lo ma tshig pas kyang thal bar 'gyur te thams cad kyang thal bar 'gyur ro/__/de bzhin du spyod pa gsum char gyis kyang rdo rje 'dzin pa'i go 'phang mngon par 'dod pa nyid skye bar 'gyur ro/__/zhes sogs nas/__spros bcas kyi spyod pa sangs rgyas mnyam sbyor gyi rjes su 'brangs te rgyas par bshad do/__/le'u bcu pa spros pa med pa'i spyod pa bsdus pa'i the tshom bcod par/__de ltar na 'dod pa na spyod pa drug ste/__gnyis gnyis 'khyud pa dang /__lag pa bcangs pa dang /__bltas dang rgod pa'i bde bas mchog tu dga' ba'i bde ba skad cig skad cig la nyams su myong bar byed do/__/rdzogs pa'i gnas na'ang 'khor bdag las rtag tu dga' ba'i gzugs can du 'gyur ro/__/don 'di nyid gsal bar bya ba'i phyir/__lha thams cad yang dag par 'dus pa'i rgyud las/__dbang po gnyis ni mnyam sbyar te/__/rtsol ba'i cho ga'i 'og tu ni/__/dga' ba'i sems kyis thugs 'grub pa/__/bde ba chen po zhes bya'o/__/zhes sogs gsungs so/__/le'u bcu gcig pa shin tu spros pa med pa'i spyod pa bsdus pa'i the tshom gcod par/__de la dang po kho nar sgrub pa pos 'khor ba thog ma med pa can gyi sdug bsngal dran par byas te/__mya ngan las 'das pa'i bde ba 'dod pas 'du 'dzi thams cad yongs su spang bar bya zhing /__tha na rgyal srid kyi dbang phyug la'ang sdug bsngal gyi 'du shes bsgom par bya'o/__/gnyis pa til 'bru tsam la'ang dngos por 'dzin pa'i blo spang bar bya'o/__/gsum pa don dam pa'i bden pa la dad pas lus dang srog la'ang ltos pa med par bya'o/__/zhes sogs dang /__de bas na phyi rol gyi bud med rnam par spangs nas snying gar gnas pa'i ye shes kyi phyag rgya dang lhan cig tu shin tu myur bar rdo rje 'chang gi go 'phang rdzogs par bya'o/__/zhes spros pas dmigs te/__gcig pu kho nar logs nas bshad pa'i rim pa bzhin du bsam par bya'o/__/zhes sogs dang /__phung po sogs ni khams phra ba la gzhug go__/khams phra ba ni yang sems la gzhug go/__sems ni yang ma rig pa la gzhug ste/__de ltar sbyar nas gnyid log par byed do/__/de la dus 'dir ni sems can ma rig pa la rab tu zhugs pa'i skad cig la dran pa brjed pa'o/__/phyis ni brjod pa'ang med pa'i ye shes kyi ngo bo nyid ni 'od gsal pa'o/__/yang grol ba na rlung gi rang bzhin rnyed de/__/gang gi tshe rmi lam gzhan dag 'byung ba ni ji srid du rnam par shes pa mi g.yo ba de srid du gnyid log nas 'od gsal la blta ste/__de ni so so rang gis rig pa lus dang ngag dang sems bral ba'i don dam pa'i bden pa ni nang gi mngon par byang chub pa zhes bya'o/__/rim pa 'dis lus kyi dkyil 'khor la gnas pa'i de bzhin gshegs pa'i tshogs rnams sad par bya zhing /__de bzhin nyid la gzhug par byas nas skal pa bzang po'i dngos grub thob par 'gyur te/__spros pa dang bcas pa dang /__spros pa med pa'i spyod pa ltos pa med par shin tu myur bar 'dir rang gi gzugs yongs su brjed par 'gyur ro/__/zhes sogs lung dang bcas pa dang /__yul la zhen pa dang rol pa thams cad spangs te/__rim pa 'dis b+hu su ku tsam gyi spyod pa la spyad de/__b+hu zhes bya ba ni zas la spyod pa ste de tsam zhig rjes su dran pa dang 'du 'dzi spong bar byed cing /__dka' thub dang brtul zhugs so zhes gang la'ang bsam par mi bya'o/__/su zhes bya ba ni gnyid log pa ste rnam par shes pa 'di dag ma rig pas nye bar mtshon pas mngon sum du byed do/__/ma rig pa lcags kyu de nyid kyis rnam par shes pa la'ang 'gre bar mi byed de/__'od gsal ba nyid mngon par 'du byed cing dri ma med pa'i ngo bo nyid do/__/ku zhes bya ba bshang sar 'gro ba ste/__bshang ba gci ba 'dor ba'i phyir de tsam zhig rjes su dran par byed cing 'du 'dzi spong bar byed la/__lus dang tshor ba dbang po'i yul dang ngo bo nyid sems par mi byed do/__/zhes sogs lung dang bcas pa dang /__de ltar chung ngu dang /__'bring dang /__chen po nyid dbye bas na tshod dang rjes su mthun pas spyod pa rnam gsum zla ba phyed dam/__zla ba drug bzlas par 'gyur bas phyag rgya chen po'i dngos grub thob pa'i mtshan ma nye bar 'byung bar 'gyur te/__de la mtshan ma 'di dag yin no/__/gzugs phra ba dang /__reg pa yang ba dang /__khyab pa dang /__yang dag par thob pa nyid dang /__rab tu snang ba nyid dang /__brtan pa dang /__dbang du gyur pa dang /__'dod dgur bsgyur ba zhes bya'o/__/zhes sogs dang /__rdo rje slob mas gsol ba/__gal te sgrub pa po bden pa mthong yang sngon gyi bag chags la goms pa'i stobs kyis zhing dang /__las dang /__tshong dang bsnyen bkur la sogs pas g.yengs nas spyod pa rnam pa gsum spyod par mi byed pa dang /__sgrub pa po gzhan dag 'byor pa ma tshang bas rgyud las ji skad gsungs pa'i cho ga rdzogs par byed mi nus pa'i phyir/__mi spyod pa de dag ni 'chi ba'i dus byas na yang srid pa gzhan du 'gro bar 'gyur ram/__yang na rdo rje 'chang ba nyid 'thob par 'gyur/__zhes sogs dang /__de bas na de kho na nyid shes pa'i rkyen ma tshang bas ji skad du bshad pa'i spyod pa gal te ma spyad du zin kyang /__lta ba ngan rtag chad 'chi 'pho sogs/__pa thams cad rnam par spangs nas 'chi bar 'gyur ba don dam pa'i bden pa yin la/__skye ba ni kun rdzob kyi bden pa'o zhes yang dag par mngon par rtogs nas brgya lam na 'od gsal bar zhugs nas/__tha mal gyi phung po bor nas bdag la byin gyis brlabs pa'i rim gyis ldang bar bya'o zhes pa brtan pa'i sems bskyed de/__de yid la byed pas gnas par byed na/__de skye ba gzhan du yid la byed pa de 'dor bar mi 'gyur te/__de bas na thams cad mkhyen par 'gyur ro/__/de bas na/__bsam pa gang dang gang gis ni/__/mi rnams yid ni yang dag sbyor/__/des ni de yi rang bzhin 'gyur/__/sna tshogs nor bu ji bzhin no/__/zhes gsungs so/__/de bas na 'di thams cad ni khyad par can yongs su bsgyur bas yongs su 'gyur bzhin pas/__khyad par can gyi 'bras bu 'byung bar 'gyur ro/__/'dir bshad pa/__gang zhig skye ba kun rdzob bden zhes bya/__/'chi ba'i ming yang don dam bden pa yin/__/rim gnyis de dag bla ma'i drin gyis ni/__/rnyed pa 'di ni ma 'ongs sangs rgyas yin/__/bden gnyis de la zung du 'jug pa ni/__/mi 'chad bzhin du de dag khyad par med/__/ming gnyis tha ma gcig pu kho nar ni/__/shes pa de 'dir bcings nas grol ba yin/__/zhes sogs gsungs so/__/'dir smras pa/__dben gsum 5bdud rtsis brlan pa'i 'khri shing las/__/kun rdzob sgyu 6ma'i yal 'dab rab rgyas shing /__/don dam 'od gsal 7me tog mdzes 'bar bar/__/spyod pa 10gsum gyi zung 10'jug 'bras bur shog__/ces pa'ang smras so/____/_!_slob dpon de nyid kyis mdzad pa'i sems kyi sgrib pa rnam par sbyong ba'i rab tu byed par/__las drag gis ni 'gro ba rnams/__/gang dang gang du 'ching 'gyur ba/__/thabs dang bcas na de nyid kyis/__/srid pa'i 'ching las grol bar 'gyur/__/sems tsam rnam par dag bya'i phyir/__/'bras bu rnam par dag par 'gyur/__/'di dag shin tu rgyas par ni/__/theg pa chen por gsal bar bstan/__/chos dang gang zag dbyer med pa/__/ye shes tsam du thub pas gsungs/__/de ltar na yang 'di ltar 'byung /__/rigs pa dang yang rab tu mthun/__/dngos 'dzin gdon gyis zin pa yi/__/zhen ba rab tu bsal bya'i phyir/__/lung las kyang ni gsal po ru/__/rgyal ba snying rje'i bdag nyid gsungs/__/chos rnams sngon du 'gro ba'i yid/__/yid gtso yid ni mgyogs pa ste/__/yid gnyis kyi ni 'bad pa yang /__/smra ba'am ni byed pa'o/__/zhes dang /__bsam pa bzang pos mchil l+h+wam gnyis/__/thub pa'i dbu la bzhag pa dang /__/de nyid gzhan gyis bsal ba yis/__/gnyis kas rgyal srid thob par 'gyur/__/de phyir bsam pa'i rtsa ba la/__/bsod nams sdig pa rnam par gnas/__/lung las 'di ltar gsungs pa'i phyir/__/sems dge ba la nyes pa med/__/rang lhar sbyor ba'i bdag nyid kyis/__/'gro ba'i don ni byed brtson pas/__/rnal 'byor 'dod yul longs spyod kyang /__grol 'gyur dgos par mi 'gyur ro/__/dang /__byis pa rnams ni gzugs la chags/__/'bring po rnams ni chags bral 'gyur/__/gzugs sogs ngo bo nyid shes na/__/blo mchog rnams ni grol bar 'gyur/__/dam tshig thams cad rnam bsams la/__/lha la mchod pa'i cho ga yis/__/the tshom med par bzang por blta/__/sngags kyis bskul la longs spyod bya/__/yi ge gsum gyi sbyor ba yis/__/spyod dang de rtogs de bzhin sbar/__/srin lag mthe bong rtse mo yis/__/de bzhin gshegs rnams tshim par bya/__/byis pa rnams la 'di bden pa/__/de ni rnal 'byor pa la brdzun/__/da tsam zhig tu longs spyod pa/__/bcings pa med cing grol ba med/__/'khor ba mya ngan 'das pa zhes/__/de nyid ma mthong ba yi sems/__/'khor med mya ngan 'das med ces/__/de nyid mthong ba rnams kyi sems/__/rnam par rtog pa'i gdon chen po/__/'khor ba'i rgya mtshor ltung byed yin/__/rnam par mi rtog bdag nyid ches/__/srid pa'i 'ching las grol bar 'gyur/__/dang /__dper na shel sgong dag pa ni/__/kha dog gzhan gyis sgyur bar byed/__/de bzhin rin chen sems 'di yang /__/rtog pa'i tshon gyis bsgyur ba nyid/__/tha mal rtog pa'i tshon gyis ni/__/rin chen sems ni dben gyur na/__/thog ma dag nas ma skyes pa/__/gnyug ma'i rang bzhin de nyid gang /__/zhes dang /__'khor lo dpag tshad bcu gnyis pa/__/lcags byas mgo la 'khor ba yang /__/byang chub sems ni bskyed ma thag__/med par gyur ces thos pa yin/__/sogs dang /__ji ltar dug gis zin pa 'ga'/__/dug nyid kyis ni dug med byed/__/rna ba'i chu la chu nyid dang /__/tsher ma zug la tsher ma ltar/__/de bzhin chags la chags nyid kyis/__/mkhas pa rnams kyis 'dzin par byed/__/ces dang /__dngul chus reg pa'i zangs la ni/__/ji ltar skyon med gser du 'gyur/__/de bzhin yang dag ye shes ni/__/sbyangs pas nyon mongs bzang por byed/__/theg pa dman la zhon pa rnams/__/skad cig skad cig 'ching bar byed/__/g.yul las rgyal bar byed pa'i sems/__/ring pa nyid du rnam par gnas/__/theg pa che la zhon nas ni/__/snying rje'i go cha bgo byas nas/__/shes rab rgyud bcas mda' dang gzhus/__/'gro ba bzung ba'i bsam pa yis/__/sems dpa' che dang thabs che ba/__/brtan pa'i blo ni gnyid sangs nas/__/brgal dka'i g.yul las rgyal byas te/__/gzhan dag kyang ni sgrol bar byed/__/ces dang /__'dod chags zhe sdang gti mug dang /__/nga rgyal log lta the tshom rnams/__/sdig pa'i rtsa bar rab tu grags/__/'di dag sbyang bya khrus kyis min/__/zhes dang /__bdag dang bdag gir 'dzin pa las/__/srog chags rnams ni byung ba yin/__/de yang rtsa ba ma rig las/__/ma rig de yang 'khrul par 'dod/__/ces dang /__dkyil 'khor du ni ma zhugs pa/__/sgrib pa kun dang ldan pas kyang /__/rang gi lha sbyor bdag nyid kyis/__/bsod nams chung yang 'grub par 'gyur/__/'dis ni sangs rgyas thams cad dang /__/dbang po dag ni thams cad nyid/__/tshe 'di nyid la 'ang 'di rig__/thob 'gyur 'di la the tshom med/__/ji ltar 'jig rten phal pa las/__/rnal 'byor pa yi ting 'dzin rgyal/__/gong ma gong ma'i blo khyad kyis/__/rnal 'byor pa yang rgyal bar 'gyur/__/zhes dang /__gang zhig bskal pa grangs med ni/__/mang pos mi 'thob par 'dod pa'i/__/sangs rgyas tshe 'di nyid kyis ni/__/thob 'gyur 'di la the tshom med/__/dang /__sa bon skyes bu ldan pa las/__/me tog 'bras bu ldan pa yi/__/'khri shing kun tu 'byung ba ltar/__/de bzhin tshogs gnyis dang ldan pa'i/__/skad cig gis ni mngon byang chub/__/dang /__khrus dang bku mnye gos la sogs/__/bza' dang btung sogs 'bad pa nyid/__/rang 'dod lha yi bdag nyid du/__/bsams la cho gas mchod par bya/__/glu dang brdung ba de bzhin gar/__/thams cad brtul zhugs can gyis spyad/__/'dir ni dngos po thams cad la/__/lhag par chags par mi bya'o/__/rang gi bdag nyid yongs spangs nas/__/dka' thub kyis ni gdung mi bya/__/ji ltar bde bas bde ba bzung /__/'di ni ma 'ongs rdzogs sangs rgyas/__/zhes sogs dang /__rab tu gsal ba'i 'byung ba rnams/__/sa dang chu dang me dang rlung /__/sngags kyi sbyor ba nus pa yi/__/gzhan nyid du ni 'byung bar byed/__/brjod pa thams cad yongs spangs la/__/sngags kyi brjod pa yang dag spyod/__/bde ba'i dngos grub sbyin pa yis/__/sngags kyi nus pa 'di la ltos/__/zhes sogs dang /__slob dpon lha yi mchog yin te/__/'bad pas mchod par bya ba nyid/__/de nyid rdo rje 'dzin rgyal po/__/mngon sum gzugs kyi rnam par gnas/__/shes rab mig dang bral gyur na/__/dad pa'i bdag nyid can rmongs 'gyur/__/de 'dra'i lung rtogs bdag nyid can/__/shes rab nye bar bskyed par bya/__/dad ldan mang thos shes rab ldan/__/rang bzhin snying rje'i bdag nyid can/__/'gro ba'i sdug bsngal bsal ba'i phyir/__/de yis bde ba'i thabs shes bya/__/zhes sogs tshig don phun sum tshogs pa'i sgo nas sems ji ltar sbyong ba'i tshul dang dgos pa sogs bstan to/___/_!_yang des mdzad pa'i bdag byin gyis brlabs pa'i rim pa rnam par dbye bar/__kun rdzob bden par gang gsungs pa'i/__/sangs rgyas rnams kyi sku mtshan nyid/__/de 'dir sgyu mar bstan pa ste/__/bdag byin brlabs pa zhes brjod do/__/zhes dang /__chos kun rmi lam sgyu 'dra zhes/__/sangs rgyas pa kun smra mod kyi/__/bdag byin brlabs las phyir phyogs pas/__/de yis bden pa mthong mi nus/__/gzhu yi rnam pa'i yid rang bzhin/__/rnam shes rlung dang yang dag ldan/__/sgyu ma'i dpe la rmongs pas ni/__/rang gi ye shes de mi mthong /__/bskal ba bye ba mtha' yas par/__/thos pa'i pha rol son gyur kyang /__/bla ma'i lung dang bral ba yis/__/bdag byin brlabs pa rnyed mi 'gyur/__/de bas nga rgyal yongs spangs nas/__/sangs rgyas 'bras bu 'dod pa yis/__/rdo rje theg la zhon pa yi/__/bla ma bsgrims te mnyes par bya/__/zhes dang /__sa la sogs pa rnam bzhi dang /__/de bzhin du ni stong pa bzhi/__/gnas ni rnam pa brgyad po dang /__/skye dang 'jug pa'i rgyur shes bya/__/'od gsal las ni stong chen te/__/de la thabs ni yang dag 'byung /__/de lus skyes pa shes rab ste/__/de las rlung ni 'byung bar 'gyur/__/rlung las me ni yang dag skyes/__/me las chu ni 'byung bar 'gyur/__/chu las skyes pa sa yin te/__/de rnams las ni sems can 'byung /__/sa ni chu la thim 'gyur te/__/chu ni me la thim par 'gyur/__/me ni phra ba'i khams su zhugs/__/rlung yang sems la thim 'gyur te/__/sems ni sems las byung la 'gyur/__/sems byung ma rig par zhugs nas/__/de yang 'od gsal bar song nas/__/srid pa gsum po 'gag par 'gyur/__/sgyu ma lta bu'i ting 'dzin gyis/__/ji srid bdag nyid ma mthong ba/__/de srid thog ma'i dus can gyi/__/srid pa'i 'khor lor 'jug par 'gyur/__/rang rig sgyu ma lta bu ste/__/rtog ge pa yi yul min cing /__/rang gi lus la gnas mod kyi/__/bsod nams dman pas rnyed mi 'gyur/__/rang lus 'gyur ba med pa de/__/mchog gcig gis ni shes byas te/__/de ni dpe yis nyer mtshon nas/__/bla ma'i zhal gyi drin las so/__/sa dang de bzhin chu la sogs/__/gter dang nor bu sbas pa ltar/__/de bzhin lus la kun mkhyen pa'ang /__/rmongs dang ldan pas mthong mi 'gyur/__/sgyu ma smig rgyu dri za yi/__/grong khyer dang ni brgya byin gzhu/__/me long gi ni gzugs brnyan dang /__/chu zla dang ni brag ca dang /__/rmi lam mig yor sprin dang glog__/chu yi chu bur zhes bya ba/__/sgyu ma'i dpe ni bcu dang gnyis/__/rnam pa du mar yongs mtshon pa/__/de 'di shin tu gsal ba'i gzugs/__/lta ba'i gzugs la dmigs par byed/__/sgyu ma gsum du bstan pa yis/__/nan tan du ni rab tu bsgrags/__/me long gi ni gzugs brnyan dang /__/'ja' tshon dang ni de las gzhan/__/gsum pa chu zla lta bu yis/__/de yi sku ni bsgom par bya/__/zhes dang /__'dod yon lnga yi bde ba yis/__/byis pa rnams ni 'ching brjod de/__/chos de nyid kyis rnal 'byor pa/__/sangs rgyas nyid kyang 'grub par 'gyur/__/zhes dang /__gzugs dang sgra dang de bzhin dri/__/ro dang reg bya sdug pa rnams/__/bde chen go 'phang gnas nas kyang /__/rnal 'byor pa yis rtag tu myong /__/zhes dang /__phyag rgya gcig dang ldan pa'am/__/yang na phyag rgya bzhi dang ldan/__/btsun mo'i 'khor na bzhugs pas kyang /__/bdag byin brlabs pa rjes dran bya/__/zhes sogs dang /__ji ltar me long dri ma med pa la/__/yan lag kun dang ldan gzugs snang ba ltar/__/dpe byad brgyad cu mtshan bzang sum cu gnyis/__/de bzhin rtag tu rdo rje 'dzin lus nyid/__/mkha' dbyings dbang po'i mtshon cha kha dog snang ba ltar/__/de bzhin rdo rje 'dzin pa'ang kha dog dkar po la sogs pas/__/dge sogs las rnams ji bzhin de bzhin du ni 'jig rten la/__/yan lag ma nyams phun sum tshogs pa'i gzugs ni ston par mdzad/__/dang /__rang dngos sna tshogs gzugs can zag med gang /__/'jig rten kun khyab sgyu ma'i rang bzhin nyid/__/rnam pa sna tshogs 'gro ba'i sder gnas pa'i/__/sems mgon rdo rje de yang de bzhin no/__/gzugs la sogs pa rnam pa lnga dang gang yang skye mched rnams de nas/__/bco brgyad ces byar gsungs dang khams ni rnam pa lnga dang yang /__/ye shes lnga po dang ni yul de 'gro ba ma lus kun/__/sgyu ma las byung de 'dir rdo rje 'dzin de gzhan ma yin/__/ri rnams dang ni rgya mtsho chen po brgyad gang yin/__/gling rnams dang ni dmyal ba la sogs dbye ba rnams/__/rgyu ba dang ni mi rgyu ba nyid gang yin pa/__/de de'i rang bzhin rdo rje 'dzin de gzhan mi blta/__/zhes sogs rgya cher gsungs so/____/_!_yang des mdzad pa'i mngon par byang chub pa'i rim par/__thub pa chen pos chos phung po/__/brgyad khri bzhi stong gsungs pa las/__/mngon par byang chub mtshan nyid ni/__/snying po las kyang snying por gsungs/__/mngon par byang chub rnam gnyis te/__/phyi dang nang gi zhes su bshad/__/phyi ni mdo sde rnal 'byor rgyud/__/ces sogs dang /__nang ni gsang sngags tshul chen te/__/sogs dang /__yang na nang gi phyi nyid ni/__/phyag rgya mo la rab brten te/__/snang gsum rim myong las 'das pa'o/__/thams cad stong pa'i 'od gsal ba/__/de ni nang gi phyi zhes bshad/__/nang gi nang ni phyag rgya bral/__/dang po smig rgyu 'od lnga'i tshul/__/bde ba rtog bral nyams myong gsum/__/gsum po las 'das gsum po nyid/__/thams cad stong pa'i rang bzhin dag__/bla ma'i man ngag las rnyed pa'o/__/de bzhin rjes 'jug rnal 'byor pa'i/__/nyams su blangs pa'i bsam gtan ni/__/stong pa gsum gyi rnam gzhag dang /__/'od gsal thams cad stong pa ste/__/rgyu ba dang ni mi rgyu ba/__/lung dang rig pa'i gtan tshig gis/__/gzhig ste 'od gsal bar byas nas/__/phyis nas rang nyid de bzhin byed/__/rjes gzhig rim gyis thun mong ngo /__/sogs dbye ba rgyas pa dang /__thams cad stong pa 'od gsal ba/__/spros pa kun bral gang yang yin/__/chad par lta ba ga la yin/__/de yi mtshan nyid yod med dang /__/snang dang mi snang rtag chad sogs/__/so so ma ning kha dog dbyibs/__/bskyed dang sngags dang sems la dmigs/__/bden gnyis 'khor 'das la sogs dang /__/bsod nams gzugs min sdig gzugs min/__/sku dang yon tan gang yang min/__/brjod pa'i tha snyad kun dang bral/__/e ma'o kun tu bzang po yi/__/rdo rje sku dang gsung thugs sogs/__/skye ba med pa'i tshul gyis ni/__/skye ba dag tu rab tu bsgrags/__/skyes pa nyid nas skye ba nyid/__/skyes dang ma skyes gnyis su med/__/sogs dang /__ma skyes pa yi chos rnams la/__/ngo bo med de bsgom pa'ang med/__/nam mkha'i tshul du sbyor ba yis/__/dngos po kun tu rab grags pa'o/__/chos rnams rang bzhin 'od gsal ba/__/gdod nas dag pa nam mkha' bzhin/__/byang chub med cing rtog pa'ang med/__/byang chub tshul 'di bstan pa'o/__/mngon par byang chub mngon sangs rgyas/__/bdag gi de nyid chos kyi dbyings/__/de bzhin nyid la sogs pa'i tshig__/thams cad de yi rnam grangs so/__/sus kyang ma byas ma bcos pa/__/ma bslad mi 'gyur de bzhin gshegs/__/byang chub nam mkha'i mtshan nyid pas/__/mngon par byang chub ces brjod do/__/de nyid rtogs te mthong sgom tshe/__/gzhan gyi don du lan 'ga' zhig__/chu las nya ldang ji bzhin du/__/bdag byin brlabs pa'i rim gyis ni/__/rtsol bas skur bzhengs don mdzad do/__/da dung bden gnyis phra mor snang /__/de nas zung 'jug ye shes skyed/__/chos rnams gang la'ang mi bzod dang /__/'jigs skrag nyam pa'i rtog pa med/__/gnyis pa thams cad rnam spangs pa'i/__/dbyer med zung du 'jug pa nyid/__/de ltar rtogs pas thams cad de/__/spyod pa'ang de bzhin gnyis med pa'o/__/sngags pas seng ge bzhin du spyod/__/zung 'jug ting nge 'dzin bslabs pas/__/mi slob zung 'jug chos sku thob/__/yid bzhin nor bu rin chen ltar/__/mi rtog smon lam dbang gis ni/__/gzugs sku la sogs yon tan rnams/__/gdul bya dag pa'i ngo la snang /__/ma 'ongs phyi ma'i dus su ni/__/lung zab man ngag mi brten par/__/'thad sgrub rigs pa gtsor byed pas/__/rang rang grub mtha' dam par 'dzin/__/sbas don tsam gyis chog byed cing /__/mthar thug lta ba zab mo la/__/mi mos slar yang sun 'byin byed/__/des ni bdag gzhan don brlag 'gyur/__/sogs dpe dang bcas pa rgyas pa dang /__gsang sngags mthar thug lta dus su/__/yid dang dbang po mngon sum dang /__/rjes su dpag pa mi tshad de/__/lung zab man ngag tshad mar bya/__/gang zhig nga rgyal gyis sbags shing /__/de nyid chos la brnyas byas te/__/yang dag rig pa sun 'byin pa/__/mnar med sems can dmyal bar ltung /__/sogs dang /__tha snyad tshig gi nga rgyal gyis/__/bla ma mi bsten bsnyen bkur med/__/dman pa'i lta ba la mos te/__/sbas gsum lta zhen mi gtong zhing /__/mthar thug don la mi mos te/__/rig pa gtsor byed shes rab kyis/__/mthar thug zab mo sun 'byin byed/__/de la de nyid bstan mi bya/__/gang zhig bla ma bsnyen bkur zhing /__/thams cad stong pas mi skrag bzod/__/mthar thug don la mi mos pa/__/de la bla ma'i drin sbyin bya/__/zhes so/___/_!_slob dpon klu'i byang chub kyis mdzad pa'i 'dus pa'i sgrub pa'i thabs rnam par bzhag pa'i rim par/__/'dir gsol pa/__gling gsum gyi mi rnams kyang so sor gnas pa ma lags sam/__ci'i slad du skye ba gcig gis thob pa'i byang chub sems dpa' chen po dga' ldan gyi gnas mchog nas der 'jug bar mi mdzad par 'dir nges pa kho nar 'dzam bu'i gling du 'jug cing /__mi rnams la chos ston pa'i rgyu nyid bcom ldan 'das rdo rje slob dpon ston pas bshad du gsol/__/rdo rje slob dpon gyis smras pa/__shar gyi lus 'phags dang /__nub kyi ba lang spyod dang /__byang gi sgra mi snyan rnams kyi mi rnams longs spyod chen po dang ldan te/__de lta mod kyi blun zhing rmongs pas mi spyod cing mi 'byed do/__/'dzam bu'i gling 'di ni las kyi sa pa yin te/__de na legs par spyod pa dang nyes par spyad pas mchog dang 'bring dang tha ma'i sems can rnams su las kyi 'bras bu rnam par smin pas 'dir snang bar 'gyur ro/__/'di lta ste/__'dzam bu gling pa'i mi rnams g.yo dang /__sgyu dang /__dregs pa dang /__phrag dog dang gdug pa'i bsam pas rims nad la sogs pas yongs su gzir bar 'gyur ro/__/'on kyang mgo smos pas go ba dang /__dbang po rno zhing sgrin pa ste/__des na byang chub sems dpa' rnams 'dzam bu'i gling gi skye bo'i gnas kyi dbus su 'khrungs shing chos ston par 'gyur ro/__/de'i phyir gsungs pa/__mi ru 'khrungs pa nges tshul dang po ste/__/rab tu byung ba tshul ni gnyis pa'o/__/'dul ba bsrungs pa tshul chen gsum pa ste/__/ting 'dzin mnyes pa tshul mchog bzhi pa yin/__/zhes dang /__dbang po gnyis mnyam par sbyor ba mthong bas 'dod pa nye bar len pa'i phyir srid pa bar ma spangs te rta zhon pa bzhin rnam par shes pa'i bdag po thugs rdo rje rlung gi gzhon pa la yang dag par zhon nas shin tu myur bar song zhing skad cig thang gcig yud tsam gyis ye shes sems dpa' ltar rnam par snang mdzad kyi sgo nas zhugs te/__ye shes kyis thob nas thabs kyi ye shes dang lhan cig gnyis su med par gyur nas shin tu dga' bar chud pa'i snying po can yin te/__rgyud las/__de bzhin gshegs pa thams cad zil gyis gnon pa'i ting nge 'dzin gsungs pa'i rigs pa dang /__shes rab kyi mdo las gnyis ka mchog tu dga' ba'i bde bas tshim par byas pas rtsa stong phrag bdun cu rtsa gnyis yang dag par bskul te/__gnyis ka'ang mchog tu dga' ba'i bde bas tshim par bya'o/__/A li dang kA li rnams gcig tu gyur nas khams phra ba la zhugs pa'i shes rab dang /__ye shes kyi 'od zer shar bas gnyi ga yang zhu bar gyur te/__khu ba dang khrag yang dag par 'dres nas skye gnas kyi dbus su thig le'i gzugs su babs so/__/zhes gsungs so/__/zhes dang /__de'i 'og tu rim gyis 'phel te/__dang por mer mi/__mer po'i rnam pa'o/__/mer ri/__mer po las ltar ltar por 'gyur/__ltar 'od/__ltar po las gor gor po'o/__/gor gor po las mkhrang don/__'gyur/__mkhrang 'gyur la yang rlung gis bskul te/__des rkang lag rnam/__'gyus te gnas skabs lnga gsal bar 'gyur ro/__/de'i 'og tu skra dang /__/kha spu dang /__sen mo la sogs pa dang /__dbang po rnams dang gzugs dang mtshan ma rnams rim gyis skye'o/__/de yang de bzhin gshegs pa lngas byin gyis brlabs pa las sa bon gyi gnas skabs nas brtsams te gnas skabs lnga nges par skye'o/__/sogs dang /__de ltar mer mer po la sogs pas sa bon dang myu gu bzhin yongs su smin pa thob ste/__mngal gyi snod du las kyi rnam par smin pa las skyes pa'i rlung rgyu ba gang dag gis mngal gyi snod yongs su bsgyur nas ma'i rum nas chos kyi 'byung gnas kyi sgor mngon par phyogs shing gnas par 'gyur ro/__/de yang pho yin na ma'i mngal rum gyi g.yas su brten cing rgyab tu mngon par bltas te tsog tsog por gnas so/__/gal te mo yin na de'i phyir mngal gyi g.yon du brten te lte bar mngon par bltas te gnas so/__/de'i 'og tu zla ba bcu'i tha mar rtsa ba'i rgyud las gsungs pa'i dam tshig 'byung ba'i rdo rje'i ting nge 'dzin la yang dag par bstan pa'i rim pas ma'i mngal nas thon par gyur te/__/de'i phyir dri za nye bar 'khor sems can gyi sha'i mig gi yul du gyur to/__/zhes dang sa ltar mi g.yo ba'i ting nge 'dzin de nyid ni snying po ste/__nang gi bdag nyid gang la yod pa de ni sa'i snying po'o/__/ye shes lnga yi rang bzhin gyi rdo rje 'chang bar mdzad pas na phyag na rdo rje'o/__/nam mkha' ni sgrib pa dang bral ba'i ye shes te de nyid snying po ste nam mkha'i snying po'o/__/ting nge 'dzin gyi stobs kyis 'jig rten rnams dbang du byed pas na 'jig rten dbang phyug go/__/'od gsal zhing yid du 'ong ba'i ting nge 'dzin gyis bskul ba'i dpal yod pas na 'jam dpal lo/__/sgrib pa thams cad dang nyon mongs pa rnams sgyu ma lta bu'i ting nge 'dzin gyi stobs kyis mnan pas na sgrib pa thams cad sel ba'o/__/kun nas mdzes pas na kun tu bzang po'o/__/byams pa'i yon tan gang la yod pas na byams pa'o/__/zhes dang /__de la gzugs kyi phung po 'od gsal du zhugs pa'i mtshan ma mkhas pas shes par bya ste/__yan lag thams cad phra ba dang /__lus kyi nyam chung zhing lhod par 'gyur ro/__/me long lta bu'i ye shes thim pa na rab rib tu 'gyur ro/__/sa'i khams 'gags pa na lus bskam par 'gyur ro/__/mig gi dbang po 'gags pa na mig 'gyur zhing zum par 'gyur ro/__/gzugs kyi yul 'gags pa na rang gi lus kyi mdangs med cing nyams zad pa nyid du 'gyur ro/__/de ltar 'khor ba thog ma med pa nas rkang med dang /__rkang gnyis dang /__rkang bzhi dang /__rkang mang la sogs pa'i sems can rnam par snang mdzad kyi rigs can rnams sku'i dkyil 'khor la gnas te/__don dam pa'i dkyil 'khor du skad cig pa'i rim gyis 'jug go/__/gang dag cha shas la gnas pa de dag ni 'dir rnam par bzhag pa med mod kyi/__'on kyang rim gyis don dam pa'i bden par rab tu 'jug go/__/de bzhin du gnyes pa rin po che'i rigs kyi lha rnams don dam pa'i bden par 'jug pa de'i tshe mtshan ma mkhas pas shes par bya ste/__tshor ba'i phung po thim pa na rlung dang mkhris pa bad kan la sogs pa lus tshor ba nyams su myong bar mi 'gyur ro/__/mnyam pa nyid kyi ye shes thim pa na yid kyi tshor ba rnam pa gsum dran par mi 'gyur ro/__/chu'i khams bskam pa na rang gi lus la kha chu dang khrag dang khu ba la sogs pa bskam par 'gyur ro/__/rna ba'i dbang po thim pa na phyi dang nang du bcas pa'i sgra thos par mi 'gyur ro/__/sgra'i yul thim pa na rang gi lus kyi sgra thos par mi 'gyur ro/__/gnyis pa rin po che'i rigs kyi lha rjes su gzhug go/__/gsum pa pad+ma'i rigs kyi lha rnams 'jug pa'i dus su mtshan ma mkhas pas shes par bya ste/__'du shes kyi phung po thim pa na rkang gnyis la sogs pa'i sems can rnams dran par mi 'gyur ro/__/so sor rtog pa'i ye shes thim pa na pha dang /__ma dang /__bu dang /__gnyen la sogs pa'i 'gro ba thams cad kyi ming mi dran no/__/me'i khams thim pa na bza' ba thams cad mi 'ju'o/__/sna'i dbang po thim pa na steng gi rlung brtsegs shing 'gro bar 'gyur ro/__/dri'i yul thim pa na rang gi lus la dri'i yul bro bar mi 'gyur ro/__/gsum pa pad+ma'i rigs kyi lha rnams rjes su gzhug pa'o/__/bzhi pa las kyi rigs kyi lha rnams kyi yang dag pa'i mthar 'jug pa'i mtshan ma mkhas pas shes par bya ste/__de la 'du byed kyi phung po thim pa na lus kyi bya ba thams cad la 'jug par mi 'gyur ro/__/bya ba grub pa'i ye shes thim pa na 'jig rten pa'i bya ba dang dgos pa thams cad dran par mi 'gyur ro/__/rlung gi khams thim pa na srog la sogs pa'i rlung bcu rang gi gnas nas 'pho ba'o/__/lce'i dbang po thim pa na lce sbom pa dang /__thung ba dang /__rtsa ba sngon por 'gyur ro/__/ro'i yul thim pa na ro drug nyams su mi myong ngo /__/bzhi pa las kyi rigs kyi lha rnams rjes su gzhug pa'o/__/lhag ma rang bzhin gyi snang ba 'jam dpal gyi ye shes rim pa gnyis pa bya ste/__de yang srog dang rtsol ba dang bcas pa rdo rje bzlas pa'i rim pas gnas te/__ril por 'dzin pa dang rjes su gzhig pa'i rim pas mi shigs pa mngon du bya ste/__'dzin pa nye bar bsdus pa de'i tshe/__oM shUn+ya tA nas/__ko\u0f85haM/__zhes bya ba'i sngags kyi don mngon sum du byed par 'gyur ro/__/zhes gsungs so/____/_!