JKW-KABUM-04-NGA-001-028

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' 'bum Volume 4, sde tshan 1, Text 28, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 4: 155-. Khams sde dge rdzong sar dgon: Rdzong sar blo gros phun tshogs, 2020.
Genre

1 Texts in this Section (sde tshan or chos tshan)

28 420-424	པཎ་ཆེན་ཤཱཀྱ་མཆོག་ལྡན་པའི་རྣམ་ཐར་ཞིབ་མོ་རྣམ་འབྱེད་ལས་ཁོལ་ཕྱུང་། paN chen shAkya mchog ldan pa'i rnam thar zhib mo rnam 'byed las khol phyung Biographies - Hagiography - rnam thar   ·   Notes - zin bris	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

པཎ་ཆེན་ཤཱཀྱ་མཆོག་ལྡན་པའི་རྣམ་ཐར་ཞིབ་མོ་རྣམ་འབྱེད་ལས་ཁོལ་ཕྱུང་། པཎ་ཆེན་ཤཱཀྱ་མཆོག་ལྡན་པའི་རྣམ་ཐར་ཞིབ་མོ་རྣམ་འབྱེད་ཅེས་གྲོལ་མཆོག་གིས་མཛད་པ་ལས། སེ་རར་གུང་རུ་རྒྱལ་མཚན་དཔལ་བཟང་ལས་དབུ་མ་གསན་སྐབས་དགག་བྱ་བཀག་ཤུལ་གྱི་འཛིན་སྟངས་སྦྱོར་བ་འདི་མཁས་གྲུབ་དགེ་ལེགས་པ་རང་གིས་རྩལ་བཤད་བྱས་པའི་ཁ་འཛིན་རི་བོ་དགེ་ལྡན་པའི་ཆར་གཏོགས་ཡོངས་ཀྱི་སྒྲོགས་པར་སྣང་། རྗེ་རིན་པོ་ཆེ་དང་བླ་མ་རྗེ་བཙུན་རེ་མདའ་པ་གཉིས་དགག་བྱའི་ངོས་འཛིན་ཕྲ་ཞིབ་དཔྱོད་ཚུལ་བག་རྩིང་ཞི་བ་ལས། མཉམ་བཞག་འཇོག་ཚུལ་འདྲ། ལར་རང་ཡང་མདོ་སྡུད་པ་ལས། རྩ་དང་ཤིང་ལས་མེ་བྱུང་བས་ནི་དེ་ཉིད་བསྲེག །ཅེས་ཤིང་དགྲ་མེ། མེ་དགྲ་ཤིང་ཡིན་ཞིང་། ཤིང་བསྲེག་པ་ལ་མེ་དགོས། མེ་སྦར་བ་ལ་ཤིང་དགོས། ཤིང་ཟད་མཐར་མེ་འཆི། ཕན་ཚུན་མེད་ན་མི་འབྱུང་བའི་ལྟོས་ཆོས་རྟེན་འབྲེལ་ཡིན་དངོས་སུ་གསུང་ལས་ཐོས། ཞེས་དང་། པཎ་ཆེན་ནགས་རིན་པ་རྩེ་ཆེན་གྲུབ་ཆེན་ཀུན་བློ་ལས་སྦྱོར་དྲུག་གསན་ཀྱང་། ཕྱིས་དེའི་བརྒྱུད་པ་གསང་ནས་ཤ་བ་རིལ་བ་སྙེགས་ཚུལ། གསེར་མདོག་ཅན་འདི་སྔོན་རྒྱལ་བ་གཡུང་སྟོན་པའི་སྒྲུབ་གནས། དེ་ཡང་རྟ་དྲེའུ་ཁ་དོག་དཀར་པོ་དང་། དངུལ་བྲེ་ཆེན་གཅིག་བྱིན་པ་དེ་ཉོས་ནས་གང་ཕུག་ཏུ་སྒྲུབ་པ་མཛད་པས་ཉམས་རྟོགས་ཕུལ་བྱིན་འཁྲུངས། རིན་བཅལ་བ་དེ་རི་བར་དགོངས་ནས་ཟི་ལུང་ཞེས་བཏགས། ཕྱིས་རྗེ་དོན་ཡོད་དཔལ་བའི་དུས་ཀྱང་ཟི་ལུང་ཞེས་སྒྲོགས། པཎ་ཆེན་ཉིད་དགུང་ལོ་ཞེ་བཞི་ཡོས་ལོ་རྟ་པ་ཟླ་བའི་ཆོ་འཕྲུལ་གྱི་ཡར་ཚེས་ལ་ཕེབས་ནས་གསེར་མདོག་ཅན་ཞེས་བཏགས་པར་སྣང་། ༧ པཎ་ཆེན་ཉིད་ཀྱིས་ཐུགས་རྩོམ་རིགས་ལ་འཇུག་པའི་ཚེ། སྨན་ཐང་པས་བཞེངས་པའི་འཇམ་དཀར་གྱི་མདུན་མཆོད་པ་གསར་པ་རེ་བཤམས། རེ་ཞིག་དབུ་བཏུམས་ནས་ཐུགས་དམ་བཟླས་བརྗོད་ཀྱི་ཚུལ་རེ་དང་། དེ་ནས་ཤ་ཤ་དྷ་ར་དང་རི་བོང་འཛིན་པ་ལྟར་དཀར་སོགས་སྐད་གཉིས་སྤེལ་བའི་འཇམ་དཀར་གྱི་བསྟོད་པ་དེ་གསུངས་ནས་གསུང་རྩོམ་ལ་ཤར་གྱིས་འཇུག ༧ །ལྷ་སའི་ཇོ་བོ་རིན་པོ་ཆེའི་ཕྱག་ཏུ་ལྷུང་བཟེད་ཕུལ་བའི་རྟེན་འབྲེལ་ལས། རང་རེ་ཡོ་ཟས་ཕྱིར་ཐོས་བསམ་སྒོམ་གསུམ་ཡོ་རང་ཤོར་བ་འདི་བྱུང་བ་ཡིན་ནོ། །ཞེས་དང་། དགུང་ལོ་རེ་གཅིག་པའི་སྟེང་ཆོས་འཁོར་ཆེན་མོ་མཛད་པའི་སྔོན་ལ་བཀྲ་ཤིས་པའི་གསོ་སྦྱོང་གནང་། ༧ ངེད་ད་ལྟ་གཙང་ཕྱོགས་སུ་གྲས་གསར་འཛུགས་བཏབ་པ་འདི་ལ། མདོ་ཀུན་མཁྱེན་རོང་སྟོན་དང་། སྔགས་ངོར་པ་རྡོ་རྗེ་འཆང་རང་གི་གསུང་རྒྱུན་ཕྱག་བཞེས་མ་ཉམས་པ་རང་ཞིག་བྱེད་དགོས། ༧ པཎྜི་ཏ་ལོ་ཀོཏྟ་ར་སོགས་ཀྱི་ཕྱག་ན་སྤྱོད་འཇུག་རང་འགྲེལ་རྒྱ་དཔེ་གཟིགས་ཚུལ་སྣང་། ༧ རྒྱུན་དུ་ཌཱར་དྲིལ་ཀུན་རིང་གནང་བཀའ་ལས་ཀྱང་། ཌཱ་མ་རུ་འཁྲོལ་དུས་ན། མཁའ་འགྲོ་མ་ཚོ། མཁའ་འགྲོ་མ་ཚོ། དུར་ཁྲོད་གནས་སུ་ཨེ་འགྲོ་མི་འགྲོ། འགྲོ་ན་ད་འགྲོ་འགྲོ་ན་ད་འགྲོ་ཟེར་བ་ཞིག་དགོས་པས་ཡོང་གི་ཨེ་སྣང་གསུང་ཞིང་། བརྟགས་ན་སྒྲ་དེ་ཉིད་ཁོ་ནར་འབྱུང་ཟེར་རོ། ༨ །ལ་ལ་དག་ཆོས་རྗེ་བོ་དོང་པ་ཐམས་ཅད་མཁྱེན་པ་ཕྱོགས་ལས་རྣམ་རྒྱལ་ཀླུ་དཀར་རྒྱལ་གྱི་སྐྱེ་བ་ཡིན་ནོ། །རྒྱུ་མཚན་དྲིས་པས་ཆོས་འཆད་དུས་མེ་ཏོག་གི་ཆར་བབས་པས་ཟེར། གློ་བོ་སྟེང་ཆེན་ན་བོ་དོང་པའི་རྣམ་ཐར་ཞིང་བཀོད་དུ་བྲིས་པ་ཐམས་ཅད་ཆུ་དྲོན་མོས་བཀྲུས་སོ། །ཨ་ཙ་མ་ཆོས་སྤོང་གི་ལས་ལ་ཞེ་རང་འཇིགས་སོ། ༧ །རྗེ་རོང་ཆེན་ཕར་ཕྱིན་གསུང་བ་ན། གང་བློ་མའི་རྗེས་སུ་ཉན་ཐོས་ཞི་འཚོ་ལ་སོགས་གསུང་། རྣམ་འགྲེལ་གསུང་བ་ན། ཕ་རོལ་ཀུན་ཏུ་རྒྱུ་བ་བྲམ་ཟེའི་བུ། །ཚུ་རོལ་བསྟན་པའི་པད་ཚལ་སོགས་འོངས་ནས། །ཡང་དག་རིག་པའི་ལྷ་ལམ་གསལ་པོར་གཟིགས། །སྡེ་བདུན་མཛད་པ་དེ་ལ་ཕྱག་འཚལ་ལོ། །ཞེས་དང་། དབུ་མ་གསུང་བ་ན། གང་ཞིག་གཉིས་མེད་ཡེ་ཤེས་གསུང་བའི་ཚོགས། །ཞེས་སོགས་གསུང་། མངོན་པ་གསུང་བ་ཡིན་ན། འཇིག་རྟེན་ཀུན་ལ་ཕན་ཕྱིར་ཐོགས་མེད་ཅེས་བྱ་བ། །སོགས་གསུང་། སྨར་སྟོན་རིན་རྒྱལ་བས་འདུལ་བ་གསུང་བ་ན་གང་བློ་མའི་རྗེས་ལ། འདུལ་བ་རྒྱ་མཚོའི་གཏིང་མཐའ་ཕ་རོལ་བརྙེས་གྱུར་ཅིང་། སོགས་གསུང། ༧ བླ་མའི་དུས་མཆོད་དེ་བཤད་ཉན་རང་གིས་འཛིན་དགོས། རྣམ་པ་ཐམས་ཅད་དུ་ཆོས་ཡོངས་སུ་བརྟགས་པས་སངས་རྒྱས་མཉེས་པ་དང་། ཟེར་བ་འདི་མ་བརྗེད་པར་གྱིས་ཤིག གཞི་གསུམ་གྱི་ལག་ལེན་འདི་མི་ལ་ཡོད་ན་སྨོན་རྒྱུ་དང་། རང་ལ་ཡོད་ན་ངོམ་རྒྱུ་ཡིན། སངས་རྒྱས་ཀྱི་བསྟན་པའི་རྩ་བ་རང་ཡིན་པས་མདོ་སུས་འདོན་ཀྱང་འོང་། གསོ་སྦྱོང་ལ་ཡོང་བ་མ་ཆགས་པའི་ཁུར་ལེན་གལ་ཆེའོ། ༧ །ཞྭ་ལུ་རི་ཕུག་སྒྲ་པ་གནས་བརྟན་ལེགས་རྒྱལ་བ་དང་མཇལ་བས། ས་སྐྱའི་གནས་དང་གང་ཟག་ལ་བསྟོད་པ། གོ་གོ་ཞེས་པ་དོན་དགུར་འཇུག་པའི་དབང་དུ་བྱས་ནས། གླང་ཆེན་དཀར་པོས་བཏེགས་པའི་ཁྲི་སྟེང་དུ་ཞེས་སྐད་དོད་ནོར་ཚུལ་ཕེབས་པར་དེ་མ་ཐག །བ་མཆོག་དཀར་མོས་བརྒྱན་པའི་མཚོ་དབུས་སུ། ཞེས་བཅོས་ཚུལ་ཡོད། ༧ ཕར་ཕྱིན་དང་རྗེས་འབྲེལ་ཤོག་བུ་མདའ་ཚད་མ་ལྔ་བརྒྱ་ཅན་གྱི་པོད་ཆེན་བཅུ་གཉིས། མདོ་སྔགས་སྤེལ་པའི་དབུས་པ་གདོང་འདོན་པོད་གྲངས་བཞི། བསྟོད་ཚོགས་ཆབ་ཤོག་ལས་སྐྱ་གྲས་ཀྱི་པོད་གཉིས་སྟེ་ཁྱོན་པོད་གྲང་བཅོ་བརྒྱད་བཞུགས་སོ།། །། ༈

[edit]

paN chen shAkya mchog ldan pa'i rnam thar zhib mo rnam 'byed las khol phyung / paN chen shAkya mchog ldan pa'i rnam thar zhib mo rnam 'byed ces grol mchog gis mdzad pa las/__se rar gung ru rgyal mtshan dpal bzang las dbu ma gsan skabs dgag bya bkag shul gyi 'dzin stangs sbyor ba 'di mkhas grub dge legs pa rang gis rtsal bshad byas pa'i kha 'dzin ri bo dge ldan pa'i char gtogs yongs kyi sgrogs par snang /__rje rin po che dang bla ma rje btsun re mda' pa gnyis dgag bya'i ngos 'dzin phra zhib dpyod tshul bag rtsing zhi ba las/__mnyam bzhag 'jog tshul 'dra/__lar rang yang mdo sdud pa las/__rtsa dang shing las me byung bas ni de nyid bsreg__/ces shing dgra me/__me dgra shing yin zhing /__shing bsreg pa la me dgos/__me sbar ba la shing dgos/__shing zad mthar me 'chi/__phan tshun med na mi 'byung ba'i ltos chos rten 'brel yin dngos su gsung las thos/__zhes dang /__paN chen nags rin pa rtse chen grub chen kun blo las sbyor drug gsan kyang /__phyis de'i brgyud pa gsang nas sha ba ril ba snyegs tshul/__gser mdog can 'di sngon rgyal ba g.yung ston pa'i sgrub gnas/__de yang rta dre'u kha dog dkar po dang /__dngul bre chen gcig byin pa de nyos nas gang phug tu sgrub pa mdzad pas nyams rtogs phul byin 'khrungs/__rin bcal ba de ri bar dgongs nas zi lung zhes btags/__phyis rje don yod dpal ba'i dus kyang zi lung zhes sgrogs/__paN chen nyid dgung lo zhe bzhi yos lo rta pa zla ba'i cho 'phrul gyi yar tshes la phebs nas gser mdog can zhes btags par snang /__7__paN chen nyid kyis thugs rtsom rigs la 'jug pa'i tshe/__sman thang pas bzhengs pa'i 'jam dkar gyi mdun mchod pa gsar pa re bshams/__re zhig dbu btums nas thugs dam bzlas brjod kyi tshul re dang /__de nas sha sha d+ha ra dang ri bong 'dzin pa ltar dkar sogs skad gnyis spel ba'i 'jam dkar gyi bstod pa de gsungs nas gsung rtsom la shar gyis 'jug__7__/lha sa'i jo bo rin po che'i phyag tu lhung bzed phul ba'i rten 'brel las/__rang re yo zas phyir thos bsam sgom gsum yo rang shor ba 'di byung ba yin no/__/zhes dang /__dgung lo re gcig pa'i steng chos 'khor chen mo mdzad pa'i sngon la bkra shis pa'i gso sbyong gnang /__7__nged da lta gtsang phyogs su gras gsar 'dzugs btab pa 'di la/__mdo kun mkhyen rong ston dang /__sngags ngor pa rdo rje 'chang rang gi gsung rgyun phyag bzhes ma nyams pa rang zhig byed dgos/__7__paN+Di ta lo kot+ta ra sogs kyi phyag na spyod 'jug rang 'grel rgya dpe gzigs tshul snang /__7__rgyun du DAr dril kun ring gnang bka' las kyang /__DA ma ru 'khrol dus na/__mkha' 'gro ma tsho/__mkha' 'gro ma tsho/__dur khrod gnas su e 'gro mi 'gro/__'gro na da 'gro 'gro na da 'gro zer ba zhig dgos pas yong gi e snang gsung zhing /__brtags na sgra de nyid kho nar 'byung zer ro/__8__/la la dag chos rje bo dong pa thams cad mkhyen pa phyogs las rnam rgyal klu dkar rgyal gyi skye ba yin no/__/rgyu mtshan dris pas chos 'chad dus me tog gi char babs pas zer/__glo bo steng chen na bo dong pa'i rnam thar zhing bkod du bris pa thams cad chu dron mos bkrus so/__/a tsa ma chos spong gi las la zhe rang 'jigs so/__7__/rje rong chen phar phyin gsung ba na/__gang blo ma'i rjes su nyan thos zhi 'tsho la sogs gsung /__rnam 'grel gsung ba na/__pha rol kun tu rgyu ba bram ze'i bu/__/tshu rol bstan pa'i pad tshal sogs 'ongs nas/__/yang dag rig pa'i lha lam gsal por gzigs/__/sde bdun mdzad pa de la phyag 'tshal lo/__/zhes dang /__dbu ma gsung ba na/__gang zhig gnyis med ye shes gsung ba'i tshogs/__/zhes sogs gsung /__mngon pa gsung ba yin na/__'jig rten kun la phan phyir thogs med ces bya ba/__/sogs gsung /__smar ston rin rgyal bas 'dul ba gsung ba na gang blo ma'i rjes la/__'dul ba rgya mtsho'i gting mtha' pha rol brnyes gyur cing /__sogs gsung/__7__bla ma'i dus mchod de bshad nyan rang gis 'dzin dgos/__rnam pa thams cad du chos yongs su brtags pas sangs rgyas mnyes pa dang /__zer ba 'di ma brjed par gyis shig___gzhi gsum gyi lag len 'di mi la yod na smon rgyu dang /__rang la yod na ngom rgyu yin/__sangs rgyas kyi bstan pa'i rtsa ba rang yin pas mdo sus 'don kyang 'ong /__gso sbyong la yong ba ma chags pa'i khur len gal che'o/__7__/zhwa lu ri phug sgra pa gnas brtan legs rgyal ba dang mjal bas/__sa skya'i gnas dang gang zag la bstod pa/__go go zhes pa don dgur 'jug pa'i dbang du byas nas/__glang chen dkar pos btegs pa'i khri steng du zhes skad dod nor tshul phebs par de ma thag__/ba mchog dkar mos brgyan pa'i mtsho dbus su/__zhes bcos tshul yod/__7__phar phyin dang rjes 'brel shog bu mda' tshad ma lnga brgya can gyi pod chen bcu gnyis/__mdo sngags spel pa'i dbus pa gdong 'don pod grangs bzhi/__bstod tshogs chab shog las skya gras kyi pod gnyis ste khyon pod grang bco brgyad bzhugs so//____//__!