JKW-KABUM-09-TA-007-004

🚧 This website is under continued development. We appreciate your patience!

Previous Text Back to Volume PageLast text in section.

Wylie title
Location	mkhyen brtse'i bka' 'bum Volume 9, sde tshan 7, Text 4, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. '. In jam dbyangs mkhyen brtse'i dbang po'i bka' 'bum, Vol. 9: 1-. Khams sde dge rdzong sar dgon: Rdzong sar blo gros phun tshogs, 2020.
Genre
Cycle	གསང་བ་འདུས་པ་འཇིག་རྟེན་དབང་ཕྱུག་ (gsang ba 'dus pa 'jig rten dbang phyug)
Deity	thugs rje chen po

1 Texts in this Section (sde tshan or chos tshan)

4 338-340	གུར་གྱི་མགོན་པོའི་གསང་ཁྲིད་འཆད་ཚུལ། gur gyi mgon po'i gsang khrid 'chad tshul Contemplative Guide Books and Instructional Manuals - khrid yig	Text page View PDF
	[[|འཇམ་དབྱངས་མཁྱེན་བརྩེའི་དབང་པོ་ ()]]

Tibetan Text

Wylie

[edit]

གུར་གྱི་མགོན་པོའི་གསང་ཁྲིད་འཆད་ཚུལ། མངྒ་ལཾ། མགོན་པོའི་གསང་ཁྲིད་ཉིན་དང་པོ་ལ། འོ་ནམ་མཁའ་དང་སོགས། ཆོས་གསན་པའི་ཀུན་ཏུ་སྤྱོད་པ་རྣམས་ལེགས་པར་གསལ་བཏབ་སྟེ་གསན་པ་དང་། ཁྱད་པར་རྡོ་རྗེ་ཐེག་པ་བླ་མེད་ཀྱི་སྐབས་འདིར་ཐ་མལ་གྱི་སྣང་ཞེན་དང་བཅས་པས་ཆོས་གསན་པའི་སྣོད་དུ་མི་རུང་བས། སྐུ་ལུས་ཀྱི་འདུག་སྟངས་དྲང་པོར་གནས་པ་དང་། ཐུགས་ཀྱི་བསམ་པར་ཡང་གནས་ཁང་འདི་ཉིད་ཀྱང་ཐ་མལ་གྱི་གནས་ཁང་འདི་ལྟ་བུ་མ་ཡིན་པར། དག་གསལ་གཉིས་སུ་མེད་པའི་ཡེ་ཤེས་ཀྱི་རང་སྣང་ལས་གྲུབ་པའི་རྡོ་རྗེའི་སྲུང་བའི་འཁོར་ལོའི་དབུས་སུ། དུར་ཁྲོད་རོལ་པའི་གཞལ་མེད་ཁང་ཡངས་ཤིང་རྒྱ་ཆེ་བར། དེ་ལྟར་ཆོས་སྟོན་པའི་སློབ་དཔོན་ཀྱང་ཐ་མལ་གྱི་རྣམ་པ་འདི་ལྟ་བུ་མ་ཡིན་པར་དཔལ་རྡོ་རྗེ་ནག་པོ་ཆེན་པོ་དངོས་ཡིན་སྙམ་པ་དང་། ཁྱེད་རང་རྣམས་ཀྱང་དེ་ལྟ་བུའི་ཐུན་མཚམས་ཀྱི་ལྷག་པའི་ལྷ་གང་ཡང་རུང་བའི་ང་རྒྱལ་ལ་གནས་པས་ཆོས་ཀྱི་སྒྲ་དབྱངས་གྲག་སྟོང་སྐྱེ་བ་མེད་པའི་ངང་དུ་སྒྲོགས་པས་སྲིད་ཞིའི་རྒུད་པ་ཐམས་ཅད་ཞི་བར་མཛད་པའི་སྒྲ་ལྷང་ལྷང་ཡོད་སྙམ་པ་དང་བཅས་ཏེ་གསལ་སྟོང་འཛིན་མེད་ཀྱི་ངང་དུ་ཡེངས་བ་མེད་པའི་ཚུལ་དུ་གསན་པ་གནང་བར་ཞུ། །དེ་ལ་འདིར་གང་གསན་པར་བྱ་བའི་ཆོས་ནི་གངས་ཅན་བསྟན་པའི་མངའ་བདག་སོགས། དུས་འདའ་བར་བྱེད་པ་ཡིན་གསུངས་སོ། །ཐུགས་ངེས་པར་བྱ་བའི་ཕྱིར་ད་དུང་ལན་གཅིག་བསྐྱར་ན། དོ་ནུབ་ནས་རང་རང་གི་གནས་མལ་རྣམས་སུ་བདེ་བའི་སྟན་ལ་བསམ་གཏན་གྱི་སྤྱོད་ལམ་དང་ལྡན་པས་འདུག །རླུང་རྔམས་བག་ཅན་རང་ཞིར་མ་སོང་བར་དུ་ཅུང་ཟད་རེ་ངལ་གསོ། རྣམ་རྟོག་ཞིག་ཐོལ་གྱིས་སྐྱེས་ན་དེའི་དབང་དུ་མི་བཏང་བར་དམིགས་པ་ལ་འཇུག །དེ་ལ་སྦྱོར་བ། སྔོན་འགྲོ་དངོས་གཞི་སོགས། དེ་ལྟར་ལན་གསུམ་བསྐྱར་བའི་མཐར། དེ་རིང་གི་ཐུགས་དམ་དམིགས་པའི་རིམ་པ་དེ་ཙམ་ལ་མཛད་པར་ཞུ། །བསོད་ནམས་འདི་ཡི་སོགས། ཐེག་མཆོག་དམ་ཆོས་སོགས། སྲིད་པ་ཐམས་ཅད་སོགས། ། ༈ ཉིན་གཉིས་པ་ལ་སྔ་མ་ལྟར་ཡང་བསྐྱར་དང་། གསུམ་པ་རྡོ་རྗེ་སེམས་དཔའི་བསྒོམ་བཟླས་དང་། བཞི་པ་བླ་མའི་རྣལ་འབྱོར། རྡོར་སེམས་བསྒོམ་བཟླས་སྐབས་ཀྱེ་རྡོར་མན་ངག་ལུགས་ཀྱི་རྣམ་བཤད་ལྟར་འཆད་ཀྱང་ལེགས། ། ༈ ཉིན་གསུམ་པར་རྟེན་བསྐྱེད་པའི་རིམ་པ་སེམས་འཛིན་བཅས། ། ༈ ཉིན་བཞི་པར་བརྟེན་པ་རྫོགས་པའི་རིམ་པར་རྩ་བའི་དམིགས་པ་ཡན། འདི་སྐབས་ཐམས་ཅད་བསྐྱར་མ་ནུས་ན། ཉམས་ལེན་གྱི་དངོས་གཞི་མན་བསྐྱར་པས་ཆོག ། ༈ ཉིན་ལྔ་པར་ཡན་ལག་བཞི་རྫོགས་སུ་བསྒྲུབ་པ་ནས་གེགས་སེལ་བར། ། ༈ ཉིན་དྲུག་པར་བོགས་འབྱིན་ཐུན་མོང་མ་ཡིན་པའི་བསྙེན་པ་སོགས། ། ༈ ཉིན་བདུན་པར་སྒྲུབ་པ། ། ༈ ཉིན་བརྒྱད་པར་ཐུན་མོང་གི་ལས་སྦྱོར་བསྟན་པའི་སྤྱི་དགྲ་བསྒྲལ་བ། ། ༈ ཉིན་དགུ་པར་རྣལ་འབྱོར་གྱི་སྒོས་དགྲ་བསྒྲལ་བ་ཟུར་གསལ་ལྟར། ། ༈ ཉིན་བཅུ་པར་ཐུན་མོང་མ་ཡིན་པའི་ལས་སྦྱོར་ཟུར་གསལ་ལྟར་དང་། ཚར་ཆོས་ཚེ་སྒྲུབ་ཀྱི་དམིགས་པའི་ཁྲིད་གཞུང་ལྟར་རོ། །དགེའོ། །དགེའོ། དགེའོ།། །།

[edit]

gur gyi mgon po'i gsang khrid 'chad tshul/ mang+ga laM/__mgon po'i gsang khrid nyin dang po la/__'o nam mkha' dang sogs/__chos gsan pa'i kun tu spyod pa rnams legs par gsal btab ste gsan pa dang /__khyad par rdo rje theg pa bla med kyi skabs 'dir tha mal gyi snang zhen dang bcas pas chos gsan pa'i snod du mi rung bas/__sku lus kyi 'dug stangs drang por gnas pa dang /__thugs kyi bsam par yang gnas khang 'di nyid kyang tha mal gyi gnas khang 'di lta bu ma yin par/__dag gsal gnyis su med pa'i ye shes kyi rang snang las grub pa'i rdo rje'i srung ba'i 'khor lo'i dbus su/__dur khrod rol pa'i gzhal med khang yangs shing rgya che bar/__de ltar chos ston pa'i slob dpon kyang tha mal gyi rnam pa 'di lta bu ma yin par dpal rdo rje nag po chen po dngos yin snyam pa dang /__khyed rang rnams kyang de lta bu'i thun mtshams kyi lhag pa'i lha gang yang rung ba'i nga rgyal la gnas pas chos kyi sgra dbyangs grag stong skye ba med pa'i ngang du sgrogs pas srid zhi'i rgud pa thams cad zhi bar mdzad pa'i sgra lhang lhang yod snyam pa dang bcas te gsal stong 'dzin med kyi ngang du yengs ba med pa'i tshul du gsan pa gnang bar zhu/__/de la 'dir gang gsan par bya ba'i chos ni gangs can bstan pa'i mnga' bdag sogs/__dus 'da' bar byed pa yin gsungs so/__/thugs nges par bya ba'i phyir da dung lan gcig bskyar na/__do nub nas rang rang gi gnas mal rnams su bde ba'i stan la bsam gtan gyi spyod lam dang ldan pas 'dug__/rlung rngams bag can rang zhir ma song bar du cung zad re ngal gso/__rnam rtog zhig thol gyis skyes na de'i dbang du mi btang bar dmigs pa la 'jug__/de la sbyor ba/__sngon 'gro dngos gzhi sogs/__de ltar lan gsum bskyar ba'i mthar/__de ring gi thugs dam dmigs pa'i rim pa de tsam la mdzad par zhu/__/bsod nams 'di yi sogs/__theg mchog dam chos sogs/__srid pa thams cad sogs/___/_!_nyin gnyis pa la snga ma ltar yang bskyar dang /__gsum pa rdo rje sems dpa'i bsgom bzlas dang /__bzhi pa bla ma'i rnal 'byor/_rdor sems bsgom bzlas skabs kye rdor man ngag lugs kyi rnam bshad ltar 'chad kyang legs/___/_!_nyin gsum par rten bskyed pa'i rim pa sems 'dzin bcas/___/_!_nyin bzhi par brten pa rdzogs pa'i rim par rtsa ba'i dmigs pa yan/__'di skabs thams cad bskyar ma nus na/__nyams len gyi dngos gzhi man bskyar pas chog__/_!_nyin lnga par yan lag bzhi rdzogs su bsgrub pa nas gegs sel bar/___/_!_nyin drug par bogs 'byin thun mong ma yin pa'i bsnyen pa sogs/___/_!_nyin bdun par sgrub pa/___/_!_nyin brgyad par thun mong gi las sbyor bstan pa'i spyi dgra bsgral ba/___/_!_nyin dgu par rnal 'byor gyi sgos dgra bsgral ba zur gsal ltar/___/_!_nyin bcu par thun mong ma yin pa'i las sbyor zur gsal ltar dang /__tshar chos tshe sgrub kyi dmigs pa'i khrid gzhung ltar ro/__/dge'o/__/dge'o/__dge'o//__//