JKW-KABAB-20-WA-031

🚧 This website is under continued development. We appreciate your patience!

Previous Text"WA" is not a number. Back to Volume Page"WA" is not a number.Next Text "WA" is not a number.

Wylie title
Location	mkhyen brtse'i bka' babs Volume , Text 31, Pages (Folios to )
Author	[[ | ]]
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation
Genre	Revelations - gter ma
Karchag page	JKW-KABAB-Volume-02-KHA-Karchag"WA" is not a number.

"WA" is not a number.

Tibetan Text

Wylie

[edit]

༄༅། །སྒོ་དབྱེ་བཞུགས། ཟོར་གྱི་ནང་སྒོ་དབྱེ་བ་ནི། ཧཱུྃ་བྷྱོ༔ ཆོས་ཉིད་དབྱིངས་ལས་མ་གཡོས་ཀྱང་༔ ཡེ་ཤེས་སྒྱུ་འཕྲུལ་དྲྭ་བའི་ཚུལ༔ མ་མོ་རོལ་པའི་ལྷ་ཚོགས་རྣམས༔ ཐུགས་རྗེ་རྔམས་པའི་གཟི་བྱིན་སྐྱེད༔ ཚད་མེད་བཞི་ལྡན་ཕྱག་རྒྱ་ཡིས༔ གསང་བའི་དཀྱིལ་འཁོར་གཉན་པོ་ཆེའི༔ རྣམ་ཐར་བཞི་ལྡན་སྒོ་ཕྱེས་ལ༔ ཟོར་ལམ་དགྲ་དང་བགེགས་ལ་སྒྱུར༔ དགྲ་དཔུང་བདུན་བརྒྱུད་རྩད་ནས་ཆོད༔ བགེགས་དཔུང་ཐལ་བའི་རྡུལ་དུ་རློག༔ མིང་ཙམ་མེད་པར་ཕུང་དུ་ཆུག༔ མངོན་སྤྱོད་ཕྲིན་ལས་ཡོངས་རྫོགས་མཛོད༔ བྷྲཱུྃ་ཛ༔པྲ་བེ་ཤ་ཡ་ཕཊ༔ དེ་བཞིན་དུ་ཛཿའི་གནས་སུ། ཧཱུྃ་བྃ་ཧོ༔ ཞེས་སྦྱར་ལ་དབྱེ་བའི་རྒྱ་དང་བཅས་ཟོར་དཀྲིས་ཀྱི་ཕྱོགས་བཞི་ནས་དཔལ་འབར་གྱིས་བཅད་ལ་ནང་དུ་བསྒྱུར། ༈ ཕྱི་སྒོ་དབྱེ་བ་ནི། གསེར་སྐྱེམས་སྔོན་དུ་འགྲོ་བས། ཧཱུྃ༔ མ་མོ་རོལ་པའི་བཀའ་ཉན་པ༔ འཇིག་རྟེན་དྲེགས་པ་འཁོར་དང་བཅས༔ དེ་རིང་རྣལ་འབྱོར་ལས་བརྩམ་ནས༔ སྒོ་རྣམས་ཕྱེས་ལ་འཕྲང་སོལ་ཅིག༔ ཕྱོགས་སྐྱོང་བཅུ་དང་རྒྱལ་ཆེན་བཞི༔ གཙང་རིས་དཔལ་མགོན་བདུན་ཅུ་རྣམས༔ བཀའ་དང་དམ་ལས་མ་འདའ་བར༔ རུ་ང་ཕྲག་དོག་མ་མཛད་ཅིག༔ ཞབས་སྐུམས་སྐུ་བཟུར་དབུ་ཁུག་ལ༔ བདག་གིས་གཏོར་ཟོར་འཕེན་པ་ཡི༔ གདོང་དུ་སུ་ཡང་མ་འདུག་ཅིག༔ ཅེས་བཀའ་བསྒོའོ། །

[edit]

@#/__/sgo dbye bzhugs/__zor gyi nang sgo dbye ba ni/__hU~M b+h+yo:__chos nyid dbyings las ma g.yos kyang :__ye shes sgyu 'phrul drwa ba'i tshul:__ma mo rol pa'i lha tshogs rnams:__thugs rje rngams pa'i gzi byin skyed:__tshad med bzhi ldan phyag rgya yis:__gsang ba'i dkyil 'khor gnyan po che'i:__rnam thar bzhi ldan sgo phyes la:__zor lam dgra dang bgegs la sgyur:__dgra dpung bdun brgyud rtsad nas chod:__bgegs dpung thal ba'i rdul du rlog:__ming tsam med par phung du chug:__mngon spyod phrin las yongs rdzogs mdzod:__b+h+rU~M dza:pra be sha ya phaT:__de bzhin du dzaH'i gnas su/__hU~M ba~M ho:__zhes sbyar la dbye ba'i rgya dang bcas zor dkris kyi phyogs bzhi nas dpal 'bar gyis bcad la nang du bsgyur/__!__phyi sgo dbye ba ni/__gser skyems sngon du 'gro bas/__hU~M:__ma mo rol pa'i bka' nyan pa:__'jig rten dregs pa 'khor dang bcas:__de ring rnal 'byor las brtsam nas:__sgo rnams phyes la 'phrang sol cig:__phyogs skyong bcu dang rgyal chen bzhi:__gtsang ris dpal mgon bdun cu rnams:__bka' dang dam las ma 'da' bar:__ru nga phrag dog ma mdzad cig:__zhabs skums sku bzur dbu khug la:__bdag gis gtor zor 'phen pa yi:__gdong du su yang ma 'dug cig:__ces bka' bsgo'o/_/______________________