JKW-KABAB-18-TSHA-009

🚧 This website is under continued development. We appreciate your patience!

Previous Text Back to Volume PageNext Text

Wylie title
Location	mkhyen brtse'i bka' babs Volume 18, Text 9, Pages (Folios to )
Author	འཇམ་དབྱངས་མཁྱེན་བརྩེའི་དབང་པོ་
Less details More details
Tertön	འཇམ་དབྱངས་མཁྱེན་བརྩེའི་དབང་པོ་ ('jam dbyangs mkhyen brtse'i dbang po)
Citation	'jam mgon kong sprul. . In Rdzong sar 'jam dbyangs mkhyen brtse'i dbang po'i bka' babs, Vol. 18: 1-. Dkar mdzes bod rigs rang skyong khul sde dge rdzong: Rdzong sar khams bye'i slob gling, 2013.
Genre
Cycle	པདྨ་ཚེ་ཡི་སྙིང་ཏིག་ (pad+ma tshe yi snying tig)
Deity	tsaN+Da lI
Karchag page	JKW-KABAB-Volume-18-TSHA-Karchag
RTZ	In the Rinchen Terdzö: https://rtz.tsadra.org/index.php/Terdzo-DZI-019

Tibetan Text

Wylie

[edit]

༄༅། །པདྨ་ཚེའྀ་སྙིང་ཏིག་ལས། ཚེ་ཡུམ་ཙཎྜ་ལཱིའི་དབང་གི་ཆོ་ག་བདུད་རྩིའི་ཟིལ་ཐིགས་ཞེས་བྱ་བ་བཞུགས་སོ།།ན་མོ་གུ་རུ་བེ། འཆི་མེད་བདེ་ཆེན་བདུད་རྩིའི་བཅུད། །མོས་པའི་སྣོད་དུ་འབེབས་པ་དང༌། །ལྷན་ཅིག་ཡེ་ཤེས་སད་མཛད་པ། །བླ་མ་དབྱིངས་ཀྱི་ཡུམ་ལ་འདུད། །པདྨ་ཙཎྜ་ལཱིའི་སྨིན་བྱེད་སྒྲུབ་པ་ལ་སྦྱོར་བ་ནི། དཀྱིལ་འཁོར་ཟླ་གམ་དམར་པོ་སྒོ་གཅིག་གི་དབུས་སུ་ཆོས་འབྱུང་བསྣོལ་བའི་ལྟེ་བར་ལྷ་མཚན་ལྕགས་ཀྱུ་ཚེ་བུམ། ཟུར་དྲུག་དང་སྒོ་གཅིག་ལ་ཐིག་ལེ་དམར་པོར་རེ་བཀོད་པའམ་མཎྜལ་ལ་མེ་ཏོག་དམར་པོའི་ཚོམ་བུ་བརྒྱད་དེ་མཚུངས་བཀོད་པས་ཀྱང་རུང་སྟེ་གང་ལྟར་དེའི་སྟེང་ཁྲིའུར་རྣམ་བུམ་ཉེར་ལྔའི་བཅུད་དང་ལེབ་རྒན་མགུལ་ཆིངས་ཁ་རྒྱན་ལྡན་པ། གཡས་གཡོན་དུ་ཚེ་རིལ་ཚེ་ཆང༌། མདུན་དུ་ཚེ་གཏོར། རྒྱབ་ཏུ་འཇའ་ཤེལ་རྣམས་དགོད། ཕྱི་མཆོད། སྨན་རག་གཏོར་མ་རྣམས་སྤྱི་ལྟར་བཤམ། ཚོགས་དང་གཏོར་མ་ཉེར་མཁོའི་རིགས་སྤྱི་ལྟར་འདུ་བྱའོ། །དངོས་གཞིའི་ཐོག་མར་སྐྱབས་སེམས་ནས་བརྩམ་ཕྲིན་ལས་མཐར་ཆགས་སུ་གཏང་ཞིང་བདག་མདུན་དབྱེར་མེད་དུ་བསྒོམ། བཟླས་པའི་ཐོག་མར་འཛབ་ཁང་དབྱེ། བདག་མདུན་གཉིས་ཀར་དང་ཁྱད་པར་སྒྲུབ་རྫས་རྣམས་ལ་ཚེ་བཅུད་བསྡུ་བསྟིམ་གྱི་དམིགས་པ་བཅས་བསྙེན་པ་ཅི་འགྲུབ་བཟླས་ལ་མཆོད་བསྟོད་དང་ཚེ་འགུགས་བཏང༌། ལས་བུམ་རྟ་སྔགས་ཀྱིས་བྱིན་བརླབ། རིག་པའི་མེ་ཏོག་དོར་ལ་གནང་བ་ཞུ། དེ་ནས་སློབ་མ་ལ་ཁྲུས་བྱ། བགེགས་གཏོར་སྤྱི་ལྟར་བསྔོ། །བཀའ་བསྒོ་ཞིང་མཚམས་བཅད་ལ་སྲུང་འཁོར་བསྒོམ། སེམས་བསྐྱེད་གསལ་གདབ། སྐབས་དང་འབྲེལ་བའི་ཆོས་བཤད་ཅི་རིགས་བྱ། ཁྱད་པར། དེའང་དལ་འབྱོར་ཆོས་ལྡན་རིང་དུ་འཚོ་བའི་ཐབས་ལ་བརྩོན་པ་ནི་འཇིག་རྟེན་ན་དོན་དུ་གཉེར་བྱའི་གཙོ་བོ་ཡིན་ལ། དེའི་ཐབས་ཚུལ་ཐུན་མོང་དང་ཐུན་མོང་མ་ཡིན་པའི་རྣམ་གྲངས་མཐའ་ཡས་པ་རྣམས་ཀྱི་ནང་ནས་མཆོག་ཏུ་གྱུར་པ་གསང་སྔགས་བླ་མེད་ཀྱི་བསྐྱེད་རྫོགས་ལ་བརྟེན་ནས་རྡོ་རྗེའི་ཚེ་སྒྲུབ་པ་རྣམས་ཡིན་ཅིང༌། དེ་དག་གི་ནང་ནས་ཟབ་པའི་ཕུལ་དུ་ཕྱིན་པ་རྒྱལ་བ་ཐམས་ཅད་སྐྱེད་པའི་ཡུམ་ཀུན་ཏུ་བཟང་མོ་ཉིད་འཆི་མེད་ཡེ་ཤེས་ཀྱི་མཁའ་འགྲོའི་སྐུར་བསྟན་པ་དབང་གི་ལྷ་མོ་ཙཎྜ་ལཱིའི་བསྐྱེད་རྫོགས་སྨིན་བྱེད་དང་བཅས་པའི་གདམས་ངག་ཤིན་ཏུ་ཟབ་ལ་འདྲིལ་བ་འདི་ནི། །འཇམ་མགོན་ཁྲི་ལྡེའི་ཡེ་ཤེས་ཀྱི་རོལ་གར་གངས་ཅན་མཁས་གྲུབ་ཡོངས་ཀྱི་གཙུག་གི་རྒྱན་གཅིག་པདྨ་འོད་གསལ་མདོ་སྔགས་གླིང་པ་དགུང་ལོ་བཅོ་ལྔ་བཞེས་པ་ཤིང་ཕོ་རྟ་ལོ་རྒྱལ་ཟླ་བའི་ནང་ཚེ་སྒྲུབ་ཟབ་མོའི་ལྗགས་བསྙེན་གནང་བའི་ཚེས་བཅུའི་ཐོ་རངས་བཟླས་ཐུན་མཛད་སྐབས། ནམ་མཁའ་ནས་ཌཱ་མ་རུའི་སྒྲ་དང་དྲི་བཟང་གི་ངད་པ་འཐུལ་བའི་རྐྱེན་གྱིས་སྒྲུབ་རྫས་ཀྱི་སྟེང་དུ་འོད་དམར་པོ་ཤིན་ཏུ་གསལ་བ་ཞིག་ཞུགས་སོང་བའི་ཀློང་ན་འཆི་མེད་མནྡཱ་ར་བ་ཉིད་ཚེ་ཡུམ་ཙཎྜ་ལཱིའི་རྣམ་པས་ཡབ་བཀའ་ཚེ་དཔག་མེད་ཧྲཱིཿགཅིག་མའི་སྐོར་དང༌། ཚེ་ཡུམ་ཙཎྜ་ལཱིའི་གདམས་ངག་རྗེས་སུ་བསྟན་པ་དབང་བསྐུར་བཅས་སྩལ་བའི་མཐར་ཤིས་བརྗོད་སྐབས་མེ་ཏོག་དམར་པོའི་ཆར་སིལ་མར་བསྙིལ་བའི་ཐུགས་ཉམས་བྱུང༌། ཕྱིར་ནང་སྒྲུབ་གཞིའི་སྟེང་དབྱར་མོ་ཐང་ལྟ་བུའི་མེ་ཏོག་དམར་པོ་ཁ་ཤས་དངོས་སུ་ཡོད་པའི་དག་སྣང་ཁྱད་པར་ཅན་བྱུང་བའི་དེ་འཕྲལ་ཉིད་དུ་ལས་བྱང་རྩ་བ་ཙམ་གཏན་ལ་ཕབ་སྟེ་ཉམས་བཞེས་མཛད་ནས་གསང་བའི་རྒྱས་བཏབ། ཕྱིས་དགུང་ལོ་ང་དགུ་རབ་ཚེས་ས་སྟག་ལོའི་དབྱར་ཐོག་སྨིན་གྲོལ་གདམས་པའི་བདུད་རྩི་ཐོག་མར་བཀའ་དྲིན་དུ་སྩལ་བའི་སྨིན་བྱེད་ཟབ་མོ་བསྒྲུབ་པར་བགྱི་བ་ལ་སོགས་ཀྱིས་མཚམས་སྦྱར་ནས་མཎྜལ་འབུལ་དུ་བཞུག །བླ་མ་དང་ཡེ་ཤེས་མཁའ་འགྲོ་དབྱེར་མི་ཕྱེད་པ་ལ་མོས་གུས་གདུང་ཤུགས་དྲག་པོས་ཐལ་མོ་མེ་ཏོག་དང་བཅས་ཏེ་གསོལ་བ་འདེབས་པ་འདིའི་རྗེས་ཟློས། དགའ་ཆེན་སྟོན་པ་མཆོག་གཅིག་པུ༔ བླ་མ་འཆི་མེད་ཙཎྜ་ལཱིས༔ བདག་ལ་བརྩེ་བས་ཉེར་དགོངས་ནས༔ ཡེ་ཤེས་ཚེ་ཡི་དབང་བསྐུར་སྩོལ༔ ལན་གསུམ། ཅེས་གསོལ་བ་བཏབ་པས་སྣོད་དུ་རུང་བ་ལ་དབང་དོན་གྱི་ཡེ་ཤེས་བརྟན་ཅིང་མཐར་ཕྱིན་པའི་སླད་དུ་འདའ་དཀའ་རྡོ་རྗེའི་དམ་ཚིག་ལ་གནས་པར་གདམས་པ་དང་བདུད་རྩིའི་ཆུ་ནན་སྦྱིན་པ་ཡིན་པས་ངེས་འཚལ། དམ་ཆུ་སྦྱིན་ཅིང་སྙིང་གར་རྡོ་རྗེ་བཞག་ལ། འཆི་མེད་དངོས་གྲུབ་དོན་གཉེར་ན༔ དད་དང་སྙིང་རྗེས་གཞི་བཟུང་སྟེ༔ དབང་དོན་དམ་ཚིག་སྲོག་བཞིན་སྲུངས༔ ཟབ་མོའི་ལམ་ལ་བརྩོན་པར་གྱིས༔ པཉྩ་ཨ་མྲྀ་ཏ་ཨུ་ད་ཀ་ཋ་ཋ༔ རྡོ་རྗེའི་ཡལ་གམ་གཉན་པོ་ལས་ནམ་ཡང་འདའ་བར་མི་བགྱིད་སྙམ་པས་ཐ་ཚིག་གི་བྲོ་བོར་བ་འདིའི་རྗེས་ཟློས། ས་མ་ཡ་ཨི་དནྟེ་ན་ར་ཀན༔ དེ་ནས་རྒྱུད་རྣམ་པར་དག་པར་བྱ་བའི་སླད་དུ། བླ་མ་དང་འཆི་མེད་ཡེ་ཤེས་ཀྱི་མཁའ་འགྲོ་གཉིས་སུ་མེད་པ་ལ་རྩ་གསུམ་ཚེའི་ལྷ་ཚོགས་ནམ་མཁའ་གང་བའི་འཁོར་དང་བཅས་ཏེ་བཞུགས་པའི་སྤྱན་སྔར། བདག་གཞན་མཁའ་ཁྱབ་ཀྱི་ཡིད་ཅན་མཐའ་དག་འདི་ནས་བཟུང་སྟེ་བྱང་ཆུབ་མ་ཐོབ་ཀྱི་བར་དུ་སྐྱབས་སུ་འགྲོ་བ་དང༌། སྨོན་པ་དང་འཇུག་པའི་བསམ་སྦྱོར་བརྟན་པོས་བྱང་ཆུབ་ཀྱི་སེམས་རིན་པོ་ཆེ་རྣམ་པ་གཉིས་བསྐྱེད་པ་དང༌། གསང་སྔགས་བླ་མེད་རྡོ་རྗེ་ཐེག་པའི་སྡོམ་པ་བརྟུལ་ཞུགས་དམ་ཚིག་རྣམས་ཚུལ་བཞིན་བླངས་ནས་ལེགས་པར་བསྲུང་བར་བགྱིའོ་སྙམ་པའི་ཡིད་ཀྱིས་འདིའི་རྗེས་ཟློས། ཡེ་ཤེས་མཁའ་འགྲོ་སྐྱབས་ཀྱི་མཆོག་ཏུ་བཟུང་༔ འགྲོ་བའི་དོན་དུ་སྨོན་འཇུག་སེམས་བསྐྱེད་ཅིང་༔ སྐུ་གསུང་ཐུགས་དང་མཉམ་སྦྱོར་གསང་སྔགས་ཀྱི༔ དམ་ཚིག་སྡོམ་པ་རྟག་ཏུ་བསྐྱང་བར་བགྱི༔ ལན་གསུམ། དེ་ནས་དབང་གི་གཞི་དགོད་པ་ལ་ཡེ་ཤེས་པ་དབབ་པའི་དོན་དུ་སྒོ་གསུམ་གྱི་གནད་གཅུན་ལ་དམིགས་པ་འདི་དག་རྩེ་གཅིག་ཏུ་སྒོམས་ཤིག །ཆོས་ཐམས་ཅད་རང་བཞིན་མི་དམིགས་པ་འོད་གསལ་སྟོང་པ་ཉིད་ཀྱི་ངང་ལས། རང་ཉིད་གནས་པའི་གོ་སར་ཆུ་སྐྱེས་དམར་པོ་དང་ཉི་མ་ཟླ་བའི་དཀྱིལ་འཁོར་སྟེང་དུ་རིག་པའི་ངོ་བོ་ཧྲཱིཿཡིག་དམར་པོ་འོད་འབར་བ། དེ་ཡོངས་སུ་གྱུར་པ་ལས་ཁྱེད་རང་སྐད་ཅིག་གིས་འཆི་མེད་ཡེ་ཤེས་ཀྱི་མཁའ་འགྲོ་པདྨ་ཙཎྜ་ལཱི་དམར་གསལ་པདྨ་རཱ་གའི་མདངས་འོད་འཚེར་བ། སྤྱན་གསུམ་ཁྲོ་ཞིང་འཛུམ་ལ་རྗེས་སུ་ཆགས་པའི་ཉམས་ཅན་དབུ་སྐྲ་སིལ་བུར་གྲོལ་བ། ནུ་མ་འབུར་ཞིང་གསང་བའི་ཆུ་སྐྱེས་རྒྱས་པ། དར་སྣ་ལྔའི་ཅོད་པན་འཕུར་ཅིང་སྟོད་གཡོགས་དང་སྨད་ཤམ་ཀླུབས་པ། རུས་པ་དང་རིན་པོ་ཆེ་དང་མེ་ཏོག་གི་ཕྲེང་བས་བརྒྱན་པ། ཕྱག་གཡས་པས་ལྕགས་ཀྱུ་ཕྱར་ཞིང་གཡོན་པས་བདུད་རྩིས་གང་བའི་འཆི་མེད་ཚེ་ཡི་བུམ་བཟང་བསྣམས་པ། ཞབས་གཡས་བསྐུམ་གཡོན་བརྐྱང་བའི་གར་སྟབས་ཀྱིས་འོད་ཟེར་སྣ་ཚོགས་འབར་བའི་ཀློང་ན་འགྱིང་བའི་སྤྱི་བོར་རིགས་བདག་སྣང་བ་མཐའ་ཡས་སྤྲུལ་སྐུའི་ཆ་ལུགས་ཅན། ཐུགས་ཀར་ཡེ་ཤེས་སེམས་དཔའ་ཚེ་དཔག་མེད་ལོངས་སྤྱོད་རྫོགས་པ། མིག་ཏུ་གཟུགས་རྡོ་རྗེ་མ། རྣ་བར་སྒྲ་རྡོ་རྗེ་མ། སྣར་དྲི་རྡོ་རྗེ་མ། ལྕེ་ལ་རོ་རྡོ་རྗེ་མ། གསང་བར་རེག་བྱ་རྡོ་རྗེ་མ། སྙིང་གར་ཆོས་རྡོ་རྗེ་མ་རྣམས་དམར་མོ། །ཕྱག་གཡས་པ་རྣམས་ཀྱིས་ལྕགས་ཀྱུ་དང་གཡོན་པ་རྣམས་ཀྱིས་འདོད་ཡོན་དྲུག་གི་མཆོད་སྤྲིན་སྤྲོ་ཞིང་ཆ་ལུགས་གཙོ་མོ་དང་མཚུངས་པ། ཡན་ལག་བཞི་ལ་པདྨ་དབྱིངས་ཕྱུག་མ་དམར་མོ་ཁྲོ་མོའི་ཆས་ཅན་གྲི་གུག་དང་ཐོད་ཁྲག་འཛིན་པ། གཞན་ཡང་སྐུའི་གནས་ཐམས་ཅད་དུ་རྩ་གསུམ་ཚེ་ལྷ་རབ་འབྱམས་ཏིལ་གྱི་གང་བུ་ཁ་ཕྱེ་བ་ལྟར་བཞུགས་པའི་གནས་གསུམ་དུ་ཨོཾ་ཨཱཿཧཱུྃ་གིས་མཚན་པ་དང་སློབ་དཔོན་གྱི་ཐུགས་ཀ་ནས་ལྕགས་ཀྱུ་ལྟ་བུའི་འོད་ཟེར་ཆོས་དབྱིངས་ཁྱབ་པར་འཕྲོས་པས་རང་འདྲའི་ཡེ་ཤེས་སེམས་དཔའ་ནམ་མཁའ་གང་བ་ཙམ་དུ་བྱོན། སྒོ་གསུམ་ལ་སིབ་སིབ་ཐིམ་པས་རྒྱུད་བྱིན་གྱིས་བརླབས་པར་གྱུར་པའི་མོས་པ་མཛོད། འབེབས་པའི་རྫས་དང་རོལ་མོ་དབྱངས་ཀྱིས་བསྐུལ་ལ། ཧྲཱིཿ ཀ་དག་དབྱིངས་ལས་འཆི་མེད་མཁའ་འགྲོའི་ཚོགས༔ ལྷུན་གྲུབ་རིག་རྩལ་རོལ་པས་གནས་འདིར་གཤེགས༔ དམ་ཚིགས་ཡེ་ཤེས་གཉིས་སུ་མེད་པར་བཞུགས༔ མི་འབྲལ་བྱིན་རློབས་ཚེ་དབང་དངོས་གྲུབ་སྩོལ༔ ཨོཾ་ཨཱཿཧཱུྃ་པདྨ་ཙཎྜ་ལཱི་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ བཛྲ་ཨཱ་བེ་ཤ་ཡ་ཨ་ཨཱ། ཅེས་བརྗོད་ལ་དབབ། དེ་ལྟར་དབབ་པའི་ཡེ་ཤེས་པའི་བྱིན་རླབས་ཀྱི་རྒྱུན་བརྟན་པར་གྱུར་པའི་མོས་པ་མཛོད། ཏིཥྛ་བཛྲ། རྒྱ་གྲམ་མགོར་བཞག །དེ་ནས་ཚེ་འགུགས་པའི་སླད་དུ་དམིགས་པ་འདི་ལྟར་དུ་མཛོད། མོས་གུས་ཀྱི་སྟོབས་དང་གདུང་ཤུགས་ཀྱིས་ཐུགས་དམ་བསྐུལ་བས་གཙོ་མོའི་ཐུགས་ཀ་ནས་འོད་ཟེར་འཕྲོས། འཁོར་གྱི་རྡོ་རྗེའི་ལྷ་མོ་རྣམས་ལ་ཕོག །དེ་དག་ལས་སྤྲུལ་པ་ཡང་སྤྲུལ་ཉི་ཟེར་གྱི་རྡུལ་ལྟ་བུ་འཕྲོས། ཁྱེད་རང་གི་བླ་ཚེ་སྲོག་དབུགས་གདོན་བགེགས་ཀྱིས་བརྐུས་འཕྲོག་ཆད་ཉམས་ཡར་བ་ཐམས་ཅད་དང། སྣོད་ཀྱི་འཇིག་རྟེན་འབྱུང་བ་བཞིའི་བཅུད་དང་དྭངས་མ། བཅུད་ཀྱི་སེམས་ཅན་ལྷ་ཀླུ་མིའི་ཚེ་བསོད་དཔལ་འབྱོར། རྩ་གསུམ་རྒྱལ་བ་སྲས་དང་བཅས་པ་རྣམས་ཀྱི་མཁྱེན་བརྩེ་ནུས་པའི་བྱིན་རླབས་ཐམས་ཅད་བདུད་རྩིའི་རྒྱུན་དང་འཇའ་འོད་ཟེར་ཐིག་གི་རྣམ་པར་བསྡུས་ཏེ་བ་སྤུའི་བུ་ག་ནས་ཞུགས། ལུས་ཀྱི་ནང་ཐམས་ཅད་གང་བར་གྱུར་པའི་མོས་པ་མཛོད། མདའ་དར་གཡབ་ལ། ཧྲཱིཿ རང་སྣང་རྣམ་དག་དབྱིངས་ཀྱི་དཀྱིལ་འཁོར་ནས༔ ཡེ་ཤེས་མཁའ་འགྲོ་པདྨ་ཙཎྜ་ལཱི༔ གང་འདུལ་ལས་མཛད་རྡོ་རྗེའི་ལྷ་མོ་དྲུག༔ གཙོ་འཁོར་སྤྲུལ་པར་བཅས་པ་དབྱིངས་ནས་བཞེངས༔ བདག་ཅག་བླ་ཚེ་ཆད་ཉམས་ཡར་བ་ཁུག༔ ས་ཆུ་མེ་རླུང་ནམ་མཁའི་དྭངས་བཅུད་ཁུག༔ འཁོར་འདས་ཚེ་དང་བསོད་ནམས་ཡེ་ཤེས་ཁུག༔ སྲོག་ཚེ་ཆད་པ་ཆོས་ཉིད་བདེན་པས་མཐུད༔ འཚོ་ཁམས་ཉམས་པ་བདུད་རྩིའི་བཅུད་ཀྱིས་གསོས༔ བླ་ཚེ་ཡར་བ་པདྨའི་ལྕགས་ཀྱུས་ཁུག༔ སྒྲུབ་པའི་རྫས་ལ་བརྟན་གཡོའི་དྭངས་མ་སྟིམས༔ རྣལ་འབྱོར་སྒོ་གསུམ་འཆི་མེད་དབང་མཆོག་སྐུར༔ ཚེ་དང་ཡེ་ཤེས་དངོས་གྲུབ་དེང་འདིར་སྩོལ༔ ཨོཾ་ཨཱཿཧཱུྃ་པདྨ་ཙཎྜ་ལཱི་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ ཚེ་བྷྲཱུྃ་ཧྲཱིཿཛཿཨཱ་ཡུརྫྙཱ་ན་གཡུ་ཚེ་བྷྲཱུྃ་ནྲྀ་ཛཿསརྦ་སིདྡྷི་ཕ་ལ་ཧཱུྃ༔ དབང་དངོས་ལ་རྣམ་གྲངས་ལྔ་ཡོད་པ་ལས་དང་པོ་བུམ་པའི་དབང་བསྐུར་བ་ལ། སློབ་དཔོན་གྱི་ཐུགས་ཀ་ནས་སྤྲོས་པའི་འོད་ཟེར་གྱིས་དབང་གི་ལྷ་རྒྱལ་བ་སྲས་དང་བཅས་པ་སྤྱན་དྲངས་པ་རྣམས་དང་སློབ་དཔོན་ལྷན་ཅིག་པས་རིན་པོ་ཆེའི་བུམ་པ་འཆི་མེད་བདུད་རྩིའི་རྒྱུན་གྱིས་གང་བ་སྤྱི་བོ་ནས་གཏོར་ཞིང་བླུགས་པའི་ཆོ་ག་སྩོལ་བར་མོས་ཤིག །རྣམ་བུམ་ཐོགས་ལ། ཧྲཱིཿ བཀྲ་ཤིས་བུམ་པ་སྤྲོས་བྲལ་ཆོས་སྐུ་ཟླུམ༔ ནང་བཅུད་གཟུགས་སྐུ་མཁའ་འགྲོའི་དཀྱིལ་འཁོར་ཤར༔ འོད་ཞུ་འཆི་མེད་བདུད་རྩིས་དབང་བསྐུར་བས༔ བུམ་པ་སྐུ་ཡི་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་པདྨ་ཙཎྜ་ལཱི་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ ཀཱ་ཡ་ཨ་བྷི་ཥིཉྩ་ཨོཾ༔ བུམ་པ་མགོར་བཞག་ཅིང་བུམ་ཆུ་སྦྱིན། དེས་སྐུ་བུམ་པའི་དབང་ཐོབ། ལུས་ཀྱི་སྡིག་སྒྲིབ་ནད་གདོན་ཐམས་ཅད་ཞི། སྣང་སྟོང་ལྷ་སྐུ་བསྒོམ་པ་ལ་དབང༌། སྐུ་རྡོ་རྗེ་སྤྲུལ་པའི་སྐུ་ཐོབ་པའི་སྐལ་བ་ཅན་དུ་བྱས་པ་ཡིན་ནོ། །གཉིས་པ་གསང་བའི་དབང་བསྐུར་བ་ལ། བླ་མ་ཚེ་བདག་ཙཎྜ་ལཱི་རང་འོད་ཀྱི་ཡབ་ཚེ་དཔག་མེད་དང་མཉམ་པར་སྦྱོར་བའི་དཀར་དམར་ལྷག་པའི་བྱང་ཆུབ་ཀྱི་སེམས་ཐོད་པའི་བདུད་རྩི་དང་རོ་གཅིག་ཏུ་སྦྱར་བ་ལྕེ་ལ་བཞག་པས་རྩ་ཁམས་ཐམས་ཅད་བདེ་བ་ཆེན་པོས་ཁྱབ་པར་མོས་ཤིག །ཐོད་པའི་བདུད་རྩི་སྦྱིན་ལ། ཧྲཱིཿ བླ་མ་འཆི་མེད་ཡེ་ཤེས་ཙཎྜ་ལཱི༔ པདྨ་ཚེ་དཔག་མེད་དང་མཉམ་སྦྱོར་བའི༔ སྙིང་པོ་བྱང་ཆུབ་སེམས་ཀྱི་དབང་བསྐུར་བས༔ གསང་བ་གསུང་གི་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་པདྨ་ཙཎྜ་ལཱི་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ ཝཱ་ཀ་ཨ་བྷི་ཥིཉྩ་ཨཱཿ དེས་གསུང་གསང་བའི་དབང་ཐོབ། ངག་གི་སྡིག་སྒྲིབ་ནད་གདོན་ཞི། གྲགས་སྟོང་རྡོ་རྗེའི་བཟླས་པ་ལ་དབང༌། གསུང་རྡོ་རྗེ་ལོངས་སྐུ་ཐོབ་པའི་སྐལ་བ་ཅན་དུ་བྱས་པ་ཡིན་ནོ། །གསུམ་པ་ཤེར་ཡེའི་དབང་བསྐུར་བ་ལ། འཁོར་འདས་བརྟན་གཡོའི་དྭངས་བཅུད་ཐིག་ལེའི་གཟུགས་སུ་འཁྱིལ་བ་འཆྀ་མེད་ཚེའི་རིལ་བུ་མགྲིན་པར་མྱངས་བས་མཆོག་ཏུ་མི་འགྱུར་བ་ལྷན་ཅིག་སྐྱེས་དགའི་ཡེ་ཤེས་མངོན་དུ་བྱས་པར་མོས་ཤིག །ཚེ་རིལ་སྦྱིན་ལ། ཧྲཱིཿ སྲིད་ཞིའི་དྭངས་མ་མི་འགྱུར་ཐིག་ལེའི་གཟུགས༔ བཅུད་ལེན་ཚེ་ཡི་རིལ་བུ་འདི་བྱིན་པས༔ རྩ་རླུང་ཐིག་ལེ་དགའ་བཞིའི་ནུས་སྟོབས་འབར༔ བདེ་ཆེན་ཐུགས་ཀྱི་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་པདྨ་ཙཎྜ་ལཱི་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ ཙིཏྟ་ཨ་བྷི་ཥིཉྩ་ཧཱུྃ༔ དེས་ཐུགས་བདེ་ཆེན་གྱི་དབང་ཐོབ། ཡིད་ཀྱི་སྡིག་སྒྲིབ་ནད་གདོན་ཞི། བདེ་སྟོང་རྩོལ་བཅས་ཀྱི་ལམ་བསྒོམ་པ་ལ་དབང༌། ཐུགས་རྡོ་རྗེ་ཆོས་སྐུ་ཐོབ་པའི་སྐལ་བ་ཅན་ཏུ་བྱས་པར་མོས་ཤིག །བཞི་པ་རིག་པ་རྩལ་གྱི་དབང་བསྐུར་བ་ལ། ཤེལ་དང་འཇའ་ཚོན་གྱི་བརྡས་མཚོན་ཏེ་ནང་དབྱིངས་ཀ་དག་གཏིང་གསལ་ཤེལ་གོང་ལྟ་བུ་ལས་ཕྱིར་གསལ་ལྷུན་གྲུབ་ཀྱི་སྣང་བ་འཇའ་ཚོན་ལྟ་བུར་ཤར་ཡང་རྐྱེན་གྱིས་སྣང་བ་ཙམ་ལས་གདོད་ནས་གཞི་ལས་མ་གཡོས་པ་རང་གྲོལ་ཅོག་བཞག་ཆེན་པོའི་དགོངས་པར་ལ་བཟླ་བར་གྱིས་ཤིག །འཇའ་ཤེལ་གྱི་བརྡ་བསྟན་ལ། ཧྲཱིཿ སེམས་ཉིད་ངོ་བོ་ཀ་དག་ཤེལ་ལྟ་བུ༔ ལྷུན་གྲུབ་རོལ་པ་འཇའ་ཟེར་བཞིན་དུ་ཤར༔ དབྱེར་མེད་གཉུག་མ་དོན་གྱི་དབང་བསྐུར་བས༔ རིག་རྩལ་ཡེ་ཤེས་དབང་མཆོག་ཐོབ་པར་ཤོག༔ ཨོཾ་ཨཱཿཧཱུྃ་པདྨ་ཙཎྜ་ལཱི་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ ཛྙཱ་ན་ཨ་བྷི་ཥིཉྩ་ཨ་ཨཱཿ དེས་རིག་རྩལ་ཡེ་ཤེས་ཀྱི་དབང་ཐོབ། སྒོ་གསུམ་ཆ་སྙོམས་ཀྱི་སྡིག་སྒྲིབ་ནད་གདོན་ཞི། རིག་སྟོང་རྩོལ་མེད་ཀྱི་ལམ་བསྒོམ་པ་ལ་དབང༌། ཡེ་ཤེས་རྡོ་རྗེ་ངོ་བོ་ཉིད་སྐུ་ཐོབ་པའི་སྐལ་བ་ཅན་དུ་བྱས་པར་མོས་ཤིག །ལྔ་པ་མཐའ་རྟེན་གཏོར་མའི་དབང་བསྐུར་བ་ལ། གཏོར་སྣོད་ཟླ་གམ་དབང་གི་གཞལ་ཡས་ཁང་དུ་གཏོར་མ་ཚེ་བདག་ཙཎྜ་ལཱི་གཙོ་འཁོར་རིག་འཛིན་བརྒྱུད་པའི་བླ་མ་རྩ་གསུམ་ཚེའི་ལྷ་ཚོགས་རྣམས་མངོན་སུམ་བཞིན་ཏུ་བཞུགས་པ་ཁྱེད་རང་གི་སྤྱི་བོར་སྤྱན་དྲངས་ཤིང་ཐུགས་དམ་བསྐུལ་བས། སྐུ་གསུང་ཐུགས་ཡེ་ཤེས་རྡོ་རྗེའི་བྱིན་ཆེན་ཕབ། འཆི་མེད་ཚེ་དང་ཡེ་ཤེས་ཀྱི་དངོས་གྲུབ་སྩོལ། སྐྱེ་འཆི་གཞོམ་གཞིག་དང་བྲལ་བ་དབྱིངས་ཕྱུག་ཚེ་བདག་གཙོ་འཁོར་དང་གཉིས་མེད་དུ་གྱུར་པར་མོས་ཤིག །ཚེ་གཏོར་མགོར་བཞག་ལ། ཧྲཱིཿ ཆོས་སྐུའི་བདག་ཉིད་བཅོམ་ལྡན་སྣང་མཐའ་ཡས༔ ལྔ་ལྡན་ལོངས་སྐུ་མགོན་པོ་ཚེ་དཔག་མེད༔ སྤྲུལ་སྐུ་འཆི་མེད་ལྷ་མོ་ཙཎྜ་ལཱི༔ སྐུ་གསུམ་དབྱེར་མེད་པདྨ་སཾ་བྷ་བ༔ དབྱིངས་ཕྱུག་ཚེ་ཡི་བདག་ཉིད་མནྡྷཱ་ར༔ རྗེ་འབངས་གྲོགས་གསུམ་གནུབས་ཆེན་ནམ་སྙིང་སོགས༔ འཆི་མེད་གྲུབ་པའི་རིག་འཛིན་མཁའ་འགྲོའི་ཚོགས༔ ཐུགས་དམ་བསྐུལ་ལོ་ཐུགས་རྗེའི་གཟི་བྱིན་སྐྱེད༔ སྐལ་ལྡན་སློབ་མ་རིགས་ཀྱི་བུ་རྣམས་ཀྱི༔ བླ་ཚེ་ཆད་ཉམས་ཡར་བ་དེང་འདིར་ཁུག༔ བར་ཆད་ཚེ་འཕྲང་འོད་གསལ་དབྱིངས་སུ་སོལ༔ འཁོར་འདས་དྭངས་བཅུད་སྙིང་དབུས་ཐིག་ལེར་སྟིམས༔ གཞོན་ནུ་བུམ་སྐུ་སྐྱེ་འཆི་བྲལ་བའི་ཀློང་༔ ཚེ་དང་ཡེ་ཤེས་མཆོག་ཐུན་དངོས་གྲུབ་སྩོལ༔ ཨོཾ་ཨཱཿཧཱུྃ་པདྨ་ཙཎྜ་ལཱི་ཨཱ་ཡུརྫྙཱ་ན་སརྦ་སིདྡྷི་ཧཱུྃ༔ སརྦ་སིདྡྷི་ཨ་བྷི་ཥིཉྩ་ཧྲཱི༔ གཏོར་མའི་ལྷ་འོད་དུ་ཞུ་ནས་ཁྱེད་རང་རྣམས་ལ་ཐིམ་པར་མོས། དེ་ལྟར་འཆི་མེད་ཚེའི་དབང་བསྐུར་བས་ལུས་ཀྱི་ནང་ཐམས་ཅད་ཚེའི་བཅུད་ཀྱིས་གང་བའི་དྭངས་མ་ཐམས་ཅད་འུབ་ཀྱིས་འདུས་ནས་སྙིང་དབུས་མི་ཤིགས་པའི་ཐིག་ལེ་ཧྲཱིཿཡིག་ལ་ཐིམ། དེའང་གདོད་ནས་སྐྱེ་འཆི་གཞོམ་གཞིག་དང་བྲལ་བ་གཉུག་མ་འོད་གསལ་ཆེན་པོའི་ཀློང་དུ་རྒྱས་བཏབ་པར་མོས་ཤིག རྡོ་རྗེ་སྙིང་གར་བཞག་ལ། ཨཿ འཁོར་འདས་ཚེ་ཡི་དྭངས་མ་ཀུན༔ མི་ཤིགས་ཐིག་ལེ་ཧྲཱིཿལ་ཐིམ༔ དེ་ཡང་བརྗོད་བྲལ་ཀ་དག་ཀློང་༔ སྐྱེ་འཆི་མེད་པར་རྒྱས་གདབ་བོ༔ ཧྲཱིཿབྷྲཱུྃ་ཨཱ་ཡུར་ཛྙཱ་ན་ཨ་ཨཱཿ རྒྱལ་བས་བྱིན་གྱིས་བརླབས་པའི་བཀྲ་ཤིས་པའི་རྫས་རྣམས་མདུན་ཏུ་བདར་ཏེ་མངའ་གསོལ་བར་མོས་ཤིག །ཅེས་ཚིགས་བཅད་རྒྱས་བསྡུས་གང་རུང་གིས་རྫས་བརྒྱད་སྦྱིན། ཤིས་པ་བརྗོད་ལ། མེ་ཏོག་འཐོར། དེ་དག་གིས་པདྨ་ཚེའི་སྙིང་ཐིག་ལས་འཆི་མེད་མཁའ་འགྲོ་ཙཎྜ་ལཱིའི་སྨིན་བྱེད་གྲུབ་སྟེ། གཞུང་ལས། དེ་ལྟར་ཟབ་མོའི་དབང་བསྐུར་མཆོག༔ འདིས་ནི་ལམ་གྱི་སྣོད་དུ་འགྱུར༔ དུས་མིན་འཆི་བའི་འཇིགས་པ་ཞི༔ ཚེ་དང་བསོད་ནམས་ཡེ་ཤེས་རྒྱས༔ མཐར་ཐུག་འཆི་མེད་སྐུ་འགྲུབ་ཕྱིར༔ སྐལ་ལྡན་རྣམས་ཀྱིས་གཅེས་པར་ཟུངས༔ ཞེས་གདམས་པར་མཛད་པ་ལ་ངེས་ཤེས་དྲག་པོས་འདི་ཉིད་གཡར་དམ་དུ་འཆང་བས་མཚོན་སྤྱི་དང་བྱེ་བྲག་གི་དམ་ཚིག་རྣམས་ཚུལ་བཞིན་དུ་བསྲུང་བའི་བློས་འདིའི་རྗེས་ཟློས། གཙོ་བོས་ཇི་ལྟར་སོགས། རྗེས་དམ་ཚིག་ཁས་བླང༌། གཏང་རག་མཎྜལ། ལུས་འབུལ། དགེ་བསྔོ་སྤྱི་ལྟར་བྱ། སློབ་དཔོན་གྱིས་སྲུང་མའི་གཏོར་འབུལ། ཚོགས་མཆོད་ནས་ཤིས་བརྗོད་པར་རྗེས་ཀྱི་རིམ་པ་ལས་གཞུང་ལྟར་བྱས་པས་གྲུབ་བོ། །བདེ་ཀློང་འཁྱིལ་བ་ཡུམ་གྱི་མཁར། །ཟག་མེད་ཡེ་ཤེས་རྡོ་རྗེར་སྨིན། །རྟག་པ་དམ་པར་བྱང་ཆུབ་པའི། །གོ་འཕང་ཀུན་ལ་སྩོལ་ནུས་ཤོག །ཅེས་པའང་གཏེར་ཆེན་བླ་མ་ཆོས་ཀྱི་རྒྱལ་པོའི་ཞལ་སྔ་ནས་སྨིན་གྲོལ་བདུད་རྩིའི་བཅུད་མཆོག་ཐོག་མར་སྩལ་ཞིང་བཀའི་གནང་བ་ཐོབ་པ་ལ་བརྟེན། འདུ་གསུམ་པ་པདྨ་གར་དབང་བློ་གྲོས་མཐའ་ཡས་ཀྱིས་ཙཱ་འདྲ་རིན་ཆེན་བྲག་གི་སྒྲུབ་གནས་སུ་སྤེལ་བ་དགེ་ལེགས་འཕེལ། སླར་ཕུན་ཚོགས་རྣམ་རྒྱལ་པས་སོགས་ཁོངས་ཕྱུང་བའོ།།

[edit]

___@#/__/pad+ma tshe'-i snying tig las/__tshe yum tsaN+Da lI'i dbang gi cho ga bdud rtsi'i zil thigs zhes bya ba bzhugs so//na mo gu ru be/__'chi med bde chen bdud rtsi'i bcud/__/mos pa'i snod du 'bebs pa dang*/__/lhan cig ye shes sad mdzad pa/__/bla ma dbyings kyi yum la 'dud/__/pad+ma tsaN+Da lI'i smin byed sgrub pa la sbyor ba ni/__dkyil 'khor zla gam dmar po sgo gcig gi dbus su chos 'byung bsnol ba'i lte bar lha mtshan lcags kyu tshe bum/__zur drug dang sgo gcig la thig le dmar por re bkod pa'am maN+Dal la me tog dmar po'i tshom bu brgyad de mtshungs bkod pas kyang rung ste gang ltar de'i steng khri'ur rnam bum nyer lnga'i bcud dang leb rgan mgul chings kha rgyan ldan pa/__g.yas g.yon du tshe ril tshe chang*/__mdun du tshe gtor/__rgyab tu 'ja' shel rnams dgod/__phyi mchod/__sman rag gtor ma rnams spyi ltar bsham/__tshogs dang gtor ma nyer mkho'i rigs spyi ltar 'du bya'o/__/dngos gzhi'i thog mar skyabs sems nas brtsam phrin las mthar chags su gtang zhing bdag mdun dbyer med du bsgom/__bzlas pa'i thog mar 'dzab khang dbye/__bdag mdun gnyis kar dang khyad par sgrub rdzas rnams la tshe bcud bsdu bstim gyi dmigs pa bcas bsnyen pa ci 'grub bzlas la mchod bstod dang tshe 'gugs btang*/__las bum rta sngags kyis byin brlab/__rig pa'i me tog dor la gnang ba zhu/__de nas slob ma la khrus bya/__bgegs gtor spyi ltar bsngo/__/bka' bsgo zhing mtshams bcad la srung 'khor bsgom/__sems bskyed gsal gdab/__skabs dang 'brel ba'i chos bshad ci rigs bya/__khyad par/__de'ang dal 'byor chos ldan ring du 'tsho ba'i thabs la brtson pa ni 'jig rten na don du gnyer bya'i gtso bo yin la/__de'i thabs tshul thun mong dang thun mong ma yin pa'i rnam grangs mtha' yas pa rnams kyi nang nas mchog tu gyur pa gsang sngags bla med kyi bskyed rdzogs la brten nas rdo rje'i tshe sgrub pa rnams yin cing*/__de dag gi nang nas zab pa'i phul du phyin pa rgyal ba thams cad skyed pa'i yum kun tu bzang mo nyid 'chi med ye shes kyi mkha' 'gro'i skur bstan pa dbang gi lha mo tsaN+Da lI'i bskyed rdzogs smin byed dang bcas pa'i gdams ngag shin tu zab la 'dril ba 'di ni/__/'jam mgon khri lde'i ye shes kyi rol gar gangs can mkhas grub yongs kyi gtsug gi rgyan gcig pad+ma 'od gsal mdo sngags gling pa dgung lo bco lnga bzhes pa shing pho rta lo rgyal zla ba'i nang tshe sgrub zab mo'i ljags bsnyen gnang ba'i tshes bcu'i tho rangs bzlas thun mdzad skabs/__nam mkha' nas DA ma ru'i sgra dang dri bzang gi ngad pa 'thul ba'i rkyen gyis sgrub rdzas kyi steng du 'od dmar po shin tu gsal ba zhig zhugs song ba'i klong na 'chi med man+dA ra ba nyid tshe yum tsaN+Da lI'i rnam pas yab bka' tshe dpag med hrIHgcig ma'i skor dang*/__tshe yum tsaN+Da lI'i gdams ngag rjes su bstan pa dbang bskur bcas stsal ba'i mthar shis brjod skabs me tog dmar po'i char sil mar bsnyil ba'i thugs nyams byung*/__phyir nang sgrub gzhi'i steng dbyar mo thang lta bu'i me tog dmar po kha shas dngos su yod pa'i dag snang khyad par can byung ba'i de 'phral nyid du las byang rtsa ba tsam gtan la phab ste nyams bzhes mdzad nas gsang ba'i rgyas btab/__phyis dgung lo nga dgu rab tshes sa stag lo'i dbyar thog smin grol gdams pa'i bdud rtsi thog mar bka' drin du stsal ba'i smin byed zab mo bsgrub par bgyi ba la sogs kyis mtshams sbyar nas maN+Dal 'bul du bzhug__/bla ma dang ye shes mkha' 'gro dbyer mi phyed pa la mos gus gdung shugs drag pos thal mo me tog dang bcas te gsol ba 'debs pa 'di'i rjes zlos/__dga' chen ston pa mchog gcig pu:__bla ma 'chi med tsaN+Da lIs:__bdag la brtse bas nyer dgongs nas:__ye shes tshe yi dbang bskur stsol:__lan gsum/__ces gsol ba btab pas snod du rung ba la dbang don gyi ye shes brtan cing mthar phyin pa'i slad du 'da' dka' rdo rje'i dam tshig la gnas par gdams pa dang bdud rtsi'i chu nan sbyin pa yin pas nges 'tshal/__dam chu sbyin cing snying gar rdo rje bzhag la/__'chi med dngos grub don gnyer na:__dad dang snying rjes gzhi bzung ste:__dbang don dam tshig srog bzhin srungs:__zab mo'i lam la brtson par gyis:__pany+tsa a mr-i ta u da ka Tha Tha:__rdo rje'i yal gam gnyan po las nam yang 'da' bar mi bgyid snyam pas tha tshig gi bro bor ba 'di'i rjes zlos/__sa ma ya i dan+te na ra kan:__de nas rgyud rnam par dag par bya ba'i slad du/__bla ma dang 'chi med ye shes kyi mkha' 'gro gnyis su med pa la rtsa gsum tshe'i lha tshogs nam mkha' gang ba'i 'khor dang bcas te bzhugs pa'i spyan sngar/__bdag gzhan mkha' khyab kyi yid can mtha' dag 'di nas bzung ste byang chub ma thob kyi bar du skyabs su 'gro ba dang*/__smon pa dang 'jug pa'i bsam sbyor brtan pos byang chub kyi sems rin po che rnam pa gnyis bskyed pa dang*/__gsang sngags bla med rdo rje theg pa'i sdom pa brtul zhugs dam tshig rnams tshul bzhin blangs nas legs par bsrung bar bgyi'o snyam pa'i yid kyis 'di'i rjes zlos/__ye shes mkha' 'gro skyabs kyi mchog tu bzung :__'gro ba'i don du smon 'jug sems bskyed cing :__sku gsung thugs dang mnyam sbyor gsang sngags kyi:__dam tshig sdom pa rtag tu bskyang bar bgyi:__lan gsum/__de nas dbang gi gzhi dgod pa la ye shes pa dbab pa'i don du sgo gsum gyi gnad gcun la dmigs pa 'di dag rtse gcig tu sgoms shig__/chos thams cad rang bzhin mi dmigs pa 'od gsal stong pa nyid kyi ngang las/__rang nyid gnas pa'i go sar chu skyes dmar po dang nyi ma zla ba'i dkyil 'khor steng du rig pa'i ngo bo hrIHyig dmar po 'od 'bar ba/__de yongs su gyur pa las khyed rang skad cig gis 'chi med ye shes kyi mkha' 'gro pad+ma tsaN+Da lI dmar gsal pad+ma rA ga'i mdangs 'od 'tsher ba/__spyan gsum khro zhing 'dzum la rjes su chags pa'i nyams can dbu skra sil bur grol ba/__nu ma 'bur zhing gsang ba'i chu skyes rgyas pa/__dar sna lnga'i cod pan 'phur cing stod g.yogs dang smad sham klubs pa/__rus pa dang rin po che dang me tog gi phreng bas brgyan pa/__phyag g.yas pas lcags kyu phyar zhing g.yon pas bdud rtsis gang ba'i 'chi med tshe yi bum bzang bsnams pa/__zhabs g.yas bskum g.yon brkyang ba'i gar stabs kyis 'od zer sna tshogs 'bar ba'i klong na 'gying ba'i spyi bor rigs bdag snang ba mtha' yas sprul sku'i cha lugs can/__thugs kar ye shes sems dpa' tshe dpag med longs spyod rdzogs pa/__mig tu gzugs rdo rje ma/__rna bar sgra rdo rje ma/__snar dri rdo rje ma/__lce la ro rdo rje ma/__gsang bar reg bya rdo rje ma/__snying gar chos rdo rje ma rnams dmar mo/__/phyag g.yas pa rnams kyis lcags kyu dang g.yon pa rnams kyis 'dod yon drug gi mchod sprin spro zhing cha lugs gtso mo dang mtshungs pa/__yan lag bzhi la pad+ma dbyings phyug ma dmar mo khro mo'i chas can gri gug dang thod khrag 'dzin pa/__gzhan yang sku'i gnas thams cad du rtsa gsum tshe lha rab 'byams til gyi gang bu kha phye ba ltar bzhugs pa'i gnas gsum du oM AHhU~M gis mtshan pa dang slob dpon gyi thugs ka nas lcags kyu lta bu'i 'od zer chos dbyings khyab par 'phros pas rang 'dra'i ye shes sems dpa' nam mkha' gang ba tsam du byon/__sgo gsum la sib sib thim pas rgyud byin gyis brlabs par gyur pa'i mos pa mdzod/__'bebs pa'i rdzas dang rol mo dbyangs kyis bskul la/__hrIH__ka dag dbyings las 'chi med mkha' 'gro'i tshogs:__lhun grub rig rtsal rol pas gnas 'dir gshegs:__dam tshigs ye shes gnyis su med par bzhugs:__mi 'bral byin rlobs tshe dbang dngos grub stsol:__oM AHhU~M pad+ma tsaN+Da lI A yur+dz+nyA na sarba sid+d+hi hU~M:__badz+ra A be sha ya a A/__ces brjod la dbab/__de ltar dbab pa'i ye shes pa'i byin rlabs kyi rgyun brtan par gyur pa'i mos pa mdzod/__tiSh+Tha badz+ra/__rgya gram mgor bzhag__/de nas tshe 'gugs pa'i slad du dmigs pa 'di ltar du mdzod/__mos gus kyi stobs dang gdung shugs kyis thugs dam bskul bas gtso mo'i thugs ka nas 'od zer 'phros/__'khor gyi rdo rje'i lha mo rnams la phog__/de dag las sprul pa yang sprul nyi zer gyi rdul lta bu 'phros/__khyed rang gi bla tshe srog dbugs gdon bgegs kyis brkus 'phrog chad nyams yar ba thams cad dang/__snod kyi 'jig rten 'byung ba bzhi'i bcud dang dwangs ma/__bcud kyi sems can lha klu mi'i tshe bsod dpal 'byor/__rtsa gsum rgyal ba sras dang bcas pa rnams kyi mkhyen brtse nus pa'i byin rlabs thams cad bdud rtsi'i rgyun dang 'ja' 'od zer thig gi rnam par bsdus te ba spu'i bu ga nas zhugs/__lus kyi nang thams cad gang bar gyur pa'i mos pa mdzod/__mda' dar g.yab la/__hrIH__rang snang rnam dag dbyings kyi dkyil 'khor nas:__ye shes mkha' 'gro pad+ma tsaN+Da lI:__gang 'dul las mdzad rdo rje'i lha mo drug:__gtso 'khor sprul par bcas pa dbyings nas bzhengs:__bdag cag bla tshe chad nyams yar ba khug:__sa chu me rlung nam mkha'i dwangs bcud khug:__'khor 'das tshe dang bsod nams ye shes khug:__srog tshe chad pa chos nyid bden pas mthud:__'tsho khams nyams pa bdud rtsi'i bcud kyis gsos:__bla tshe yar ba pad+ma'i lcags kyus khug:__sgrub pa'i rdzas la brtan g.yo'i dwangs ma stims:__rnal 'byor sgo gsum 'chi med dbang mchog skur:__tshe dang ye shes dngos grub deng 'dir stsol:__oM AHhU~M pad+ma tsaN+Da lI A yur+dz+nyA na sarba sid+d+hi hU~M:__tshe b+h+rU~M hrIHdzaHA yur+dz+nyA na g.yu tshe b+h+rU~M nr-i dzaHsarba sid+d+hi pha la hU~M:__dbang dngos la rnam grangs lnga yod pa las dang po bum pa'i dbang bskur ba la/__slob dpon gyi thugs ka nas spros pa'i 'od zer gyis dbang gi lha rgyal ba sras dang bcas pa spyan drangs pa rnams dang slob dpon lhan cig pas rin po che'i bum pa 'chi med bdud rtsi'i rgyun gyis gang ba spyi bo nas gtor zhing blugs pa'i cho ga stsol bar mos shig__/rnam bum thogs la/__hrIH__bkra shis bum pa spros bral chos sku zlum:__nang bcud gzugs sku mkha' 'gro'i dkyil 'khor shar:__'od zhu 'chi med bdud rtsis dbang bskur bas:__bum pa sku yi dbang mchog thob par shog:__oM AHhU~M pad+ma tsaN+Da lI A yur+dz+nyA na sarba sid+d+hi hU~M:__kA ya a b+hi Shiny+tsa oM:__bum pa mgor bzhag cing bum chu sbyin/__des sku bum pa'i dbang thob/__lus kyi sdig sgrib nad gdon thams cad zhi/__snang stong lha sku bsgom pa la dbang*/__sku rdo rje sprul pa'i sku thob pa'i skal ba can du byas pa yin no/__/gnyis pa gsang ba'i dbang bskur ba la/__bla ma tshe bdag tsaN+Da lI rang 'od kyi yab tshe dpag med dang mnyam par sbyor ba'i dkar dmar lhag pa'i byang chub kyi sems thod pa'i bdud rtsi dang ro gcig tu sbyar ba lce la bzhag pas rtsa khams thams cad bde ba chen pos khyab par mos shig__/thod pa'i bdud rtsi sbyin la/__hrIH__bla ma 'chi med ye shes tsaN+Da lI:__pad+ma tshe dpag med dang mnyam sbyor ba'i:__snying po byang chub sems kyi dbang bskur bas:__gsang ba gsung gi dbang mchog thob par shog:__oM AHhU~M pad+ma tsaN+Da lI A yur+dz+nyA na sarba sid+d+hi hU~M:__wA ka a b+hi Shiny+tsa AH__des gsung gsang ba'i dbang thob/__ngag gi sdig sgrib nad gdon zhi/__grags stong rdo rje'i bzlas pa la dbang*/__gsung rdo rje longs sku thob pa'i skal ba can du byas pa yin no/__/gsum pa sher ye'i dbang bskur ba la/__'khor 'das brtan g.yo'i dwangs bcud thig le'i gzugs su 'khyil ba 'ch-i med tshe'i ril bu mgrin par myangs bas mchog tu mi 'gyur ba lhan cig skyes dga'i ye shes mngon du byas par mos shig__/tshe ril sbyin la/__hrIH__srid zhi'i dwangs ma mi 'gyur thig le'i gzugs:__bcud len tshe yi ril bu 'di byin pas:__rtsa rlung thig le dga' bzhi'i nus stobs 'bar:__bde chen thugs kyi dbang mchog thob par shog:__oM AHhU~M pad+ma tsaN+Da lI A yur+dz+nyA na sarba sid+d+hi hU~M:__tsit+ta a b+hi Shiny+tsa hU~M:__des thugs bde chen gyi dbang thob/__yid kyi sdig sgrib nad gdon zhi/__bde stong rtsol bcas kyi lam bsgom pa la dbang*/___thugs rdo rje chos sku thob pa'i skal ba can tu byas par mos shig__/bzhi pa rig pa rtsal gyi dbang bskur ba la/__shel dang 'ja' tshon gyi brdas mtshon te nang dbyings ka dag gting gsal shel gong lta bu las phyir gsal lhun grub kyi snang ba 'ja' tshon lta bur shar yang rkyen gyis snang ba tsam las gdod nas gzhi las ma g.yos pa rang grol cog bzhag chen po'i dgongs par la bzla bar gyis shig__/'ja' shel gyi brda bstan la/__hrIH__sems nyid ngo bo ka dag shel lta bu:__lhun grub rol pa 'ja' zer bzhin du shar:__dbyer med gnyug ma don gyi dbang bskur bas:__rig rtsal ye shes dbang mchog thob par shog:__oM AHhU~M pad+ma tsaN+Da lI A yur+dz+nyA na sarba sid+d+hi hU~M:__dz+nyA na a b+hi Shiny+tsa a AH__des rig rtsal ye shes kyi dbang thob/__sgo gsum cha snyoms kyi sdig sgrib nad gdon zhi/__rig stong rtsol med kyi lam bsgom pa la dbang*/__ye shes rdo rje ngo bo nyid sku thob pa'i skal ba can du byas par mos shig__/lnga pa mtha' rten gtor ma'i dbang bskur ba la/__gtor snod zla gam dbang gi gzhal yas khang du gtor ma tshe bdag tsaN+Da lI gtso 'khor rig 'dzin brgyud pa'i bla ma rtsa gsum tshe'i lha tshogs rnams mngon sum bzhin tu bzhugs pa khyed rang gi spyi bor spyan drangs shing thugs dam bskul bas/__sku gsung thugs ye shes rdo rje'i byin chen phab/__'chi med tshe dang ye shes kyi dngos grub stsol/__skye 'chi gzhom gzhig dang bral ba dbyings phyug tshe bdag gtso 'khor dang gnyis med du gyur par mos shig__/tshe gtor mgor bzhag la/__hrIH__chos sku'i bdag nyid bcom ldan snang mtha' yas:__lnga ldan longs sku mgon po tshe dpag med:__sprul sku 'chi med lha mo tsaN+Da lI:__sku gsum dbyer med pad+ma saM b+ha ba:__dbyings phyug tshe yi bdag nyid man+d+hA ra:__rje 'bangs grogs gsum gnubs chen nam snying sogs:__'chi med grub pa'i rig 'dzin mkha' 'gro'i tshogs:__thugs dam bskul lo thugs rje'i gzi byin skyed:__skal ldan slob ma rigs kyi bu rnams kyi:__bla tshe chad nyams yar ba deng 'dir khug:__bar chad tshe 'phrang 'od gsal dbyings su sol:__'khor 'das dwangs bcud snying dbus thig ler stims:__gzhon nu bum sku skye 'chi bral ba'i klong :__tshe dang ye shes mchog thun dngos grub stsol:__oM AHhU~M pad+ma tsaN+Da lI A yur+dz+nyA na sarba sid+d+hi hU~M:__sarba sid+d+hi a b+hi Shiny+tsa hrI:__gtor ma'i lha 'od du zhu nas khyed rang rnams la thim par mos/__de ltar 'chi med tshe'i dbang bskur bas lus kyi nang thams cad tshe'i bcud kyis gang ba'i dwangs ma thams cad 'ub kyis 'dus nas snying dbus mi shigs pa'i thig le hrIHyig la thim/__de'ang gdod nas skye 'chi gzhom gzhig dang bral ba gnyug ma 'od gsal chen po'i klong du rgyas btab par mos shig__rdo rje snying gar bzhag la/__aH__'khor 'das tshe yi dwangs ma kun:__mi shigs thig le hrIHla thim:__de yang brjod bral ka dag klong :__skye 'chi med par rgyas gdab bo:__hrIHb+h+rU~M A yur dz+nyA na a AH____rgyal bas byin gyis brlabs pa'i bkra shis pa'i rdzas rnams mdun tu bdar te mnga' gsol bar mos shig__/ces tshigs bcad rgyas bsdus gang rung gis rdzas brgyad sbyin/__shis pa brjod la/__me tog 'thor/__de dag gis pad+ma tshe'i snying thig las 'chi med mkha' 'gro tsaN+Da lI'i smin byed grub ste/__gzhung las/__de ltar zab mo'i dbang bskur mchog:__'dis ni lam gyi snod du 'gyur:__dus min 'chi ba'i 'jigs pa zhi:__tshe dang bsod nams ye shes rgyas:__mthar thug 'chi med sku 'grub phyir:__skal ldan rnams kyis gces par zungs:__zhes gdams par mdzad pa la nges shes drag pos 'di nyid g.yar dam du 'chang bas mtshon spyi dang bye brag gi dam tshig rnams tshul bzhin du bsrung ba'i blos 'di'i rjes zlos/__gtso bos ji ltar sogs/__rjes dam tshig khas blang*/__gtang rag maN+Dal/__lus 'bul/__dge bsngo spyi ltar bya/__slob dpon gyis srung ma'i gtor 'bul/__tshogs mchod nas shis brjod par rjes kyi rim pa las gzhung ltar byas pas grub bo/__/bde klong 'khyil ba yum gyi mkhar/__/zag med ye shes rdo rjer smin/__/rtag pa dam par byang chub pa'i/__/go 'phang kun la stsol nus shog__/ces pa'ang gter chen bla ma chos kyi rgyal po'i zhal snga nas smin grol bdud rtsi'i bcud mchog thog mar stsal zhing bka'i gnang ba thob pa la brten/__'du gsum pa pad+ma gar dbang blo gros mtha' yas kyis tsA 'dra rin chen brag gi sgrub gnas su spel ba dge legs 'phel/__slar phun tshogs rnam rgyal pas sogs khongs phyung ba'o//____________________________________