DKYD-KABUM-03-GA-002

🚧 This website is under continued development. We appreciate your patience!

Previous Text Back to Volume Page Next Text

Wylie title
Location	mdo mkhyen brtse bka' 'bum Volume 3, Text 2, Pages (Folios to )
Author	མདོ་མཁྱེན་བརྩེ་
Less details More details
Citation
Genre

[edit]

༄༅ཿ གསོལ་འདེབས་ནི། ཨེ་མ་ཧོཿ རང་སྣང་རྣམ་དག་བདེ་ཆེན་འཁོར་ལོ་ན༔ ཀུན་བཟང་ཐོག་མའི་མགོན་པོ་དྲི་མ་མེད༔ དགའ་རབ་དཔའ་བོ་ཤྲི་སེང་པད་མ་འབྱུང༔ དབྱེར་མེད་དྲིན་ཅན་བླ་མར་གསོལ་བ་འདེབས༔ དག་པ་རབ་འབྱམས་རྡོ་རྗེ་ཕུང་པོའི་གྲོང༔ ཕུང་ལྔ་དག་པ་རྒྱལ་བ་རིགས་མཆོག་ལྔ༔ འབྱུང་ལྔ་རྣམ་དག་ཤེས་རབ་ཡུམ་ཆེན་ལྔ༔ སྐྱེ་མཆེད་དཀར་དམར་ཐིག་ལེ་བྱང་ཆུབ་སེམས༔ བྷུདྡྷ་བཛྲ་རཏྣ་པདྨ་དང༔ ཀརྨ་མའི་ལྷ་ཚོགས་རྣམས་ལ༴ དགའ་དང་མཆོག་དགའ་དགའ་བྲལ་ལྷན་ཅིག་སྐྱེས༔ ཞུ་བདེའི་འགྲོས་ཀྱི་དྲངས་པའི་རྩལ་རྫོགས་ཚེ༔ ཟག་པ་བག་ཆགས་བཅས་པ་ཡོངས་ཟད་ནས༔ རང་ལུས་དྭངས་མའི་དབྱིངས་སུ་གྲོལ་བར་ཤོག༔ གནས་སྐབས་རྩ་འབྱོང་རླུང་ཆུན་ཐིག་ལེ་འཕེལ༔ དྭངས་མའི་ཀླཽང་དུ་འཕོ་མེད་བཙན་ས་ཟིན༔ སྐུ་དང་ཐིག་ལེར་དབྱེར་མེད་རོ་གཅིག་འདྲེས༔ འོད་ལུས་ཡེ་ཤེས་སྙིང་པོར་གྲོལ་བར་ཤོག༔