JKW-KABUM-21-ZHA-013

🚧 This website is under continued development. We appreciate your patience!

Previous Section Back to Volume PageNext Section

Wylie title	bsun zlog khyer bde rig 'dzin dgyes pa'i dga' ston
Location	mkhyen brtse'i bka' 'bum Volume 21, sde tshan 13, Pages 451-453 (Folios 1a1 to 2a6)
Author	འཇམ་དབྱངས་མཁྱེན་བརྩེའི་དབང་པོ་
Less details More details
Citation	'jam dbyangs mkhyen brtse'i dbang po. bsun zlog khyer bde rig 'dzin dgyes pa'i dga' ston. In 'jam dbyangs mkhyen brtse'i dbang po'i bka' 'bum, Vol. 21: 451-453. Khams sde dge rdzong sar dgon: Rdzong sar blo gros phun tshogs, 2020.
Genre	Ritual and Liturgical Texts - cho ga phyag len  ·  Averting or Dispelling Rites- zlog pa
Colophon	།ཞེས་པའང་མཚོ་སྐྱེས་བླ་མ་དགྱེས་པའི་འབངས་ཀྱིས་ཚིག་གི་ཕྲེང་བ་ཉུང་ངུ་ལ། དོན་གྱི་གནད་གསང་གྲུབ་པ་མཆོག་གི་ཞལ་ལུང་ལ་སྦྱར་ཏེ་བྲིས་པ་དགེ་ལེགས་འཕེལ།། །།སརྦ་དཱ་སུ་ཤྲེ་ཡོ་བི་ཛ་ཡནྟུ།།
	zhes pa'ang mtsho skyes bla ma dgyes pa'i 'bangs kyis tshig gi phreng ba nyung ngu la/__don gyi gnad gsang grub pa mchog gi zhal lung la sbyar te bris pa dge legs 'phel//__//sarba dA su shre yo bi dza yan+tu

Tibetan Text

Wylie

[edit]

༄༅། །བསུན་ཟློག་ཁྱེར་བདེ་རིག་འཛིན་དགྱེས་པའི་དགའ་སྟོན་ཅེས་བྱ་བ་བཞུགས་སོ། ། ན་མོ་གུ་རུ་དེ་ཝ་ཌཱ་ཀི་ནཱི་ཡེ། བསུན་ཟློག་ཁྱེར་བདེ་མདོར་བསྡུས་པ་བྱ་བར་འདོད་ན། མཁའ་འགྲོའི་དཔལ་གཏོར་པད་འདབ་བཞི་པ་ཐེབ་ཀྱུ་ཅི་མང་གིས་བསྐོར་བ་ལ་ཤ་ཁྲག་འབྲུ་སྨན་ཟས་སྣའི་ཕུད་ཀྱིས་བརྒྱན་པ་དང་། གསེར་སྐྱེམས་བཅས་བཤམ། རྩ་གསུམ་གྱི་ལས་གཞུང་གང་རུང་བསྲང་ཞིང་ཚོགས་མཆོད་བཅས་བྱ་བའམ། རང་ཉིད་གཉུག་མའི་ལྷར་གསལ་བའི་ངང་། མཆོད་གཏོར་རྣམས་རྃ་ཡྃ་ཁྃ་གྱིས་བསང་སྦྱང་། ཨོཾ་ཨཱཿཧཱུྃ་ཧོཿས་བརླབ། ན་མསྶརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་སྭཱ་ཧཱ། ཞེས་ནམ་མཁའ་མཛོད་ཀྱི་སྔགས་རྒྱས་རྒྱས་པར་སྤེལ་ལ། མགྲོན་སྤྱན་དྲང་བ་ནི། ཧཱུྃ་ཧྲཱིཿ འོད་གསལ་འདུས་མ་བྱས་པའི་དབྱིངས་ཉིད་ལས། །ཁྱབ་བརྡལ་ཡེ་ཤེས་བཀོད་པ་རང་སྣང་བའི། །དཔའ་བོ་མཁའ་འགྲོའི་ཚོགས་ཁང་ཆེན་པོ་འདིར། །རྩ་གསུམ་རྒྱལ་བའི་དཀྱིལ་འཁོར་རབ་འབྱམས་དང་། །ཡེ་ཤེས་ལས་དང་འཇིག་རྟེན་སྐྱོང་བའི་ཚོགས། །གདུང་བས་འབོད་ལ་བརྩེ་བའི་གཡར་དམ་གྱིས། །རྫུ་འཕྲུལ་གློག་ལྟར་མྱུར་བའི་ཤུགས་སྐྱེད་ལ། །ཚུར་གཤེགས་མཆོད་སྤྲིན་རྒྱ་མཚོ་དགྱེས་པར་རོལ། །ཨོཾ་བཛྲ་གུ་རུ་དྷེ་བ་དྷཱ་ཀི་ནཱི་དྷརྨ་པཱ་ལ་ས་པ་རི་ཝཱ་ར་བཛྲ་ས་མཱ་ཛཿ ཛཿཧཱུྃ་བྃ་ཧོཿ མཆོད་གཏོར་ཡེ་ཤེས་བདུད་རྩིའི་རང་བཞིན། འདོད་ཡོན་རྒྱ་མཚོའི་སྤྲིན་ཕུང་འཕྲོ་བ་དགྱེས་བཞིན་ཏུ་རོལ་པར་བསམས་ལ། ཨོཾ་ཨཱཿཧཱུྃ་བཛྲ་གུ་རུ་དྷེ་བ་ཛྙཱ་ན་ཀརྨ་ལོ་ཀ་དྷཱ་ཀ་དྷཱ་ཀི་ནཱི་ཤྲཱི་བཛྲ་དྷརྨ་པཱ་ལ་ས་པ་རི་ཝཱ་ར་ན་མསྶརྦ་ཏ་ཐཱ་ག་ཏེ་བྷྱོ་བི་ཤྭ་མུ་ཁེ་བྷྱཿསརྦ་ཐཱ་ཁཾ་ཨུཏྒ་ཏེ་སྥ་ར་ཎ་ཨི་མཾ་ག་ག་ན་ཁཾ་གྲྀཧྞེ་དཾ་བ་ལྱཱ་དི་སྭཱ་ཧཱ། ལན་གསུམ། ཨོཾ་བཛྲ་ཨརྒྷཾ་པཱ་དྱཾ་པུཥྤེ་དྷཱུ་པེ་ཨཱ་ལོ་ཀེ་གནྡྷེ་ནཻ་ཝི་དྱཱ་ཤབྡ་པྲ་ཏཱི་ཙྪ་སྭཱ་ཧཱ་ས་མཆོད། ཧཱུྃ་ཧྲཱིཿ བླ་མ་མཆོག་གསུམ་ཡི་དམ་ཞི་ཁྲོའི་ཚོགས། །ཏིང་འཛིན་དགྱེས་རྒུའི་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །སྔོན་ལས་འཕྲལ་རྐྱེན་སུན་མ་ཟློག་ཏུ་གསོལ། །དབྱིངས་ཀྱི་ཡུམ་ཆེན་ལྷན་སྐྱེས་དྷཱ་ཀིའི་ཚོགས། །འོད་གསལ་རྒྱན་གྱི་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །ཡེ་ཤེས་མཁའ་འགྲོའི་སུན་མ་ཟློག་ཏུ་གསོལ། །གང་འདུལ་དེར་སྣང་ཞིང་སྐྱེས་ཕོ་ཉའི་ཚོགས། །བདེ་སྟོང་རོལ་པའི་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །ལས་ཀྱི་མཁའ་འགྲོའི་སུན་མ་ཟློག་ཏུ་གསོལ། །ལེགས་ཉེས་སྟངས་འཛིན་ཕྲ་མེན་གནས་ཉུལ་ཚོགས། །ལོངས་སྤྱོད་ཆར་འབེབས་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །འཇིག་རྟེན་མཁའ་འགྲོའི་སུན་མ་ཟློག་ཏུ་གསོལ། །རྡོ་རྗེའི་ཆོས་སྲུང་སྡེ་བརྒྱད་དྲེགས་པའི་ཚོགས། །དགྲ་བགེགས་ཤ་ཁྲག་འདོད་ཡོན་འདི་བཞེས་ལ། །བདག་ཅག་དཔོན་སློབ་ཡོན་མཆོད་འཁོར་བཅས་ཀྱི། །ས་གསུམ་འབྱུང་པོའི་སུན་མ་ཟློག་ཏུ་གསོལ། །དབྱིངས་ལས་རང་ཤར་ཡེ་ཤེས་འཇིག་རྟེན་མགྲོན། །མཐུན་རྫས་འདོད་ཡོན་རྒྱ་མཚོའི་ཚོགས་ལ་རོལ། །དགྱེས་པའི་དཔལ་སྐྱེད་ཐུགས་རྗེའི་ཤུགས་ཕྱུང་ལ། །ཚེ་བསོད་དཔལ་འབྱོར་རྒྱས་པའི་དངོས་གྲུབ་སྩོལ། །ཅེས་ཕྲིན་ལས་གསོལ། ཚར་གྲངས་བྱེད་ན། མཆོད་གཏོར་ཁ་གསོ་ཞིང་བརླབ། གཏོར་འབུལ་དང་། མཆོད་པ། ཕྲིན་ལས་གསོལ་བ་བཅས་ལ་གྲངས་གཟུང་། མཐར་ཕུད་དང་གཏོར་མ་གཤེགས་ལ། ཧཱུྃ་ཧྲཱིཿ རྩ་གསུམ་ཆོས་སྲུང་རྒྱ་མཚོ་འཁོར་བཅས་ཀྱིས། །བདག་ཅག་ཡོན་མཆོད་ཕྱི་ནང་གསང་བ་ཡི། །བར་ཆད་ཀུན་སོལ་མཐུན་རྐྱེན་ལེགས་ཚོགས་སྤེལ། །བསམ་དོན་ཡིད་བཞིན་འགྲུབ་པའི་ཕྲིན་ལས་མཛོད། །བཛྲ་མུཿ སརྦ་ཀརྨ་ལོ་ཀ་དྷཱ་ཀི་ནཱི་ས་པ་རི་ཝཱ་ར་གཙྪཿས་མགྲོན་རྣམས་རང་བཞིན་གྱི་གནས་སུ་གཤེགས་པར་བསམས་ལ་ཤིས་པ་བརྗོད་པས་བདེ་ལེགས་སུ་བྱའོ། །ཞེས་པའང་མཚོ་སྐྱེས་བླ་མ་དགྱེས་པའི་འབངས་ཀྱིས་ཚིག་གི་ཕྲེང་བ་ཉུང་ངུ་ལ། དོན་གྱི་གནད་གསང་གྲུབ་པ་མཆོག་གི་ཞལ་ལུང་ལ་སྦྱར་ཏེ་བྲིས་པ་དགེ་ལེགས་འཕེལ།། །།སརྦ་དཱ་སུ་ཤྲེ་ཡོ་བི་ཛ་ཡནྟུ།། །།

[edit]

bsun zlog khyer bde rig 'dzin dgyes pa'i dga' ston/ @#/__/bsun zlog khyer bde rig 'dzin dgyes pa'i dga' ston ces bya ba bzhugs so/__/ na mo gu ru de wa DA ki nI ye/__bsun zlog khyer bde mdor bsdus pa bya bar 'dod na/__mkha' 'gro'i dpal gtor pad 'dab bzhi pa theb kyu ci mang gis bskor ba la sha khrag 'bru sman zas sna'i phud kyis brgyan pa dang /__gser skyems bcas bsham/__rtsa gsum gyi las gzhung gang rung bsrang zhing tshogs mchod bcas bya ba'am/__rang nyid gnyug ma'i lhar gsal ba'i ngang /__mchod gtor rnams ra~M ya~M kha~M gyis bsang sbyang /__oM AHhU~M hoHsa brlab/__na mas+sarba ta thA ga te b+h+yo bi shwa mu khe b+h+yaHsarba thA khaM ut+ga te s+pha ra Na i maM ga ga na khaM swA hA/__zhes nam mkha' mdzod kyi sngags rgyas rgyas par spel la/__mgron spyan drang ba ni/__hU~M hrIH__'od gsal 'dus ma byas pa'i dbyings nyid las/__/khyab brdal ye shes bkod pa rang snang ba'i/__/dpa' bo mkha' 'gro'i tshogs khang chen po 'dir/__/rtsa gsum rgyal ba'i dkyil 'khor rab 'byams dang /__/ye shes las dang 'jig rten skyong ba'i tshogs/__/gdung bas 'bod la brtse ba'i g.yar dam gyis/__/rdzu 'phrul glog ltar myur ba'i shugs skyed la/__/tshur gshegs mchod sprin rgya mtsho dgyes par rol/__/oM badz+ra gu ru d+he ba d+hA ki nI d+harma pA la sa pa ri wA ra badz+ra sa mA dzaH__dzaHhU~M ba~M hoH__mchod gtor ye shes bdud rtsi'i rang bzhin/__'dod yon rgya mtsho'i sprin phung 'phro ba dgyes bzhin tu rol par bsams la/__oM AHhU~M badz+ra gu ru d+he ba dz+nyA na karma lo ka d+hA ka d+hA ki nI shrI badz+ra d+harma pA la sa pa ri wA ra na mas+sarba ta thA ga te b+h+yo bi shwa mu khe b+h+yaHsarba thA khaM ut+ga te s+pha ra Na i maM ga ga na khaM gr-ih+Ne daM ba l+yA di swA hA/__lan gsum/__oM badz+ra ar+g+haM pA d+yaM puSh+pe d+hU pe A lo ke gan+d+he nai wi d+yA shab+da pra tI ts+tsha swA hA sa mchod/__hU~M hrIH__bla ma mchog gsum yi dam zhi khro'i tshogs/__/ting 'dzin dgyes rgu'i 'dod yon 'di bzhes la/__/bdag cag dpon slob yon mchod 'khor bcas kyi/__/sngon las 'phral rkyen sun ma zlog tu gsol/__/dbyings kyi yum chen lhan skyes d+hA ki'i tshogs/__/'od gsal rgyan gyi 'dod yon 'di bzhes la/__/bdag cag dpon slob yon mchod 'khor bcas kyi/__/ye shes mkha' 'gro'i sun ma zlog tu gsol/_/gang 'dul der snang zhing skyes pho nya'i tshogs/__/bde stong rol pa'i 'dod yon 'di bzhes la/_/bdag cag dpon slob yon mchod 'khor bcas kyi/__/las kyi mkha' 'gro'i sun ma zlog tu gsol/__/legs nyes stangs 'dzin phra men gnas nyul tshogs/__/longs spyod char 'bebs 'dod yon 'di bzhes la/__/bdag cag dpon slob yon mchod 'khor bcas kyi/__/'jig rten mkha' 'gro'i sun ma zlog tu gsol/__/rdo rje'i chos srung sde brgyad dregs pa'i tshogs/__/dgra bgegs sha khrag 'dod yon 'di bzhes la/__/bdag cag dpon slob yon mchod 'khor bcas kyi/__/sa gsum 'byung po'i sun ma zlog tu gsol/__/dbyings las rang shar ye shes 'jig rten mgron/__/mthun rdzas 'dod yon rgya mtsho'i tshogs la rol/_/dgyes pa'i dpal skyed thugs rje'i shugs phyung la/__/tshe bsod dpal 'byor rgyas pa'i dngos grub stsol/__/ces phrin las gsol/__tshar grangs byed na/__mchod gtor kha gso zhing brlab/__gtor 'bul dang /__mchod pa/__phrin las gsol ba bcas la grangs gzung /__mthar phud dang gtor ma gshegs la/__hU~M hrIH__rtsa gsum chos srung rgya mtsho 'khor bcas kyis/__/bdag cag yon mchod phyi nang gsang ba yi/__/bar chad kun sol mthun rkyen legs tshogs spel/__/bsam don yid bzhin 'grub pa'i phrin las mdzod/__/badz+ra muH__sarba karma lo ka d+hA ki nI sa pa ri wA ra gats+tshaHsa mgron rnams rang bzhin gyi gnas su gshegs par bsams la shis pa brjod pas bde legs su bya'o/__/zhes pa'ang mtsho skyes bla ma dgyes pa'i 'bangs kyis tshig gi phreng ba nyung ngu la/__don gyi gnad gsang grub pa mchog gi zhal lung la sbyar te bris pa dge legs 'phel//__//sarba dA su shre yo bi dza yan+tu//__// [�]